رواية عيب الشوم الفصل السابع والعشرون 27 بقلم مريم أحمد
رواية عيب الشوم الجزء السابع والعشرون
رواية عيب الشوم البارت السابع والعشرون
رواية عيب الشوم الحلقة السابعة والعشرون
._هـــمـــسسسس
قالها مالك بغضب كبير و هو ف فيلا عادل الشناوي
اتعصب اكتر لما ملقهاش بترد ولا حد جيه اصلا
ف اتكلم مالك بعصبيه اكبر و هو بيقول
مالك…انــتــي يــا هــمـــسسسس
._فيييي اييييه صووتك عالييي كدا لييييه
كان دا رد رانيا الي اتكلمت بغضب هي كمان بعد م راحتله هي و همس الي كان باين ف نظرات عيونها الخوف
صرخت همس بألم لما لاقت مالك قبض على ايديها بغضب و كأنه قبض على ايديها بحديد
اتكلم بغضب عارم و هو بيقول
مالك….بتسمحيييي لنفسك تخرجي من البيت بدووون اذنيييي
شدتها رانيا و هي بتقول لـ مالك بقوه و حده
رانيا…اياك تضربها ولا صوتك يعلى عليها ساااامع
كانت تعابير الاستغراب هي الي مرسومه على وشه
كملت رانيا كلامها بغضب و هي بتقول
رانيا…اييييه فاكر امها ماتت عشان تزعقلها و تهينها ولا ايييه
ابتسم بسخريه و قال
مالك…طب مادام امها رجعت تحب بنتها تاني ابقي علميها ان مينفعش تهرب من البيت من غير حتى م تقول لأبوها
اتنهدت رانيا بضيق لأنها فعلا اتكلمت مع همس و قالتله
رانيا…عرفتها بس لو تعرف هي هربت ليه زي م بتقول هترجع الصعيد تتطربق البيت كله
بص بإستغراب لـ همس الي كانت بتعيط و قال
مالك…حصل ايه انطقي مين الي ضايقك
مسحت همس دموعها و اتكلمت بحده و غضب و هي بتقول
همس…و انت مااالك اصلا هو انت ايييه تزعقلي وقت م تحب و تتعصب عليا و ف الاخر تقولي ايه الي حصل انت مجنوووون؟؟؟
كور ايده و هو بيحاول يتحكم ف غضبه عشان ميضربهاش و قبل م يوجه كلامه لـ رانيا بإنها تربيها و تعرفها ازاي تتكلم معاه بأدب لقى رانيا بتقولها بكل غضب
رانيا…انا مش قولتلك تسكتييي و بعدين لما تيجي تتكلمي يبقى تتكلمي معاه بأدب سامعه يا همس
سكتت همس و هي مضايقه من مالك
و رانيا الي عادت سؤالها تاني و هي بتقول
رانيا…سمعتي..؟؟
اتكلمت همس بضيق و هي بتقول
همس…هو ديما كدا انا زهقت
بصتلها رانيا بحده و همس سكتت خالص
عاد مالك سؤاله تاني بس المره دي وجه كلامه لـ رانيا و هو بيقول
مالك…ايه الي حصل
اتكلمت رانيا بهدوء عكس عصبيتها من شويه و قالت
رانيا…تعالوا نقعد ف الصالون
هز مالك راسه و راحوا للصالون بعد م رانيا قالت للخدامه تعمل قهوه لـ مالك
قال مالك لـ همس بحده خفيفه
مالك…اتفضلي احكيلي
بس هي مردتش عليه و بصت للناحيه التانيه و تجاهلت كلامه
بص مالك لـ رانيا بضيق من همس و رانيا قالتلها
رانيا…همس
بس همس مردتش اصلا و فضلت باصه للشباك
زي م هي ف عادت رانيا كلامها تاني بحده اكبر و هي بتقول
رانيا…بتتتت
بصتلها همس و قالتلها بهدوء
همس…نعم
رانيا…لما نكلمك تردي علينا عدل مش تتجاهلينا
سكتت همس و متكلمتش
و مالك الي قال و هو بيحاول يوصلها انه بيتجاهلها عشان تتكلم
مالك…طب لما تحبي تتكلمي بقى ابقي اتكلمي
و خد تليفونه و مفاتيح عربيته و كان هيقوم
راحت همس قالت لأمها بغضب
همس…شااايفه بيتجاهلني ازاااي يا ماماااا
صرخت رانيا باستغراب و هي بتقول
رانيا …م انتي الي غريييييبه!!!!!
