رواية غرام الفارس الفصل الثامن 8 بقلم فاطمة محمد
رواية غرام الفارس الجزء الثامن
رواية غرام الفارس البارت الثامن
رواية غرام الفارس الحلقة الثامنة
مر بعض الوقت و فارس ما زال يحاول تهدئه غرام لينجح في النهايه بتهدئتهاا باخبارها بان هذا مجرد حلم ليس اكثر فلا يوجد احد في الدوار يتجرء للدخول لغرفتها اثناء نومهاا
فارس بهدوء : يلا ادخلي غيري عشان ننزل نفطر
لتتذكر غرام بانه عليها ان تمثل المرض
غرام بتمثيل : لا يا فارس انا مش قادره انزل
لتتجهه ناحيه الفراش و تنام مره اخري ليمسكها فارس من ذراعيهاا و هو يقول
فارس : غرام هتنزلي تفطري و اطلعي نامي زي ما انتي عاوزه ماشي
غرام ووهي تكاد ترفض : بس انا
فارس و هو يشاور لها بيده حتي تصمت : مفيش بس يلا ادخلي غيري عشان ما تفطري تاخدي علاجك (اراد فارس ان ينزل غرام معه للافطار حتي لا تستلم للتعب فهو اراد ان تقاوم مرضهاا و تنزل معه )
………………………………………………………..
علي طاوله الافطار
كان الجميع يجلس لتناول فطوره ما عدا غرام و فارس
و كان مراد يشتعل من نيران الغيره و الغل
Flashback………
خرج مراد من غرفته في الصباح الباكر و ظل يتلفت و ينظر حوله حتي يتاكد من خلو الطريق و عندما تأكد اقترب من غرفه غرام و قام بفتحهاا مثلما يفعل كل يوم و دخل الغرفه و اغلق الباب خلفه و عندما اقترب من سرير غرام ليتاملها اثناء نومها مثل كل ليله تفاجئ من وجود فارس بجانبهاا فهو لم يلاحظه الا عندما اقترب بسبب قله الاضاءه المتواجده بالغرفه و لتعوده انها بمفردها كل ليله و بمجرد روئيته لفارس بجانبهاا اشتعلت نيران الغيره بقلبه و ظل ينظر لفارس بغضب و يتكأ علي اسنانه من شده الغيظ و عندما لاحظ حركه غرام خاف ان تستيقظ و تجده بالغرفه فقام بالتحرك تجاه الباب و خرج من الغرفه و قفل الباب خلفه و نزل للاسفل و هو يتوعد لفارس فهو يري بأن غرام ملك له فهو من رأها و حبهاا اولا
Back……..
ظل يتناول طعامه بغيظ و غل مما رائه بعينيه
ليرفع راسه عندما سمع صوت فارس ليجدها بجانبه
فارس : صباح الخير
الجميع : صباح التور
نبيل : تعال يا ولدي اجعد افطر انت و مرتك
ليبتسم فارس له و ينظر لغرام ليمسمها من ذراعيها و يجلسها بجانبه مكان فرح ففرح لم تستيقظ بعد
لتنظر له غرام برفض فهي تعلم بان هذا مكان فرح
وفاء و هي تنظر لهم بغضب : ده مكان فرح ازاي عاوز تجعدها مكان بنتي
نبيل بحده : وفاء مش عاوز اسمع صوت و بعدين هي فين بنتك اصلا لما تبجاا تنزل
غرام بتأيد لكلام وفاء : لا طبعا مينفعش اقعد مكانهاا انا هقعد في مكاني
و كانت تذهب لتجلس علي الكرسي المقابل لمراد
ليجذبها فارس من ذراعها :و انا قولت هتقعدي هنا
ليحرك الكرسي من مكانه حتي تجلس و بالفعل جلست غرام مكان فرح
و اكمل الجميع تناول فطورهم بسلام حتي نزلت فرح من غرفتها
فرح و هي تلاحظ جلوس غرام في مكانها بجانب فارس : صباح الخير
الجميع : صباح النور
وفاء : ابجي انزلي بدري يا فرح بعد اجده لاحسن بالشكل ده مكانك هيتاخد كل يوم
فرح و هي تحاول ان تخفي غيظها و غضبهاا : عادي يا ماما محصلش حاجه و بعدين غرام برضو مراته
لينظر لها نبيل بفرح ظنا بانهاا تنفذ ما طلبه منه و لكنه لا يعلم حتي الان بان فرح تبحث عن فرصه للتخلص من غرام
فجلست مكانها لتتناول طعام الافطار و اثناء تناولها الطعام جاءت عينيهاا علي مراد لتلاحظ نظراته لغرام و مراقبته لهاا لتنظر لاميمه لتجدهاا شارده لتبتسم فرح بخبث فها قد علمت كيف ستتخلص من غرام
بعد الانتهاء من تناول الطعام جلس نبيل مع مصطفي و احمد و فارس ليتحدثون في شئون العمل و كيف يسير
و بعد ان انتهوا تحدث نبيل لولده احمد
نبيل : بجولك يا ولدي في عريس متجدم لبنتك شهد
احمد : مين يا بوي
نبيل : اسر الهلالي
فارس : هو رجع امتي
نبيل : لسه يا ولدي مرجعش
فارس : اومال طلب شهد ازاي
نبيل : مش هو يا والدي اللي طلبها جده هو اللي عاوز يناسبنا و انا في الحجيجه حابب اناسب عايله الهلالي
احمد : يعني اسر ده مسافر و ميعرفش انه جده طلبله شهد.
