رواية عشق لا يموت الفصل السادس 6 بقلم مورو مصطفى
رواية عشق لا يموت الجزء السادس
رواية عشق لا يموت البارت السادس
رواية عشق لا يموت الحلقة السادسة
مرت الأيام وتأكد الطبيب بأن الورم المصابة به ياسمين ورم خبيث وسيحاولون علاجه عن طريق أشعة جاما نايف انهار ياسين عندما علم بذلك وكان معاه عصام الذي حاول احتواءه وقام بطلب حسين وعزت للحضور لهم دون إبلاغ احد وبالفعل وصل حسين وعزت سريعا ووجدوا ياسين نائم بفعل حقنة من المهدئ أعطاها له رأفت حتى يهدئ جلسوا بجواره وفور ان شعر والده بإستيقاظه
– ياسين حبيبي ماينفعش تنهار بالشكل ده انت مؤمن بالله وان شاء الله تعدي منها وتقوم بالسلامة بس احنا لازم نكون كلنا جانبها وخصوصا انت حبيبي لازم تجمد يا ياسين
– مش قادر يابابا مش قادر ياسمين ح تروح مني انا مش ح اقدر استحمل ده والله ما ح اقدر ياسمين النفس اللي بتنفسه اعمل ايه حد يقولي اعمل ايه
ليضمه والده بقوه ودموعه تتساقط
– قول يارب حبيبي قول يارب ليصرخ ياسين بألم
– يا رب رحمتك يا رب
يقترب حسين منه ويجلس بجواره من الجانب الاخر
– ياسين لازم تقوى وتجمد لاحظ ان ياسمين ويارا وامهم كل دول لازم نكون جانبهم حبيبي
– اه يابابا مش قادر أصدق انها تعبانة كده ازاي حصل ده واحنا ماحسناش
ليدخل رأفت عليهم وهو يستمع لأخر جملة من ياسين
– دي من رحمة ربنا يا ياسين ان جسمها بيعمل بس رد فعل للألم بالأغماء ربنا مايوريك المه دي رحمه من ربنا ليك ولها ياسين احنا ح نعمل كل اللي نقدر عليه والباقي على ربنا بس انت لازم تبقي ضهر وسند لها
– حاضر يا رأفت حاضر
ليتحدث عزت وهو يربت على ظهر ولده
– قوم يالا حبيبي علشان نروح انت ح تبلغها ازاي يا بني
– ح اخدها واسافر يومين في اي مكان لوحدنا انا ح ابلغها بنفسي وانتم عليكم الباقي لما نسافر عصام لو سمحت احجز لنا اسبوع في افخم فندق في اليونان من بكره لو أمكن وبعدها احجز لنا عمره على ما نرجع
– حاضر حبيبي حاضر المهم قوم اغسل وشك ويالا علشان نروح
– ماشي وانت يارأفت لو حصل وكلمتك اوع تقولها حاجة قولها النتايج لسه ماطلعتش
– حاضر يا ياسين ح اديك شوية ادويه معاك لازم تخليها تواظب عليها
– حاضر شكرا يارأفت
– ياريت كان في أيدي اعمل حاجة لكن كله على الله
– ونعم بالله ونعم بالله
ذهب ياسين ليغسل وجهه وبعدها خرجوا جميعا وتوجه هو وعصام اولا للمنزل وبعدهم بقليل دخل عزت وحسين جرت ياسمين علي حبيبها تحتضنه بقوة فضمها حتى كاد يهشم عظامها وانتبه عندما آنت بألم
– حقك عليا ياعمري بس انتي كنتي وحشاني قوي
– انت كمان حبيبي واحشني قوي مالك عيونك حمراء ليه
– ابدا كنا في الموقع وشوية رمل دخلوا في عيني تعالي معايا علشان نغير ونظر للجميع معلش ياجماعة انا مجهد شوية ومحتاج ارتاح ح اخد ياسمينتي ونطلع وانتم خلوا معاكم الاولاد
لترد حنان عليه بحب
– اطلع حبيبي ارتاحوا براحتكم احنا كلنا هنا
– عن اذنك يا امي
