رواية عمياء ولكني عشقتها الفصل الأول 1 بقلم إسراء ابراهيم
رواية عمياء ولكني عشقتها الجزء الأول
رواية عمياء ولكني عشقتها البارت الأول
رواية عمياء ولكني عشقتها الحلقة الأولى
سناء بعصبية / يعني من قلة البنات يا كريم هتتجوز واحدة عميا طب انا مش موافقة بقي ثم دي لا من توبنا ولا احنا من توبها يابني
كريم قرب وباس ايد امه وهو بيحاول يقنعها
كريم / يا ست الكل افهميني انتي عارفة هشام بيه انا بعزه ازاي مقدرش ارفضله طلب
سناء بغيظ / وهو عشان بتعزه تقوم تضيع نفسك وتتجوز بنته العميا يابني ده انا طول عمري بستنا اليوم ده وانا اللي كنت بتحايل عليك عشان تتجوز ويوم ما تحققلي امنيتي تتجوز جوازة زي دي
كريم بضيق / يا امي دي حياتي وانا مش صغير انا فاهم كويس اوي انا بعمل ايه وبعدين انتي ناسية اني سواق هشام بيه و بقالي اكتر من عشر سنين معاه يعني بينا عشرة ده غير انه وقف جمبي في حجات كتير اوي ومستحيل لما يحتاجني ويطلب مني حاجة اقؤله انا لا
سناء بدموع /ماشي يا كريم اعمل اللي انت عايزه بس اعرف اني مش راضية عن الجوازة دي انا لا فارق معايا هيا غنية ولا معاها كام ولا حتي بنت مين انا اللي يفرق معايا انت نفسي اشوفك متهني ومتجوز بنت حلال تسعدك
كريم حضنها وهو بيقؤل بحب / متزعليش يا ست الكل والله انا عارف كل ده ومقدر كمان بس انا برد جزء بسيط من جمايل هشام بيه عليا وانتي ميرضكيش ابنك يطلع صغير قدام حد وبعد ما وافقت ارجع اقؤله لا
سناء بقلة حيلة / ماشي يا كريم اللي تشوفه يابني روح ربنا يريح قلبك يا ضنايا يارب
كريم وهو بيبوس ايديها / متحرمش من دعواتك ابدا يا ست الكل وقطع كلامه خروج روڤان اخته من اوضتها ولما شافتهم كدة بصتلهم بشك ورفعت حاجبها
روڤان / اممم كنتو بتقؤلو ايه بقي ولما خرجت سكتو
كريم بمرح / كنت بقؤل لماما قد ايه البيت هادي لما بتكوني نايمة
روڤان بغيظ / هه وانتو تقدرو تعيشو من غيري اصلا
كريم بمرح / اختفي انتي بس وانا اثبتلك اننا هنقدر
ضحكت سناء وقالت بمرح / والله انتو الاتنين مالين عليا حياتي ربنا يخليكم ليا
جريت روڤان عليها بمرح وحضنتها وهيا بتقؤل مع كريم في نفس الوقت
كريم وروڤان /ويخليكي لينا يا ست الكل
روڤان قامت بسرعة اما بصت علي الساعة اللي عالحيطة
روڤان / انا هقوم انزل عشان الحق عم حسن بتاع الطعمية احسن تخلص
كريم وهو بيمسك بطنه / اه والنبي يا روڤا احسن جعان جدا وعندي شغل
روڤان وهيا بتجري /فوريرة يا كيمو مش هتأخر وجريت علي اوضتها تلبس
…………………………………………
فريدة بدموع وهيا بتسند وتقوم تقف / لا يا بابا لو سمحت متعملش فيا كدة
هشام كان واقف ساند علي عصايته بتعب وقالها بحنان / يا فريدة يا بنتي انا قولتلك علي كل حاجة وانا لازم ابقي مطمن عليكي قبل ما امشي انا مش عارف اذا كان ليا عمر وهرجع ولا لا ريحي قلبي يا بنتي
