رواية عوده الماضي الفصل الحادي عشر 11 بقلم منى الصاوي
رواية عوده الماضي الجزء الحادي عشر
رواية عوده الماضي البارت الحادي عشر
رواية عوده الماضي الحلقة الحادية عشر
شروق.. انا اسفه انا السبب في كل ده مكنتش عايزاه يحصل
كل ده بس غصب عني لما شوفتك كان الماضي رجع معقول
الماضي يرجع تاني بس بعدين عرفت ان الماضي لا يمكن
يرجع يارتني كنت عرفتك انت قبل محمود كنت عوضتني
ألم وتعب الماضي انا نسيت على تخيل نسيته بس بعد ايه
يقترب فريد من شروق ويمسح دموعها ويضمها ليه وفجأه تبتعد شروق عن فريد
شروق.. لا يا فريد احنا لازم نفكر بعقل متنساش ان ماما
عرفت كل حاجه وزي ما عرفت ممكن محمود وسمر يعرفوا
فريد.. سمر اساسا شكه بس شكها اني اعرف وحده غيرها
لكن مش انت خالص هي حسه اني بحب ويرفع خصلات
شعرها ويبتسم
شروق… اكيد طبعا هتحس انك متغير معاها كمان مبقتش تقعد في البيت
هنعمل ايه دلوقتي يا فريد انا تعبانه حاولت أصلح حياتى مع محمود مش عارفه انا خايفه
فريد.. خايفه من ايه
شروق… من كل حاجه خايفه كل اللي حوالينا يعرفوا انا حبتهم حبيت ماما وسمر والأولاد
فريد.. ومحمود حبتيه
شروق.. ده مش موضوعنا دلوقتي يا فريد انا لازم ابعد بجد
علشان الناس اللي حبتهم مش عايزة اجرحهم مش عايزه
اكون سبب لالمهم انت فاهمني انا مش هقدر اخذلهم كفايه مامتك وصدمتها فيا
فريد.. متقلقيش ماما انا فهمتها انك مالكيش ذنب وقولتلها
انك رافضه حبي لكي وكمان انك طلبتي اني ابعد عنك
شروق… وليه عملت كدا يا فريد ليه تشيل الذنب وانا سبب كل دة
فريد… ذنبي اني حبيتك ومش هقبل اي حد يهينك او يبقى سبب دمعه تنزل من عيونك
شروق… يااه احنا اتاخرنا اوي وتنظر لتليفونها يانهار ابيض تخيل الفون صامت ومحمود طلبني عشرين مره
فريد.. خلاص انا هنزل دلوقتي وهتاخر شوية وانت روحي واكيد هنتكلم تاني
ينزل فريد من السياره وتعود شروق الي منزلها
شروق… مساء الخير
محمود.. كل ده تأخير يا شروق انا كنت هنزل اروحلك عند
مي واتصلت بمي كتير كانت مشغوله قلقت عليكي
َشروق… ده حقيقي فعلا قلقت عليا يا محمود
محمود… اه طبعا قلقت عليكي مش مراتي
شروق.. هههههههه تخيل نسيت حكاية مراتك دي كمان انت فاجأتني
محمود… لااا ده انت حالتك غريبة اوي النهارده مالك يا شروق حد زعلك عند مي
شروق.. لا بالعكس انا فرحانه اوي علشان مي هتتجوز الراجل اللي بتحبه
محمود.. وانت بقى اتجوزتي راجل مش بتحبيه صح
طب ليه مش بتحاولي تحبيني يا شروق
شروق… بلاش تغير الموضوع انت بتقول انك قلقت عليا مع
ان حل القلق كان سهل اوي ده لو كان حقيقية
كان ممكن تقولي بلاش تروحي وترجعي لوحدك اركني
عربيتك وانا اخدك وارجعك شوفت سهل ازاي
يبقى بلاش جو انك قلقان عليا ده مش لايق عليك
انت عايز تتعشا احضر العشا
محمود.. لا خلاص نفسي انسدت
شروق.. اوكي وانا كمان هاخد شاور وانام تصبح على خير
