رواية عشق رعد الفصل العشرون 20 بقلم نورهان رضا
رواية عشق رعد الجزء العشرون
رواية عشق رعد البارت العشرون
رواية عشق رعد الحلقة العشرون
تقى: انت هنا بتعمل ايه وعاوز ايه
اسامة: اهدى ياتقى انا اسامة
تقى بضحكة استهزاء: اسامة صاحب رعد ولا حبيب مى السابق
اسامة حط عينه فى الارض من كلام تقى وقال: انا فعلا صاحب رعد بس مش حبيب مى السابق انا فعلا حبيتها بس هى غدرة بيا وعملتنى كوبرى علشان تعرف كل حاجه عن رعد
تقى: وانا ايه يضمنلى انك مش خاين وكداب زيهم انا اتخدعت بكل الطرق وابشع الوسائل والخاينة ضربت فى نص قلبى دمرتنى حرفيا حتى اعز واحدة للى اتوقعت الخيانة من الكل للى هى يااخى دا انا كنت بحبها اكتر من نفسي متخيل انى كنت اى حاجه هى اللى تعرفها وماما لا
اسامة: انا عارف وحاسس بللى بتمرى بيه
تقى بصوت عالى: محدش حاسس بيا ولا حد عارف اد ايه قلبى بينزف دلوقتي
اسامة: اهدى طيب انا هعملك كل حاجه انتى عاوزاها بس اهدى حرام عليكي نفسك باللى بتعمليه فيه
تقى: انا مش عاوزة مساعدة من حد ونفسى انا وعدتها ان كل دمعة ووجع سكن جواها هبرد المى بالمهم وهخفف وجعى بوجعهم وربنا قال كما تدين تدان وانا كنت حلوة مع الكل مظلمتش حد ولا جيت على حد ولا خدعت حد هما اذونى ووجعونى ودلوقتى جه انى هاخد حقى من الكل
اسامة: هتاخدى حقك ازاى عند طريقة ولا هتروحي تعيطى ليهم علشان يكملوا عليكى انا عارف انك دلوقتي مبتثقيش فى حد نهائيا وانا مش هقولك ثقى فيا انا هعمل دا علشان تثقى فيا وانا عندى خطة هنفذها سوا واتمنى انك تقبلى دا ارجوكى زى ما هما خدعوكى انا كمان خدعونى
تقى: بصيتله وقالت تمام 👌حتى لو خدعتنى انت كمان انا اتعودت على كده بس لازم تقولى خطتك كاملة
اسامة: هجيب تلفونى وهاجى
خرج اسامة من الاوضه
تقى لنفسها حتى انت انا مش هثق فيك ولا هعترف بكلامك انا هعمل خطة لنفسى وهمشى عليها وخطتك همشى معاك فيها بس هكون واخده حذرى جدا وصاحيه اوى ليكم
دخل اسامة: تقى احنا اول حاجه لازم نعملها اننا نخش قصر رعد لاننا مش هنعرف نعمل حاجه غير لما نخش هناك
ولازم نمثل كويس اوى على رعد ومى اننا اتخطبنا ودا الخاتم بتاع ماما كنت هلبسه لمى ياريت تلبيسه علشان ميشكوش فى حاجه للى عرفته ان مى ورعد فرحهم الاسبوع الجاي لازم نتحرك فى اسرع وقت، رعد غلبان وطيب بس هو متهور وبيصدق للى بيشوفه وبس مش ماكر زيهم علشان يعرف انهم كدابين
تقى: ميهمنيش رعد ولا هو اى ولا عاوز ايه بس خلاص اسبوع واحد فى فرح رعد هتكون لمى عندي مفاجاة جميله جدا وفارس انا عارفه كويس اوى هعمل معاه ايه
اسامة: هتعملى ايه
تقى: بعدين، دلوقتي نقدر نخش قصر رعد ازاى
اسامة: انا كلمت الصنايعيه يجوا يعدلوا البيت بتاعى دلوقتي هتصل برعد واقوله ان بيتى الصنايعيه شغالين فيه وبحكم ان سيف ليه علاج مكثف الاسبوع الجاي اقدر اعيش معاهم وهو اكيد مش هيرفض
