رواية عودة بعد غياب الفصل الثالث عشر 13 بقلم حنين الماضي
رواية عودة بعد غياب الجزء الثالث عشر
رواية عودة بعد غياب البارت الثالث عشر
رواية عودة بعد غياب الحلقة الثالثة عشر
عدت شهور الحمل وحياة ولدت وجابت (سليم ) وطبعا المولود الجديد ساب بهجة وسرور على كل العيلة وكان مراد فرحان بسليم ابنة جدااا …
مراد : فى أية يا حياة طيب الاول كنتى تعبانة من الحمل وبعد الولادة قولت اكيد مرهقة من سليم لكن دلوقتى بعد ما نوم سليم اتظبط وكبر شوية الحمدلله أية المشكلة معاكى !!
مش فاهم
حياة : مشكلة اية ؟
مراد : انتى مش واخدة بالك أن فى حاجات كتير مش واخدة شكلها الطبيعى
حياة : انت مبتزهقش من النكد دة
مراد : بزهق وزهقت اكتر من العيشة دى
حياة : عاوزنى اعملك اية
مراد : دى كارثة لو مش عارفة انك زوجة يا هااانم وبقيتى أم
حياة : يووووة انت عاوز تتخانق وخلاص
مراد : يعنى المفروض من اول الجواز لحد دلوقتى ،انتى شايفة أن طبيعى انا اللى اعمل لنفسى كل حاجة
حياة : حاجة اية اللى تعملها ،انت عاوزنى اقوم أجرى البسك وأكلك زى العيل الصغير
مراد : يا هانم خدى بالك من بيتك يعنى المفروض قبل ما انزل تقومى تحضرى فطار وتشوفى هدومى وتكويها وتهتمى بيا كزوج شوية انتى انسانة مهملة
حياة : وانا مين بقى ياخد بالة منى ويخدمنى زى ما هخدمك كدة
مراد : انتى قاعدة فالبيت مافيش طلب بتطلبية الا وبيتنفذ موفرلك كل حاجة عاوزة اية تانى
حياة : عاوزاك تبطل نكد ومش الاكل واللبس هما المشكلة
مراد : يعنى مش مكسوفة ونبى من نفسك لما تكونى صاحية وقاعدة على السرير وانا عمال ادور على شربات ولبس وأحضر حاجة اكلها قبل ما انزل وانتى متمددة عالسرير بتتفرجى على التلفزيون
حياة : لا مش مكسوفة يا مراد انا من حقى اعمل اللى يريحنى
مراد : يعنى هى كدة ،طيب هشوف اهلك رأيهم اية ولو قبلوا بكدة ساعتها يبقى فى كلام تانى
حياة : مش بقولك حابب النكد
مراد : الو ايوة يا اسلام ازيك عامل أية
اسلام : الحمدلله
مراد : انا يا اسلام زهقت من تصرفات اختك ولو انت مراتك بتعمل كدة وانت قابل عرفنى يمكن اكون غلط
اسلام : حصل اية تانى اهدا بس
مراد : انا حاسس انى مش متجوز بتبقى صاحية قدامى ومتمددة على السرير وانا عمال الف حوالين نفسى من تحضير شنطتى للمطبخ اعمل حاجة اكلها للمكواة عشان اشوف البس اية وهى ولا فى دماغها ،دة غير اهمالها فيا كزوج ،لو مراتك بتعمل معاك كدة عرفنى ؟
اسلام : لا طبعا عندك حق تزعل ادهالى
مراد : اهى معاك اتفضل
حياة : ايوة يا اسلام
اسلام : اية اللى انتى بتعملية دة مين يقبل بالعك دة
حياة : انا معرفش أنة بيضايق بحسبة هو بيحب يعمل حاجتة لنفسة لانة بيقعد يزعق لو حاجة اتحركت من مكانها
