رواية عقد الحب الفصل الثاني 2 بقلم ندى سعد
رواية عقد الحب الجزء الثاني
رواية عقد الحب البارت الثاني
رواية عقد الحب الحلقة الثانية
بدأنا نأكل ادهم معروف بحنيته قاعد يوشوش سما أختهُ ويفتحلها علبه الكشري وشال من قدامها الشطه ويقول انتي عروسه وهي هتتعبك
~حسيت بغيره ليه مكنش عندي اخ يقف جانبي ويحبني كده صحيح عشان اهلي انفصلوا بدري
بصيت للسماء وقولت”يارب متجعلنيش حقوده ولا ابص ف حياة غيري يارب احفظهم لبعض ”
نزلت عيني من السماء ادهم بصيلي بجديه وقال:
-تعرفي أن شركتك عملت deal مع شركتي
كان فيه اجتماع انهارده وعرفت منهُ
ادهم:يعني لو مكناش اتقابلنا انهارده كنا هنتقابل ف الشغل بس هل كنت هتعرفيني ولا هتعملي نفسك متعرفنيش
انا مش وحشه للدرجاتي ياادهم
نورا:سؤالك فـ محلو ياادهم
بصيتلي وكـملت كلام:
واحده كانت اقرب لينا اختفت وبعدت عننا حته اقرب واحده ليها ف العيله.. ف طبيعي هتسال السؤال ده لما تشوف هتعرفك ولا هتعمل نفسها متعرفكش
سما:خلاص ياجماعه وحدو الله.. انا بقول نكمل أكل
ايناس:ليا اسبابي
نعمه:اسبابگ؟! ايه االاسباب اللي تبعدك عن اكتر ناس بتحبك
انتي حته افرحنا محضرتهاش برفوا بجد مكناش مستينك حتي تيجي لـسماء مكنتش متوقعه دي
معنديش كلام ادفع بيه عن نفسي والكلام اللي جوايا مينفعش اقوله ” قرارة اني مكملش القاعده وامشي حالا
اقـعدي
كلمه مي بعـد ما مسكت ايدي وشدتني اقعد وقالت:
•متزعليش من حقهم يعاتبوكي والعتاب نابع من المحبه متعرفيش دايما ف كل قعدنا لينا افتكرناكي وكلمنا مامتك تجيبك معرفش ازاى قدرتي عيشي لوحدك ووراكِ اهل وسند بيحبوكي
ايناس:اعتذرليكم كلكم بصوا بعد انفصال اهلي حسيت اني لوحدي افضل واحسن
نعمه:الهروب من الواقع مش حل المواجهه اسلم طريقه
=مش كله عنده شجاعه المواجهه
سما :المهم اتصفينا
=متزعلوش ياجماعه
كلهم بصوا البعض واجمعوا انهم اتصافوا
خـدنا وقتنا واحنا البـنات بتنا ف شقه خالي حسين ابو ادهم وادهم طلع بات مع ايساف
كلهم ناموا وانا قبلها استأذنت ايساف يديني اللاب بتاعه هعمل عليه كام حاجه
أخيراً قفلت اللاب وقومت اشرب وانام فتحت نور المطبخ شربت وخد نفسي وبلف امشي
=خضتني
-عملت صوت ع فكره
=مش واضح ، بعدين ايه نزلك
-نسيت الشاحن وفوني هيفصل ومحدش فوق معه نفس الشاحن بتاعي
=اها ، ماشي تصبح ع خير
– ع فكره هنتقابل كتير بعد كده واولهم يوم السبت ف الشركه وانت من اهله ، سلام
كل واحد راح مكانه
اصحوا الفطار يابنات خلونا كل واحد يشوف وراء ايه
كده كده انا صاحيه من بدري لاني متعوده عليه وحضرت معاهم
النايم صحي ورسينا الاكل ع الطبليه وبدانا ناكل
خالتي رباب:
مبسوطين بوجودك ياايناس متقطعيش بينا
ابتسمت
=من عـيوني ياخالتو .
خلصنا اكل شربنا الشاي والقعده مش خاليه من الضحك والهزار والتنمر وذكريات
لحـد مااتكلمت مامت ايساف
:صحيح ياايناس مش ناويه تفرحينا بيكِ مستنيه ايه تاني
بصيت لـماما لاقتها هي وخالتي رباب بيبُصلها جامد
=حالياً لاغيه الفكره من دماغي ..
