رواية عندما يقع الوحوش في العشق الفصل الرابع عشر 14 بقلم سو

رواية عندما يقع الوحوش في العشق الجزء الرابع عشر

رواية عندما يقع الوحوش في العشق البارت الرابع عشر

رواية عندما يقع الوحوش في العشق الحلقة الرابعة عشر

ياسين خرج من اوضه ديما وبص لزين:ديما عايزة تطلق يازين
زين بصدمه:نعم ازاى يعنى
ياسين بحده:زى ماسمعت عايزة تطلق
زين:انا هدخلها افهم منها لى طالبه الطلاق
ياسين بيزق زين بعيد عن الباب:مش هتدخل فاهم هى رافضه تشوفك
جمال:طب لى يابنى اى اللى حصل
ياسين وهو بيبص لزين:مش يمكن عشان الاستاذ هو السبب فى كل اللى هى فيه وكمان معرفش يحميها انت عارف لو كنت اتاخرت على اختى كان هيحصلها اى
زين بعصبيه:بس انت عارف انه غصبن عنى
حسين ابو ملك وحياه بيخرجو من اوضه ملك
حسين:فى ياولاد صوتكو عالى ليه
ياسين:ديما طالبه الطلاق ياعمى والباشا رافض يطلق
زين بعصبيه اول مرة كلهم يشوفوها:انت بتستعبط مفكر انى هسمع كلامك واطلقها من غير ماافهم منها
ياسين بيمسك زين من ياقه قميصه :هطلقها يعنى هطلقها انا مش مستغنى عن اختى يمكن المرة الجايه تجيلى جثه
زين بيزق ياسين وبيضربه بوكس قوى
جمال وحسين بيحاولو يخلصوهم وسيف وسليم بيسمعو صوتهم بيجيو بسرعه وبيبعدو زين عن ياسين
سيف:اهدى يازين حصل اى لكل ده
زين بعصبيه وصوت عالى سمعته ديما:الاستاذ مفكر لما يجى يقولى اختى عايزة تطلق انا هسمع كلامه وكلامها اللى مش عارفه دماغها كانت فين وهى بتفكر فى حاجه زى دى وانى زى العبيط هقول حاضر وهطلقها انسي ياياسين اختك مش هطلقها وفهمها الكلام ده ديما عمرها ماهتبقي لحد غيرى نقطه والكلام انتهى وبيبعد سيف وسليم عنه وبيمشي
ياسين:شايف طريقته انا مستحيل اوافق اختى تكمل مع الهمجى ده
جمال بعصبيه:اخرس بقي انت مش عامل احترام لابوك اللى واقف ده جوزها ومن حقه يعرف هى طالبه الطلاق ليه وجوز اختك مش همجى ده بيحبها لو كان حصلها حاجه كان هيموت قبلها فاهم ومن لحظه دى انت بره الموضوع ده انا اللى هتكلم مع اختك
الممرضه بتيجى عليهم:ياجماعه لوسمحتو مينفعش صوتكو العالى ده انتو فى مستشفى
حياه:احنا اسفين مش هتحصل تانى
حسين:يلا يلا كل واحد يشوف هو رايح فين وانت ياياسين عيب اللى عملته جوز اختك راجل مافيش زيه
ياسين بيمشي وهو متعصب
_____________
فى اوضه ملك سليم بيدخل الاوضه مع حسين
ملك بخوف:كان فى ايه يابابا ده ياسين اللى كان بيزعق مش كدا
حسين:اه يابنتى ديما عايزة تطلق وزين رافض
ديما:مستحيل دى بتعشق زين ومستحيل تطلب الطلاق
سليم:اكيد فى حاجه ودى حاجه ترجع ليها ولزين ممكن بقي انتى تهدى شويا ومتفكريش زياده عشان متتعبيش
ملك بابتسامه:حاضر ياسياده المقدم
الباب بيخبط وبتدخل سلمى والده سليم
سلمى:ياحبيبه قلبي الف سلامه عليكى
ملك:الله يسلمك ياماما انا كويسه متقلقيش
سلمى:انا كنت هجيلك امبارح بس سليم قالى انك اخده مهدئ ومش هتفقى غير تانى يوم
ملك:ربنا يخليكى ليا يارب
سلمى:انا عملالك بقي شويا اكل عشان تاكلى وتتغذى ياحبيبتى
