رواية عشق بطعم صعيدي الفصل الثاني 2 بقلم إسراء ابراهيم
رواية عشق بطعم صعيدي الجزء الثاني
رواية عشق بطعم صعيدي البارت الثاني
رواية عشق بطعم صعيدي الحلقة الثانية
هما الاتنين كانو بيبصو لبعض بصدمة وخصوصا ماهر اللي مكنش متخيل انه هيقابل البنت دي تاني وبالطريقة دي وانها تكون من بيت زين اللي مبيحبوش ولا بيطيقه وده خلي كر*هه ليها يزيد اضعاف ،،جريت زينة من قدام ماهر عالمطبخ وهو متابعها بعنيه بغموض
زينة بخوف /الحجيني يا بدور ،،اخوكي برة وانا اللي فتحتله بيدي اللي تنجط*ع دي
بدور بابتسامة / وه وخايفة اكده ليه بس ،، ولا عشان الموقف اياه اللي حكتيلي عليه
زينة بقلق / ايوة طبعا ،،لو شوفتي نظراته ،،كنت حاسة انه هاين عليه يو*لع فيا
بدور بحب/ متخافيش ،،ماهر اخوي ده مفيش احن منه ،، انا هخرج ليه بجي احسن يكون زين لسة منزلش
خرجت بدور وزينة كانت واقفة اعصابها سايبة وخايفة اوي من جواها رغم انها مش مبينة ده من برة
بدور بابتسامة / وه ايه النور ده يا اخوي اتفضل
ماهر بحنية/ عاملة ايه يا جلب اخوكي ،،وحشتيني جولت اجي اطمن عليكي
بدور بفرحة/ كفايا عليا اني شوفتك يا ماهر ،،ربنا يخليك ليا
ماهر بغموض / اومال جوزك فين ؟
بدور بتوتر/ بيلبس ،،اصله مسافر مصر انهاردة عشان شغله
ماهر بخبث / خلاص هتحدت معاه يخليكي تيجي تجعدي معانا لحد ما يعاود
بدور بتلقائية/ مش هينفع يا اخوي عشان مفيش حد اهنه غيري يجعد مع خيته ،واكيد مش هيهملها لحالها
ماهر بغموض / هي اللي فتحتلي الباب دي مش اكده ؟
بدور بتردد/ ايوة دي زينة اخت زين
ماهر بسخرية/ ااه زين وزينة ،، فهمت دلوك
زين بتوتر وهو نازل عالسلم / اهلا يا ماهر ،،نورت الدار
ماهر ببرود/ الدار منورة باهلها يا زين ،،انا جيت اطمن علي خيتي وكنت رايد اتحدت معاك في كلمتين
زين بقلق / اكيد طبعا تعالي ندخل المكتب ،،هاتلنا الشاي يا بدور وحضري الغدا بسرعة
……………………………………….
زين بصدمة/ وه ،،يعني انت جاي عشان تجولي انك موافج علي اقتراحي ،،اشمعني يعني دلوك ؟
ماهر ببرود/ والله لما فكرت بحديتك ،،لجيت انك عنديك حج وان هي الطريجة الوحيدة اللي هتخليني مطمن علي خيتي ،، لما اتجوز خيتك ،،واهو يبجي زيتنا في دجيجنا ونبجي نسايب ولا انت غيرت رأيك
زين بسرعة/ هه ،،لا طبعا ،، اغير رأي كيف يعني ،،هو انا افديك الساعة لما خيتي تتجوزك يا ماهر ،،خلاص علي خيرة الله
ماهر بغموض / خلاص انت تسافر ولما تعاود بالسلامة بجي نكتب الكتاب ونعمل الفرح ،،بس اعمل حسابك اننا هنعيش كلياتنا سوا في بيت ابوي ،، اهو نبجي عيلة
زين بقلق / ان شاء الله يا حبيبي الف مبروك
ماهر ابتسم بخبث وهو من جواه ناوي علي نية لزين وانه يعرف ايه اللي مخلي بدور اخته حزينة كدة وينتقم من اخت ماهر ويردهاله فيها وكمان ينفذ انتق*امه لنفسه من زينة اللي مكنش متخيل انه هيلاقيها بالسهولة دي
………………………………………….
