رواية عودة بعد غياب الفصل السادس 6 بقلم حنين الماضي
رواية عودة بعد غياب الجزء السادس
رواية عودة بعد غياب البارت السادس
رواية عودة بعد غياب الحلقة السادسة
عز الدين نزل هو ونادية على القاهرة .
عز الدين : تعالى شوفى عجبتك الشقة
نادية : الله دى حلوة اوى اوى ربنا يخليك ليا يا رب
عز الدين: بس عاوز اتفق معاكى على حاجة
نادية : انت تؤمر
عز الدين: انا طبعا مينفعش افضل هنا على طول ،لان فى بيت تانى وليهم حقوق عليا هما كمان ،بس هبقى اجى عندك ٣ ايام فالاسبوع والباقى عندها
نادية : اللى تشوفة مدام هنشوفك وتبقى معانا ،طيب ومدام مرڤت هتعمل معاها اية
عز: والله ما عارف وهى رافضة تاخد اى فلوس منى
نادية: انا عاوزاها تسامحنى عشان حتى اللى فى بطنى لما يجى يعرف اخواتة وهى لازم تعرف أن مهما حصل هيفضلوا اخوات لانهم كلهم بأسمك انت
عز : انا بقى مشتاق اشوف اللى هيشرف دة شكلة اية ههههه صغرنى
نادية : هههه انت شباب لسة
عز : يالا رتبى حالك على ما أنزل مشوار كدة
نادية: حاضر
—————————-
📞📞📞📞📞
الحجة: الو
عز : ازيك يا حجة انا عز
الحجة: اة الحمدلله
عز : انا عارف انك زعلانة منى بس انا حاولت اراضيها وهى رفضت
الحجة: مبقاش لية لزوم الكلام دة ،عدا وقتة خلاص
عز : طيب خليها تسيبنى اصرف على العيال
الحجة: جاى دلوقتى عاوز تصرف عليهم ،ماهما كانوا معاك ومطلع عينيها علي المصاريف
عز : انا عمرى ما حرمتهم من حاجة
الحجة : قصرو انت متصل عشان كدة ؟
عز : عاوز اشوف العيال ونفسى يتعرفوا على إخواتهم
الحجة: أنة اخوات دوول ،اللى محدش كان يعرف عنهم حاجة
عز : يا حجة انتى زورتى بيت ربنا وعارفة ربنا كويس وهى كمان مؤمنة بالله بلاش ناخد ذنب العيال بذنبنا ، مهما حصل هيفضلوا اخوات وكلنا عارفين كدة
الحجة: والله انا ما صعبان عليا غير العيال سواء هنا ولا هنا لان دول ملهمش ذنب ولا دول ليهم ذنب وكلة بسبب نزواتك
عز : طيب المهم دلوقتى تكلميها تخلي العيال يتعرفوا على إخواتهم
الحجة: انا مش عارفة هقولها ازاى بس ربنا معايا
عز : متشكر جدا مع السلامة
_____________
مراد : ماما انا جاهز للبطولة خلاص
ميرفت: شاطر يا مراد انا فرحانة بيك وواثقة انك هتاخد البطولة لان انت شاطر
مراد : ادعيلى يا ماما انا نازل
ميرفت: ربنا معاك يا حبيبى انت وأخواتك
———
الكابتن: ها يا بطل مستعد
مراد : انا جاهز
الكابتن : تخيل أن اللى قدامك حد مضايق منة والعب وانت بتاخد حقك بس بقوانين اللعبة عشان متخسرش
مراد : حاضر
الكابتن : خد بالك البطولة دى لو عديت منها هى اللى هتطلعك بطولة الجمهورية
مراد : انا متحمس جدا جدا وجاهز
الكابتن : ربنا معاك يا بطل ،يالا اجهز
____________
مراد ( انا مضايق من الزمن والدنيا والظروف اللى حرمتنى من حضن بابا وخلت ماما بقت حزينة كدة ومش عارفة تعمل اية عشان تخلينا احسن من لما كان بابا موجود )
الكابتن : يالا يا مراد يا بطل ادخل بسرعة
مراد : حاضر بسم الله ربنا معايا
😱😱😱😱😱😱😱😱
مراد نزل ضرررب فى زميلة بكل قوة وثقة ومن غير رحمة ومكنش مركز حتى مع الكابتن والمدرب وكل تركيزة أنة يكسب ويثبت لنفسة ولمامتة أنة راجل وكبير وقد المسئولية زى اكرم إخوة بالضبط .