فريدة مدت ايدها وحاولت تقرب من هشام ابوها فمد ايده بسرعة ومسك ايدها فحضنته جامد وهيا بتعيط بشحتفة وهو بقي يطبطب علي ضهرها بحنان
هشام/ حقك عليا يا نن عيني بس انتي عارفة اني تعبان يا فريدة ولازم اعمل العملية دي واسافر في اقرب وقت وانا مش عارف اذا كنت هقوم منها ولا لا ولازم ابقي مطمن ان في حد هياخد باله منك ومن مالك انتي عارفة ان اختي طول عمرها وهيا بتكر*ه امك الله يرحمها وانا مش ضامن لما تفضلي قاعدة هنا يعملو فيكي ايه
فريدة بشحتفة وهيا في حضنه / وانا مش عايزة حاجة يا بابا عايزاك بس معايا والنبي يا بابا ارجعلي تاني متسبنيش
هشام رفع وشها وباسها من خدها / اوعدك ان شاء الله هرجعلك تاني وكل حاجة هترجع زي الاول انا عمري ما هغصبك علي حاجة ابدا يا فريدة وصدقيني انا متأكد ان كريم انسان كويس اوي وهيحطك في عنيه وبعدين ما انتي عارفاه اكتر مني
فريدة مردتش عليه بس سرحت في كريم وافتكرت مواقفها معاه اينعم هيا بقالها فترة متقابلتش معاه لانها مبقتش تخرج كتير بسبب الحادثة بس هيا كانت بتفتكر المواقف اللي كانت بتجمعهم قبل ما يحصلها اللي حصل لانها عارفة انه بيكر*ها بسبب اللي كانت بتعمله معاه واكتر حاجة كانت مستغرباها انه ازاي وافق علي جوازها منه واتنهدت وهيا خايفة اوي من اللي جاي
……………………………….
روڤان بصوت عالي / عايزة بخمسة طعمية وتلاتة فول يا عم حسن وبسرعة عشان كريم عنده شغل
حسن / هاتي يا ست البنات وابقي سلميلي علي الواد كريم وقوليله ابقي اطمن علي عمك حسن
روڤان بابتسامة / حاضر هقؤله واخدت الطعمية منه ومشيت وقصدت تعدي من قدام ورشة النجارة بتاعة عمر صاحب كريم الانتيم من وهما صغيرين وكانت ماشية بتبص تشوفه جوة ولا لا بس لقت اللي بيقف قدامها
عماد جارهم / ازيك يا انسة روڤان
روڤان وهيا بتبص في الارض/ احم كويسة في حاجة
عماد بأعجاب وهو بيبصلها من فوق لتحت هو يعني كريم فين
روڤان رفعت وشها باستغراب / كريم في البيت وحضرتك تقدر تكلمه تسأله بعد اذنك وقبل ما تمشي وقف قدامها منعها وهو بيقول
عماد / ماهو اصل رقمه اتمسح من عندي وقبل ما يكمل كان صوت عمر الغاضب مقاطعه وهو بيقرب عليهم وبيبص لروڤان بغضب
عمر / خير يا عماد موقف الانسة روڤان في الشارع كدة ليه
عماد بتوتر / مممفيش انا بس كنت بسألها علي كريم اصل كنت عاوزه في حاجة
عمر بنفس الغضب / وهيا الاصول بتقول انك توقف اخته في الشارع تسأله عليها ولا ايه
عماد بتهتهة / اانا مش في نيتي حاجة يا عمر يعني انا بس شوفتها صدفة قولت اسألها بعد اذنك وسابهم ومشي بسرعة قبل ما عمر يصب غضبه عليه اكتر
روڤان كانت بتبص لعمر بخوف / والله يا عمر هو اللي… قاطعها عمر بحدة وهو باصص في الارض
عمر /عالبيت يا انسة روڤان لو سمحتي
روڤان بصتله بدموع بس هو مرفعش نظره فيها وسابته ومشيت بهدوء
عمر اتنهد بضيق ودخل المحل تاني وهو بيستغفر
……………………………………..
