رواية عندما يقع الوحوش في العشق 2 الفصل الحادي عشر 11 بقلم سوو

رواية عندما يقع الوحوش في العشق 2 الجزء الحادي عشر

رواية عندما يقع الوحوش في العشق 2 البارت الحادي عشر

رواية عندما يقع الوحوش في العشق 2 الحلقة الحادية عشر

صباح يوم جديده فى اوضه فارس بيجهز عشان يرجع الكليه الحربيه تانى الباب خبط ودخلت ملك
ملك:جهزت ياحبيبي
فارس:اه ياست الكل
ملك:انا جهزتلك سندوتشات تاكلها انت ومراد فى الطريق
فارس:تسلم ايدك ياحبيبتى
ملك:خد بالك على نفسك يافارس سليم قالى ان التدريبات اخر سنه دى بتبقي صعبه اوى
فارس:متخافيش عليا ياملوكه ابنك راجل
ملاك داخله من الباب:راجل وزين الرجاله كمان
حضنت اخوها:هتوحشنى اوى يافارس
فارس:انا هاجر باذن الله على كتب الكتاب يعنى مش هلحق اوحشك
سليم:ايه ياوحش جاهز
فارس:جاهز ياباشا
سليم:ربنا يحميك وخد بالك على نفسك وركز دى اخر سنه
فارس:ابنك قدها
فارس ودعهم وخرج عشان يقابل مراد
___________________
عند مراد نازل كان جاسر وريم وعدى فى رسيبشن
مراد:صباح الخير
الكل:صباح النور
مراد قرب من ريم اللى بتعيط:ليع بس الدموع دى ياريمو هو انا رايح احارب دانت رايح الكليه
ريم:بس التدريبات صعبه وانا خايفه عليك
عدى:هو انتى مخلفه سوسن ياريمو ده الوحش مراد اللى هيشرفنا ان شاء الله
جاسر:شد حيلك يابطل وارفع راسي
مراد:ابنك قدها ياوحش
ريم:انا جهزتلك شويا حاجات كدا تاكلها مع فارس فى الطريق
عدى:ياسيدى ياسيدى مين قدك يامراد باشا
مراد:ملوكه بردو مجهزة حاجات لينا ربنا يخليكو لينا
مراد ودعهم وخرج
_______________________
عند نور وهنا فى الكليه قاعدين زعلانين عشان الشباب مسافرين
هنا:يلا عشان المحاضرة
نور:لا انا مش عايزة احضر مش هعرف اركز فى حاجه
هنا:بس المحاضره مهمه اوى ولازم نحضر
نور:لا انا هروح لو عايزة تحضرى احضرى انتى
هنا:لا طبعا انا معاكى
فون هنا رن برقم فارس
هنا بفرحه:ده فارس
نور:هما لسه مسفروش
هنا:مش عارفه استنى ارد
هنا:الو….بجد…طب هنخرج اهو
نور:نخرج فين
هنا:فارس ومراد بره
نور بفرحه:بجد.. طب يلا
هنا ونور خرجو كان الشباب واقفين برا البنات قربو وسلمو عليهم وفارس مسك ايد هنا وبعد شويا عنهم
هنا:كنت هزعل اوى لو كنت سافرت من غير مااشوفك
فارس:وانا اقدر بردو ياقلبي
هنا:هتيجى على كتب الكتاب
فارس:اكيد ان شاء الله.هتوحشينى
هنا بدموع:وانت كمان
فارس:لا مش عايز اشوف دموعك ممكن
هنا مسحت دموعها:حاضر
فارس:خدى بالك من نفسك وهابقي اكلمك
هنا:انت اللى خد بالك على نفسك
فارس:حاضر ياهنايا
___________
نور ومراد الصمت كان سايد بينهم
مراد:احم عامله ايه النهارده يانور
نور:كويسه اوى
مراد:خدى بالك على نفسك وبلاش تخرجى من غير حرس
نور:انا مش هخرج غير للكليه وخلاص بقي هنبدأ نجهز لكتب الكتاب معنتش هنزل كتير
مراد:هشوف فى كتب الكتاب باذن الله
نور:تروح وترجع بالف سلامه
مراد:ان شاء الله هابقي اكلمك اطمن عليكى
نور:حاضر
فارس وهنا جم عليهم
فارس:يلا يامراد عشان منتاخرش
مراد:يلا
وركبو العربيه ومشو
هنا:ايه هنحضر المحاضرة
نور:اه يلا
______________________
فى شركه الوحوش
مالك:دى اخر صفقه نخلصها ونوقف كل حاجه لبعد كتب الكتاب