نبيل : ابوه هيجولوا لما يجي من السفر
مصطفي : مش ده الحفيد الكبير للهلالي اللي كان مسافر يتعلم بره
فارس : كان بيعمل دكتوراه يا بوي
احمد : انا مش موافج يا بوي علي الجوازه دي
نبيل : ليه يا ولدي
احمد : ده دماغه مفتحه و متعلم تعليم عالي يا بوي تفتكر هيوافق انه يجوز بالطريقه دي
ليصمت نبيل
ليكمل احمد : انا مش هستني لما يرفض بنتي جول للهلالي ان احنا مش موافجين يا بوي
مصطفي : احمد معاه حج يا بوي
فارس بموافقه : ايوه يا جدي انا عارف اسر كويس هو استحاله يوافج يجوز بالطريقه دي
نبيل باستسلام : خلاص اللي انت شايفينه اعملوه
………………………………………………………..
كانت فرح تصعد لغرفتها لتقابل مراد و هي في طريقها ناحيه الغرفه لتبتسم له ليتجاهلها مراد
لتقول له
فرح : حلوه غرام مش كده
ليقف مراد و هو يلتفت لهاا و يعقد حاجبيه
مراد : نعم
فرح و هي تعيد سؤالها : بقولك حلو غرام مش كده
مراد : لا مش فاهم عاوز ايه يعني و بعدين انا مالي حلوه و لا مش حلوه
فرح و هي تتحدث بصوت كفحيح الافاعي : اصلك مشلتش عينك من عليها طول الفطار و بعدين انا عاوزاك تاخد بالك بعد كده المره دي انا اللي شوفتك افرض المره الجايه شافتك اميمه و لا افرض فارس هو اللي شافك هيبقاا وضعك بقاا
مراد و هو يقترب منها بخبث : انتي عاوزه ايه يا فرح
فرح : انا عاوزه فارس ليا لوحدي يا مراد و عاوزه اخلص من غرام
مراد : و انا مطلوب مني ايه بقاا
فرح : انا فهماك يا مراد نظراتك لغرام فضحاك و عارفه انك عاوز غرام عشان كداا انا هساعدك عشان تاخد غرام من فارس ودفي نفس الوقت عاوزاك تساعدني عشان فارس يبقاا ليا لوحدي
………………………………………………………..
