رواية عودة بعد غياب الفصل التاسع 9 بقلم حنين الماضي
رواية عودة بعد غياب الجزء التاسع
رواية عودة بعد غياب البارت التاسع
رواية عودة بعد غياب الحلقة التاسعة
توفى عز الدين فى حضن بيتة وولادة وبالرغم من كل السلبيات إللى كان عليها ،الا أن آخر يوم قضاة مع ميرفت وولادة ساب اثر جامد فى نفسيتهم وهو أنهم اخر ناس شافهم وشافوة وحضنوة وكأن قلبة ارتاح واطمن وهو عندهم..
بعد اسبوع من الوفاة
_________________
اكرم : هى فين يا ماما الفلوس اللى بابا قالنا عليها
ميرفت : ابوك عمرة ما كان بيحب يتعامل مع بنوك ،هى شنطة سفر كبيرة كان بيحط فلوسة فيها بس محدش لا يقدر يفتحها ولا كان حد يقدر يقولة هى فيها كام لكن أنا عارفة أنة كان معاة كتير
اكرم : طيب اعتقد من حقنا نسأل على الشنطة دى فين
ميرفت : اللى عاوز يقول كان قال يا اكرم من زمان وكويس أن الشقة دى اتسجلت عشان اللى يحتاجها فى يوم منكوا ياخدها
اكرم : انا هروح عند طنط أميرة منها اشوف اخواتى ومنها اسألها
ميرفت : مش هقدر امنعكوا من ورث ابوكوا ولا هقدر امنعك من اخواتك لكن الشغالة دى غصب عنى محبش حد فيكوا يتعامل معاها لا هى ولا بنتها لان كل شوية افتكر شكلهم واعرف ان بنتها دى جت على سريرى
اكرم : ماشى يا ماما متضايقيش نفسك
__________________
أميرة : اهلا يا أكرم تعالى
اكرم : عاملين ايه واخواتى
أميرة : الحمدلله اهو من يوم وفاة عز والدنيا شكلها صعب جدا
اكرم : معلش فترة وكلنا هنتعود، احنا اصلا
متعودين بقالنا كتير بس انتوا عشان الموضوع جديد
أميرة : ربنا يرحمه ويغفر له
اكرم : يارب ، بقول لحضرتك ؛ بابا قبل ما يموت قالنا أنة سايب شنطة فلوس ليا انا وكل اخواتى وانة مأمن مستقبلنا
أميرة : انا معرفش حاجة عن الشنطة دى
اكرم : ازاى الكلام دة
أميرة : زى ما بقولك انا ولا شوفتها ،شوف فالبيت التانى اكيد عندها
اكرم : يعنى مجبش سيرتها قدامك خالص
أميرة : لا قالى فى فلوس بس انت عارف ابوك ميحبش حد يقولة كام وفين وعشان كدة مدورتش
اكرم : طيب تمام شكرا
________________________
نادية : اهلا وسهلا
اكرم : عاملين ايه
نادية : الحمدلله هنعمل ايه بعد الغالى ما راح
اكرم : ما انتى قاعدة فى شقة اهو
نادية: انا مكنتش عاوزة شقة ولا حاجة كنت عاوزاة يفضل معانا ويربى اختك
اكرم بضيق : اممم طيب بابا قال أنة سايب شنطة الفلوس عندك
نادية : عندى انا !!؟ لا معنديش حاجة
اكرم : يعنى اية معندكيش حاجة
نادية : يعنى هو قالى أن الشنطة عند أميرة مراتة
اكرم : هو قالك كدة ؟؟
نادية : اة قالى كدة
اكرم : انا لسة جاى من عندها وقالت معندهاش حاجة
نادية : طيب وانا هنكر لية لو عندى يا استاذ اكرم
اكرم : اخر كلام متعرفيش حاجة عن شنطة الفلوس ؟
نادية : لا معرفش حاجة وادخل فتش لو عاوز
اكرم : مممم لا خلاص ما اكيد اللى مخبية منكوا الشنطة عاملة حسابها كويس … سلام
