رواية عشق بالخطأ (أحببت مجنونة 5) الفصل الثلاثون 30 بقلم نجمة براقة
رواية عشق بالخطأ (أحببت مجنونة 5) الجزء الثلاثون
رواية عشق بالخطأ (أحببت مجنونة 5) البارت الثلاثون
رواية عشق بالخطأ (أحببت مجنونة 5) الحلقة الثلاثون
فلاش باك
من 26 سنه
#مريم
جه بعد ايام من كلامنا، قالي انه متقبلني مهما كان اللي حصل، وانه بيحبني، وعشنا مع بعض تلات شهور زوج وزوجه طبيعين خالص، والشهر الرابع بدأ يتغير ويبعد عني ويسهر برا البيت لصبح ويجي ينام،، وجه يوم كنت تعبانه و كشفت عند دكتور وعملت تحاليل وبعدين قالي اني حامل في الشهر التاني ، رحتلو وانا فرحانه وحابه افرحه معايا ، بس لقيته ساكت ومبصليش حتي، اول ما حطيت ايدي على كتفه انتفض وكأن حيه لدغته
مريم _ مالك يا ياسر
ياسر بخنقه _ مش عاوز اكمل
مريم _ مش عاوز تكمل ايه مش فاهمة
ياسر _ مش عاوز اكمل في العلاقة دي احنا لازم ننفصل
مريم بخزلان _ طيب ليه هو انا زعلتك في حآجه
ياسر بخنقه _ لا، العيب في ايه، انا مش قادر انسا اللي حصلك، حاولت كتير انسا عشان بحبك بس صدقيني ما قدرتش
مريم بدموع _ طيب والأيام اللي فاتت كانت ايه،
ياسر _ كنت بحاول،.. والله حاولت وكنت كل ما اقربلك افتكر
مريم بدموع _ اممم اه حقك طبعا، بس من حقي انا، انك مكنتش تقربلي قبل ما تكون راضي بيا
ياسر _ دا اللي حصل
مريم بدموع _ تمام يا ياسر تقدر تطلقني
ياسر _ ارجوكي سامحيني، انا مقدرتش اكمل بس والله بحبك ومكدبتش عليكي
مريم تضع يدها علي صدرها والكلام يقف في حنجرتها ليخرج بصعوبه _ مفهوم مفهوم، يلا انا هجهز شنطتي وانت تقدر تروح تطلقني عند مأذون
ياسر يمسك ايدها وهي تشدها منه
مريم ببكاء _ خلاص انت بتعمل ايه، انا كويسه متقلقش عليه
ياسر بدموع _ انا اسف، وااالله اسف يا مريم
مريم ببكاء _ بتتاسف ليه انت عملت ايه يعنى، انا اللي عملت في نفسي كل ده، امشي يا ياسر امشي
ياسر _ مريم!
مريم _ ما تمشششي
ياسر _ حاضر همشي، وهسبلك الشقه دي تعيشي فيها
مريم _ طيب يلا اتفضل…..
فوقت من شرودي على أيد فرح بنتي
فرح تقعد جمبها _ مالك يا ماما
مريم _ مفيش حبيبتي،
فرح _ نفسي افهم ايه اللي بيخليكي تقعدي القعده دي دايما
مريم بتنهيده _ الدنيا يابنتي
فرح _ انا عارفه انك تعبتي، ارتاحي يا ماما وانا اللي هصرف انا بشتغل ومرتبي يكفينا
مريم _ اشتغلي لنفسك انا مش هبطل اشتغل والمحل مش هيتقفل
فرح _ جايبلك ايه المحل ده غير المناهده مع الزباين كل يوم
مريم _ اهو احسن من بلاش
فرح _ لو بابا كان عايش كان زمانا مرتاحين دلوقتي
مريم _ لو بقا، يلا علشان متتأخريش علي شغلك في عيانين محتاجينك
فرح _ ماشي حبيبتي، خلي بالك من نفسك
مريم _ وانتي خلي بالك من نفسك واوعي تروحي مع حد
فرح _ ههههه ومش هشرب حاجه اصفره حاضر
مريم بجديه _ ولا حآجه خضره يا فرح انا بتكلم جد مش بهزر
فرح _ حاااضر مش هاخد حآجه من حد ولا هروح مع حد ولو حد كلمني هصرخ، حفظتهم صم
مريم _ طيب يلا روحي
من سنين والدنيا خدتني و ودتني، لغيت ما مشيت من القاهرة وعشت في الاسكندريه، بعيد عنه وعن اهلي، ومعرفش حاجه عنهم ولا هما يعرفو عني حاجه…
و اكتر حآجه بندم عليها وخايفه منها اني كتبت فرح بأسم ابوها، خايفه يجي يوم ويتقابلو وتعرف ، الموضوع، هو ميستاهلش يكون ليه ولاد
