رواية عشق مهدور الفصل الرابع والعشرون 24 بقلم سعاد محمد سلامة
رواية عشق مهدور الجزء الرابع والعشرون
رواية عشق مهدور البارت الرابع والعشرون
رواية عشق مهدور الحلقة الرابعة والعشرون
فتحت سهيله عينيها حين شعرت بتوقف السياره نظرت الى الطريق، إستغربت وإعتدلت في جلستها سائله: وقفت العربيه هنا ليه!
فتح صمام حزام الأمان الخاص به وأزاحه عن جسده وهو ينظر لها مبتسم قائلا: جعان مأكلتش من بعد ما إتغديت إمبارح.
عاودت النظر خارج باب السياره وتمعنت أنهم أمام أحد المطاعم الشعبيه، عادت بنظرها له بحنق قائله: وهتاكل في مطعم شعبي بيبيع فول وطعميه، مش من مقام سيادة المحامي المشهور.
علم أنها تتهكم عليه لكن نفض ذالك، أراد الإستمتاع بالوقت أكثر، تقبل منها حديثها ببسمه قائلا: ده أفضل مكان يفطر فيه المحامي المشهور عالأقل مش هلاقى اللى يزعجتي وهاكل براحتي من غير ما أبقى متكلف.
زمت شفتيها وإستهزأت به قائله: متكلف، دى من أكتر الصفات المتمكنه منك.
نظر لعينيها وتبسم قائلا: عارف، أنا بقول كفاية كلام عالفاضي، بصراحة ريحة الأكل في المكان تجوع.
لم ينتظر ردها وترجل من السيارة، ذاهبا نحو الباب الآخر وقام بفتحه وإنحنى قائلا بسؤال: أيه مش هتنزلى من العربيه.
سخرت منه وزمت شفاها قائله: لاء مش جعانه، أنا أكلت في المستشفى.
تبسم ببرود قائلا: تمام هجيب السندوتشات وناكل في العربيه.
زفرت بنرفزه قائله: قولتلك مش جعانه، وياريت كفاية تضيع وقت عالفاضي.
إستقام مبتسم وذهب نحو المطعم الشعبي، طلب من النادل ما يريده، ظل واقف لدقائق، عيناه منصبه على السياره بتبسم ل سهيله التي تنفح أوداجها بالتأكيد تشعر بالضجر من الإنتظار، أعطي له النادل ما قام بطلبه، دفع له مبلغا من المال، نظر له النادل قائلا: ثواني وأجيبلك الباقى، رفع له يده ب لا ثم إنصرف نحو باب السياره المجاور ل سهيله وعاود فتحه ومد يده بذلك الكيس البلاستيك، بضجر أخذته منه ووضعته على المقعد جوارها وتنهدت بضيق…
تبسم آصف وأغلق باب السياره وذهب نحو الباب الآخر دلف الى السياره وأغلق الباب خلفه، نظر الى الطعام قائلا: ريحة الاكل تغوي.
تهكمت ساخره: مش خايف الاكل، يجيبلك تسمم، أكيد معدتك مش متعودة عالنوعيه دى من الأكلات، كمان ده مش مطعم فاخر ومش لابسين في إيديهم جونتيات.
تبسم وهو يفتح كيس الطعام قائلا بقصد: وهخاف ليه، والله لو جالي تسمم، معايا دكتورة، رغم إنى عندي شك إنها ممكن تسعفني.
قطبت بين حاجبيها وقالت بتأكد: لاء ده أكيد مش شك، إنت آخر واحد تهمني صحته.
سأمت ملامحه للحظه كذالك غص قلبه لكن عاود رسم البسمه على وجهه قائلا: أنا جعان وكل اللى بفكر فيه دلوقتي هو ريحة الأكل، ومش مهم أيه هيحصل بعدين، وعلى فكره عملت حسابك في السندوتشات، لآنى متأكد إنك جعانة، وبقول بلاش إعتراض خلينا نأكل سوا زى زمان.
رد بتعسف وعصبيه: قولت زى زمان، وأنا قولتلك مش جعانه، كل لوحدك.
إستسلم لرغبتها وشرع في تناول الطعام، بينما هي بالفعل جائعه، وكآن حاسة الجوع إزدادت لديها، بسبب رائحة الطعام، لكن آبت أن تمد يدها الى الطعام، لكن تبسم آصف حين ظهر على وجهها إشتهائها للطعام، أخد أحدي الشطائر ومد يده بها، كادت أن تعترض لكن أمسك آصف يدها ووضع الشطيرة بها ثم تركها بيدها، للحظه إرتجف جسدها من إمساك آصف يدها، لكن زالت الرهبه حين ترك يدها، شعر آصف برجفة يدها، شعر بوخزات في قلبه، لكن تبسم على ترددها.