ليحمل ياسمين أمام الجميع وهو يضمها لصدره بقوة وهي تتعلق برقبته فقد شعرت بتوتره حتى صعد الي جناحهم وانزلها على الفراش ونام بجانبها يحتضنها بقوة وانفاسه تعلو فأخذت تربت على ظهره
– مالك حبيبي انت روحت لرأفت ليجيب سريعاً
– لا ياروحي كلمته قالي لسه في حاجات بتاخد وقت
– طيب فيك ايه
– وحشاني قوي قوي يا ياسمينتي اعملي حسابك احنا مسافرين بكره او بعده بالكتير
– ح نروح فين
– ح نسافر انا وانتي يومين لوحدنا ح نروح اليونان عايز اهرب بيكي بعيد عن كل الدوشة دي
– وانا اروح معاك في اي مكان حبيبي
ظل ياسين يحتضنها ويداعب خصلات شعرها حتى ذهبت في النوم فسمح لدموعه ان تهبط وبعدها قام من جوارها وتوضأ حتى يهدي وادي ركعتين لله ثم نام بجوارها واستيقظت على رنين هاتفه
– ايوة ياعصام
– ياسين انتم كويسين حبيبي الساعة ٨ انا حجزت لكم خلاص الطيارة بكره الساعه ١١ الصبح
– حلو قوي يا عصام مانحرمش منك حبيبي احنا ح نغسل وشنا بس وننزل لكم
– ماشي حبيبي وانا ح اقولهم يحضروا الاكل محدش اكل اصلا الكل منتظركم
– ماشي حبيبي خمسة ونازلين
قام ياسين بإيقاظها وهو يقبل سائر وجهها بحنان حتى فتحت عيونها فأخذ ينظر لها بعشق
– حبيبة قلب ياسين وعمره كله
– حبيبي انت وعمري وحياتي كلها بحبك ياسو بحبك قوووووي
– مش اكتر مني يا روح ياسو انا عديت الحب بمراحل يا ياسمينتي
– بعشق اسمي لما بتنطقه كده
– علشان انتي ياسمينتي وبس
– وانت كمان ياسيني انا وبس
يحتضنها ياسين بقوة وهو يقبلها قبلات متناثرة
– ح ننزل ناكل ونقعد معاهم شوية وبعدين نطلع علشان الحق احضر الشنطة السفر بكره الساعة ١١ الصبح
– أيه ده يا ياسين فجاءه كده معقول من غير مقدمات طيب نمهد للاولاد
– ماتشليش هم حاجة ممكن
– امرك حبيبي
ليهبط ياسين وهو يمسك بيدها بقوة وهبطوا للأسفل وجلسوا جميعا يتناولون الطعام معا واخبرهم ياسين بسفرهم كما أخبر اولاده واقنعهم انهم يذهبون للعمل وسوف يحضرون لهم كل مايحبونه من الخارج وبالفعل قبل الاولاد دون نقاش وظلوا معهم قليلاً ثم صعدوا ليقوم ياسين بتحضير كل شئ حتى لا يجهدها وبعدها أخذها في احضانه يجوب بها في عالمهم الخاص الملئ بالحب والعشق والرومانسية وكان ياسين قد قرر بينه وبين نفسه ان يتفرغ لها فقط وظلوا هكذا حتى ذهبوا في النوم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
اتي الصباح وانصرف ياسين وياسمين الي المطار وقام بايصالهم عصام وابلغه ياسين ان العمل مسئوليته هو ويارا ومحمد وهلا وهو سيبتعد تلك الفترة ليظل بجوار حبيبته وبالفعل ركب الاثنان الطائرة وياسين يحتضنها ولا يجعلها تفارق حضنه حتى وصلوا الي الفندق والذي كان من افخم فنادق اليونان وكان جناحهم يطل على البحر وعلى منظر خلاب لبحيرة رائعة المنظر يحاوطها انواع مختلفة من الورود والأشجار الجميلة فكان المنظر شديد الروعة وفوجئت ياسمين بالمنظر فأرتمت في أحضان ياسين تحتضنه بقوة
