رواية عوض الخوف الفصل الرابع 4 بقلم ضحى أشرف
رواية عوض الخوف الجزء الرابع
رواية عوض الخوف البارت الرابع
رواية عوض الخوف الحلقة الرابعة
الرصاصه في الحقيقه مكنتش حقيقيه قد ما كانت ضربه قاسيه لجميله، في حاجات كتيره اوي ممكن تاذي وتقضي على الى قدامك، نفسياً..
خرج اسلام للحفله:- جميله امشي انا مش عايزك تيجي تاني، مش عايزة اشوفك تاني، مش عايز حاجه منك انتي وقعتي بيني وبين ليلي، انا بحب ليلي وعايزها!
جميله بتعجب:- أخرج برا ووقعت بينكم!
ليلي بخبث:- وانا الى كنت معتبراكي صحبتي!
جميله وهي مانعه نفسها من العياط:- مين إلى المفروض يقول كده انا ولا انتي!!
ليلي:- انا عملتلك اي!
جميله بعلو الصوت:- بجد، بجد عملتيلي اي، انتي عارفه انتي اصلا كنتي بالنسبه ليا اي، شوفي انتي كنتي تعرفي عني اي!!، انا اعتبرتك صاحبه واخت، حكتلك زعلي وخوفي، قولتلك على اسلام، إلى ف حياتي مقولتلوش ولا جبت له سيره، اني حبيته، حبيته بجد، قولتلك أن مش عارفه اصارحه، قولتلك اني عايزاه، اني بكتبله رسايل كل يوم، أن بدعي ربنا بيه كل يوم!
_ خمس سنين ياليلي، خمس سنين وانا بقولك اني بحبه، اني عايزة اسلام من كل قلبي، اني حبيت اسلام اكتر من اي حد، خمس سنين وانا بحكيلك وانا بعيط، عن كل مره قالى فيها أننا مجرد صحاب واخوات!
اسلام:- وانتي تكتبيلي رسايل ليه يجميله!! ليه مجتيش قولتيلي عن كل ده وكل إلى جواكي!
جميله:- عشان الإنسان المفروض يحس، يحس بأن في حد بيحبه، مهتم بتفاصيله، بوجوده، كنت ببقي موجوده في كل الأوقات إلى كنت بتحتاجني فيها، كل يوم وكل ساعه، حتي تفاصيل يومك، كل ده كان مجرد صحوبيه واخوات بالنسبالك
ليلي:- انا كده عملت كل إلى طلبته مني يا اسلام، خليت جميله تعترفلك بالحقيقه!
جميله:- حقيقه اي، انهي حقيقه، انتم بتعملوا عليا لعبه وعايزين توقعوني فيها! ، انتو عايزين مني اي، مش اتجوزتم، خلاص هايل، الف مبروك ليكم!
اسلام:- انتي مش لعبه يجميله وانا مش هقدر ابدا اني اتكلم يجميله انا عارف ومتأكد أن بحبك، وان انتي كمان بتحبيني!
-وبعد اي عرفت، انت كنت شايفني علطول وروحت اتجوزت! هو انا ممكن اعرف بس اتجوزت ليه!
غيث:- خلاص يجماعه جميله بعد اذنك عايزك!
اسلام:- عشان الورث، وهي قالتلي
لتقاطعه جميله بغضب ورث !! بجد!!
جميله انا عايزك انتي انا مقدرش استغني عنك!
-انت استغنيت يا اسلام، ولو مكنتش استغنيت كنت هتستغني طول الوقت!، انا متاكده وعارفه انك عارف اني انا إلى كنت بكتبلك الرسايل، بس انت مكنتش قادر تواجهه نفسك بالحقيقه، حقيقه الاستهبال أننا اصلا مكناش صحاب ولا اخوات، حقيقه اني كنت بحبك بس انت محبتنيش، عارف يااسلام انت عايز تاخد كل حاجه كل حاجه، بس الاهم انك كنت عايز تاخد إلى يحبك مش الي انت تحبه!!
ليلي انتي طالق، انا عايز اتجوز جميله!
