رواية عشق بالخطأ (أحببت مجنونة 5) الفصل السابع والعشرون 27 بقلم نجمة براقة
رواية عشق بالخطأ (أحببت مجنونة 5) الجزء السابع والعشرون
رواية عشق بالخطأ (أحببت مجنونة 5) البارت السابع والعشرون
رواية عشق بالخطأ (أحببت مجنونة 5) الحلقة السابعة والعشرون
بعد يومين
#ياسر
عدا يومين وانا بشوف مريم من خلال الكاميرات بس،.. كانت طول اليوم تتمشا شويه وبعدين تنام، وبعدين تاكل حاجه خفيفه متشبعش، وفي وقت النوم مكنتش تنام في الاوضه، كانت بتنام علي الكنبه في الصاله ! ف اتصلت بيها في وقت النوم علي اساس اني اضايقها لكن الحقيقه اني عندي فضول اعرف السبب اللي مخليها تنام هنا مش في الاوضه ولما اتصلت بيها كنت شايفها علي الاب توب لاني حابب اعرف هتتصرف ازاي،.. واللى حصل انها استنت لما خلصت الاتصال الاول واتصلت تاني، وكنت هموت واشوف وشها بس الكاميرات مش جيباه
مريم _ الو
ياسر _ مبترديش ليه
مريم تتمدد علي الكنبه _ مكنتش جمب التليفون
ياسر وهو يستطيع رؤية وجهها وابتسامتها _ امال كنتي فين
مريم _ كنت مع جارنا علي الي قدامنا
ياسر بإبتسامة _ انتي ازاي تقعدي مع رجاله انا مش نبهت عليكي
مريم تحاول ان تخفي ضحكتها _ اصله راجل كيوت
ياسر _ لا طالما كيوت اقعدي
مريم _ مش مستنيه رايك … متصل ليه
ياسر _ كنت بطمن علي التيشرت بتاعي الازرق، هو كويس
مريم تضحك بدون صوت ليبتسم هو الاخر _ مش تبطل رزاله انا عايزة انام
ياسر _ ما تنامي هو انا حوشتك
مريم _ ما انا هنام بس انت اللي بترغي
ياسر _ هسيبك اهو بس اوعي تنامي في الجمب بتاعي علشان تفتكريني وكده
مريم _ مش بنام في الاوضه أصلا
ياسر _ بتتكلمي جد
مريم _ ايوة
ياسر _ طيب ليه
مريم _ كدة
ياسر _ كده ايه… بتخافي منها؟
مريم بتنهيده _ يعنى شويه
ياسر _ ايه السبب
مريم _ بفتكر اللي حصل فيها
ياسر _ ما انتي كنتي بتنامي فيها معايا اشمعنا دلوقتي بتفتكري
مريم _ معرفش
ياسر _ طيب عندك اوضه تانيه تقدري تنامي فيها
مريم _ انام على الارض
ياسر _ لا ميصحش تنامي علي الأرض
مريم _ طيب بتروط ليه
ياسر _ بروط؟
مريم _ يعني بتلت ليه
ياسر _ ياسبحانه، يعني ايه بروط طلعت بلت، هو حد قالك اني مش فاهمهم، انا علي الغلط
مريم _ ايه الجديد واحنا امتي احترمنا بعض
ياسر _ صح عندك حق
مريم _ ايوه طيب هطلقني امتي بقا
ياسر _ لما يخلص الاسبوع
مريم _ طيب، عاوز حاجه
ياسر بإبتسامة _ ايوة
مريم بإبتسامة _ ايه
ياسر _ كنت عاوز اشتري هديه ل روان ومش عارف اختار ايه
مريم بغيظ _ اممممم اقولك تشتريلها ايه ومتزعلش
ياسر بإبتسامة _ قولي
مريم _ لا عيب لما انطقها عيب جداً
ياسر _ ههههه قولي متتكسفيش
مريم _ غور يا ياسر
