رواية عشق بالخطأ (أحببت مجنونة 5) الفصل الحادي والخمسون 51 بقلم نجمة براقة

رواية عشق بالخطأ (أحببت مجنونة 5) الجزء الحادي والخمسون

رواية عشق بالخطأ (أحببت مجنونة 5) البارت الحادي والخمسون

رواية عشق بالخطأ (أحببت مجنونة 5) الحلقة الحادية والخمسون

#سليم
كلام شاديه حيرني ومقدرتش اتجاهله، علشان كده كلمت ميرال من حساب ” اسير عينيها ” وبعد وقت ردت عليه
سليم: عاوز اتكلم معاكي
ميرال: عاوز ايه تاني
سليم: انا دلوقتي رايح للمأذون ف لو تقدري تيجى عشان ميبقاش طلاق غيابي وتقدري تاخدى ورقتك منه في اي وقت
ميرال : مش رايحة، تقدر تطلقني وخليهم يبعتو الورقه علي المحكمه
سليم: المأذون مش هيوافق
ميرال: مليش فيه، انا مش عايزة اشوفك تانى
سليم: على كل حال لازم نتقابل علشان تاخدي حقوقك
ميرال: مش عايزة من وشك حآجه
سليم: انتي مش هتبقششي عليه، حقك هتخديه وتستلميه بنفسك
ميرال: حقاني اوي وطيب وابن ناس
سليم: اوووف….. ميرال باختصار كده انتي حامل ولا لأ
ميرال: حامل؟ مين قالك الكلام ده
سليم: محدش قالي، بس عاوز اطمن قبل ما اسافر
ميرال: ولو قولتلك لأ هتسافر
سليم: حامل.ولا لأ، سؤال ورد غطاه
ميرال: ايه خلاك تقول الكلام ده
سليم: مفيش سبب
ميرال: اها….. لا مش حامل، تقدر تسافر ومترجعش تاني
سليم بخيبة امل : اه….. طيب….. اشوفك وشك بخير و ورقتك هتكون عندك
ميرال بدموع: في ستين داهيه
قالت كده وعملت بلوك،…… كان عندي امل اني ارجعلها رغم كرهي ل ابوها، بس دلوقتي مفيش حآجه تربطني بيهم تاني،
طلعت من البيت وروحت للمأذون علشان اطلقها، وانا حاسس اني بتخلا عن روحي، عن حته مني
#ميرال
حقير واناني مبيفكرش غير فى نفسه، حتي لما حس اني حامل كلمني عشان الحمل مش عشاني
خالد وشاديه يدخلو علي صوت تكسير في الاوضه يلاقوها بتكسر بانفعال وتبكي
ميرال ببكاء: واطي… ندل…. انا بكرهو
خالد يمسكها: اهدى مش كده، للانفعال غلط عليكى
ميرال تضرب بطنها وتبكي: مش عاوزاه، لا هو ولا ابنه
خالد يمنعها: حبيبتي غلط كده علشان خاطري اهدى
ميرال تشد في نفسها: مكلمني عشان يطمن لو مفيش حمل يسافر وهو مرتاح يا بابا،… انا مش عايزة حآجه تربطني بيه لازم انزله
خالد: عرف انك حامل
ميرال ببكاء: ولا عمره هيعرف، انا بكرهو
شاديه: هي حامل؟
خالد: اعملي لمون بسرعه
ميرال تصرخ بانفعال: مش عاااوزه حآجه… سيبني يا بابا
#شاديه
انفعالها زاد لغيت ما وقعت من طولها وجبنالها الدكتور ادالها حقنه ونامت، وانا روحت بعيد وبقيت اتصل على سليم علشان ابلغه قبل ما يسافر وهو مكنش يرد عليه خالص
#سليم
روحت طلقتها عند المأذون وروحت من هناك على المستشفى علشان اسلم عليهم، وانا اصلا مكنتش قولتلهم اني مسافر، ومتوقع ردت فعلهم تكون صعبه، بس مهما يحصل مفيش حآجه هتمنعني اني اسافر
سيف: تعاله حبيبي
سليم: ازيكم
الكل: تمام
سليم: عامل ايه دلوقتي يا أسر
أسر: زي ما انا
سليم: هانت دلوقتي تفك الشاش وتشوف تاني
أسر: يا مسهل
سليم: اممم طيب يا جماعه، اشوف وشكم بخير
مسك: رايح فين
سليم: مسافر
سيف: فجأه كده
سليم: اها
سيف: هترجع امتي
سليم: مش مش راجع تاني
الكل ينظرو له
أسر: ايه الكلام ده
