رواية عشق بالخطأ (أحببت مجنونة 5) الفصل الثاني والثلاثون 32 بقلم نجمة براقة
رواية عشق بالخطأ (أحببت مجنونة 5) الجزء الثاني والثلاثون
رواية عشق بالخطأ (أحببت مجنونة 5) البارت الثاني والثلاثون
رواية عشق بالخطأ (أحببت مجنونة 5) الحلقة الثانية والثلاثون
#سليم
يتحدث في الهاتف
سليم _البنت وصِلت
الطرف الأخر _ اه بقالها خمس دقايق
سليم _ خالد معاها
الطرف _ جاله اتصال مهم جداااا واطر يروح
سليم _ حبيبي تسلملي اتصالاتك
الطرف الأخر _ نوزع العريس بقا
سليم _ لأ الخطه هتمشي زي ماهي
#ميرال
بابا قالي على الكافيه و رقم التربيزه اللي هيقعد عليها، ف روحت هناك، وطول الطريق مستنيه اشوف “أسير عينيها” في اي لحظه، بقيت ابص لشكل الناس، ومحستش بأنه اي واحد فيهم، .. لغيت ما وصلت الكافيه وقعدت دقايق، وبعد شويه شوفت واحد قعد علي نفس التربيزه اللي قالي عليها بابا، ولما ركزت معاه، لقيته بنفس الصفات اللى بابا قالي عليها ، شكله حلو ورياضي وفيه كل المميزات بس مشدنيش لحظه وكل تركيزي علي “اسير عينيها” اللي مستنياه يظهر في اي لحظه،،….. عدا وقت كبير وكنت خلاص فقدت الأمل اني اشوفه هنا، ف قومت واتجهت للباب علشان اخرج ف واحد خبط فيه،.. حسيت كتفي اتخلع،.. سندت كتفي وبصتله لقيته ماشي وسايبني،.. و عرفت انه هو رغم ان شكله مكنش باين ومش شايفه غيره ضهره، نفس الهيئه اللي شوفتها في الحلم واحساس قوي بيقولي انه هو
جريت وراه علشان الحقه بس كان اختفا خالص، وقفت في نص الكافيه ادور عليه وبردو ملقتهوش وفجأه حد حط ايده على كتفي، استدرت بسرعه لما فكرته هو، بس للأسف طلع العريس
فارس بإبتسامة _ انا فارس
ميرال _ اهلا بيك
فارس _ ممكن نقعد نشرب حآجه
ميرال _ لازم امشي
فارس _ بليز خمسه بس
ميرال _ طيب
قعدت معاه وانا بدور على ” أسير عينيها ”
فارس _ في حآجه انسه ميرال
ميرال _ هه،،، لا لا مفيش
فارس _ شايفك بتدوري علي حآجه
ميرال _ مفيش
فارس _ انا مبسوط اوي اني اتعرفت عليكي
ميرال _ هو انت تعرفني منين
فارس _ بابا حكالي عنك، ماهو صاحب عمي خالد
ميرال _ طيب وانت شوفتني فين علشان تطلب ايدي
فارس _ شوفت صورتك علي الفيسبوك
ميرال _ الفيسبوك؟
فارس _ ايوه
ميرال بشك _ انت
فارس _ انا ايه
ميرال محدثه نفسها _ لأ أكيد مش هو، انا متأكده
#سليم
كنت شايفها من بعيد وهي قاعده معاه وبتدور عليه،… مش عارف عرفتني ازاي رغم انها مشافتنيش من وقت ما كانت سنها خمس شهور
روحت الحمام شويه يكون مشيت وبعد دقايق وصلني اتصال بيقولي انها جايه عند الحمامات، جيت اطلع بسرعه قبل ما توصل… ف فتحت الباب فجأه عليه وانا عملت اني معرفهاش وجيت امشى وقفت قصادي
ميرال _ اهو انا عرفتك
سليم _ حضرتك مين
ميرال تطلع التليفون وتبعتله رساله ليرن هاتفه
ميرال _ ايه، ما ترد
سليم _ ماااشي، ايوه انا… اعترف انك ذكيه
ميرال _ احكيلي بقا، ايه حكايتك وتعرفني منين وعرفت كل الحاجات دي عني ازاي
سليم _ هقولك كل حآجه بس مش دلوقتي
ميرال _ دلوووقتي، اتكلم