محمود ينظر لشروق في استغراب هل هذه شروق التي لم
تشتكي اهماله لها طول هذا الوقت وماهو سبب تغيرها
تاني يوم شروق.. صباح الخير يا ماما
والدة محمود.. صباح الخير يا بنتي رايحه الشغل
شروق… ايوه حضرتك عايزه حاجه
والدة محمود.. ايوه كنت عايزاكي في كلمتين
شروق.. حاضر اتفضلي
والده محمود.. بصي يا بنتي انا حجيت بيت ربنا ومحبش
أظلم حد بس كمان محبش الحال المايل وعلشان كدا انا
مش عايزه أظلمك وكمان مش عايزه بيت ولادي ينخرب
شوفي يا شروق انا عارفه ان جوازك من محمود جه بسرعه
بس صدقيني محمود قلبه طيب وبيحبك خلي بالك منه
شروق.. حاضر يا ماما
الام.. ابعدي عن فريد يا بنتي اوعي تفكري اللي قاله فريد
فات عليا ده ابني وانا عرفاه كويس فريد راجل وشهم ومش
عايز يخرب بيتك وبيت اخوه انا مش عيله انا شوفت
نظراتك ليه ولهفتك عليه بس ده كان زمان قبل ما نتكلم على المكشوف
شروق… تقصدي ايه حضرتك انا مفيش بيني وبين فريد اي حاجه
الام.. عارفه بس الكلام ده لحد دلوقتى مش هستني لما
ولادي يقفوا قصاد بعض علشانك الاتنين بيحبوكي والحل في ايدك انت
شروق.. الحل في أيدي انت عايزاني اعمل ايه بالظبط انا اتاخرت على شغلي
الام.. ابعدي عن ولادي يا شروق ولادي ملهمش غير بعض في الدنيا
شروق.. انت عايزاني اطلب من محمود الطلاق
الام.. اكيد مش بالظبط انت هتعملي مشكله مع محمود وتطلبي الطلاق انت مش بتحبي محمود أساسا
شروق.. ممكن تديني فرصه اخيره يمكن اعرف أصلح اللي فات
ارجوكي انا معملتش حاجه لكل ده اديني فرصه وانا مش هزعلك
الام.. ماشي يا شروق المهم ابعدي عن فريد مش عايزة اسمع انكم اتقابلتوا حتى ولو صدفه
شروق.. حاضر ممكن اروح شغلي
الام… اه طبعا ماهو شغلك هو اللي باقي لك
تذهب شروق الي شغلها وهي تفكر في كلام الام
تقرر تتصل بفريد كي تخبره كلام امه
شروق.. الووو ايوه يا فريد حصلت حاجه لازم تعرفها لا ماما ايوه لا لا
فريد.. خلاص تعالي نتقابل ونتكلم بعد الشغل
شروق.. لا يا فريد مش هنقعد في مكان لازم نقرر هنعمل ايه
انا تعبت ومش عارفه اعمل ايه
فريد.. طيب اهدي حيرتيني معاكي هنتكلم فين
شروق.. انا اساسا رايحه مع مي تشتري حاجات لزوم الخطوبة
فريد… تمام اول ما تخلصي كلميني ونتقابل
شروق.. تمام يا فريد سلام
بعد مرور ثلاث ساعات
شروق.. يا بنتي هوخطيبك هيجي ليه مكنش لازم يشوف
الفستان علشان يتفاجأ يوم الخطوبة
مي.. هههههههه لا يا ستي مش هيشوف الفستان هو بس عايز
يعرف اللون علشان يجيب بدله تليق عليه وبالصدفه كان
نازل يجيب البدله قال هيقابلني هنا علشان ياخد رأيي في البدله
شروق.. اذا كان كدا ماشي
مي.. اهو جه بس ايه ده مين معاه شوفي مين
شروق.. ايه يا بنتي مالك اه ده فريد معاه
مي.. كل ده تأخير يا احمد شروق هتتاخر وكلت دماغي
احمد.. اسف اوي كنت في مشوار ضروري انا وفريد هتختاري البدله وامشي على طول
