رواية غرام العشق الفصل الأول 1 بقلم شيماء ناصر
رواية غرام العشق الجزء الأول
رواية غرام العشق البارت الأول
رواية غرام العشق الحلقة الأولى
كل شيء قسمه ونصيب
نزل كلامه عليها كسر قلبها=كنت عارفه انك هتقول كده مستحيل تكمل معايا بعد ما عملت حادثه وخسرت نظري بس كان عندي امل ولو بسيط انك بتحبني ومش هتتخلا عني
مراد ببرود:ومين قال اني مش بحبك لا طبعاً بحبك بس بحبك زي اختي مش شايفك خطيبتي ولا فيما بعد مراتي عشان كده مش حابب اكمل في الخطوبه دي وحبيت اقولك الاول قبل ما اخرج اقعد مع ابوكي وان شاءلله ربنا يرزوقك بالاحسن….. وسبها وخرج بقولك ياعمي عاوزك في كلمتين
جاسر: اتفضل يابني احكيلي
مراد: عايز شبكتي
جاسر بعدم فهم: حصل اي انتو اتخنقتو
مراد: ربنا ما يجيب مشاكل انا مبقتش حابب اكمل وكل شئ في الاول والاخر نصيب ياعمي
دعاء فهمت الي بيحاول مراد يقوله: معاك حق يابني كل شيء قسمه ونصيب هروح اجبلك الشبكه
راحت دعاء لي عشق وشافتها بتعيط راحت وحضنتها: اهدي ياحببتي
عشق ببكاء:كلامه حسسني اني منبوذه ومحدش هيتقبلني في حياته ياماما
دعاء بزعل: لا متقوليش كده انتي قمر وان شاءلله هيجي الاحسن وهتشوفي وكويس ان كل حاجه هتخلص احنا الي مش عوزينه
عشق خرجت من حضنها وقلعت الدبله والمحبس والغوايش الي في اديها والسلسله: خدي ياماما ادهومله
دعاء خدتهم منها وقلبها بيتقطع من الزعل علي حالة بنتها
جاسر فهم الي حصل: معاك حق انا برضو كنت بفكر في الموضوع ده كويس انك اتكلمت فيه وشايف ان بنتي تستاهل احسن منك
جت دعاء ومعاها علبه الشبكه والهدايا واي حاجه كان جايبها لي عشق: اتفضل يابني
مراد: شكرا عن اذنكو……
عشق قامت من البلكونه وفضلت تحسس علي الحيطان لحد ما راحت اوضتها وقفلت الباب
دعاء سمعت صوت قفل الباب وراحت بسرعه ليها: حببتي انتي كويسه
عشق قعده علي الارض وبتبكي بحرقه ضمت رجلها وحاوطت نفسها:كنت مراهنه عليك يامراد انك اول واحد هتقف جنبي بس انت اثبتلي ان الحب ده كان ضعيف جدا وهش انت محبتنيش
دعاء: عشق افتحيلي الباب
جاسر: سبيها تقعد لوحدها
جه اسلام: سلام عليكم
جاسر: وعليكم السلام
اسلام باستغراب: مالكو في اي؟؟؟ زعلانين كده لي وفين مراد هو مشي ولا اي
دعاء: مراد مش هيجي تاني يابني
اسلام: لي كده
جاسر: جه فسخ الخطوبه وخد شبكته ومشي
اسلام بغضب:اي العبط ده ويسيب عشق بدل ما يقف جنبها مراد عمل كده لي
جاسر بعصبيه:عشان هو بني ادم متخلف يسيب بنتي بعد الي حصلها ده يبق بني ادام غبي واسمه ده ميتقالش في البيت تاني وعشق احنا هنقف جنبها…
اسلام: انا جاي تاني مش هتاخر
دعاء: رايح فين اااسلامم
خرج اسلام وركب عربيتة وراح لي اقرب محل حلويات وجاب جاتوه وغزل البنات وجاب فشار ورجع البيت
عشق كانت غسلت وشها وقعده علي السرير
دعاء: حبيبتي اجبلك تتعشي
عشق: لا ياماما مليش نفس انا هنام
دعاء محبتش تغصب عليها اكتر طيب ياحبيبتي لو عوزتي حاجه اندهيلي
عشق اكتفت بانها تحرك راسها
خرجت دعاء وشافت اسلام بيحط الجاتوه والشوكلاته والحاجات الي معاه
دعاء: اي يابني ده كله انت ناوي تفتح محل بكل ده ولا اي
اسلام: لا ياخالتي كل ده لي عشق
دعاء: طب يلا روح
وقف جنب اوضة عشق: احمم اي رايك ياخالتي في الفشار جميل
دعاء: لا بس الشوكلاته تحفه
عشق مسحت دموعها وضحكت غصب عنها عشان عارفه هما بيعملو اي حطت طرحه علي شعرها وقامت نحيت الباب وفتحته
اسلام بزعل: كده برضو متشركنيش وجعك انا بق مش هديكي الغشار
عشق بضحك: انت اصلا جايبه ليا هاتوه
وحاولو علي قد ما يقدرو يخرجهوها من حالة الزعل الي مسيطره عليها عند مراد الي دخل بيته
عاصم:اي الي عملته ده
مراد: انت عرفت منين يابابا
عاصم: جاسر قالي كل حاجه انت غبي ولا بتسهبل اي الي خلاك تعمل كده
مراد: انا مش عايزها اتجوز واحده عمياء لي
عاصم بزعيق: وعلشان هي عمياء تسبها يامتخلف كده الدنيا اتسهلت علينا وكنا خدنا نصبها في الشركه بكل سهوله ومكنش حد عرف لي بتتصرف من دماغك من غير ما ترجعلي
مراد: يووه بق انا اصلا مش بطقها وانت الي خطبتهالي غصب عني
عاصم: وهترجعلها تانى وعارف لو المرادي مشيت وراء تصرفاتك الطايشه دي مش هيحصلك كويس وسابه ومشي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام العشق)
