رواية عنيده ولكن الفصل الرابع 4 بقلم اسو أحمد
رواية عنيده ولكن الجزء الرابع
رواية عنيده ولكن البارت الرابع
رواية عنيده ولكن الحلقة الرابعة
روتيلا
بصي ياستى اللي حصل ان لما خلصت معاكى المكالمه وكنت بعدى الطريق ماخدتش بالى من العربيه اللى جايه قصادى وخبطنى المتخلف اهئ اهئ اهئ
نهضت ساره فى خوف وتوتر علي صديقة عمرها لتقول بخضه
ساره
هاااااااااار اسوح جرالك حاجه يابت ؟ ثم اكملت وهى تجمع الكلمات بصعوبه من خوفها على صديقتها لتقول ، طب طب يلا بينا على المستشفى بسرعه ، امسكت زراعها وهى تقول قومى انتى لسه قاعده ولا اقولك ماتقوميش هجبلك الدكتور هنا استنى وقبل ان تذهب توقفهى روتيلا قائله
روتيلا
ماتخافيش انا كويسه ماحصليش حاجه تعالى بس اقعدى انا زى القمر اهو مافييش اي حاجه والله
ساره
انا كده اطمنت عليكى، ثم جلست جورها وهى تقول لمشكستها ، قصدك زى القرد مش قمر؟
روتيلا
لا هى اسمها زى القمر ماتشبهيش القرد بيا
ساره مقاطعه لها
فعلا هنظلم القرد معاكى هههههههههه
القت روتيلا الوساده عليها وقالت
اسكتى ياشوز انتى ، بذمتك انتى صاحبه انتى
ساره
لا بتنجان ههههههههههههه
روتيلا
طب مش مكمله ثم عاودت الجلوس علي الاريكه وهى تدعى الحزن
ساره
خلاص سكت اهو كملى يا سبب غلبي
روتيلا
اتحيلى عليا شويه طه
ساره
خلاص براحتك ماتحكيش انا غلطانه انى افتكرتك وجبتلك شوكولاته والايس كريم إللى انتى بتحبيهم انتى إللى خصرانه
روتيلا
بابلى ومانجا
ساره
ايوه بس اظاهر كده مالكيش نصيب فيهم
روتيلا
كنا وقفنا فين قولى بسرعه
ساره بسرعه وحماسه
لما خبطك بعربيته ، كملى حصل ايه بعدها ؟
روتيلا
ساعتها وقعت علي الأرض وكنت هقف بس لما لقيته نزل من العربيه وجاي نحيتى فضلت ف الأرض ولما قرب عندى
ساره
عملتى اى كملى ، ولا اقولك استنى كنت عامله فشار وسبته ف المطبخ هقوم اجيبه واجيلك بسرعه
روتيلا
اشطا ياحب
ذهبت ساره سريعا إلى المطبخ لتحضر الفشار حتى كادت تسقط من سرعتها لتكمل بنفس السرعه وتاتى بالفشار وتجلس جوارها
ساره
هااا كملى حصل ايه بعدها ؟
تنازلت روتيلا القليل من الفشار ثم قالت
روحت سعاتها ضرباه برجلى وخليته وقع على الارض وبعدها هزقته طبعا وكنت همشي لوله انه
ساره
عملك اى الواطى الندل الجبان ده ؟ كملى
اكملت روتيلا قائله
بدل ما يعتذر علشان خبطنى طول لسانه وقالى لو اعرف ان لسانك طويل كده كنت دوستك بالعربيه وخلصة البشريه منك
ساره بسخريه
الحيوانه لا مالش حق
روتيلا بابتسامه نصر
بس انا ماسكتلوش
ساره بقلق
عملتى ايه ؟ قلبي مش مطمنلك يا بت انتى
روتيلا وهى مازالت محافظه ع ابتسامتها
سعتها خطرت فى بالى فكره و..
