رواية عوده الماضي الفصل الرابع عشر 14 بقلم منى الصاوي
رواية عوده الماضي الجزء الرابع عشر
رواية عوده الماضي البارت الرابع عشر
رواية عوده الماضي الحلقة الرابعة عشر
فريد… انا هكلم محمود وهحكيله كل حاجه هقوله اني بحبك
وانت كمان بتحبيني هقوله انا مش عايز حاجه من الدنيا
غيرك بس اطلبي الطلاق الأول وبعدين كل حاجه هحلها
محمود… مفيش داعي تتعب نفسك يا فريد انا سمعت كل حاجه
يرجع محمود بالذاكرة ليوم راس السنه
يدخل محمود قاعه الاحتفالات بالفندق يبحث عن فريد وشروق
يجدهم يرقصوا في سعاده كبيره يفرح لانه يرى اخيه يرقص
في سعاده وصحه جيدة وفجأه ينظر إليهم يجد فريد يقترب
من شروق يقربه منها وهي تتجاوب معه وتطول بينهم قبله
تدل على مدى حبهم محمود يقترب منهم ثم يتراجع فجأه
خارج القاعه يفكر ما الذي رأه صاعقه تخترق قلبه كيف
لاخيه ان يفعل هذا
محمود.. ايه اللي شوفته ده معقول فريد بيخوني وشروق
ازاي تعمل كدا ازاي تضحي بحبي ليها بالسهوله دي صحيح
أنا حاسس انها مش بتحبني بس يمكن مع الوقت تتغير
لا يا محمود شروق وفريد ممكن يكونوا غلطوا لازم ارجع
واسألهم عن اللي شوفته لازم الاقي منهم تفسير للي حصل
شروق.. اااه محمود انت هنا الحمد لله انك رجعت
عوده للحاضر
محمود… انت طالق يا شروق طالق وانت مش عايز اشوف وشك تاني
مش عايز يبقى ليا اخ زيك اخ يطعن اخوه في ضهره انا
قولت كانت غلطه لما شفتكم بعيني وانتوا بتبوسوا بعض
في حفله راس السنه قولت ضعفت وخلاص فوقت بس
للأسف كنت غلطان علشان مش عايز اخسرك
فريد.. محمود اسمعني
محمود.. اسمع ايه مش كفايه شوفت عايزني اسمع كمان يا اا اخويه
شروق منهاره ومحمود يخرج من المكان
فريد.. اهدي يا شروق تعالي اوصلك انا هحل كل حاجه مش ده اللي كنا عايزينه
شروق.. ابعد عني انا هروح لوحدي ارجوك متحاولش تكلمني
تاني ابعد عني خالص اوعي تقرب مني كفايه لحد كدا
في بيت محمود وفريد يدخل فريد يجد محمود وأمه
وزوجته في انتظاره
فريد.. محمود عايز اتكلم معاك على انفراد لو سمحت
سمر.. الكلام لازم يكون قدمنا كلنا يا فريد انا اللي قولت
لمحمود لما عرفت انك رايح خطوبه صاحبه الهانم علشان انا ومحمود ضحيه لخيانتكم وقله اصلكم
فريد. اخرسي مش عايز اسمع صوتك ويصفعها صفعة قويه تقع على اثرها يتدخل محمود بينهم
محمود.. كفايه انت ليك عين تضربها كمان انت ايه ليه بقيت
وحش كدا ليه بقيت تظلم الناس اللي بتحبك هي ذنبها ايه
فريد.. ملهاش ذنب وانت كمان حتى انا ذنبي ايه القدر هو
اللي حطنا في طريق بعض بس لا كلكم كنتوا السبب كلكم اشركتوا في اللي وصلنا ليه
لما الهانم مراتي تسيبني في عز احتياجي ليها بحجه الاولاد
اللى ممكن كانت سبتهم لأمهاوانت انت اللي حطيت ال_نا_ر
جنب البانزين ودلوقتي راجع تعيط وتقول اني ظلمتك انا
