رواية عودة بعد غياب الفصل السادس عشر 16 بقلم حنين الماضي

رواية عودة بعد غياب الفصل السادس عشر 16 بقلم حنين الماضي

رواية عودة بعد غياب الجزء السادس عشر

رواية عودة بعد غياب البارت السادس عشر

رواية عودة بعد غياب الحلقة السادسة عشر

مراد : انا هنزل اقعد على القهوة

حياة : ماشى

……

مراد : السلام عليكم

خالد : اهلا بسيادة العقيد اتفضل حضرتك

مراد : خلاص بقى عقيد اية ما كلة راح فى غمضة عين

خالد : أنت كدة زى الفل وعيش حياتك على مزاجك بدل ما كنت حارم نفسك من متع الدنيا

مراد : هى فين متع الدنيا دى

خالد : عندى

مراد : 🤨 مش فاهم

خالد : عندك استعداد ولا تجيب ورا

مراد : ستات وحوارات ماليش فيها

خالد : ستات اية يا باشا بقولك متعة الدنيا ،حاجة عدت الستات بكتير

مراد : ما انا من الصبح بقولك فين

خالد : اتفضل دى عشان سيادتك غالى عليا

مراد : سجاااير 😏

خالد : دى مش اى سيجاااارة دى حتة تعمل احلى دماغ عالية ومتكلفة ولا تخاااااف

مراد ( ما اجرب بدل ما ياخد فكرة انى خايب) : هات ورينى وانا هخاف من اية يعنى

خالد : ايوووة هو دة الكلام اتفضل خد نفس وعيش فالعالم التانى

مراد شرب سيجاااارة االحشيش وبدأ يحس بتغيير وكأنة طاير فالسما وبقى عمال يضحك ونسى كل همومة ولا بقى فاكر حاجة خالص 🙈

_______________

بدأ مراد يبقى كل ما يلاقى نفسة زهقان أو مخنوق ينزل على القهوة يدور على خالد ( كيف ) وبقى خالد هو كيف مراد لحد ما أقنعة خالد انة يندمج اكتر معاة

خالد : فى أية يا سيادة العقيد مالك انت بقيت مد من مخد رات ولا أية

مراد : الله يخربيتك دى سحر بتخلى الواحد يسافر مع نفسة وتعمل احلى دماغ

خالد : ماشى ماهو طول ما جيبك مليان انا عينى ليك

مراد : لا متقلقش خالص من الحتة دى ،ظبطتنى انت بس وانا هراضيك

خالد : انا عاوز فالحتة ٥٠ جنية ومن غير فصال

مراد : وانا مش هفاصل معاك مرضى كدة

خالد : هو دة الكلام وعشان كدة انت ليك عندى حاجة هتعجبك وتخلى مزاجك اخر جمال

مراد : ايدى على كتفك

خالد : الصحرا

مراد : مش فاهم

خالد : الصحرا دة مكان على طريق اسماعيلية الصحراوى بعد العاشر من رمضان فيها بقى الكيف على اصولة وهيعجبك اوى

مراد : طب ومستنى أية يالا بينا أنا جاهز

خالد : ههههه قشطة عليك يالا

_____________

خالد : نهاركم عسل يا ناس يا ضايعة ههههه

مراد : أية الناس دى

خالد : دوول بقى عاملين احلى دماغ ودماغ متكلفة جامد وانا عشان بحبك جبتك هنا تعيش شوية وتعمل احلى كيف وتصهلل

مراد : يا ابن اللاعيبة هو دة المطلوب يالا الحقنى ،انا شكلى مكنتش عايش قبل كدة ولا أية

خالد : يا باشا انا كنت بشوفك وانت لابس الحتة الزفرة اقول هو مستحمل حياة الشقا دى ازاى

مراد : متفكرنيش دى غلطة عمرى وفالاخر كانت أية المكافأة غير لائق طبيا ،انسى خلاص عشان انا كمان انسى وادينى احلى صنف عندك عاوز اهرب من الدنيا كلها واعيش فالجنة

خالد : ههههه هوا

________________

استمر مراد فالادماان حوالى خمس سنين 🥹 خمس سنين دمر نفسة بمعنى الكلمه ومن كتر ما بقى عصبى جدا كل اخواتة بعدة عنة حتى ابنة الوحيد سليم بقى بيكرهه