زينة بصدمة/ يا مري جواز ؟
بدور بفرحة/ ايوة طبعا ،، هتبجي مرت اخوي يا زينة والله انا فرحانة عشانك جوي ،،انتي مخبراش ماهر اخويا ده راجل حنين جد ايه
زينة بخوف / حنين عليكي انتي ،،عشان انتي خيته ،،لكن انا ،،اكيد هو رايد ينتجم مني ،،عشان اللي عملته معاه في الشارع
بدور بابتسامة / لا طبعا ،، ماهر مش كدة ،،انا عارفاه كويس ده اخويا ،، هو لو مش رايدك ومش حاسس ناحيتك بحاجة مكنش اتجدملك ،، صدجيني ماهر مفيش راجل في حنيته ولا صدقه ،، كفايا انك هتحسي معاه بالامان وانتي مطمنة انه مش هيبص لغيرك ابدا
زينة بحزن وهي بتحضن بدور / حاسة بيكي يا خيتي ولو بيدي كنت روحت لزين وضر*بته جلمين يمكن يفوج لنفسه ويعرف جيمتك
بدور بابتسامة / زين خلاص مبجاش شايفني يا زينة ،، المصراوية خليته كيف الخاتم في يدها ،، خليته مبجاش شايف غيرها فمش هيبص لواحدة زيي
زينة بضيق /وه وهو كان يطول يتجوزك اصلا ،،ده انتي تجولي للجمر جوم وانا اجعد مطرحك اوعي تجولي اكده تاني ،،زين مسيره يفوج وانتي بيدك ترچعيه تاني ليكي يا بدور ،،صدجيني ده اخوي وانا عارفاه ،،هو بس مبهور ببنتة مصر لكن بيحبك والله ومش بيطيج عليكي الهوا
بدور بحزن/ وهو انا بيدي ايه اعمله يا زينة ،، كفايا الن*ار اللي جايدة في جلبي وانا خابرة انه رايح يجابلها
زينة بحزن/ حجك عليا يا بدور ،،انتي متستاهليش كل ده اني متوكدة و ان شاء الله زين هيرجع لعجله ويعرف جيمتك
بدور بحزن/ يارب يا زينة
…………………………………………
تسنيم بحزن مصطنع وهي بتمسك ايد زين/ يعني ايه يا زين انت بجد عاوزني ابعد عنك ؟
زين بجدية وهو بيسحب ايديه/ ايوة يا تسنيم ولو سمحتي استقالتك تجدميها انهاردة وهتاخدي مكافأة كويسة بس هتسيبي المصنع
تسنيم بتوتر / طب هو انا عملت حاجة ضايقتك ؟
زين بتنهيدة/ كفايا لحد اكده يا تسنيم ،،انا معنديش استعداد اخسر مرتي وبيتي ،، انا كنت جاي انهاردة عشان اجفل كل حاجة معاكي ،، ياريت تبعدي بهدوء لاني عمري ما هفكر اتجوز علي مرتي
تسنيم بضيق / ويا تري بقي هي اللي طلبت منك تعمل كدة؟
زين بجدية/ حاجة متخصكيش بس انا هجولك ،،انا اكتشفت قد ايه انا راجل جاحد لاني السبب في الحزن اللي مرتي فيه ،، قد ايه اتغيرت من وقت ما عرفت بعلاقتنا ،، دايما ساكتة وحزينة وحتي مفكرتش تواجهني،، انا خايف اخسرها لاني خابر اني لو خسرتها مش هعوضها ولو بمال الدنيا كله ،، ياريت بجي تجدري ده وتبعدي عني يا بت الناس
تسنيم بضيق/ ماشي يا زين ماشي
………………………………………..
