رواية عودة إبليس الفصل العاشر 10 بقلم رشا منصور
رواية عودة إبليس الجزء العاشر
رواية عودة إبليس البارت العاشر
رواية عودة إبليس الحلقة العاشرة
طنط مها….
ماشي اروح معاك يا أمير ولو فعلاً زى ما بتقولوا هخطبهالك بكره يلا خلينا نفرح
بس هنلحق نجهز ونشتري الفساتين
عزيز..
هى ايه حكايه الفساتين معاكم 🤔🤔
اتفقوا بس ع ميعاد الخطوبه وخلي الفساتين عليا أنا
جدتى….
اعملوا الخطوبه هنا بص يا عزيز كلم بتوع تجهيز الحفلات يعلقوا البلالين ويجيبوا كراسي ويظبطوا الدنيا
أميرة….
ايه رأيك يا أمير تعمل فرحك معايا في نفس اليوم
عزيز..
بااااااس أنتوا ليه مش عاملين حساب أن في عروسة المفروض تاخدوا رأيها وأن لها أخ مسافر يعني ابسط حاجه هينتظروا رجعوا من السفر
اهدوا شويه يا جماعه كل حاجه بالعقل واهو تبقي فرصه أمير يتعرف عليها أكتر
مها….
عندك حق يا عزيز واهو نختار الفساتين براحتنا
عزيز….
أنتهي اليوم وأنا كل اللي شاغلني نورين
سهي…
خلصت شغل وابن الست أم هشام قفل الكشك وكنت مبسوطه لأنى تانى يوم هاخد الخمسين جنيه أجرة اليوم وكدا اكون كملت أجرة الشهر واقدر ادفعهم ل صاحب البيت احمدك يارب
وكالعادة القطط ماشيه معايا لحد البيت واختفت وبعد ما اطمنت ع أمي وعرفتها ميعاد الدكتور نمت وانا بفكر في كلام أميرة بأن الأرواح بتتواصل عن طريق الأحلام أحياناً
وروحت في النوم وشوفت حلم غريب أوى
شوفت إني ماشيه في شارع الكشك ولقيت عربيه عاملة حادثة داخله في عمود النور اللي جنب الكشك
وقربت منها لقيت السواق بس مش شايفه ملامحه وشوفت راجل وشه منور في الكرسي اللي قدام وفي ست وشايله طفله في لفه وجنبها طفله غرقانه في د.مها
وشوفت أمى وهى بتاخد الطفل من الست
وكان في صوت بيقول لها خلي بالك منها خلي بالك من سهيله
وبعدها العربية انفجرت’ وبقت عبارة عن قطط وحواليا في كل مكان وسمعت صوت أميرة وهى بتقول أن الأرواح بقت قطط يا سهي الحقي أهلك يا سهي ومرة واحدة لقيت الشارع بقي فاضي وشوفت القطط ومعاهم القطه الصغيره وفي عربيه جايه عليهم جريت وأنا بصر’خ علشان يبعدوا عن الطريق وفجأة سمعت صر.يخ وصحيت من النوم مفز’وعة
صحيت بنهرج جامد كأني كنت بجري وفضلت أستعيذ من الشيطان بس
يعني ايه لأ لأ أكيد كلام أميرة أثر فيا مافيش الكلام ده هو مجرد حلم قال الناس هتتحول لقطط 🤨
قومت روقت الاوضة وعملت أكل ولقيت الساعه قربت ع 2 جهزنا بسرعه وسمعت صوت كلاكس عربيه بصيت من الشباك لقيت أمير واقف
خرجنا أنا رشامنصوروأمي وقفلنا الباب ولقيت واحدة ست قاعدة في العربيه قدام شكلها هانم بنت ذوات
مها…..
أول ما شوفتهم نزلت من العربية وقولتلهم أنا أم أمير وقولت مدام جاى المستشفى اجاى معاه أعمل شويه فحوصات واهو بالمره تشجعونى اصلي بخاف. بصراحه
ولا وجودى هيضايقكم
سهي..
أهلا وسهلا بحضرتك أنتي الخير والبركة وأحنا اللى متشكرين وآسفين ع تعب الاستاذ أمير
أمير….
لا تعب ولا حاجه أنارشامنصور أصلا رايح المستشفى هعمل شغل هناك وأمي بالمره تعمل فحوصات وكويس أنكم معاها بدل ما تكون لوحدها أنا هكون مشغول وكمان عزيز مش موجود
سهي…. هى أميرة أخت حضرتك فين
مها….