سليم _ اوك،.. بس علي ما افتكر ان في حآجه لازم تنفذيها الأول، ولو رفضتي انا كمان مش هنفذ كلامي
ميرال _ هي ايه
سليم _ تيجيلي يوم كامل علي اليخت بتاعي
ميرال _ اعمل اية في اليخت بتاعك
سليم _ دا طلبي، لو حابه ترفضي براحتك بس هتنسي اني اقولك حآجه
ميرال _ طيب وانا اضمن منين انك مش هتأذيني
سليم _ انتي حاسه اني ممكن أذيكي
ميرال _ ومتأذنيش ليه، اعرفك منين انا علشان اثق فيك
سليم _ اوك مش هحاول اقنعك بأني مش هأذيكي، خليكي لما تطمني
ميرال _ ايه البرود ده
سليم _ اعترف اني املك من البرود ما يكفيني علشان افضل ثابت قدام عيونك
ميرال تبعد نظرها عنه _ اممم طيب انا موافقه، هروح معاك، عاوز امتي
سليم _ وقت ما تحبي
ميرال _ احنا لسه الصبح ف انا موافقه يلا دلوقتي
سليم _ خوفك راح
ميرال _ ملكش دعوه انا حاسه ب أيه، يلا بينا
سليم _ اوك… دقيقه اعمل تليفون علشان الشغل وارجعلك
ميرال _ مستنياك هنا.. مش هسيبك
سليم _ ههههه اوك
دخلت جوه وعملت مكالمة
سليم _ الخطه اتغيرت… البنت كشفتني
الطرف الأخر _ اوباااا، الموضوع شكله اكبر من موضوع انتقام، عرفتك ازاي دي، من غير ما تشوفك
سليم _ اقولك ايه بلاش لوك لوك كتير، احنا كده محتاجين نكثف مجهوداتنا، لانها ممكن تمشي وتعمل بلوك والقصه تنتهي، انا عايزة النهارده اخليها متقدرش متكلمنيش يوم واحد
الطرف التاني _ يعني انت كده هتلغي الجزء بتاع خالد في أول مقابلة
سليم _ للأسف اه
الطرف التاني _ طيب ناوي علي ايه علشان متبعدش
سليم _ معرفش، قولي انت
الطرف التاني _ زود الرومنسيه شويه هتظبط
سليم _ ازودها ازاي اكتر من كده
الطرف التاني _ البنت عايشه في امريكا وانتو لوحدكم ف اااا
سليم _ هغلط فيك اقسم بالله
الطرف التاني _ يابني انت مش عاوز تكسر ابوها، ايه هيكسره اكتر من كده
سليم _ انت غبي ياض، بقولك ايه متنرفزنيش،وغور يلا راقب الوضع علشان نمشي
الطرف التاني _ لااا تعاله هنا وفهمني ايه العباره، امال هتكسر ابوها بيها ازاي لما انت مش عاوز كده
سليم بغضب _ متضيقنيش انت لو قدامي كنت كسرت عضمك، اقفل يلا
نرفزني اوي، انا اه بكره خالد ومش هرتاح غير لما اذله بس مش بطريقة دي
طلعت لقيتها مستنياني
سليم _ يلا
ميرال _ المكان قريب ولا بعيد
سليم _ نص ساعة من هنا
ميرال _ طيب لحظه هعمل تليفون ( بتطلع التليفون وتتصل ب خالد)
ميرال _ ايوه يا بابا انت فين
(سليم يضم قبضته وينظر إليها بقهر دون ان تنتبه له)
ميرال _ انا شوفت العريس ….. لا لسه هفكر… بس استأذنك هروح الف في المولات شويه واشتري هدوم…… لا مش محتجاه انا بعرف اسوق لوحدي…… ماشي حبيبي، هتوحشني….. باي
سليم _.كدبتي ليه
ميرال _ حآجه تخصني، خلينا نمشي
سليم _ اوك يلا
#عائشة
اشتريت، تورته، وبلالين ، و ورد مع بعض الاكسسوارات ، وزينة الساحة اللي في الشركه، …. وطلع شكلها حلو اوي،…. بأيدي زينتله المكان عشان يخطب غيري، بقيت اجهز وارتب وانا مش بكلم حد ولما حد يكلمني اقولهم مش وقتكم لازم اخلص قبل، أسر، وروما ما يجو، وانا من جوايا خايفه حد يبص في وشي، مقدرش اداري حزني وابكي قدمهم …