الكابتن : خلصت ووووووو مبروووووك مبرررروك يا بطل
مراد زادة ثقة بالنفس ،لكن مرة واحدة جة زميلة وضربة وقامت خناقة كبيرة جدا بعد البطولة الأولى وخلصت بالشرطة وتأهل مراد لبطولة الجمهورية فى الملاكمة وفضل يدرب اكتر واكتر عشان ياخدها هى كمان
الكابتن : يا بطل النهاردة يومك ومصر كلها هتتكلم عنك ،ولعلمك الشرطة موجودة لان اتاخد عنك الخشونة فاللعب ،احنا عاوزين نلعب بقوانين اللعبة يا مراد مش عاوزين نسيب عاهة لحد نضيعة بيها
مراد : حاضر يا كابتن ،بس قولى فى حد من أهلى جة يتفرج عليا النهاردة
الكابتن :مرااااد ركززز فالبطولة اوعى تشتت تفكيرك بحد مهما كان
مراد : حاضر ..انا هسخن اهو
مراد قبل ما يبدأ اللعب بسرعة جدا بص على المدرجات يمكن يلاقى مامتة أو حد من اخواتة أو حتى باباة لكن للأسف ملقاش حد ودة زود الغيظ والضيق جواة وبقى بيلعب بكل غيظ بردوا لحد ما البطولة خلصت
وأعلن الحكم بفوز مراد عز الدين بطل الجمهورية فى الملاكمة لعام ١٩٨٥ وكان فرحان جدااا
_______________
مراد: ماما أنا عاوز اساعدك زى اكرم
ميرفت: انت لسة صغير لما تكبر
مراد : طيب انا حالى حل
ميرفت : حل اية
مراد : شوفت اعلان عن المدرسة الداخلية الثانوية الجوية اية رأيك هروح اقدم فيها وحاسس انى هقبل
ميرفت: انا واثقة ان شاء الله انك هتقبل
مراد : وان شاء الله لما اقبل اى فلوس هاخدها هبعتهالك وعلى الأقل كدة ابقى مسئول عن نفسى ومش هحتاج مصاريف منك
ميرفت: ماشى يا مراد روح قدم وربنا يوفقك
____________________
منى : ماما انا زهقانة شوية
ميرفت : لية مالك
منى : انا كرهت كل الرجالة فالدنيا بسبب بابا وكل ما افتكر اللى عملة معانا بكرهة
ميرفت :فى حد يكره باباة
منى : اة انا
ميرفت: بس كدة غلط
منى : هو ضايقك كتير اوى وعذبك معاة ولو فى يوم اتجوزت بسببة هفضل اشك فى جوزى بسببة
ميرفت: ان شاء الله ربنا يرزقك بحد كويس ويراعى ربنا فيكى
الحجة : طيب مدام احنا ناس بتوع ربنا ،يبقى نعمل اللى ربنا أمرنا بية يا بنتى
ميرفت :عاوزانى اعمل ايه يا ماما
الحجة : عاوزاكى تشوفى نفسك وتتجوزى انتى كمان وتعيشى اللى راح منك مع حد كويس
ميرفت :عمرى ما هعمل كدة يا ماما واسيب ولادى
منى : ربنا يخليكى لينا يا ماما
الحجة : طيب ولادك مش من حقهم يشوفوا إخواتهم
ميرفت : إخواتهم
الحجة : اة يا بنتى خلصى ذمتك من ربنا عشان منتحاسبش على حاجة ونظلم ويا عالم مين بكرة موجود ومين لا واعملى اللى عليكى وخلاص وانتى مؤمنة وبتاعت ربنا واكيد عارفة أن كلامى صح
ميرفت : مش هقدر يا ماما افكر دلوقتى سيبينى شوية كدة مع نفسى ..
___________________
اكرم : ماما أنا جالى كدة التنسيق على كلية الآداب وهحاول اذاكر واركز فى شغلى متقلقيش
ميرفت: ربنا معاك يا اكرم انت راجل وقدها واهو مراد وفر عليا مصاريف مدرستة كمان والحمدلله ربنا معانا
اكرم : متخافيش يا ماما انا مش هسيبك تتبهدلى انا معاكى
__________________
بدأت الدراسة وكان مراد اتقبل فالمدرسة الثانوية الجوية..
بهاء : شكلنا هنا هنشوف احلى ايام وهنتربى من اول وجديد
مراد : ههههه انا داخل وعارف انها صعبة بس ظروفى اضطرتنى اقدم هنا
بهاء : كل حاجة بميعاد حتى دخول الحمام كمان
مراد : انسى الرفاهية خلاص
بهاء : المهم احنا كل يوم هنصحى على وش بعض ههههه بحكم أن سريرك جنب سريرى
مراد : ههههه كان اكرم اخويا جنبى زمانة دلوقتى واخد راحتة فالاوضة
بهاء : انا هستنى يوم الزيارة بفارغ الصبر
مراد : الزيارة دى فيها أية
بهاء : اهلك بيجوا ومعاهم خيرات ربنا ويدوك فلوس بقى
مراد : يدونى فلوس !! مش هما هنا كل شهر بيوزعوا فلوس وسمعت على مكافآت كمان
بهاء :ايوة هتاخد بس البحر يحب الزيادة يا زميلى ههههه
مراد : ههههه
بهاء : يالا ننام قبل ما نتحبس اول زيارة
مراد : ههههه تصبح على خير
_____________________
أسامة : عاملة أية النهاردة
ميرفت: الحمدلله
اسامة: وحشتينى على فكرة ، وكنت مستنى منك تليفون امبارح
ميرفت : معلش يا اسامة غصب عنى انت عارف عليا مسئولية كبيرة وصعبة
اسامة: ولية عاملة فى نفسك كدة ، ابعتى لابوهم يشيل هم ومسئولية ولادة شوية
ميرفت : لا مقدرش اسيبهم وبعدين هو فاضيلهم ،هو بس عمال يتجوز ويخلف وخلاص
اسامة: طيب لازم تحددى موقفك انا قربت اسافر
ميرفت: انا ماما عندى عمالة تزن عليا وتقولى شوفى نفسك شوية وولادك مبقوش اطفال
اسامة: انا عامل حسابى انك ترجعى السعودية معايا
ميرفت : حاضر هرتب نفسى ،بس استحالة اقولهم انى هتجوز
اسامة : طيب هتعملى اية
ميرفت : بفكر لسة وان شاء الله الاقى حل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