– هطلقها ازاي وانتو شبهه بعض يااسلام، ومين قالك اصلا اني موافقه!
مشكلتك انك عايز كل حاجه في الوقت الى تحدده انت مش عامل حساب إلى حواليك، وانا مش زيكم!
كفاية بقا انا لازم امشي!! كفايه!!
غيث استني يجميله ارجوكي!!
بتمشي من غير ما تلتف، عشان عارفه انها لو كانت موجوده كانت هتخسر كتير، كانت هتخسر نفسها، كانت هتخسر بأنها تتخلي، ساعات كتيرة اوي الحب مبيكونش كل حاجه ، الحب لو ضرك يبقي هيضيعك، مينفعش يكون في حياتك شخص بياذيك، وانت ساكت لمجرد انك بتحبه، لحد ما هو يعتبرك لعبه، يبعدك بمزاجه ويقربك بمزاجه، يحبك وقت ماهو يكون عايز يحبك، الإنسان مش عايز حاجه غير أنه يطمن، يطمن من إلى بيحبه، يحس أن الشخص ده شاريه، وان وجوده مهم، والتقدير اهم من الحب!
مشيت جميله، في الشارع وهي بتعيط، بتعيط على كل حاجه حصلتلها، كل حد اتعشمت فيه، كل حاجه عاشتها، مشيت بقوتها بعد قصه حب كان نفسها تكون من نصيبها وفشلت!
يونس:- محتاجه مساعده، وبعدين في حد بيعيط كده يعني!!
– انت مالك انت اصلا، بتدخل ليه اساسا!
عشان انا اكرم منك علفكرا بقا، اساسا لسه كنت بحب واحده وفرحها كان النهارده! فانا مش ناقصك بصراحه!
_ جميله بضحك وكمان نفس الوكسه!!
-انتي بتتريقي اكيد!!، بتكلمي جد!
– جميله بعياط وبضحك بنفس الوقت، هم يضحك ويبكي والله وحبيبتك بقا كان اسمها اي ؟
كان اسمها.. ليلي!!
جميله بضحك:- ياه ده انا بحب الاسم ده اوي، ده لسه مخزوقاني
برضو واتجوزت الي كنت بحبه وبكتبله فى رسايل مجهوله مبحكيش لحد غيرها من خمس سنين عن رسايلي وحبي له
كرهتيها؟
بصراحه مش عارفه، انا اتولدت معرفش يعني اي كرهه ، انا كنت بخاف اقرب من الناس وبتهرب من مشاعري عشان لو مشاعري اتغيرت محسش بالذنب تجاهه حد،
عارف انا اتقدملي حد اصلا في الفرح واسمه غيث!
وانتي بقا هتوفقي؟
بصراحه لا، غيث غيري مينفعش اتخذل وابقي في فتره صعبه واترمي على أول حد يظهر قدامي، انا كده بظلمه، الدنيا اكيد هتعوضنا، وبعدين حتي غيث آذاني!
فانا مش هاذي نفسي كل مرة باختياراتي الغلط انا هسيب كل حاجه على ربنا إلى مكتوب ليا انا متاكده أنه هيحصل!
دي شطاره منك علفكرا ، الدنيا مش مستاهله صدقيني! المواقف الصغيره بتفرق.
حتي الكلام بيفرق!، كل حاجه بتفرق، سيبك بقا مقولتليش جوز حبيبتك اسمه اي؟
يوه، لازم السيره دي، اسمه ياستي إسلام
اللَه!
الحب يغير ما بداخلنا، يصنع ما هُدم منا، يصُلح ما كسُر فينا، يبني ما هدته الايام فينا، يطمن قلقنا الذي يوذينا، الحب، يفتح باب لنور بداخلنا، ما هُدم منا كان لاُبد أن يهُدم، ما كُسر فينا، كان يجب أن يكُسر، الحب اطمئنان، سعاده، الحب عوض، الحب هو الذي يصُلح ما بداخلنا، لا يكُسرنا، ولا يهدم ما فينا من خراب.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوض الخوف)