بعد. ما خلصت كل حآجه جه أسر، ولما شاف المنظر انبهر، وجه وقف عندي وشكرني
أسر _ طول عمرك مبدعه يا أش
عائشة بإبتسامه _ عقبال الفرح… ربنا يسعدكم
أسر _ متشكر ، بس روما اتأخرت ليه
عائشة _ اكيد جايه فى السكه
أسر _ تفتكري المفاجأة هتعجبها
عائشة _ عيب عليك دا انا اللي مظبطه كل حآجه ب أيدي
أسر بإبتسامه _ انا لو دورت عمرى كله على صديق فى جدعنتك مش هلاقي، … اتشطري انتى كمان علشان اظبطلك حفلتك
عائشة بإبتسامه باهته _ عندك عريس ليه
أسر _ شاوري انتي بس وانا اجبهولك راكع
عائشة _ قريب، هتسمع خبر حلو عني
أسر _ ايه
عائشة _ اها، في واحد انا وهو معجبين ببعض.. أو تقدر تقول بنحب بعض
أسر تتلاشا ابتسامته _ حب واعجاب،،، وانا كنت فين لما متقوليليش
عائشة _ اتكسفت اقولك ،، ما انت عارفني مسترجله والكلام ده يبوظ شكلي
أسر بنرفزه _ أش مبهزرش…. أنا مفيش رمشه برمشها مش بحكيهالك، ازاي تخبي عني حآجه زي دي
عائشة _ أنا اسفه، اتكسفت بس
أسر بعصبيه _ اتكسفتي!،.. ودا من امتي…. لا انتي نسيتي نفسك.. مره تقوليلي استقيل ودلوقتي بتقوليلي بحب واتحب وانا اخر من يعلم
عائشة _ مش شايفه سبب يخليك تتعصب كده
أسر _ لا والله يعني انتي مش شايفه سبب خالص،… طيب شكراً، انتي حره، بس بعد كده لما متكلمش معاكي في حآجه متبقيش تزعلي
عائشة _ مقصدتش ازعلك… انا اسفه
أسر _ خلاص يا عائشة، أنا مش عاوز حآجه تقفلني النهاردة
عائشة _ ماشي،،، بس أنا مطره أمشى دلوقتي
أسر _ تمشي تروحي فين
عائشة _ ابتسام كلمتني وعاوزاني اروحلها
أسر _ تولع ابتسام انتي مش هتسبيني في وقت زي ده
عائشة _انت معاك كل صحابنا يسدو بدالي
أسر _ لا ده كده مش ابتسام خالص… ريحالوه صح
عائشة بارتباك مصتنع _ لا لااا بقولك ابتسام كلمتني
أسر _ طيب والله لو مشيتي دلوقتي لا تكون صداقتنا انتهت
عائشة بدموع _ أسر علشان خاطري لازم امشي
أسر _ واللهي دانتي هتبكي…. يكون مين ده ما تفهميني
عائشة بدموع _ أنا تعبانه ومش حمل دوشه وعاوزه اروح ارتاح
أسر _ لو موتي قدامي وروحتي اقسملك ما هعرفك تانى…. الخيار ليكي…. اهي روما جت، عن اذنك
مكنتش.حابه اشوف المشهد دة، اكيد مش هقدر اسيطر علي دموعي قدامهم،
#أسر
مكنتش عايزة تقعد وانا متأكد انها مديالوه معاد، وزعلت قوي لما أجبرتها تقعد ودموعها مفارقتش عينيها لحظه واحده، حتي وانا بطلب ايد روما… طبعا خايفه على زعله و اولع انا… بجد مش مصدق انها خبت عليه وانا أخر من يعلم
أسر _ تتجوزيني
روما _ هفكر
أسر _ مفيش تفكير انا جبت الخاتم خلاص وجهزنا الحفله
روما _ لا يا أسر،، انا محتاجه افكر مكنش ينفع تعمل الحفله دي.من غير ما تعرف رايي
أسر _ وهو في رأي تاني بعد اللي حصل من يومين
روما _ ماشي بس الجواز محتاج تفكير، ارجوك سيبني افكر
أسر _ تفكري؟
روما _ اه دا من حقي
أسر بحده _ فضو الليلة كل واحد علي بيته
الكل بيمشي بما فيهم عائشة
أسر _ عائشة استنى انتي
عائشة _ نعم
أسر _ عاوزك،…. ماشي يا روما خدي وقتك وردي عليه
