رواية عيون القطط الفصل الثاني 2 بقلم زهرة الحياة
رواية عيون القطط الجزء الثاني
رواية عيون القطط البارت الثاني
رواية عيون القطط الحلقة الثانية
” ها يابني مافيش حاجة جاية في الطريق ‘ أنت متجوز من خمس شهور ” .
” ربنا يسهل ياأمي”
” يعني ايه ربنا يسهل ‘ لو السنيورة اللي اتجوزتها مش هتعرف تجيب ‘ أجيبلك واحدة غيرها ‘ تملي البيت عيال ” .
” لا إله إلا الله ‘ مش هنخلص من حوار ده ‘ أمي أنا مش هتجوز علي ” سامية ” مهما حصل ‘ حتي لو ربنا مأردش أننا نخلف ‘ أنا راضي ” .
” وأنا مش راضية ” ياحازم ” ‘ وقدامك شهر لو السنيورة مسمعتش أنها حامل ‘ هتتجوز غيرها ‘ ولو متجوزتش هغضب عليك دنيا وآخرة ‘ مش أنت اللي اتجوزتها ‘ عند فينا كلنا ” .
” عند ايه ياأمي ‘ ده أنا بحبها بحبها فيها ايه ‘ هو الحب حرام ” .
” لا مش حرام ياعين أمك ‘ وبردوا ربنا محلل الجواز من اكتر من واحدة ‘ ولا ايه ” .
” خلاص ياأمي هنروح للدكتور ‘ وهنشوف المشكلة من ايه ؟؟ ومن مين ؟؟؟!؟!!! .
” قصدك في ايه في مين ‘ لا ياعنيا سيبك من كلام الدكاترة ده انت سليم ‘ ومفكش حاجة ‘ الصفرا اللي جوه دي هي اللي معيوبة .
” بس كفاية خلاص ‘ لحد كده وبس ‘ أمي أنا بتكلم بهدوء علشان مينفعش أتكلم معاكي بأسلوب وحش ‘ بس دي مراتي اللي يهنها يبقي بيهني أنا كمان ‘ والموضوع أتقفل ‘ جواز مش هتجوز واللي عندك اعمليه ” .
أم ” حازم ” خرجت من المنزل وهي غاضبة .
جلس ” حازم ” وهو يقول ” لا حول ولا قوة إلا بالله العلي العظيم ‘ ارزقنا يارب الذرية الصالحة .
بعد دقايق انتبه ” حازم ” لصوت ” سامية ” التي تكتم صوت بكائها في الغرفة حتي لا يسمعها ‘ دخل ” حازم ” الغرفة بهدوء فلم تنتبه ” سامية ” أنتبهت فقط عندما وجدته يعانقها ‘ ويقول مفيش حاجة تستاهل الدموع دي ‘ نصيب ومكتوب ‘ ومحدش يقدر يتحكم في كده ‘ لو لينا رزق هناخده ‘ وليه بتعيطي بكرة نروح للدكتور ‘ ونعرف في ايه ماشي ….
هزت ” سامية ” رأسها موافقة وظلت تبكي بين ذراعي ” حازم ” .
___$$$___________________$$$$$$$$$$$_____
❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥 ❤️🔥❤️🔥❤️🔥❤️🔥❤️🔥❤️🔥❤️🔥❤️🔥
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية عيون القطط)
