رواية عهد الأسود الجزء الثاني الفصل السادس عشر 16 بقلم زهرة الربيع
رواية عهد الأسود الجزء الثاني الجزء السادس عشر
رواية عهد الأسود الجزء الثاني البارت السادس عشر
رواية عهد الأسود الجزء الثاني الحلقة السادسة عشر
كان هيقع من طوله لما شاف روز في حضن نديم وقعت الكبايه من ايده واتكسرت
نديم وروز بعدو عن بعض بخضه وروز بلعت ريقها برعب
اسد اتقدم عليهم والدموع في عنيه وقال بصدمه..انتو..انتو بتعملو ايه..ها..وزعق جامد وقال بتعملو اييييييه
غالب ووفارس واتاره كانو عند اوضة غالب وسمعو الصوت وجم جري
اسد قرب من روز بغضب بس نديم وقف قدامها وقال بسرعه..انا..انا يا عمي..انا حضنتها غصب عنها..والله هيه حاولت تبعدني ومقدرتش هيه ملهاش دعوه
اسد ضربو قلم قوي جدا ومسكو من قميصه بغضب وقال وبتقول قدامي كمان يا و،سخ يا حيواااااااان
روز كانت بتبكي وفارس جري وبقى يبعدو عنو واسد كان بيضربو بس فارس مسكو بقو وبعدو بصعوبه وغالب قوم نديم من على الارض
اسد كان بيزعق جامد وقال بغضب..انا مش هستناك انت كمان تعمل زي الو،سخ الي جمبك شيل البنت من دماغك والا والله اهد البيت على الي خلفوكو..وزعق بقوه ووجع وقال..انا تعبت..ارحموني تعبت بقى…كتير عليا اطمن على البنتين الي طلعت بيهم من الدنيا كتير عليا ارتاح بعد ما ضيعت العمر عليهم
غالب نزل راسو في الارض وروز بقت تحاول تهديه وهيه بتبكي ونديم قال بدموع…اهدى ارجوك..انا
بس قاطعو بغضب وقال..انت تخرس..سمعت..نجوم السما اقربلك منها..تمام…بنتي مخطوبه وبص لفارس وقال..فارس..هنزل اتكلم مع ابوك…هنحدد معاد لحفل خطوبتك انت وروز اليومين الجايين مع فرح وعد..مش انت معندكش مانع يا ابني
تاره بصت لفارس بمعني يتكلم وهيه واثقه انو هيرفض علشانها وكانت مستنيه يعمل كده علشان تضايق وعد على اختها وكمان علشان يقول انو بيحبها قدام غالب…بس اتصدمت لما فارس قال بحزن..اكيد..انت تؤمر يا عمي..المهم متضايقش نفسك
اسد ابتسم بسعاده ونديم بص لفارس بغضب ومشي فورا
روز جريت على اوضتها واسد حضنو وقال بفخر..انت انسب حد لبنتي..ان شاء الله ربنا يعوضني فيك
غالب ابتسم بسخريه ولسه هيمشي اسد قال بغضب…استني …متمشيش..عايزك
غالب وقف باستغراب وفارس مشي وتاره راحت وراه وهيه مصدومه حرفيا
تحت كان ضرغام مستغرب كلام اسامه وقال انت بتقول ايه يعني ايه مستحيل يكون ابنو من واحده غير اختك ايه الجمله الغريبه دي
اسامه اتنهد وقال…ركذ معايا يا ضرغام…النعمان وقت ما قتل اختك وهرب الكلام ده حصل من ٣٢سنه تقريبا تمام كده
ضرغام قال باستغراب اه تقربيا
اسامه قال..طيب فضل مختفي فتره ومن ٢٥ سنه انت عرفت من واحد انو اتجوز واحده من بلد عربي وهاجر معاها ودي نفسها الست الي المفروض ام الي اسمو جبران ده..وبعدها معرفناش حاجه عن نعمان الغول ومعرفناش نوصلو لحد ما ظهر تاني تمام كده
ضرغام استغرب اكتر وقال…يا سيدي تمام بس مش فاهم حاجه