بليل في ڤيلا هشام الجندي كانت مرفت اخت هشام قاعدة هيا وبنتها مريم مع هشام وفريدة
عليا بدموع تمثيل / الف سلامة عليك يا حبيبي بس انت ليه مقولتليش يا هشام انك تعبان
هشام بابتسامة عشان عارف تمثيلها / الله يسلمك يا مرفت والله مرضتش اخضكم عليا بس ان شاء الله هسافر اعمل العمليه علي طول وارجع احسن من الاول
مرفت بخبث / ان شاء الله يا هشام يا اخويا بص انا هاجي انا ومريم ومروان نقعد مع فريدة اكيد هيا مش هتعرف تاخد بالها من نفسها وانت مسافر
هشام بمقاطعة / لا فريدة خلاص هتتجوز ومش هتحتاج حد يجي يقعد معاها
مريم بصدمة /تتجوز!! امتي وازاي ومين ده يا عمو هيا اصلا كانت مخطوبة
مرفت بخبث / وده مين اللي رضي بيها قصدي يعني مين سعيد الحظ ده
فريدة مسكت دموعها وحاولت متبينش كسر*تها بس هشام رد بحدة
هشام / فريدة الف راجل يتمنو بس توافق عليهم وعماها ميعيبهاش يا مرفت وحاسبي علي كلامك عشان دي بنت هشام الجندي ومحدش يقدر بس يبصلها بصة متعجبنيش
مرفت بببراءة مصطنعة / انا مقصدش يعني يا هشام فريدة دي زي مريم ومروان عندي
هشام بابتسامة سخرية/ لا منا عارف يا مرفت
مرفت / بس يعني يا هشام هو مش انا طلبتها لمروان ابني وانت قولت انها مش بتفكر في الجواز دلوقتي وكملت بسخرية ايه بقي اللي غير رأيها
هشام بجدية / هو احنا هنضحك علي بعض يا مرفت عايزاني اجوزها ابنك مروان اللي كل يوم بيرجع وش الصبح يطوح كدة بقي انا هطمن علي بنتي قفلي عالسيرة دي احسن
مرفت اتخرست ومقدرتش ترد بس بصت علي فريدة بغيظ وفي نفس الوقت جرس الڤيلا ضر*ب وفتحت الخدامة ودخل كريم بكاريزمته اللي تخطف نظر اي بنت ما عدا فريدة اللي لما شمت ريحة برفانه عرفته علطول
هشام بترحيب /اهلا يا كريم يابني اتفضل
كريم بجدية / مساء الخير
مريم بصتله بأعجاب ومرفت بتكبر واتصدمو الاتنين لما هشام قدمو ليهم
هشام بثقة / اعتقد انتو عارفين كريم بس اللي متعرفهوش انه خطيب فريدة بنتي وكتب كتابهم يوم الخميس الجاي
مريم بصدمة / فريدة هتتجوز السواق بتاعكم يا عمو
كريم اضايق بس اتجاهل كلامها ونظرات امها ووجه كلامه لهشام
كريم /لو سمحت يا هشام بيه ممكن نتكلم علي انفراد
هشام بابتسامة/ طبعا يا كريم اتفضل في مكتبي
كريم باحراج /احم وبعد اذنك ممكن فريدة هانم تبقي موجودة
هشام بابتسامة اكيد ومسك ايد فريدة وقامت معاه ودخلو المكتب وقفلو الباب عليهم واول ما الباب اتقفل لفت مريم بعصبية لامها
مريم /شوفتي اللي حصل يا مامي فريدة هتتجوز كريم السواق ده معقؤل
ابتسمت مرفت بسخرية ومردتش بس بتكلم نفسها / للدرجادي يا هشام خايف عالبت ماشي يبقي يوريني السواق بتاعك هيعرف يحميها مني ازاي
مريم بعصبية / يا مامي روحتي فين انا بكلمك
مرفت قامت وقفت /يلا بينا نمشي وسابتها ومشيت
مريم بصت عالمكتب وقامت بعصبية ومشيت ورا امها
…………………………………..