#ياسر
بعد ما مشيت من عندها من سنين، رجعت تاني علشان اطمن عليها، واحاول ادي لنفسي فرصه تانيه يمكن اقدر اتأقلم، ولما رنيت الجرس، مردتش ف فتحت بالمفتاح ودخلت جوه دورت عليها في البيت كله ملقتهاش، ف عرفت انها مشيت كنت همشي عشان ادور عليها بس استوقفني ملف بتاع تحليل دم، مسكته وبصتله شويه ومفهمتش حاجه، بس شغلني الموضوع وجه علي بالي انها ممكن تكون فيها حآجه تعباها.. ف صورت التحاليل وبعتها ل سامح صحبي عشان يقولي فيها ايه ، وقالي الخبره اللي وقفني مكاني دقايق علشان اقدر استوعبه،… قالي انها حامل، بس بردو كان جوايا حيره وحابب اعرف حامل من مين ف سألته اذا باين الحمل من امتي قالي من شهرين، يعني مني انا، رميت الملف وطلعت بسرعه بقيت الف في الشوارع كلها وملقتهاش،، ف روحت ل اهلها قالولي ميعرفوش عنها حاجه،… بقيت ادور عليها سنين كتير ومعرفتش اي اخبار عنها ،… عشت سنين عذاب وانا مش عارف ابني او بنتي فين او عايش ولا لأ، وخايف اموت قبل ما اعرف حاجه عنهم
#فرح
انا فرح 25 سنه معايا معهد تمريض و اوقات كتير بروح مع المرضا في بيوتهم، وخصوصا لما يكونو كبار في السن وحالاتهم تتطلب رعاية مستمره،.. وانا معروف عني الشطاره والاخلاص في عملي والمرضى بيحبوني، وخاصه الأطفال الصغار،.. بس مع الأسف الشغلانه دي مدمره نفسيتي خالص،..
كتير ناس بتعلق بيهم وبشوفهم صبح وليل واتكلم معاهم واجي تاني يوم اعرف انهم توفو، او ممكن يموتو واحنا بنحاول ننقذهم، .. والنهارده روحت المستشفى، لقيت راجل شعره ابيض ويظهر علي الكبر شويه، بيلف علي المرضا وبيديهم هدايا ويطمن عليهم وانا بتابع اللي بيعملو و وقفت شويه اسمع حديثه مع والدكتور بعد ما خلص
الدكتور _ الله يكرمك يا دكتور بس انت جاى تتفسح وتشم هوا اسكندريه ولا جاي تشم ريحة الأدويه والبينج
سامح _ المستشفى والعينين وحشوني بقالي اسبوعين في اسكندريه وحنيت للعيانين ف جيت
الدكتور _ طيب طالما كده ما تيجي ساعه كل يوم تشوفهم وتشتغل معانا مش هنلاقي دكتور اشطر منك
سامح _ هاجي، بس مش كل يوم مانت عارف “سماح” السكر بيبهدلها ومقدرش اسيبها لوحدها، مبتهتمش بعلاجها ولا اكلها خالص
الدكتور _ امال في القاهره كانت عايشه ازاي
سامح _ في ممرضة عايشه معانا فى البيت
الدكتور _ لو حابب احنا ممكن نجبلك احسن ممرضه في المستشفى هنا
سامح _ ههههه احنا جاين نختلي ببعض شويه قبل ما نموت تقولي ممرضات
ضحكت بدون قصد وهما سمعوني، والدكتور بصلي بحده
الدكتور _ واقفه تعملي ايه
فرح بارتباك _ كنت واقفه عشان اطمن علي المرضى
الدكتور _ طيب اتفضلي علي شغلك ومتتكررش تانى
سامح _ بتزعقلها ليه، استني يابنتي
فرح _ نعم
سامح _ خدي ( يعطيها هديه)
فرح _ لا متشكره
سامح _ خدي عيب تكسفيني
فرح _ لا لا مش هينفع
الدكتور بحده_ اسمعي الكلام
فرح _ متأسفه وعدت ماما مخدش حاجه من حد
الدكتور بعصبيه _ خدي بقولك، انتي في حضانه هنا علشان تقولي ماما
سامح _ ماتهدا يابني في ايه، البنت مغلطتش، … انتي اسمك ايه
فرح _ فرح
سامح بإبتسامة _ طيب يافرح اتفضلي دي هديه عادية خالص، لو حابه افتحيها علشان تطمني
فرح _ انا اسفه بجد بس وعدتها
الدكتور بعصبيه _ اطلعي بره
فرح _ حاضر
سامح _ ياخي منك، استني يابنتي
اتقدمت خطوات و هو وقفني
فرح _ نعم