بارك الله لكما وبارك عليكما وجمع بينكما في خير
زين بفرحة/ الف مبروك يا ماهر
ماهر ببرود/ الله يبارك فيك
بدور حض*نت زينة بفرحة بس زينة كانت من جواها خايفة اوي متعرفش ليه بعد الفرح اخد ماهر زينة وطلع اوضتهم فكانت زينة متوترة اوي واتخضت لما سمعت صوت هبد الباب فبصت لماهر بقلق وهو كان بيبصلها بغضب
زينة بتحذير / لو عملت اي حاجة هنده علي اخوي واخليه يجي يعلمك الادب انت فاهم ؟
ضحك ماهر بصوت عالي وهو بيقرب من زينة ببطئ وهي بترجع لورا بخوف
ماهر بسخرية/ انتي فاكرة ان اخوكي ده هيجدر يخب*ط بس علي الباب ؟ ده انتي طيبة جوي
زينة بخوف / طب خليك بعيد واوعاك تجرب والا هصرخ انت فاهم ؟
ماهر ببرود/ صرخي ووريني شطارتك يا حلوة ،،بجي انتي بجي جولتيلي يا لوح مش اكده ؟
زينة بخوف / انا جولت لبدور انك اتجوزتني عشان تنتجم مني وهي مصدجتنيش
خلصت زينة كلامها وجت تجري من ماهر فلحقها ومسكها من ايديها وهو بيشدها عليه فخب*طت فيه وكانت قريبة منه اوي وبصاله بخوف والدموع في عنيها
زينة بدموع / والنبي متعملش فيا حاچة ،،انا اسفة ،، لو سمحت هملني لحالي وانا اوعدك اني مش هجرب منك ولا هضايجك تاني
كان ماهر بيسمعها وهو مركز في عنيها العسلي ومستغرب دقات قلبه وقتها ،،كان مركز في تفاصيلها وهي بتتكلم وعنيها اللي بتربش حاجة مرة من الخوف ودموعها اللي خلته يسيبها مرة واحدة عشان تطمن وتوقفهم
ماهر بتوتر/ انا هروح اغير خلجاتي في الحمام وانتي خليكي اهنه واوعاكي تتجنني وتخرجي فاهمة
زينة بخوف وتهتهة/ حااضر فاهمة
دخل ماهر وساب زينة واقفة بتنهج وخايفة اوي ولما هو اختفي حطت ايديها علي قلبها براحة لانها كانت خايفة احسن يضر*بها ،،غيرت هدومها بسرعة ورجعت وقفت مكانها بخوف احسن يزعق انها اتحركت منه ووقتها خرج ماهر واتصدم من جمالها ،،فكان مبهور بيها وقرب بهدوء منها
ماهر بجدية/ احم ،، يلا عشان ننام
زينة بتردد/ انا ممكن انام عالكنبة دي ؟
ماهر بعند/ لا ،،هتنامي جمبي ،،جمب جوزك ،، يلا ولا تحبي تنامي بالعافية
جريت زينة عالسرير بسرعة وخوف من تهد*يد ماهر فابتسم هو بهدوء علي رد فعلها ونام هو كمان بحيرة لانه مكنش متخيل ان كل ده يحصل وان خطته تفشل من اول يوم بسبب براءة زينة وعيونها اللي سحرته
…………………………………
زين بتردد وهو بيقرب من بدور اللي كانت سرحانة / بدور كنت رايد اتحدت معاكي
بدور بحزن/ سامعاك يا زين جول اللي عندك
زين بندم/ انا اسف يا حبيبتي ،، انا رايدك تسامحيني يا بدور
بدور بتلقائية / علي ايه بجي بالظبط حاكم احنا بيناتنا حجات كتير
زين بصدق/ علي الحجات اللي انا خابر انك عارفاها ،، انا خابر انك ليكي حج تزعلي وتهمليني كمان بس صدجيني خلاص انا جفلت كل حاجة وكمان معدتش هنزل مصر تاني يا بدور
بدور باستغراب / انت بتجول ايه ؟ يعني ايه مش فاهمة ؟
زين بابتسامة / يعني اني بعت المصنع اللي في مصر خلاص ،، عشان ثقتك فيا ترچع تاني وعشان ده اجل حاجة اعوضك بيها عن اللي عملته في حجك
بدور بدموع / انت بتتكلم بجد يا زين ؟ طب وتسنيم ؟
زين بندم/ خلاص والله معدتش هشوفها تاني ،، انا كنت اناني يا بدور ،،مكنتش واعي للنعمة اللي في يدي وخصوصا اما سكتي بعد ما عرفتي كل حاچة ورضيتي بالامر الواقع ،،حسستيني قد ايه انا صغير ومستاهلكيش ،، سامحيني يا بدور واوعدك اني هعيش عمري كله اعوضك عن الچر*ح اللي سببتهولك
بدور بصدمة وهي بتعيط/ تعرف اني بكيت كتير يا زين بسببك ،، كنت كل ما احس بالن*ار في جلبي اصلي وادعيلك ترجع ليا من تاني ،،كل ما احزن ادعي ربنا انه يجدد حبي في جلبك وترجع ليا زين اللي عشجته ،، قررت اتسقف واتعلم عشان تشوفني كيف ما كنت جبل سابج ،، بس كنت دايما خايفة تطلع النهاية فُراق يا زين
زين بندم وهو بيشدها لحض*نه/حجك علي جلبي يا بدور ،، اوعدك اني اتغير واني مشوفش غيرك يا روح جلبي
بدور براحة وهي مغمضة عنيها / مصدجاك يا زين عشان واثقة ان ربنا استجاب دعايا
………………………………..