همس…انا الي غريبه ولا هو الي معندوش دم
مالك…متشكر يا محترمه
قالها بضيق منها و رانيا قالتلها بتحذير
رانيا …اخر مره يا همس هقولهالك يا تتكلمي عدل يا متتكلميش و دلوقتي اعتذري
بصت همس لـ مالك و قالتله بضيق
همس…سوري
رانيا…قوليها عدل يا همس
اتنهدت همس بقلة حيله و قالت
همس…سوري
وجهت رانيا كلامها لمالك و هي بتقوله
رانيا…نعيمه زعقت لـ همس و اتخانقت معاها و همس طبعا مسكتتلهاش …ورد لما سمعت الدوشه و عرفت انهم بيتخانقوا اتعصبت و اضايقت عشان امها و عايرت همس بضرب مرتضى ليها زمان ف همس مشيت من البيت و جت هنا عشان كمان انا كنت قايلالها تيجي تقعد معانا و انا عارفه انها غلطت لما خرجت من البيت من غير اذنكوا و قولتلها ان دا مينفعش بس معلش هرجع و اقول انها كانت خايفه تقولكلوا و ترفضوا تجيبوها هنا
قالها مالك بتصحيح
مالك…احنا عمرنا م رفضنا اننا نجيبهالكوا هنا بالرغم من علمنا بمعاملتك السيئه ليها و انها كل مره ترجع معيطه بسبب زعيقك ليها
اتنهد رانيا بحزن و قالت و هي باصه لـ همس بأسف
رانيا…و انا اعتذرتلها عن كل دا و هي قبلت اعتذاري صح..؟
ابتسمتلها همس و هزت راسها كذا مره بمعنى ” ايوا ”
ابتسم مالك عشانها و قال
مالك…عشان بس فرحتها دي انا مش هتكلم معاها ولا هزعقلها ولا اي حاجه مع انها غلطانه بس مليش دعوه بقى بـ عمي و جدي
هزت همس راسها بحزن و قالتله
همس…لا انا فعلا غلطت و حقهم يزعلوا مني
مالك…طيب يلا عشان نروح عشان زمانهم قلقانين عليكي جدا
مسكت همس ايد امها و قالت
همس…لا انا مش عايزه اسيب ماما تاني
طبطبت رانيا على ايدها و قالتلها
رانيا…و انا كمان يا حبيبتي بس معلش روحي انهارده عشان تطمنيهم عليكي و ابقي تعالي بكره من الصبح بدري و بالمره نروح المستشفى لـ هيا على طول
كملت بابتسامه و فرحه و هي بتقول
رانيا…دا الدكتور قالتلي ان حالتها فيها تحسن و يمكن قربت تفوق من الغيبوبه
لمعت عيون همس بفرحه و هي بتقولها
همس…بجدددد!!!!
هزت رانيا راسها و قالتلها
رانيا…ايوا الحمدلله
حمدوا مالك و همس ربنا هما كمان و همس الي اتكلمت بتردد و قلق و هي بتقول لـ رانيا
همس…يعني انا لما اجي بكره مش هلاقيكي بتقوليلي اطلع بره و تزعقيلي …؟؟
زعلت رانيا جدا عشانها و قالتلها
رانيا…لا يا حبيبتي انا معرفش ازاي كنت بقولك كدا حقك عليا
ابتسمت همس بفرحه بس قطع كلامهم صوت تليفون مالك الي كان بيرن
قالتله همس بتساؤل
همس…مين ؟؟؟
رد عليها مالك و على وشه ملامح الانزعاج منها و هو بيقول
مالك…ابوكي
قلقت همس بس هزت راسها و قالتله
همس…طيب يلا نروح عشان ميقلقوش اكتر من كدا
هز مالك راسه و قاموا كلهم و رانيا الي قالت لمالك و هي بتوصيه
رانيا…قوله يا مالك انها كانت هنا لأنها كانت مضايقه من البيت و متخليش حد منهم يزعلها مش بس يخليها تعيط ..حاول متخليهومش يتعصبوا منها
هز مالك راسه ليها و هو بيقولها باحترام
مالك…حاضر
بصت رانيا لـ همس الي كان باين على وشها الحزن و قالت
رانيا…هبقى اكلمك ف التليفون يا حبيبتي ماشي
ابتسمت همس و قالتلها
همس…هستنى مكالمة حضرتك
و سلمت عليها و مشيوا اتنهدت رانيا و كانت زعلانه ان همس مشيت بس رجعت و قالت انها هتيجي الصبح
…استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
ف الصعيد
دخلوا موسى و مرتضى البيت بغضب و طبعا كل واحد مضايق لسبب مرتضى مضايق ان بنته خرجت من البيت بدون اذنه و موسى مضايق عشان هو متأكد ان همس مش هتخرج من البيت الا اذا حاجه حصلت ضايقتها جدا