روما _ ميرسي حبيبي وأسفه اني احرجتك بس انا بحب اخد وقتي في القرارات دي
أسر _ فاهم،
روما _ ماشي حبيبي انا لازم امشي دلوقتي ، اشوفك بالليل
أسر _ ماشي
مضايقنيش رفض روما قد ما ضايقتني دموع عائشة وزعلها اني مخلتهاش تمشي،.. مكنتش مستني اتلم عليها لوحدنا
أسر يشدها من ايدها ويروح المكتب
عائشة _ في ايه يا أسر… سيب ايدي
أسر بعصبيه_ امبسطتي طبعاً ان الخطوبه اتفشكلت مش هي دي روما اللي كرهاها اهي رفضت الخاتم
عائشة _وانا مالي هو انا كلمتها
أسر _الله أعلم بقا، مانتي خلاص بقيتي تعرفي تخبي وتعملي حاجات من غير ما انا اعرف
عائشة _ انت اكيد اتجننت،
أسر بعصبيه _ مجنون عشان بعتبرك صحبتي وانتي طلعتي بوشين
عائشة بدموع _ انا يا أسر،…
أسر _ ايوة انتى
عائشة بدموع _ كفاية كده،.. بس عاوزة اقولك اني من وقت ما قولتلك مش هتكلم معاها، وانا مقولتلهاش حرف واحد ازيد من صباح الخير ، ولو هي محتاجه تفكر ف دي مش مشكلتي
أسر _ مبقتش مصدقك
عائشة بدموع _ يبقا كل حاجه انتهت، انا همشي ومش هرجع هنا تاني،
تيجي تمشي ويسمك ايدها ويشدها لترتطم به لتقع عينه عليها لثواني وكأنه يراها لاول مره ثم يبتعد سريعآ
أسر بارتباك _ مانتي مش هتمشي بسهوله كده
عائشة _ افتكر ان العقد مفهوش شرط جزائي اتقيد بيه، مفيش حآجه هتمنعني اني أمشى
أسر _ صداقتنا هتمنعك، وانا اسف لو قولت. كلمه ضيقتك بس الموقف ضايقني
عائشة _ وانا مش هستنا لما تيجي تهيني في كل مره تضايق فيها
أسر _ اش انتي عرفاني عصبي أحيانا ف متزودهاش قولتلك أسف
عائشة _ ماشي بس لو اتكررت تاني انا مش هقعد دقيقة واحدة
أسر _ وانتى متبقيش تخبي عني حآجه تاني
عائشة _ ماشي،.. انا مروحه
أسر _ أش
عائشة _ أيه
أسر _ ااا…. ايدك خفت
عائشة _ الجرح بدأء يلم
أسر _ ماشي، تقدري تمشي
معرفش ايه حصلي النهارده، في حآجه غلط، صح في حآجه غلط
#عائشة
طلعت من الشركه وانا مجروحه من كلامه،.. ازاي يفكر اني عايزة اطفشها منه لدرجة، دي شايفني وحشه، .. مش عارفه هفضل ل أمتي استحمل واسكت،
اول ما طلعت لقيت باسم مستنيني
باسم _ عائشة، حابب اتكلم معاكي
عائشة _ مش وقته يا باسم
باسم _ اوعدك. مش هضايقك
عائشة بزهق _ قول
باسم _ عائشة، انا كل يوم بحاول اقولك اللي في قلبي ومش عارف ازاي
عائشة _ نعم
باسم _ اسمعيني من فضلك
عائشة _ اها
باسم _ حاولت كتير اقولك، ومش عارف ازاي،.. طلبت راي أسر في اني ازاي اخليكي تحبيني، قالي اتجاهلك، بس مقدرتش اتجاهلك دقيقة واحدة، قالي نصايح كتير اتبعها علشان تحبيني وكل ما ابصلك مقدرش انفذ كلمه منهم…. اش انا بحبك وعاوز اتجوزك
عائشة بدموع _ أسر قالك طرق تخليني احبك
باسم _ احنا مش في اللي قالو أسر دلوقتي، انا بتقدملك رسمي اهو وبتمنا توافقي
عائشة بدون تفكير _ موافقه، تقدر تيجي تطلبني من اهلي بكره
باسم بفرح _ بجد ، يعني انتي موافقه تتجوزيني
عائشة _ اه موافقه، بس بشرط متقولش لحد في الشركة غير لما نتفق الاول
#ميرال
روحنا في اليخت ومشينا مسافه كبيرة لغيت ما المباني بدأت تختفي
