رواية عمياء وسط الذئاب الجزء الثاني الفصل السادس والثلاثون 36 بقلم محمد طه
رواية عمياء وسط الذئاب الجزء الثاني الجزء السادس والثلاثون
رواية عمياء وسط الذئاب الجزء الثاني البارت السادس والثلاثون
رواية عمياء وسط الذئاب الجزء الثاني الحلقة السادسة والثلاثون
_نور بثبات_
فيه حاجه يا باشا..خير عايزني ف حاجه
_الباشا ما يردش عليها ومركز أوي على عنيها
ويبدأ يقلع القناع..ونور مصدرش منها أي رد فعل..
والباشا بعد ما قلع القناع..ولع سيجاره..
واتأكد إن نور عميا ما بتشوفش ..
لأنها لو كانت بتشوف كان أول ما قلع القناع..
كانت ملامح وشها اتغيرت وكانت كشفتها
_الباشا_
عملتي إيه ف التقرير اللي معاكي
_نور_
التقرير اللي معايا المعلومات اللي فيه كلها غلط..
الأسامي كلها مش راكبه على بعضها
_الباشا_
إيه يا نور دا أنا براهن على ذكائك
_نور بثقه_
يا باشا مش محتاجه ذكاء..
أنا بأكدلك إن المعلومات دي كلها غلط
_الباشا بابتسامه مكر_
قوليلي يا نور هوا إحنا شغالين..
ف مدرسه الأخلاق الحميده..
إحنا عنوان شغلنا يا نور _(المتعه الجنسيه)_..
فطبيعي إن اللي ياجي عندنا يقولنا على إسم وهمي..
ومن حقه إنو لا يقول على إسمه الحقيقي ولا شغله..
وإحنا لا يهمنا إسمو إيه أو بيشتغل إيه..
وبعدين هنروح بعيد ليه..
فيه حد من اللي شغالين معايا يعرف إسمي..
أو شاف وشي أو سمع صوتي الحقيقي..
شغلنا مش مهم فيه الأسامي يا نور..
أهم حاجه ف شغلنا..
إن فيه حد بيستمتع وإحنا بنقبض ونستفيد
_نور ف سرها_
جلت مني دي
_(وتعلي صوتها)_
تصدق كلامك مقنع يا باشا..لأ أقنعتني..
وأنا من اللحظه دي هتعامل مع الأسامي..
اللي ف التقرير على إنها رموز ..
_(وتقول ف سرها)_
بس أنا عايزه أعرف الأسامي الحقيقيه..
ومش لازم أضغط عليه عشان ما يشكش ف حاجه..
كده كده هييجي يوم والاسامي الحقيقية..
هتتكشف قدامي _(وتعلي صوتها)_
تأمرني بأي حاجه تاني يا باشا
_الباشا_
هستدعي الدكتور ياجي ياخدك
__(ف طرقه المقر)__
_نور_
بقولك إيه يا دكتور..خدني للسطح..
عايزه أشم شويه هوا نضاف حاسه إني مخنوقه
_الدكتور_
حاضر يا نور..
ولو عايزه تقولي حاجه قولي الدنيا أمان
_نور_
عيزاك ف موضوع مهم جدا..
بس لما نطلع فوق السطوح
___________________________
__(في المستشفى مكتب المديره)__
_الدكتوره_
حمدالله على السلامه يا شاكر
_شاكر_
الله يسلمك يا دكتوره
_الدكتوره_
إيه بقي حكايه مشاويرك السريه..
اللي أنا معرفش عنها حاجه دي
_شاكر_
الراجل اللي أنا بعت صورته لحضرتك..
اللي ف المستشفي..الراجل دا ما،ت..
وأنا قولت أجمع عنو شويه معلومات..
لحد ما وصلت للشركه بتاعته..
وأكتشفت إن هبه اللي كانت شغاله عندنا ممرضه..
كانت بتتردد على شركته وكانت بتبات ف الشركه
_الدكتوره بقلق وتوتر_
أنته متأكد إنها هبه
_شاكر_
يا دكتوره دا أنا شايفها بعيني ف الكاميرات..
وهيا داخله وهيا خارجه
_الدكتوره تتصل ب أم محمد_
أبعتيلي هبه مكتبي بسرعه
_شاكر بعدم فهم_
هبه مين يا دكتوره..هيا هبه رجعت الشغل تاني..
