رواية عقد الحب الفصل الأول 1 بقلم ندى سعد
رواية عقد الحب الجزء الأول
رواية عقد الحب البارت الأول
رواية عقد الحب الحلقة الأولى
•ايناس مش قولتلك خدي اجازة الاسبوع ده عشان فرح بنت خالك
اتكلمت بإستعجال وبمسك شنطتي
=مش هعرف ياماما عن اذنك هتأخر
وقفت حاجز بيني وبين الباب
•ايناس انا صحيالك بدري عشان اقولك الكلمتين دول مليش دعوه تستأذني وتشتري فستان جديد وتيجي وتفرحي متندمنيش اني سيبتگ براحتك عشان انفصلت من باباكي
وانتي عارفه حاولت كتير اخليكي تندمجي من اهلي عشان متبقيش لوحدك ودايما تبعدي
انا المره دي مش هاقولهم اعذار ولا اسمع سخافات من حد ويقول زعلانه عشان بنت خالها اصغر منها وهتجوز وكلام كتير هيتقال وسما اول فرحه ف بيت اهلي وانا زهقت من التبرير
خـد نفـس
=حاضر اوعدك هظبط مواعيدي واحضر معاكي كل اللي انتي عايزه
بوست راسها ووسعتلي الطريق ونزلت ركبت عربيتي
ليه نحتاج نبرر حالنا للناس
اكمني كسرت الـ ٢٨ ايه الدماغ التعبانه دي احنا ليه البشر رابطين عُقلنا بأرقام “ده اتـجوز فـ سن كام ، وده بيقبض كام ،وده مـعه كام عيل ،وده عندهُ كام بيت والخ”
دايره مش بتخلص ولو عشـت عمرك ترضي الناس هتموت خسران نفسگ
~دورت عربيتي واتحركت
خلاص انا مش شايفه غير شغلي اللي دايما بسعي اني انجح فيه .. ام اهل امي بعد عنهم من ١٠ سنين بعد مااهلي انفصلوا
لما لقيت نفسي هحسدهم ان كل واحده معاها اب وام وعايشين جوا عائلي طبيعي
مش دايما خناق وعدم اتفاق وف الاخر انفصال
قطعت تفكيري وصولي للشركه بصيت لنفسي ف مراية العربيه وظبط نفسي ولميت حاجاتي ونزلت
رنا:مالك مقريفه ليه
قعد ع المكتب ورنا كانت داخله ورايا
=زهقانه شويه
مديت ايديها
رنا:خدي اشربي قهوتي طالما زهقانه هتزهقينا ف عيشتنا وغير وراكي meeting شويه كده
ضحكت ضحكه بسيطه
=نعم هزهقكم ده انا مدلعاكم هتنكري ولا ايه
اتكلمت بتريقه:
رنا:ايوا ياست المديره ايوا اومال ايه
ابتسمت ع طريقتها
=بقولك يارنا متيجي معايا بعد الشغل عايزه اجيب لبس
رنا :بس كده من عيوني
=تسلم عيونك هي دي صاحبتي الانتيم .. صحيح مين معايا ف الـ meeting
•احمد
=يوووه احمد يارب يبقي مركز
•ياعين امهُ بيبقي مركز بيشوفك معرفش يحصلهُ ايه
الحب بقا
=نينيننينيي
•ايناس ، فكري بجد احمد عسول وبيحبك وتعبتيه معاكي من كتر ما كل شويه يفتح ف الموضوع وتكرفيله عايزين نفرح بيكِ
=محدش قالهُ يحبني
•قلبك جاحد .. ،وانتي عارفه القلب ملهوش احكام
=انا قولتله يشوف حياتهُ بعيد عني وهيلاقي الاحسن مني مقولتلهوش استناني .. انا مش بفكر غير ف شغلي ، ويلا هاجهز نفسي وشوفي شغلك ونتقابل بعدين .
