رواية عمياء وسط الذئاب الجزء الثاني الفصل الحادي والثلاثون 31 بقلم محمد طه
رواية عمياء وسط الذئاب الجزء الثاني الجزء الحادي والثلاثون
رواية عمياء وسط الذئاب الجزء الثاني البارت الحادي والثلاثون
رواية عمياء وسط الذئاب الجزء الثاني الحلقة الحادية والثلاثون
_الدكتوره بتوتر وقلق_
هبه..إنتي دخلتي هنا إزاي
_هبه والدموع بدأت تتجمع ف عنيها _
أبوس إيدك يا دكتوره..أنا من يوم ما خرجت من السجن وأنا مش عارفه أروح فين ولا أعمل إيه..
أبوس إيدك يا دكتوره شغليني ف المستشفي..
لو هتخليني حتي أنضف الحمامات..
أبوس إيدك مفيش حد راضي يشغلني
_الدكتوره تبلع ريقها وتبدأ تطمنلها..
وبنسبه كبيره هبه صعبت عليها وهتحاول تساعدها
_الدكتوره_
أيوه يا شاكر أقفل دلوقتي وهرجع أكلمك تاني
_وتقفل الدكتوره مع شاكر..
وتبص لهبه من فوق لتحت وحاله هبه تصعب عليها
_الدكتوره_
أيوه يا هبه بس المستشفى مش بتاعتي..
ومش أنا اللي أقول مين اللي يشتغل..
ومين اللي ما يشتغلش
_هبه بدموع_
أبوس إيدك يا دكتوره أنا ما بقاش ليا حد..
وجوزي طلقني..أرجوكي أعملي أي حاجه..
وشغليني ف أي حاجه..
أنا مستعده أمسح وأنضف إن شالله الحمامات
_الدكتوره_
هبه..هوه أنتي مش واخده بالك..
إنتي كنتي بتعملي ايه واتمسكتي ف إيه
_هبه بدموع وتقرب من الدكتوره عشان تبوس إيدها
_هبه_
غلطت ومعترفه بغلطي..
وأخدت جزائي واتعاقبت..
وندمت ومستقبلي ضاع وبيتي اتخرب..
أبوس إيدك ساعديني..
عشان ما أرجعش أمشي ف الطريق دا تاني
_الدكتوره بعد تفكير_
وإيه اللي يضمنلي يا هبه..
إنك اتغيرتي وبقيتي كويسه..
ومش هتعمليلي مشاكل ف المستشفي تاني
_هبه_
حضرتك خليني تحت عنيكي ال24ساعه..
لو شوفتي مني أي حاجه غلط..
إعملي فيا اللي إنتي عيزاه
_الدكتوره بعد تفكير تتصل ب أم محمد
_الدكتوره_
أم محمد تعالي المكتب بسرعه
_وتقفل مع أم محمد وتبص لهبه
_الدكتوره_
أنا هخليكي تحت الملاحظه شهر..
ولو أتأكدت إنك إتغيرتي هتنزلي شغلك..
وأكن مفيش حاجه حصلت ..
وأتمني إنك تكوني فعلا إتغيرتي واتعلمتي الدرس
_هبه تنشف دموعها_
وأنا أوعدك إنك هتشوفي هبه تاني خالص..
واحده غير اللي كنتي تعرفيها
_أم محمد تدخل وتتفاجئ بوجود هبه
_أم محمد_
إنتي إيه اللي جابك هنا يا بت ودخلتي هنا إزاي..
أنا هطلبلها الأمن ياجو يرموها بره
_الدكتوره_
أم محمد..هبه هتشتغل مساعده ليكي..
وتخليها تحت عنيكي ال24ساعه..
لما نشوف هيا فعلا إتغيرت..
ولا لسه هبه بتاعه زمان
___________________________
__(المقر البديل للباشا الكبير)__
_الباشا_
إتفضلي يا نور دي المعلومات اللي طلبتيها..
وخدي بالك أنا لحد دلوقتي..
ما أستفدتش منك بحاجه
_نور_
هتستفاد يا باشا ما تستعجلش..
المهم بس المعلومات دي أنا هقرأها إزاي..
أنته مش واخد بالك إني عميا ولا إيه
_الباشا_
يبقي خلي الدكتور يقرأهالك
_(مع دخول فهد)_
_الباشا_
ها يا فهد وصلت ل إيه
_فهد_
فيه بنت برتبه ملازم أول..هيا اللي بتدور ورانا
_الباشا بغضب_
ودي سمعت عننا فين عشان تدور ورانا
_فهد_
من قضيه هبه سعادتك..