كانت قاعدة روڤان في اوضتها وهيا مضايقة وبتفتكر اللي حصل الصبح مع عمر ونفخت بضيق
روڤان / يعني كان لازم عماد وزفت ده يظهر اوووف ماشي يا عمر مش عارفة هتفضل لحد امتي مش حاسس بحبي ليك كدة ده انت حتي مش بتبص في وشي للدرجادي مش شايفني
قامت بزهق وطلعت من اوضتها وقعدت جنب امها وهيا بتتفرج عالتلفويون
سناء باستغراب / تتحسدي سايبة اوضتك ومذاكرتك يعني وجاية تقعدي معايا
روڤان بغيظ /بقؤلك ايه يا سوسو انا زهقانة وجاية اقعد معاكي شوية هتفضلي تتريقي عليا هاخد. بعضي واخش اوضتي تاني هه
سناء بحدة /مالك يا بت من ساعت ما نزلتي جبتي الفطار وطلعتي وانتي ضا*ربة بوز في ايه ياختي
روڤان بكدب /اصل عندنا مادة صعبة ومش عارفة همتحنها ازي
سناء بحب /اعملي اللي عليكي والباقي علي ربنا ومتخفيش مش هيضيع تعبك ابدا
روڤان باستها من خدها / حاضر يا سوسو يا قمر انتي
سناء بحزن / اخوكي هيتجوز يا روڤان
روڤان بصدمة /اايه ده بجد فجأة كدة وانا اخر من يعلم وضيقت عنيها بغيظ ااممم مش قولتلكو انا لما بتتلمو علي بعض يبقي في نصيبة ومين دي بقي تعيسة قصدي سعيدة الحظ اللي هتتجوز اخويا
سناء بتنهيدة / فريدة بنت هشام الجندي
روڤان بشهقة / الراجل اللي بيشتغل عنده
سناء وهيا بتحرك راسها بايجاب / ايوة هيا واتنهدت وحكتلها اللي حصل بينها وبين كريم الصبح
روڤان بهدوء وهيا بتقرب من امها / خلاص يا ماما هو ادري بمصلحته ودي حياته سيبيه هو يقرر واكيد في سبب قوي لكدة وهو طالما موافق خلاص
سناء بقلق /اانا بس خايفة عليه اكيد في حاجة حصلت عشان هشام يطلب منه كدة
روڤان بثقة /وكريم راجل يا ماما مش عيل واكيد هو عارف وفاهم ده كويس فسيبيه بقي هو ادري بحياته
سناء وهيا بتض*ربها علي دماغها / ماشي يا غلبوية يلا قومي البسي عشان نروح نطمن علي خالتك ام عمر
روڤان قامت وقفت بصدمة / بجد هنروح ااقصد يعني ليه مالها
سناء بجدية / معرفش امبارح قابلتها وانا راجعة من السوق وكانت جاية من عند الدكتور وكان باين عليها انها تعبانة فواجب نروح نشوفها
روڤان بفرحة /ايوة صح يا ماما عندك حق دي اصول هروح البس فوريرة وجريت علي اوضتها بفرحة وهيا بتدعي تشوف عمر هناك
…………………………….
في المكتب كان هشام قاعد علي مكتبه وقدامه كريم وفريدة قصاد بعض
هشام بجدية /اتفضل يا هشام يابني انا سامعك
كريم بجدية /بعد اذنك يا هشام بيه انا كان ليا طلب بخصوص جوازي من فريدة واتمني انك متعارضش
فريدة ابتسمت بسخرية / قصدك شرط يا استاذ كريم مش طلب انت بتتشرط علي بابي عشان ترضي تتجوزني هيا دي الحقيقة
كريم اضايق وبص لهشام اللي قال بجدية / استني يا فريدة.. ااتفضل قول يابني طلبك ايه
كريم بجدية /اولا ده مش شرط يا انسة فريدة انا قولت انه طلب وحاجة تخص كرامتي كراجل وبص لهشام وكمل بعد اذنك لما اتجوز فريدة انا هاخدها واعيش في بيتي مش هنعيش هنا لان كرامتي مش هتسمحلي اني اعيش في بيت مراتي انا هاخد مراتي واعيش في بيتي اللي انا بدفع ايجاره بفلوسي وتعبي وهتعيش معايا علي قد ظروفي انا ولا ايه يا هشام بيه
هشام ابتسم بأعجاب / عداك العيب يابني وكلامك ده كبرك في نظري جدا وخلاني هبقي مطمن اكتر علي بنتي معاك وانا عن نفسي موافق
فريدة وهيا بتسند عالمكتب وبتقف بعصبية / وانا مش موافقة…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عمياء ولكني عشقتها)