سامح بإبتسامة _ برافو عليكي، ايوه انتي كسفتيني بس برافو انك بتحافظي علي وعدك
فرح _ متشكره، وانا اسفة اني ضحكت
سامح _ لا عادى،… بس قوليلي هو احنا اتقابلنا قبل كده
فرح بإبتسامة _ محصليش الشرف الحقيقة
سامح _ طيب يا فرح تقدري تتفضلي
فرح بإبتسامة _ شكراً يا دكتور
#ميرال
بابا دخل عندي، وبدء يمهد لموضوع عاوز يقوله و انا توقعت يكون ايه
خالد يضع يده على كتفها _ حبيبتي بقت عروسه، مش مصدق ان السنين جريت بسرعه كده، لسه كنتي امبارح في الحضانه وبفيونكه
ميرال _ حبيبي يا بابا، بس قول عاوز توصل ل إيه
خالد _ طول عمرك ذكيه
ميرال _ تربيتك ياحبيبي، تحب اقولك عاوز تقول ايه كمان
خالد _ قولي
ميرال _ جايبلي عريس
خالد _ طلعتي مش سهله ههههه
ميرال _ مش موافقه
خالد _ هو انتي شوفتيه يابنتي
ميرال _ بابا انا مش هتجوز بطريقة دي
خالد _ امال هتجوزي بأي طريقه، ولا كنتي عايزة يبقالك بوي فريند
ميرال _ انا عارفه حدودي كويس وعارفه اني بنت شرقيه ومش ممكن اعمل كده، مع ان حضرتك كنت عايش مع واحده سنين من غير جواز، بس انا مش هتجوز بطريقة اللي انت بتتكلم عنها، انا لازم احب واتحب الاول
خالد _ ميرال مش معني اني دلعتك اني هسمح بالكلام ده، وبعدين انا كنت عايش مع روز علي حسب عاداتهم وهي رفضت الجواز بس مش ممكن اسمحلك تعملي كده
ميرال _ يا بابا انا لسه قيلالك مش ناسيه حدودي لزمته ايه الكلام ده
خالد _ مش انتي اللي لسه بتقولي احب واتحب
ميرال _ وفيها ايه طالما اخرها جواز
خالد _ الكلام ده في الأفلام وبس
ميرال _ وفي الحقيقه انا متاكده اني هحب واتحب وهتجوز اللي بحبه
خالد _ مفيش الكلام ده غير لو في ارتباط رسمي… تيجي تقوليلي بحب فلان وفلان بيحبني من غير خطوبه على الاقل انا مش هسمحلك
ميرال _ خلينا بس لما يحصل وبعدين نتكلم
خالد _ طيب تقابلي العريس ولو معجبكش ترفضيه
ميرال _ مش هيعجبني انا عارفه ذوقك كله فلوس ومناصب وانا مش هتجوز منصب
خالد _ يعني انا هبيع واشتري فيكى قصدك
ميرال _ مقولتش كده
خالد _ لا تقصدي ومش اول مره تقوليها
ميرال _ لا يا بابا والله ما اقصد
خالد _ تقصدي يا ميرال، انتي شايفة اني عايزة اجوزك عشان ازيد فلوس واعلي
ميرال _ يا بابا والله ماحصل
خالد _ الكلام انتها
ميرال _ بابا
خالد يسيبها ويمشي
عارفاه بيستعطفني عشان اقابل العريس ومش هيبطل يبتزني عاطفيآ لغيت ما اقابله،
روحتله في اوضته
ميرال _ باااابا موافقه يا حبيبي هقااابله خلاص بقا مفيش داعي للابتزاز العاطفي ده
خالد بإبتسامة _ مش بقولك ذكيه
ميرال _ بس بقولك من دلوقتي اهو لو معجبنيش فيه لون عيونه بس هرفضه
خالد _ هيعجبك انا متأكد
ميرال _ طيب ممكن ترتبلي لقاء من بعيد،،و بلاش اقابله وجه لوجه
خالد _ ازاي ده
ميرال _ يعني مثلا تعزمه في مكان وانا اشوفه من بعيد
خالد _ ايه جو الأفلام ده
ميرال _ مانت عارفني مش هقدر اسيطر على تعابير وشي لو معجبنيش
خالد _ طيب ياستي بسيطه انا هدبرلك لقاء من غير ما ياخد باله
ميرال بإبتسامة _ متشكره اوي
رجعت اوضتي وشوفت التليفون وانا متوقعة الاقي رساله من أسير عينيها، يمكن يقول حآجه جديده اعرفه بيها ، وفعلا لقيت رساله وكان فاتح لسه
أسير عينيها _ وحشتيني
ميرال _ هو انت شوفتني قبل كده علشان اوحشك
