رواية عشق طفولتي الفصل الخامس 5 بقلم مي جمعة
رواية عشق طفولتي الجزء الخامس
رواية عشق طفولتي البارت الخامس
رواية عشق طفولتي الحلقة الخامسة
شوفت اخر حاجه كنت اتوقع اني اشوفها
شوفت صورة احمد وهو صغير موجودة على مكتب المدير مش فاهمة ايه الي يجيب صورته هنا ايوة دا هو انا لسة فاكراه عمر ملامحه ماتروح من بالي ابدا طب اسأله ولا ممكن يكسفني لا منا لازم اعرف معقولة ممكن اشوفه تاني كل الافكار دي جت ف بالي وانا لسة واقفة ف المكتب
: انتي لسة واقفة عندك بتعملي ايه يلا ورانا ميتنج يانور
_هو هو دي
: هي ايه يانور في ايه
_لا ولا حاجه يافندم
: طب يلا
روحنا الميتنج وطول الوقت وانا سرحانة مش مركزة ف اي حاجة ولا حتى بتكلم
: نور ركزي العميل بيسألك
_ها اه اه معلش يافندم احنا
وحاولت اركز واخيرا خلص الميتنج على خير بس هو طبعا مش هيسبني ف حالي دنا عكيت جوا
: في اييه يانور بنتكلم وانتي مش مركزة هو دا الي كنت طالبه منك وانتي عارفة ان العملاء دول مهمين والست هانم عقلها مش معاها اصلا انا مش قايل اني بحب الالتزام ف الشغل
_انا اسفة يافندم انا بس تعبانة ومش قادرة اركز
: تعبانة تقعدي ف البيت يانور مش تيجي وميكونش ليكي لازمة
حسيت اني عايزة اعيط انا اول مرة حد يزعقلي ويهني بالشكل دا عيني دمعت وهو تقريبا شافها
_انا اسفة
: طيب خلاص خلاص خدي باقي اليوم راحة ومتتكررش فاهمة
_حاضر يافندم شكرا
طب ماكان من الاول ولا لازم التهزيق دا كله انا مش قادرة انا لازم اسأله الي ف الصورة دا يقربه ايه انا قربت اتجنن ودماغي هتنفجر معقولة اقابل احمد صديق طفولتي والي يعتبر صديقي الوحيد الي مقدرتش اصاحب اي حد من بعده..
روحت البيت ومعرفش بجد ازاي وصلت ودخلت الأوضة وقاعدة دلوقتي على السرير بحاول حتى اغمض عنيا مش قادرة من كتير التفكير طب معقولة يكون هو الي اتبناه لا طبعا دا باين عليه صغير يجي قد احمد كدة ممكن عيلته هي الي اتبنت احمد ثواني كدة انا ازاي مركزتش ف اسم المدير الرخم دا ايه قبل كدة
دخلت على صفحة الشركة ولقيت الاكونت بتاعه دا دا مش معقول
دا اسمه احمد ممكن يكون تشابه اسماء بس ازاي وهو حاطت الصورة نفسها ونفس الاسم انا قربت اتجنن لازم اسأله والي يحصل يحصل مقدرتش اخرج اكل ولا اعمل اي حاجة نمت وصحيت تاني يوم
لبست دريس لونه موڤ وعليه طرحة لونها ابيض وخرجت من اوضتي وقررت اني هقوله ولازم اعرف لو هو ازاي محاولش يدور عليا وازاي بقى كدة وممكن يكون نساني ولا لسة فاكرني
_صباح الخير ياماما
÷صباح النور ياحبيبتي مالك
_مليش ياست الكل بس عندي شغل بدري النهارده ف لازم انزل حالا لما بابا يصحى صبحيلي عليه
÷حاضر ياحبيبتي خلي بالك من نفسك
_ماشي سلام
نزلت وركبت تاكسي ووصلت الشغل مقعدتش حتى على مكتبي ولا كلمت اي حد علطول روحتله
دخلت من غير ماخبط حتى بحكم ان انا السكرتيره بتاعته محدش وقفني دخلت
: ايه دا انتي ازاي تدخلي كدة من غير ماتخبطي انت فاكرة نفسك فين
مهتمتش لاي حاجة بيقولها كل كلامه مهمنيش الي يهمني اعرف مين هو دا
_انا عايزة اسألك ف حاجة مهمة ولو عايز بعدها ترفدني على الي عملته ارفدني بس جاوبني الاول
حسيت تعابير وشه مستغربة من الي بقوله
: طيب ماشي اقعدي طيب واهدي وقولي في ايه يانور
من غير مااقعد حتى مسكت الصورة وحطيتها قدامه
_انا عايزة اعرف الي ف الصورة دا يقربك ايه او تعرفه منين
: ليه يعني في ايه وبتسألي على الطفل دا ليه
_مش مهم انا بس بسأل حضرتك تعرفه منين ارجوك جاوبني
: حاضر هقولك دا يبقى…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق طفولتي)