مريم _ انا مش عارف روان مضيقاكي في ايه
مريم _ عاوزة اناااام اقفل
ياسر بإبتسامة _ اقولك هوي هوي؟
مريم _ لأ
ياسر _ ماشي، تصبحي علي خير
مريم تقفل من غير رد ورمي التليفون في الحيط بغيظ
مريم بنرفزه _ الله يقطعكم انت وهي في ساعه واحده ، جببببله ، مبيحسش ، معندهوش دم
كسرت التليفون ومش هعرف اكلمها تانى ههههه
بقيت اراقبها وقت كبير وهي شويه تبكي وشوية تقوم تتمشا في المكان واخر حاجه عملتها جابت صورتي وبقت تشاور بصوبعها عليها و تكلمها
مريم _ عينيك دي عاوزة رصاصتين يضربو فيهم ، بقولهالك بجد والله مش بجاملك ، انت عاوز رصاصتين في عينيك ، و بوقك ده! عاوزة ابره وخيط ويتخيط ، وتقعد كده في الركن، السياح يتفرجو عليك، ويطلق عليك اسم ياسرهيار مشتق من اسم شهرايار،… انت مبتعتقش لا اخضر ولا يابس في الستات … وسبحانك يارب، بيموت في كل الستات الا انا ليه معرفش، مع اني جميله وموزه وبشهادة الشهود، انما اقول ايه، قال برا وجوه فرشتلك وانت حالك مايل وايه يعدلك…. فرشتيلوه ايه انتي كمان انتي هتخيلي ما الكل عارف انك نكد
سبت الاب توب و وقعت علي الارض من كتر الضحك عليها، اه يا مجنونة يابنت المجانين لولا اني مش عاوز ابوظ الموضوع كنت روحتلها دلوقتي
#سيف
عدا اسبوع من يوم سفر خالد ولسه مرجعش واللي قلقني في سفره ده انه خد بنته معاه وشكله كده هيتأخر شويه حلوين، بس مش مشكله مسيره يرجع هيتغرب لامتي يعني
سليم يجي ومعاه اسر _ بابا بابا
سيف _ تعالو
سليم _ أسر بيبكي وانا سكته
سيف بإبتسامة _ حبيبي يا سولي ..بتبكي ليه يا أسر
أسر _ ماما
سيف _ مالها ماما
سليم _ عاوزها تشيله هي وبتطبخه، بس انا سكته
سيف بإبتسامة _ انت حبيبي
سليم بطريقة طفوليه _ انا شاطر يا بابا؟
سيف يقبله _ انت اشطر راجل في العالم كله
سليم _ طيب اروح معاك الشغل
سيف _ لما تكبر بس دلوقتي انت لازم تروح الحضانة علشان تتعلم
سليم _ طيب
سيف _ وانت يا استاذ هتكبر امتى
سليم _ مش هيرد عليك
سيف بإبتسامة _ طيب خده العبو جوه وانا شويه وهرجعلكم
سليم _ طيب، يلا يا أسر
(بحب حنية سليم على أسر وحاسس انهم هيكونو صحاب)
دخلت المطبخ عند مسك وحضنتها فجأه من الخلف ، وكانت هتضربني بالمغرفه من الخضه
سيف _ بس بس انا سيف
مسك تزفر براحه _ ايه ياخي ده هو في كده
سيف _ فصيييله اوي
مسك تستدير وتطوق رقبته بيديها _ افرض دلوقتي كنت فتحت دماغك بالمغرفه
سيف _ معنديش مشكله
مسك _ ههههه ياااعيني
سيف _ ياليلي
مسك _طيب قولي ! كلمت زين النهارده؟
سيف _ كلمته ! قالي بيلف مع العروسه واختها علي المحلات
مسك _ ربنا يسعدهم
سيف _ انا مش متخيل ان زين هيتجوز، ده ملهوش اي تجارب مع الستات حتي في امريكا مكنش ليه جيرل فريند