فريد.. ازيك يا انسه مي اسف والله انا فعلا اللي آخرته
عامله ايه يا شروق
مي.. والا يهمك يا استاذ فريد مفيش مشكله
شروق.. الحمدلله
مي طيب تعالي يا احمد المحل ده في بدل هتعجبك اوي
فريد.. خلاص انا وشروق هنستني في المطعم اللي جنبكم ده
مي… تمام يلا يا احمد علشان مش نتأخر بابا لسه مكلمني
شروق… فريد مش هينفع نقعد لوحدنا
فريد.. ليه احنا في مكان عام ولو حد شافنا عادي احنا اتقابلنا صدفه
شروق.. هي صدفه فعلا
فريد.. هههههههه صراحه لا انا شبت في احمد زي العيال
شروق.. وهو شايف الموضوع عادي اكيد مستغرب
فريد.. لا ابدا هو متكلمش شكله فاهم اني بحبك
شروق.. يا خبر اس ود هو عارف اني مرات اخوك لازمته ايه اللي بتعمله يا فريد
فربد.. ما انت مش مخلياني عارف اشوفك مع انك قولتي
هنتقابل بعد ما ترجعي انا قولت خلاص فرصه نتقابل وتبان صدفه احسن
شروق.. كنت عايزه احكيلك حاجه مهمه بس عايزاك
تفهمني
فريد… اتكلمي يا شروق قلقتيني حصل حاجه
شروق.. مامتك كلمتني وقالتلي كلام مباشر من غير لف ودوران
قالت إنها مصدقتش كلامك واني لازم ابعد عنكم
فريد… عنا مين قصدها تبعدي عني يعني
شروق.. لااا عايزاني اطلب الطلاق من محمود عايزاني ابعد عنكم انتم الاتنين
فريد… معقول ماما بتفكر كدا طيب ليه تفكر انك تطلقي انت ومحمود
شروق… مش غريبه والا حاجه انا فهماها هي خايفه عليكم
خايفه محمود يعرف وهي دي اللي هتبقى كارثه على فكره
انا كمان بفكر في الطلاق انا ومحمود مش فاهمين بعض بس
لازم تعرف حاجه مهمه انا هطلب الطلاق النهارده من محمود
بس مش علشانك علشان اسباب كتير انت مش طرف فيها
فريد.. متأكده
يعني لو اطلقتي وطلبتك للجواز هترفضي
شروق.. ايوه هرفض ولازم نبعد عن بعض وده قراري يا فريد
انا هبعد كمان ممكن اخد ماما ونمشي من البلد خالص ولو سمحت بلاش الصدف بتاعتك دي تاني بعد اذنك
تتصل شروق بمي وتخبرها انها مضطره للذهاب فورا
مي.. شروق مشيت ليه يا استاذ فريد في حاجه هي كويسه
فريد… اه كويسه بس مش عارف مشيت فجأه وانا كمان
همشي يا احمد خليك انت مع انسه مي سلام
شروق.. الووو ايوه يا محمود انا في البيت ممكن تيجي عايزاك ضروري
اوكي يا ياريت مش تتأخر
بعد مرور بعض الوقت يدخل محمود الشقه
محمود.. خير يا شروق صوتك في التليفون مش عاجبني انت كويسه
شروق.. ايوه كويسه وهبقي كويسه اكتر لما نتطلق
محمود… انت اتجننتي يعني يحصل مشكله صغيره بينا
تطلبي الطلاق معقول انت تافهه اوي كدا وجايباني على ملا
وشي فكرت في مصيبه حصلت انت فيكي ايه بالظبط تعرفي
انت كدا بتثبتي شكوكي فيكي
شروق.. شكوك ايه انت بتشك فيا ازاي نقول كدا
محمود. اه بشك فيكي وعندي إثبات كمان على كل كلامي تحبي تعرفي ايه الإثبات.
ياترى محمود فعلا يعرف سبب طلب شروق الطلاق
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوده الماضي)