– المنظر روعة يا ياسو بجد كأني في الجنة حبيبي ميرسي قوي ياروح قلبي
– انا اهم حاجة عندي سعادتك ياروح قلب حبيبك الاسبوع ده كله مش عايزك تخرجي من حضني
– وانا احب ما على قلبي اني افضل في حضنك
احتضنها ياسين بقوة وهو يقبلها في سائر وجهها ويضمها بقوة وجلس واجلسها أمامه تستند على صدره وهو يضمها بقوة وهي تستشعر دقات قلبه
مضى يومان وياسين يفعل معها كل مايجعلها تطير من السعادة فهو لا يخرجها من احضانه كما قام بتأجير جزء كبير خاص من الشاطئ حتى تستطيع أن تعوم كما ترغب كما قام بتحضير عشاء خاص بهم على شاطئ البحر على أضواء القمر والشموع والموسيقى الهادئة كما اوصي بوضع خيمة كبيرة ليستريحوا بها وهم يجلسون أمام البحر تفنن ياسين في اسعادها بكل الطرق حتى أنه امضي ليلتهم في ضوء القمر أمام البحر وبعد أن أخذها في جولة من جولات حبهم جلست في احضانه كطفلة صغيرة ثم وضعت رأسها على كتفه وهمست بحنان
– ياسين انت عيشتني أجمل حياة تتمناها واحدة في الدنيا انا معاك كنت فعلا اسعد مخلوقة في الكون عارفة انك بتحاول تسعدني على قد ما تقدر ماتفتكرش اني مش حاسة بيك حبيبي انا حسيت بيك يوم ما رجعت عيونك حمراء وعرفت ان مرضى صعب استنيت تقولي عارفة انه صعب عليك حبيبي علشان كده اتكلمت انا
– ياسمين فوضعت يدها على فمه
– ماتكلمش سيبني اكمل انا كلمت رأفت وحاولت افهم منه رفض وقالي نفس اللي قلته انت بس انا حاسة حبيبي اني خلاص عارف يا ياسو انا مش خايفة من الموت صدقني
هنا احتضنها ياسين بقوة وهو يبكي ويهمس لها
– اوعي تقولي كده ح نقاوم سوا اوعديني تقاومي على قد ماتقدري اوعديني ماتستلميش يا ياسمينتي ياسينك مايقدرش يعيش من غيرك
– ياسيني كل واحد مكتوب ميعاده امتى اوعدك اقاوم لاخر جهدي بس اوعدني انت تكمل اوع تضعف وتستسلم للحزن ولادنا يا ياسو ولادنا لازم توصلهم لبر الأمان اوع تتخلي عنهم شوفني فيهم حبيبي هما جزء مني ومنك دايما ح تشوفني فيهم لازم تكون جانبهم اوع تضعف حبيبي
– ياسمينة كفاية حبيبتي كفاية ح تخفي ان شاء الله ح تصمدي علشان خاطري وعلشان خاطر ولادنا سامعه
كان ياسين يحتضنها بقوة وهي أيضا تتشبث به بقوة الاثنان يبكيان حتى همست
– ياسيني عايزة اروح عايزة انام في حضنك
لينهض ياسين وهو يحملها بين يديه وهي تتشبث برقبته حتى وصل إلى جناحهم واستلقي بها على الفراش وهي لاتزال في احضانه وهمست
– اوعدني حبيبي مانتكلمش تاني في الموضوع ده اوعدني نعيش حياتنا اللي فاضلة في سعادة وحب مش عايزة اشوف نظرة حزن في عيونك انت حبيبي وروحي ودايما كل ماتغمض عينك ح تلاقيني معاك روحي عمرها ما ح تسيبك حتى لو فارقتك بجسمي روحي ح تفضل معاك اوعدني حبيبي
– اوعدك يا روح قلب حبيبك
مضى الوقت وعاش الاثنان ايام في الجنة فقد فعل ياسين كل ما في امكانه ليشعرها بالسعادة وبحبه لها وهي كانت تطير كفراشة جميلة حوله