مراد : فين سليم

حياة : جوة

مراد : هو الواد دة مبقاش يجى حتى يشوفنى لية !؟

حياة : ما انت كل ما تشوفة تزعقلة ومحدش عارف بقى مالك كل حاجة زعيق زعييق خلية فى اوضتة بدل ما كل شوية تضايقة

مراد : ناديلة

حياة : انت مصمم تزعلة

مراد : النهاردة شوفت بنت قاعدة على الرصيف بتعيط بقولها بتعيطى لية قالتلى بكره بابا اووى ونفسى اروح عند دكتور يدينى سم احطة لبابا فالأكل عشان يموت وتخيلت ان سليم يكون بيتمنالى الموت هو كمان

حياة : سليم عاوزك تلعب وتتكلم معاة زى الاول انت بعدت عنة خالص

مراد : انتى اللى بعيدة ومن زمان اوووى

حياة : انا بخاف عليك ومبقبلش عليك حاجة تأذيك لكن مش لازم اقعد اقولك انا بحبك كل شوية لكن فى تصرفات اكيد بتبين دة

مراد : بس انا من حقى اسمعها وبعدين فين دى المواقف اللى بتبين دة

حياة : انت مش واخد بالك انك خسرت كل حاجة حتى اخواتك خسرتهم

مراد : مع الف سلامه اللى مش عاوزنى انا كمان مش عاوزة

حياة : وطى صوتك انت بقى مزاج عندك الصوت العالى وشكلك بقى عامل كدة لية وعلى طول برة و اوقات تيجى متعصب وأوقات تيجى عمال تضحك وتترمى عالسرير وتنام طول اليوم ،انا مش فاهمة فى أية ؟

مراد : ومن امتى كنتى بتدورى اصلا .. انا داخل انام ومش عاوز اسمع دوشة وخلى ابنك ميردش عليا كويس

___________________

مراد ( انا ايييية اللى عملتة فى نفسى دة ايييييية يا غبى اللى ضيعت نفسك بية دة ،بعد ما كنت عقيد محترم وليك كلمتك والكل بيعملك الف حساب ،بقيت انسان ضايع ومستهتر ومد من وبتاع كيف وجسمك كلة سموم ،قوووم بص على نفسك فالمراية شوف عينيك ووشك بقوا عاملين ازاى شوف جسمك بعد ما كنت واحد رياضى وعندك نشاط بقيت بتتحرك بصعوبة زى اللى عندة ١٠٠ سنة ،اخواتى بعدوا عنى وقطعونى حتى ابنى كمان بعد ما كان بيشوفنى ويجرى عليا بقى بعيد عنى ومش عاوزنى ومش بعيد يكون بيتمنالى الموت 🥹 انا كنت فين ووصلت لفين ،معقولة دى نهايتى خلاص دى نهاية المطاف ياااااااة يا ماما 😭😭 مهما كبرت حاسس انى اصغر من ابنى ومحتاجلك اوووى حاسس انى ماليش حد فالدنيا ادعيلى يا ماما انتى عند ربنا ادعيلى ربنا يقف معايا وارجع زى ما كنت والله يا ماما كل ما اقول يالا اتعالج تيجى الهانم اللى برة دى وتحرق دمى والاقى نفسى بهرب من المشاكل والقرف وانزل على الس م واخدة 🥹🥹 انا تعبااان اووووى يا ماما لكن خلاص انا هستحمل ولازم اتعالج بس العلاج عاوز سنة فالمستشفى ومينفعش اسيب البيت وابعد عن ابنى واخواتى كمان قطعونى يبقى هسيب البيت لمين ياخد باله منهم 🥹🥹 انا مش عارف اعمل ايه يا ماما دلينى لو سمحتى وادعيلى كتير اووى انا محتاج دعواتك اكتر من اى وقت محتاج احس انك معايا انتى الوحيدة اللى هتخافى عليا وهتقفى معايا لحد ما ارجع زى الاول 🥹🥹🥹😔