أسير عينيها _ بشوفك كل يوم في احلامي
ميرال _ وبتشوف ايه بقا في احلامك
أسير عينيها _ بشوف مستقبلي معاكى
ميرال _ واللي هو إيه
أسير عينيها _ هتعرفي قريب بس دلوقتي بصي من الشباك
ميرال تبص من الشباك وتشوف على الجانب الأخر من الطريق لوحه كبيره مضيئة مكتوب عليها.” ميرال ”
ميرال _ دا اسمه هبل، انت فاكر انك بطريقة دي هتشغلني
أسير عينيها _ هعمل كل الطرق عشان اكسب قلبك، وتفكيرك، وعقلك، وروحك
ميرال _ امممم طيب انا عايزة اقابلك
أسير عينيها _ لما تشوفيني في احلامك الاول
ميرال _ ودا ازاي بقا
أسير عينيها _ القلب لما ينشغل بحد بنحلم بيه حتي لو مشفنهوش، ودا اللي هيحصل معاكي
ميرال بإبتسامة _ مش هيحصل عمرك ما هتشغلني ولا هحلم بيك
أسير عينيها _ ولو حلمتي بيه؟
ميرال _ يعني ايه لو حلمت بيه، المفروض ايه اللي يحصل يعني
أسير عينيها _ يعني انتي ملزمه تعملي حآجه لو كلامي صدق وحلمتي بيه
ميرال بإبتسامة _ انا متاكده انه مش هيحصل عشان كده اختار انت
أسير عينيها _ لما تحلمي بيه هقولك
ميرال _ وافرض حلمت وقولتلك محلمتش
أسير عينيها _ هعرف لوحدي
ميرال _ ايه الثقه اللي بتتكلم بيها دي
أسير عينيها _ قولتلك اني اعرفك اكتر من نفسك
ميرال _ طيب انت منين
أسير عينيها _ من الماضي
ميرال _ ماضي مين…… انت روحت فين…. اسمك ايه طيب …. يا مستر
كل مره يحيرني اكتر ويسيبني، والنهارده كان بيكلمني و واثق اني هحلم بيه، … لكن الحقيقة هو قدر يثير فضولي وبقيت طول الوقت دماغي مشغوله بيه وباللي هيعمله المره الجايه…. بس السؤال دلوقتي هل هيقدر يكسب قلبي وهحلم بيه ولا لأ،.. هنشوف
#عائشة
كنت بجهز عشان اروح الشغل و وقفت شويه قدام المرايا وبقيت امسح النضارة عشان البسها ف اختى ابتسام دخلت عليه وشدتها مني كسرتها
عائشة_ يخربيت غبائك، البس ايه انا دلوقتي
ابتسام _ انا اسفه والله مقصدتش اكسرها
عائشة_ ياشيخه حرام عليكي والله،.. انا مش بشوف كويس من غيرها ، اعمل ايه انا دلوقتي
ابتسام_ انا كنت بهزر معاكي
عائشة _ لا هزري وخليني امشي اخبط في الناس
ابتسام_ تصدقي احسن انها اتكسرت، انا رأي انك تركبي عدسات طبيه احسن
عائشة_ لا هيبقا شكلي وحش ويقولو عليه بتزين بيهم
ابتسام_ هو انتي بتستعرضي نفسك يابنتي دي عدسات طبيه، وبعدين ياستي لو خايفه هاتيها نفس لون عيونك
عائشة _ مانتي مش فاهمه، الناس في الشغل متعودين عليه كده لو لبست عدسات هيفتكروني بتجمل واستغنيت عن النضارة
ابتسام _ يادي الناس يابنتي انتي هتجننيني لامتي هتفضلي خوافه كده
عائشة _ مش خوافه، بس انتي عارفه مبحبش اظهر اني بتجمل، بحب طبيعتي
ابتسام _ انتي طبيعتك حلوه ومش هتوحش من عدسات لضروره
عائشة _ رأيك كده
ابتسام_ ايوه
عائشة _ طيب انا هركب عدسات واللي يتكلم يتكلم مليش دعوه بحد
ابتسام _ ايوه كده اختي سترونج ومن
عائشة بإبتسامة _ تفتكري ممكن ينتبهلي
ابتسام _ هو مين
عائشة _ مممفيش يلا انا ماشيه
ابتسام توقفها وتبتسم لها _ انتي عارفه علاج حالتك دي ايه
عائشة _ ايه
ابتسام _ انك تبعدي عنه صدقيني هيعرف انه ما حب ولا هيحب غيرك
عائشة بتنهيده _ لا يا ابتسام، هو عمره ما شافني اكتر من صديقه،.. واللي متعرفهوش ان كراش الجامعه بتاعته رجعت من يومين، وهو عقله طار بيها، حتي نسي يتغدا معايا زي كل يوم،