فى الأكل، أشار لها بيده أن تشرع في تناول الطعام قائلا: على فكرة طعمه حلو جدا، وكمان جبتلك سلطة عارف إنك بتحبيها.
نظرت له بإستهزاء، أمازال يتذكر ماذا تحب، لكن بدأت بتناول الشطيرة برويه حتى أنهتها رغم أنها مازالت جائعه لكن مازالت تآبى، تبسم وهو يعطي شيطرة وأخرى حتى شعرت بالشبع وهو كذالك.
جذب علبة المحارم الخاصه بالسيارة، بالصدفه بنفس الوقت فعلت سهيله نفس الشئ تلامست أناملهم سرعان ما سحبت سهيله يدها، بينما سحب آصف محارم ونظف فمه ويديه بها، ثم سحبت سهيله محارم هي الأخرى، قائله: أظن كفاية كده أكلنا وشبعنا ياريت تكمل الطريق، إنت قولت إنك هتوصلنى للبلد.
أشعل محرك السياره قائلا: تمام.
عاود آصف قيادة السياره، وسط صمت يسود بينهم لكن بعد وقت توقف مره أخرى حين إقترب أن يصل الى البلده، تنرفزت سهيله قائله: وقفت تانى ليه، عالعموم كويس إحنا على مشارف البلد أكمل الباقى مشي والنهار قرب يطلع.
قالت سهيله هذا وكادت تفتح باب السياره، لكن أمسك آصف عضدها، شعرت بالغضب ظنا أنه قد يجذبها ويقبلها مره أخري، لكن هذه المره لن تكتفي بصفعه، لكن آصف خيب توقعها قائلا برجاء: سهيله كل اللى بطلبه منك فرصه، ومتأكد أنها هتكون في صالحنا إحنا الاتنين، هوافق على أي شرط قصاد قبولك.
رغم نبرته الهادئه والمترجيه لكن سحبت يدها وقالت بتعسف: قولتلك كفايه آلاعيب يا آصف متاكده الواسطه اللى نقلتني من المستشفي اللى كنت بشتغل فيها هنا تقدر ترجعني مكاني تاني.
تنهد آصف قائلا بعناد: مكانك جنبك يا سهيله وفكرى وهنتظر ردك.
صمتت سهيله تشعر بضجر من فرض نفسه وهيمنته كذالك بداخلها تشتت، عاود آصف قيادة السياره، لكن شعرا الإثنين بوخزات قويه حين مرا من أمام سرايا شعيب، أغمضت سهيله عينيها للحظات تشعر بقسوة تلك الليله التي مرت بها بداخل هذا المكان، سارت رجفة بجسدها، وقالت بإصرار: كفايه وقف العربيه ونزلني هنا بيت بابا قريب من هنا.
كذالك آصف شعر بالبغض من نفسه كذالك شعور بالندم يهدم قلبه، غصب توقف بسبب إصرارها، ترجلت سريعا من السياره سارت دون النظر خلفها، تعلم أنه مازال يتعقبها بالسيارة، الى أن دلفت الى منزل والداها، تنهد بغصات قويه تضرب قلبه، كذالك آصف يتمني أن تعطيه سهيله فرصه أخرى قد يكفر عن خطأوه الفادح بحقها، بينما دلفت سهيله الى منزل والداها توقفت للحظات تستنشق الهواء حتى هدأت أنفاسها، فتحت باب المنزل الداخلي، ودلفت كانت لا تود أن تقابل أحد والديها، لكن رسمت بسمه حين رأت سحر تخرج من المطبخ، قائله: صباح الخير يا ماما أيه اللى مصحيك بدرى كده.
تبسمت لها سحر بموده وردت عليها الصباح ثم قالت بسؤال: غريبه أنا قولت مش هتجي قبل الساعه تمانيه أو تسعه الصبح.
توهت سهيله قائله: مقولتليش أيه اللى مصحيك بدرى؟
ردت ببساطه: حسام صحانى من شويه جبت له كوباية لبن شربها وشكله مزاجه رايق ومش عاوز ينام تاني حتى باباك صاحي هو كمان.
إبتسمت سهيله قائله: أما أدخل أصبح عليهم.
دلفت سهيله الى غرفة والداها تبسمت حين رأت حسام يجلس على ساقي أيمن الممدده فوق الفراش، تبسم لها أيمن قائلا: صباح الخير، تعالى يا سهيله شوفى إبن أختك صاحي وعاوزني ألعب معاه مش مراعي إني بقيت راجل عجوز.