__________

تانى يوم

__________

مراد : حيااااااة حياااااااة

حياة : فى أية فى أية

مراد : مش قادر اتحرك مش عارف احرك رجلى ولا انزل من السرير

حياة : طيب اهدا انا هتصرف واجيب دكتور

مراد : بسررررعة

______

الدكتور : خير يا سيادة العقيد مالك

مراد : مش عارف اتحرك حاسس انى مشلول

الدكتور بعد الكشف : لازم تعمل أشعة رنين على ضهرك ضرورى وبسرعة انت مينفعش تسكت على نفسك اكتر من كدة

مراد بعصبية: بقووولك مش قادر اتحرك ازاى هروح المستشفى اعمل أشعة

حياة : شكرا يا دكتور احنا هنتصرف اتفضل حضرتك

_________

مراد من آلألم : اااااااة

حياة : بص مين جالك

مى : 😭😭 حقك عليا أنا غلطانة انى قاطعتك مكنتش اعرف انك تعبان اوى كدة

اكرم : انت ليك حق عندنا كلنا وحقك علينا بس لازم تتعالج مكناش نعرف انك تعبان ولا وصلت للدرجة دى

منى.: 😭 خلاص يا حبيبى انا نزلت مصر وهستقر فيها ومش هبعد عنك تانى بس لازم تتعالج عشان خاطر سليم على الأقل

مراد: انتوا عرفتوا منين دة لسة الدكتور ماشى

اكرم : سليم وحياة كلمونا من يومين ولما حياة طلبت الدكتور كلمتنى وانا كلمت اخواتك بس لازم تقوم وتغصب على نفسك وتتعالج حتى لو هنقفل عليك الباب ومهما طال وقت العلاج اوعى تستسلم يا مراد انت اقوى من كدة

مراد : 🥹 محدش فيكوا خايف على شغلة لو حد عرف ان اخوكوا مدمن !؟ الاعلامية المشهورة مى اللى كانت مكسوفة منى ،دلوقتى خلاص مافيش مشكلة عندك

مى : ولاهممنى حاجة اكتر منك يا مراد وحقك عليا حتى لو هسيب الإعلام وشغلى خالص مش مهم ،انت اهم عندى 😭

مراد : انا مكنتش محتاج اكتر من كدة حد يشجعنى ويقف معايا وخلاص انا هتحدى نفسى وهتحدى السموم اللى دخلت جسمى وموافق على العلاج ،حد يقول لسليم انى عايش عشانة

سليم : انا بحبك اوى يا بابا

مراد : حبيبى يااااااة وحشنى حضنك اووووى اوووووى متخافش منى تانى أنا هتعالج وهبقى كويس وهنرجع نلعب ونجرى مع بعض تانى

_______________

وليد صاحب مراد وكان بيتعاطى معاة : 🥹🥹 مش عارف انطق

مراد : فى أية مال صوتك

وليد : 🥹🥹😔 هانى ومصطفى ماااتوا نتيجة جرعة زيادة

مراد : انت بتقول ايه ماااتوا 😳

وليد : وخالد عامل نفسة من بنها وبكل جحود يقولك دة قدرهم

مراد : 🥹🥹 خالد دة اسوأ شخص عرفتة هو السبب فى دمار حياتنا ،اسمع يا وليد احنا لازم نتعالج ونواجة والا هنموت زى هانى ومصطفى احنا عندنا بيت يا وليد مسئول مننا لازم نعيش عشانهم هنسيبهم لمين

وليد : انا خلاص يا صاحبى دخلت فى طريق صعب ارجع منة ،روح انت اتعالج وربنا معاك

________

مراد بدأ يفكر ويفتكر هانى ومصطفى اول لما عرفهم كانوا عاملين ازاى وكانوا شباب زى الورد وبسبب المخدر ات اللى دمرت جسمهم وقضت عليهم ماااتوا فى عز ما الحياة بتقولهم عيشوا حياتكوا 🥹

ومن هنا قرار تأكيد علاج مراد بقى أمر حتمى وبدأ فعلا يعمل أشعة وفحوصات .