كانوا كلهم متجمعين ف الصاله و على وش بعضهم ظاهر تعابير الفرحه و على وش البعض ظاهر تعابير الحزن و القلق
قال موسى بغضب
موسى…ايه الي حصل بالظبط
كانت ورد ساكته و مردتش كانت ندمانه على كلامها لـ همس و هي حرفيا نفسها ترجع و تعتذرلها
و نعيمه الي قالت بضيق
نعيمه…زي الطبيعي همس قليلة التربيه عليت صوتها عليا
زعق موسى بغضب و قالها
موسى…اياكي تقولي عليها قليلة الربايه تاني ساامعه
اضايقت نعيمه جدا و قالت بعصبيه
نعيمه…هو اي تهديد و خلاااص ولا ايييه هي لو كانت متربيه زين كانت علت صوتها على الي اكبر منيهااا
._زي م انتي اكده بتعلي صوتك على ابووووي!!!
جمله قالها متولي كأنها قلم نزل على وشها
اتصدمت جدا و قالتله بدهشه
نعيمه..قصدك اني قليلة الربايه يا متولي..؟
ابتسم متولي بسخريه و قال
متولي…دا الي انتي قولتيه مش اني انتي لسه قايله انها مش متربيه عشان علت صوتها على الي اكبر منيها و انت عملتي نفس الحاجه
سكتت نعيمه بزهول من رده الي كان قدام العيله كلها و موسى الي ابتسم بفخر و قال
موسى…تسلم يابني
رجع اتكلم تاني بحده و هو بيقول
موسى…احكي ايه الي حوصل
قالت نعيمه بكذب
نعيمه…شوفتها رايحه ناحية اوضة ورد و كان باين عليها انها متعصبه خوفت انها تضايق ورد ولا تزعلها بالكلام و قولتلها متتحدثش معاها
كان الكلام بيتردد ف ودان امال و هي على وشها الزهول من كذب نعيمه ف قالت بسرعه
امال…لا يا بوي الحديث مش اكده واصل كل الحكايه ان البت كانت في حاجه شاغله تفكيرها و ورد ساعة م همس كانت بتعملك القهوه قالتلها انها تيجي تحكيلها ايه الي مزعلها و البت فعلا كانت هتروح تحكيلها بس طبعا نعيمه فضلت تزعقلها و همس مغلطتش عشان نعيمه تعلي صوتها عليها و حتى لو ابوها عايش و موجود هو الي يزعقلها مش حد تاني واصل
كان موسى بيسمعلها و اول م خلصت كلام هز راسه بمعنى تمام و قال
موسى…و بعدين حوصل ايه تاني
كملت نعيمه و قالت
نعيمه…همس ردت عليها عشان تجيب حقها وقتها ورد خرجت من اوضتها و شافتهم و هما بيتخانقوا و اضايقت عشان امها و طبعا قالت لـ همس كلام زي السم على معاملة ابوها ليها زمان و ضربه ليها لما بتعلي صوتها على حد
بص مرتضى و موسى لـ ورد بغضب و ورد الي اول م شافت نظرات غضبهم منها بصت للأرض تاني بسرعه و خوف و قالت و هي الدموع ف عيونها بندم
ورد..مكنتش اقصد
و قبل م موسى ولا مرتضى يردوا عليها كان متولي هو الي رد و عو بيقول بكل عصبيه
متولي…ازااااي تسمحي لنفسك انك تقوليلهااا اكدههه
نزلت دموعها بخوف من عصبية ابوها و قالتله بصوت واطي من كتر خوفها
ورد…اسفه
وجه متولي كلامه لنعيمه و هو بيقول
متولي…بعد الي انا سمعته ديه لازم اخبرك ان ورد هي الي قليلة الربايه مش همس بالرغم من ان ورد امها موجوده معاها و هي الي مربياها لكن هقول ايه م هي امها اصلا بتعلي صوتها على الي اكبر منيها عمدة البلد كلتها
سكتت نعيمه من كلام متولي الي لتاني مره بيأكد انها قليلة الذوق
كمل متولي كلامه و هو بيقول بغضب
متولي…انا سكتلك كتير انتي و خناقاتك الي كل شويه تعمليها ف البيت يا نعيمه لكن لو عملتي اي مشكله تاني مش هسكلتلك فاااهمه
هزت نعيمه راسها بخوف و متولي قال
متولي…دلوقتي اعتذري لأبوي و اخوي
قالتلهم نعيمه بإحترام
نعيمه…انا اسفه..