تاني يوم كان واقف ماهر قدام المراية بيسرح شعره لما قامت زينة من النوم
زينة بسرعة/ انا اسفة مخبراش كيف نمت كل ده
ماهر بجدية/ محصلش حاجة ،، اكده ولا اكده مكنتيش هتعملي حاجة يعني
زينة بهدوء/ طب احضرلك الفطور
ماهر ببرود/ لا مبفطرش انا بروح الشغل اكده
زينة بتلقائية/ كيف ده بس لازمن تفطر عشان تعرف تشتغل ،،ثواني هحضر الفطور علطول اوعاك تنزل ماشي ،،ثواني وهبجي جدامك
كان ماهر هيعترض بس زينة مدتوش فرصة وسابته ونزلت فاتنهد بحيرة وشوية ولاقاها داخلة عليه بصنية عليها فطار
زينة بابتسامة / مش جولتلك مش هتأخر عليك ،،يلا افطر بجي عشان تنزل علي شغلك
ماهر مرضاش يكسفها فقعد فطر معاها
ماهر بجدية/ الحمد لله ،،هنزل اني عشان متأخرش اكتر من اكده
زينة بابتسامة جذابة/ ترچع بالسلامة
ماهر بصلها شوية باستغراب من معاملتها ليه فاتحرجت زينة وبصت للارض واتفاجأت بيه بيقرب منها وبا*س راسها وسابها ومشي فقلبها دق وابتسمت بتلقائية وقامت بسرعة نزلت عشان تحضر الغدا بس وقفت مكانها بصدمة لما سمعت ماهر بيتكلم مع ابوه
مغاوري بقلق / اوعاك تكون زعلت البنية يا ماهر ،،البنتة مالهاش دخل باللي خيتك فيه ؟
ماهر بتوتر/ جصدك ايه بس يا ابوي
مغاوري بثقة/ اجصد اني خابر انك اتجوزت اخت زين لاجل ما تنتجم منه علي اللي بيعمله مع خيتك وعشان اكده بجولك اوعاك تعمل اكده ،،البنتة خلاص بجت مرتك فاوعاك تزعلها
ماهر بهروب/ ماشي يابوي ،،بعد اذنك اني ماشي
مسحت زينة دموعها بحزن لانها كانت اتعشمت ان ممكن يكون حبها فعلا خصوصا بعد معاملته ليها وانه عشان كدة اتقدملها بس طلع كل ده خيال ووهم فمسحت دموعها وهي من جواها مقررة متتكلمش مع ماهر ولا تواجهه لانها تستاهل فعلا انه ينت*قم منها بسبب اللي اخوها بيعمله مع اخته فكملت نزول ودخلت المطبخ تشوف هتعمل ايه وعدي نص اليوم وعقلها مشغول لحد ما دخلت عليها بدور
بدور بابتسامة / ده ايه النشاط ده كله ،،كل ده عشان سي ماهر
زينة بابتسامة كدابة/ اهو جولت اعمل كيف ما المتجوزين بيعمله ،، انا جربت اخلص الوكل ،، ايه رأيك تعملي انتي السلطة
بدور بفرحة / ماشي ،،انا هعمل السلطة لان زين حبيبي بيحبها كمان
زينة باستغراب / زين حبيبك ،، انتي سخنة يا بدور يا حبيبتي ولا حاجة ؟
بدور بضحكة طالعة من قلبها/ ايه هو عيب احب في چوزي ولا ايه ؟
زين بابتسامة من وراها / ده جوزك اللي بيموت فيكي يا جلب زين
بدور اتكسفت لما سمعت كلام زين وبصتله بخجل فقرب منها وحاوطها بايديه بحب تحت نظرات زينة المصدومة
زينة بصدمة/ انتو اكيد مش في وعيكم مش اكده ؟
ضحكو بدور وزين مع بعض علي زينة وصدمتها اللي مخلية شكلها يضحك
زين بهيام/ انا جعان يا جلب زين ،،مش هناكل
بدور بابتسامة / حالا يا حبيبي الاكل هيكون جاهز بس ماهر يجي ونغرف علطول
زين بحب / ماشي هروح انا اجعد مع عمي لحد ما ماهر يجي
خرج زين فبصت زينة لبدور باستفهام فضحكت بدور وهي بتحض*نها
بدور بفرحة/ هحكيلك كل حاجة بس اوعي تض*ربيني
…………………………….