اسامه وقف وقال بتفكير..طيب معنى كده ان ابنو ده المفروض يبقى عمره اربعه وعشرين سنه تقريبا ده لو خلفو اول ما اتجوز
ضرغام بدأ يفهم ووقف وقال بصدمه… مظبوط
اسامه قال… طبعا واضح جدا ان الي اسمو جبران ده عمره فوق ال٣٠ وانا شكيت في كده وسألتو وقلي عمره ٣٢ سنه
بقلم…زهرة الربيع
ضرغام جذب شعره لورا بزهول وقال..انا شوفتو كتير قبلك ازاي مخدتش بالي لكده
اسامه قال..خد التقيله بقى..من ٣٢سنه كان لسه النعمان متجوز اختك..ودي نفس السنه الي قتلها فيها..و في نفس السنه اختك كانت عامله عملية حقن مجهري لانها مخلفتش بعد اسد ويوم ولادة الطفل قالو انو مات تفتكر دي صدفه
ضرغام قال بسرعه..مش للدرجادي يا اسامه… انت عايز تقول ان الولد مماتش وابوه كدب وقال انومات والولد ده هو جبران..انت عايز تشلني على الاخر ..يعني بدل ما يبقى اخو اسد وبس كمان عايز تطلعو ابن اختنا يعني انا ابقى خال السا،فل ده
اسامه قال.. اهدى انا بقول احتمال..وسرح شويه وقال..من ساعة ما دخل الولد ده وانا مستغربه..فيه اوي مننا..يستحيل يكون يخص النعمان لوحدو اكيد ابن رقيه اختنا…يعني ده فيه نفس غضبك الغريب ونفس برود اسد..كمان عندو التناحه ذايده زيي بالظبط..يشبهنا حتى في الملامح في الكلام ..لا لا لا..يستحيل يكون ابن النعمان من بره كده انا..انا قلبي حسسني انو مننا اوي
ضرغام قعد وحط ايده على راسو وقال..باينلنا داخلين عل ايام هباااااب
عند جبران اتصدم من جملة حنين وساب شعرها وبصلها بزهول وقال..روحتي ليه يا اما
قالت بتوتر ..روحت اشوف لو فيه سمك علشان اعملك اكل انت من امبارح مأكلتش وتعبان
رمش بعيونه بدهشه اكبر لما كررت نفس كلامها وقال..رايحه تصتادي سمك..هنا..في الساحل..وياترى اصتادتي ولا السمك مجاش يصيف السنادي
بصتلو بضيق من سخريتو وقالت..انا غلطانه اني فكرت فيك
قال بسرعه..انتي غلطانه انك فكرتي اصلا..جايه تصتادي هنا في مكان سياحي..طب بلاش دي هتصتادي ازاي ولا معاكي شبكه ولا سناره ولا حتى عصايه تشاوري للسمك بيها..ايه هتغمزيلهم مثلا
حنين قالت بسرعه. لا عادي بصيد برجلي
جبران بصلها باستغراب وحنين قالت بسرعه…بص بنزل رجلي في الميه والسمك بيفتكر صوابعي طعم..واي واحده المسها برجلي بنزل ايدي بسرعه واقفشها بصتاد على طول كده في ترعة بلدنا
جبران كان بيسمعها بدهشه وضحك جامد على برائتها وقرب عليها اوي وقال …لا اذا الموضوع كده تمام..يعني لو هيلمس رجلك حتى لو مش ناوي يصيف السنادي هيجي
وحط اديه على وسطها وشهقت لما سحبها عليه بقوه واصتدمت فيه وقال..وايه الي حصل..مقبضتيش ولا سمكايه حرانه وجايه تبلبط هنا
ضحكت بخفه وقالت…لا ..ملحقتش انا يدوب اتمشيت شويه على الرمل وبعد كده لقيت الفستان هيتبل روحت رفعتو شويه..لقيت العيال دي ابتدو يتجمعو ويقلو ادبهم
بص لعيونها وقال…رفعتي الفستان