سكت موسى و مرتضى قال لأبوه
مرتضى…هروح اتصل بمالك يا ابوي
هز موسى دماغه و متولي قال لأبوه بأسف
متولي…حقك عليا اني يا ابويا متزعلش
موسى…لو همس سامحتهم يبقى انا مسامح
هز متولي دماغه و قاله
متولي..تمام
…سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
في فيلا عادل الشناوي
كانت رانيا واقفه ف الجنينه و هي بترن على ساره و مستنيه ردها
بعد شويه جالها صوت ساره و هي بتقول
ساره …ازيك يا خالتو
اتقبض قلبها لما سمعت صوت خالتها الغاضب و هي بتقول بحده
رانيا…بلا ازيك بلا زفتتت
بالرغم من قلقها الا انها مثلت البراءه و هي بتقول
ساره…في ايه يا خالتو انا مش فاهمه حاجه انتي مضايقه مني ؟
ابتسمت رانيا بسخريه و قالتلها
رانيا…لا بريئه انتي يا ساره
ظهرت ساره ف صوتها الضيق و هي بتقول
ساره…ممكن تفهميني في ايه
قالتلها رانيا بحده و تهديد
رانيا…في انك لو فكرتي بس مجرد تفكير انك تزعلي همس ولا هيا يبقى انتي بتشتري عداوتي يا بنت اختي و مابالك بقى بـ رانيا الشناوي لما بتكرهه حد
خافت ساره من كمية التهديد الي سمعته ف صوت رانيا لأنها طبعا عارفاها و عارفه كرهها
ساره…انا مش فاهمه قصدك ايـ…
قاطعتها رانيا بحده و غضب لما قالت
رانيا…لاا انتي فاااهمه كويسس اوووي انا قصدي اييه ف اتعدلي كدا و اعملي لكل كلمه حساب و انتي بتتكلمي مع همس فاااهمه ولا تحبي احكي لأخوكي و هو بقى الي يربيكيي …عشان بصراحه بقى جو انك خايفه على بنت خالتك احسن تكون نفسيتها اتأثرت مني دا تروحي تضحكي بيه على اي حد تاني مش رانيا الشناوي لأنها عارفه و متأكده ميه ف الميه انك بتكرههي همس و بتكرههي هيا
كملت بحده اكبر و تهديد و هي بتقول
رانيا…قدامك اختيارين يا تعملي لكل كلمه هتقولها لـ همس و هيا حساب يا اما نبقى اعداء
هزت ساره راسها و قالتلها بأسف
ساره…حاضر انا اسفه
ردت عليها رانيا بغضب و هي بتقول
رانيا…مش انا الي تتأسفيلها يا حبيبتي
سكتت ساره و متكلمتش و رانيا قالتلها
رانيا…بكره الصبح بإذن الله همس هتبقى هنا تيجي و تعتذريلها و هي ليها حرية الاختيار يا تقبل اسفك يا لأ
اضايقت ساره جدا لكنها قالت باحترام
ساره…تمام يا خالتو
…سبحان الله و بحمده اشهد ان لا اله الا انت عدد خلقه و رضا نفسه و زنة عرشه و مداد كلماته
في الطريق كان مالك ساكت و مبيتكلمش نهائي و همس الي كانت خايفه جدا من ردة فعل ابوها لما تروح لأنه بالتأكيد هيضربها مش بس هيزعقلها
اتكلمت اخيرا و هي الدموع ف عيونها من كتر خوفها و قالت لمالك
همس…ممكن متخليش بابا يضربني يا مالك
بالرغم من زعله منها الا انه اول م سمع صوتها و عرف كمية الخوف الي كانت ف صوتها قالها بحب
مالك…محدش هيضربك يا همس اوعي تخافي
عيطت بحزن و هي بتقول
همس…لا اكيد بابا زعلان مني يا مالك
اتنهد بضيق و قالها
مالك…لا متقلقيش عمي مهما اتعصب منك ف عشان بيحبك يا همس انتي بس متعمليش كدا تاني ماشي
هزت راسها بطاعه و قالتله
همس…ماشي
…استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