____________
ميرفت : وصلت لحاجة
اكرم : ولا اى حاجة الاتنين انكروا
ميرفت : خلاص انسى لانك مش هتوصل لحاجة وللأسف ابوك اللى غلطان وكان المفروض يتوقع دة يحصل بس هنقول علية ،طول عمرة ماشى بدماغة لما غرق وغرقنا معاة والحمد لله طلعنا بالشقة اللى تجمعكوا بعد كدة
اكرم : يعنى خلاص كدة
ميرفت : عاوزاك فى موضوع اهم
اكرم : خير
ميرفت : انت عارف منى وشخصيتها وكنت شاكة انها تحب وتتحب وقولت كلية طب دى هتعقدها وتخليها بعيدة عن احلام البنات لكن اهو بقالها سنين فيها وربنا كرمها بشاب زميلها معجب بيها وهى كمان شيفاة مناسب وقدامة مستقبل حلو واهلة مبسوطين ، عاوزين نساعدها بس مش دلوقتى قدام شوية على الأقل تخلص الكلية ومافيش مشكلة ساعتها يتقدم ، هى ناقصلها سنة كويس نكون جهزنا نفسنا احنا كمان
اكرم : بجد منى كدة هتتجوز عادى زى البنات هههه
ميرفت : ههههه عقبالك انت كمان عشان اركز بقى مع مراد ومى
اكرم : ههههه حاضر هخلصك منى انا كمان
__________________
مراد : بقولك أية يا بهاء انا حابب نبقى أصحاب جوة المدرسة وبرة كمان
بهاء : ماهو انت صاحبى فى أية
مراد : يعنى هتوافق تخلينى اجى ازورك فالبيت وانت تيجى تزورنى
بهاء : اة أية المشكلة ،والاجازة الجاية انت تيجى الاول
مراد : بجد هههه موافق طبعا
__________________
مراد كان كل تفكيرة ومشاعرة مع اخت بهاء اللى شافها مرة وحس ساعتها أنة متلغبط ومشاعرة مالت ليها ..
________________
يوم إجازة مراد
_____________
ميرفت : رايح فين يا مراد
مراد : رايح عند بهاء صاحبى شوية وجاى
ميرفت ؛ طيب بس متتأخرش عشان مقلقش عليك
مراد : حاضر
__________________
مراد نزل وهو فى قمة سعادتة لانة هيشوف سمر وتعتبر الحب الاول لكن بصمت …
سمر : ايوة مين
مراد : انا
سمر بابتسامة: ازيك عامل أية
مراد : الحمدلله
سمر : عاوز بهاء
مراد : اة
سمر : طيب تعالى ادخل
مراد : حاضر
سمر : تشرب حاجة
مراد : لا شكرا
سمر : طيب اقعد وانا هنداهلة
مراد : متشكر
🤨🤨🤨🤨🤨🤨
بهاء : اهلا يا زمل نورت
سمر : احط الغدا
بهاء : ماشى ماشى
مراد :لا شكرا
سمر : لا لازم تاكل عندنا وتقولى رأيك
مراد بفرحة : خلاص حاضر
________
مراد : شكرا عالاكل
بهاء : اقف شوية فالبلكونة على ما اجيلك
مراد : حاضر
سمر : انا قولت اجى اقف معاك على بهاء ما يجى بدل ما تفضل واقف لوحدك
مراد : متشكر
سمر : بهاء واضح انة بيعزك اوى
مراد : وانا كمان
سمر : يبقى كدة شكلك هتيجى تزورنا كتير هههه
مراد : اة طبعا هههههه
____________
مراد نزل من عند بهاء وهو فى قمة سعادتة وبقى يقرب من بهاء اكتر واكتر عشان سمر وبقى كل إجازة لازم يروح يشوف سمر واتكرر الموقف حوالى شهرين لحد فى يوم ما راح مراد يزور بهاء فى بيتة لكن للأسف سمر مظهرتش خالص واضطر كل إجازة يروح لبهاء على أمل يشوفها لكن بلا فائدة ..