سيف: يعني ايه مش هترجع
سليم: يعني انا مهاجر، ومش هرجع مصر تاني
مسك توقف قدامه: سليم اتكلم بجد
سليم: بتكلم جد يا ماما انا خلاص حجزت وطيارتي كمان تلات ساعات
سيف: من غير ما تسألنا ولا تعملنا حساب
سليم: لو قولتلكم كنتو هتمنعوني
أسر: لا ياسيلم عشان خاطري متعملش كده،
سيف: انسا الكلام ده مفيش سفر
سليم: مش هينفع اقعد تاني سامحوني،
سيف: ليه ياسليم،
أسر: اكيد لسه زعلان منى…. انا اسف ياسليم عشان خاطري متسافرش
سليم: لا ياحبيبي مش زعلانه منك، بس انا محتاج السفر ده
سيف: ليه، هتلاقي اهل تانين غيرنا ولا حد يحبك زينا
سليم: عمري ما هلاقي في طيبتكم ولا جدعنتكم معايا، بس ارجوكم سيبوني علي راحتي … يلا عن اذنكم
سيف يوقف قدامه: انا ابوك وبقولك مفيش سفر ولازم تنفذ كلامي
سليم: علي راسي ياحبيبي، بس انا لو قعدت تاني مش بعيد افكر في الانتحار
مسك: بقا كده يا سليم، بامانه لو ريماس عايشه كنت هتسيبها وتسافر
سليم: يا جماعه افهموني انا مش هقدر اكمل هنا يوم واحد لو بتحبوني سيبوني علي راحتي
أسر: عشان بنحبك مش هنسيبك، انت اخويا ودول باباك ومامتك، مينفعش تسيبنا وتمشي
سليم: اعذروني… ارجووكم سيبوني….. يلا اشوف وشكم بخير
شديت ايدي من بابا ومشيت ورجعت على الشقه عشان اخد الشنطة وامشي، وهناك شوفت التليفون لقيت رنات كتير من شاديه، ف سيبته ومكلمتهاش لانها اكيد هتقولي ميرال تعبانه ومتسافرش والكلام ده، وانا مش حمل حد يضغط عليه
#شدن
مكنش بيكلمني بسبب طريقتي مع سليم، وبردو منطقش،.. ف كلمته وقولتله بصيغة الامر تعاله علشان رايحه مشوار،، وبعد وقت جه وخليته يطلع بالعربية وانا مش عارفه هنروح فين بس حبيت اروح معاه اي مكان ان شالله نلف في الشوارع بدون هدف
أحمد: هتروحي فين
شدن: امشي علي طول
مردش عليه ومشي مسافه طويله ورجع يسألني
احمد: هنروح فين تانى، دخلنا علي الصحراء
شدن: حلوه الصحراء كمل، ومتسالش تاني
أحمد يزفر بضيق ويمشي
بقا طول الطريق ينفخ ومش راضي يبصلي نهائي واخر ما زهق وقف فجأه واتعصب عليه
أحمد بعصبيه: هتودينا فين تاني
شدن: الزم حدودك متزعقليش انا الهانم
احمد يضغط علي اسنانه بغضب: كفااااية استعباط
شدن: اوك دخلنا في الصحراء
أحمد: احنا في الصحراء اهو، هنروح فين تانى
شدن: عاوزة اشوف شكلها في الداخل
دار بالعربية ودخلنا في الصحراء و وقف ونزلني ورجع دخل تاني ومشي مسافه كبيره، وانا بدات اخاف وكنت هبكي بس لقيته راجع تاني و وقف جمبي
أحمد من داخل العربيه: عجبتك الصحراء
شدن ببكاء: يا رزل يا بارد
أحمد: اطلعي لا انزل اجيبك من شعرك
شدن ببكاء: لا، وامشي من هنا يلا
أحمد: اطلعي بقولك
شدن تجري بعيد وهو ينزل ويجري وراها لغيت ما بيلحقها ويوقف قدامها
أحمد: رايحه فين، افرضي سلعوه كلتك
شدن: ابعد عني احسن ما انط في كرشك
أحمد: ماشي نطي في كرشي وسط الناس عشان هنا الذئاب هتاكولنا
شدن: خليهم يكلوك ويريحوني منك
أحمد: يعني مش هتيجي معايا
شدن: لأ
أحمد: براحتك
أحمد يبعد عنها مسافه عشر امتار وهي تقعد على الأرض وتبكي بصوت عالي
شدن ببكاء: منك لله، ربنا ياخدك
أحمد يوقف مكانه: قومي لا عقربه تلدغك