بصتلو وهزت راسها بكسوف وبلع ريقه بارتباك وبقى يقربها عليه اكتر وقال..طب مهم معزورين برضو…وبص على رجليها بوقاحه وقال..الصراحه عليكي جوز رجلين يجننو العاقلين
حنين عضت على شفتها بكسوف ونزلت عيونها في الارض
رفع وشها ليه بطرف صوابعو وقال…على العموم…لفته حلوه منك تطلعي تصيدي هنا علشاني..تتحط في موسوعة جنس لاغرب التضحيات..وعلشان كده هغديكي سمك انهارده ..والفسفور كلو كمان..وربنا يستر عليكي بقى
حنين مفهمتش قصدو وقالت..قصدك ايه.. هتجيب سمك ازاي هتصتاد انت
ابتسم ابتسامه جانبيه واتنهد وقال..هو انا يا حنين لو فكرت اصتاد فعلا بطريقتك دي السمك هيعبرني ليه اتعمى في نظره..انتي ادخلي وانا هجبلك اكل ولبس وكل الي هتحتاجيه..انا عارف كويس مين الي هيساعدني
عند غالب كان واقف قدام اسد الي كان بيبصلو باشمئزاز وقال…تعرف ..انا شافيك ايه دلوقتي..شايف نفسي بتكلم مع كوم زباله وحتى الزباله انضف منك بكتير
غالب اتنهد وسكت واسد قال بسخريه..ليكون كلامي مش عاجبك
غالب قال بسخريه..لا ازاي…عاجبني …وكمل باستفزاز وقال…عاجبني جدا يا حمايا العزيز..ومبسوط بكلامك بس غريبه انه عاجبك انت…يعني كلها ايام وبنتك هتبقى على زمة الزباله ده…وقرب منو وبص لعيونه بتحدي وقال…انا قولتهالك الف مره… وعد ليا ياحمايا..ومش هتكون لغيري ومعملتش غير اني وفيت بوعدي
اسد وشو احمر من الغضب وضربو قلم قوي جدا ومسكو من قميصه وزعق وقال..انا بنتي عمرها ما هتكون علي زمتك لو يوم واحد يا و،سخ..انا هسمحلك تكتب عليها في وجود الكل ..علشان اطلقها منك واخدها من حبابي عنيك واجوزها لسيد سيدك قدام عيونك يا غالب… ولو راجل امنعني
غالب الغضب سيطر عليه بشده لما قال انو هيجوزها لغيره بقى يبصله بحده وقال ..هامنعك يا اسد بيه ولو اخر يوم في عمري وعد ليا ودين عليا وبكره تشوف
ونزل بغضب شديد اسد جذب شعره لورا ونزل بسرعه على مكتب ضرغام عايز يتكلم معاه
في المكتب كان لسه اسامه مع ضرغام اسامه قال.. انا مش فاهم انت خايف من ايه يعني… ده لو طلع فعلا ابن اختنا هيبقى كويس لينا احنا نجيبه تحت عنينا وبدل ما بيبقى ضدنا يبقى معانا ونخلص من الموضوع ده كله
ضرغام بصلو بدهشه وقال .. انا مستغرب و مش فاهم انت بتتعامل مع الامور بالبساطه دي ازاي انت عارف يعني ايه نطلع اخوال الولد ده ..انت عارف عمو قايله ايه عننا اكيد لازم تبقى فاهم ان هو فاكر ان احنا اللي قتلنا ابوه من غير اي سبب ..كمان تخيل الكره اللي جواه لينا
اسامه قال بضيق… القلوب عند بعضها يعني احنا اللي طايقينه بس لو اضطرينا احنا نحاول وهو يحاول ونخلص
ضرغام وقف وقال بغضب شديد لا لا لا لا انا مش هحاول في اس حاجه انا يستحيل اقبل بحاجه زي دي
اسامه ضحك وقال …ليه ما هو زيه زي اسد حبيبك وروح قلبك.. يعني معقوله تعرف ان اسد ليه اخ ومتجيبوش يقعد معانا هنا
ضرغام لسه هيرد بس دخل اسد وهو بيبصلهم بصدمه وقال…اسد مين اللي ليه اخ …اسد انا
اسامه بص لضرغام ولوى بقه يمين وشمال بطريقه كوميديه وقال …طب هستاذن انا .. في مشوار كده من تلت سنين هعمله وارجع على طول