مسك _ وانت خليتله حاجه ما انت كنت مخلص عليهم
سيف _ اديكي قولتيها بس لما شوفتك توبت قصاد عينيكي
مسك بإبتسامة _ بس انت بردو كانت نيتك مش صافيه نحيتي وخطفتني
سيف _ ههههه اه صح خطفتك مرتين اول مره خدت رصاصه وتاني مره طلعتي اختي، انا مش عارف ازاي متوبتش من مرتين واصريت اني اتجوزك
مسك _ ههههه ياااخي ربنا ما يعودها ايام انا كنت بتكسف من نفسي بعد ما عرفت انك اخويا، كنت بخاف اشوفك بصدفه
سيف _ انا بقا رغم اني كنت عارف اننا اخوات وقرفان من نفسي ! بس مقدرتش انسا لحظة انك انتي حبيبتي ، وفرحتي مكنتش تتقدر لما بابا اتكلم عن موضوع عاصم مع رودينا … هو قالي علي الاغتصاب ومرديش يقولي انك مش اختي بس انا فهمت
مسك بخيبه _ انا بقا كان الخبر بنسبالي زي السك*ين اللي بتقطع فيه مقدرتش افرح زيك ولغيت دلوقتي بحاول انسا
سيف _ عارف ان الموضوع صعب عليكي ومش سهل تنسي بس انا بحمد ربنا انه حصل ! لاني حلمت بيكي قبل ما اشوفك بسنين، ف ازاي بعد ده كله تطلعي اختي
مسك بإبتسامة باهته _ عندك حق
سيف _ كل ما تحسي انك تعبانه من الموضوع ده افتكري ان من غيره عمرنا ما كنا هنكون لبعض
مسك _ دي الحاجه الوحيده اللي مهونه عليا
سيف يقبلها فوق جبينها _ ربنا يخليكي ليه
مسك بإبتسامة _ ويخليك ليه
سيف يقترب ليقبلها وهي تصرخ فجأه
مسك بصراخ _ الطبيخ اتحرق ااااه وسع
سيف يضيق عينيه _ امممم هروح العب مع الاولاد
مسك _روووح
سيف بهمس _ نكد
#زين
نسمه مُصره انها مش هتقابلني لوحدنا غير بعد الفرح، وانا عمال اتحايل عليها واكتبلها مسجات بالهوا من البلكونة لغيت ما استغنينا عن الفون خالص، وهي بردو مش عاوزة تقابلني بعيد عن المحلات وكمان بتاخد معانا اسينات زي العسكري،. ف قررت النهارده اجبها غصب عنها،
بعتلها رسالة علي الفون ، قولتلها تلحقني انا تعبان جداً ، وقالتلي انها هتيجي، وبعد شويه جت وشوفتها من الباب الازاز، و روحت فتحتلها
زين _ المره دي هيكونو 15 دقيقه وهقولك تلاتين سر
نسمه _ ههههه تعاله يا بابا
(زين يترقب ظهوره بصدمه)
سليمان يظهر من خلف الحائط _ في اسرار ايه بينكم؟
زين بصدمه _ د د دكتور سليمان، ا ا اهلا اتفضلو
سليمان _ مالك؟ نسمه قالتلي انك تعبان
نسمه تداري ضحكتها _ ضرسه يا بابا
زين بارتباك _ صح ضرسي واجعني
سليمان _ انا مش تخصص اسنان بس ممكن اجبلك مسكن
زين _ ياريت تجبلي اصله واجعني اوي
سليمان _ طيب روحي يا نسمه هاتيه من الدرج وتعالي
نسمه _ ههههه حاضر
سليمان _ بسرعه! الفنان باين عليه تعبان… سلامتك يا فنان
زين بإبتسامة ظاهريه _ شكرا يا دوك