اما في القاهرة فقام عزت وحسين وعصام بإبلاغ حنان ويارا وانهار الاثنان حتى تكلم معهم عزت ان الأفضل أن لا يشعروها بشئ فهي تحتاج قوتهم وليس ضعفهم وظل الاثنان يبكون حتى افرغوا ما بداخلهم واستمعوا بعد ذلك لكلام عزت وحسين وحاولوا التماسك
وبعد أن انتهت الاجازة الذي امدها ياسين اسبوع اخر ذهبوا الي أداء العمرة وهناك انهار الاثنان في البكاء حتى هدؤا وتحدثوا سويا مرة اخرى وتواعدوا ان يفعل الاثنان كل ما في الإمكان والا يستسلما للمرض الي ان يأتي امر الله وبعدها عادوا الي القاهرة وقابلهم الجميع بالبكاء والكل يحتضنها حتى تحدث ياسين واخبرهم بما قرروه واتفقوا جميعا ان يتناسوا الحزن
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
قرر ياسين ترك العمل تماما لكي يبقى أطول وقت مع ياسمينته وكان يذهب بها لتلقي العلاج وبعد الجلسة كان يأخذها هي واولادهم ويسافر يومان ومعهم حنان التي تراعي الاولاد وهو يراعيها كان يفعل لها كل شئ قبل أن تطلبه ولا تجلس الا في احضانه وامامها أولادهم واكبرهم يحيى فقد كان يبلغ ال ٩من العمر اما يزيد وجاسمين ففي ال ٧ من العمر كانت ياسمين تجلسهم أمامها وتحدثهم دائما عن الحياة والموت تحاول أن تؤهبهم لفراقها ورغم اعتراض ياسين على ذلك الا انها استطاعت اقناعه
مر عام ونصف على مرضها وكان ياسين في تلك الفترة لا يتركها لحظة واحدة حتى النوم كان دائما ينام ويجعلها تستلقي بمعظم جسدها عليه حتى يحتويها فهي فقدت الكثير من وزنها حتى زاد تعبها واصبحت تنام كثيرا وعندما تستيقظ احيانا قليلة لا تتذكر الا ياسين وحنان وكان يواليها رأفت دائما حتى جاء يوم وأخبر ياسين انه يجب أن يذهب بها إلى المشفى فهي في أصعب الاوقات ويجب أن تكون تحت الملاحظة حتى يستطيعون السيطرة على الألم وبالفعل انتقل بها إلى المشفى وكانت عندما تستيقظ تظل جالسة على ساق ياسين وتلتف بيدها على رقبته وتضع رأسها على كتفه وهي فقط تهمس له بكلمات الحب وهو يبادلها حبها بحب اكبر وكان مر اسبوعان دون أن يقتربا من بعضهما كـ زوجان
وفي يوم طلبت من ياسين ان يغلق باب الغرفة عليهم وعندما فعل ذلك اقتربت منه تطلبه كزوج وكان خائف عليها من ذلك المجهود فنظر لها وهو يحتويها
– حبيبتي ياعمري كله انا مشتاق لك قوي بس خايف عليكي تتعبي ياقلبي فنظرت له بعشق
– ياسيني انا محتاجة اكون معاك قوي
– طيب ح اسئل رأفت
وبالفعل قام بالاتصال برأفت وابلغه رغبة ياسمين فشعر رأفت انها النهاية فأغمض عينه خوفاً على صديقه وهمس له
– وماله يا ياسين مافيش مشكلة حبيبي حقها وحقك اعملها كل اللي تحبه
أغلق ياسين معه وهو يشعر بتغيير صوته ولكنه نفض ذلك عن رأسه واقترب من زوجته وهو يبتسم لها بحب
– معاكي للصبح يا ياسمينتي بس لو حسيتي في اي وقت انك تعبانه قوليلي على طول
– عمري ماتعب وانا معاك يا حبيبي