وصله البيت و همس الي اول م ابوها شافها راحلها بسرعه و حضنها و هو بيقولها بأسف و ندم
مرتضى…انا اسف يا همس انا اسف اني زعلتك مني
ابتسمت و قالتله بحب
همس…لا يا بابا اوعى تقول كدا تاني
قفل حواجبه بغضب و هو بيقولها
مرتضى…في ايه بتتحدثي كيف المصرويين اكده ليه
ضحكت همس و قالتله بلهجتهم
همس….حقك عليا مهتحصلش تاني مره
ابتسم برضى و هز راسه و هو بيقولها
مرتضى…ايوا اكده
ابتسمت على ابوها و موسى جالها و هووبيقولها بحب
موسى…المره الجايه لو حد اهنيه ضايقك تاني تيجي تقولي لأبوكي قبل م تقوليلي مش تهربي
هزت راسها بطاعه و قالتله
همس…حاضر انا اسفه
موسى…متعتذريش مش انتي الي تعتذري
قال كلمته و هو باصص لـ ورد
و ورد اول م شافت نظرته دي راحت لـ همس و قالتلها
ورد.. انا اسفه يا همس انا مكنتش اقصد ازعلك
فضلت همس بصالها و متبتتكلمش اصلا و ورد الي الدموع اتجمعت في عيونها و قالت بندم
ورد…لا يا همس ردي عليا متسكتيش اكده
سكتت همس شويه و هي زعلانه منها بس ف نفس الوقت افتكرت انها طول حياتها مزعلتهاش ولا مره ف ابتسمتلها و قالتلها
همس…انتي اختي يا ورد
ابتسمت ورد بفرحه كبيره و حضنتها و هي بتقول
ورد…يعني مش زعلانه مني يا همس
هزت راسها يمين و شمال بنفي و قالتلها
همس…لا خلاص
ابتسمت ورد بفرحه و بصت لأمها بمعنى انها هي كمان تصالحها و نعيمه الي طانت مضايقه بس ف نفس الوقت خافت من متولي و راحت لـ همس و هي بتقولها
نعيمه…حقك عليا
اتكلمت همس بهدوء و ادب و هي بتقول
همس…مفيش حاجه بس بعد اكده متزعليش مني بس مش عايزه اتحدث معاكي من اساس
رفعت نعيمه حاجبها بضيق و بصت لـ موسى و موسى الي قال
موسى…معلش يعني م انتي من ساعة م بقت تتكلم و انتي كل يومين تتخانقي معاها اكيد مش هتسامحك بسهوله
هزت نعيمه راسها و قالتله
نعيمه…ماشي
حب زين انه يخفف من حدة الجو و الخناقات دي و قال بهزار
زين…ايوا يعني عملتوا غدا ايه انهارده ولا مش ناويين تغدونا ولا اييييه
ضحكوا عليه و فرحه قالتله
فرحه…شوفوا احنا ف خناقات و مشاكل و دا ولا على باله
قالها موسى بضحك
موسى…مبيشغلش باله غير بالشغل ولد شاطر ف شغله زي جده و ابوه
فرحه…ربع الامبالاه دا
ضحك مالك و قالها
مالك…هتحسدي ابنك ولا ايه عاد
ضحكوا كلهم و ورد قالت لـ رهف
ورد…تعالي يا رهف يلا خدي مني الاطباق للسفره
هزت رهف راسها و همس الي قالتلها
همس..و انا لأ
ابتسمتلها ورد و قالتلها
ورد…محبتش اتعبك كفايه طريق السفر دا
هزت راسها يمين و شمال بنفي. و قالتلها
همس..يلا
ابتسموا عليها و راحوا كلهم للمطبخ
بعد وقت مش قليل كانوا خلصوا غدا و شربوا الشاي و اليوم عدا بسلام
لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
جيه تاني يوم كان مالك وصل همس لبيت امها قبل م يروح الشركه
و اول م رانيا شافتها فرحت جدا و قالتلها
رانيا…طمنيني عليكي بابا ولا جدو زعقولك قوليلي لو حد زعلك يا همس
هزت همس راسها يمين و شمال بنفي و قالتلها