ميرال _ كفاية كده هنروح فين تاني
سليم _ لحظه واحده
وقفها في نص البحر.. وغير البدله ولبسه بدالها لبس بحر مكون من شرط وفنله حمالات وجه تاني
ميرال _ كانك طالع رحله بجد مكنش ليه لازمه تغير البدله
سليم _ انا بعشق الطقوس
ميرال _ يعني ايه
سليم وهو يقدم لها العصير _ يعني كل مكان وليه البس بتاعه ، حتي المطبخ لازم اكون لابسله المريله حتي لو هسلق بيض
ميرال تاخد منه العصير وتحطه علي التربيزه _ اه…. طيب هتقولي ايه حكايتك
سليم يبص علي العصير بتاعها وبعدين يمسكه ويشرب منه _ مفهوش مخدر تقدري تشربي
ميرال _ لا مش عايزة… اتكلم يلا
سليم _ عاوزة تعرفي إيه
ميرال _ كل حآجه
سليم _ كل حاااجه…… اوك……. انا كنت في لندن اربع سنين كنت جارك فيهم وبعدين رجعت مصر وانتي رجعتي بعدي ب سنتين دي كل الحكاية
ميرال _ اربع سنين جاري ومشوفكش؟
سليم _ ايوه
ميرال _ والمفروض اصدق انا كده
سليم _ ثانيه واحده ( يطلع التليفون ويفرجها على صور)
ميرال _ دا بيتنا فعلاً، طيب ازاي كنت هناك اربع سنين ومشوفكش فيهم
سليم _ مكنتش حابب انك تشوفيني في الغربه
ميرال _ ايه الفرق
سليم _ مكنتش لسه عملت حاجه ولا كنت بقيت بالمنظر اللي شيفاني بيه ده
ميرال _ وبقيت كده ازاي
سليم _ قدرت أسس شركة صغيرة كبرت مع الوقت
ميرال _ ده منظر واحد تعب علشان يوصل في رأيك
سليم _ مالو منظري
ميرال _ شكلك متعبتش خالص،.. وشكلك رياضي وعايش من صغرك عيشه كويسه،، فاهمني؟
سليم _ ههههه هو حد قالك اني كنت بشيل طوب، انا كنت بشتغل في مكاتب عادي وبعمل رياضة
ميرال _ اه…. طيب وايه لزمتها انك تكلمني من حساب علي الفيسبوك مجتش تكلمني علي طول ليه
سليم _ مكنتيش هتسمعيني، وكنت هلف وراكي كتير وانتي تتقلي والجو ده
ميرال _ دي حقيقه وكنت بلغت عنك كمان
سليم _ مش بقولك عارف اكتر من نفسك
ميرال _ اه صحيح انت ايه عرفك اني بحب القطط والشيكولاته دي بذات
سليم _ كنت بشوفك دايما بتشتري الحاجات دي وبتنشري صور قطط كتير علي الفيس بوك
ميرال _ مش عارفه اقولك ايه، بس انت خيلتيني كنت خايفه تطلعلي من الدولاب
سليم _ ههههه مش لدرجة دي
ميرال _ اذا كنت جيتلي في حلمي ف مش صعب تجيلي من الدولاب
سليم _ اه صحيح… انا لغيت دلوقتي مش مستوعب انك عرفتيني،
ميرال _ ما انا بقولك شوفتك في الحلم
سليم _ انتي قولتي مشوفتنيش كويس
ميرال _ اللي شوفته كان كافي اني اعرفك
سليم _ اه
ميرال _ طيب هنفضل كده كتير مش نرجع بقا
سليم _ لسه العصر مأذنش ومينفعش نيجي البحر ومنكولش سمك
ميرال _ لسه هتصيد وتسوي
سليم _ ههههه اصيد ايه! كله جاهز على الأكل
ميرال _ جهزت ده كله امتي ، عصير ، وفاكهه.، وسمك
سليم _ كله بالتليفون
ميرال _ اه….. طيب واحنا لازم نقعد لاخر اليوم يعني
سليم _ انتي عاوزة ايه
ميرال _ عاوزة امشي، يدوب الحق اشتري هدوم
سليم _ قوليلي بصراحه
ميرال _ ايه
سليم _ هتشتري ليكي ولا عشان باباكي ميعرفش انك كدبتي
ميرال _ عشان ميعرفش اني كدبت
سليم _ طيب وكدبتي ليه، كنتي قولتيلوه انك رايحه معايا
