رواية عهد السيدياء الفصل الأول 1 بقلم بسملة أنور

رواية عهد السيدياء البارت الأول

رواية عهد السيدياء الجزء الأول

رواية عهد السيدياء الحلقة الأولى

-طب وقلبي؟!
بدئت عيونها ترغرغ من الصدمة.
-حاولت بس مقدرتش
-يعني أية؟، يعني اية مقدرتش!!
-أنا آسف ياعهد
-هعمل بأسفك أية بعد فوات الأوان، كان هاين عليا أديك عيوني يا أحمد، عمري كله كان فداك.
-المشكلة من عندى مش منك، أنا المعرفتش أنساها،كنت فا…
عزة نفسها منعتها تكمل النقاش
-أكيد المشكلة منك يا بشمهندس.
وسحبت شنطتي وسبته، كنت بحاول أبين أني قوية وأنه مش فارقلي، بس أنا أضعف من أن أتحمل بعده عني، عيوني كانت مليانه دموع مكنتش شايفة الشارع قدامي…وفجأة لقيت نفسي بطير، خبطتني عربية وأنا بعدي الطريق، مش فاكرة غير صوته، هو مين دة؟
شلها فى عربيته ونقلها المستشفى
-خير يا دكتور
-دراعها اليمين أتكسر، وعندها هبوط حاد،محتاجين دم فصيلة A+
-أنا ممكن أتبرعلها
-أتفضل معايا
★★★
بدئت تفتح عنيها، أبتسم بهدوء ووقف جنبها
-حمدلله على سلامتك
حاولت تسند نفسها وتتعدل من السرير
-أنت.. أنت مين؟!
غرورة زاد فى تعريف نفسه
-يونس أبو الهنا، الحضرتك وقفتي قدام عربيته فجأة.
أفتكرت أنها داخت ووقفت وهي تجري في نص الطريق، بس معترفتش بكدة
-فعلا! يعني مش حضرتك الكنت ماشي بسرعة؟!
-دى سرعة طبيعية، أنتِ المكنتيش شايفة قدامك وماشية بتجرى وتقفي فجأة.
أفتكرت كلام أحمد، شافت نفسها وهي مكسورة من أكتر شخص كان نفسها يبقي معاها
-طب أسكت أسكت
رفع حاجبة بإستغراب
-أسكت!! دة بدل كتر خيرك يعني؟!
بدئت الدموع تتجمع فى عيونها.
-يابني أنت الخابطني !
-طب أنتِ بتعيطي لية، أنتِ أتخبطي وفوقتي وخلصنا
-أنا عايزة أمشي، لو سمحت مشيني
–طب ممكن تهدى، هتكلي بس حاجة ويشلولك الكانولا وهنمشي.
-شوفلي حد يشيلها، أنا عايزه أروح
قعد قدامها على السرير وهو بيفتح العصير
-حاضر، بس أمسكي العصير دة كدة أشربي لحد م أناديلك حد
-مليش نفس
مدلها ايده وقال بإصرار
-معلش، عشان نمشي يلا
نده يونس الممرضة شالتلها الكانولا.
-أنتِ ساكنة فين بقي؟
-يخصك فى أية بقي؟!
-هوصلك مثلا، أكيد مش هاجي أسرقكم بليل
-لا شكرا، أنا هأخد تاكسي
ومشيت وسابته
-عبيطة دى ولا اية..
وركب عربيته ومشي
★★★
-شنطتي!… أنا نستها فين؟!… معلش ممكن دقيقة هنزل أجبلك الفلوس من البيت
-أتفضلي حضرتك.
★★★
-أنت كان معاك حد فى العربية؟
-حد مين يا أمينة؟
عضبها زاد
-شنطة مين دى يا يونس؟ أنت بتخوني!!