رواية عقدت صفقة مع الشيطان الفصل الثالث 3 بقلم نور سعيد
رواية عقدت صفقة مع الشيطان البارت الثالث
رواية عقدت صفقة مع الشيطان الجزء الثالث
رواية عقدت صفقة مع الشيطان الحلقة الثالثة
قعدت بليل مع نفسي قبل اما انام..بحاول استعد عشان اشوفه وانا من جوايا حاسة اني عملت حاجات كتير غلط في سبيل الموضوع دة وانه جايز يطلع الحوار دة كدب ومش حقيقي …بس جوايا برضوا قالي انتي جربتي مش هتخسري حاجة بالعكس لو حصل هتشوفي اكتر حد حبيتيه في حياتك ولو محصلش يبقي اخدنا الدرس…فتحت الدرج جمبي وخرجت صورة لمازن …كان مبتسم ابتسامة بحبها جدا وكنت واقفة جمبه …كانت صورة الخطوبة..بيتهيألي دي اكتر لحظة كنت مبسوطة فيها وهو كمان …حضنت صورته وبعدين نمت وهي في حضني….بعد شوية لاقيت مازن فعلا…بس كان متضايق اوي ووشه مكشر علي غير عادته لانه عمره ما كشر اصلا حتي واحنا متخانقين…بس مركزتش اوي المهم اني شوفته…كانت وحشاني تفاصيل وشه اللي بحبه…قربت منه كنت عايزة اشم ريحة البريفوم اللي تأكدلي اني شوفته…قربت منه ولكن بعد عني..كان زعلان مني جدا ومتضايق…اول ما قربت تاني دور وشه وقالي بصوت حزين:
_بيعتي حبك ليا!!
قولتله بخوف:
_لا ابدا…عمري ..انا محبتيش ولا هحب قدك يا مازن ..
قالي بنبرة مكسورة:
_اومال اخترتي لية ادهم وانتي عارفة انه وحش وانه بيكرهني!
قولتله وانا بعيط:
_غصب عني…عشان اعرف اشوفك دلوقتي ولو لدقيقة..انا ضحيت وهتجوزه عشانك
قالي مازن وهو بيدور وشه ناحيتي:
_تشوفيني!!للدرجة ايمانك ضعيف عشان تصدقي دجال او مشعوذ..لدرجة انتي ساذجة كمان عشان تصدقي كلام ادهم
استطرد بحنية:
_خايف عليكي دلوقتي اوي..احذري من ادهم لانه بيحبك بس حب مسموم ….حب شيطاني ممكن يدمرلك حياتك..احذري يا يمني
ثم اختفي تدريجيا…فوقت بعديها كان وقت الفجر ..قومت اتوضيت وصليت واستغفرت ربنا علي اللي عملته دة ..ازاي انا افكر تفكير زي دة!! ازاي حد ممكن يفكر انه ممكن انسان يخليه يشوف انسان ميت..بعد ما صليت قعدت اعيط كل اما افتكر مازن وكلامه ….خوفت اوي من ادهم …اكتر ما انا خايفة منه والمشكلة انه هيجي بكرا عشان يتقدم…انا مينفعش أرفضه لو رفضته هيأذيني عشان الفلوس اللي خدتها منه …وأدهم اذاه مش طبيعي كأنه شيطان…انا مضطرة اقبل بس هشوف هخلص منه ازاي…بعديها نمت وصحيت متاخر شوية…قومت جهزت فطار ليا ولماما وبدأت استعد …لبست فستان زهري طويل علي طرحة بيضا …محطيتش في وشي ميكب كتير يعتبر محطيتش اصلا لاني مش بحبه ومش محتجاه …بعدين علي الساعة ٢ الضهر جيه…اول مرة اعرف ان حد يجي يتقدم الضهر…المهم فتحت له الباب…كان واقف لوحده حرفيا…في ايده بوكيه ورد ولابس بدلة سودا ….كان بيبتسملي جامد بفرحة …دخلته وبعدين ماما جات تقعد معاه بينما روحت انا اعمله حاجة يشربها
ادهم:
_انا يشرفني يا طنط اطلب ايد يمني
قالت الام :
_واحنا يشرفنا يا بني بس فين والدك ووالدتك ؟ اصلي معرفش اخبارهم من اكتر من ١٠ سنين
قال ادهم بحزن:
_ماتوا للاسف يا امي..تسمحيلي اقولك يا امي؟
قالت الام علي مضض:
_اه اكيد..طب ملكش اخوات اكبر منك ..او خال او عم؟
قال ادهم :
_لا للاسف عمامي برا البلد..عندي اخت بس يعتبر بعيدة عني ..فأنا وحيد للاسف
سكتت الام شوية وبعدين قالت:
_طب وناوي تتجوزوا امتي ولا هتتخطبوا ولا ايه؟
قال ادهم وهو يبتسم:
_ لا خطوبة اي انا محدش يعرف يمني قدي..انا بقول نتجوز علي طول بعد اسبوعين وكل حاجة عليا وكل حاجة جاهزة
كنت داخلة بالصينية في الوقت اللي سمعته بيقول نتجوز علي طول فاتوترت جدا بس كملت ومبينتش
وقدمتله المشروب وقعدت …
بعديها تم الاتفاق علي كل حاجة واني هعيش معاه في فيلته…بعد اما مشي دخلت اوضتي وقعدت اعيط وانا حاسة اني مش هقدر اهرب منه خالص…بس علي الاقل انه بيحبني مش هياذيني
نمت وتاني يوم قررت اروحله الشغل عشان اقوله حاجة مهمة…دخلت الشركة وسمحولي ادخل علي طول بس قبل ما ادخل سمعت بيتكلم في التليفون مع حد وبيقول…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عقدت صفقة مع الشيطان)
