رواية عشق رعد الفصل الثاني عشر 12 بقلم نورهان رضا
رواية عشق رعد الجزء الثاني عشر
رواية عشق رعد البارت الثاني عشر
رواية عشق رعد الحلقة الثانية عشر
سيف: ماما هو انتى هتفضلى معايا دايما.
تقى: اكيد هو انا اقدر اسيبك
سيف: يبقى نعمل وعد الدبابة الثلاثة انا وانتى وبابا.
تقى سكتت شويه وبعدين قالت: حاضر بس يالاه نخرج
سيف: لا مستحيل اسيبك تخرجى بابا قالى انى اراقبك
وفجاة فى صوت عالى جاى من تحت
وبيقول انت ازاى بتلغى عقد التصالح من غير ماترجعلى انت عارف حجم الخساير اللى هنشلها ولا مش عارف كنت فى وعيك وانت بتعمل كده
قامت تقى وخدت سيف معاها ونزلوا تحت
سيف مسك فى ايد تقى جامد وبان عليه الرعب اول لما شاف الراجل اللي بيتكلم مع رعد، وبدا يرتعش من الخوف ويضغط على ايد تقى من الخوف والرعب وعينه متجه عليه برعب وخوف
رعد: مش انت اللي هتتحمل الخساير الخساير دى هتكون عليا مش عليك
هو: انت مش فاهم حاجه ولا عمرك هتفهم حاجه عملت دا كله علشان البت المفعوسة اللى ماشي معها صح
رعد: متكلمش عليها بعد اذنك وبعدين انا ماعملتش دا علشانى دا علشان نفسى هو اتعدى عليا قبل ما يتعدى عليا وان كنت فاكر انى هدفع الشرط الجزائى تبقى غلطان هو اللى اتعدى عليا اولا والشروط فى العقد يتقول التعدى حتى لو بالكلام يحق للطرف الاخر الفسخ وانه ياخد الشرط الجزائى يعني انا اللي طالع كسبان
هو: سكت ومعرفش يرد وبص اتجاه تقى وسيف وقال: هى دى
رعد: راح وقف فى وشه وقاله مالكش دعوة بيهم
هو: اى ياعروسة مش هتيجى تسليمى على حماكى
تقى: حمايا
رعد: غمزها بعينه
تقى فهمت وقالت: اكيد طبعا اهلا بحضرتك اخبار حضرتك ايه
هو: اعرفك بنفسى عباس الصافى ملك الامبراطورية دى
تقى: اهلا وسهلا ربنا يزيدك ويطول فى عمرك.
عباس الصافى: انتى بقا العروسة اللى شاغلة حديث البلد
تقى: يزيدنى شرف انى اكون مرات ابنك
عباس الصافى بتكبر: متحلميش
تقى بصت بصدمة
عباس الصافى: هو انتى فكرتى نفسك انى اوافق عليكى لابنى وبيشاور باصابعه على تقى.
تقى بصيت فى الارض
رعد: انت مالكش دعوة انا اللى بحدد حياتى وانا اللى اقول مين تبقى مراتى ومين لا وقرب من تقى ومسك ايدها وبص فى عينها وقال يزدنى شرف انها تكون مراتى وحبيبتى وخطيبتى وام لعيالى
تقى بصيت فى عينه وهما الاتنين باصين لبعض وكان مافيش حد موجود
قاطع بصاتهم عباس وقال ههههههه ابقى قول عليا سوسو لو اتجوزتها انا قولتلك كلمة هتجوز بنت المافيا علشان نعمل الاتفاق بينهم
رعد: فى احلامك
قرب عباس من سيف وبدا سيف يصرخ ويستغيث برعد
جرى رعد وسحب سيف بعيد عن عباس
رعد بغضب: زيارتك انتهيت اخرج من هنا
عباس: قاله هنتقابل عن قريب
ومشى
سيف حضن 🫂رعد وهو مرعوب
تقى واقفة فى ذهول تام مش متصورة اى دا كله
بعد دقايق هدى سيف
رعد خدى سيف واطلعى الاوضه ياتقى
وسابهم ودخل اوضة وقفل الباب وراه
تقى خدت رعد وطلعوا الاوضه
اقعد سيف على السرير وبدات تروح وتيجى فى الاوضه والتفكير هيفجر راسها وتقول ازاى رعد بيعامل ابوه كده وابوه بيقول ليه كدة واى الحكاية فسخ العقد دى وليه سيف مرعوب كده
قاطع تفكيرها سيف: ماما تعالى اتفرجى معايا
تقى: اتفرج انت ياسيف وانا جاية اهو
قعدت تقى وبدات تفكر
سيف: هو انتى بتفكرى فى اى ياماما فى جده صح
تقى: اه ليه كنت خايف من جده مش دا جدك
سيف: لا مش جدى ولا فى جد كدة وبدا يتوتر