اسلام : راضى جوزك يا حياة لو حد سمع الكلام دة هيجيبوا الغلط عليكى انتى وساعتها لو عمل اى حاجة محدش هيقدر يلومة لانة مش لاقى الراحة ولا الاهتمام فى بيتة
حياة : لا هو ميهددنيش لكن أنا هاخد بالى مافيش مشكلة
اسلام : مش تهديد بس نصيحة من اخوكى لو مراتى عملت معايا كدة اكيد هبص لبرة وانتى اللى هتندمى فالاخر
حياة : ماشى سلام
_______
مراد : يارب تكونى عقلتى وسمعتى كلام اخوكى
حياة : طيب هحضرلك الشنطة
مراد : وانا فين حقى
حياة : حق أية
مراد : حقى منك كزوج
حياة : مراد هو انت لية بتهتم بموضوع زى دة
مراد : بهتم!!؟ لية هو مش من حقى ولا أية؟
حياة : هو كل ما اكلمك فى حاجة تقولى حقى
مراد : ايوووة حقى منك اومال الناس بتتجوز لية
حياة : يا سلام الناس بتتجوز عشان القرف دة
مراد : قررف😳 انتى بتفسرى قربى ليكى بقرف
حياة : انا يا مراد الموضوع بالنسبالي مش بنفس اهتمامك دة
مراد : اممم وانا مش هطلب أنى اقرب منك تانى وخليكى على راحتك .. انا ماشى
حياة : مع السلامة وانا هروح عند أهلى اقعد معاهم يومين على ما ترجع
مراد : هو دة اللى يهمك مستنية اسافر عشان تروحى عندهم ،عالعموم اعملى اللى يريحك انتى حرة
__________
مراد بينة وبين نفسة ( معقولة حد يستحمل الحياة دى ، انا مقصر فى أية عشان الاقى إهمال كدة ، افضل اكوى واعمل اكل واعمل قهوتي وأحضر هدومى وأشوف أية يتحط يتغسل وهى نايمة عالسرير متتحركش لحد ما أنزل ، ههه وتروح عند اهلها تقولى يومين ولما اقولها مجيتيش لية!! تتحجج أنهم ماسكين فيها ،طيب اتجوزتى لية كنتى خليكى عند اهلك ،طيب اعمل معاها اية، دى مرحبة بمى ومش بتخليها تعمل حاجة فالشقة ومخلياها تركز فى دراستها وبس ..انا تعبت وزهقت ولازم افكر فى حل ياترى اعمل اية اعمل ايييية ، اة هى مش هتتحرك الا لو كانت بتشتغل يبقى اعملها مشروع ملابس حريمى وتكون هى مسئولة عنة يمكن بالمشروع دة يبقى فى حوار بينا وترجع تحكيلى حصل اية فى يومها ويمكن قعدتها فالبيت خليتها زهقت واهى محاولة يمكن الدنيا تتظبط )
________
بعد رجوع مراد من السفر
___________________
مراد : السلام عليكم
حياة : عليكم السلام
مراد : انتى لسة راجعة ولا أية
حياة : اة حالا
مراد : مم طيب عندى حاجة يمكن تعجبك
حياة : أية هى دى
مراد : أية رأيك اعملك مشروع ملابس حريمى وانتى تكونى مسئولة عنة وهكتبة بأسمك
حياة : مشروع ملابس
مراد : على الأقل تشوفى ناس ومتزهقيش من قعدة البيت
حياة : ممم خلاص ماشى اعملة واجرب
مراد : بس مش هينفع متنزليش يعنى لازم تنزلى بنفسك تراقبى كل حاجة
حياة : خلاص ماشى
________
بعد ٦ شهور من افتتاح محل الملابس
حياة : مشروع فاشل اصلا
مراد : دلوقتى فاشل ،ماهى كل الناس عملاة وناجح معاهم اشمعنى انتى اللى مش عاجبك
حياة : حرامية شغالين معايا
مراد :وهو مين اللى جابهم
حياة : ما خلاص يا مراد هو انا كنت اعرف منين يعنى أنهم بيسرقونى
