رواية عشق من نوع اخر الفصل الأول 1 بقلم رقية مدحت
رواية عشق من نوع اخر الجزء الأول
رواية عشق من نوع اخر البارت الأول
رواية عشق من نوع اخر الحلقة الأولى
عشق .. قولت لا يعنى لا
محمد .. انا مش باخد رأيك ، انا بعرفك كتب الكتاب بكرة
عشق .. يا بابا انا مش عايزة اتجوز
محمد .. يا حبيبتى انا مش ضامن هعيشلك اد اى واخواتك الأصغر منك كلهم متجوزين ومخلفين
عشق .. مش شرط يعنى ، مش لازم اتجوز ، وبعدين انا لسه مخلصة كلية و بشتغل ، انا عايزة اثبت نفسي فى الشغل و مش بفكر فى الجواز
منال .. لإمتى يا حبيبتى و بعدين العريس دة محترم وابن ناس وهيعيشك حياة حلوة
عشق .. مش عايزاها ، انا مش عايزة حياة فيها راجل واظن انتو عارفين كويس
منال .. بصى يابنتى انا صليت استخارة وان شاء الله الموضوع خير ليكى
عشق .. يا ماما انا اللى هتجوز و انا مش مرتاحة
محمد .. عشق دة اخر كلام ، بكرة كتب الكتاب
عشق بحزن .. انا مش عايزة اتجوز
منال .. مفيش حاجة اسمها مش عايزة اتجوز ، بصى بكرة كتب الكتاب ، يلا على اوضتك
قامت عشق بغضب و دخلت الأوضة وهى بتفتكر اللى حصل زمان 🥺🥺
تانى يوم الصبح
قامت عشق على أصوات فى الخارج
خرجت عشق .. صباح الخير
اختها .. صباح النور يا عروسة
تنهدت عشق بحزن .. اة صح عروسة
منال .. يلا يا بنتى ، جهزى نفسك
فى المساء ، لبست عشق دريس أخضر وطرحة بيج و استنت فى اوضتها ، بعد فترة جه العريس وعيلته
مروة (مامت جاسر ) .. ازيك يا منال عاملة اى
منال .. الحمد لله والله بخير
مروة .. طب يلا نادى العروسة
دخلت منال ل عشق
منال .. اى دة انتى مجهزتيش؟
عشق .. م انا جاهزة اهو
منال .. جاهزة فين يابنتى ، دة منظر واحدة كتب كتابها النهاردة ؟
عشق بسخرية .. كتب كتاب اة ، ماما انا عايزة افكرك انا اصلا معرفش مين العريس
منال .. يلا ي بنتى تعالى معايا
و خرجوا برا
مروة .. بسم الله ماشاء الله اى القمر دة
عشق بابتسامة .. تسلمى يا طنط
مروة .. لأ طنط اى ، ماما بقا
ابتسمت عشق بسخرية و قعدت وهى بتبص حواليها ( أخواتها كل واحدة جاية مع جوزها و العريس و مامته وباباه قدامها وتقريبا جايب اخوه و مراته ومامتها وباباها جنبها )
جاسر .. ممكن تسيبونا لوحدنا شوية
محمد .. اة يلا نطلع احنا
وخرجوا و فضل جاسر و عشق
عشق رفعت نظرها عشان تشوف هو مين و لكن اتصدمت لما شافت انه سنه كبير
جاسر .. احب اعرفك بنفسي انا جاسر احمد عندى ٣٨ سنة و عندى شركة بديرها و…..
عشق كانت مصدومة من السن ليه هتتجوز واحد أكبر منها بكتير ولكن فجأة لقت نفسها متجوزة جاسر و الكل فرحان الا هى و عدا شهر على كتب الكتاب و كان بيخرجها كل يوم ، هى اتعرفت عليه اكتر وحبته وهو حبها لكن هى مش مطمنة وجه يوم الفرح ، لبست عشق فستان ابيض بسيط و كان الفرح بسيط رغم ان جاسر غنى جدا وعنده شركات بس هى حبت يبقى فرح بسيط ، بعد الفرح م خلص دخلوا شقتهم وهى كانت الدور التانى من فيلا مكونة من ٣ أدوار واحد لمامته و باباه و واحد لاخوه و مراته وابنه وواحد ليهم
فى الشقة
جاسر .. اهلا بيكى ياعروسة
ابتسمت عشق بتوتر
جاسر .. متخافيش مش هقرب منك غير بإرادتك ، انا عايز نتعود على بعض
عشق .. هه ياريت
جاسر قرب منها وحط ايده على كتفها
عشق بتوتر .. اى ؟
جاسر .. ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق من نوع اخر)