ليذهبا معا في جولة من جولات حبهم حاولت ياسمين فيها ان تعطي ياسين كل مايسعده فكان لقاءهم هذه المرة مختلف عن كل مرة يكونوا فيها سويا وشعر ياسين بذلك فألمه قلبه فقد شعر بقرب الفراق فأحتضنها بقوة وهو يقبلها ويهمس لها بكلمات الحب وهي تبادله تلك المشاعر بقوة ثم همست له برغبتها في أن تغتسل فحملها وذهب بها إلى الحمام واغتسل هو وهي وكانت كلما اقترب منها تقبله بحنان حتى انتهت وتوضأت وكذلك هو والبسها ملابسها وخرج بها
– حمام الهنا ياقلبي
– ربنا يحفظك ويحميك حبيبي ياسين عايزة اصلي وتؤمني
– حاضر ياعيوني
وبالفعل قام ياسين بالصلاة بها واخذ يدعو وهي تؤمن خلفه حتى انتهى وحملها واضعا اياها على الفراش وقبلها
– حبيبتي ح انادي همت تقعد معاكي ح اروح لرأفت خمس دقائق وراجع على طول
– ماشي حبيبي بس ماتتأخرش عليا
– مقدرش ياعمري
ليخرج ياسين بعد أن استدعى الممرضة همت والتي تراعي ياسمين اذا ابتعد ياسين ولو دقائق ومع إعادة تنبيه لها اذا حدث اي شئ تقوم بالرن عليه فورا واتجه ياسين الي غرفة رأفت ولما يكن يرى من تنظر له من بعيد والتي فوجئت بخروجة من تلك الغرفة اتجهت الي ممرضة تتحرك أمامها ومنحتها مبلغ كبير من المال وسألتها فأجبتها انها زوجته وانها في مرحلة متأخرة من المرض فأبتسمت بشماته واتجهت للغرفة وهي لا تعلم انها بفعلتها تدق اخر مسمار في نعشها وفتحت الباب لتفاجأ ياسمين بها أمامها وهي تنظر لها بشماته وقفت أمامها همت
– ايوة يافندم خير مين حضرتك لتنظر لها هناء بتعالي
– ابعدي ياشاطرة من هنا اطلعي بره
– اسفة يامدام حضرتك اللي تطلعي بره انتي مين لتهمس ياسمين
– تعالي ياهمت دي والدة ياسين لترد هناء
– كويس انك لسه فاكراني يا ياسمين شفتي اخدتيه مني كام سنة بس ربنا انتقم منك وتعبتي وح تموتي وارتاح منك متبته في الحياة ليه ماتغوري بقى
لتشعر هنا همت بضرورة استدعاء ياسين فتقوم بالرن عليه ليخرج ياسين وخلفه رأفت سريعا ويدخل ليجد والدته تتحدث فيصدم لأول لحظة وهو يستمع لها
بكرة تموتي وارجع ابني لحضني واخليه ينساكي ماتعرفيش انا فرحانة فيكي ازاي وانتي مرميه كده بتطلعي في الروح لينتبه ياسين ويدخل مثل الصاروخ وهو يصرخ بها ويدفعها بقوة حتى كادت تقع
– انتي ايه ياشيخة شيطانة انتي مش ممكن تكوني بني ادمه انا بكرهك ليستمع لهمس ياسمين فيجري عليها
– ياسيني سيبها هي شمتانه عارفة بس مش مهم عايزة اقولك حاجة واحدة يامدام انا عارفة كويس قوي اني ح اموت النهاردة بكرة بعد اسبوع مش مهم بس عارفة وواثقه اني ح افضل جوه قلب حبيبي لاخر العمر لكن انتي النهاردة ودلوقتي خسرتي اخر ذرة في قلب ياسين ناحيتك
ليشعر رأفت بتسارع دقات قلبها فيتجه لها مبعدا ياسين الذي اندفع جه هناء وهو يصرخ بها
– والله لو بتموتي ما ح ادعي لك بالرحمة ويدفعها بقوة خارج الغرفة مغلقاً الباب في وجهها بقوة وجرى ناحية ياسمين ونظر لرأفت
– أيه يارأفت لينكس رأفت رأسه
– ياسين انا اديتها مهدئ بس ليصرخ ياسين وهو يبكي