همس…لا خالص دول اتكلموا معايا عادي و قالولي اني بعد كدا اروح اقولهم ايه الي مزعلني مش اهرب
اطمنت رانيا و قالتلها
رانيا…طيب كويس اوي الحمدلله
ابتسمت همس على خوف امها عليها و قالتلها
همس…انتي بتحبيني يا ماما؟
قالتلها رانيا بحب
رانيا…اكتر من نفسي يا روحي
ابتسمت همس و هي فرحانه جدا و رانيا قالتلها
رانيا…انا كلمت ساره و هزقتها و عرفتها ازاي تقولك تروحي لدكتور نفسيه كويس
اتفاجئت همس و قالتلها
همس…امتى و ليه عملتي كدا
استغربت رانيا و قالتلها
رانيا …عايزاني اعرف و مزعلش ولا اهزقها
هزت راسها يمين و شمال و قالتلها بتصحيح
همس…بس كدا خالتو هتزعل منك
قالتلها رانيا بزهق
رانيا…تروح تربي بنتها الاول
ابتسمت همس و سكتت و بعدين قالت
همس…عايزه تشوف هيا بقالي كتير مروحتلهاش
هزت رانيا راسها بتأكيد و قالتلها
رانيا…ايوا طبعا هنروحلها بس هروح الاول الشركه بتاعتها عشان في ايميل مهم جدا و شوية شغل متراكمين عايزه اخلصهملها و بعدين هرجع البيت اخدك و نروح المستشفى على طول
لحظت همس كمية الشغل الي متراكم و محبتش تتعب امها ف قالتلها
همس…لا لا متتعبيش نفسك هروح انا اخلصهم على طول و هاجي
سكتت رانيا و بعدين قالتلها
رانيا…بس انتي كفاسه عليكي شغل الشركه بتاعتك
هزت راسها يمين و شمال و قالتلها
همس…مش مشكله هقوم انا دلوقتي عشان الحق اروح الشركه و ان شاء الله بااكتير اوي اوي على الساعه 2 3 هكون هنا
هزت رانيا راسها و قالتلها
رانيا…السكيرتيره بتاعتها كانت اسمها سما هي عارفه كل حاجه عن الشركه
هزت راسها و قالتلها
همس…اوكيه يا حبيبتي
و سلمت علبها و مشيت و هي رايحه للشركه
….سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
بعد ساعه كانت الساعه 9 الصبح وصلت همس الشركه
و كان كل الموظفين مصدومين
_هيا هانم!!
_حمدلله على سلامة حضرتك
_الشركه رجعت نورت تاني
كان كل الكلام دا بيتقال و غيره كتير وقفت همس ف نص الشركه و هي بتقولهم
همس…للأسف هيا لسه ف الغيبوبه ادعولها كتير
كملت بثقه و هي بتقول
همس…اعرفكوا بنفسي انا همس اخت هيا صاحبة شركة همس العزيز طبعا كلكه سمعتوا عنها
هزوا راسهم بتفهم و هما زعلانين ان هيا لسه في الغيبوبه
و همس كملت كلامها و هيا بتقول
همس…دلوقتي انا جيت عشان اشوف الشغل الي متعطل كل دا
بصت حواليها و هي بتقول بثقه
همس..فين سما
لاقت بنت قربت منها و قالتلها
سما…اتفضلي
همس…تعالي وريني مكتب هيا و هاتيلي كل الشغل الي متراكم
هزت سما راسها و مشيوا ف اتجاه المكتب
….سبحان الله و بحمده سبحان الله العظيم عدد خلقه و رضا نفسه و زنة هرشه و مداد كلماته
عدى كام ساعه و لقت رانيا تليفونها بيرن
خدت التليفون و بصت للشاشه لاقيتها همس
ردت عليها بسرعه و هي بتقولها
رانيا…حبيبتي عامله ايه
جالها صوت همس و قالتلها
همس…الحمدلله انتي عامله ايه
ابتسمت رانيا و قالتلها
رانيا…الحمدلله يا حبيبتي