:مش فـ دماغك ولا مستنيه حد ولو مستنيه العُمر بيجري يابنتي الحق تيجيبي عيل تستندي عليه لما تكبري وريحي قلب امگ بقولك كده عشان بعتبرگ زي عيالي
خالتي رباب اتكلمت:
سيبيها ع راحتها يا وفاء
:لازم تنصحوا وتكلموا معاها ساعات الواحد فاكر يبقي فاكر نفسه صح لاجل ان اللي حوليه مش بيقولولوا لا ع حاجه
=هفكر ف كلامك يامرات خالي
الساعه ٢
=هاروح انا اجيب لبس ماما
نورا:هتيجي معانا الكوافير
=لا هلبس من البيت
مي:ماتيجي
=معلش خلوني ع راحتي
بصوا لبعض
خلاص ع راحتگ
خلصت المشاوير ولبست وجهزت ولو السيشن
مردتش اقول لا مامش هيبقي كله لا
ومش هنكر اني اتبسط حبهم ليا وصلي بس عُقدي كانت اكبر مني
انبسطنا فـ الفرح وفضلت لحد اخرو ومردتش ابـات معاهم بسبب شغلي
وصحيت تاني يوم متأخر بجري اللبس باسرع وقت
ماما كانت لسه نايمه رنا اللي صحتني
رنيت عليها وانا ف العربيه
=شكرا كتير يا ريري انك لحظتي اني اتاخرت وصحتيني
•متتعوديش بس ع كدا
=لا انا برحتي ع فكره
•راحت راحتك يا باشا
=حبيبتي حد وصل
•العملاء وصلوا بقالهم شويه ومهندس احمد معطلهم لحد ماتيجي
=طيب احمد مابداتش ليه مانا مسلمه المشروع ده
•طلبينك بالاسم
=اكيد ادهم
•ايه
=ولا حاجه هقفل اهو قربت
•تمام سلام
بعد وقت وصلت ودخلتلهم ع طول
اول ما دخلت الـ room قابلتني عيون ادهم اللي باصين ع الباب گ انه قاعد مستنين ادخل ف اي وقت
اتنهد جامد
السلام عليكم
ادهم:
المفروض يامهندسه تنتظمي فـ مواعيدك
احنا ورانا مواعيد تانيه مش هنلغيه عشان سيادگ
رفعت حاجبي
احمد ادخل :
مهندسه ايناس عمرها مااتاخرت اكيد حصل ظرف طارق
ومنعتذر يااستاذ ادهم
بدانا انا واحمد نتكلم ف الديكورات اللي هنعملها ف مشروع ادهم………
لحد ماخلصنا .
ياابن اللذينه ياادهم ده انا سهرانه معاكو امبارح معرفش انت لحقت تصحي بدري وتيجي بدري وبتسخنهم عليا
دخل امكتبي ورايا
ادهم:
اكيد بتشتميني دلوقتي
=كويس انك عارف
-الشغل شغل يا ايناس
=مهندسه ايناس من فضلك طالما الشغل شغل بقا
رفع حاجبه وابتسم ابتسامه جانبيه
-شكلنا هنتبسط بالشغل مع بعض
=اكيد الانبساط من ناحيتك بس يااستاذ ادهم
ابتسم
-حلو الطريقه دي تعجبني ،واتمني يعجبني شغلك زيك كده وديكورات مشروعي تبقي ع احسن وجه
=زيي ازاى معلش
لبس نظارته :
مش مهم يابنت عمتي
سيبني ومشي ورنا دخلت بعديه :
المز ده بيكلمك ف ايه
بصيتله
•طالما جهه هنا يبقي مش شغل ف متبصليش كده
لو مكنتش متجوزة كنت كلمته وانتي لسه سنجل فـ فكري بقا
=ارحميني ياست ارحميني انا مصدعه لوحدي
ضحكت :
مخبيه ايه هاا الشويتين دول مش ريري حبيتك
طلبگ للجواز هاا مابنتنا تتحب برضو اومال
مسكت المقلمه اللي قدامي ووجهته عليها :
ده انا اللي هطلبلك الاسعاف
يوم الجمعه بعد الفرح بشهر اتعزمنا عند اهل ماما والمره دي روحت
ايساف طلب عربيتي اديتهلو لان ادهم مرداش يديله عربيته
ادهم:
افتكري اني قولتلك بلاش
بصيت لايساف :
بقولك ايه خليها ف عينك متشمتش حد فينا
ايساف مشي
-والله متشمتش حد فينا شويه كده وهشمت ف عربيتك متقلقيش يا اناناس
=لااا انا استحمل ايه حاجه الا الاسم ده
-ماشي يااناناس
=ادهم خلاص بقا انا قولت نسيته
-ايناس انتي متخيله اني ممكن انسي اي حاجه حصلت زمان تخصگ حتي مشاعري طفولتي اتجاهات متغيرتش كبرت معايا
قلبي دق حسيت اني اتبنج لثواني لما افتكرت وقت مااعترفلي وقالي بحبك لسه فاكر المشاعر دي لسه عايشه
لما لاقني ساكته