تبسمت سهيله ل حسام الذي نهض من فوق ساقي أيمن ووقف على الفراش ينتظر إقترابها حتى يلقي بنفسه عليها، تبسمت وهي تتلقاه بين يديها، قبلت وجنتيه بمحبه قائله: والله إنت على رأي تيتا آسميه خساره فيهم.
جلست سهيله على الفراش وفوق ساقيها حسام، إقترب أيمن منها ووضع يده على كتفها بحنان قائلا: والله حسام ده أحلى حاجه جت من ناحية هويدا، أهو بيسلينى أنا وسحر، غير لو مش هو كان فاتني صلاة الفجر وجت علينا نومه، هو لما صحانا من النوم كسبنا بركة صلاة الفجر.
تبسمت سهيله وهي تشعر بتقبيل حسام لوجنتيها، رحبت سهيله بذالك مبتسمه، بينما غص قلب أيمن كذالك سحر الذي دخلت للغرفه قائله: طالما صاحين أنا حضرت الفطار في المطبخ خلونا نفطر سوا.
نهضت سهيله وضعت حسام على الفراش تتثائب قائله: لاء أنا مش جعانه، إفطروا أنتم ألف هنا، أنا حاسه بإرهاق من السفر والسهر هروح أغير هدومى وأنام، أصحى بعد الضهر تكون ماما حضرت الغدا، أتغدا وأنام تاني.
تبسم لها أيمن كذالك سحر التي تنهدت بإشفاق عليها، غادرت سهيله الغرفه، بينما نظر ايمن ل سحر يشعر بغصه في قلبه: سبحان الله حسام في قلبه حب وألفه ل سهيله أكثر من هويدا أمه الحقيقيه، بتشوفيه لما تكون هويدا هنا يسيب حد فينا ويروح يقعد على رجليها.
تنهدت سحر بآسف قائله: فعلا، بس ده مالوش علاقه بإن هويدا هي أنه الحقيقيه، العلاقه تعود وحنان كمان هويدا شبه قطعت العلاقه بينها وبين إبنها بمجرد ما ولدته، ساعات ببقى عاوزه أقولها تهتم شويه بإبنها بس بخاف تفكر إنى مش عاوزه أهتم بيه، والله نفسي سهيله تخلف ويبقى لها ولاد، يمكن وقتها ترجع تحس بالحياه من تاني، أنا لما كانت واقفت على أنها تتجوز من بيجاد قلبي إنشرح وقولت دعا أمى لها هيتحقق، وهتلاقى اللى يعوضها، ظهر آصف من تانى وفاجئنا إنها لسه مراته وكمان هي عقلها إتبرجل، وجه كمل كمان ونقلها من المستشفى اللى كانت بتشتغل فيها هنا، لمستشفى بعيد، كفايه بس بهدلة السفر كم ساعه رايح جاي.
تنهد أيمن بآسى قائلا: والله ما عارف قصة آصف دى هتخلص على أيه، بسأل نفسى هو بيعمل كده ليه، ولو بيحبها كان عالأقل صانها من البدايه ومكسرش قلبها وإتسبب لها في عقده نفسيه، أوقات بحس إنها بتخاف إنى أقرب منها.
تنهدت سحر هي الآخرى بآسى قائله: والله وأنا كمان أوقات بحس معاها نفس الشئ، حتى أوقات بحس إنها بتتهرب من أنها تقعد معايا، وتتحجج بأي حاجه ولما بدخل عليها الاوضه بلقاها نايمه، أو سرحانه، اللى مرت بيه مكنش سهل، من أول الفترة اللى قضتها في السجن، وبعدها جوازها من آصف إللى فكرت إنه كان فرصه ليها تثبت برائتها، هو صدمها بخداعه ليها، وياريته سابها في حالها تكمل حياتها، راجع تاني ينغص عليها، مفيش بتقدر تطلعها من حالتها دى غير أمي، ولما قولت ليها تجي تعيش معانا هنا في الدار تبقى جنبها بإستمرار قالتلى لاء هي مش هتسيب دارها وتجي تعيش في دار بنتها الناس يقولوا عليها أيه عايشه عاله على جوز بنتها، سهيله هي اللى تروح تعيش معاها، بس سهيله قالت مواعيد شغلها مش هتقدر تتحملها أمي.