وكأن مفيش حاجه حصلت
_الدكتوره_
هفهمك بعدين.._(مع دخول هبه)_
_الدكتوره تطلع صوره الزبون ع التلفون وتوريها لهبه
_الدكتوره بغضب_
إيه علاقتك بالراجل ده
_هبه بهدوء_
حضرتك دا كان زبون أيام المدير سامح..
كان بييجي ياخد مزاجه كل وقت والتاني
_الدكتوره_
ولما خرجتي من السجن روحتيلو ليه
_بقلم…محمد طه عبد المجيد
_هبه والدموع بدأت تتجمع ف عنيها_
حضرتك أنا لما خرجت من السجن..
مكنتش أقدر آجي على هنا..وجوزي طلقني..
والزبون دا كان أقرب حد ليا..
روحت أستنجد بيه يشوفلي شغلانه..
ووعدني إنو هيشغلني ف الشركه..
وقبل دا ما يحصل..
دخل المستشفى وبقي بين الحياه والمو،ت
_الدكتوره_
ماشي يا هبه روحي إنتي على شغلك
_ومع خروج هبه من المكتب تدخل سمر..
وسمر اتفاجئت واتصدمت لما شافت هبه
_سمر بذهول وغضب_
إيه اللي جاب البت دي هنا
_الدكتوره_
ربنا تاب عليها..
يبقي نقف جنبها ونساعدها..
ولا نرميها ف الشارع ونسيبها تكمل..
ف القرف اللي كانت شغاله فيه
_(شاكر وسمر يبصو لبعض ومش مقتنعين)_
_الدكتوره_
سمير فين يا سمر
_سمر_
سمير بيدور على نور وبعتني هنا لحمايتكم
_شاكر_
يا دكتوره أنا مش مرتاح لوجود البت هبه دي هنا
_الدكتوره_
أنا عاطيه أوامر لأمك تخليها تحت عنيها 24ساعه..
وأنته بالكاميرات خليها تحت عنيك ال24ساعه..
ولو شوفت عليها أي غلطه عرفني..
وأنا أوعدك إني مش هرميها ف الشارع..
دا أنا هرجعها السجن تاني
___________________________
__(في القسم مكتب الظابط نوره)__
_الظابط نوره_
ها يا سمير مش ناوي تعترف وتقولنا نور فين
_سمير بثقه_
حضرتك خرجيني من هنا..
وأوعدك ف خلال 48ساعه..
هعرفلك مكان نور ومين اللي خاطفها
_الظابط نوره_
طيب تعالا نتفق إتفاق..
أنته تقولي لما هتخرج من هنا هتعمل إيه..
وأنا هعمل اللي أنته هتعمله بالظبط..إيه رأيك
_سمير_
مش هينفع يا أفندم
_الظابط نوره_
إيه مش واثق فيا..مش واثق ف الحكومه
_سمير_
لأ طبعا حضرتك أنا مقصدش..
بس هيا الفكره إن الوصول لنور..
هيكون بطرق مخالفه للقانون..
وحضرتك طبعا مش هتخالفي القانون
_الظابط نوره بابتسامه_
يعني أنته عايزني أخرجك من هنا..
عشان تخالف القانون..
_(وتتكلم بحزم)_
شوف يا أستاذ سمير..
نور.. أنا كده كده هوصلها..
وأنته كده كده مش هتخرج من هنا
_(سمير لسه هيتكلم الظابط نوره تقاطعه)_
سمر واقفه برا جيالك زياره..
يا ريت تقولها ما تجيش هنا تاني..
عشان لو جات هنا تاني..
هحطها ف الزنزانه اللي جنبك..
قدامكم عشر دقايق
_(وتخرج الظابط نوره وتدخل سمر)_
_سمر_
الدكتوره رجعت هبه تشتغل ف المستشفي من تاني
_سمير بغضب_
سمر..إحنا تعبنا المحامي معانا..تحاسبيه الليله
_سمر بابتسامه_
أوامرك
_وبعد ما تخرج سمر من القسم..
تتصل ببنت من اللي شغالين معاها
_سمر_
استعدوا هنهرب سمير الليله من القسم
_____________________________
__(في المقر البديل للباشا الكبير)__
_الباشا_
خير يا دكتور..موضوع إيه المهم اللي عايزني فيه
_الدكتور_
موضوع خطير يا باشا..وقولت لازم أعرف حضرتك
_الباشا بنفاذ صبر_
أنطق فيه إيه
_الدكتور بتوتر_
نور يا باشا..نور طلبت مني
_الباشا بغضب_
طلبت منك إيه نور
_الدكتور _
طلبت مني إني أهربها…………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عمياء وسط الذئاب الجزء الثاني)