أميرة من بدري نزلت تلف ع المحلات تتفرج على الفساتين
لزوم الخطوبه
سهي….
هى قالت إنها متعرفش حاجه في السويس كانت قالتلي اروح معاها بس مش هى أميرة مخطوبه ولا هى معزومة ع خطوبه حد هنا.
أمير….
بصيت ل أمي قبل ما تقع بلسانها وقولت دى خطوبه واحدة صاحبتها وهى قالت بدل ما تقعد لوحدها في البيت وعزيز طول النهار نايم وجدتى مشغوله مع البنت اللي بتنضف البيت تنزل تتفرج على المحلات ويمكن تحصلنا ع المستشفى
سهي….
ربنا يتمم بخير عقبال فرحها يارب
طنط مها….
تسلمي يا حبيبتي أنتوا هتبقوا أول المعزومين ع الفرح
عزيز….
كنت في اوضتي ومتابع كل حاجه بتتقال
وقولت بصوت مسموع يا تري يا نورين هتوفقي ع جواز سهي من أمير ولا علشان من طرفي ممكن تعطلي الجوازة
نورين…
كنت بتابع اللي بيحصل مع سهي وحسيت بوجود تواصل بين القرناء اتنقلت ل بيت عزيز ولقيته متابع اللي بيحصل وسمعته لما نطق أسمي علشان كده ظهرت له
أنا ماليش أن اعطل شرع الله وهو إنسان مسلم وموحد يعني يجوز الزواج بينهم
عزيز….
أمير يعتبر اخويا أنا متربي معاه وبصراحه خوفت أنك تعترضي وأكون السبب في كسرة قلبه وخصوصاً انه معجب ب سهي
بس مقولتيش هتنفذى اتفاقك امتى أنا عاوز اعرف كل حاجه عنك قصدى يعني عن سهي هو أنتي ملكها يعني في خدمتها طوع أمرها
نورين….
ضحكت وقولت له مافيش عندنا الكلام ده هو أنت فاكرنا زيكم إحنا ذو مكانه أرقي وأعظم
عزيز…..
اضايقت من كلامها وهى بتقلل من شأننا بس غصب عني اعتذرت وكتمت غيظي ولقيتها قالت
نورين…..
أنا هفهمك كل حاجه أبو سهى كان رجل دين وكان زوهري سليماني ومن قوة إيمانه ظهرت له علشان احميه من أمثالكم وفي يوم كانت أم سهي الحقيقية راحة المستشفى في حالة وضع وكان معاها بنتها الصغيرة
وام عبدالله في اليوم ده حست بألم شديد رغم أنها كانت في نهاية الشهر السادس سابت أبنها عبدالله عند الجيران ولما راحت المستشفى هى وجوزها عرفوا أن الجنين مات كانت حزينه وتدعي ربنا بالصبر وأنه يعوضها وعملت عملية واتحجزت في نفس الغرفة اللي فيها أم سهي واتعرفوا ع بعض وتاني يوم اكتب لهم ع خروج
أهل سهي خدوا تاكسي وحظهم كان أن فرامل العربيه كانت ضعفيه جدآ وسابت في الطريق وحاول السواق يسيطر لكن اتصدم في عمود الكهرباء ولما قرب أبو عبدالله شاف أبو سهي حاول يساعده لكن هو قاله خلي بالك من بنتي سهيله
كان عارف أنه خلاص بيموت وشاف بنته ومراته غرقانين في د.مهم
وبمجرد ما أخد سهيله لقيت أبوها بصلي وقالي بنتي أمانه ومات بعدها ع طول
ولحظت أن البنت ورثت أبوها ود.مها زوهري كان لازم احميها منكم بقيت كل فترة اقرئ عليها لكي احصنها من الجن المؤذي وتكون غير مرئية لكم وجعلت أول لحظه في حياة سهي عند القرين هى لما دخلت بها أم عبدالله البيت ومحيت ذاكرة الحادث تماماً
ده غير أن أم عبدالله لما رجعت البيت قالت للكل أن سهيله بنتها ومحدش يعرف السر غيرها هى وجوزها الله يرحمه حتى عبدالله ابنهم ميعرفش
عزيز…..
دلوقتي بس فهمت ليه مقدرتش أعرف حاجه من قرينها
وقولت في بالي سهي طلعت زوهريه كدا اللعب هيحلو 👌
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عودة إبليس)
