رواية عنيدة الادهم الفصل الرابع 4 بقلم هنا
رواية عنيدة الادهم الجزء الرابع
رواية عنيدة الادهم البارت الرابع
رواية عنيدة الادهم الحلقة الرابعة
في الصباح
الأم: انا عااوزة اعرف عملت ايه في حياتي علشان ربنا يبتليني بيكي انت واخوكي
أسيل:سيبني انام دلوقتي وبعدين نشوف الموضوع ده
الأم:تنااااامي ايه عندك امتحاااان
أسيل بنوم :لسه بدري
الأم:بدرري مين ده ي اختي
أسيل:بدري ابن ام بدري
الأم:قوووومي الساعه 8
أسيل:حاضر 10 دقائق و هقوم و الله
الأم بخبث: براحتك
أسيل:بجد ي ماما سبتيني و كملت نوم
الام بهدوء خرجت ورجعت جابت ثلج معاها و بهدوء حطته في هدوم أسيل
الأم:1 ، 2 ، 3
أسيل: اعااااااا ي ماااااما
ا و اكتشفت انها بتعرف ترقص باكترومن طريقه وبتتكلم لغات كمان😂😂
الأم: يلا غيري و تعالي افطري
أسيل: يوووه ي مامااا بقا
خرجت الأم و أسيل دخلت الحمام أخدت شاور و خرجت و لبست چيب بالون الجملي و بلوڤر أبيض و خمار جملي و شنطه ابيض وخرجت
أسيل: ماما انا نازله علشان أتاخرت
الأم: افطري الاول
أسيل: لا مش هلحق اتاخرت
الأم :م انتي لو تقومي بدري كنتي لحقتي
أسيل: مش مهم يلا سلاموز
أسيل: صحيح هو مازن فين
الأم: نزل من بدري
أسيل: و مستنانيش
الأم : لو استناكي هيطرد 😂
أسيل: هههه انا نازله سلام
الأم: نفسي اشوفك عاقله مرة قبل م اموت
أسيل: بعد الشر عليكي ي قمري وبعدين لو انا عقلت مين هيجننك
الأم: يا صبر ايوب
……………………
أسيل بتنزل وتروح الكليه وهي رايحه شاب بيحط ايده على عينيها
أسيل : اعااااااا الحقووني وبتضربه بين رجله
الشاب : يخربيت معرفتك ي شيخه كان يوم اسود يوم م اتولدي اااااه
أسيل: الله وانا مالي ي لمبي هو في حد يعمل الي انت عملته اصلا
الشاب : انا غلطان اني كنت عاوز افأجك
أسيل :خلاص والله فكرتك عاوز تخطفني وتبيع أعضائي
الشاب : يوم أما اخطف واحده ابيع أعضائها اخطف برص !!!
أسيل: طب تصدق انت تستاهل الي حصلك ي آسر
(آسر اخو أسيل في الرضاعه هي الي رضعت مع ممته مش هو)
اسر: منك لله ي شيخه ، صح انتي رايحه فين؟!
أسيل: اعااا يخربيتك عندي امتحاان منك لله وتسيبه وتجري
اسر :أسيل انت ي بت ، دي مشت بجد
اسر بيروح بيت أسيل و ممتها بتسلم عليه ويقعد
…………………………………….
في الكليه
أسيل بتروح متأخرة
أسيل: اسفه ي دكتور بس الطريق
الدكتور : من غير كلام و مبررات خشي و لو اتكرر التأخير ده تاني مش هتخشي مفهوم
أسيل: شكرا ي دكتور أن شاء الله مش هيتكرر
بعد شويه الامتحان بيخلص واسيل بتطلع و تتصل على چينا
چينا : انت فين انا بدور عليكي مش لاقياكي
أسيل : انا في الكافتيريا انت الي فين ؟
چينا : خلاص شوفتك و بتقفل السكه
چينا : ها عملتي ايه ف الامتحان؟
أسيل : هبدت كالعادة 😂
چينا : فاشله
أسيل : ايه الجديد 😂
*: ها مش ناويه تجيبي رقمك 😉
أسيل : انت مين
*: مش فاكراني
أسيل : و انا اعرفك اصلا
*: تؤ تؤ انا الي كنت في المطعم
چينا: و عاوز ايه
*: رقمها
أسيل : چينا يلا قبل م ارتكب جريمه
*: انا سيبك براحتك دلوقتي بس انت ليا في الاخر
أسيل : ابقى اتغطى كويس وانت نايم
*: هتشوفي بيمشوا
-: انت فاكر أنها هترضى بيك و انت كده
*: مش بمزاجها
-: ع الاقل بطل القرف الي بتعمله علشانها
*: ده اسمه شغل مش قرف
– : لا ده قرف و انت متخيل واحده شغاله في الشرطه هترضى بزعيم مافيا
*: غصب عنها
-: مش كل حاجه بالغصب افهم
*: انا زهقت نبقى نكمل كلامنا بعدين و يسيبوا وبيمشي
-: خليك اتهرب كده
………………………………………………
أسيل بتروح تغير هدومها ل دريس اسود و خمار ابيض وشنطه سودا وبتنزل
ممتها بتوقفها : عملتي ايه ف الامتحان
أسيل : حليته
الأم : عارفه انك حلتيه حليتي حلو ولا
أسيل : لا مفيش و لا حلو أن شاء الله
آسر : بنتك هتموتني في يوم ي طنط
الأم : عملت ايه عملتي ايه ي مصيبه ؟
مازن : اكيد مصيبه م هي جلابه مصايب
أسيل : يييييييه انا مش فاضيلكم هنأخر ع التدريب احكلها انت ي آسر ……. و بتنزل و آسر بيحكي ل ممتها و مازن
…………………………………………
في مكان التدريب أسيل بتروح تلاقيهم بدأوا
أسيل : السلام عليكم
ادهم : وعليكم السلام الساعه كام ي هانم
أسيل : 2/30
ادهم : متأخره نص ساعه كاااامله ليييه
أسيل: كان عندي امتحان و الطريق و الله
ادهم : ميتكررش
أسيل : حاضر ……….بعد مده التمرين بيخلص ……قبل م أسيل تمشي
معاذ بيمد ايده يسلم عليها : انا معاذ و انتي ؟!
أسيل : أسيل ….اسفه مش بسلم
معاذ : احنا اخوات عادي
أسيل : مش قصدي بس أنا مش بسلم
معاذ : ليه التشدد ده عادي ع فكرة
أسيل: قال رسول الله ﷺ :
“لَأنْ يُطعَنَ في رأسِ أحدِكم بمِخيَطٍ من حديدٍ خيرٌ لهُ مِنْ أن يَمَسَّ إمرأة لا تَحِلُّ لهُ” طالما انت مش محرم ليا يبقى حرام
معاذ بإحراج : انا اسف
أسيل : ولا يهمك عن اذنك
أسيل بتروح وتنااام و بتصحى على رنه تليفونها من رقم غريب 5 الفجر
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية عنيدة الأدهم)