دخل ماهر البيت بعد يوم شغل متعب اوي بالنسباله وكان متعب اكتر في تفكيره في زينة واحساسه ناحيتها وانتقا*مه اللي مش قادر ينفذه معاها ،، انتبه لصوت زين وبدور اللي كانو بيهزرو مع بعض وواضح من طريقتهم انهم سعدا سوا ووقتها ماهر اتنهد براحة وخصوصا اما شاف في عيون بدور انها سعيدة وبتحب زين اوي
ماهر بابتسامة/ السلام عليكم ولا مش فاضيين تردو السلام
بدور بخجل / عليكم السلام يا اخوي ،، اجول ايه ،،زين اللي بيرخم عليا ،،شوفت بجي يا سي زين مش جولتلك
زين بغمزة/ والله واحد وبيهزر مع مرته يا سي ماهر اللي غيران مننا يعمل زينا ولا ايه عاد ؟
ابتسم ماهر ورد وهو بيدور بعنيه عليها/ وفينها زينة اومال
بدور بخبث/ في المطبخ ،،من الصبح وهي واجفة علي رجلها بتعمل الاكل ،،قال عشان چوزي يتقوي
ابتسم ماهر وسابهم ودخل المطبخ لزينة وابتسم بتلقائية اول ما شافها
ماهر من وراها / عرفت انك عاملة كل ده عشاني ،،صوح الحديت ده ؟
زينة بقلق/ ايوة ،،انا جولت احضرلك لقمة زينة ،،عشان اكيد انت بتتعب جوي برة
زينة اتفاجأت بماهر بيقرب منها وبيشدها لحض*نه فتنحت وقلبها كان بيدق جامد اوي ووشها احمر من الخجل
زينة بخجل / ماهر انت بتعمل ايه ؟ عيب اكده ،،حد يدخل علينا
ماهر بثقة / اللي يدخل يدخل،، واحد وحاض*ن مرته فيها ايه دي بجي
زينة باندفاع / انت مش بتكر*هني يا ماهر مش اكده ؟
ماهر خرجها من حض*نه ومسك وشها بايديه / ليه بتجولي اكده ؟
زينة بدموع/ عشان بدور وزين ،،انا خابرة انك اتجوزتني عشان تنتجم مني
ماهر بتنهيدة/ انسي اللي سمعتيه يا زينة لاني لو جادر اعمل ده كنت عملته عشية ،، بس اني حالي اتجلب لما عنية وجعت عليكي ،،كانك اسرتيني يا زينة البنتة
زينة بابتسامة من بين دموعها/ يعني مش هطلجني يا ماهر ؟
ماهر بثقة وهو مركز في عيونها/ بجولك اسرتيني يا زينة ،،تفتكري هجدر اهملك تبعدي عني برضك ؟
زينة بابتسامة / تعرف لما جابلتك في الشارع جلبي دق ،، بس خفت مشاعري تبان فاضريت اهلفط في الحديت
ماهر ضحك بطريقة جذابة/ اممم عشان اكده بجي ،،كنتي بتداري علي مشاعرك ناحيتي
زينة بخجل / ايوة ،، خفت تحس بيا
ماهر بتنهيدة وهو بيمسك ايديها / دلوك انا رايدك انتي اللي تحسي باللي في جلبي واللي حصلي في يوم وليلة يا زينة بسبب عيونك الحلوين دول
زينة بابتسامة ودلع / ده العشج يا ابن الزناتي
ماهر بابتسامة وهو بيضمها ليه / واني موافج يصيبني العشج لو منك انتي يا زينة البنات
تمت
لقراءة الرواية كاملة اضغط على : (رواية عشق بطعم صعيدي)