زين:انا من رايي نسيب الصفقه دى لبعد كتب الكتاب
سليم:الصفقه ورقها كتير وكمان الشركه التانيه فيه شويا لابش حوليها وعايزين نستفسر بزياده عليها
سيف:خلاص اجلو كل حاجه لبعد كتب الكتاب
ادهم:طب بالنسبه للاجتماع اللى كمان يومين
سيف:اجلوه هو كمان
زين:تمام اوى كدا
سيف:جاسر فين
جاسر داخل من الباب:اسف على التاخير
سيف:حجزت القاعه
جاسر:كل حاجه جاهزة ومتخافيش انا متابع كل حاجه انا وادهم
ادهم:متخافش ياوحش
سيف:دى اول فرحه للولاد لازم تكون كل حاجه فيها تمام
زين:فاكرين يوم كتب كتابنا
سليم:وده يوم يتنسي
سيف:عايزين فرحه الولاد تبقي احلى من فرحتنا كمان
الوحوش:ان شاء الله
سيف:مراد وفارس وصلو ولا لسه
سليم:لسه فى الطريق
زين:يوصلو بسلامه
الوحوش:ان شاء الله
_________________
ليان واقفه فى المطعم
كريم:يالى لى فين التيشرت الاسود بتاعى
ليان:انهو واحد مانت كل تيشرتاتك سودا
كريم:الجديد يالي لى
ليان:فى الدولاب انا حطاه امبارح
كريم:مش لاقيه
ليان:لو جيت وجبته انا هعمل ايه فيك
كريم:هعملك اللى انتى عايزاه ياقمر
ليان طلعت فتحت الدولاب وطلعت التيشرت
ليان:اهووو قدام عينك اهو
كريم:ماكنتش شايفه يالى لى والله
ليان:اعمل فيك ايه بقي
كريم:اطلب ياقمر وانا انفذ
ليان:امممممم عايزة عروسه ابنر تتغدا معانا النهارده
كريم:ودى فيها كلام طبعاااا تيجى تتغدا معانا
ليان:طبعا ماهى مصلحه ليك .كلم مالك الاول خد منه الاذن
كريم:اكيد ياست الكل
كريم كلم مالك ومالك وافق ان لين تتغدى معاهم بشرط متتاخرش
______________
لين بتمر على الحالات وفونها رن برقم كريم
لين:ايه ياكيمو
كريم:عيون وقلب كيمو .اتغديتى
لين:لا لسه
كريم:خلاص قشطا جاى اخدك عشان نتغدا سوا
لين:طب اسال بابا الاول
كريم:ودى حاجه تفوتنى ياقمر كلمته ووافق كمان .اجى اخدك امته
لين:كمان نص ساعه كدا
كريم:حاضر ياقلبي
_______________
كارما وفيروز خلصو عمليتهم وقاعدين فى الكافتيريا بتاعه المستشفى
فيروز فونها رن برقم المدير وردت وبعد شويا قفلت
فيروز:المدير عايزنى هروح اشوف فى ايه وارجعلك
كارما:حاضر
كارما قاعده وسرحت فى اسر اللى بقاله يومين متغير ومش عارفه ماله واتفاجات بحد حط ايده على عينيها اتخضت فى الاول بعد كدا شمت برفان اسر اللى بتعشقه
كارما بفرحه:اسر
اسر شال ايده وقعد قدامها:روح وقلب اسر
كارما:تعرف انى كنت بفكر فيك
اسر:طب انتى تقدرى تفكرى فى حد غيرى
كارما:اسر
اسر:عيونه
كارما:انت فيك ايه متغير بقالك يومين حتى واحنا بنشترى الفستان مكنتش مركز معايا ولا مع اى حد
اسر:مافيش ياقلبي والله انا كويس اهو قدامك
كارما:والمفروض انى اصدقك كدا اسر انا حفظاك اكتر من نفسك بجد فيك ايه
اسر:مهمه جديده كدا محتاجه تفكيرى كله ياكارما وعايزة عينى فى نص راسي
كارما:حبيبي انا قدها وقدود انت ياما طلعت مهمات صعبه ونجحت فيها وانا عندى ثقه كامله فيك
اسر بصلها وابتسم ومسك ايدها وباسها:انا بعشقك ياكرمليتى
كارما:مانا عارفه
اسر:ياواد ياجامد انت
كارما:بقولك ايه المطعم اللى قدامنا بيعمل احلى ايس كوفى ماتيجى تعزمنى
اسر ضحك:يلا اومال فين فيروز
كارما:المدير طلبها اكيد عمليه جديده
اسر:ده فهد راح يدور عليها هكلمه اقوله يلا بينا احنا