و لسه هيمشي اسد قال بغضب… اسامه استنى ..ووقف قدامه وبصلو جامد وقال… كنت بتقول ايه
عند تاره كانت بتتكلم مع فارس بغضب شديد وقالت انت مش قولتلي انك هتقول قدام الكل ان احنا بنحب بعض وهنتجوز…عملت كده ليه ولا مبسوط بالست روز انت كمان
فارس قال بحزن..اكيد لا بس المشكله انتي شفتي اسد وحرام اللي بيحصل له ده كل الدنيا جايه عليه الفتره دي هو زعلان على وعد و
بس قاطعتو وقالت بغضب..غضبه… وانا مالي بكل ده انت هتعملي زي باباك لما يقول اسد اسد انا غلطانه اصلا اني اعتمدت على واحد جبان زيك… قالت كده ومشيت بغضب شديد
فارس اتنهد وغمض عينيه بضيق
ولسه هيمشي غالب حط ايده على كتفه وقال باستغراب شديد… ولا انت بتحب تاره
فارس اتنهد وقال بارتباك… للاسف
غالب ضحك جامد وقال…هو للاسف فعلا… انت بجد بتحب تاره طب ووعد
بقلم…زهرة الربيع
فارس ضحك وقال محدش فاهم اني بحب وعد غيرك انت يا غالب جاتك الفكره دي ازاي وليه ماعرفش
غالب قال بضيق..انا سمعتك مره بتقول لبابا لو هتجوز واحده من بنات اسد تبقى وعد مش روز
فارس استغرب كلامو وافتكر الكلام ده كانو صغيرين وقتها ضحك وقال…يا ابني ده كان كلام عيال…وبعدين انا فعلا فكرت قبل كده لو هتجبر اتجوز واحده منهم تبقى وعد لانها متدينه انما مش بحبها لا هيه ولا اختها
غالب حضنو وقال بسعاده…مش بتحبها يعني لا هيه ولا اختها…والله انا كنت حاسس انك اخويا
روز كانت في اوضتها وبتبكي على الي حصل وليالي قالت بضيق..روز يا حببتي كفايه بكا علشان صدعتيني ده اولا وثانيا مش ناقصه كئابه ياحببتي لو عندك طاقه مكبوته انزلي هاتيلك طبقين محشي ماما عملاه جنان واضربيهم كده وفرغي فيهم كبتك هترتاحي وهنرتاح من زنك ده
روز ضربتها بالمخده وقالت ببكا…انتي بنت معندكيش دم والله بقولك بابا ضربو تاني قدامي وهو كان بيدافع عني
اتنهدت وبصت لوعد الي مكانتش تنطق ابدا وجاتها فكره وقالت بخبث …هو باباكي كده عصبي وبيكبر الامور
هنا اخيرا وعد نطقت وقالت بصوت ضعيف …الامور اصلا كبيره..وبابا مغلطش كان حقو يضربك انتي كمان يا روز لانك سمحتيلو ..بعيدا عن انو مناسب اولا وبعيدا عن انك مرتبطه حاليا بفارس بعيدا عن كل ده الي حصل حرام والمفروض متستهتريش بحرمات ربنا مينفعش يحضنك ابدا وانتي يا ليالي ميصحش تدعميها
ليالي ضحكت وقالت..والله انا كنت متأكده ان الموضوع ده هيحرك لسانك طبعا انتي معاكي حق فعلا غلط وحرام بس انا قولتلها كده علشان اسمع صوتك الي وحشني
وعد ابتسمت بحزن وسكتت وليالي قالت ..يالللهوي دي سكتت تاني طب اقوم ارقصلك علشان تتكلمي ولا اعمل ايه
روز ضحكت وقالت..ليه هيه مرتضى هتصالحيها برقصه
ليالي قالت بتفكير..مرتضي..حاسه سمعت الاسم ده..اااه قصدكو الجدع الي جه معايا تصدقو انسيتو من كتر مشاكلكم
بقم يضحكو ويحاولو يضحكو وعد الي كانت دموعها مش بتنشف غير ثواني معدوده