ابتسام _ ماهو عشان انتي بتعامليه زي ماتكوني امه، والإنسان مش بيحس بانه مفتقد امه غير لما تسيبه
عائشة تلمع دموعها العالقه في طرف عينيها _ حتي لو كلامك حقيقي انا مقدرش ابعد عنه يوم ومشفهوش،… واخاف اسمع كلامك، اكون مش فارقه معاه وميحاولش يرجعني، ابقا كده خسرته طول عمرى
ابتسام _ اسمها كسبت نفسي مش خسرته، هتفضلي ل امته تدادي فيه وتهتمي وهو مش شايفك
عائشة بدموع _ صدقيني اني اكون صديقه وبس احسن ما يعدي وقت مشفهوش فيه…. انتي متعرفيش هو بنسبالي ايه…. هو روحي لو بعدت عنه دقيقه اموت.. عارفه يعنى ايه اموت
ابتسام تحضنها _ مش عارفه اقولك ايه، بس انا متاكده انه هيجي يوم ويعرف انه بيحبك
عائشة بدموع _ ابتسام اارجوكي متدنيش امل في حآجه مستحيل تحصل، انا االلى شايفه وعارفه، اني اخر واحده في الدنيا ممكن يحبها
#أسر
جيت الشغل بقالي ساعات وأش لسة مجتش وبتصل بيها بيديني مغلق،.. كلمت ابتسام اسأل عليها قالتلي خرجت من بدري وتلاقيها جايه في السكه،
بقيت الف مكاني وانا متعصب منها علي التأخير ده، هي عارفه اني مش بركز لوحدي، ولا بفطر قبل ما تيجى، ولا بعرف امشي الشغل من غيرها
روما تدخل وهي ترتدي فستان مفتوح من اعلي الركبه اللى اسفل القدم، وحملات صغيرة لتظهر مفاتنها البارزه
روما _ صباح الخير
أسر يقعد علي مكتبه _ اهلا روما
روما تضع يدها علي المكتب وتميل امامه _ زعلان ليه
أسر _ مفيش، انتي عامله ايه
روما بمياعه _ كويسه، وانت
أسر _ حلو
روما _ فطرت؟
أسر _ لسه،.. الاستاذه لسه موصلتش
روما _ استاذة مين
أسر _ عائشة
روما _ وانت مستني المعقده دي تفطرك
أسر _ روما بليز أش صحبتي بلاش تغلطي فيها
روما تقترب منه أكثر _ سوري يا حبيبي مش هضايقك تانى… تسمحلي انا افطرك المره دي
أسر بإبتسامة _ ممكن
روما وهي تنظر لشفتيه بمياعه_ ثواني هطلب اكل ونفطر سوا ( ثم تهم ان تعتدل ليضع يده خلف رأسها ويقبلها وفي تلك اللحظة تدخل عائشة لتقف وهي تنظر اليهم، لتشعر ان نار مشتعله في قلبها ثم تضغط علي زجاجة المربي بقوه لتنكسر بين يديها)
سمعت صوت، ف بعدت عن روما وبصيت خلفها، لقيت أش واقفه وايدها بتنزف دم، قومت بسرعه مسكت ايدها وحاولت اوقف الدم بأيدي، وخدتها قعدتها علي الكرسي
أسر _ روما بسرعه هاتلي علبة إلاسعافات
روما _ في هنا؟
أسر _ اسألي هيثم هيقولك هي فين، بسرعه يا روما
روما بمياعه _ اوكي،(وبتمشي)
أسر يقلع الكرفته ويسد بيها الدم _ ايه اللي عملتيه ده مش تركزي
عائشة تشيل ايده _ متشكره انا هقدر اوقفه بنفسي، عن اذنك
أسر يقعدها تانى _ اقعدي رايحه فين،مش تستني نوقف الدم
عائشة _ انا عايزة اروح المكتب ورايا شغل مهم،… واسيبك انت كمان تكمل شغلك
أسر _ لا لما اطمن عليكي … قوليلي مالك النهارده
عائشة _ مالي ما انا كويسه اهو ولا شيفني بشد في شعري
أسر _ ايوه اتجننتي، اول حاجه اتاخرتي ساعات وبعدين كسرتي الازاز في ايدك ودلوقتي عايزة تمشي انتي وبتنزفي
عائشة بنرفزه _ مجنونه بقا،،، مش دايما تقولي اني مليش في الهزار ودمي حامي ومتخلفه اهو انا كده بقا عندك مشكله
أسر _ علي فكره انا اللي مستنيكي من الصبح علشان اتخانق معاكي، متقلبيش التربيزه، .. . متأخرّة تلات ساعات وسيباني زي الكلب لوحدي،حتي مسألتيش فطرت ولا لأ