ميرال _ ههههه، انت عارف، عشت عمري كله في لندن وعمري ما كان ليه صحاب ولاد، بابا مكنش يوافق
سليم _ مفيش صحاب ولاد خالص؟
ميرال _ خالص
سليم بإبتسامة _ اه
ميرال _ ايه الإبتسامة دي
سليم _ سؤال جه في بالي كده
ميرال _ انت عارف اني ممكن اضربك دلوقتي
سليم _ عارف
ميرال _ علي فكره انت غريب وقليل الادب بس هرد علي سؤالك
سليم _ ردي
ميرال _ انا عارفه اني بنت شرقيه ومحافظه علي النقطه دي ومش كل اللي في الغرب، ب يعملو اللي بالك فيه، ف بطل سوء نيه
سليم بإبتسامة _ مكنتيش مطالبه توضحي حآجه
ميرال _ ابتسامتك ضايقتني وكان لازم اقولك
سليم _ عاوزة الحقيقة
ميرال _ ايه
سليم _ كان يهمني اوي اني اعرف، وفرحت لما عرفت
ميرال _ اه…. طيب هتجيب السمك ولا تمشيني
سليم _ حالا، تعالي شيلي معايا حآجه
ميرال _ يلا
جهزنا السمك والسلطه والطحينه وعصير وقعدنا ناكول، وكنت طول الوقت مركزه مع الجوانتي اللي لابسه من اول ما شوفته
ميرال _ ما تقلع الجوانتي ده علشان تعرف تاكول
سليم _ ايه رأيك في السمك
ميرال _ رأيي ايه، هو انت اللي عملته
سليم _ انا اللي اشتريته
ميرال _ حلو! طعم الفلوس باينه عليه ههههه
سليم بإبتسامة _ بالهنا والشفا
ميرال _ ميرسي…… بس الجوانتي بتاعك مضايقني على فكره…انت عارف تاكول بيه ازاي
سليم _ انتي عارفه، ان احلي سمك ممكن تكليه، السمك اللي بتصتاديه بنفسك
ميرال _ اه خلاص خلاص وصلت مش هتكلم تانى
سليم يقوم _ السمك لازم بعده شاي… هروح اعمل
مش عارفه ليه اتهرب من الموضوع، وحسيته اضايق كمان
#سليم
مسكت نفسي بالعافيه عشان مخلصش عليها، وعشان مغلطش دخلت جوه بحجة اعمل الشاي، وهناك لاحظ اني لابس فنله بحمالات وإن اثر الشوكه باين في دراعي وممكن تشوفه، ف روحت لبست البدله ورجعت خدت الشاي وطلعت تانى لقيتها واقفه وباصه لشمس وهي هتبتدي تغروب،.. شكلها برئ اوي بس مش قادر ابلعه ولا مصدق ان خالد يجي من صلبه حآجه كويسه
سليم يوقف قدامها _ ممكن اصورك صوره
ميرال _ ليه
سليم _ عشان اوثق اول مقابله بين الشمس والقمر
ميرال _ ههههههههههههههه، ماشي
سليم بإبتسامة _ طيب اضحكي تانى علشان اصورك،
ميرال بإبتسامه _ لا كده تمام
سليم وهو يصور _ الإبتسااامة تكفي… ابتسمتك متقلش جمال عن عينيكي
ميرال بخجل _ طيب خلصت؟
سليم _ فاضل صوره واحده
ميرال _ لا كفايه
سليم _ سيلفي واحد مع بعض
ميرال _ اوك
سليم _ خدي صوري انتي
ميرال تاخد التليفون وتصور _ اهو
سليم _ شكرا،
ميرال _ طيب نمشي
سليم _ نشرب الشاي الاول وبعدين نمشي
ميرال _ تمام
#جواد
صحيت تاني يوم علي العصر، ولما سألت علي بابا، ماما قالتلي انه راح المستشفى، ف رجعت اوضتي لبست البدله السوده ورشيت برفان، وروحت اجيبه ( بتبصولي كده ليه، اه انا رايح اجيب بابا في ايه مالكم، هيكون رايح ليه يعني)
لما وصلت ودورت عليه، عرفت انه بيطمن علي المرضي وعرفت هو في اي غرفه وفي طريقي ليه شوفت “فرح “كانت جايه تجري وفي أيدها كيس دم ف وقفت قدمها وخبطت فيه
فرح _ ايييه ده….. انت!
