رواية عمياء وسط الذئاب الجزء الثاني الفصل الثاني والثلاثون 32 بقلم محمد طه

_الظابط نوره_
ما هو قولك فيما هوا منسوب إليك..
بأنك ترئس شبكه منافيه للآداب
_سمير بصدمه_
رئيس شبكه منافيه للآداب..طب إزاي
_الظابط نوره_
حضرتك بقي اللي هتقولنا إزاي..
ومين أفراد الشبكه اللي شغالين معاك واحد واحد
_سمير يستجمع قواه_
حضرتك أكيد فيه حاجه غلط
_نوره بنظره ثقه_
هوه فعلا فيه حاجه غلط..
وحضرتك هنا عشان نوقف ونمنع الغلط اللي بيحصل
_سمير_
يا أفندم أنا زي حضرتك بالظبط..
عايز الغلط دا ينتهي ويخلص..
ولو حضرتك راجعتي قضيه الآداب..
اللي حصلت ف المستشفي..
هتلاقيني كنت مشارك مع الدكتوره ونور واصحابها..
ف القبض على كتير من أفراد الشبكه..
يبقي إزاي أبقي أنا رئيسهم
_الظابط نوره_
تنكر إنك سوابق
_سمير_
حضرتك هيا سابقه واحده..
وملهاش أي علاقه بالآداب..
ويعلم ربنا إني برئ منها..
بس للأسف معرفتش أثبت برائتي
_نوره بابتسامه سخريه_
برئ..
_(وتبصله بجديه)_
تقدر تقولي إيه علاقتك ب داليا الشهيره ب الغاليا
_سمير_
داليا تبقي أختي..
وأنا مليش أي دعوه بشغلها وتعاملاتها
_نوره بابتسامه_
ملكش دعوه إزاي..
دا أنته كنت تقريبا دراعها اليمين ف كل شغلها
_سمير بغضب_
يا أفندم هوا حضرتك..
عايزه تلبسيني أي تهمه والسلام
_نوره بغضب وتحدي_
آه..وأوعدك إني هلبسك بدل القضيه أتنين وتلاته..
أولا.. رئيس شبكه منافيه للأداب..
ثانيا..خط،ف المدعوه نور ممدوح..
وفيه إحتمال إنك تكون قت،لتها..
ثالثا..
_سمير يقاطعها بغضب_
ثالثا إيه..مفيش حضرتك حاجه من اللي بتقوليها دي..
خط،ف إيه وق،تل إيه..يا أفندم أنا كنت مخ،طوف..
مع نور والدكتوره وشاكر هما اللي رجعوني..
وتقدري تسأليهم..يا أفندم أنا من يومين بس..
أنا كنت بين الحياه والمو،ت
_الظابط نوره_
وأنا بأكدلك إن كل دا كان جزء من خطتك..
أولا..إتواصلت مع الدكتوره على إنك دكتور عيون..
وقدرت تقنعها إن العمليه بسيطه وساهله..
بعد كده سافرت مع نور على ألمانيا..
وأول ما وصلتوا..
حساب الدكتور اللي كنت بتكلم الدكتوره من عليه..
أتقفل وأتقطعت أخباركم..
بعد كده لفيت شويه بنور ف ألمانيا..
وبعدين رجعتها على المطار ورجعتها على مصر..
ولما رجعتها على مصر كنت حريص..
على إنك تدخلها ف أماكن ما فيهاش كاميرات..
عشان محدش يقدر يوصلها..
أما بالنسبه لحضرتك..
فخليت رجالتك يرموك ف طريق غابه..
وبالصدفه بنت تاجي تاخدك وتعتني بيك..
وكل دا قدام الكاميرات عشان تسهل الوصول ليك..
لحد ما فعلا الدكتوره وشاكر قدروا يوصلولك..
ويرجعوك لمصر..
وبالصدفه للمره التانيه أتنين يدخلوا المستشفي..
ويعطوك إبره..
بعدها بنص ساعه تقوم وأكن مكانش فيك حاجه..
ولما عرفت إني كشفت المقر بتاعك..
قولت تروح هناك عشان تنفي أي شبهه تجاهك..
وفجر،ت المقر بدايه من الدور الأخير للدور الأرضي..
مع إنك كنت ممكن تحط قن،بله ف الدور الأرضي..
والمبني كله كان هينزل ع الأرض
_سمير بغضب_
يا أفندم أنا بأكد لحضرتك..
إني برئ من كل اللي بتقوليه ده..
وبأكد لحضرتك إن نور ف خطر..
وأنا لازم أخرج من هنا..