ملك: تسلم ايدك بس ماكنش ليه لزوم تتعبي نفسك
سلمى:تعب اخس عليكى ياملك هو فى بنت تقول الكلام ده لامها
ملك بتحضنها:انا بحبك اوى
سليم:لا كدا كتير بقي انا واقف على فكرة
سلمى بتضحك:انت بتغير عليها منى ياسليم
سليم بيبوس ايد والدته وراس ملك:انتو الاتنين حياتى ياست الكل ربنا يخليكو ليا
___________
فى اوضه ليان اعده والدموع فى عينيها
بيدخل ادهم وجده
كامل:حبيبه قلبي الف سلامه عليكى
ليان بتمسح دموعها:الله يسلمك ياجدو
ادهم شايف الدموع في عينيها ومستغرب مالها ولانه كان سيبها كويسه
ليان لادهم:كان فى اى بره لى كانو بيزعقو
ادهم:ديما عايزة تطلق
ليان بهدوء:يمكن عندها سبب
ادهم بعصبيه:سبب سبب اى اللى يخليها تطلب الطلاق وهى عارفه ان زين بيعشقها دى تبقي انانيه
ليان بنفس العصبيه:انانيه لى هو مش اللى حصلنا ده بسببكو
كامل:اهدوا ياولاد فى ايه .بقولكو اى انا خارج وانتو احرار
كامل بيخرج وادهم بيقرب من ليان:انتى مالك متغيرة لى وما سيبك وخارج وكنتى كويسه وسبب اى اللى يخلى واحده بتحب واحد انها تطلق منه
ليان:انت لى خبيت عليا ياادهم
ادهم:خبيت اى
ليان:انى مش هقدر اكون ام
ادهم بصدمه:انتى عرفتى ازاى
ليان:الدكتوره قالتلى
ادهم:مستحيل انا منبه عليهم محدش يجبلك سيرة عرفتى ازاى ياليان
ليان منهارة:هو ده اللى يهمك عرفت ازاى لى كنت ناوى تعيشنى فى وهم
ادهم بيقرب منها وبياخدها فى حضنه:ياحبيبتى والله مايفرق معايا كل ده كل اللى يهمنى انتى
ليان:بس انت من حقك تبقي اب ياادهم انت كنت بتتكلم معايا انك نفسك تجيب دسته عيال وانا مش هقدر
ادهم:انتى بنتى يا لى لى مش عايزة اى حاجه من الدنيا غيرك
ليان بتبعد عن حضنه:انت مش مجبر تكمل معايا ياادهم
ادهم بصوت عالى:لياااااااان
حياه بتدخل بسرعه ومعاها سهام
سهام:فى اى ياولاد مالكو
ادهم بعصبيه:الظاهر انها اتجننت زى صاحبتها انا ماشي
حياه بتقرب من ليان اللى منهارة:فى ايه ياليان الى اللى حصل
ليان:انتو كمان خبيتو عليا انى مش هقدر اكون ام
حياه وسهام بيبصو لبعض
حياه:ياحبيبتى ادهم اللى طلب مننا انك متعرفيش لانه كان خايف عليكى
سهام:اوعى تخسريه ياليان ادهم بيحبك .بس انتى عرفتى ازاى ده ادهم محزرنا كلنا ان محدش يجبلك سيرة
ليان:ناديه جتلى وقالتلى
حياه:لا كدا زودتها اوى يعنى ولازم نتصرف معاها
سهام:ادهم هو اللى هيتصرف معاها
حياه وليان بيبصو لسهام اوى
سهام:انا حكيت لادهم على كل حاجه
ليان:ليه كدا ياسوسو
حياه:كان لازم يعرف ياحبيبتى هو اللى هيقدر عليها
______________
ادهم بيروح على المكان اللى بيقعد فيه هو والشباب على النيل بيلاقى زين وسيف قاعدين
سيف:مالك انت كمان
ادهم بحزن:ليان عرفت انها مش هتقدر تكون ام
زين:طب عرفت ازاى وانت منبه على الكل
ادهم:مش عارف وده اللى هيجننى
سيف:طب وانت مضايق لى كدا كدا كانت هتعرف
ادهم:مش عايزة تكمل معايا
زين بيقوم يقف:لا دوول اتجننو اكيد
سليم وجاسر بيجو عليهم
سليم:اى اللمه دى
جاسر:مالكووو
سيف:انت كنت فين من الصبح