شدن ببكاء: خليها تلدغني احسن من شوفتك
أحمد يرجعلها ويقعد جمبها: هناخد ضربت شمس بسببك
شدن: احمد انا تعبتلك، انت ازاي طايق نفسك
أحمد: مش انتي اللي قولتي اوديكي الصحراء
شدن: قولت عشان انت مش راضي تكلمني
أحمد: ليه مش راضي اكلمك؟
شدن: عشان تمايصت مع سليم
أحمد: مين غلطان فينا علي كده؟
شدن: انت غلطان
أحمد: هو انا اللي اتمايصت
شدن: مش من حقك تزعل، انت لا اب ولا اخ ولا خطيب ولا زوج، ايه يزعلك
أحمد: انتي عارفه ايه مزعلني…. فاهمه كل حآجه يا شدن مفيش داعي اقولك
شدن: يهمني اسمعها منك
أحمد: ممكن نستنا يكون شوفنا الاغنية هتنجح ولا لأ
شدن: لا عاوزة اسمعها دلوقتي حالا لاما تمشي وتسيبني
أحمد بتنهيده: مش حابب اربطك معايا وانا مش عارف مصيري ايه
شدن: انا مربوطه بيك من زمان، انت هنا ( تشير على قلبها)
أحمد بإبتسامه: انتي بتغرري بيه خدى بالك، وانا بضعف بسرعه
شدن: ما تخلص لا الم عليك الناس،… ها. يلا ها
أحمد: اممم ب…….. بحبك
شدن تنزل دموعها: كان صعب عليك تقول كلمه واحده زي دي
أحمد يضع يده خلف راسها ويضمها لصدره: متتخيليش الكلمه دى ممكن تعمل ايه، مكنتش حابب اقول عشان مصلحتك بس انتي دماغك جزمة
شدن تحضنه: مصلحتي معاك انت… حياتي كلها معاك يا أحمد
أحمد يبعدها عنه وهو يسند راسها من الخلف بيده وينظر لعينيها: ممكن طيب منتكلمش في حآجه تانى لغيت ما نشوف هنعمل ايه بعدين
شدن تبتسم وسط دموعها: هننجح يا أحمد
أحمد: اتمنا، يبقا ربنا بيحبني
شدن: يبقا حظي انا الحلو
أحمد بإبتسامة: اقولك حآجه وتصدقيني
شدن بإبتسامة: قول
أحمد: انتي وش فقر
شدن: ههههه مش اوى
أحمد: لا قوي، سايبه كل الناس اللي في حياتك ونسيتي سليم وبصيتيلي انا، فقر فقر يعني
شدن: بس كلهم مفهمش واحد زيك، محدش امن بيه غيرك،
أحمد ينظر لها بتمعن للحظات: انا بقول نمشي، عشان بدأتي تحلوي واحنا لوحدنا ف يلا
أحمد يقوم ويشدها من ايدها ثم تحضنه فجأه وهو يغمرها ويخبئ وجهه بين شعرها الناعم ، ليستنشق عطرها ثم يمسك وجهها بين يديه، يتأمل عينيها وشفتيها ثم يأخذهم في قبلة طويله وبعد وقت يبتعد عنها ويرفع حاجبه ويعض شفته
أحمد: انا بقول نمشي، ها… يلا هتودينا في داهيه
شدن تلمس شفتيها بتوهان : هه
احمد: ههههه هه ايه انتي اللي حضنتيني انا اللي انا ادوخ مش انتي
شدن تضربه في كتفه: انا حضنتك بس،… متبقاش تزودها تاني
أحمد بإبتسامة: لو ممسكتش نفسي مكنتش هضمن اللي ممكن يحصل، ف امشي قدامي علشان والله ما ليه دعوة
شدن بإبتسامة: يلا
احمد يوقفها: لحظه
شدن: ايه
احمد: انتي مقولتيش بتحبيني
شدن: اممممم، حاول معايا شويه
احمد: بتهزري صح
شدن: ههههه مش هقول غير لما عينك تطلع
أحمد: شدن انتي عبيطه … قولي انك عبيطه متتكسفيش
شدن : ليه
احمد: شاورتي علي قلبك وقولتي انت هنا ، واللى حصل من شويه، … ما انتي قولتيها علي كده
شدن: محصلش انا مقولتش حآجه خالص
أحمد: واللى حصل ده كان ايه
شدن: حصل ايه انا مش فاكره
أحمد يمسكها: تعالي افكر
شدن: ههههههههههههههه بس بقا، خلاص افتكرت
أحمد: طيب قولي قبل ما اتهور
شدن بإبتسامة: افكر وارد عليك
أحمد: هعد لتلاته ولو منطقتيش انتي فاهمه بقا… 1 2.