( وقفت ورا باباها وكتبتلي علي الهوا ” البس ” مع اني كنت لابس هدومي كلها)
زين _ اتفضل يا دكتور
سليمان _ مش دلوقتى ! قولي بقا “سر ” ايه اللي بتتكلم عنه وعاوز تقوله ل نسمه
زين _ احم… سر في الشغل كنت داخل شغل جديد وانت عارف بقا شغلانتنا دي تتطلب السريه
سليمان _ انت هتقولي ! انا اعرف ان اي شغلانه لازمها صبر ولازم الواحد يصبر كده ويهدا لغيت ما تخلص الشغلانه ولا ايه
زين بخزي _ عندك حق
سليمان _ برافو حبيبي اتقل ومتقولش اسرار دلوقتي علشان مستقبلك
زين _ حاضر
دكتور ذكي وشكله فهم ، العيله كلها طلعت ذكيه الحقيقه ، بس ماشي شهر مش بعيد وهخلص منك كل اللي عملتيه يا نسمه! انا تجبلي باباها
بعد يومين
#مريم
من وقت ما قعدت لوحدي في الشقه وهو مجاش خالص وتليفوني اتكسر من يومين ومش عارفه اكلمه ، و مش حابه اروح ال Nightclub علشان ميفهمش اني لسه مشغوله بيه ، واخر ما تعبت قعدت مكاني ونِمت،
#ياسر
كل شويه افتح الكاميرات الاقيها بتتمشا في المكان وظاهر عليها الوحده والملل ، وانا حالي مش احسن منها ، عدا اربع أيام وهي بعيدة عن البيت ، حاسس اني ناقصني حاجه مهمه ، حتي لو مكنتش بحبها ، بس انا اتعودت علي وجودها كل يوم ، ومناقرتها معايا ، وخناقاتنا اللى مبتخلصش ، والمقالب ، وغيرتها عليه من روان
وعلشان كده مقدرتش اكمل الاسبوع ، و روحتلها عشان اطمن عليها مش علشان اقولها ارجعي معايا ، واول ما وصلت وفتحتلي ، وقفت وهي متردده تظهر فرحتها ولا تداري ، تسلم عليه او لأ ، بس انا مترددتش اني احضنها وحسيت ب أيديها متمسكه بالجاكت بتاعي بشده وكنت سامع صوت تنهيدتها وانا حالي مكنش اقل منها
تبعد عنه بعد لحظات _ ايه اللي جابك
ياسر _ اسمها اتفضل
مريم _ اتفضل حلو كده
ياسر _ مش حاسسها
مريم بإبتسامة _ اتفضل
ياسر _ مش مستني عزومه منك
مريم _ اقولك ايه انا داخله وانت حر تدخل او لأ
ياسر يدخل ويقفل الباب _ دي مقابله تقابلي بيها جوزك
مريم _ تضحك وانت بتقول جوزك امال لو مكنش طلاقنا باقي عليه يومين
ياسر _ لغيت ما يخلصو انا اسمي جوزك
مريم _ وعاوز ايه بقا يا جوزي
ياسر يجلس على الانتريه _ تعالي اقعدي
مريم تقعد جمبه _ ها
ياسر _ كنت حابب اعرف هتعملي اية بعد الطلاق
مريم _ هدور علي شغل
ياسر _ واهلك؟
مريم _ مبقليش اهل
ياسر _ مش هترجعي؟
مريم _ لأ
ياسر _ انا ممكن اصالحك عليهم
مريم بتنهيده _ ملوش لزوم
ياسر _ هتقعدي لوحدك يعني
مريم _ هكون مرتاحه كده
ياسر بتردد _ امم طيب لو انتي حابه يعني انك …انا بقول لو حابه … لو تحبي تفضلي على زمتي واجيلك كل يوم شويه انا معنديش مانع
مريم _ متشكره كتر خيرك لغيت كده
ياسر _ طيب براحتك انا بقدم المساعده بس
