رواية عشق بالخطأ (أحببت مجنونة 5) الفصل الثاني والعشرون 22 بقلم نجمة براقة
رواية عشق بالخطأ (أحببت مجنونة 5) الجزء الثاني والعشرون
رواية عشق بالخطأ (أحببت مجنونة 5) البارت الثاني والعشرون
رواية عشق بالخطأ (أحببت مجنونة 5) الحلقة الثانية والعشرون
#ياسر
الليله اللي عدت مقدرتش انام بسبب كلام مريم عن كريم ده… ازاي يعني تستنا واحد وهي لسه علي زمتي…
طلع النهارده وخرجت ورجعت تاني بعد ساعة وانا عاوز احذرها انها ما تتعاملش معاه طول ماهي عندي ولو عايزة تكلمه تمشي من البيت
مريم _ في ايه مالك
ياسر _ مفيش
مريم _ طيب
ياسر _ اااا كنت هقولك حاجه تاخديها قاعده في حياتك التلات شهور دول، لغيت ما تمشي
مريم _ ايه
ياسر _ مش عاوز احس انك بتفكري تكلمي كريم ده طول مانتي علي ذمتي… مجرد التفكير مش عاوزة
مريم _ حاجه تخصني لوحدي، افكر زي ما انا عاوزة هو انت لما بتضحك مع البنات وترقص معاهم انا بعترض
ياسر _ انا الراجل
مريم _ راجل علي نفسك،
ياسر _ وعليكي طول مانتي موجوده في بيتي
مريم _ انت كل اللي ليك عندي اني متكلمش معاه انما الاحاسيس والتفكير انت ملكش تدخل فيها
ياسر _ اه تمام ماشي… اما نشوف هتحافظي علي شكلي ولا لأ
مريم _ انا مش هعمل حاجه ولا هكلمه عشان لو عرف اني اتجوزت،، هيزعل اوووي،.. يعني مش عشانك انت
ياسر _ مسيره يعرف
مريم _ لا لا متقولش… كوكي لو عرف هيزعل اوي اصله رقيق موووت
ياسر بقرف _ رقيق؟ ودا هتجوزيه تعملي بيه ايه
مريم _ ملكش دعوة متدخلش بين واحده وحبيبها
ياسر بغضب _ حبيبهاااا… الكلمه دي متتقلش طول مانتي علي زمتي انتي فاهمه يا حيلتها
مريم ببرود _ اوووكي، هدخل اخد شاااور…. تشاووو ههههه
ياسر بغيظ _ تشاوو يختي
انسانه مستفزه، اوي طيب يارب احس انها بتحاول تكلمه وانا اقتلها واقتله
#مسك
ملقتش طريقه اخرج بيها سيف من القسم وحتي رسالة ريماس موصلتلهاش، وبعد تفكير وتردد قررت اروح لخالد.. ولما روحت دخلوني جوه وقالولي هيجيلك،…. وانا وقاعده مستنياه شوفت ولد كان بيلعب مع بنت صغيره ف قربت منهم وكلمته
مسك _ انت سليم
سليم _ اه
مسك تقعد جمبه _ ابن ريماس
سليم _ اه
مسك بإبتسامة خفيفه _ تعرفني
سليم _ اه
مسك _ طيب انا مين
سليم _ مسك
مسك بإبتسامة _ عرفتني منين بقا
سليم _ ماما ورتني صورتك
مسك بإبتسامة باهته _ بجد.. طيب قالتلك عنى ايه
سليم _ قالت اسمك مسك
مسك بإبتسامة _ صح انا اسمي مسك… ايه رأيك تروح معايا
سليم _ فين
مسك _ عند أسر
سليم _ بابا سيف ابنك؟
مسك _ ههههه اه ابني
سليم _ لا مش هروح
مسك _ ليه ياحبيبي
سليم _ عشان هو موت ماما
مسك _ مين قالك كده
سليم _ بابا التاني
مسك _ خالد؟
سليم _ اه
مسك _ لا ياحبيبي متصدقش بابا مموتش مامتك، خالد بيكدب عليك
سليم _ لا مش بيكدب
خالد من الخلف _ شابو حبيبي… اهلا بخطيبتي
مسك تقوم _ انت ايه اللي قولته للولد ده
خالد _ انسيلي الولد وقولي جايه ليه
مسك _ جايه اخد سليم وتتنازل لسيف
خالد _ اوك بسيطه اوي، بس ايه المقابل
مسك _ مفيش مقابل،، انت هتتنازل وكل واحد يخليه في حياته من غير مشاكل
خالد _ ههههه ههههههههههههههه
مسك_ بتضحك ليه
خالد _ علي سذاجتك