الدكتور : لازم تعمل أشعة رنين بالصبغة انا لحد دلوقتى مش عارف اوصل للتشخيص الصح

مراد : حاضر هعملة وارجع لحضرتك

_______

بعد اسبوع من الألم والعذاب

__________”

اكرم : طمنا يا دكتور

الدكتور : للأسف عندة صديد على الفقرات اللى عامل فيها عملية انزلاق الغضروف وعشان اتأخر فالعلاج حصل تأكل للفقرات

اكرم : والحل يا دكتور من فضلك

الدكتور : هو خلاص اتحجز معانا هنا فالمستشفى عشان ميضعفش وياخد جرعة تانى لانة هيتعب جدا وقت لما الجسم يطرد المخدر ومهما خد مسكنات عمرها ما هتسكن الالم اللى هيحس بية ادعولة لان فعلا دة اكبر عذاب هو هيعيشة ومش فى ايدينا نعمل حاجة دلوقتى

اكرم : 🥹🥹 ارجوك يا دكتور لو فى اى حاجة مطلوبة مننا كلنا محدش فينا هيتأخر

الدكتور : احنا هناخد ٦ شهور علاج مبدأيا هيكون جسمة اتعود أن مافيش جرعات وبعدها نشوف نسبة الصديد ولو مافيش نتيجة هنضطر نعمل عملية تنظيف للصديد و تثبيت الفقرات بشرائح ومسامير

اكرم : 🥹🥹🥹 ان شاء الله يكون احسن

الدكتور : ان شاء الله مسألة وقت مش اكتر وصبر

________________

مراد فضل يتعالج ٦ شهور كاملين عشان الصديد يتعالج لكن مافيش فايدة واضطر فعلا يخضع للعملية ..

حياة : 😭 مراد خليك قوى انا واثقة انك قدها وهفضل واقفة قدام باب العمليات لحد ما اطمن عليك

منى : حبيبى كلنا هنا مستنينك

مى : 😭😭

اكرم : يالا يا سيادة العقيد انت قدها ومستنيك

مراد لحياة : انا مش عارف هخرج من العمليات ولا لاة بس عاوز اقولك شكرا انك شيلتينى طول فترة تعبى ومزهقتيش منى ولا فقدتى الامل ومن غيرك انا كنت زمانى ميت

حياة : 😭 متقولش كدة أنا مستنياك لا اله الا الله

مراد : محمد رسول الله

_______________

دخل مراد العمليات وقعد خمس ساعات متواصلة وكان الكل على اعصابة لان فترة علاج مراد كانوا كلهم شايفين العذاب اللى هو فيه ومحدش كان عارف يساعدة الا بمسكنات وقليل لما كانت بتعمل حاجة

____________

اكرم : أية يا دكتور طمنى

الدكتور : لازم يفوق الاول عشان نتأكد من نجاح العملية

اكرم : ان شاء الله خير وهيبقى كويس صح

حياة : اهو خرج اهو

مراد بابتسامة : 😊😊 الحمدلله

حياة : حمد الله على السلامة

مراد : بتعيطوا لية أنا كويس الحمدلله

كلهم : الحمدلله الف حمد لله على سلامتك

_____________

رجعت البهجة لمراد من تانى ورجع لبيتة واخواتة وابنة

مراد : انا لازم اشتغل يا حياة مش هينفع افضل قاعد فالبيت كدة

حياة : هتشتغل اية

مراد : انا معايا لغة حلوة اوى لية مستغلهاش لان شهادتى مش هتشغلنى حاجة خلاص

حياة : طيب انت لقيت حاجة

مراد : اة فى شركة سياحة فالمطار طالبة موظفين بشرط إجادة اللغة الإنجليزية وانا الحمدلله تمام ،هقدم وأشوف يمكن يكون ليا حظ

حياة : ان شاء الله

______________

وفعلا راح مراد قدم فى شركة السياحة وعمل انترفيو واتقبل وبقى فرحان أنة قدر يبتدى بعد كل اللى حصلة فى حياتة دة ورجع مراد تانى بقى صاحب ابنة سليم الوحيد اللى هو اغلى حاجة فى حياتة ..