جاسر:كنت مع ريم بحاول اخرجها من الحاله اللى هى فيها
سليم:اللى حصلهم صعب اوى مش عارف لو كنا اتاخرنا شويا كمان اى اللى كان هيحصل
جاسر:يمكن ريم محدش قربلها بس شافت كل اللى حصل مع صحابها وده مأثر فيها اوى
سليم:ملك اغمى عليها قبل مايحصل حاجه للبنات بس اللى🐶عمله فيها مش قليل هى بتضحك وبتتكلم بس من جواها مكسور وباين فى عينيها
سيف:حياه بقي كل اللى همها البنات ومش بتفكر فى نفسها مع انها لو ادت لنفسها فرصه تقعد فيها لوحدها هتنهار جامد
زين بحزن:على كدا بقي ديما عندها حق واللى حصل معاها مش سهل وانا لازم اقدر ده
سيف بيحط ايده على كتفه:مش سهل عليها يازين اللى حصل
سليم:احنا لازم نقرب الفرح وبكدا هيتشغلو فى التحضيرات وينسو اللى حصل معاها
سيف:متنساش الاحمدى مش هيسكت ولاده الاتنين ودراعه اليمين معانا
زين:الكلاب دول لازم يموتو
جاسر:اهدى يازين حق البنات هناخده منهم متقلقش
زين بيبص على ادهم اللى وشه فى الارض ومش بيتكلم:مالك ياادهم مش هتتكلم لى مش عادتك يعنى
ادهم بيرفع وشه وعينيه كلها دموع:انا مخنوق اوى وتعبان
زين بياخده ادهم فى حضنه : اهدى ياادهم هناخد حقهم ان شاء الله
سليم:يلا خلونا نرجع المستشفى نشوف البنات
___________________
فى اوضه ديما ياسين دخل عليها لاقاها قاعده تعيط
ياسين:مالك ياحبيبه اخوكى انتى كويسه
زين كان لسه واصل عند باب الاوضه ولسه هيفتح سمع صوت ديما وهى بتعيط وياسين معاها وبيسمع كلامهم
جوا ياسين:متخافيش ياحبيبتى هخليه يطلقك وهعملك اللى انتى عايزاه
ديما بعياط:مش هقدر مش هقدر ياياسين
ياسين:مش هتقدرى على ايه ياحبيبتى
ديما:مش هقدر ابعد عن زين انا بحبه اوى لو بعد عنى انا ممكن اموت
ياسين:بعد الشر عليكى ياحبيبتى اومال لى بقي طلبتى الطلاق وخلتينى اعمل مشكله معاه وانا متاكد ان مافيش حد هيحبك اكتر منه
ديما:انا مش هقدر انسي اللى حصل معايا ولا زين مش هيقدر ينسي المنظر اللى شافنى فيه وان الحقير ده قرب عليا تفتكر لو نسينا واتجوزنا وزين شاف العلامات اللى جسمى اكيد هيفتكر ان فى واحد تانى قرب منى
زين قلبه وجعه لما سمع كلامها واد ايه هى موجوعه
ياسين:ياحبيبتى لو زين ماكنش عايز يكمل معاكى كان ماهيصدق اننا نقوله طلقها وكان طلقك بس زين متمسك بيكى طب تحبي اتكلم معاه انا وهافهمه
ديما:لا لا كفايه المشكله اللى حصلت بينكو بسببى
ياسين:طب ارتاحى انتى ياحبيبتى
الباب بيخبط وبيدخل زين وعينيه على ديما اللى وشها فى الارض:ممكن ياياسين تسبنى مع ديما شويا
ياسين:اه طبعااا اتفضل
قام ياسين وهو معدى من جمب زين
زين:متزعلش منى ياياسين انا كنت متعصب ومش عارف بقول اى
ياسين:ولا يهمك انا عارف سبب عصبيتك وانا كمان اسف
بيخرج ياسين وزين بيقرب وبيقعد على السرير قدام ديما و يفضل يبصلها شويا وشايف اد اى هى متوترة وخايفه ومش بتبص فى عينيه
زين:هتفضلى باصه فى الارض كدا كتير
وبيحط ايده على دقنها وبيرفع وشها ليه وبيلاقى عينيها مليانه دموع
ديما بتحط ايدها على عينيها وبتعيط:مش هقدر يازين مش هقدر