•تمام يا ايناس يوم سعيد
مسكت ورقي ودخلت الاجتماع
احمد:اهلا بالمهندسه ايناس
اهلا
سلمت ع باقي الموجودين وبدات اشرح الخطه الجايه اللي هنفذها ف المشروع الجديد ووزعت عليهم الورق بالتفاصيل وكل واحد هيبقي عليه ايه ينفذُ
خصلنا الاجتماع وبدات الم حاجاتي
احمد:فاضيه بعد الشغل نشرب حاجه سواء
رديت عليه من غير ماابصلهُ بكمل لَم فـ حاجاتي
=لا والله مش فاضيه
احمد:طب بكرا
=بكرا سيبوا ع ربنا
أخيراً خلصت وبصيت ناحيتهُ وكملت كلامي
=بكرا ! محدش ضامن بكرا
سكت شويه
=مهندس أحمد متستنينيش مفيش مني أمل
احمد:مش جايز تحني
=وجايز لا شوف حياتگ وربنا يسعدك فيها عن اذنك
نهيت كلامي بابتسامه لطيفه وطلعت من اوضه الإجتماعات لمكتبي رجعت شويه اوراق لحد ماجه وقت الانصراف
وقابلة رنا
رنا:في مكان معين ف دماغگ ولا نروح اماكن انا اعرفها
=نروح الاماكن اللي تعرفيها عشان عايزه لابس فريحي زي اللي بتلبسيه كده مش رسمي وبدل اللي ع طول بلبسها
رنا:واااوو تعجبيني كده ايه التغير ده فـ حد ولا ايه
=مش بالظبط عايزه ارضي مامتي مش اكتر
~قعدنا ٣ ساعات بنشتري لابس
تاني يوم روحت الشركه واستأذنت وروحت جهزت نفسي للحنه
•بنوتي القمر
=تسلميلي ياماما
•اخاف تتحسدي
ضحكت
=ع ايه بس
•ع حلوتك يا حلوه
=مفيش احلي منك ياجميل انتِ ، يلا عشان منتأخرش
شويه ووصلنا الحنه معموله قدام البيت عادي
نزلنا من العربيه صدفه طالع من المناسبه أدهم ابن خالي واخو العروسه الكبير
-عمتي اخرتي ليه ابويا لسه بعدني ارن عليكي
•جيت ياحبيب عمتك
بص ناحيتي ومد ايديه واتكلم بصوت حنون
-ماشاء الله
تقريباً اول مره احس بسخونيه فـ وشي وبتمني وشي ميحمرش .. بيحصل اوقات في ناس نظرتها بتربكنا وده اللي حصل مع ادهم بعد غياب ١٠ سنين
-انتِ كويسـه
=الحمدلله
دخلت وسلمت ع الموجودين الكل استغرب من وجودي
=عروستنا مبروك
مش مصدقه انك جيتي بس مبسوطه انك موجوده
=مقدرش افوت المناسبه الحلوه دي
عقبالك
اكتفيت بابتسامه وروحت قعد جانب ماما
صحيح اني وثقه ف نفسي ومش بيهمني حد بس برضو مش بحب اللي يركز معايا والفرح بقي مقسم اللي مبسوطين بوجودي وكل شويه يكلموني وينكشوني والنص التاني مكتفين بالنظرات من تحت التحت وهمسات مابين بعضيهم
~اكتر حد كان ربكني ادهم بنظراتهُ اللي متشلش من عليا
مهما يعدي وقت وارجع ابص الاقيه ع وضعه
مي: وحشتيني
خدتني بالحضـن
مي: أخيراً شوفتك مع اني زعلانه انك مجتيش فرحي
=متزعليش يامي انتي عارفه كل حاجه لان وقتها كنتي اقرب حد ليا ف العيله
مي:كنت!؟
=ومازالتي
حضنَ بعض تاني
وبصيت لابنها الماسكه ف ايديها اللي معداش الخمس سنين
=ايه القمر ده اللهم بارك
مي:طالع لـمامته
اتكلمت بابتسامة
=طبعا ياحبيبتي
قعد جانبنا
لحـد ماوصلنا لاخر المناسبه
=بما ان الحنه خلصت ياماما يلا نمشي
خالتي رباب اكبر اخوات ماما
:تمشي ليه ياايناس ياحبيبتي ده ماصدقنا نشوف باتي معانا
ردت بنتها مي :
لو هتتحججي بالشغل بكرا الجمعه اجازه
=هنروح ونيجي الصبح بدري نقعد معاكو
سما العروسه:
باتي ياايناس عايزه اقعد معاكو كلكم قبل مااروح بيت جوزي
ابو ادهم :
كده كده الوقت أتأخر وانا مش هسمحلكم تروحوا ف الوقت ده
بصيت لـماما فـ بصيتلي اننا نقعد
=خلاص ياجماعه هنقعد
قُـعدنا قلبـت موازين حـياتنا كُـلنا مش انـا بـس
~مفيش وقت كـتير مي جابتلي لبس غيرت هدومي وفجاه كررو نطلع السطح ونعيد ذكرياتنا حاولت اتهرب بحج اني انام بس مي وسما صمموا .. مكنتش ضايقه نعمه ونورا من نظراتهم واني عايزه اتحاشه حاجات كتير
سما:يلا ادهم زمانه جاي بالاكل وعاملين حسابگ
ايناس:ما باليد حيله يلا
مي:فاكرين شقه خالكم سامح قبل ماتتبني وكانت سطح وع طول نلعب ونطنطط فيها
ايناس بابتسامه ع الذكرياته
:ايام جميله
نعمه:وطالما هي جميله بعدي لي
بصيتلها وسكت
ايناس :اسبابي لنفسي
نعمه:طالما لنفسك مكنتيش جيتي
جيت اقوم امشي مي مسكت ايدى
مي: وبعدين بقا نعمه مش قصدها هي قالت كده عشان بتحبك وانتو كنتو قريبين وفجاه اختفيت ومش بتردي ع اي مسدج لينا دايما بنتابع فيديوهاتگ ونقول طالما بخير خلاص
ف متزعليش من العتاب
نورا:وهي هتقدر العتاب .. احنا مبقناش فارقين معه
الكل بصُلي مستنين اتكلم ارد
ايناس:اسبابي مش هاقولها بس متزعلوش طالما العتاب للمحبه بس خلاص الماضي راح خلينا ف دلوقتي مش هنودع عروستنا واحنا بنتخانق
سما: ريحة الكشري وصلت
ادهم وايساف ابن خالنا التاني سنو قريب لسننا
جبلنا الاكل ادهم قعد جانب اخته سما وايساف قعد وبدانا نوزع ع كل واحد طبقه نظرات ادهم مكنتش بتسيبني
~لحد مااتكلم وقال:
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عقد الحب)