راحت تقى وحضنته وبدات تهديه
سيف: جده هو اللى قتل ماما وبابا وهو اللى حرمنى منهم وهو اللى وقعنى من على السطح ومعرفتش امشى بعدها انا بكره مش بحبه هو عاوز يقتلنى زى ما قتل بابا وماما هو راجل وحش وانا مش بحبه
تقى: اهدا ياقلبى انا معاك اهو ومش هيقدر ياذيك
تقى مصدومة قتل معقولة
خدت تقى سيف فى حضنها ونيمته
وخرجت وراحت لرعد الاوضة اللى كان فيها خبطت ومالاقيتش حد
والباب كان مفتوح
نادا على رعد لكن مافيش حد دخلت الاوضه وكانت عبارة عن مكتب وكرسى
دخلت وبتنادى على رعد لكنه مش موجود
قالت هخرج ادور عليه بره وهى خارجة لمحت صورة بنت على المكتب
تقى لنفسها: اروح اشوفها ولا امشى عيب عيب اوى ياتقى لما تعملى كده خلاص انا هخرج لا لا مش قادره انا هشوفها وامشى
قربت تقى من المكتب ولاقيت صورة بنت جميلة جدا جدا جدا تشبه الملاك بالظبط قلبت تقى الورقة ولاقيت مكتوب عليها حبيبتى انا عمرى ما هنساكى
سابت تقى الصورة وخرجت لما حست ان فى حد جاى
وبعدين راحت لاوضتها
تقى لنفسها: حبيبتى وعمرى ما هنساكى هى بصراحه حلوة اوى بس….. اى ياتقى مالك زعلانه كدة ليه وهو انتى صدقتى انه خطيبك ولا اى فوقى ياماما دا تمثيل مالك فى اى مضايقة كدة ليه انا هشغل نفسي بحاجه
مسكت كتاب تقرا فيه ولكن برضو عقلها فى كلام سيف والصورة
خرجت تقى وقررت انها هتخش مكتب رعد وتشوف فيه اى
راحت تقى ودخلت المكتب تانى وفتحت الدرج لاقيت فيه مذاكرات لرعد من سنة
فتحت تقى المذاكره وبدات تقرا
انا رعد ودى حبيبتى تالا
لكنها مش موجودة سابتنى ومشيت وبقيت لوحدى فى الدنيا انا عاوز اقولك ان الدنيا من غيرك وحشة اوى ومش قادر اعيش من غيرك انا جاى اعترفلك اعتراف مش قادر اقوله لحد انا عايش بس على امل ان سيف يمشى تانى اشوفه قدامى يتنتط زى الاول وزيادة اعترافى ان ابويا قتل اخويا ومراته وهو اللى اذى سيف انا مقدرتش اعترف عليه لشرطة علشان دا ابونا مقدرتش انا عارف انى غلطان بس انا مش هضيع مستقبل سيف لما يطلع ويلاقى جده فى السجن بس انا بوعدك انى احميه بس مش قادر استحمل فكرة ان ابويا ايده متوسخة بدم اخويا ومراته وللى اكتشفته بعد فترة وانه بنفسه راح وبلغ وقال انه حادثة عربية واللى عرفته انه قطع فرام العربية وطلب من اخويا ومراته انه يطلعوا يجبولى حاجه من الشركة وسلط عليهم عربية نقل دهستهم على الطريق السريع ومااكتفاش بكدة لا وكمان شال سيف الطفل اللى عنده تلت سنين ورماه من سطح الفلة مش ممكن اسامحه فى حياتى انا قررت انى انفصل عنه وهاخد سيف وابنى مستقبل ليا وليه بعيد عنه بتعبى وشقيا ومش هسامحه فى حياتى انا مش عارف اعمل حاجه انا لسه مكتشف النهارده من سنتين وهو مفهمنى انه حادث لا دا مفهم الدنيا كلها واحشينى ياحبيبتى مش لو كنتى جنبى دلوقتي كنتى صبرتينى انا بحبك وهفضل احبك لحد مااموت ماليش غيرك احكلها كل اسرارى وماليش غيرك اشكيله بحبك ❤وواحشتينى جدا
سمعت تقى صوت رعد وهو بينادى عليها خرجت جرى من الاوضه ودخلت اوضتها وعملت نفسها نايمة جنب سيف
دخل رعد الاوضة وبس عليهم وقال انا ماليش غيركم دلوقتي وهحافظ عليكم حتى لو التمن روحي 🔥
وقربت من سيف وباس راسه
وقرب من تقى فتحت تقى عنيها بسرعة برق رعد بعينه وبعد بسرعة
تقى انت كنت ناوى تعمل اى
رعد: احم احم هعمل اى يعنى كنت بشوفك نايمة ولا صايحة