-صحيح كويس انك بتتحاشي اللي اسمه احمد ده عشان لو كنت لقيت غير كده كان هيبقي فيه رد تاني
=وماله مهندس احمد بقا
-نظراته ليكي باينه هو ماله
=هو انا متحبش
-تتحبي ونص .. بس تتحبي من ادهم وبس
=بس الكلام ده ياادهم
-دي فرصه ياايناس ادينا فرصتنا ومش هتندمي اوعدك
قطعت كلامنا فونه ايساف رن عليه
الو
مش وقتك صدقني
ضحك فجاه وبصيلي
-كده اشمت برحتي بقا وديها عند عم عبده يصلحها
=عربيتي
شديت منه الفون
=عملت فيها ايه دي بنتي دي انطق لما اشوف وشك ياايساف
:غصب عني
قفل
=عربيتي
وهو لسه بيضحك
-افتكري اني قولتلك بلاش
قولت بغضب
=اسكت بقا
وجريت روحت عند ماما وخالتي جايز كنت بهرب من كلام ادهم وعملت حوار العربيه حجه بس برضو زعل ع عربيتي ماهي شيلاني برضو
~كان زياراتي لادهم كترت وزيارته للشركه وبدات اني اخد عليه شويه زي زمان
تالت يوم من موقف ايساف
ادهم طلبنا لانه عايز يزود حبة حاجات ع اللي طلبيهم روحت شركتهُ ف عربية احمد لان عربيتي لسه ف الصيانه خلصنا الاجتماع اللي عملنه عنده وبلم ورقي
ادهم:يلا اوصلك ف طريقي
احمد:انا موجود يااستاذ ادهم متتعبش نفسگ
ادهم:متدخلش
احمد:لا ادخل مهندسه ايناس زميلتي وانت غريب
ادهم:هي بنت عمتي
تنح واستغرب
ادهم:يبقي مين الغريب دلوقتى
بصيلي
احمد:صحيح
هزيت راسي بإيجاب
ايناس:معلش يااحمد
ادهم بصيلي بعينيه اني امشي قدامه
خد خطوتي ومشيت وهو ورايا لحد ماوصلنا عربيتهُ لحد ماقطع السُكات وهو بيشغل عربيتهُ
ادهم:قال ايه عايز يوصلك باينهُ بيحلم بالنجوم ف عز الظهر
=خلاص ياادهم بقا
ادهم: ماشي يااناناس
=يوووه
ادهم:بصي انا جعان ناكل واروحك
=هو ده الكلام
وصلنا طلب الاكل اللي بحبهُ
=ممم بتحاول تكسبيني ، ادهم مش هنفعگ
-مش انتي اللي تكرري
=اومال مين
-اللي يعيش معاكِ ويُحكم ، بس اللي بيحبگِ برضو بيقولوا يبلعلگ الزلط
=كله حاجه بتاخد وقتها وتخلص
-عايز اكمل عمري وياگِ ياايناس لحد مايخلص بحبك والله
قلبي رقص من فرحتهُ بس لساني ترجم الخوف الداير فـ عقلي مش الحب اللي فـ قلبي
=انا مش عايزاك حبيبي خلينا صحاب خلينا كده مش عايزه اخسرگ ياادهم عايزاك ف حياتي بس مش مرتبطين
تستاهل واحده مش معقده تستاهل تفضل تحب الحياه مش تكره ياادهم
-انا مش عايز منك غير انك توافقي ومش هتخسريني ابدا
=لا ياادهم لو فتحت الموضوع ده تاني مش هخليك تشوفني
سكتنا يومها بس
ادهم مسكتش لحد هنا حاول مره واتنين وعشره معايا بس انا فضلت زي مانا
انا حاسه اني متكتفه فـ مكاني واقعه ف بيره وادهم رميلي الحبل عايز يطلعني بس عتمت البير مخلياني مش شايفه الحبل
المفاجاه اللي حصل ان ماما ادهم تعبت من عمليه قلبها ودايما تردد لادهم انها عايزه تحضر فرحهُ قبل مايحصلها حاجه الكل فضل يقنع ادهم بس ادهم موافقش
طلعتله ع السطح
=ارضي مامتك ياادهم انت ابنها الوحيد من حقها تفرح بيك
-مش هعرف ابقي مع غيرك مش كلام ياايناس اليوم اللي هبقي مع غيرك همـ..وت
=متقولش كده يااددهم
-حبي ليك ياايناس من زمان اوي لما كنا اطفال اتمنيتگ عشقتگ ملامحك ضحكتك مش شايف غيرك ف ازاى تحكمهُ عليا اعرف غيرك
=عشان مامتگ
-كلهم عارفين حبي ليكِ ، وده مش بايدي يايناس ، مستغرب حته انك انتي اللي بتكلمي معايا كده مع اني عينك بتقول اللي ف قلبك ناحيتي
=بس انا قولتلك هتفضل صاحبي ومش ناويه اغيرها ف اسمع كلام مامتك لو بتحبني بجد
اتنهد
-مش ده اللي عايزه حاضر هعملوا جايز لما تشوفيني مع غيرك تتغيري يااناناس
=برضو اناناس
-حاجه تفكرك هتفضل عندي زي مانتِ واكتر .