همس…انا خلاص ف العربيه اهو و جايه عشان نروح لـ هيا و متقلقيش الشركه رجعت كأن هيا لسه سايباها مفيش اي شغل متعطل ولا اي حاجه مفيش بس غير كام ورق كدا متعطل على امضتها بس متقلقيش مش كتير
ابتسمت رانيا و قالتلها
رانيا…تسلم ايدك يا حبيبتي شكرا يا همس
ابتسمت همس و قالتلها
همس…العفو على ايه
و فضلوا يتكلموا لحد م وصلت همس و خرجتلها رانيا و راحوا على المستشفى
….لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
بعد ساعه تقريبا وصلوا المستشفى و الدكتوره فرحتهم بخبر ان هيا فاقت
قالتلها رانيا بلهفه
رانيا…طيب يا دكتوره نقدر نشوفها
ابتسمتلها الدكتوره و قالتلها
_اكيد طبعا عموما هي بقت كويسه
ابتسمت رانيا و دخلوا لـ هيا الي اول م شافتهم مكنتش مصدقه نفسها من الفرحه
عيطت رانيا و هي بتقولها
رانيا…وحشتيني اوي اوي يا هيا حمدلله على سلامتك
ابتسمتلها هيا و همس قالتلها
همس…البيت كان وحش من غيرك اوي
ابتسمت هيا و بعدين قالت
هيا…اومال فين جدو
رانيا…بقالوا يومين مشغول بسبب المصنع و بيتابع الشغل بتاع العملا انتي عارفاه بيحب يتمم على الشغل بنفسه عشان كل حاجه تكون ميه ف الميه
ابتسمت هيا و قالتلها
هيا…اكيد هو الي معلمني ان اي حد بيعمل حاجه لازم يتقنها
ابتسمت رانيا و هيا قالت
هيا…انا ملاحظه انكوا مش بتتخانقوا
ضحكت همس و قالتلها
همس..لا م خلاص بقى معدش فيه خناقات تاني
ابتسمت هيا بفرحه كبيره و بصت لأمها و هي بتتأكد منها
هزت رانيا راسها بتأكيد و هي مبسوطه و قالت
رانيا..انتوا الاتنين عندي واحد من هنا و رايح مفيش اي خناقات تاني بإذن الله
قالتلها هيا بفرحه كبيره
هيا…دا احلى خبر سمعته ف حياتي
همس…هروح اكلم جدو و بابا افرحهم
هزت هيا راسها و قالتلها
هيا…خليهم يجوا عايزه اشوفهم
ابتسمتلها همس و خرجت تكلم ابوها و ها و تعرفهم ان هيا فاقت من الغيبوبه بعد تقريبا 6 شهور
…لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه. و زنة عرشه و مداد كلماته
عدى وقت كان جيه عادل و مرتضى و موسى
كانوا كلهم فرحانين
موسى…العيله كلها كانت عايزه تيجي تشوفك من كتر فرحتهم
ابتسمت هيا و قالتله بخبث و ضحك لأنها عارفه از فرحه و نعيمه مبيحبوهاش لا هي ولا اختها
هيا…العيله كلها…؟
ضحك موسى و قالها بتأكيد
موسى…العيله كلها
ضحكت هيا و قالتله
هيا…حلوو يعني كدا مبقاش في خناقات و مشاكل
ابتسم موسى و قالها
موسى…لا
و فضلوا يتكلموا و يضحكوا لحد م جت الدكتوره و قالت انها هتفضل يومين بس ف المستشفى لحد م يطمنوا انها بقت تمام و بعدين تخرج
…سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
عدى 3 شهور كانت هيا بقت كويسه و رجعت للشركه تاني فضلت شهرين قاعده ف بيت امها و ف الشهر التالت راحت راحت بيت ابوها
و جيه يوم عيد ميلادها هي و همس
كان البيت كله بيجهز الهدايا ليهم هما الاتنين عشان اول م يرجعوا من شركاتهم يتفاجئوا و المفاجأه ان امها و جدها عادل و خالتها شيماء و عمر ابنها و ساره كانوا هما كمان موجودين بعد م موسى طلب منهم سجوا عشان الفرحه تكمل