تقى: اممم طيب
رعد: اااه انتى عاملة ايه دلوقتي
تقى: الحمدلله بخير
رعد: دايما يارب اسيبك ترتاحى
خرج رعد بسرعة وهو بيبص وراه ومكسوف
تقى لنفسها قال مالكش غيرنا قال يابتاع تالا 😂
وانت ياعباس الزفت طلعت اوسخ من الوساخة انا كدة فهمت هو بيعاملك ليه كدة وليه الواد المسكين دا مرعوب منك انت تستحق الشنق وعلى ايدى ان شاء الله ♥ لازم اجيب حق الواد اللى خليته يتيم دا باى شكل
مسكت تقى: اللاب بتاع سيف وعملت سيرش عن عباس الصافى
لاقيت ان عباس الصافى بتاع بنات مقضيها يعنى بيحب الحفلات وجوه الانحراف
تقى: هو ديل الكلب 🐕عمره هيدعدل اللى يقتل ابنه هنتوقع منه اى تانى والله لاوريك
مسكت تقى تلفونها ورنت على مى وقالتلها تيجلها قصر رعد
بعد ربع ساعة جت مى
الحارس: انتى مين
مى: انا مى صاحبه تقى
الحارس: تقصدى ست تقى
مى: ست تقى!!اااه ست تقى
الحارس: انتى مش باين عليكى خالص
مى: مش باين عليا اى ياراجل انت بقولك ايه استنى هتصلك بيها
مى: الوو ياتقى فى حمار هنا واقف على البوابة مش راضى يدخلنى.
تقى بضحك: عيب يابنتى ادهولى
مى: خد ياخويا
الحارس: الوو ايوه ياست تقى يرضيكى الولية دى بتقول عليا حمار
مى: ولولو عليكى ساعة يابعيد
تقى: حقك عليا انا ياعم احمد معلش دخلها
عم احمد: ادخولى والله لولو الست تقى ما كنت هدخلك
مى: بص ياراجل انت انا مش هرد عليك
دخلت مى وهى منبرة بجمال القصر وبتقول يالهوووى دا كله طريق للقصر امال القصر هيكون عامل ازاى
وصلت للقصر وبعدين مسعد فاتحلها ووصلها لاوضة تقى
مى: يابنت المحظوظة اى العيشة دى واى الاوضة دى دى اوضة سندريلا
تقى: اقعدى بقا عاوزاكى فى موضوع مهم
مى: قولى بس بعدها هتفرجينى على القصر
تقى: حاضر بس واطى صوتك علشان سيف نايم
مى: مش دا الواد اللى كان معاكوا فى الصور
تقى: اه
مى: ولاد عز بسم الله ماشاء الله ♥عسل
تقى: اقعدى بقا واسمعينى كويس
حكيت تقى لمى كل حاجه عن عباس والىى عمله وفى الاخر قالتلها بس دا سر محدش يعرفه انا عاوزة منك خدمة انا عاوزة واحدة تدحرج عباس دا لحد ما نقفشه ونروق عليه ونخليه يتربى انا عاوزة كل املاكه تتنقل باسم الواد اللي خلاه يتيم الاب والام فى نفس الوقت
مى: الراجل الكلب 🐕 الحيوان بس هو اقتلهم ليه
تقى: معرفش ملحقتش اكمل
مى: انا بنفسى اللى هادب عباس الكلب دا وهجيب حق الواد دا تالت ومتلت
تقى: لا اخاف عليكى هو راجل مش سهل زى ما انتى مفكرة دا ماية من تحت تبن
مى: متقلقيش انا اتعاملت مع الاشكال دى الراجل الكبير من دول لما يشوف بنت من دور عياله وحلوة بيريل عليها انا هخليه يدور كعب داير ورايا وهجيب حق الواد دا يعنى هجيبه بس عاوزة اعرف تحركاته والباقى عليا
تقى: انتى متاكدة
مى: اها
تقى: توكلنا على الله
سيف صحى وقال: ماما مين دى
مى: ماما؟؟!
تقى: دى طنط مى اختى
مى: ايوه ياحبيبي انا مى
سيف: ازيك ياطنط مى
مى: والله 😂طنط من بوقك زى العسل عاوزة تتاكل الا ماعندكوش اكل هنا ولا اى ياتقى
تقى: ياخرابى دايما فضحانى كده 😂فى كل حتة بسبب كرشك دا
سيف يضحك: طنط مى جعانة ياماما وانا كمان
تقى: طيب يالاه نطلب من عم مسعد يجبلنا الاكل
وفجاة صوت رعد على وينادى على مسعد
مى: انتى روحتى فى داهية هتلاقيه عرف انك دخلتى الاوضه دلوقتي
تقى: راحت عليا انتهيت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق رعد)