مريم _ لو كنت قولت موافقه كنت هتيجي بجد ولا عزومتك تقضية واجب
ياسر _ كنت هتمادا واجي ابات معاكي كل ليله
مريم بإبتسامة خفيفه _ و روان
ياسر _ عادي انا حر
مريم _ انت حر واناني ومبتحسش باللي حوليك
ياسر _ بيتهيألك
مريم _ بيتهيألي؟ حسيت امتي طيب ما انت اهو بقولك روان تزعل بتقولي انا حر
ياسر _ تحبي تخرجي النهارده
مريم _ بتتهرب صح
ياسر _ صح… قولتي ايه تخرجي معايا ولا لأ
مريم بقرف _ هخرج ما انا هتشل من الملل
ياسر _ طيب اجهزي وانا مستنيكي هنا
مريم _ ماشي
روحنا ال Nightclub وكنت حابب انها تشرب كتير عشان ارجع معاها تاني واسمع كلامها اللي دايما تقوله هي ومش حاسه بنفسها، كان نفسي انومها لأخر مره
#مريم
روحنا ال Nightclub وانا عملت اني بشرب بس انا كنت بدلق المشروب على الارض علي غفله منه ، لأني كنت حابه اشوف ايه اللي هيحصل ، وهيقول ايه.، كنت حابه اكون مركزه في اخر ليلة هكون معاه فيها ،
ياسر _ تاني يابني
مريم _ متجبش يابني ، احنا هنرقص
ياسر _ لما تخلص الموسيقي الممله دي
مريم _ انا حابه ارقص عليها يلااا بينا ( تمسك يده وتروح في ساحة الرقص)
مريم _ حط ايدك هنا… في وسطي انت مبتفهمش
ياسر _ ههههه ماشي كده كويس
مريم _ اه، يلا ارقص
ياسر بإبتسامة خفيفه _ انتي سكرانه صح
مريم_ لاااا انا مبسكرش خالص
ياسر بإبتسامة _ انا عارف، تحبي تروحي طيب
مريم _ حابه ارقص شويه
ياسر _ ماشي ، خلينا نرقص شويه
مريم بعد صمت _ رجعت تاني ليه
ياسر _ كنت حابب اشوفك
مريم _ وتشووفني ليه ها
ياسر _ اتعودت عليكي في حياتي
مريم _ اتعودت تعود
ياسر _ ايوه
مريم _ ايه الفرق بين الحب والتعود
ياسر _ مش عارف
مريم _ امال مين اللي يعرف
ياسر _ ده مش شكل واحده سكرانه انتي شكلك فايقه صح
مريم _ انا مبسكرررش أبداً متقولش اني بسكر تاني علشان مزعلكش
ياسر بإبتسامة _ طيب انا حلو ولا وحش
مريم _ وحش
ياسر _ ههههه متشكر و كفايه رقص خلينا نمشي
مريم _ هتيجي معايا
ياسر _ ايوه
مريم _ وتقولي هوي هوي
ياسر بإبتسامة _ هقولك هوي هوي
#ياسر
كنت واخد بالي منها انها مبتشربش وبتدلق المشروب على الأرض ولما كلمتها عملت انها سكرانه
رجعت البيت ونامت علي السرير ولما جيت امشي مسكت ايدي
مريم _ قولتلي هتغنيلي
ياسر بإبتسامة_ طيب ابعدي خليني اقعد
مريم تبتعد _ اهو
ياسر _ يلا نامى
( تنام علي رجله)
ياسر يدلك فروة رأسها _ هوي هوي
مريم بمقاطعه _ اخر مره هنام كده
ياسر _ المفروض
مريم _ احسن دا حتى رجلك مش مريحه
ياسر _ ههههه يعني مبسوطه اني هطلقك؟
مريم _ عادي
ياسر _ يعني ايه عادي
مريم _ يعني عادي
ياسر _ الموضوع ميفرقش معاكى يعني
مريم _ مش مهم يفرق معايا انا!