فلاش بك
عندما اتجهت روتيلا إلى سيرتها رأت ان آدم منشغل فى الرد ع هاتفه لتخطر علي عقلها فكره شيطانيه ، لتذهب بحزى شديد إلى سيراته وتجلس علي ركبتيها وتفرغ الهواء من عجلة السياره ولم تكتفى بواحد فقط لتفرغ الثانى أيضا وبعدها الثالثه
ثم قالت في سرها وهى تنظر اليه بكل غل وغضب لما فعله معاها
روتيلا
اما وريتك يانسناس مابقاش انا روتيلا ، ثم نهضت من مكانها قبله ان يلاحظها النسناس ” كما اطلقت عليه هى ”ولكن وقع هاتفها لتاخذه سريعا ولكن ف هذه الحظه كان آدم انهى مكلمته ليجدها جالسه عند السياره ليقول لها
آدم
بتعملى ايه عندك يابت انتى
روتيلا في نفسها
هاااااار اسود اعمل اى دلوقتى ياربي ، ثم نظرت إلى آدم الذي ينتظر منها الجواب على سواله لتقول وهى تنهض بتلعثم ، هااا ، كنت كنت….. ااااااه بجيب تلفونى وقع منى ثم هرولت من امامه لتذهب سريعا إلى السياره وتبتعد عن انظره
بك
ساره
نهاااااارك اسود اى إللى عملتيه ده ؟ منك لله يا شيخه
روتيلا
اى ماجبش حقى من الواد المايص ده؟ عيل وغلط ولازم يتربي ، وانا ربيت غلط انا ؟
ساره
كل ده علشان قالك لسانك طويل تعملى فيه كل ده ؟ طب ما هو قال الحقيقه ماجبش حاجه من بره
روتيلا ببرود
ماتتسيش انه كان عايز يموتنى
ضربت ساره كف على كف
عليا العوض ومنه العوض حرام عليكى ياشيخه ، هو كان قتلك يعنى ، ما انتى صاغ سليم اهو ومافكيش خربوش واحد ، وبعدين الراجل ماقلش حاجه غلط انتى فعلا لسانك طويل يا روتى
روتيلا
انتى معايا ولا معاه ؟
ساره
انا مع الحق ، ادعى ربنا انه مايحصلوش حاجه علشان لو حصله حاجه هتروحى ف ستين داهيه
روتيلا
داهيه لا والنبي ودونى الملاهى ههههههههه
ساره
شوف انا بقول اى وهى تقول اى صبرنى يارب
روتيلا
ماتخافيش هبقي اخدك معايا هههههههه
ساره
عليا العوض ومنه العوض فيكى ياروتى يابت ام روتى
روتيلا
مالها دى ؟ شكلها اتجننت خلاص ، يلا مش أشكال ما انا كل إللى اعرفهم مجانين ، جات عليها يعنى
______________________
عند آدم فى الشركه
آدم بصدمه ودهشه
اى ده مين اللي عمل فيه كده ؟
مراد بعصبيه وحزن
كنا حبسينه هنا ودخلنا من شويه لقناه زي ما انت شايف كده
آدم
ازاى تسيبو معاه سلاح يا شويت اغبيه هااا ؟ ازاى ليدفع آدم مراد بيده ف صدره ليرجع قليلا إلى الوراء
أكرم
اهدى با آدم شويه ، احنا ماسبناش معاه حاجه احنا فتشناه كويس جدا ومنعرفش ده حصل ازاى لجد الان ؟
آدم بحيره
امال ازاى مات ؟ ده واضح اوى انه مضروب برصاص ، انا هتجنن خلاص ، ثم اكمل بتسائل ، عرفتو منه اى حاجه!؟؟
مراد
مرضيش يعترف باى حاجه للاسف
آدم
اى إللى كانو عايزين يسرقوه بالظبط
أكرم
ملف صفقة لشركه ” الاحمدى ” بس مالحقوش ياخدو اي حاجه الحمد لله
آدم بشك
الملف ده كنت بدور عليه فى البيت ومالقتهوش عندى خالص ، بس هما ازاى عرفو انه ف المكتب ومش معايا فى البيت !!!!
مراد بحيره
مش عارف ثم نظر إلى صديقه وقال ، انت شاكك في حد معين ؟
آدم بشك وحيره فى امره
ماتشغلش بالك انت ، وانت يا أكرم كلم الشرطه وقولهم ع اللي حصل
أكرم
كلمتهم وعلي وصول فى اي وقت
آدم
يبقي قولهم يقفل القضيه ضد مجهول ماشي
مراد
تمام
آدم
خلصو وجيبو حد ينضف المكتب وادى اجازه للموظفين النهارده علشان مايسببلهمش إللى حصل ده اى زعر
أكرم
تمام هروح اشوف الشرطه شكلها جات ويذهب إلى الخارج
مراد
انت شاكك ف حد يا آدم صح
آدم بحيره
مش عارف بس هو اكيد حد من الشركه ، المهم كنت عايزك ف حاجه تعملهالى
مراد
حاجه ؟ اى هى ؟؟؟
آدم
****
_________________________
ف احد الأحياء الشعبيه
تجلس قدر ف شقه صغيره ولاكن جعلتها كالقصر من الداخل فمن يدخله يقسم على انه قصر وليست شقه صغيره ، فلقد جعلة قدر هذه الشقه كالقصر ، فقد كانت تشتغل كثيرا وتدرس معاً لكى تثبت نفسها أمام اولائكه الذين يقولون لها انها فاشله ولم تصبح غير خادمه او متسوله
جلست قدر على سريرها وامامها صور لوالدها ولها معاً ، نزلت دموعها وهى تقول
قدر
زى النهارده سبتنى ف الميتم وماقبلتنيش ، شوف انا وصلت لأى من غيرك كان نفسي اعمل كل ده وانا معاك بس للاسف انت ماقبلتنيش وشفتنى عبء عليك ، النهارده اول يوم ليا في تانيه جامعه وحصلت على تقدير علشان متفوقه فى درستى ، صمتت فجأ وهى تتذكر كلمات والدها لها ف الماضى
فلاش بك ..