بعد ان انتهي الاجتماع مع نبيل صعد فارس لغرفه غرام حتي يطمئن عليهاا
فتح الباب بهدوء و دخل الغرفه ليجدها نائمه ليقترب منها و يضع يده علي جبينها ليتاكد من عدم ارتفاع حرارتها مره اخري و بالفعل لم يجد حراره فتنهد براحه و نزل لمستواها و قبلها من جبينهاا و هو يهمس : انا مش عارفه انتي عملتي فيا ايه
ليرفع نفسه مره اخري و ظل يتاملها عده قواني و بعدها خرج من الغرفه بهدوء ليجد فرح خارجه من غرفتها لتقترب منه و تعانقه من رقبته
فرح : حبيبي انت هتبات عندي انهارده صح
فارس و هو يزيح ذراعيها : فرح جولتلك قبل كدا اني مش بحب كداا
فرح و هي تمثل الزعل : طب خلتص حقك عليا ممكن بقا تنام عندي انهارده كفايه اوي انك نمت عندها امبارح
فارس : هشوف يا فرح لو غرام فضلت تعبانه هبات عندها لو بجت كويسه هبات عندك
فرح بابتسامه مصطنعه : ماشي يا حبيبي
ليتركها فارس و يغادر من امامها لتختفي ابتامتها و تدخل غرفه غرام لتجدها نائمه فظلت تنظر حولها تبحث عن شئ ما حتي وجدت ضالتهاا حيث قام بامساك ابريق الماء المتواجد بالغرفه و قام بسكبه علي غرام اثناء نومهاا
لتشهق غرام و تقوم بفزع : ايه ده في ايه
فرح بضحكه مستفزه : ابدا اصلي حبيت اتكلم معاكي شويه و لقيتك نايمه فقولت لازما و لا بد اني اصحيكي
غرام بغضب : انتي اتجننتي في حد يصحي حد كداا انتي اكيد مجنونه
لتقوم فرح بصفعها علي وجهه : عارفه يا حلوه لو فكرتي تطولي لسانك الحلو ده عليا تاني هعمل فيكي ايه
لتنظر لهاا غرام بغضب : عارفه انتي لو مديتي ايدك عليا تاني انتي اللي هيحصل فيكي ايه
لتضحك فرح بسخريه : لا مش عارفه عارفيني كده يا حلوه
غرام : تخيلي كدا لو فارس عرف انك دخلتي بتصحيني بابريق المايه هيعمل فيكي ايه لا و فوق كل ده بتبجحي و بتضربيني
لتغتاظ فرح منها فهي تهددها باخبار فارس عن افعالها معهاا
فرح : و هي تجذبها من شعرهاا : انتي بتهدديني يا و***
لتقوم غرام بدفعها بعيدا عنها و هي تقول لها : لا يا فرح انا مش بهدد و هقول لفارس علي اللي بتعمليه معايا ده
لتتجهه غرام ناحيه الباب و تقوم بفتح الباب : اطلعي بره اوضتي و مش عاوزه اشوف بتدخلي اوضتي هنا تاني
فرح بسخريه : اوضتك انتي صدقتي نفسك يا بت و لا ايه اوعي تكوني فاكره انك مرات فارس بجد تبقي اتجننتي
غرام : انا هوريكي انا مراته بجد و لا لا ازاي و يلا بقاا اطلغي بره
لتنظر لها فرح بغضب جحيمي فمن الواضح ان غرام لن تسكت عما حدث معهاا اليوم و ستخبر فارس عما فعلته معهاا اذا فلتسبقهاا و تعكس الحقائق امام فارس
………………………………………………………..
في المساء
وصل فارس الدوار فصعد لغرفته حتي يتحمم و يبدل ملابسه و بمجرد ان دخل الغرفه وجد فرح تبكي بشده
فارس باستغراب : مالك يا فرح
فرح و هي تمسحها دموعها و تتجه ناحيته و ترتمي باحضانه : فارس شوفت يا فارس غرام عملت فيا ايه
فارس و هو يخرجها من احضانه : عملتلك ايه
فرح ببكاء حاد : بعد ما انت روحت الشغل دخلت اوضتي و لسه بقفل الباب لقيت اللي بتزق الباب و بتدخل بالعافيه لقيتها غرام باقولي انها سمعتني و انا بكلم معاك هشان تبات عندي انهارده و قعدت تقولي هو انتي فاكره انه لسه جوزك لوحدك لا فوقي فارس جوزي انا كمان و قعدت تهددني اني لو مخلتكش تبات عندها انهارده هتتبلي عليا و تقولك اني انا ضربتهاا
لتنظر لفارس بعينيه فتجده ينظر لهاا بغموض
فرح و هي تبتلع ريقها : فارس هو انت مش مصدقني و لا ايه
فارس بهدوء : لا ازاي طبعا مصدقك بس زي ما سمعت منك لازم اسمع من غرام
فرح : منا قولتلك هتتبلي عليا يا فارس و هتقولك كلام محصلش
ليخرج فارس من الغرفه و هو يقول : تعالي روايا يا فرح
ليطرق باب غرفه غرام لتفتح غرام الباب لتجد امامها فارس و فرح
غرام : خير يا فارس
فارس و هو يدخل الغرفه و خلفه فرح و بعدها يغلق الباب
فارس لغرام : احكي يا غرام علي اللي حصل انا سمعت فرح و عاوز اسمعك انتي كمان
لتنظر غرام لفرح لتفهم من ملامحها المتوتره بانهاا كذبت عليه لتنظر لفارس مره اخري و تقص عليه ما حدث بالتفصيل و لم تكذب في شئ عدا قولها بانها ستريها اذا كان فارس زوجها ام لا
فارس : طيب اولا كل واحده فيكو بتقول كلام غير التانيه عشان كده الموضوع ده انا هعتبره محصلش و انتو هتنسوه
لتنظر كلا من فرح و غرام لبعضهم البعض و تلزمان الصمت
ليكمل فارس : ثانيا كل يوم هنام عند واحده فيكو لينظر لغرام انا نمت امبارح عندك فانهارده يوم فرح
لتؤما له غرام
لينهض فارس و هو يحدث فرح : يلا يا فرح
فرح و هي تنظر لغرام بشماته : يلا يا حبيبي
………………………………………………………..