شدن: ههههه بحبك، ويلا بقا الشمس فتحت دماغي
أحمد بإبتسامة: كدة نقدر نمشي
ابو الهول نطق اخيرآ، تعبني جداً علشان يتلحلح، بس المشكله دلوقتي لو الاغنيه منجحتش هيقرفتي تاني
#عائشة
بعد ما مشي سليم عمي سيف زعل اوي وسابنا ومشي ومسك راحت وراه، واسر حالته مكنتش كويسه بسبب الموضوع ده
عائشة تحضنه وتمسح على راسه بحب وحنان: حبيبي بلاش كده علشان متتعبش
أسر بحزن: كنت فاكره هيقدر ينسا اهانتي ليه
عائشة: أكيد مش مسافر بسببك
، وهو هيرجع بس انت ارتاح
أسر يبتعد عنها متأثر بحزنه: فهمت متأخر اني بطريقة ما بخسر الناس الحوليه
عائشة: متلومش نفسك، صدقني مش انت السبب،، ما انتو اصتلحتو وحضر معاك العمليه
أسر: مش بتكلم عنه هو بس، عنك انتي كمان
عائشة: مفيش حآجه، اهدا بقا انت عاوز تنكد علي نفسك وخلاص
أسر: يعني انتي مش زعلانه منى
عائشة: لا مش زعلانه
أسر بتنهيده: شكراً
عائشة: العفو، ابقا تعاله كل يوم
#فرح
تتحدث بالهاتف
جواد: طلعتي مش سهلة
فرح: ههههه خد بالك بقا
جواد: هاخدك معايا ف الشغل، لاننا دايما بنحتاج خطط نوقع بيها المجرمين
فرح: ههههه والله ياريت
جواد: عشان لما المجرم يعيط ف تهربيه مش كده
فرح: ههههه مش بعيد خالص
جواد: اهو عشان كده الستات مينفعش تشتغل في القضاء ولا في الحكومه عمومآ
فرح: عندك حق
جواد: طيب ايه
فرح: ايه
جواد: ايييه
فرح: مالك
جواد: كلمتي مامتك علي موضوع الفرح
فرح: كلمتها وقالت تمام
جواد: اعمل حسابي في اجازه يعني ولا ايه
فرح: ايوه
جواد: على خيرة الله….. قوليلي بقا عامله اية مع الواقع الجديد
فرح: لسه مش متأقلمه مع الموضوع، ولا عارفه انديلو ب بابا
جواد: امال ساعدتيهم يرجعو ليه
فرح: هما الاتنين تعبو وبيحبو بعض، كان لازم يرجعو
جواد: طيب وانتي
فرح: انا عادي كده كده مش مطوله معاهم
جواد: مسيرك تتأقلمي وتحبي عمي ياسر، هو طيب وروش رغم السنين
فرح : ههههه فعلا كل ما يمشي يقولنا تشااو،
جواد: ههههههههههههههه والله لذيذ
فرح: انت عارف ان جنانكم واحد
جواد: انا مجنون يا
فرح: ههههه ايوة، وخاصه لما دخلت على ابوك بالمسدس، في حد عاقل يرفع على ابوه المسدس
جواد: كل ما ارجعلهم لازم اعمل كده وهو يمثل انه خايف ونعيش الحظه،… ودي اسمها روح حلوه مش جنان يا هبله
فرح: انا هبله………… ايه ده فى ايه
جواد: ايه
فرح: اقفل شكلهم مسكو في بعض
قفلت معاه وطلعت اجري بره اوضتي لقيته حاطط دماغها تحت دراعه وهو بتعضه في جمبه
ياسر: اااه يابنت العضاضه، هضربك يا مريم
مريم: انا لا يمكن اعيش معاك ، طلقني
ياسر: مفيش طلاق وهطلبك في بيت الطاعه
فرح : باااااااس، فضحتونا، في ايييه
مريم: شوفي ابوكي
ياسر: شوفيها هي
فرح: ايه اللي حصل
ياسر: مش مصدقه اني متجوزتش وفجاه هبت في وشي تقولي طلقني انت خاين