حضره الظابط دي كانت ف السجن..
اللي كانت فيه هبه وكانت قريبه جدا من هبه..
وبعد ما هبه خرجت من السجن..
حضره الظابط راحت المستشفى..
وقابلت الدكتوره واصحاب نور..
ووعدتهم إنها هتدور على نور وترجعهالهم
_الباشا_
سامعه يا نور..إصحابك هما اللي بيدورو ورايا..
عشان لما يتأذي حد منهم ما تلومنينيش
_بقلم…محمد طه عبد المجيد
_نور_
لأ يا باشا..ما اسمهاش بيدورو وراك..
إسمها بيدورو عليا..ودا شئ طبيعي ومتوقع..
وبعدين هوا حضرتك مش واخد بالك من الكلام..
بيقولك ظابط اللي بتدور وراك
_الباشا_
فهد..تشوفلي إيه حكايه البنت الظابط دي..
وتعرفلي عنها أي نقطه ضعف..
ولو ملهاش نقطه ضعف..تخلقلها نقطه ضعف
_نور ف سرها_
فرصتك يا نور تكبري العداوه بينه وبين الحكومه..
إنتي مش هتقدري عليه لوحدك يا نور..
لازم تخلي الحكومه تساعدك..
يبقي إنتي من جوه والحكومه من بره
_(وتعلي صوتها)_
أسمع يا فهد لو ملهاش نقطه ضعف..
أنا هقولك إزاي تخلقلها نقطه ضعف..
دا مفيش أسهل من إنك تخلق نقطه ضعف لبنت..
مهما إن كانت قويه
_(الباشا يهز راسه لفهد بالموافقه)_
_فهد_
طيب يا باشا بالنسبه لسهيله
_الباشا_
سهيله كفايه عليها الخوف..
اللي عاشته الفتره اللي فاتت..
وهيا دلوقتي ف مهمه هيا وميري..
ويلا كل واحد على شغله..
عشان فيه ضيوف مهمين على وصول
_الدكتور ياخد نور ويروحوا غرفه فاضيه..
عشان يقرألها التقرير
وفهد يخرج عشان يعمل تحريات عن الظابط نوره
والباشا يستعد لمقابله ضيوفه
____________________________
__(في النادي)__
_سمر بتحط خطه تهريب سمير من القسم
_سمر_
اسمعو يا بنات..سمير دلوقتي محجوز ف القسم..
فيه بنت ظابط حجزاه بتهمه باطله..
وإحنا لازم نهربه ب أي طريقه..
ولو سمحت لينا الفرصه وإحنا بنهربه..
إننا نخطف البنت الظابط دي..
ما نترددش لحظه ونخطفها..
ودلوقتي هقولكم هنعمل إيه بالظبط..
أولا من حسن حظنا إن القسم مش كبير..
ومتطرف بعيد عن المدينه..
والخطه كالأتي..
إحنا هنقسم نفسنا لمجموعتين..
مجموعة هتبقي بره ومجموعه هتبقي جوه..
المجموعه اللي هتبقي جوه..
هيدخلو كأنهم مواطنين عاديين..
اللي داخله تعمل محضر بسرقه
واللي داخله تسأل عن جوزها المسجون جوه..
واللي داخله تعمل محضر عن إختفاء جوزها..
وتلاته أربعه يعملوا خناقه قدام القسم..
والعساكر هيقومو بالواجب ويدخلوهم جوه..
وبعد ما نصنا بالظبط يبقي جوه القسم..
تبدأو تنتشرو جوه القسم..
عشان وقت الهجوم تسيطرو عليهم من جوه..
وتسهلولنا مهمه الدخول..
ها فيه أي إستفسار عن أي حاجه
_البنات ف صوت واحد_
كله تمام
_سمر_
على بركه الله..
أول ما سمير يبعتلى الإشارة هتبدأ مهمتنا
_____________________________
__(في القسم..مكتب الظابط نوره)__
_الظابط نوره_
أسمك وسنك وعنوانك
_سمير_
اتفضلي البطاقه
_الظابط نوره_
ما هوا قولك فيما هوا منسوب إليك..
بأنك ترئس شبكه منافيه للآداب………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عمياء وسط الذئاب الجزء الثاني)