جواد بإبتسامة _ ازيك ياقمر ياللي بتهربي المجرمين
فرح _ لو سمحت مش وقته في مريض هيموت عديني
ذقتني وطلعت تجري، دي فيها حبس دي بس نسامحها المره دي
سامح يطلع من الغرفه _ انت تاااني، هو اوتيل ياحبيبي
جواد _ جاي اطمن عليك يا دوك في ايه
سامح _ مش بيت خالتك هو عشان تيجي من غير سبب
جواد _ يادوك وحشني ومقدرتش مشوفكش فيها أيه دي
سامح _ اه طيب ياخويا يلا انا. كنت ماشي
جواد _ استنا شويه يمكن عيان يحتاجك
سامح _ وبعدين معاك
جواد _ خلاص يا دوك يلا
#فرح
كان المريض طفل صغير، ولما وصلت اوضته عشان اوصل الدم لقيت الدكتور بيعمله انعاش للقلب، … وفجأه الخط استقام، ومات الطفل، … مات بعد ما كمل أسبوعين في المستشفى كنت كل يوم اجي اطمن عليه، ، وكانت امه دائما تسألني” في امل انه يخف ” وانا اقولها انه خف بس هو موجود تحت الملاحظة، وانا عارفه انه متوقع يموت في اي وقت، الدكتور نفسه يأس وفقد الأمل في شفائه، .. ولما مات الدكتور نفسه مقدرش يروح يقول ل امه انه مات ف طلب مني انا اقولها،…. انا اللي بموت من جوايا بسبب اللي بشوفه كل يوم… بسبب اننا ساعات مبنلحقش المريض، ودموع الأهل وصراخهم لفقدان حبايبهم،.. بسبب اني دايما بحمل اخبار شؤم واقولها ل أم او أب ان ابنهم مات، او طفل صغير مستني امه تطلع،.. وبيطلع بدالها انا علشان اقوله اسفه حبيبي مش هتشوف امك تانى، .. تعبت بجد، ومعنديش رفهية الانهيار، مينفعش ممرضه تطلع وهي تبكي وتبلغ اهل المريض انه مات … عشان كده كان لازم اطلع واقولها يافندم ابنك تعيشي انتي، وامشي واسيبها تصرخ واللي معاها هما اللي يهدوها
#جواد
كنا ماشين ف شوفتها جايه من عند ست بتصرخ وحطه ايدها على بوقها وتجاهلتنا وكملت طريقها بس بابا وقفها
سامح _ فرح
فرح تقف وترد من غير ما تستدير _ نعم
سامح يروح عندها ويحط ايدها علي.كتفها لتخرج دموعها من عينيها بغزاره
فرح بدموع _ مات يا دكتور… مات وانا اللي بلغت امه زي ما بيحصل كل يوم
سامح _ دي سنة الحياة، وانتي كان لازم تعرفي قبل ما تدخلي المعهد،، انك هتقابلي نفس الموقف ده كل يوم
فرح تكتم صوت بكائها بيدها _ انا طاقتي خلصت، مبقتش قادره اتحمل اشوف ده كل يوم
سامح _ انا فاهم احساسك كويس وجربته كتير، بس انتي لازم تكوني اقوى من كده
فرح بحزن _ صح لازم اكون قويه مينفعش اتأثرت بحاجه ، في النهاية انا اللي اخترت الشغل ده
جواد _ يعني بتهربي مجرمين ومش قادره تستحملي موت حد
فرح _ تقول ايه بقا،… عن اذنك يا دكتور
جواد _ وقفي عندك لما اكون بكلمك توقفي مكانك وتسمعيني
فرح _ هنا انت اللي تسمع كلامي لما اروحلك في القسم ابقا اسمعك، انا اسفة يا دكتور .