كانت قدر جالسه تدرس دروسها لياتى اليها والدها وهو يقول
الاب
مش كفايه مذاكرة كده يابنتى هتتعبي نفسك
قدر
ماتخافش يابابي انا سوبر قدر
ليضحك والدها ع جملها ليقول ضاحكاّ
احلى و اجمل سوبر قدر ف الدنيا كلها ، ثم قبلها من وجنتيها ، بنتى حبيبتي نفسها تطلع ايه لما تكبر
قدر
نفسي اطلع مهندسه قد الدنيا زيك كده يابابي
الاب
بس انا شايف غير كده
قدر بحزن
ليه يابابي بتقول كده ؟ انا هذاكر كويس علشان انجح وابقي زيك لا هبقي احسن منك كمان ، وبكره تشوف
ابتسم والدها وهو يضع يده على وجهها
لا طبعا ده انتى هتطلع مهندسه اشطر منى ميت مره ، بنوتى الحلوه هتبقي شطوره والناس كلها هتحبها ،
وهتبقي مشهوره وصورك هتملى الجرايد والصحب وتبقي ماشيه والناس تشاور عليكى ويقولو دى المهندس قدر اهى وهيطلبو يتصورو معاكى كمان
قدر
هيبقي معايا فلوس كتير صح ؟
ضحك الاب علي كلمتها
ايوه ياقدرى
قدر
الله وهنروح نحج سوا
الاب بحزن نجحه ف اخفائه
طبعا هو انا اقدر اسيب بنتى الحلوه دى لوحده ، يلا بقي نامى وكملى مذكره بكره
قدر
موافقه بس بشرط
الاب
وكمان هنتشرط ياست قدر هانم ، طب قولى يا ستى شرط ايه ده لما نشوف اخرتها معاكى
قدر
تنام جنبي وتحكيلى حدوته حملها والدها على الفور واتجه بها إلى الفراش وهو يقول لها
الاب
موافق طبعا هو انا عندى كام قدر
بك..
مسحت قدر تلك القطرات التى سقطت منها وهى تقول
شايف يابابا انا بقيت ايه من غيرك حتى انى دخلت هندسه زى ماقولتلك ووفيت بوعدى اهو مش زيك سبتنى وماوفتش بوعدك ليا قاطعها دخول ست في أواخر الخمسينيات وهى تقول لها
الست
يلا ياقدر الاكل جاهز قومى وكملى بعدين
قدر بابتسامه
حاضر ياماما جايه اهو
وقبله ان تغادر والدتها الغرفه تلاحظ الدموع التى فى عيون قدر لتقول لها
انتى معيطه يا قدر؟ اقتربت منها ووجدت صور والدها فى يدها لتقول بحزن لها، مش قولنا بلاش عياط وزعل
قدر بحزن شديد
مش بايدى ياماما والله
والدتها
معلش يابنتى ثم قالت بمزاح لتخرجها من حالتها تلك، يعنى انا مش كفايه عليكى ولا ايه ؟
حضنتها قدر بشده وقالت
ازاى ؟ لا طبعا كفايه ونص كمان ، هو احنا لينا غيرك يا اموله يا قمر انتى
امل
يلا يابكاشه ، طب يلا قومى علشان العشاء مايبردش احسن انا عرفاكى كويس ، مش بنتي
قدر
حاضر يا اموله ، وراكى على طول اهو
خرجت امها من الغرفه لتلقي قدر نظره اخيره على الصوره ثم خبئتها فى مكانها ، لتنهض وتذهب إلى امها لكى تاكل معاها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عنيده ولكن)