تبسم أيمن قائلا: والله ما حد عارف مين اللى عاله على مين، عمتي ياما وقفت جنبي، كفايه قبلت زمان بجوازي منك وانا لسه يادوب متخرج من الجامعه حتى الدار اللى كنت وارثها عن أبويا كانت آيله للسقوط، وبقت تدبر لى القرش عالقرش لحد ما بنت أول دور في الدار دى، وعشنا فيها وربنا رزقنا بتلات عيال الحمد لله، بحمد ربنا عليهم، يمكن مشكلة سهيله كانت كبيره صحيح، بس ربنا لطف بيها، كمان كفايه أنهم محترمين وبيحبوا بعض، ونفسي هويدا تبقى معاهم.
بينما سهيله دخلت الى غرفتها ألقت بجسدها فوق الفراش، تشعر بتوهان ماذا تفعل، آصف يضيق عليها الخناق بتمسكه بها كزوجه له، كذالك طريق المحاكم كي تعثر على طلاق نهائى منه يحتاج لوقت بعيد، مع شخص مثل آصف قادر على التلاعب بثغرات القانون وتطويعها لمصلحته، زفرت نفسها لم يعد أمامها سوا طريق واحد لكن قبل أن تتخذ القرار لابد من معرفة رد والدايها.
بينما آصف بمجرد أن غابت سهيله عنه حين توارت داخل منزل والدايها شعر كآن البرد سكن ضلوعه، لكن عاود السير بالسيارة للعوده الى القاهره، لكن نظر عبر مرآة السياره الاماميه، رأى نفس السياره الذي لاحظها حين توقف أمام المطعم، كذالك تتبعته الى البلده، حاول السير عبر طرق مختصرة كى يتأكد من حدثه، عن قصد إبتعد عن تلك الطرق المختصره وسهيله معه كان يود بقائها معه لأطول فتره، بل يريد أن تبقى معه طوال الوقت، تأكد حدثه السياره مازالت تتبعه، إذن أصبح لابد من الإحتياط، فمن الذي يتتبعه وماذا يريد.
بعد الظهر
بمنزل أيمن.
فتحت سهيله عينيها بسبب ذلك الضوء الذي إخترق الغرفه كذالك ضحكات ذلك الصغير المشاغب وهو يدور بالغرفه، تبسمت حين سمعت آسميه تقول: يسعد مساك بالورد نوم العوافي حبيبتي، أيه قربنا عالعصر، هتفضلي نايمه كده ومش هتقعدى معايا شويه قبل ما أروح لداري.
تمطئت سهيله بمرح قائله: والله يا تيتا أنا عاوزه أنام ما أقوم غير بعد يومين جسمي مكسر من سهرة إمبارح في المستشفى.
نظرت لها آسميه بشفقه قائله: منه لله اللى كان السبب، يلا قومي أنا كنت عامله الكيكه اللى بتحبيها وجيبت لك منها ومدرياها من سحر لا تاكلها، ولا تدي منها ل هويدا.
تبسمت سهيله قائله: وهي هويدا مش حفيدتك هي كمان.
ردت آسميه بلا مبالاه ثم بآسى: لاء دى غتوته وعاوزه تكوش على كل حاجه، مش زيك بترضى بالقليل، حتى القليل مستكتر نفسه عليك، يلا قومي إتوضى وصل الضهر وبعدها إتغدي، وحلي بالكيكه.
تبسمت سهيله على حسام الذي وضع يده بيد آسميه التي إبتسمت له قائله: إنت حبيبي تعالى هديك حتة كيكه.
لمعت عين سهيله ببسمه، فكيف لجدتها التي لا تشعر بالألفه بينها وبين هويدا عكس ذلك الطفل التي تحبه وتدلله.
بعد قليل بغرفة الجلوس
سخرت آسميه من هويدا التي جاءت همست بصوت منخفض: يا قاعدين يكفيكم شر الجاين ولو بزيارة.
سمعتها سحر التي كانت تجلس جوارها نظرت لها بعتب، تغاضت آسميه عن نظرتها لها، بينما قالت هويدا: غريبه قولت سهيله إمبارح كانت نبطشيه وأكيد راجعه البيت عالصبح، قولت هتقضي اليوم كله نوم.
ردت سهيله بتلقاىيه: أنا راجعه من بعد الفجر ونمت يادوب صاحيه مبقليش ساعه.
إستغربت هويدا سأله: واصله بعد الفجر إزاي لقيت مواصلات، ولا جايه في تاكسي من القاهرة لهنا، كده مرتبك مش هيقضيك أسبوع عالموصلات.
إرتبكت سهيله قائله: لاء مش جايه في تاكسي…
توقفت سهيله للحظه حثتها هويدا أن تستكمل قائله: أمال جايه في أيه؟
إستطردت سهيله حديثها تنظر لهم بترقب: آصف هو اللى وصلني لهنا.
