رواية عوده الماضي الفصل السادس 6 بقلم منى الصاوي
رواية عوده الماضي الجزء السادس
رواية عوده الماضي البارت الخامسه
رواية عوده الماضي الحلقة السادسة
محمود.. للأسف لازم المرافق يكون بيجيد اللغه الألمانية علشان يعرف يتعامل
شروق.. انا..
ينظر محمود وسمر الي شروق بتعجب دون أي كلمه
شروق.. انا اقصد يعني محمود يكون معانا او انت يا سمر وانا هكون معاكم كمترجم
سمر.. والله انا مش عارفه اعمل ايه امتحانات الاولاد بدايتها الاسبوع الجاي ان شاء الله ومش عارفه اعمل ايه
محمود… والا حاجه الاولاد محتاجينك يا سمر مش هينفع خالص موضوع السفر بالنسبه لك
سمر.. بس ده واجبي يا محمود ده واجبي انا مراته ولو ماما تقدر تخلي بالها من الأولاد انا لازم اسافر
فريد.. لا طبعا الاولاد لو راح عليهم الامتحان السنه هتضيع يا جماعه انا مش طفل واكيد هلاقي اللي يساعدني هناك
محمود.. خلاص مفيش كلام انا اللي هسافر معاك يا فريد مفيش كلام هيتقال بعد الكلام ده وهاخد شروق معايه هي معاها حق لازم تكون موجوده علشان تعرف تتعامل في المستشفى
يذهب محمود لسؤال الطبيب لمعرفه معلومات السفر بعد أن تواصل الطبيب مع المستشفى في ألمانيا
الطبيب.. كويس اوي يا استاذ محمود قدرنا نحدد أقرب ميعاد للعمليه وهتكون بعد اسبوع بالظبط لازم تجهز الإجراءات علشان السفر في أقرب وقت
تاني يوم تذهب شروق الي عملها وهي سعيده انها هتقدر تكون بجانب فريد في رحله علاجه
مي… صراحه يا شروق انا خايفه عليكي خايفه محمود يشوف اهتمامك الزياده ده باخوه يا حبيبتي انت مش شايفه نفسك بتتصرفي ازاي ده لو جوزك مش هتعملي كدا اهدي شويه بلاش تخربي بيتك جوزك راجل محترم وأهله ناس كويسين حافظي عليه يا شروق وانسى على والا فريد تخيلي انا بقيت اتلخبط من كتر كلامك على أنه على
شروق.. مش قادره يا مي مش عارفه افصل بينهم على حلمي اللي مكملش حسيته رجع تاني قدامي ويتنفس وفجأه كل ده يطلع كابوس وانه ممكن يضيع مني تاني
مي… يا حبيبتي انت حالتك اتاخرت اوي انا رأيي ترجعي للدكتور اللي كان بيعالجك
شروق.. دكتور ايه يا مي شيفاني مجنونة
مي… يا قلبي لا مش قصدي انت بس أعصابك تعبانه شويه
ماهو اللي حصل مش قليل مفيهاش حاجه لو ترجعي للدكتور
شروق.. انا مش هرد عليكي يا دوب ادخل للمدير امضي
الاجازه واروح اشوف محمود عمل ايه في الإجراءات
مي.. شروق عايزه اقولك حاجه وحده
انت كده بتلعبي بالنار واحب افكرك ان جوزك اللي مسافر
معاكي وانا حسه انه مستغرب من تصرفاتك الأوفر دي
شروق.. انا تعبت مش عارفه اعمل ايه مش هقدر اقعد واحط
ايدي على خدي واستني وانا بدعي انه يرجع بالسلامه
متقلقيش عليا انا هاخد بالي بس انت ادعيله يا مي مش
علشاني علشانه هو
مي.. هقول ايه ربنا يشفيه وربنا يستر من اللي جاي
وبالفعل تذهب شروق الي المدير وتتم إجراءات الاجازه وتتوجه الي المنزل
شروق.. ايه ده محمود انت هنا ايه خلصت جواز السفر بتاعك وباقي الإجراءات
محمود.. انا مش عارف اعمل ايه جواز السفر بتاعي هياخد
وقت وفريد لازم يسافر في أسرع وقت العمليه بعد اسبوع ولازم يتحضر للعملية قبلها بيومين على الاقل جوازك
تجديده ماخدش وقت انت وفريد اعمل ايه مش عارف
شروق….والعمل هتعمل ايه هو ينفع العمليه تتاجل فترة بسيطة
محمود… للأسف الدكتور بياكد بما انه خلص اجراإات فريد لازم السفر يكون خلال يومين
شروق… حيرتني معاك هنعمل ايه
محمود.. للأسف يا شروق مفيش قدمنا غير انك تسافري معاه وانا اول ما أوراقي تخلص هحصلكم
شروق… انا معنديش مانع بس ماما وسمر وفريد كمان هيقولوا ايه
محمود.. هيقولوا ايه يعني انت زي اخته يا حبيبتي واكيد
هما عارفين ده وشايفين معزته عندك ده انت زعلانه علشانه