******””””
يوم خطوبتهُ
“معملتش حاجه غير اني نمت مصحتش غير ع رنة فوني
الـساعه ١٢ وادهم بيرن
=الو
-دعيت انك تُردي
=فعلا حظك طالما نايمه مش برد ع الفون مهما حصل .
-عشان كده دعيت كنت عايز اخر صوت اسمعهُ قبل ماانام هو صوتگ
=مالك انت كويس
-مليش كل اللي فيه وانا بلبسهَ الدبل شوفتها انتِ وبعد ما اهلي مشيوا وقعد معه ذكرت اسمك بدل اسمها بتاع عشر مرات صريحتها بكل حاجه واسبوع ونفركش الموضوع
خليكِ عارفه لحد اخر نفس ف عمري انا هكون بحبك واتمني اخر صوت اسمعه هو صوتگ ياايناس
صوت خبط بعدها صوته اختفي قلبي اتقبض “كرر اسمعوا كتير ع امل انه يُرد ” رد مكنش صوته مكنش ادهم
الو
=ايوا فين ادهم
صاحب الفون عمل حادثه وهننقل مستشفى***
اتنفض وانا بترعش وبصرخ
=ادهم
ماما فتحت عليا الاوضه من صريخي
ايناس مالك فيه ايه
=ادهم .. ا..دهم ع..م.ل حادثه
تقل الكلام ع لساني زى جسمي اللي تقل ومبقتش عارفه اشيلهُ
فتحت عيني شوفت السقف الاوضه قدامي وصداع جانب ف راسي وگ اني مخبوطه
=الحمدلله انه حلم هكلم ادهم ايوا لازم اكلمه اعرفه اني بحبهُ وموافقه اننا نرتبط اهاا مينفعش يبعد عني
مديت ايدي تحت المخده ملقتش الفون سند نفسي اقوم من مكاني لقتني ف اوضه غير اوضتي بيضاء وسرنجات حقن فاضيه جانبي
=يعني ايه.. انا فين
•ايناس حبيبتي
=ماما ، ايه جبني هنا
حضنتني وبدات تعيط حسيت بروح بتسحب مني
=فيه ايه بتقلقيني ليه
•اهدي ياحبيبتي ، بصي أدهم ف الاوضه اللي جايبنگ لو لو تروحي تشوفيه
شيلت المحلول المتعلق في ايدي وسديت الدم اللي نزل بقطن متساب جانبي وجريت ع الاوضه اللي فيها ادهم
كله بيعيط
=ماله.. الدكتور قال ايه .. بتعيطو ليه
حتي انت ياخالي بتعيط متخافش هو قالي مش هيبسيبني
سكت ثواني لما افتكرت اخر جمله قالها
“اخر صوت نتمني اسمعهُ هو صوتك”
مع صوت خالي اللي نطق :
ادهم خلاص مش هنشوفه تاني
هستيريه العياط وصريخي وانا بنادي عليه مسكتي ف التيشرت بتاعه وهو بحاول اصحيه
=لاااا اكيد ف غيبوبه اكيد
اجمدي ده قضاء الله
=ااااادهم رد عليا ادهم
اغمي عليا تاني مصحتش الا بعد ماادفن خد يومين مصدومه مش بعيط لحد مازورت تُربته
يعني ايه ادهم مبقاش موجود ياريت ..”ياريت ” الكلمه مش هتعمل حاجه مش هترجع برضو .
قدام تربته بعـد ماعدا سنتين ع نفس حالتي كل يوم اروح اقعد معه واعيط واسيبله ورديا
افتكرت دايما اني صح موتگ فوقني فوقني بس مش عارفه اشوف حياتي ياادهم حياتي من غير ادهم متتعش ..”مسحت دموعي “متخفش انت عايش هنا فـ قلبي مش هنساك هحافظ ع كل ذكره بينا ولو كله راح انت مش هتروح مني .
خـلصت الحدوته
لقراءة الرواية كاملة اضغط على : (رواية عقد الحب)