نظرن سحر وآسميه بترقب كذالك ايمن بينما هويدا قالت ببساطه: والله كتر خيره مش عارفه ليه إنت قدامك فرصه وبتتخلي عنها بمزاجك.
نظرت لها آسميه بنزق قائله بإستخبار: فرصة أيه اللى ليها معاه، ما هو السبب في شحتتها دى، مش هو اللى إستخدم ألاضيشه وخلاهم نقلوها لهناك.
نظرت لها هويدا بإستهزاء قائله: مستشفيات القاهرة أشهر من مستشفيات كفر الشيخ، كمان هو لو كانت نيته سيئه أقل شئ مكنش عبرها وراح لها المستشفى، كمان كان غصب عليها ببيت الطاعه حتى لو هي رافضت التنفيذ، كمان المخامى قال على ما قضية الطلاق تحكم فيها وقت لأن مفيش سبب قوى قدام القاضي يخليه يحكم بالطلاق مباشرة.
إستهزأت آسميه قائله: واللى حصل منه زمان مش سبب قوي.
ردت هويدا: سبب قوي، بس فين الدليل والمحكمه ليها بالدليل، وكمان أنا في رأيي أن آصف وقتها كان معذور، اللى إتقتل كان أخوه، وسهيله كانت المتهمه، ولوعة قلب مامته وباباها وقتها كانوا مآثرين على عقله.
إستهزأت آسميه قائله: ده عذر أقبح من ذنب، وما علينا المهم أكيد هو موصلكيش بدون سبب، وأكيد إتكلم معاك، قالك أيه؟
تذكرت سهيله حديث آصف معها
بالعوده بعد أن قام بتقبيلها.
قاد آصف السياره سريعا لكن كانت يد سهيله كانت أسرع حين تهجمت عليه بغضب مما جعله يطفئ محرك السياره وينظر لها، لكن فجأته بصفعه دون قصد منها على جانب وجهه، للحظه تبدلت ملامحه وظنت أنه لن يتوانى في الرد على صفعتها، لكن آصف حاول كبت غضبه من تلك الصفعه وأمسك معصميها بقوه سرعان ما تراخت قبضة يده حين رأي نظرة الهلع في عينيها، ربما تلك القبضه ذكرتها بالأصفاد الذي وضعها سابقا حول معصميها، شعر بغصه قويه في قلبه وأغمض عينيه يلجم غضبه، لكن سحبت سهيله يديها من يديه قائله بعصبيه وآمر: آصف إفتح مسوجر العربيه عاوزه أنزل.
للحظه تعصب آصف قائلا بتجبر: لاء يا سهيله مش هتنزلي من العربيه وهتسمعيني للآخر، لآنى لغاية دلوقتي سايبك على راحتك، ومش عاوز أضغط عليك.
تهكمت سهيله بسخريه قائله: سايبني على راحت عالآخر، لاء كتر خيرك، آصف…
تعصب إصف وضرب بيده مقود السياره قائلا: . سهيله قولت إسمعيني للآخر، قولتلك قبل كده مستحيل أضرك تاني.
تهكمت سهيله قائله: قولتلك مش عاوزه أسمعك، مستحيل أصدق كلامك الناعم مره تانيه.
إزدردت آصف ريقه بغصه مره قائلا: سهيله أنا هقدملك عرض ومتأكد هتوافقي عليه.
تهكمت سهيله صامته كآنها لا تريد السماع له، زفر آصف نفسه قائلا: الشقه اللى أنا عايش فيها معايا ماما وكمان صفوانه، والشقه واسعه يعنى…
قاطعته سهيله بعصبيه قائله: يعني أيه، أجي أعيش معاك في الشقه، يبقى بتحلم أنا مبقاش عندي أى ثقه فيك، اللى يحكم ظلم صعب آآمن له.
شعر آصف بوخزات قويه في قلبه، بينما صمتت سهيله للحظات وفكرت ثم إستطردت حديثها: تمام يا آصف مش إنت كل الافعال الخسيسه اللى بتعملها دى عشان أستسلم وأجي أعيش معاك في الشقه بتاعتك الواسعه زى ما قولت، تمام أنا موافقه بس ليا شروط.
إنشرح قلب آصف قائلا: موافق على أى شروط هتقوليها.
تهكمت على بسمته قائله: كويس إنت قولت إنك موافق من قبل ما تعرف شروط.
الشرط الأول مستحيل أنا وإنت يجمعنا أوضه واحده إنت قولتها الشقه واسعه، هيبقى ليا أوضه خاصه بيا وإنت ممنوع تدخلها نهائيا، كمان طنط شكران تفضل معانا في الشقه هي وخالتي صفوانه، وكمان شغلي في المستشفى متدخلش فيه تاني، حتى لو إتأخرت في الرجوع أو حتى نمت فيه.