_______________

باااااااك

_________

مراد وقت رجوعة من رحلة شرم الشيخ

مراد : الو

السواق : الو

مراد : انت نسيتنى ولا أية ،مش قولتلك وانا راجع هكلمك عشان توصلنى البيت

السواق : ايوة انا مع حضرتك عاوزنى اجيلك امتى

مراد : قدامى ساعتين لسة

السواق : حاضر هاجى لحضرتك

_________

مراد ( مشوار طويل اوى يا مراد خدتة وبدل ما كنت طالع الرحلة تنسى كل حاجة ، لقيت نفسك فاكر كل حاجة من ايام طفولتك وكل الوجع حسيت بية تانى ،يااااااااة شريط العمر مر قدامى بكل الحلو والوحش كأنة فيلم مدتة كام ساعة مش ٣٠ سنة ضاعوا من عمرى ،يالا الحمدلله اهم حاجة أن سليم كبر وعرفت اربية احسن تربية وبقى فى الجامعة دلوقتى ومهما كان السلبيات فيكى يا حياة لأنك رجعتى بعد العملية بنفس اهمالك ليا لكن أنا خلاص عرفت طريقى واستحالة ارجع لطريق الادماان ولا الستاات تانى أنا خلاص عندى هدف هو ابنى سليم وشغلى والحمد لله دلوقتى اقدر اقول لنفسى حمد الله عالسلامة عودة بعد غياب طويل لكن الحمد لله لحقت نفسى وكنت قد التحدى 💪💪

__________

خلصت روايتنا ونهاية مطمئنة الحمدلله وانا نفسى كنت سعيدة جدا بالتعرف على بطل الرواية ووصلت من شدة الأحداث بقيت احلم بيها وكنت حقيقى بكتب كأنى جوة الأحداث نفسها ..

الرواية فيها توعية لينا كلنا :

١_ إهمال الزوجة لزوجها نتيجة ثقتها فى نفسها أو ثقتها فى زوجها دة أكبر غلط لان المعاملة دى مهما كانت اكيد هتوصل لطريق كلة عواقب وخيمة ،كل زوجة تاخد بالها أن مافيش زوج كامل هو بنى ادم مليان أخطاء زينا احنا كستات ،بس الزوجة الشاطرة اللى تعرف عيوب زوجها وتقدر تتغلب عليها لمصلحتها واهو مثال لما مراد خان حياة وبقى مع وفاء وغيرها ،هو كزوج محتاج دلع ورقة من زوجتة ودة حقة ،مش معقول هيكون زوج بالصفات دى وهيكون عاوز يعيش مع عسكرى من الوحدة عندة ، جربى كدة ادلعى وهزرى واضحكى وخلى جو بيتك حلو ،وكونى صديقة زوجك بالهدوء والصبر وانتى بتسمعى بلاش كل شوية شكوى ويقوم ما تتكلمى يبقى تطلعى كل عيوبة ،صدقينى هيتقلب ضدك وهيعاند معاكى اكتر واللى زى وفاء كتيييير جدا ومافيش راجل مش سهل على ست لو حطتة فى دماغها والله .

٢_ علاج الزوج لإهمال زوجتة لأول مرة اقولها ،حالة مراد من الحالات اللى حلال الزواج بأخرى والزواج افضل بكتير من النزوات الغير شرعية من ناحية هتحملك ذنوب لا تعد ولا تحصى وثانيا بتسبب امراض كتير مع الوقت واكيد كرجال فاهمين كدة كويس ..

٣_ الادماان من أخطر الأعداء اللى ممكن تقابل اى انسان ،بتيجى علينا لحظات ضعف كتير مش مراد لوحدة ،لكن كل واحد على حسب قدرتة على تحمل الضعف وفى حالة مراد هو كان فى انهيار تاااام واتخزل من كل اللى حوالية حتى اقرب الناس لية وللأسف قابل واحد من أصدقاء السوء كان جارة لكن حاقد علية لانة كان شايفة شخص ناجح وقائد لكن هو بائع سمووم وللأسف استغل لحظة انكسار لمراد ، التحدى والعزيمة هنا مش بتكون عشان نفسنا فقط لكن عشان ناس مسئولة مننا غالية علينا وواجبنا عليهم اننا نحافظ على نفسنا عشان خاطرهم 🥰

تمت

لقراءة الرواية كاملة اضغط على : (رواية عودة بعد غياب)