عشان أنا الوحيد اللي هقدر أرجعها
_الظابط نوره_
فعلا أنته الوحيد اللي تقدر ترجعها..
لأنك الوحيد اللي تعرف مكانها..
بس دا لو كانت لسه عايشه وعلى قيد الحياة
_بقلم…محمد طه عبد المجيد
_سمير_
إن شاءالله عايشه..
بس حضرتك لازم تساعديني..
عشان نقدر نساعدها ونرجعها قبل ما يأذوها..
أنا مش عارف حضرتك..
ليه مصدقه ومقتنعه إن أنا اللي خا،طفها
_الظابط نوره_
عشان الأدله كلها ضددك..
وأنا متأكده من كل كلمه قولتها..
ف من مصلحتك تعترف
_سمير بغضب_
يا أفندم أعترف بإيه بس..
كل اللي حضرتك قولتيه ده أنا ماليش أي علاقه بيه..
أقسملك بالله أنا أتخ،طفت مع نور..
وآخر حاجه فاكرها..
إن فيه بنتين استقبلونا ف مطار ألمانيا..
وركبوا كل واحد فينا ف عربيه..
وأنا فعلا كنت قلقان وحاسس إن فيه حاجه هتحصل
والبنت اللي كانت معايا ف العربيه..
عطتني سيجاره وبعد ما شربتها بدأت أفقد الوعي..
وفوقت لقيت نفسي ف المستشفي..
يعني من لحظه ما شربت السيجاره..
لحد ما فوقت ف المستشفي كل دا مش فاكره..
ولا فاكر إيه اللي حصلي..حضرتك لازم تصدقيني
_الظابط نوره_
هصدقك..
بس تعالا كده نكمل باقي التهم الموجهه ليك..
أنته نفسك مش هتصدق..
يبقي إزاي عايزني أصدقك يا سمير باشا
_سمير بغضب_
يا أفندم أي تهمه تانيه مش مهم..
أنا المهم عندي دلوقتي رجوع نور..
ساعديني نرجع نور..
وبعد كده إتهميني بأي تهمه..
وأنا همضيلك وابصملك عليها..
بس نلحق نور ونرجعها قبل ما يأذوها
_الظابط نوره بعصبيه وانفعال_
هوا ليه حضرتك محسسني إنك قاعد مع واحد صاحبك وبتطلب منو إنو يساعدك..
يا استاز أنته متهم برئاسه شبكه منافيه للآداب..
وقضيه خط،ف و3 قت،ل
_سمير بصدمه_
3..قت،ل.. ودول بقي أنا قت،لتهم أمتي..
وأنا فاقد الوعي
_الظابط نوره_
أنته متهم بق،تل أختك..واتنين كمان..
واحد أسمه عماد والتاني أسمه حامد الديب
_سمير_
يا أفندم أختى متوفيه بسكته قلبيه..
وفيه تقرير طبي بيأكد كلامي..
وممضي من الدكتوره سناء..
والاتنين التانيين كانوا دفاع عن النفس..
وال3 قواضي خلصوا واتقفلو
_الظابط نوره بابتسامه_
لأ ما أنا فتحتهم تاني..وطالبت بخروج الجث،ث..
وتشريحها من أول وجديد..
واتضح إن أختك متوفيه بكسر ف الرقبه..
مما أدي إلي الوفاه..والاتنين التانيين..
واحد بنفس الطريقه والتاني بطلق ناري..
وتصحيح لمعلوماتك..التقرير الطبي..
مش الدكتوره سناء اللي ماضيه عليه..
اللي ماضي عليه شخص تاني خالص..
واتحول للتحقيق..
مبروك عليك البدله الحمرا يا أستاذ سمير
_سمير بصدمه_
يعني إيه مش الدكتوره اللي ماضيه على التقرير..
دا الدكتوره هيا اللي كتباه بنفسها وماضيه عليه..
_(وبعد تفكير)_
بعد إذنك يا أفندم اسمحيلي أعمل مكالمه تلفون
_الظابط نوره_
هوه مش مسموحلك
_سمير يقاطعها_
دقيقه واحده..أرجوكي
_الظابط نوره_
معاك دقيقه واحده
_(سمير يتصل بسمر)_
_سمير_
أيوه يا سمر..أبعتيلي محامي..ونور قدام الدكتوره
_(وبعد ما قفل مع سمر)_
_الظابط نوره باستفهام_
أبعتيلي محامي ومفهومه..
يعني إيه نور قدام الدكتوره
_سمير بغضب_
يعني الدكتوره هيا رئيسه الشبكه المنافيه للآداب……

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عمياء وسط الذئاب الجزء الثاني)