ياسر _ اه
مريم _ وانت! هيفرق معاك ولا لأ
ياسر _ مش اوى
مريم _ يعني هيفرق شويه
ياسر _ مش كتير
مريم _ ندل اوي
ياسر _ وانتي عاوزاه يفرق معايا ليه في النهايه كل واحد هيروح لحاله
مريم تقوم _ انت صح
ياسر _ قومتي ليه
مريم _ ملوش لازمه، انا اقدر انام لوحدي، خليك هنا وانا هنام علي الكنبة
ياسر _ خليكي انا اللي همشي
مريم _ خليك النهارده لو حابب
ياسر _ روان مستنياني
مريم تحبس دموعها _ اها، تمام
ياسر _ هابقي اجي بعد يومين ومعايا المأذون
مريم _ مستنيه
طلعت من الاوضه في طريقي للباب واتمنيتها تقولي استنا، بس منطقتش، وقفت عند الباب وبصيت عليها لقيتها بتداري دموعها ومبتسمه ابتسامه ظاهريه، وقفت شويه ابصلها وانا بفكر ارجعلها بس خوفي منعني ومش عاوز اتنازل،
مريم بدموع _ ياسر!
ياسر _ ايه
مريم _ ممكن تخليك هنا النهارده علشان خايفة لوحدي
ياسر بإبتسامة _ ممكن
مريم _ شكراً
رجعت عندها وكنت هدخل الاوضه تانى بس هي مسكت ايدي وبقت تبكي، قلبي بدأ يرق لحالها وبقيت ادعي علي شاهر بيني وبين نفسي،
ياسر _ بتبكي ليه
مريم تضع رأسها علي كتفه وتبكي _ مش عارفه أعمل إيه في نفسي أنا تعبانه قوي
ياسر يضمها ويخبئ وجهه بين خصلات شعرها _ انت عاوز ايه
مريم بدموع _ مش عارفه
ياسر يبتعد عنها _ خايفة تكوني لوحدك؟
مريم بدموع _ ايوه
ياسر _ هجبلك واحده تقعد معاكى
مريم _ واحده ؟
ياسر _ ايوه
مريم _ شكرا اقدر اجيب لوحدي! وبعد ما تطلقني تيجى تستلم شقتك
ياسر _ انتي مش هتسيبي الشقه! انا كتبتها بأسمك
مريم _ مش عايزة شفقه منك، اديها ل روان هي اولا بيها منى
ياسر _ لأ دي بتاعتك وبلاش كلام كتير ويلا ننام
مريم _ ادخل نام انت انا هنام علي الكنبة دي
ياسر _ هتنامي علي السرير
مريم _ مش هنام علي سراير
ياسر _ قدامي
مريم _ قولت لا
ياسر بحده _ يلاااا ناااامي علي السرير
مريم _ لأ انا حره
ياسر يشدها من ايدها ويقعدها علي السرير _ اترزعي هنا
( نامت على السرير وهي بتبصلي بقرف وانا نِمت علي الكنبه وبعد شويه قامت فجأه)
مريم _ ياااسر
ياسر _ عاوزة إيه
مريم _ مقولتليش هوي
ياسر _ انا كل مره اقولك ، قوليلي انتي المره دى
مريم _ طيب هقولك تعاله
ياسر يقوم فجأه ويتمدد ويحط رأسه علي رجلها
مريم _ ما براحه رجلي دي مش مخده
ياسر _ قولي وانتي بتدلكي في دماغي
مريم _ طيب، علشان بس متفكرش انك عملتلي حآجه بدون مقابل
ياسر _ طيب خلصي عاوز انام
مريم تدلك شعره وهي تتأمله بإبتسامة
ياسر _ مش بتقولي هوي هوي ليه
مريم بإبتسامة _ هوي هوي ، يلا تنام يلا تنام وادبحلك طير الحمام
ياسر يرفع رأسه ويبصلها _ الحمام ذنب امه ايه يدبح علشان ننام ، انا طول عمري معترض علي الاغنيه دي ، يعني الحمام يطير في السما في حاله ، ف تجي ست رزله تمسك و تد*بحو عشان ابنها ينام
