رواية غرام اليوسف الفصل الأول 1 بقلم هبة الله
رواية غرام اليوسف الجزء الأول
رواية غرام اليوسف البارت الأول
رواية غرام اليوسف الحلقة الأولى
– بِس بِس
– ……..
– ياعم التقيل رد عليا مش كدا
– عايزه إيه يا غرام
-رمضان كريم يباشا
– الله اكرم ,ها إيه تاني؟
– بطل برود يا يوسف بقالي ساعه بصالح في اهلك
– اهلي؟!
– قصدي حضرتك
– ……..
– طب اسفه طااااه
– آسفه على إيه؟ على إنك نزلتي في وقت متأخر منغير ماتعرفيني ؟ ولا إنك كنتِ مع المعفن ابن خالتك اللي انا مش بطيق امه؟
بقولك ايه يا غرام اعملي اللي انتِ عايزاه وفكك مني
– والله انت فاهم غلط انا كنت نازله اجيب فول للسحور وقابلته في سكتي وصمم إنه يوصلني
– ……………
– خلاص بقا
بصلي بطرف عينه وسكت وبعدين بقا في كرامتي اللي بقت شبه سجادة امي دي
– يوسف
– امشي دلوقتي يا غرام نتكلم بعد الفطار
خرجت وسيبته يوسف اما بيتعصب مش بيحب حد يبقا معاه عشان ممكن يطلع عصبيته عليه وبذات انا دايماً كان يقولي “لما تلاقيني زعلان أو متعصب سيبيني لوحدي وانا ههدى لوحدي عشان بخاف اطلع عصبيتي عليكي”
يوسف يبقا خطيبي او بمعني اصح مكتوب كتابنا كان الدكتور بتاعي في الكليه أُعجب بيا وجه خطبني انا شايفاها جواز صالونات وطبعاً وافقت عليه عشان مناسب بقالنا سنه مع بعض هو اصر على بابا نكتب الكتاب واشترى الشقه اللي فوقينا ومن بعدها وبقا بيتنا بيته ومامته مقيمه عندنا
𝑏𝑜𝑏𝑏𝑎هبه الله حماد
دخلت البيت وقفلت الباب لقيت ماما بتقور بتنجان استغفر الله العظيم وبعدين بقا في الامهات دي كل يوم محشي!
– تعالي يا بت قوري معايا
– ماما انت مش بتزهقي من المحشي
– لأ
– بس احنا زهقنا
– مش مهم
– والله انتِ أم رجوله ، شوفي بقا مين هيقور معاكي انا داخله اصلي الضهر
– خدي هنا يابت انتِ مزعله يوسف ليه؟
– والله ياست الكل يوسف دا كئيب بيزعل من اقل حاجه تخيلي زعلان عشان كريم ابن اختك حبيبتك وصلني امبارح وانا بجيب سحور
– متأكدة إنه دا اللي حصل؟
– ااااه طبعاً
– يعني مخلتيش كريم بيتكلم في التليفون وخطفتي تليفونه وجريتي زي الهبله وهو جري وراكي وفرجتو عليكو الشارع؟
– محصلش
– ولا اشتريتو سلك وصواريخ وقعدتو تلعبو في الشارع انتِ وهو مع العيال؟
– محصلش
– بطلي الهبل اللي انتِ فيه دا انتِ مش صغيره يا غرام
بزهق- حاضر يماما
دخلت اوضتي وانا زهقانه ليه كله واقف في صف يوسف انا شايفه إني معملتش حاجه غلط فيها إيه لما ابن خالتي يوصلني ونقعد مع بعض ونهزر
انا وكريم متربيين سوا هو ابن خالتي قدي في السن مع بعض من الطفوله لحد ما خلصنا ثانوي بعدها سافر ياخد الكليه من برا ولسه راجع من 6 شهور
وكنت فاكره نفسي بحبه عشان 24 ساعه بشوفه بس اكتشفت إنه تعود ومشاعر أخوه بس علاقتنا مع بعض زي ماهي ضحك وهزار وهبل برضو عادي بس يوسف دايما بيغير منه ويحذرني منه محدش يقولي غيره اصل انا ويوسف ملحقناش عشان يحبني واللي انا مش فاهماه اهلي واقفين في صف يوسف
𝑏𝑜𝑏𝑏𝑎هبه الله حماد
– عندنا عزومه بكره اعملي حسابك عازمه يوسف واهله واخواتي
– حاضر يماما هحاول اصالحه تاني
– كدا كدا جاي ع السحور ابقي كلميه
– حاضر
انا ويوسف علاقتنا مريحه بنفهم بعض
بطبعي بميل للحاجات الهاديه،الصوت الواطي،المزيكا الرايقه اللي تسمعها وانت بتشرب شاي بنعناع،
والعلاقات الهاديه اللطيفه،
الناس اللي تفهمني من غير ماتكلم ، من نظره واحده في عنيهم تحس بالدفا كأن عنيهم بتحضنك وتطبطب عليك،
بس من ساعة ما كريم جه من السفر وهو ركبه عفريت بقا متحكم ممكن يصور قتيل لو شافني واقفه معاه .
– قومي افتحي تلاقيه يوسف جاي عشان يتسحر
– حاضر يماما
جيت افتح لقيت كريم في وشي
– مفاجأة مش كدا
بلعت ريقي وانا مرعوبه لا يوسف يجي دلوقتي دانا ملحقتش اصالحه
بخوف- ا ا اه طبعاً طبعاً اتفضل
– مالك كدا زي مايكون شوفتي هيركليز
– لا لا مفيش حاجه ادخل
– ازيك يا خالتو
بقرف- ازيك يا كريم وازي امك
– بخير يا خالتو انا جيت اتسحر معاكم
– تنور يا حبيبي في أي وقت
– تعالي يا غرام جبتلك بسبوسه دوقي كدا
لقيته فتح العلبه واخد حتة بسبوسه و بيحطها في بوقي فجأة العلبه وقعت من ايدي لما لقيت يوسف واقف وبيطلع شرار من عيونه
بخضه-يوسف……..
يتبع…
لقراءة الفصل التالي : اضغط هنا
الرواية كاملة اضغط على : (رواية غرام اليوسف)