عائشة بخيبه _ ايوه صح، حتي جيت لقيتك وحدك بتعيط يا عيني، وحاسس بالوحدة وهتموت من الجوع
أسر _ انتي قصدك علي روما
عائشه _ مقصدش حد،
أسر _ اللي حصل ده برا الموضوع، انا عارف انك جد في الشغل ومش بتحبي الحاجات دي بس ده ميبررش غيابك كل الوقت ده وسيباني لوحدي
عائشة بتنهيده _ صح انا جد ومعقده، والمنظر اللي انا شوفته ده مينفعش في شركه محترمه زي دي،،، انا هستقيل يا أسر
أسر _ انتي مكبره الموضوع كده ليه، وايه تستقيلي دي كمان… عايزة تسيبيني يا أش، هتقدري تسيبي صديقك الوحيد
عائشة _ لأ
أسر بعصبيه_ امال ازاي اتجرأتي وقولتيها
عائشة _ علش…
أسر بمقاطعه بعصبيه _” أش “ارجعي على مكتبك وخلي هيثم يجبلك علبة الاسعافات هناك
عائشة _ انت اللي بتزعل؟
أسر بعصبيه _ ومزعلش ليه ، جايه بعد السنين دي كلها واحنا مع بعض تقوليلي استقيل علشان حآجه هايفه متخصكش اساسآ
عائشة _ عندك حق، هي متخصنيش
أسر بعصبيه _ اه متخصكش ولا عشان انتي مبتحبيش روما تطلعي عقدك عليه وتقوليلي امشي واستقيل
عائشة تقوم والدموع في عينيها _ انت غبي اوي يا” أسر” ومبتحسش
أسر بعصبيه _ مش انا اللي غبي، انتي اللي معقده ودا عيبك، عايزة كل حآجه تمشي على المسطره، طول الوقت اعمل كده متعملش كده اضحك متضحكش ابعد عن دي ودي ودي … ايييه، امال لو مكناش صحاب بس كنتي عملتي اية
عائشة بدموع _ وعلشان احنا صحاب انا بحاول امنعك من الغلط، بس لو تصرفي ده بقا يخنقك انا متنازله عن الصحبيه دي،
أسر _ أش، ارجوكي افهمي، انا بحبك انتي اقرب حد ليه،وبجد كنت هتجنن لما اتأخرتي، بس نفسي تديني حريتي شويه، مينفعش كل ما اقرب لوحده تزعلي وتطفيشيها،… الا روما يا أش الا روما
عائشه بدموع _ حاضر، الا روما … عن اذنك
أسر يشدها لحضنه _ انا اسف
عائشة بدموع _ بدلتك هتتوسخ بدم
أسر يظل متمسك بها _ أش انتي اقرب حد ليه ومش حابب اخسرك، عشان خاطري افهميني
عائشة تبعد عنه _ فهماك، اوعدك مش هضايقك تانى ولا هتكلم كلمه وحشه عن روما،
أسر _ متشكر
عائشة _ رايحه المكتب
روما تدخل _ اتفضل
أسر _ اقعدي يا أش… شكرا يا روما
روما _ سلامتك… عن اذنكم (وبتمشي)
عائشة _ انا هعقمها بنفسي
أسر يمسك أيدها ويقعدها _ ممكن تبطلي عِند
كنت بربطلها أيدها وفجأه ببص عليها ف لاحظت انها من غير نضاره،
أسر بتركيز _ فين النضارة
عائشة _ اتكسرت
أسر _ احسن ، عينيكي احلى كده
عائشة _ دي عدسات طبيه
أسر _ بردو حلوين، خليكي كده على طول
عائشة _ ماشي
أسر _ انا مفطرتش
عائشة _ عامله حسابي
أسر _ طيب روحي هاتى وتعالي ناكول مع بعض
عائشة _ حاضر
اول مره ازعلها كده، بس هي ضايقتني لما قالت استقيل، طيب هي عارفه اني مقدرش اشتغل من غيرها، ازاي تقولي كده
في نهاية اليوم طلبت من روما تروح معايا البيت علشان اعرفها علي اهلي، وبعد كده اتقدملها، وهي وافقت
#سليم
كنت قاعد مع بابا وماما بالليل لما جه أسر ومعاه بنت لبسها مكشوف، ولما ركزت افتكرتها،.. هي نفسها البنت اللي خبطت فيها من يومين، مش عارف جايبها ليه بمنظرها ده،.. قومت علشان امشي وهو وقفني
أسر _ سولي رايح فين
سليم _ ورايا شغل لازم اعمله
أسر _ في حد يسيب ضيوفه بردو، احب اعرفكم ب روما
مسك _ اهلا حبيبتي نورتي
روما _ ميرسي يا طنط، ازيك يا انكل
سيف _ كويس،.. تكون مين الانسه؟
أسر بإبتسامة _ تكون….