بعد منتصف الليل
كانت غرام علي سريرها تحاول النوم فهي لا تعلم لما تشعر بنيران في قلبها لذهاب فارس مع فرح و تواجده الان في غرفتها و معهاا
في نفس الوقت نهض مراد من جانب اميمه بهدوء و حرص علي عدم اصدار اي صوت و تحرك لخارج الغرفه و ظل ينظر حوله لتتاكد من عدم وجود احد فدخل غرفه غرام
سمعت غرام صوت باب الغرفه يفتح لتغلق عينيهاا فما كانت تظنه حلم كان حقيقه فهناك شخص معها بالغرفه فظلت تفكر و هي مغلقه عينيها فهي تريد من هذا الشخص الاقتراب حتي تعلم هويته و بالفعل ظل مراد يقترب من السرير حتي اصبح امامهاا ليمد يده و يملس علي وجهها لتشعر غرام بملمس يد رجولي ففتحت عينيها ظناً بانه فارس لتتفاجئ بمراد امامهاا
غرام بصدمه و هي تشد الغطا عليها : انت بتعمل ايه هناا
مراد بتوتر فهو تفأجئ من استيقظهاا ليضع يده علي فمهاا : هششش
غرام و هي تنزع يديه : انت بتعمل ايه هنا انطق
لتسكت قليلا
غرام : هو انت اللي بتدخل هنا كل يوم مش كده
لينظر لها مراد و يصمت
لتقوم غرام بضربه علي صدره : رد عليا انت مش كداا
مراد و هو يدفعها للحائط و يحاصرهاا : ايوه انا يا غرام انا اللي بحبك من اول مره شوفتك فيهاا انا اللي بعشقك انتي المفروض تبقي مراتي انا مش مراته هو اول ما فارس صفي الشركه اللي انت كنت ماسكه في القاهره فرحت عشان هرجع و هشوفك و هوقدملك و هتبقي ملكي بس في نفس اليوم عرفت انك مرات فارس
غرام بصدمه : انت بتقول ايه
مراد : كنت جاي اجازه هنا من ٣ سنين و كنت سايق العربيه جالي تليفون مهم من عميل وقفت العربيه عشان اعرف اكلم معاه فجأه لمحت بنت كانت قاعده علي الارض الزراعيه فضلت طول المكالمه سرحان فيها و في برائتها اللي مشفتش زيها بعديهاا قامت البنت و قعدت تتلفت حوليها خايفه لحد يشوفهاا و فضلت تمشي ساعتها نزلت من العربيه و فضلت ماشي وراها عاوز اعرف مين دي حسيت اني مكنتش عاوز اضيعك من ايدي و فعلا عرفت مكان بيتك و عرفت كل حاجه عنك و عن معامله عمك ليكي بس مكنش ينفع اتقدملك عشان عارف ان عمك طماع و كان هيرفضني و كنت مستني الوقت المناسب ليكمل بغيظ بس فارس سبقني و خدك مني زي ما علي طول سبقني حتي انتي خدك مني خد البني ادمه الوحيده اللي حبيتهاا
غرام و هي تدفعه : انت اكيد مجنون اطلع بره يا مراد و متدخلش الاوضه دي تاني عشان لو دخلتها هقول لفارس و هقول للكل اللي في الدوار
مراد بسخريه : طب لو عرفتي تقوليلو قوليله انا مش همنعك و دي مش اخر مره يا غرام و هفضل اجيلك اشوف و انتي نايمه
ليخرج من الغرفه و يغلق الباب بهدوء و يدخل غرفته ليتفاجئ باميمه مستيقظه و تقول له
اميمه : كنت بتعمل ايه في اوضه غرام يا مراد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غرام الفارس)