مريم: مستحيل واحد زيك يعيش من غير ستات ، انت فاكرني هبله
فرح: صح الكلام ده؟
ياسر: محصلش، انا مقدرتش اشوف ستات بعدها
مريم تبتسم: مش مصدقاك
ياسر يوقف وراها: صدقيني يا مريومة قلبي
مريم بإبتسامه: طيب و روان
ياسر: الله يرحمها ماتت من زمان
بقو يدلعو على بعض ولا حاسين اني واقفه ولا فاكرين انهم فضحونا والجيران سمعوهم
فرح: الصبر يارب
مريم تنتبه لها: مالك حبيبتي
فرح: انا اللى ماالي
ياسر باستغراب: فى ايه
فرح : مجنووونه بقا ( بتدخل اوضتها)
ياسر باستغراب: مالها
مريم: مش عارفه
ياسر: أكيد الصايع زعلها، انا عارفه متهور ومجنون
#فارس
روحتلها المستشفى لقيت امها جمبها
روما: انت ايه جابك هنا
فارس: اصلي لماااا رووووحت الشقه، هاا الشقه
روما: اااه استاذ فارس اتفضل ،،، ماما اعرفك الاستاذ فارس
الام: اهلا بحضرتك، صديقك ده؟
فارس بإبتسامة: ايوه صديقها، ازيك يا صديقتي …. مين اللي عمل فيكي كده
روما بإبتسامه ظاهريه: ماما نفسي في شيكولاته ممكن تجبيلي
الام: طيب حبيبتي ( بتمشي)
فارس: مشيتيها ليه، كان نفسى اتعرف عليها
روما: انت ايه اللي جابك هنا بعد اللى عملته فيه
فارس: جيت اطمن انك اتكسرتي كويس بس زعلوني لما قالولي في تهشم في فقره واحده
روما: مش تهشم يا حيوان، النهارده هطلع واطلع روحك
فارس: ههههه مستنكي، اسكوتي مش قادر انسا شكلك وهما شايلينك علي النقاله ههههههههههههههه
روما: اضحك براحتك بس خليك فاكر ان اللى بيضحك اخيرآ يضحك كثيراً
فارس: ههههههههههههههه استمتع بضحك قبل ما تضحكي انتي هاهاهاهوووو ههههههههههههههه
(روما تدير وجهها بعيد عنها)
فارس: شبعت ضحك….ههههههههههههههه، انا اسف بس انتي تستاهلي اللي جرالك
روما: اووووف، ممكن تغور قبل ما ماما تيجي
فارس بإبتسامة: ممممكن، بس هستناكي في النادي علشان الجوله التانيه ههههه
روما: طيب غور من هنا
فارس : اسمها اتفضل يا فيفو
روما: اتفضل يازفت
فارس يذق رجلها ويقعد: ادي قعده… مش ماشي غير لما تقولي اتفضل يا فيفو
روما تنظر للباب بقلق: اتفضل يا زفّت فيفو امشي مش هعرف اقول ايه لماما لو لقيتك كده
فارس: قوليلها فيفو حبيبي مجروح بسببي وبروح معاه الشقه اغيرله علي الجرح هههههههه
روما: اوووووف…. امشي بقا وبعدين نتكلم، بليز
فارس: لما تقولي اتفضل يا فيفو بإبتسامة
روما بإبتسامة ظاهريه: اتفضل يا فيفو
فارس: مش حاسسها، قوليلها من اعماقك
روما : ااااااع….. امشي
فارس: ايه ااع دي هتتحولي ولا ايه ههههههههههههههه
روما: يا استاذ، نكمل استظراف بعدين ممكن
فارس بإبتسامة: ده وعد منك اننا هنكمل استظراف يعنى
روما تهز رأسها بالايجاب: اه، بوعدك
فارس: اذا كان كده ماشي
روما: طيب يلا شطور
#سليم
خدت دوش وجهزت نفسي وخدت شنطتي ومشيت تجاه الباب، وقبل ما افتح حد رن الجرس ف فتحتله
سليم: انت
تفتكرو مين ❗