رواية عنان المدمر الفصل الثاني 2 بقلم فاطمة ابراهيم
رواية عنان المدمر البارت الثاني
رواية عنان المدمر الجزء الثاني
رواية عنان المدمر الحلقة الثانية
عندما خرج من الحمام وجد صديقه يجلس في الغرفه ..
أيهم : بتعمل ايه عندك !! وبكل برود ..
_بره
تميم صديقه قهقه ضاحكاً : ايه يا عم هو انا غريب .
أيهم : براحتك انا قولتلك وفجأه دون سابق إنذار قام بخـ ـلع المنشفه التي كانت علي خصره .
تميم لف بسرعه وشه إلي الجهه الاخر واعطاه ظهره :الله يحرقك انت ايه اللي انت هببته دا ..
أيهم ضحكه بسخريه علي صديقه : لف لف مش انت اللي عملي فيها جريء اوي مالك قلبت قطه مغمضه ليه هه وبعدين انا اصلا لابس شورت عشان عارف حركاتك دي ..
تميم لف تاني وضحك :طب مش تقول كده يا راجل من الاول وقعت قلبي يا قلبي انت انهي جملته بغمزه .
نظرله أيهم بسخط من تصرفاته نظره معناه،
( ألم تكون عاقل يوما) تحدث بحنق من تصرفاته.
_ امممم عايز ايه ..يا تري اي سر الزياره .
تميم : اي ياعم دا ..حتي بيقولك واجب عليك اكرام الضيف ..بقي دي مقابله تقابل بيها ضيوفك .
أيهم حك ذقنه : تصدق عندك حق ، نظره له تميم بابتسامه واسعه فجأه تحولت لصدمه من اخر ما قاله .
أيهم : اطلع بره ومش عايز اشوف وشك تاني في الاوضه دي “كاد فم تميم يصل الي الارض وهو يقول”
تميم بلا وعي : أنتَ بتهزر صح .
ايهم: هوانا عمري هزرت معاك يالّا .
تميم : لا يعم هي وصلت ل يالّا انا خارج،
“وقبل أن يخرج من باب الغرفه وقف ممسكاً بالباب وتحدث” .
تميم : ما انا كنت جاي عازمك علي العشا .
رفع له أيهم حاجبه وقال بسخريه : دا من امتي الكرم دا .
تميم : من ساعة ما اسلام الاسيوطي جه و غمزله يا أيهم يا ابن العلايلي سلام.
ضحك أيهم علي رفيقهم الثالث نعم إسلام الاسيوطي كان صديقهم ولكنه فضل السفر الي خارج البلاد والعمل هناك بعيد عن اي شئ يذكره بالماضي…
استوب نتكلم بقي شويه عن أيهم وبرود أيهم وجمال أيهم وحلاوت أيهم ( شاب في اواخر العشرينات حيث يبلغ الثمانية و العشرون من عمره يعرف بذكائه وسرعه انتباهه لما يحدث ويدمر اعدائه بكل برود كأنه لم يفعل شئ أيهم طويل القامه وشديد الوسام حيث انه لديه عيون خضراء وشعر شديد السواد و لحيه خفيفه وايضا لديه غمازه في فكه الايمن لاتظهر الا عندما يضحك وهذا نادراً بالتاكيد ).
وفي مكان اخر كان هناك من يضحك وهناك من يصرخ في وجه الاخر..
كانت عنان تضحك بشده : اي خدعه يا معلم بصره هههه .
اسر بصراخ : انتي يابت انتي بتخُمي بطلي خُم .
عنان وهي تتصنع الصدمه : بت مين يالّا يا ابو اولي اعدادي دا انا اكبر منك باكتر من ست سنين …وبنبره غرور وهيا قايمه تقف :دا غلطي أنا..أنا اللي نزلت مستواي لمستواك ولعبت معاك الكوتشينه دا انت المفروض تقولي يا أبله يا ،دوت صرخه في ارجاء المنزل
_ااااااااااااااه !
وفجأة تلقت ضربه علي قفاها من والدها وهو يقول صباح الخير يا نونو … بصتله عنان وهي تقول وهي تقوم بتدليك قفاها : صباح النور يا أبو حميد وباست ايده و خده .. ثم تلقت بشيء مؤلم علي ظهره ولم يكن سوي سلاح امها هو الذي ارتطم باظهرها
(الشبشب هو سلاح معظم الامهات ) وهي تصرخ في وجهها : هو انتي يابت مبتعرفيش تعملي حاجه كامله ابدا لازم تسيبي اثر وراكي ..
عنان وهي تتصنع التعجب : مالك بس يا حنان ما احنا لسه كنا سمنه علي العسل ما ايه اللي خلي السلاح دا يظهر بس .
حنان بصوت عالي : وحيات امك يا بت هو مش انا قلتلك اغسلي المواعين .
عنان وهي مازالت الدهشه علي وجهها :اها ما انا غسلتها في ايه بقي .
حنان والدتها :امال الحله اللي في الحوض دي بتعمل ايه ها !؟
عنان :لا يا عسل انا تخصص كوبيات واطباق حلل لاء .
حنان وهي تخلع الفرده الاخر من نعلها وتجري خلفها :كوبيات واطباق يا عين امك ..انا عارفه انتي هترجعيلي بالكحك سخن
عنان وهي تختبأ خلف ابيها : الحق يا حج مراتك هتموتني .
حنان: مراتك يا قللت الادب ابعدي يا بت عن ابوكي .
والد عنان : اهدي بس يا حنان وانتي يا عنان ايه اللي حصل هو انتو علطول بتتخنقوا كده ، زي القط والفار .
عنان ببراءه :واللهي هي الموزه مراتك اللي علطول دمها محروق عشان انا احلي منها و بتغير مني.
حنان بصراخ من ابنتها المجنونه : بغير من مين يابت يامعفنه انتي دا انتي هاتجيلي بالكحك سخن واللهِ.
عنان بكل هدوء لا يناسب ابدا الموقف :يا ماما ياحببتي انا مش هعمل كحك اصلا انا هعمل بسكوت و بديڤور … اذا لا تقلقي يا حنه مش هانولك اللي في بالك و اجيلك باكحك سخن ثم غمزتلها … ولا اي هههههههههههه
حنان وهي تتمتم : صبرني ياربي علي الخلف اللي تعر دي .
اسر بضحكه شامته :احسن عشان تبقي تخُمي في الكوتشينه تاني .
عنان بنظره كلها خبث وتوعد: تمام يا اسوسه ثم..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عنان المدمر)