زفر آصف نفسه بإمتثال قائلا: تمام موافق على شرط يكون ليك أوضه خاصه، كمان إطمني ماما وصفوانه مش هيسيبوا الشقه، لكن شغلك في المستشفى مش هسمح لك تجهدي نفسك أكتر من الازم، وكمان سهل أجيبلك إعفا من وردية السهر.
ردت سهيله بغضب قائله: قولتلك تبطل تدخل في شوؤني الخاصه، إعتبر إننا مجرد سكان في مكان واحد مش أكتر.
فكر آصف، لو عارض الآن ربما يخسر تلك الفرصه مع سهيله، إمتثل غصب وأومأ برأسه مستسلم: تمام موافق.
عاود آصف تشغيل محرك السياره، وسار بها قليلا، نظرت سهيله للطريق وسألته: إحنا رايحين فين؟
رد آصف ببساطه: رايحين الشقه.
قالت سهيله بتسرع: لاء طبعا، لازم أخد إذن بابا الاول ويكون عارف ولو رفض، يبقى تنسي الكلام اللى قولته.
أوقف آصف السياره ونظر ل سهيله قائلا: لاء مش هنسي الكلام اللى قولتيه ده إتفاق بينا، وأعتقد باباك لو لقاك مقتنعه مش هيعارض، عالعموم تمام هوصلك لل البلد بس هستني منك إتصال بالموافقه.
عوده…
سردت سهيله ذالك دون ذكر قبلته لها، عارضتها آسميه قائله: لاء طبعا ده مستحيل، إفرضى كان بيكذب وبعد شويه شكران وصفوانه سابوا الشقه ورجعوا لهنا تانى في السرايا.
ردت سهيله بتردد: سألته قالي مامته سابت السرايا وعايشه معاه من خمس سنين في الشقه حتى أخوه كمان عايش معاهم.
إستغربت هويدا ذلك سأله: مش فاهمه، يعنى مامته وباباه إنفصلوا عن بعض ولا أيه.
ردت سهيله: معرفش هو أكدلى كده.
شعرت هويدا بفضول، لكن إنشرح قلبها لو صدق توقعها.
بينما عارض أيمن كذالك سحر التي نظرت ل آسميه ظنا أنها ستساندهم في المعارضه لكن سألها أيمن: ساكته ليه يا عمت.
نظرت له بتفكير قائله بدهاء: ساكته عشان بدورها في دماغي.
إستغرب الجميع من ذلك وسألتها سحر: بدوري أيه؟
ردت آسميه بمكر: مش آصف معارض في الطلاق، وكمان بيستخدم نفوذه في الضغط علينا أنا بقى هوافق سهيله تروح تعيش في الشقه اللى بيقول عليها دى.
للحظه إستغرب الجميع قبل أن تسطرد آسميه حديثها: بس أنا كمان هروح أعيش مع سهيله هناك في الشقه معاهم، مش بتقولى الشقه واسعه وأنا مش هحتاج لمكان هنام جنب سهيله في نفس الأوضه.
تغضنت ملامح هويدا قائله: هتروحى تعيشي فين، دول راجل ومراته.
ردت آسميه: وماله، شكران وصفوانه حبايب، وأنا هعيش مع سهيله وأنا اللى هصرف على إحتياجاتي يعني مش هيتزكا عليا من جيبه إبن أسعد شعيب، إتصلي عليه وقولى له كده وافق تمام، موافقش يبقى ينسي.
إستهزات هويدا بذالك بينما
رحبت سهيله كذالك أيمن وسحر يعلمون مكر آسميه.
مساء
بمقر أسعد الخاص بالبلد.
دلفت هويدا الى مكتبه مباشرة تقول بدلال: كان نفسى أكون أول من يهنيك بفوزك في الإنتخابات سبق وقولتلك متأكده إنك هتفوز بالأغلبيه.
نهض من خلف مكتبه مبتسم يرحب بها قائلا بحفاوة، وهو يوجهها للجلوس الى إحد المقاعد وجلس مقابل لها على مقعد آخر: إعتبري نفسك أول من هناني، رغم إنى كنت عاتب عليك، سبق ووافقت على عرضي بالشغل مع مدير الحسابات، ولغاية دلوقتي لسه مستلمتيش الشغل معاه.
ردت بتبرير كاذب، فهى ترسم الدلال: إبني كان مريض، ولازم أرعاه، كمان سهيله أختي ومشكلتها مع آصف، أنا مش عارفه إنت كنت عارف أن سهيله لسه على ذمته ولا لاء، بس أهو الحمد لله وصلوا لحل مناسب.