روما بمقاطعه _ صديقته
أسر بهمس _ اسمها حبيبتي متعمليش فيها مش فاهمه
روما بهمس _ انت معترفتليش بمشاعرك لسه، خليها بعدين
سليم _ أسر انا داخل في ايه
روما تمد يدها له _ ازيك، احنا اتقابلنا قبل كده صح
سليم يتجاهل يدها _ مش واخد بالي،
أسر _ اتقبلتو فين
روما _ خبطنا في بعض علي باب الشركه، بس مكنتش اعرف انه تبع العيله، و متعرفناش لسه
سليم _ عرفوها انتو، وانا هشوف شغلي تصبحو علي خير
أسر _ استنا يا سولي
سليم يتجاهل كلامه ويدخل
كنت متأكد ان اسر هيعرفنا عليها علي اساس حبيبته، بس هي قاطعته،.. وبصاتها ليها مش مريحاني من اول مره قابلتها فيها،.. ومش عارف أسر اتورط معاها ازاي … دي هدومها مش مداريه حاجه في جسمها ونظراتها متناسبش واحده محترمه
#روما
من اول مره شوفته فيها وانا هتجنن، شكله وسيم اوي وعضلاته باينه من البدله، وشكله جد اوي وتقيل،.. انا روما اللي الكل بيتمنو ابصلهم بصه،.. هو الوحيد اللي مبصليش وتقل عليه، وقتها مكنتش فاكره اني هقابله تانى ف مفكرتش كتير وكملت مع أسر ،وبعد البوسه اللى فى المكتب، فهمت ان كده خلاص احنا مع بعض، وجه اخر اليوم طلب يعرفني على اهله، ولما روحت عندهم وشوفت سليم،.. بصراحه أسر مبقاش يهمني، علشان كده وقفته قبل ما يقولهم حاجه، لاني ببساطة مش هتجوز غير سليم، مع انه تقيل وشكله هيتعبني بس هو يستاهل التعب، حتي لو هكمل مع أسر عشان اوصله
#احمد
كنت بوصل زبون وفي طريقي شوفت البنت دي قاعده في كافية مع صحبتها، ف وقفت دقيقة جمب الكافيه وررحتلها
احمد _ يا مزمزيل لحظه لو سمحتي
شدن _ انت
احمد _ ايوه انا، من يوم ما سبتك وانا بدور عليكي
شدن _ بطل قلت ادب وامشي من هنا طيب
مها _ مالو بيكي ده
احمد _ مالي بيها ايه أنتي كمان انا جاى علشان…
شدن بمقاطعه _ جاي عشان تعاكس،امشي من هنا بدال ما اطلبلك البوليس
احمد _ تصدقي انك بنت قليلة الادب وانا غلطان اني عبرت واحده زيك
شدن تشهق _ مين دي اللي قليلة الأدب ياض انت،طيب والله لا انا مورياك ( تمسك قطعت ديكور من علي التربيزه وتروح عنده)
احمد يبصلها ببرود _ هتضربيني؟
شدن _ لاااااا.. انا هعمل كده، ثم تضربها علي زجاج العربيه تكسره
احمد بذهول _ يا نهار ابوكي اسود العربيه يابنت لل *** دي عهده يابنت ال***، طييييب وربنا ما انا عاتقك النهارده،( بيجي يمسكها يلاقيها بتجري بعيد،ويجري وراها بكل عزمه لغيت ما يلحقها)
شدن _ لو قربتلي هصوت والم عليك الناس
احمد _ لو مصلحتيش العربيه علي حسابك انا هروح فيكى في داهيه
شدن _ طيب مش هصلحها واعلي ما في خيلك اركبه
احمد يطلع المطوه _ تحبي اكتبلك حرف ايه علي الخلقه الحلوه دي
(مها تيجي ولما تشوفه كده تجري بعيد شويه وتسيبها معاه)
شدن بخوف _ ياااا واطيه يا عره سيبتيني
مها من بعيد _ متخافيش يابت اجمدي
احمد _ اخلصي هتصلحي العربيه ولا لأ
شدن _ يافندم ممكن تنزل المطوه دي
احمد _ اخلصي يابت
شدن بخوف _ هصلحها حاضر بس بعد دي
احمد يقفل المطوه ويدخلها جيبه _ قدامي
شدن _ حاضر حاضر،اتفضل
احمد _ متحاوليش تهربي عشان هجيبك متكتفه