– بس ايه اوع تقولها اوع يارأفت ليحتضنه رأفت بقوة
– ياسين احنا عارفين ان الوقت جي مافيش منه مفر اجمد ياصاحبي هي مسألة وقت اجمد علشان لما تفوق تلاقيك متماسك اوع يا ياسين
– سيبوني لوحدي معاها
– ياسين
– رأفت أرجوك سيبني لوحدي خد همت واطلعوا عايز افضل الوقت ده معاها لوحدنا
– حاضر ياحبيبي تعالي ياهمت اطلعي معايا
ليخرج رأفت وهمت و يجدوا هناء لازالت بالخارج ليتجه لها رأفت بغضب
– انا مش عارف اعمل فيكي ايه انتي مش شيطانة انتي ابليس نفسه لولا اني حالف يمين مامدش ايدي على ست كنت قتلتك النهاردة لتنظر له همت ودموعها تغرق وجهها
– عنك يادكتور احنا حريم مع بعض لتقوم همت بصفعها عدة صفعات وهي تصرخ بها ببكاء انتي حتى الواحد حرام يقول عليكي حيوانة لان الحيوانات عندها رحمه عنك انتي مش عارفة الاقي لك مسمي بس ح اقولك حاجة واحدة يارب اللي فيها يجي فيكي ياشيخه وماتلقيش كلب يبص عليكي
لتصرخ هناء وهي تحاول تخليص نفسها من همت
– انا ح اوديكم في داهية انا ح اقفلك المخروبة دي لينظر لها رأفت بتحدي
– وانا مستني وح نشوف ويصرخ بصوته نادوا لي الأمن حالا
ليأتي اثنان من الأمن وينظر لهم
– طلعوا الست دي برة ولو فكرت تحط رجلها هنا تاني اكسروها وانا عليا التصليح واقترب منها وهمس ورحمة امي لو شفتك لكون مشفيكي زي الذبيحة غوري ياشيخة ويدفعها لهم ليمسكها الأمن ويخرجها من المشفى ويدخل رأفت مكتبه ليفرغ كل غضبه في تكسير كل شئ حوله
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ظل ياسين بجوار حبيبته وهو يحتضنها ودموعه تتساقط وهو يتذكر كل ذكرياتهم معا منذ بداية رحلة حبهم حتى الآن لينتبه لها وهي تسمح دموعه بحب وهي تبتسم بوهن وتهمس
– حبيبي عايزة اشوف ماما ويارا والأولاد عايزة اشوف الكل
– حاضر ياعمري
– كلمهم يجوا بسرعة مافيش وقت ليحتضنها ياسين
– حبيبتي ياعمري كله بلاش تقولي كده قاومي يا ياسمين قاومي علشان خاطري
– بحاول يا ياسين بحاول بس كلمهم
يقوم ياسين بالاتصال بهم ليحضروا جميعا ودخلت اولا حنان ويارا وعصام واولادهم وحسين وعزت لتنظر لهم بحب وتخبرهم كم احبتهم وتطلب منهم عدم ترك ياسين وحده كان الكل يستمع ودموعه فقط تهبط دون أن يستطيعوا التحدث كانت تجلس جوارها حنان تقبل يدها وبعد قليل خرجوا ودخلت هلا وزوجها ومحمد وزوجته واولادهم وقامت أيضا بأخبارهم انها احبتهم وشعرت معهم انها اخت لهم واوصتهم كذلك بياسين ولم يستطع احد منهم ان ينطق فقط تنهمر دموعهم في صمت وبعد قليل خرجوا ودخل أولادها الثلاثه ففتحت ذراعها لهم فجروا عليها يقبلونها وهي تحتضنهم بقوة رغم ضعفها وهمست في اذن يحيى ببعض الكلمات فبكي في احضانها وبعد قليل هدء ومسح دموعه واحتضن اخواته وخرج من الغرفة لتلتفت لحبيبها