عند غالب طلع من اوضة اخوه بسعاده بعد ما عرف انو مش بيفكر في وعد ..ولسه هينزل جاتلو مكالمه من جبران رد بسرعه وقال..ايه حكايتك يلا انت كمان خاضضني عليك وتليفونك مقفول بالساعات
جبران قال بسرعه..اسمع مفيش وقت اتكلم معاك فيه انا هربان من ابويا وقافل التليفون ديما
غالب قال بزهول ..هربان من مين
جبران اتنهد وقال… موضوع طويل المهم انا محتاج هدوم..واكل من امبارح مأكلتش ومحتاج فلوس كمان يا غالب..احم..اكيد هرجعهملك و
قاطعو غالب وقال..بلاش هبل يلا بس انت قلقتني عليك..على العموم هجيلك قولي على كل الي هتحتاجو
جبران قال..عايز الحاجات الي قولتلك عليها..واهم حاجه تتأكد ان مفيش حد بيراقبك ..وكمان..كمان عايز هدوم لواحده معايا واعمل حسابها في الاكل
غالب قال بدهشه..نعم..واحده..وانت هربان
في اوضة البنات دخلت تاره بغضب وحزن وكانت الدموع في عنيها
ليالي اتنهدت وقالت..هو انا امتى خلفتكو ونسيتكو يا سنيني السوده..مالك انتي كمان
تاره قالت بغضب..ياريت محدش يكلمني خالص
ليالي اتنهدت وقالت..يعني يا ربي بقالي ساعه عامله ارجوز لبنت عمك ولما ربنا هداها شويه تيجي انتي
تاره بصت لوعد بحقد وقالت..وتعمليلها ارجوز ليه…انتو حقكو تباركولها..دي فرحها بيتحدد خلاص
وعد بصتلها لما قالت كده واتجمعت الدموع في عنيها
ليالي قالت بسرعه..تاره.
تاره قالت بغضب..ايه خايفين على احساسها لا متخافوش..هيه مبسوطه اوي كده بس اكيد مش هتقولكم علشان متبوظش خطتها
وعد كانت مصدومه وروز قالت بغضب… تاره عيب كده
بس تاره كانت مضايقه جدا و كملت وقالت..عيب..ههه..انتو بجد بتصعبو عليا فاكرين ان لما تجيب رجل واحد زي غالب وخلاص هتجوز هتبقى زعلانه..دي لولا الملامه ترقص دلوقتي. تلاقيها اصلا هيه الي مخططه لكده
هنا وعد وقفت وقربت منها وهيه بتبصلها جامد وقالت بغضب رهيب..اسحبي كلامك ده يا تاره
تاره بصتلها بتحدي اكبر وقالت..مش هسحب حاجه انتي متقدريش تضحكي عليا..انا متأكده ان كل الي حصل انتي قصداه واكيد مكانش مغمى عليكي وكنتي مبسوطه بالي بيحصل
هنا وعد وشها احمر بشده من الغضب وقالت بطريقه مرعبه…قولت اسحبي..كلامك…ياتاره واخرسي
تاره قالت بغضب اكبر … وانا قولت لا ومبروك يا عروسه عريسك لوحدو في الأوضه لو حابه تروحيلو واهو اتجددو الي عملتوه هناك و
بس قطعت كلامها لما وعد جابتها من شعرها بغضب وقعتها على الارض وهيه بتضربها جامد وبتقول بصراخ..ياحيواااااانه ..اسحبي كلامه. .بقولك..يلا اعتذري يلاااااااا
تاره كانت بتصرخ بشده والبنات بيحاولو يبعدو وعد
عنها ومش قادرين كانت في حاله من الانفعال عجيبه جدا
جم شوق وعهد جري على صوتهم وغالب كان جمب الاوضه دخل بسرعه والكل اتصدمو بالمنظر ..وغالب اتقدم على وعد بسرعه ووووووو
بوووووووم💣💣 احذر من الحليم اذا غضب ذودتيها يا تاره وتستاهلي بقى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عهد الأسود الجزء الثاني)