جواد _شوف مشيت ازاي،( يجي يطلع المسدس و سامح يمسك ايده)
سامح _ بطل قلت ادب، ويلا بينا
جواد _ مش شايف بتكلمني ازاي ! اسمها ايه البت دي؟
سامح _ قدامك بنقولها فرح
جواد _ فرح مين يعني
سامح _ وانت مالك، يلا بينا
مليون غيرها يحلمو افتح معاهم كلام وهي اتجرأت وكلمتني بطريقة مش حلو، اممم ماشي هنشوف حكايتك أيه
#شدن
لازم اخلص منه اللي عمله فيه بأي شكل وبعد تفكير كتير لقيت الطريقة واتصلت بيه وقولتله يجهز العربيه يكون نزلت واتصلت ب مها والبنات وقولتلهم يستنوني في مطعم **** ونزلتله
#احمد
نزلت وهي مبتسمه وشكلها هاديه ومؤدبه، ودا قلقني منها اكتر من انها تقل ادبها، قولت ربنا يستر على اللى ناوياه ماهي اكيد مش هتعدي اللى عملته فيها كده عادي
فتحت باب العربيه بنفسها وقعدت في المقدمه وطلبت مني بإبتسامه هاديه وبكل ادب.. وقالتلي. من فضلك يا احمد ودينا مطعم ******* … بردو مطمنتش وحسيت ان دا هدوء ما قبل العاصفه، وصبرت نفسي بأني قوي وأسد يلا في ايه،، وطلعت وطول الطريق تتكلم بلطف وتتعرف عليه وطلبت نكون صحاب…. كل دا حلو بس زاد قلقي اضعاف،… قولت عديها انت راجل ومش ممكن هتقدر تضربك مثلا، بس الخوف دلوقتي انها تكون مدبرالي مصيبه اكبر… لكن ارجع واقول، مصيبة ايه اللي هتعملها في مطعم وقدام الناس، يعني مستحيل تفكر تقتلني مثلا، … استبعدت فكرت الضرب والقتل واستبعدت فكرة انها ممكن تتهمني اني تهجمت عليها لأن كل ده مش هينفع يتعمل فى. مطعم….. بعد وقت من التفكير والحذر واخذ الاحتياطات.. وصلنا ولقينا سبع بنات مستنين، و بعد ما قالو هاااي و ياااي، وباي.. طلبت منى اقعد، قولتلها ميصحش يا فندم، قالتلي والله لا تقعد وألا هزعل منك… ف خوفت على زعلها وقعدت، وكرمها كان زايد اووي وطلبت اكل عباره عن لحوم ومحاشي وكفته ورز ومكرونه وعصاير وبعدين طلبت حلو، وبعد ما خلصنا اكل… قامت اماني. . ولبني وتهاني، وسلوي واختها.. وسابوني لوحدي ودخلو الحمام، وبعد نص ساعة علي ما افتكر جه الجرسون واداني ورقه، اول مره اشوفها… وقالي هو ومبتسم ابتسامه تجذب الزباين، بس بصراحه مجزبتنيش خالص لاني بدأت افهم المصيبه اللي وقعت فيها … خدت منه الورقه، واذا بي اقرا الرقم، .. ف مفهمتش دا رقم تليفون ارضي ولا ايه ، ف بصتله وسالته ايه ده… قالي الحساب يافندم … قولتله كام.. قالي 5،443 .. شوية ارقام كده انا مفهمتش المقصود بيهم.. او تقدرو تقولو فهمت بس مش. مستوعب الحقيقة، ف عيدت عليه السؤال البديهي اللي بيتسال لما تكون مش مستوعب.. وقولته، يعني ايه ده .. قالي حساب الأكل يا فندم … قولتله، لا مش انا اللي عازمهم.. قالي ازاي يا فندم دي مرات حضرتك قالتلي روح ل احمد حبيبي هو هيدفع…. قولتله… قالت حبيبي… وجوزها… طيب مجبتلكش سيره عن اولأدنا بالمره… قالي بإبتسامته اللي مضيقاني من اول ما دخلت، ربنا يخليهملكم يا فندم .. لو سمحت هتدفع كاش ولا بالكريدت كارت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