________________
فيروز خارجه من اوضه المدير لقيت فهد واقف ساند على الحيطه
فيروز:بتعمل ايه هنا
فهد:جاي اشوف اميرتى عندك مانع
فيروز:والوحش بقي يعرف
فهد:الصراحه لأ
فيروز:تيجى نقعد فى المكتب
فهد:يلا
راحو المكتب ودخلو وفهد وقف يتفرج على شهادات فيروز
فهد:ماشاء الله ايه كل الشهادات دى
فيروز:انا بحب شغلى اوى تعرف كنت دايما باجى مع مامى هنا المستشفى وانا صغيرة واقول انا نفسي اطلع دكتورة شاطرة زيها والحمدلله
فهد:ودايما من نجاح لتفوق ياقلبي
فيروز اتحرجت وفهد ضحك عليها
فهد:صح نسيت اقولك امى راجعه بكره باذن الله من السعوديه
فيروز:ماما قالتلى انها بتكون موجوده عند اختها وكلمناها كلنا من يومين
فهد:هى قالتلى ياروزة هى هتفضل هنا لحد كتب الكتاب وهترجع تانى
فيروز:ليه ترجع مش انت موجود معاها
فهد مش عايز يقولها على المهمه:هى بتحب تفضل مع اختها
فيروز:ايواااا صح نسيت اقولك تشرب ايه
فهد:ممكن قهوة ساده
فيروز:نفسي اعرف بتشربوها ازاى دى
فهد:هى اللى بتخلينا نركز فى الشغل
فيروز رنت الجرس وجه عامل البوفيه وطلبت قهوة لفهد
شويا وجت القهوة وفعد وفيروز اتكلمو كتير تحت نظرات فهد لفيروز وكسوف فيروز منه
__________________
مرت الايام مابين تجهيزات البنات والشباب والكل لكتب الكتاب وفارس ومراد رجعو وجه اخيراا يوم كتب الكتاب الكل راحو على الاوتيل اللى هيجهزو فيه البنات فى اوضتهم والشباب بردو البنات كانو خربينها مهرجات ورقص وزغاريط والشباب كانو نفس الفرحه والكل بيجهز الوحوش كلهم لبسو بدل بلون الاسود وزوجاتهم فساتين بلون الفضي ونور هنا لبسو فساتين رقيقه بلون البينك شبه بعض ومراد بدله لونها رمادى وفارس بدله بلون الكحلى
اما بقي الشباب فلبسو بدل بلون فساتين البنات اللى بلون البيج والبنات اتفقو انهم هيلبسو نفس الفستان عشان يكونو شبه بعض
__________
فى اوضه البنات كل ام فرحانه ببنتها وبترقيها من العين الباب خبط كانو الوحوش جايين عشان ياخدو البنات يسلموهم للشباب كل اب قرب من بنته وحضنوهم بفرحه
سيف:ايه الجمال ده كله انا كدا هاخدك ونروح البيت ومش هخلى حد يشوفك ابداا
فيروز حضنت سيف
زين:كرملتى كبرت وبقت احلى عروسه دانا هطلع عين الواد اسر
كارما ضحكت على غيرة زين
مالك:ماشاء الله يالينو طالعه زى القمر
لين:ربنا يخليك ليا يابابا
سليم:بقي دى ملاك بنتى انا بجد مش مصدق زى القمر ياحبيبتى
ملاك:مش طالعه ليكى ياقمر انت
حياه:يلا يابنات الشباب تحت مستنين على نار
سيف:خليهم يستنو عادى
زين:صح كدا
ديما:يوه يازين يلا بقي
الوحوش نزلو من على السلم وهما ماسكين البنات والشباب واقفين فى اخر السلم وكل واحد انبهر بجمال حوريته مراد وفارس اللى فرحو لما شافو هنا ونور اللى كانو شبه الاميرات كل اب سلم بنته لعريسها الشباب باسو البنات من راسهم وكل واحد عطى لعروسته بوكيه ورد وراحو كلهم المكان اللى هيصورو فيه واتصورو صور كتير مع بعض وكل واحد ركب مع عروسته واتجهو للقاعه
الوحوش كل واحد اخد مراته معاه ومراد وفارس استاذنو من زين وسيف ان نور تركب مع مراد وهنا مع فارس وهما طبعا وافقو
العربيات كلها كانت ماشيه ورا بعض وبداو يعملو حركات والكل فرحان بحد ماوصلو للقاعه…….