زين بياخدها فى حضنه:اهدى ياديما انا معاكى ياحبيبتى وعمرى ماهسيبك
ديما بتفضل تعيط لحد مابتهدى خالص وبتبعد عن حضن زين
زين:انا مش بحبك ياديما انا بعشقك واللى حصل ده مش هياثر على حبنا ابدا والكلب اللى عمل فيكى كدا حسابه معايا وهاخدلك حقك ياقلبي
ديما:انا اسفه انى طلبت منك الطلاق انت لو كنت طلقتنى انا كنت هموت يازين
زين:بعد الشر عليكى ياقلب زين.ماتيجى ننام لانا هموت وانام
ديما:طب ماتروح تنام فى بيتك
زين:لا انا عايز انام هنا معاكى وفى حضنك كمان
ديما:عيب كدا يا زين روح بيتك يلا ونام
زين نام جمبها واخدها فى حضنه:يلا يادمدومه انا بقالى يومين منمتش
ديما:حاضر تصبح على خير
زين:وانتى من اهل الخير ياحبيبتى
______________________
عند حياه كانت قاعده فى الجنينه بتاعه المستشتفى وبتفتكر كلام كريم(انتى بتاعتى ولما كريم الاحمدى بيعجبه حاجه بياخدها وغصبن عن الباشا بتاعك)
سيف بيجى من وراها وبيحط ايده على كتفها وحياه بتتخض وجسمها كله بيترعش
سيف:ايه ايه اهدى دانا اهدى
حياه مرعوبه وجسمها بيترعش:انا اسفه بس خوفت اوى
سيف بيقعد جمبها:انا اللى اسف معرفش انك هتخضى كدا حياه انتى كويسه
حياه هزت راسها بلا وانهارت وصوت عياطها بقي عالى
سيف:طب اهدى حياه اهدى
حياه:انا خايفه اوى خايفه
سيف بيمسك ايدها:خايفه من اى ياحبيبتى
حياه:اللى اسمه كريم ده مجنون ده محتاج مستشفى المجانين هو مش طبيعى ابداااا انا خايفه اوى
سيف:بس هو الوقت محبوس هو واسامه خايفه منه لى بقي
حياه:مش عارفه بس قلبي مقبوض اوى
سيف بيشدها لحضنه:ياحبيبتى اللى حصل معاكو مش سهل اناعارف وده لسه مأثر فيكى وصدقينى فتره وهتسنى كل ده
حياه بتهز راسها باه
سيف بمرح:بذمتك تبقي خايفه وانا معاكى دى حتى عيبه فى حقى
حياه بتضحك:ربنا يخليك ليا ياسيف
سيف:تصدقى كانت وحشانى اوى
حياه:اى ديه
سيف:ضحكتك ياحياتى
حياه:ياسيف بقي لو سمحت
سيف:انتى لسه بتتكسفى ياحياه داحنا هتتجوز اهو
حياه باستغراب:نتجوز
سيف:اه هنقدم الفرح عشان البنات يتشغلو فى التحضيرات وينسو اللى مرو بيه
حياه: ننسي تفتكر انا وريم هننسي اللى شوفناه فى اخواتنا وملك اللى اضربت واتهانت هتنسي وديما وليان عمرهم ماينسو اللى مرو بيه ياسيف ليان يمكن اخدت خبطه فى بطنها واغمى عليها مسمعتش صريخ ديما اللى مالى المكان بس الخبطه دى سببتلها اكبر الم فى حياتها حتى ديما اللى حصل معاها مش سهل بجد حرام اللى حصل فينا احنا ملناش ذنب فى اى حاجه عشان يحصل فينا كدا
سيف:انا اسف ياحياه كل اللى حصل معاكم بسببنا احنا يمكن لو مكناش دخلنا حياتكو مكنش كل ده هيحصل فيكم
حياه:انا مش قصدى كدا والله ياسيف بالعكس انتو وجودكو فى حياتنا هى احلى حصلت لينا ربنا يخليكو لينا
سيف بيبوس راسها:ويخليكى ليا ياحبيبتى يلا تعالى عشان اوصلك عشان ترتاحى شويا
حياه:انا هروح اغير وهرجع تانى افضل مع البنات
سيف بحده:حياه انتى مش بتنامى وتعبتى جامد لازم ترتاحى شويا روحى نامى وبكرة انا هاجى اخدك اجيبك هنا ماشي
حياه:حاضر…..