مراد فى عقلة ( هى لية اختفت كدة بعد ما خدت عليها واتكلمت معايا ،انا هتجنن عاوز اشوفها اعمل ايه ،،ااااة مافيش قدامى غير كدة وأهرب واشوفها وأشوف هى لية اختفت منى مرة واحدة)
مراد : اااة اةةةة بطنى بطنى
…..: بسررررعة المستشفى
قدر مراد يهرب بعد ما خدوا التمام بتاعة وطلع جرى على شقة بهاء ولقى سمر هى اللى فتحت ..
مراد : اخيراااا ظهرتى
سمر : عاوز اية
مراد : لية اختفيتى مرة واحدة
سمر : عادى
مراد : لا مش عادى عرفينى
سمر : انت عاوز منى اية
مراد : عاوز اشوفك
سمر : عاوزة اقولك انك متنفعش تكون حد قريب منى
مراد : طب لية انا عملت ايه ،انا حتى حاسس انى ..
سمر : انت متنفعنيش
مراد : طب لية
سمر : انت بتتكسف تتكلم وحتى محاولتش تمسك ايدى أو تقرب منى تبوسنى
مراد : والله عاوز اعمل كدة بس خوفت تزعلى منى
سمر : لا خلاص مش عاوزة اتكلم معاك تانى
مراد : طيب ادينى فرصة تانية
سمر : لا ولو سمحت امشى انا بقولك خلاص مش هينفع
مراد : دة اخر كلام عندك
سمر : اة مع السلامة
_________________
نزل مراد وهو مصدوم ومجروح من اول حب حس بية وقفل على نفسة ودخل فى اكتئاب فترة .
___________
بعد حوالى ٦ شهور من وفاة عز
_________________________
اكرم : ماما عاوز اقولك حاجة
ميرفت : فى أية
اكرم : رحت اشوف اخواتى النهاردة لقيت الشقة مقفولة فقولت اتصل بيهم اشوفهم ،لقيت مامتهم بتقولى انها اشترت شقة تانية جديدة وقفلت دى لأنها ناوية تتجوز فيها
ميرفت : تتجوز !؟
اكرم : اة وخدت شقة تانية باسمها بردوا
ميرفت : وجابت فلوس الشقة منين وهتتجوز عادى كدة
اكرم : مش دى المشكلة
ميرفت : اومال فى أية تانى
اكرم : قولت اشوف الهانم التانية لقيتها بتقولى انها سابت القاهرة وبقالها فترة فالبلد بتبنى بيت وهتعيش فية
ميرفت : هى كمان !؟ مش هتتجوز
اكرم : لا معتقدش مش شكل واحدة ناوية على كدة
ميرفت: يعنى اللى عندها ٣ عيال هتتجوز واللى عندها طفلة واحدة مش هتتجوز ،خلاص كانت مخلصة اوى كدة !؟
اكرم : انا مش هممنى مين هتجوز ومين لا ،انا مستغرب أن الاتنين جابوا شقة جديدة غير اللى عندهم ،يا ترى جابوا الفلوس منين !؟ معقولة قسموها على بعض ولا بابا كان مديهم فلوس ولا أية بالضبط انا مش فاهم حاجة
ميرفت : يعنى كل واحدة ظبطت نفسها وهتشوف حياتها واللى مات ماات خلاص ،ياريت يكون شايف وسامع باللى عملة فينا وفى نفسة ،لما ولادة يتحرموا من ميراثهم عشان كل واحدة تجيب شقة تتجوز فيها على حس
فلوسة
اكرم : خلاص كدة الصورة وضحت ،هو اكيد كان خايف على الطفلة الصغيرة واداهم فلوس قبل ما يموت كنوع من التأمين عشان خاف عليهم مننا ،اما بقى مراتة التانية هى دى اللى كان عندها الشنطة وخبتها عننا وشافت نفسها هى وولادها.
ميرفت : ربنا ميرضاش بالظلم واكيد ربنا مش هيباركلهم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