اكتر مننا معلش يا حبيبتي انا عارف اني بتقل عليكى وكمان
هتبقى مسؤلية عليكي بس انا عارف انك قدها
انا هنزل افهم ماما وسمر الموقف علشان نلحق الميعاد
وبالفعل ينزل محمود لأمه وزوجه اخيه كي يطلعهم على المشكله
آم محمود.. وهو ينفع يابني مراتك تبقى مرافق لاخوك ده مش هيبقي عبأ عليها لوحدها
محمود.. يا ماما مش هتبقى لوحدها هما يومين تلاته ان شاء الله واحصلهم
ايه يا سمر شايفك ساكته ما تقولي رايك
سمر…. هقول ايه انا اساسا لو مكنش الاولاد مكنتش هعرف
اتصرف وانتوا عارفين تعليمي على قدي ومش بعرف اي لغه
وشروق اختي وانا عارفه هتعرف تتصرف اكتر انا المهم
عندي صحه فريد وانه يرجع لولادة بالسلامه
محمود… خلاص اتفقنا السفر هيبقى بعد بكرا
وياتي يوم السفر وتروح شروق تودع امها وتطمن عليها قبل السفر
شروق… اشوفك على خير يا ماما مفيش وقت الطياره بعد ساعتين انا هطلع من هنا على المطار
إم شروق.. والله يا بنتي انا مش عارفه ليه تعملي في نفسك كده وتشيلى مسواليه مريض افرضي مات هتعملي ايه
شروق.. بعد الشر حرام عليكي يا ماما ليه كده ان شاء الله هنرجع وفريد كويس
عموما انا لازم امشي كده هتاخر مي معايه علشان ترجع
بالعربيه ومحمود هو وباقي العيله هيقبلونا في المطار
ادعيلنا ياماما
آم شروق.. ربنا يرجعكم مجبورين الخاطر ان شاء الله يا بنتي مع السلامة
في سياره شروق
مي.. تفتكري يا شروق موضوع سفرك ده كان صح انا خايفه عليكي اوي
شروق… خايفة من ايه انا رايحه مع انسان مريض هيعمل عمليه ايه الخطر اللي ممكن يواجهني
مي… انا مش خايفه عليكي منه انا خايفه عليكي من نفسك
يا شروق خايفه حبك يخليكي تلعبي بالنار وانت مش حسه لحد ما النار دي تحرقك
شروق… يا ساتر عليكي ده بدل ما تقوليلي ترجعي بالسلامة
مي.. إن شاء الله يا حبيبتي ترجعي بالسلامة هفضل ادعي لحد ما ترجعي واطمن يا خوفي من اللي ممكن يحصل
وبعد ساعات قليله الجميع في المطار يودعون شروق وفريد
فريد.. انا اسف يا شروق تعبتك معايه
شروق.. لا كده من اولها لازم نتفق مفيش اسف مفيش تعبتك مفيش شكرا هههههههه مفيش ايه تاني هفكر وابقى اقولك
فريد.. لا على ايه من غير تفكير انا هسمع الكلام يا مس شروق
شروق… شاطر
ممكن تحاول ترتاح لحد ما نوصل المستشفى
وبعد ساعات قليلة بيكون فريد في المستشفى وشروق تقوم بالتواصل مع الطبيب المعالج لحاله فريد وتم تحديد العمليه بعد يوم واحد
تم تجهيز فريد للعمليه في أسرع وقت لخطورة حالته
جه يوم العمليه شروق تقريبا منهارهتجلس على سجاده الصلاه تدعي ربها والدموع تجري على خديها
تاتي الممرضه لتخبرها ان المريض يتجه نحو غرفه العمليات
شروق تمسك بيد فريد وهي تبكي
شروق.. إن شاء الله هتخرج بالسلامه ونروح سوي
فريد… إن شاء الله
يمر الوقت ببطأ على شروق الجالسه بانهيار امام غرفه العمليات تمضي الساعات وهي متوتره تاخذ ممر المستشفى ذهابا و أيابا
وفجأه يخرج فريد من غرفه العمليات
تجري شروق تجاه فريد تلمس وجهه وهي تبكي وتتكلم مع الطبيب لمعرفه حالته
الطبيب.. العمليه نجحت والمريض هيدخل العناية المركزة لمده ٤٨ ساعه تحت الملاحظه
تتصل شروق بمحمود لكي تطمئنه على حاله فريد
الجميع يدعوا له مر يومين وفريد في العنايه وشروق تجلس بجانبه تتحدث معه وتحكي حكايات تتذكر على
وفي لحظه تتخيل شروق ان النائم أمامها هو على
شروق.. على يا حبيبي ليه لحد دلوقتى مصحتش انا خلاص مش قادره اتحمل غيابك اكتر من كده ارجع لي
تقترب شروق من فريد وتلمس وجهه وتلمس شفتاه وتقترب منه وتنزل بشفتيها وتقبله
وفجأه……… يفتح فريد عينية و…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوده الماضي)