و عدى وقت مش كتير و رجعت همس و هيا سوا بعد م هيا خلصت شغلها و طلعت على شركة همس عشان تجيبها معاها
و اول م وصلوا البيت اتفاجئوا ان البيت كله ضلمه و مفيش اي نور
هيا…هو في ايه
اتكلمت همس بغضب و هيا بتقول
همس…تلاقي مالك الرخم عامل مقلب ولا حاجه
هيا..يا بنتي بقى انتي مبتعرفيش تتكلمي عنه من غير شتيمه
همس..هو كدا بقى
هيا..طيب يا ستي افتحي فلاش التليفون خلينا نشوف بدل م نتكفي على وشنا
همس..تليفوني فصل
اتصدمت هيا و قالتلها
هيا..يعني ايه يعني
سألتها همس بقلق
همس…مالك في ايه
هيا…لا ولا حاجه انا بس تليفوني وقع مني و اتكسر
كانت لسه همس هترد بس صرخوا هما الاتنين لما سمعوا صوت عمر الي كله خنقه و ضيق و هو بيقول
عمر…يخرب بيت رغيكوا اهو النور الي صدعتونا عشانه
و شغل النور
اتفاجئوا بالبيت كله متزين و ان العيله دي و دي موجوده
هياا..اييهوالجمال دا كله
همس…حلوه اوي اوي
ابتسموا بفرحه بس عادل قال بضيق
عادل…يعني كان لازم تبوظ المفاجئه
عمر…م هما الي رغايين و صدعونا
ضحكوا على كلامه و مرتضى قال
مرتضى…لا بصراحه عندك حق
قالتله همس بتوعد
همس…بقى كدا يا مرتضى مااشي
ضحكوا عليها و عادل قال بدهشه
عادل…يا بت اسمه بابا
ضحك موسى و قاله
موسى…متحاولش من و هي صغيره بنقنعها و هي برضة مصره انه مرتضى
قالت رانيا بفرحه
رانيا…طيب يلا بقى عشان نديلهم الهدايا
ابتسموا و بدأوا كلهم يدولهم الهدايا و جيه دور مالك الي ادى لـ هيا هديتها و راح لـ همس و هو معاه الهديه
قالتله همس بابتسامه
همس..جبتلي ايه
قالها بتوعد
مالك…شوفي انتي بقى مالك الرخم الي تلاقي عامل مقلب جابلك ايه
افتكرت كلمتها و بصتله بخوف لاقيت ف عيونه نظرات ضيق عكس وشه الي كان عليه ابتسامه
حاولت انها تهزر و راحت ضحكت و هي بتقول
همس..يووه دا انا كنت بهزر انت ديما تزعل كده
هز راسه و متكلمش و رانيا قالتله بأسف
رانيا…معلش يابني حقك عليا انا
ابتسم و قالها
مالك…لا م انا خلاص اتعودت
ابتسمت هيا و قالتله
هيا.. خلي بالك من و احنا صغيرين اي حد همس بتحبه بتشتمه على طول
ضحكوا على كلامها و عمر بص لـ مرتضى بمعنى انه يتكلم
هز مرتضى راسه بمعنى حاضر و بص لـ هيا و قالها
مرتضى…دلوقتي عمر ابن خالتك طالب ايدك ايه رأيك
ابتسمت هيا و قالتله
هيا…هفكر
همس…لا مفيش تفكير انا موافقه خليونا نفرح شويه بقى
ضحكوا على كلامها و مرتضى قال بضحك
مرتضى…مادام همس موافقه يبقى هيا هتوافق م هي همس مش هتسيبها غير لما تمشي رأيها
ضحكوا على كلام مرتضى و موسى قال
موسى…خلاص نقرأ الفاتحه
و ابتدوا كلهم يقرأوا الفاتحه و هيا الي كانت فرحانه جدا و همس كمان كانت يمكن فرحتها بـ هيا اكتر من فرحة هيا نفسهاخلصوا قراية الفاتحه و تعالت اصوات الزغاريط و الفرحع ف بيت العزيز
استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته
يتبـ…لا مفيش كلمة يتبع تاني خلاص الروايه خلصت 😂😂
نقول بقى انها #تمت_بحمدلله💗💗
لقراءة الرواية كاملة اضغط على : (رواية عيب الشوم)
