رواية عنيدة الادهم الفصل الخامس 5 بقلم هنا
رواية عنيدة الادهم الجزء الخامس
رواية عنيدة الادهم البارت الخامس
رواية عنيدة الادهم الحلقة الخامسة
أسيل: الوووو مييييين
*: عامله ايه
أسيل: الصبح نشوف الموضوع ده
*: موضوع ايه انا بسألك عامله ايه!
أسيل: م هو مفيش حد يتصل على حد في الوقت ده و بعدين انت مين
*: هتعرفي قريب اووي ي عروسة
أسيل: طيب متتصلش قبل القريب ده و قفلت التليفون و حاولت تنام معرفتش
صحت أدت فرضها و لبست إدناء لافندر و خمار درجه تانيه
أسيل : منك لله ي الي اتصلت كنت عاوزة انام……………………………….
و طلعت تفطر
شافت ممتها أسيل : صباح الخير ي ممتي
الأم : صبا ايه ده انتي صحيتي لوحدك
أسيل : اه ومالك متفاجئه كده ليه
الام: ده انتي بتقعدي تصحي بالساعه صاحيه بدري ليه ي اختي
أسيل : معرفش في حد اتصل ع التليفون منه لله صحاني
الأم : ي رب يتصل ع طول و صباح الخير
أسيل: انتي التحقيق ده كله علشان تردي عليا
الأم : روحي صحي مازن و افطري
أسيل : حاضر
أسيل دخلت عند مازن و اخدت تليفونه وتليفونها و حطتهم جنب ودنه ورنت عليهم من فون ممتها
مازن : ااااه ودااااااني في الليبيه
أسيل بضحك : بطني منك لله شكلك بيضحك اوووي
مازن : و ربنا م انا سيبك ي أسيل
أسيل بتجري و تقوله : وريني هتعمل ايه
مازن بيجري وراها لحد مبيمسكها
أسيل : انا في حماية ربنا ايه هتضربني
مازن : لا مش هضربك
أسيل : الله يكرم اصلك
مازن بتكمله : ده انا هموتك
أسيل بتدوس ع رجله و تجري تمسك مصحف : انا في حمايه ربنا
مازن : مصيرك هتقعي ي أسيل
أسيل : هههه في احلامك
مازن : هنشوف
أسيل : صح البت رموسه كانت عوزاك ضروري بليل
مازن : و مقولتيش ليه من بليل يخربيتك
أسيل: نسيت بقا
مازن حدف عليها المخده: منك لله هو اليوم بان من أوله
أسيل : هههه طب اتكل ع الله انا
مازن : الكليه ولا التدريب
أسيل : الاتنين
الأب: هتيجي ع الساعه كام ي حبيبتي
أسيل : 5 ي بابا
الأب : لا تعالي ع 3 تكوني هنا
أسيل : ليه
الأب : في عريس متقدملك
أسيل : بابا لسه بدري و
الأب: شوفيه بس ده كلمني اكتر من مرة و انا كل مرة برفضه و قال انو عايز يقابلك
أسيل بتبص لمازن فيومئ لها توافق
الأب: ها قلتي ايه
أسيل: الي تشوفه ي حبيبي
الأم: عشت واشوفك عروسه ي حبيبتي
أسيل : ربنا يخليكي لينا
الأم: بلاش تروحي الكليه وخليكي هنا
أسيل : مش هينفع ي ماما و بعدين مش هتأخر
الأم: و التدريب
أسيل: هروح اعتذر بس
الأم: ماشي ي حبيبتي و متتأخريش
اسيل: مازن مش انت نازل وصلني معاك
مازن: انزلي يلا
أسيل بتنزل وتستنى مازن في العربيه و اول م بيجي
أسيل : انت تعرف مين الي متقدم
مازن : لا
أسيل : و لما هو لا بتقولى اوافق ليه
مازن: لا م أنا عاوز اعرف هو مين
أسيل: و انا كمان
مازن : انزلي يلا وصلنا
أسيل: يلا سلاموز
مازن: چينا هتيجي معاكي
أسيل : تقريبا لا علشان خالها جه من السفر وقاعد عندهم من يومين
مازن: ابقي كلميها و انا هقول لآسر
أسيل : اشطا
أسيل بتدخل الكليه و تروح المدرج بتقعد جنب صاحبتها و بيقعدوا يتكلموا و مبيأخدوش بالهم إن الدكتور دخل
الدكتور: الهانم الي بتتكلم وتتضحك ورا اتفضلي ضحكينا معاكي
آيه : اسفه ي دكتور مأخدش بالي
الدكتور : ع مكتبي انت والهانم ال جنبك
آيه: اسفين ي دكتور مش هتكرر تاني و بتشد أسيل علشان تقف