تقى: وانا ازاى هخش
اسامة: البسى الخاتم
تقى لبست الخاتم
اسامة: دلوقتي انتى خطيبتى
ودى ورقة مزورة تثبت اننا كتبنا الكتاب امبارح
تقى: يعني دلوقتي انا خطيبتك ولا مراتك
اسامة:دلوقتي انتى مراتى بحكم الورقة المزورة دى بس لسه معملناش فرح
تقى: تمام اقصدك علشان لو قال اقعدوا فى اوضة واحدة هناك يعني
اسامة: ايوه بالظبط
تقى: تمام
اسامة بس انا عاوزك تعملى حاجه واحدة انا عارف انك مستحيل تعمليها بس علشان تردى اعتبارك لازم انا عاوزك تغيرى استايلك شويه
تقى: مستحيل اقلع الحجاب
اسامة: ومين قالك تقلعى الحجاب، انتى بس هتلبسى زى المحجبات باستايل الموضة دى
تقى: بس كدة هغضب ربنا وانا عندى ربنا اهم من اى انتقام انا عاوزاه
اسامة: تمام طيب ممكن نغير الفساتين بالفساتين دى الموضة يعني
تقى: تمام
اسامة يالا بينا
خرج اسامة وتقى وراحوا اكبر مول فى المدينة
اسامة للموظفة انا عاوز تاخدى الانسة دى وترجعهالى انسة الموضة وعاوز كل الاستايلات بتاعت الموضة للانسة
تقى: هتدفع كل دا ازاى
اسامة: انتى مراتى دلوقتي لازم
الموظفة سحبت تقى ودخلتها
اسامة قاعد بره
بعد مرور نص ساعة
خرجت تقى تانية خالص
لابسه جيبة سودة ونص بوت جملى وبلوزة بيضة وجاكت طويل اسود وطرحة سودة وحاطه ميكب خفيف جدا
اسامة وقف بسم الله ماشاء الله الكحل فى عيون البحر دى تموت للى ميموتش
انتى تقى صح ✅
تقى بابتسامة خفيفة: اتغيرت لدرجاتى
اسامة ايوه دلوقتي هنروح نصدم رعد انا اتصلت بيه وهو مستنينى وقولتله انى اتجوزت وجايب مراتى بس لسه معملناش فرح وفهو رحب بس قولتله هتبقى مفاجاة
تقى: ياله بينا
خرج تقى واسامة وركبوا العربية
ووصلوا قصر رعد
اسامة فتح الباب لتقى بتاع العربية
اسامة: اتفضلى يامدام اسامة
نزلت تقى اسامة يلا حطى ايدك فى ايدى تانجو يعنى
ورن اسامة الجرس
فتح مسعد الباب
مسعد: اهلا وسهلا ياست تقى نورت بيتك
مى كانت قاعدة قامت ووقفت بصدمة وخضة وقالت بصوت عالى بيت مين ياابو بيت انا ست البيت هنا انجر يالا على المطبخ
مى وقفت قدام تقى وهى بتبصلها من فوق وتحت وهى هتموت من الغيرة لانها بقيت اجمل منها وقالت بصوت عالى: ايه جابك هنا وبتعملى ايه يالا امشى من هنا
اسامة: الاه وانتى مالك ماتنادى صاحب البيت ولا مافيش راجل هنا
مى: انا صاحبة البيت هنا
رعد: وانا مت ولا ايه
نزل رعد من على السلم ومى واقفة حاجبة الرؤية بين تقى ورعد
رعد نزل ولحد الان ماشفش تقى
رعد: انا اسف يااسامة على رد الفعل دا اتفضل
قرب رعد ناحية الباب ووقف مصدوم 😳
اسامة: ينفع اخش دلوقتي يااستاذة مى ولا مينفعش
مى: تخش وهى لا
اسامة بضحك: ازاى اخش وهى لا دى ملكتى واميرتى وحبيبتى وكل حياتي ومراتى.