– احضني ياسين احضني قوي ليحتضنها ياسين بقوته وهي تهمس كنت بتمنى اكمل معاك عمري كله لما نكبر ونجوز ولادنا بس ربنا أراد غير كده حبيبي انا عارفة انك ادها وحياتي عندك يا حبيبي اتعب يوم اتنين اسبوع اسبوعين بس لازم تصمد وتقف على رجلك وتكبر ولادنا وتجوزهم وفي الاخر خالص ح تلاقيني مستنياك في مكان احسن من هنا كتير ياسيني انا بحبك حب لو اتوزع على العالم كله ح يكفيه ويفيض وعارفة وواثقة انك بتحبني اكتر طلع الحب ده في ولادنا خليك قريب منهم انصحهم وخليهم دايما في حضنك وأدام عينك شفني فيهم حبيبي هما حته مني ومنك حبهم قوي عوضهم عني عارفة انك دايما ح تكلمهم عني وعن حبنا بس لما تروح وتفتح الدولاب ح تلاقي العلبة الصدف والمفتاح بتاعها في بدلة فرحنا افتحها وشوفها ياسين أرجوك كفاية عياط عايزة اخر حاجة اشوف ضحكتك
ليبتسم ياسين وسط دموعه وهو يقبلها
– بحبك يا ياسمين بحبك حب لا يمكن يتوصف اوعدك كل حاجة قلتيها ح اعملها بالحرف الواحد اوعدك ادي ولادنا حبي وحبك اوعدك يفضل حبك نبض قلبي لغاية ما اجي لك اوعدك اخلي ولادنا نسخة مني ومنك بحبك ياسمينتي بحبك ياحب العمر ونبض القلب وعشق الروح اه يا ياسمين اه
– عارفة ح تتوجع بس ح تقوم حبيبي وح تعدي بيهم بر الأمان ضمني قوي ياحبيبي دفيني في حضنك
ليحتضنها ياسين بقوة وشهقاته تعلو وهو يستمع لصوتها يتلو الشهادة وبعدها يسترخي جسدها في احضانه دليل على أنها انتقلت الى الرفيق الأعلى ليصرخ بصوته كله بأسمها فيدخل رأفت جري الي الغرفة وينتزعها من احضانه ليقوم بالكشف عليها لينظر له ياسين
– خلاص يا رأفت خلاص راحت ياسمين راحت سبتني خلاص ااااااااااه يا حبيبتي ليحتضنه رأفت
– ياسين كفاية حبيبي أرجوك تعال معايا برة
– لا لا لا سيبني معاها شويه كمان
– ياسين مش ح ينفع أرجوك كده غلط عليك وكمان لازم تصمد علشان نخلص كل الإجراءات يالا حبيبي
– سيبني معاها شوية بس صدقني شوية بس أودعها وح اطلع وراك
– حاضر يا ياسين حاضر
ليخرج رأفت ويتركه مع حبيبته ليأخذها في احضانه ودموعه تتساقط كالمطر ليقبلها وهو يهمس
– اسيبك ازاي واطلع اروح البيت ازاي وانتي مش معايا ح استحمل اكمل حياتي ازاي وانتي مش جانبي يارب اللهم لا اعتراض على أمرك حبيبتي ياعمري يانبض القلب اوعدك اعمل كل حاجة قلتي عليها زي ما انا بوعدك ان كل يوم بالليل ح اخدك في حضني زي ما كنت بخدك في حضني عمرك ما ح تخرجي منه خليكي دايما حواليا حبيبتي اوعي تسبيني وحدي يارررررررررب ساعدني يارب واخذ يقبل سائر وجهها وهو يهمس بكلمات الحب وبعد قليل وضع الغطاء على وجهها معلنا وفاتها لعينه ليفتح الباب ويخرج لهم ليجد الكل يبكي وأولاده في أحضان حنان ليرتمي في الارض فاتحا ذراعه لهم فجروا عليه واخذ يقبلهم والاربعه يبكون والكل يبكي من حوله حتى وقف وقبل رأس اولاده ونظر للجميع
– بابا خدهم لو سمحت وروحوا خلاص كده انا ح اخلص شوية إجراءات مع رأفت واحصلكم وبلغهم في المدفن بكره يفتحوه ويستعدوا نصلي الضهر ونروح نوصل الأمانة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق لا يموت)