مريم _ ماهي بتيجي بعدين بتقوله لا يا حمام متصدقش ده علشان فلان ينام
ياسر _ مش مبرر! تخيلي اجبلك مسدس اصوبه على دماغك فجأه واخضك واجي اقولك دا انا بنوم ابني ،، االحمام ذنبه ايه يتخض
مريم _ ههههه وانت زعلان علي الحمام ليه
ياسر _ معرفش! اهو ميدخلهوش في الحوار وخلاص
مريم _ على كده انت نباتي
ياسر يتحدث وهو يبتلع لعابه _ نباتي ايه ! انا بحب الفراخ والسمك واللحمه وأكلتي المفضلة المفضلة اوووي الحمام ويا سلام بقا لو بالفريك يااااه ادوب انا
مريم _ ههههههههههههههه ههههههههههههههه
ياسر _ ههههه بتضحكي ليه
مريم تميل على طرف السرير _ ههههههههههههههه الله يخربيتك
ياسر ينظر لها بإبتسامة _ اضحكي اضحكي
مريم _ ههههههههههههههه اللي يشوفك وانت زعلان علي الحمام يقول انك نباتي وعمرك ما دوقت الحمه اتاريك بتحب كل الانواع والحمام خاصه انت متناقد
ياسر بإبتسامة _ صح
مريم تلاحظ نظراته ف تعتدل سريعآ لترتطم به ثم تهم ان تعود للخلف ليضع يده خلف عنقها بلطف ويزيح خصلات شعرها عن وجهها ويظل ينظر لها بشرود لتبادله هي النظرات وقلبها يخفق بشده، ليقترب منها حتي يشعر بحرارة انفاسها، وبعد لحظات تنتبه لتدفعه بعيد وتنهض من علي السرير وتذهب بسرعه إلى الصالون وهو يذهب خلفها وهو يشعر بالخزي
ياسر _ انا كنت قاصد اسندك عشان متوقعيش بس
مريم بحده _ تقدر تمشي
ياسر _ مريم انا اسف بجد مقصدش حاجه
مريم _ تقدررر تمشي
ياسر _ هو ايه اللي حصل لكل ده
مريم بانفعال _ انت لو ممشيتش دلوقتي انا اللي همشي
ياسر _ لا افهم الاول، ايه الفرق بين اللي حصل دلوقتي وبين اني كنت نايم على رجلك وغير الحضن اللي من شويه واللي قبله
مريم _ معرفش، بس انت مش هين تقدر تقولي ايه جابك النهارده، عاوز توصل ل ايه بظبط
ياسر _ انا جيت اطمن عليكي
مريم _ لا مش جاي تطمن! انا اقولك جاي ليه! انت جاي عشان توصل للي موصلتلهوش طول الفتره اللي فاتت ، اقول ايه مانت كل حياتك في القرف ده وهتموت فيه
ياسر _ انا لو عاوز حاجه مش همهد ليها، متنسيش انك مراتي يعني لو خدت اللي بتقولي عليه محدش هيغلطني ولا حد هيدخل! انا جيت اطمن عليكي وعشان اكون صريح اكتر، انا كان وحشني الخناق معاكي والمقالب ، كله جه في بالي الا اللي الموضوع ده
مريم بدموع _ طيب تقدر تمشي
ياسر _ همشي، وهجيلك بكره بالمأذون مش هستنا ل أخر الاسبوع
#مريم
كان ممكن اقبلها لو مكنش كل شويه يشعر فى روان ويوصلي انه مش عاوزني، مقدرتش افهمها بطريقة تانيه غير انه عاوز يوصلي مره قبل الطلاق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