مى بصدمة: مراتك
رعد عينه احمرت وبرق اكتر واكتر وطبق ايده وضغط عليها
اسامة: ايوه اقدملك مدام اسامة تقى
مى: هى لحقت خدتك دا انتى مكملتيش اسبوع ياشيخة
تقى ببرود: هو انتى مفكرة كل النااس زيك ولا ايه
مى بتعصب: يعني ايه انتى
تقى ببرود: يعني اللى على راسه بطحه يحسس عليها واسمى تقى مش انتى
اسامة لرعد: اى ياعم هتفضل موقفنا على الباب ولا اخد مراتى وامشى
مى: واحنا نعرف منين انها مراتك مش ماشى معها
تقى: رفعت ايدها وعملت نفس الحركة للى مى عملتهالها وقالت دا خاتم 💍ماس اغلى من للى انتى لابسه وقديم وقيم وقسيمة الجواز مع جوزى انا واسامة اتجوزنا امبارح
رعد قرب وقال لاسامة انت بتهزر صح ✅
اسامة: اهزر ليه انتوا سبتوا بعض وانا كنت معجب بتقى وانت عارف ولما خطبت مى انا كمان خطبت تقى بس قولنا نستعجل ونكتب الكتاب وادى القسيمة يااراجل
خد رعد القسيمة وبصلها بحقد وغل وكتم المه ودموعه للى موجودة فى عينه جواه وقال بصوت مخنوق الف مبروك
اتفضلوا
اسامة: قول للى واقفة سده الطريق دى عن مراتى توسع
رعد: مى روحى اوضتك
مى: انا مش هروح انا هستقبل الضيوف ، قدام انتوا متجوزين بقا يبقى ليكم اوضة واحدة للعرسان
رعد: لا
مى: ليه
رعد بتهتهة: لانهم لسه معملوش فرح
اسامة بضحك: وانا بقول كدة برضو
اسامة مسك ايد تقى وقالها خشى ياحبيبتي بيتك ومترحك دا بيت صاحبى، انت عارف يارعد ان تقى عاوزة شكل مختلف لبيتنا عبقال لما يخلص ونتنقل فيه
مى: واى للى غيرك كدة، اخيرا نضفتى
تقى: النظافة نظافة القلوب مش المظهر واقصدك على الهدوم لو عجباكى ممكن اغير الطقم وابقى اغسليه والبسيه
مى بتعصب شديد: لا ياحبيبتي رعد حبيبي لو عاوزة حاجة يجبهالى فى ساعتها مش صح ياحبيبي
رعد: صح ياعمري
اسامة: ماهى حبيبتى تقى مش بستنى لما تطلب منى هى بس تحلم وانا انفذ ويالا علشان انتى تعبتى النهارده اوى روحي ارتاحى ياعمرى والشنطة بتاعتك هطلعها على عينى والله 😂
ضحكت تقى وقالت: تسلملى عيونك ياروحي
رعد واقف هيولع وضاغط على اعصابه بالعافية
ومى هتموت من الغيظ
طلع اسامة وتقى على السلم.
رعد: مى وريها اوضتهم
طلعت مى
وفتح الاوضه لتقى وقالت: احنا بنرحب بضيوفنا كويس اوى
تقى: انتى اشتغلتى خادمة هنا ولا ايه
مى: خادمة اي انا هنا ست البيت
تقى: بضحك للى بيرحب بضيوف فى القصور الخدم
مى: اااه
قاطعها اسامة وقالها اتفضلى اخرجى بره مراتى عاوزة ترتاح
مى بصتله بغضب وطلعت
اسامة قفل الباب
تقى: بتقفل الباب ليه
اسامة: وطى صوتك انا بعمل كده علشان اشوف رعد هيعمل ايه دلوقتي هيجى يخبط ويطلب منى اى طلب علشان اخرج من الاوضة
لسه اسامة مخلص كلامه وفعلا الباب خبط
اسامة: مين
رعد: احم احم ممكن ادخل
اسامة: دقيقة يارعد لما مراتى تلبس الحجاب
رعد واقف بره هيموت
اسامة بضحك جوه لتقى: ياررروحى البسى حجابك علشان رعد واقف بره
تقى: بصت لاسامة بصوت واطى وقالت انت مجنون ما انا لابسه
اسامة غمز لتقى
وقام فتح الباب نص فتحه
رعد: اخرج تعال عاوزك
اسامة: دلوقتي الدنيا ليل الصبح نتكلم
رعد: خمس دقايق لو ماجتش ورايا يادكتور البهايم هولع فيك
مشى رعد
اسامة لتقى انا هروح خالى بالك من نفسك
خرج اسامة وتقى قامت وقفلت الباب كويس عليها
ووقفت قدام المرايا وقالت
استنوا دماركوا على ايدى، انت بنفسك يارعد بيه مشتنى من هنا وانت بنفسك دخلتنى هنا، وانتى يامى انتى دلوقتى عايشة فى رعب دايما ودا واضح عليكى اوى، بس دا حاجه ولا تذكر من للى هعمله فيكى
وفجاة الباب خبط
تقى: مين
محدش رد
فتحت تقى الباب لاقيت كرتونة هدايا
خرجت تقى وبصيت شمال ويمين مالقتش حد
مسكت الكرتونة لاقيت مكتوب عليها لتقى
خدتها ودخلت الاوضه وقفلت عليها
فتحت الكرتونة لاقيت فيها.. .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق رعد)