اللي انظلمت في كل ده انا اللي لقيت مرات اخويه اللي
المفروض في مقام اختي هي أقرب حد ليا لما كنت مش
قادر اتحرك كانت بتسندني لما دخلت أوضه العمليات كانت
واقفه تودعني بدموعها وفرحتها لما فوقت وأول مره حاولت
امشي بعد العمليه ملقتش حد جنبي غيرها بحنيتها وبسمتها
الحلوه انا وشروق ضحايا ليكم انتم انانين انت همك شغلك
لو بتحب مراتك وخايف عليها لو عندك نخوه مكنتش سبت
مراتك لوحدها مع اخوك احنا مش ملايكه يا محمود احنا بشر
وعلشان كدا هقولكم انتوا السبب متعملوش نفسكم ضحايا
واخر كلام عندي انا بحب شروق وهتجوزها بعد ما تخلص
عدتها ولو مش عاجبك يا سمر انا مش هغصبك على حاجه
ورقتك هتوصلك مع كل حقوقك
اما لو وافقتي مفيش حاجه هتتغير وهتفضلي في مكانك وشروق اكيد مش هجيبها هنا
ويخرج فريد خارج البيت
الام… تخيلوا فريد طلع معاه حق كل كلامه صح كلنا غلطنا
محمود… انت كمان يا أمي عجبك عمايل ابنك ده عايز يتجوز
مراتي مين يصدق الكلام ده وبدل ما يتكسف لاء ده بيتهمنا كمان وانت جايه تقولي انه معاه حق
الام.. ايوه معاه حق انت لو بتحب مراتك كنت سبت شغلك
ووقفت جنب اخوك وقربت من مراتك لكن انت همك شغلك
وبس اكيد هما غلطوا واكبر غلط واكيد الخيانه ملهاش مبرر بس هما بشر زي ما قال اخوك
محمود. متقوليش اخويه ده مش اخويه اتا مش هقعد في البيت ده تاني علشان لو شوفته ه-ق-ت-له
اتا هقعد في فندق على ما اشوف هيحصل ايه
سمر.. طيب انا مش همشي من شقتي وولادي يفضلوا في شقتهم مش هريحوا مني
في منزل ياسمين
ياسمين.. ايوة مين
اتفضل يا بني هو حصل ايه شروق من وقت ما رجعت ومش عارفه مالها
شروق.. انت ايه جابك هنا بعد اللي عملته انا انفضحت
بسببك انا عارفه اني غلطت بس مكنتش عايزه الأمور توصل لكدا محمود طلقني
ياسمين.. يالهوي طلقك امتى وازاي يالهوي هو حصل ايه وفضيحه ايه فهموني
فريد.. اهدي يا حبيبتي كل حاجه هتتحل انا قولتلهم اننا هتتجوز لازم نواجه الكل ياشروق
ياسمين.. تواجه مين وتتجوز مين ايه اللي بتقوله ده هو جوزك شافكم مع بعض انت عملتي ايه يا شروق
شروق… عجبك كدا انا معملتش حاجه يا ماما هو شافنا
بنتكلم وبس ارجوك يا فريد امشي وابعد عني انا هاخد ماما
ونبعد هتنقل فرع الشركه في شرم الشيخ متحاولش تقرب مني
فريد.. ليه يا شروق انا بعت الدنبا كلها علشانك ارجوكي انت
بلاش تبعدي انا مصدقت الكل يعرف علشان ارتاح
ياسمين.. اطلع بره ابعدوا عننا مش اخوك طلق بنتي اطلع برررررره
ينزل فريد من المنزل تنظر شروق من بلكونه غرفتها تجد
فريد يعبر الشارع ونظره معلق بها فجأه تاتي سياره مسرعه
شروق… فريدددد
ياترى الماضي هيتكرر وفريد مصيره هيكون زي مصير على
ياترى شروق ممكن تتحمل ان الماضي يرجع وتفقد فريد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوده الماضي)