شدن _ واهرب ليه من حضرتك طيب ده حتي انت طيب ومؤدب،( وفجأه ترش في وشه شئ وتجري)
#شدن
خلطة الملح والشطه والمون نفعت وقدرت اهرب منه وسبته يفرك في عينيه ويزعق
مها _ ههههههههههههههه انا لما شوفته ماسكلك المطوه خوفت
شدن _ انتي صاحبه انتي، اتفووه عليكي
مها _ مانتي الغلطانة حد قالك تكسريلو ازاز العربيه
شدن _ يابنتي ده ولد مترباش مشفتهوش المره الفاتت عمل فيه ايه
مها _ قصدك ان هو ده نفسه السواق اللي شتمك
شدن _ اه هو الزفت، بس انا فرحااانه فيه فرررح، دلوقتي هيعما ويتربا
مها _ يستاهل طالما قليل الادب
شدن _ ههههههههههههههه شكله يضحك هو وبيتلوي من حرقان عينيه
مها _ صعب عليه بجد، يعني تكسريلو عربيته وكمان تعميه يا مفتريه
شدن تمسكها من قفاها _ انتي صحبتي ولا صحبته
مها _ صحبتك بس بصراحه الواد حلو
شدن _ طول عمرك تحبي الرمرمه، ابقي استنضفي، امال لو شوفتي اللي معذبني هتقولي إيه
مها بقرف _ شوفته! مقرف، بالجونتي اللي لابسة اربعه وعشرين ساعه ده
شدن _ اصلك انتي متعرفيش انه صوباعه مقطوع ف بيتهيالي مداريه فيه
مها _ يا حرااام، وده اتقطع ازاى
شدن _ بيقولو حادثة
مها _ طيب وانتي عملتي ايه معاه تاني
شدن _ معملتش، كل مره يصدني، خلي منظري زفت قدام نفسي
مها _ طيب ما تحاولي تشوفي هو بيحب اية واعمليه
شدن _ بيحب الصمت والاب توب
مها _ ودا حبيتي في امه ايه
شدن بإبتسامة _ حبيت تقله وشكله ،حلوووووو يخربيته، حاجه كده اجنبي
مها _ طيب وفين الصفات اللي حبيتيها
شدن _ صفات ايه بقولك بيعشق الصمت،، شوفي انا بشوفه من وانا بيبي عمري ما شوفته بيضحك وكلامه لضروره القصوى
مها _ ايه القرف ده
شدن _ اسكوووتي انا هموت كده واضايقه زي ما دايما متجاهلني ومش معبرني
مها _ اقولك اللي حاسه بيه ده ايه
شدن _ ايه يا فيلسوفة عصرك و اوانك
مها _ اللي انتي حساه ده وهم وعِند، علشان مش معبرك، عارفه ما يعبرك ما هتحبيه، وانتو الاتنين متشبهوش لبعض نهائي،ومش هترتاحي لو اتجوزتيه، لانك انتي منفتحه شويه وبتحبي تخرجي وتعيشي الحياه وهو عكسك تماماً
شدن _ ممكن تخرسي، تحليلك غلط، انا بحب سليم، انااا بعشقه عشق
مها _ جاااايز ليه لأ
#ميرال
بعد يومين، كنت نايمه.. وصحاني صوت رسالة علي مسنجر ، مسكت الفون بلهفه وفتحتها لقيتها من أسير عينيها
أسير عينيها _ مستعده
ميرال _ مستعده ل أية
أسير عينيها _ اقولك على الحاجه الملزمه تعمليها
ميرال _ انت قولت لو حلمت بيك
أسير عينيها _ طيب افتحي الباب
ميرال _ باب ايه
أسير عينيها _ باب اوضتك
ميرال _ ليه
أسير عينيها _ افتحي وهتعرفي
ميرال _ متقولش انك جيت
أسير عينيها _ انتي مش طلبتي تشوفيني؟
ميرال _ اه بس مش كده
أسير عينيها _ لو مفتحتيش دلوقتى، عمرك ما هتشوفيني
ميرال _ هفتح
قومت من مكاني ومشيت بخطوات بطيئه لغيت ما وصلت للباب، مديت ايدي بالعافيه علشان افتح، ولما فتحت لقيت واحد قدام الباب بس مقدرتش اشوف ملامحه كويس يدوب عينيه باينين شويه بسبب الاضاءه اللي جاية من خلفه، وقبل ما اتكلم كلمه واحده كان……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