مراد : مفكرتيش مرة أن الحسابات مش مظبوطة ومحتاجة تتراجع !!؟
حياة : يوووة ما خلاص بقى
مراد : طبعا هو انتى خسرانة أية ادينى خسرت فلوس المشروع ،بس انا كدة عملت اللى عليا
حياة : انت هتذلنى
مراد : لا ذل ولا كلام انا فعلا تعبت من اهمالك واستهتارك بكل حاجة.. اتخنقت حتى من قعدة البيت انا نازل النادى افك عن نفسى شوية من الخنقة دى
حياة : طيب وانا هنزل اروح عند ماما
مراد : اة طبعا اتفضلى اتفضلى خدى راحتك خالص
______________
نزل مراد فى طريقة للنادى وطبعا فى النادى مراد معروف بحكم وظيفتة واختار ترابيزة يقعد عليها وبعد ما طلب قهوتة وسرحان فى همومة لقى واحدة مبتسمة لية فاضطر يبتسم ومن الاحراج بالموقف مراد قام ورجع على بيتة ومفكرش فاللى حصل خالص ،تانى يوم نزل النادى ،لقى بردوا نفس البنت مبتسمة عن تعمد والمرة دى اتجرأ مراد وراح يسلم عليها وهو خجول جدا
مراد : ازيك عاملة أية ،هو حضرتك تعرفينى ؟
…: طبعا
مراد : بس انا معرفش حضرتك
…: انا أسمى وفاء وخدت بالى أنك بتيجى فى فترة اجازتك بس
مراد : اهلا وسهلا بس انتى ازاى عرفتى وقت اجازتى
وفاء : عرفت من واحدة هنا تبقى مرات واحد زميلك ولما سألتها عليك قالتلى
مراد : هههه كدة نتعرف ونتكلم
وفاء : انا وفاء كنت متزوجة بس للأسف زوجى توفى من سنتين
مراد : لا البقاء لله ومحصلش نصيب تانى وحد اتقدم ؟
وفاء : لا انا مش مستعدة
مراد : هو فعلا لازم استعداد نفسى لكل حاجة
وفاء : لية بلاحظ دايما انك مهموم وسرحان
مراد بتنهيدة: حال الدنيا اللى مهما تحاولى تعدلى فيها مش بتتعدل
وفاء : بس صعب الواحد يفضل حزين كدة
مراد : هو فى حد بيختار الحزن اكيد لأ
حياة : عندك مانع نكون اصدقاء وتحكيلى على همومك مش يمكن كل واحد فينا يقدر يساعد التانى
مراد : يااااريت دة انا نفسى الأقى حد يسمعنى لان بحكم شغلى قافل على نفسى جدا
وفاء : خلاص اتفقنا وانا واثقة انك صديق ممتاز
مراد : هههه وانا واثق انا كمان
__________________
زادت مقابلات مراد ووفاء فالنادى ومبقاش مراد مهتم بوجود حياة فالبيت وبقى هو يشجعها تروح لاهلها عشان يقدر يتكلم فالتليفون مع وفاء براحتة وطبعا حياة بكل سذاجة كانت ما بتصدق 🙂
مراد : الو صباح الجمال والرقة
وفاء : هههه صباح الخير
مراد : الجميل لسة صاحى شكلة
وفاء : امم
مراد : طيب بصى عاوز اقولك على حاجه اتمنى توافقى
وفاء : موافقة طبعا هههه من قبل ما تقول
مراد : مراتى خدت ابنى وراحت تقعد على أهلها واختى فالجامعة مش هترجع غير العصر ،اية رأيك تيجى ؟
وفاء : هههه جاية
مراد : بجد موافقة
وفاء : اة قولى العنوان
_____________________
لاااااااايك وكومنت عشان نعرف اية اللى حصل بين وفاء ومراد وآية النتيجة ؟؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