تسرع أسعد سألا: وايه هو الحل المناسب اللى وصلوا له، هيطلقوا تاني؟
ردت هويدا: لاء سهيله هتروح تعيش معاه في شقته، بس غريبه هو قالها إن الحجه شكران وكمان الخدامه هيعشوا معاهم، هي مش الحجه شكران كانت عايشه هنا في السرايا بس بقالى فتره طويله مش بشوفها فكرتها عيانه.
شعر أسعد بالإرتباك قائلا: لاء عايشه في القاهره، إنت عارفه آصف بعد ما ساب الشغل في القضاء وهو إستقر في القاهرة، وكان محتاج اللى تهتم بيه هناك، وهي راحت تعيش معاه، بس إحنا على تواصل.
تبسمت هويدا، وإستشفت من رده أن يكون حدثها حقيقيا، شعرت بإنبساط قليلا، بينما نهضت واقفه قائله: أنا باركت ومش لازم أضيع وقتك أكتر من كده، عارفه إن في إحتفال عشان فوزك في الإنتخابات.
نهض هو الآخر قائلا: فعلا للآسف، بس كلامنا لسه له بقيه، عشان نتفق إمتي هتبدأي في الشغل مع مدير الحسابات.
ردت عليه ببساطه: أكيد قريب جدا.
تبسم أسعد وهو يصافح هويدا قائلا: تمام أنا فضيت من دوشة الإنتخابات، وبعد كده هيبقي معظم وقت في القاهرة، أتمني يكون الرد سريع، لأن مدير الحسابات كلمني في الموضوع ده، وقولت له ينتظر.
تبسمت له قائله: لاء أنا تقريبا ظبطت أمورى كويس، وأكيد الأيام الجايه هسافر القاهرة، بس ياريت توصي مدير الحسابات عليا، إنت عارف إن في فرق في التعاملات الماليه، بين الشركات الخاصه والبنوك الحكوميه.
رد أسعد: لاء إطمني أنا قولت له إنك على ضمانت الشخصيه.
تبسمت له بدلال قائله بثقه: وأنا قد ثقتك فيا.
ترك يدها مبتسم وهي تغادر المكتب ثم جلس مره أخري على المقعد، وإبتسم بإستهزاء قائلا: قدرت توصل تانى الود بينك وبين سهيله يا آصف، وطبعا شكران ليها دور كبير، حمامة السلام، اللى مفكرتش السنين اللى فاتت بس تتصل عليا، يمكن كانت صلحت الأمر بيني وبينك.
تنهد أسعد يشعر ببعض البؤس، ربما في البدايه لم يكن يهتم، لكن مع مرور الوقت لا ينكر جفاء آصف يحز في نفسه.
بعد مرور عشر أيام
بحوالى العاشرة صباح
بإحدي العيادات الخاصه بدكتور متخصص في مجال التجميل…
تبسم بترحاب قائلا بمجامله: مدام شهيرة العياده نورت.
تبسمت وهي ترفع لها يدها بدلال قائله: شكرا لذوقك.
تبسم بترحاب وهو يقبل يدها قائلا: من فترة طويله منورتيش عيادتي المتواضعه.
تبسمت له قائله: كنت مشغوله أوى الفترة اللى فاتت.
تبسم لها بمديح قائلا: أنا دايما متابعك، والفترة اللى فاتت كنت مبهرة.
تبسمت له قائله بغرور: فعلا وده السبب اللى خلانى جيت للعيادة النهارده، عاوزه أعمل شويه رتوش كده.
تبسم لها بمجامله قائلا: رتوش أيه، الجمال ده مش محتاج لدكتور تجميل ده محتاج لريشة فنان يرسم بورتريه لجميلة الجميلات.
تبسمت له قائله: كلك ذوق، بس أنا شايفه إنى محتاجه لشويه رتوش كده، في خط بسيط كده ظهر جنب عيني، كمان عاوزه احقن شفايفي بحقنة فيلر تبرز جمالها.
نظر لوجهها بتمعن قائلا: تمام كمان ممكن نشد الجلد اللى تحت الدقن شويه.
تبسمت له بتوافق قائله: أنا كلي ثقه فيك يا دكتور، عاوزه الأثار دى تختفي.
ظهرا
ب مكتب آصف.
تبسم ل شاكر الذي دلف الى مكتبه بعد الترحيب بينهم جلس آصف سألا: مدام مي إدتني فكرة مختصرة، أحب أعرف منك التفاصيل بالتوضيح بالظبط.