أسيل بصوت واطي: في ايه مش عاوزة اقف و بعدين الراجل ده مش هو الدكتور بتاعنا
ايه: اقفي دلوقتي
أسيل بتقف : اهو وقفت
الدكتور : ع المكتب مش هكرر كلامي
أسيل و هما خارجين : انا شوفتك قبل كده فين
الدكتور : هتعرفي
ايه بتشد أسيل وبيروحوا المكتب
ايه: عارفه انو مش هو الدكتور بتاعنا م الدكتور محمد أخد اجازة وده هيدينا بداله
أسيل: و مقولتيش ليه
ايه: و انتي مسالتيش ليه
ليقطع كلامهم دخول الدكتور
الدكتور: إلى حصل في المدرج لو اتكرر تاني متلوموش غير نفسكوا
أسيل : على فكرة احنا اعتذرنا و بعدين محصلش حاجه
ايه بخفوت: اسكتي الله يخربيتك
أسيل بخفوت : انت مش سامعاه عمال يزعق ازاي
الدكتور: لا علي صوتك اكتر يمكن مسمعكيش بيوجه كلامه لايه : اتفضلي انت و لو حصل منك حاجة تانى مش هقول اعتذار
ايه: شكرا لحضرتك ، يلا ي أسيل
الدكتور : لا تخرجي انت بس
أسيل : ليه
الدكتور : عاوزك
أسيل: ليه
الدكتور لايه: اتفضلي انتي
بعد م ايه بتخرج
الدكتور: ها عامله ايه
أسيل : نعم!!!
الدكتور: مش انتي الي قلتي نشوف الموضوع ده بعدين
أسيل: انا قولت كده!!!
الدكتور: اه
أسيل: و ده ام ااااه هو انت الي اتصلت الصبح
الدكتور: اه انا مش فاكره عني غير كده
أسيل: فاكرة اني شوفتك بس مش فاكرة فين
الدكتور: ايوا فين بقا ها و بيرفع حواجبه
أسيل: لا مش فاكرة م تقول انت و خلص
الدكتور : انا الي قابلتك انت وصاحبتك في المطعم (هو عارف ان چينا اختها بس ليمثل)
أسيل: هو انت بتاع الاكل و اسمك ايه اصلا و عاوز ايه و جبت رقمي منين
الدكتور: براحه ي ماما
الدكتور: اسمي عمرو و عاوزك انتي و رقمك جبته من الجامعه و ايه حكايه بتاع الاكل دي
أسيل: علشان انت بتظهر في المكان الي بيبقى فيه آكل و بعدين عاوزني في ايه
عمرو : اتفضلي دلوقتي ونشوف الموضوع ده بعدين
أسيل: بتردها يعني
عمرو بيرفع كتفه: ممكن
أسيل بتخرج و تروح تعتذر لادهم علشان متحضرش التدريب
اسيل: لو سمحت ي فندم انا مش هعرف احضر التدريب النهارده
ادهم: اه
أسيل: انا كنت جايه اعتذر
ادهم: اعتذارك مرفوض
أسيل: بس ي فندم مش هعرف جاي لنا ضيوف و مش هينفع اسيبهم و امشي
ادهم : اه بس قصدك عريس مش ضيوف و دي اخر مرة أقبل اعتذار فيها
أسيل: هو حضرتك عرفت منين
ادهم : بطريقتي الخاصة
أسيل: ايوا إلى هي ازاي
ادهم : اتفضلي قبل م اغير رائي
أسيل: ب
ادهم بمقاطعة: اتفضلي يلا مش فاضيلك
أسيل بتروح و تغير هدومها لدرس بينك وخمار ابيض …….ممتها بتدخل عليها
الام: ما شاء الله قمر ربنا يحميكي
أسيل: تسلمي ي قلبي
الأم: يلا علشان يشوفوكي
أسيل: ماما بلاش انا مكسوفه
الأم بدراميه: لا دي لحظه تاريخيه أسيل مكسوفه
أسيل: يوووه ي ماما
الأم: يلا خدي العصير و اخرجي
أسيل: ماما هو لازم
الأم: يلاا
أسيل بتأخد العصير و تخرج
الأب: حطي العصير وتعالي
أسيل بتعمل زي م بباها قالها و تقعد جمب بباها و عينيها في الأرض
بعد شويه الأب: طب نسبهم شويه و بيمشوا
الشاب: السجادة حلوة صح
أسيل: نعم
الشاب:تعالي وانا هجيبلك زيها
أسيل: نعم !!
الشاب: من سعه م دخلت وانتي باصه في الأرض ارفعي رأسك
أسيل بتبص له : و انت مال هو انت؟!!
______________________________
تتوقعوا ادهم عرف ازاي ؟!
و مين الي جه لآسيل؟!
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية عنيدة الأدهم)