تنهد شاكر بآسف صامت، لاحظ آصف ذالك وعاود السؤال بمفاجأه: إنت موافق عالطلاق؟
هز شاكر راسه ب لا.
تبسم آصف له قائلا: طب تمام، ليه مضايق، طالما في مشاعر عندك للبنت دى، أعتقد إنت حر في شريكة حياتك، إنت اللى عايش معاها، ليه تدخل نفسك في سكة الندم بعدين، طالما مرتاح معاها وبينكم حب ليه تخسرها، صدقني نصيحه من شخص غلط غلطة واحده وإتخلي عن عشقه ومشى ورا غروره بيدفع تمنها غالي في كل لحظه، راجع نفسك مي أو الفلوس مش هيضعوا شعور البؤس من قلبك بعدين.
أومأ شاكر له ببسمه موافقا.
تبسم آصف له قائلا: كده أظن ماليش لازمه، والحل في إيدك خد بوكيه ورد وشيكولاته وروح صالح مراتك.
تبسم شاكر له قائلا: تعرف إنك بتفكرنى ب المرحوم سامر، كان فيه شوية طباع منك، الجديه والحده بعض الشئ بس ده كان في بداية فترة تعارفنا لما كنا في كتيبة الجيش سوا، بس فجأه إتغير وبقى يميل لحاجات غريبه، ويتابع مواقع أجنبيه لها ميول شوية شاذه، بس أعتقد السبب في تبديل حاله، هي بنت كان بيحبها تقريبا.
إعتدل آصف مستغرب يسأله: سامر كان بيحب بنت، هو قالك كده!؟
رد شاكر ببساطه: لاء أنا اللى لاحظته كذا مره كان يتصل ببنت بالليل ويسهر يتهامس معاها، وفجأة الإتصالات دى إنتهت وبعدها إتبدل حال سامر وبقى يميل للعزله شويه، كمان بقى عصبي غير كان في بيدافع عن مواقع بتدعم حاجات شاذه تحت إسم دفاع عن الحريات الشخصيه، حتى مره إتكلم معايا وطلب منى أروح معاه حفله خاصه، وروحت كان مكان في يلا في منطقه جديده شبه مهجورة كانت حفله كل اللى فيها رجاله وشوفت مناظر مقرفه مقدرتش أكمل وسيبته وإنسحبت، ولما جيت بعدها أحذره منهم قالي إنه فعلا، معجبوش وضعهم ومش هيروح حفلات من النوعيه دى تانى هو كان مفكره حفله عاديه دعاه عليه صديق له.
تسأل آصف سريعا: ومتعرفش من الصديق اللى دعاه ده.
رد شاكر: لاء، هو قالي بعد كده إنه قطع علاقته بيه، وبعد فترة إنتهت فترة التجنيد وهو رجع تاني ل كفر الشيخ اللى كان بينا إتصالات متباعدة يمكن كانت شبه إنقطعت قبل وفاته بشهور.
للحظات صمت آصف يفكر هل حقا كان هنالك فتاة في حياة سامر، لكن ما حدث جعله ينغمس في تلك القذارة لاحقا.
لاحظ شاكر شرود آصف ظن أنه ربما حزن بسبب ذكر سامر أخيه، نهض يقول: متأسف إن كنت جددت عليه حزنك على سامر، وبشكرك إنك نصحتني وأوعدك أعمل بنصيحتك ومش هخلى حد غيرى يتحكم في حياتى.
أومأ له آصف راسه ونهض هو الآخر قائلا: أنا تحت أمرك في أى وقت تحتاجني، وبتمني إنك تدافع عن حياتك وبلاش تخلي غيرك يتحكم فيها.
تبسم له شاكر وأومأ رأسه بتوافق، ثم غادر المكتب، بينما ظل آصف واقف للحظات يفكر فيما أخبره به شاكر…
سامر وفتاة في حياته من تكون تلك الفتاة!؟
وهل ما أخبرته سهيله سابقا كان عقاب آخر له على ما إقترفه بحقها من بشاعه؟ جاوب قلبه مباشرة، لا سهيله ليست بهذه الدناءة وتدعي على شخص بالكذب، أو ربما تكون سهيله نفسها هي تلك الفتاة!، بالتأكيد لا ليست هى، هي أخبرته أن سامر سبق ولمح لها أنه يعلم بوجود مشاعر بينهم.
مجرد تخمينات كفيله بجعله يود أن يمحو جزئية مقتل سامر وما حدث بعدها من عقله بل من حياته، ويجد أن كل هذا كان عرض سينمائيا سينتهي بمجرد أن يخرج من هذا الظلام المحيط بعقله.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق مهدور)