مسك _ وبعدين معاك يعني انت عاوز مننا ايه، دا انت تحمد ربنا اني مقولتش ل سيف علي اللي انت عملته في تركيا كان قتلك
خالد يحوم حوليها _ لسه بتقولي سيف، حبيبتي سيف راحت عليه مكنش هيقدر يعمل حاجه
مسك _ يقدر وانت عارف كده كويس، اديني الولد واتنازل عن المحضر عشان ميدفعكش عمرك كله
خالد _ بعيد عن انه ميقدرش، واني ممكن اخليه يقضي عمره كله في السجن، بس انا ممكن اتنازل وابعتله سليم بشرط واحد
مسك _ هو ايه
خالد _ تطلقي منه وتجوزيني
مسك ترفع ايدها عشان تضربه وهو يمسكها ويلفها حولين رقبتها
خالد _ انتي عارفه اني ممكن اعمل اللي معملتهوش في تركيا
مسك تشد في ايدها _ ابعد عني
خالد بهمس _ هو سيف يعرف انك هنا
مسك _ اااه سيبني
خالد _ شكله ميعرفش
مسك بغضب _ انت حقير يا خالد، وفاشل زي ما كنا مسمينك
خالد _ يااه وحشتني الكلمه دي منك قوليها تاني
مسك تعض ايده وتبعد عنه _ انت هتديني الولد وتتنازل ولاابلغ عنك
خالد يقترب منها وهي تتراجع _ هتبلغي تقولي ايه….. روحتله بيته؟
مسك بغيظ_ وقف عندك
خالد _ و اوقف ليه، انتي اللي جايه لغيت عندي
مسك _ خلاص انا ماشيه، بس وقف عندك
خالد ببرود _ طيب روحي
خلاني امشي من غير ما يمنعني بس نظرته مطمنتنيش، حسيته عاوز يعمل حاجه
#خالد
بعد ما مشيت روحت ل سيف وطلبت اقابله، وسمحولي اقابله فعلاً والظابط سابنا شويه
سيف _ جاي ليه
خالد ببرود _ وحشتني.. ايه موحشتكش
سيف بخنقه _ اخلص قول عاوز ايه انا متحملك بالعافيه
خالد _ حبيت اطمن عليك فيها ايه دي
سيف _ واخره.. قول اللي بتلف وتدور عاوز تقوله
خالد بإبتسامة _ اصل في حاجه حصلت حبيت اقولهالك… لا لا هما حاجتين مش حاجه واحده
سيف _ اخلص
خالد ببرود _ مسك لسه ماشيه من عندي
سيف يمسكه من لياقته _ عندك فين
خالد _ من بيتتتي
سيف بغضب _ وكانت بتعمل ايه عندك في البيت
خالد يشيل ايده _ كانت جايه تطلب مني اساعدها زي ما حصل في تركيا، هي مقالتلكش اللي حصل هناك
سيف _ ايه اللي حصل هناك
خالد _ اللي حصل اني روحتلها اوضتها ، ودخلت عندها وعرضت عليها المساعده، وهي وافقت بصدر رحب، ف جت النهارده تطلب المساعدة في اني اخرجك من هنا
سيف _ انت كداب
خالد _ مش مصدقني اسألها
#مريم
كان عندنا الستات صحاب شهيره وزي عادتهم مش بيبطلو يرمو كلام، بس المره دي كلامهم كان اصعب من الاول،
شهيره _ ما تروحي ياحبيبتي تعملي شاي لضيوف ولا فاكره نفسك ست بيت
احدي الصديقات _ يختي لو على ايامنا كانت الواحدة انتحرت
اخرى _ انتحار ايه دي تستاهل الرجم
مريم _ يمكن مكنش بيحصل علي ايامكم يا خلاتي عشان مفكمش حاجه تشد لان حد يغتصبكم
شهيره بعصبيه _ انتي بنت قليله الادب
مريم_ قليل الادب هو اللي بيدخل بيت الناس يعلق عليهم، زي صحباتك
شهيره _ وديني ما انتي قاعده فيها دقيقه تانيه بس يجي ابني ويعرفك مقامك يا لمامة الشوارع
دخلت وسبتهم يشتمو عليه وبعد وقت ياسر جه وهو شايط
ياسر بغضب _ انتي شتمتي امي
مريم_ لا مشتمتهاش
شهيره تيجي وراه _ شتمتني وقالتلي اني قليلة الادب والستات يشهدو
مريم _ انا قولت عليهم هما مش انتي
شهيره_ كدبيني كمان دا اللي ناقص
مريم بانفعال _ انا مغلطتش فيكى واللي عندك اعمليه
ياسر يضربها بالقلم _ اخرسي
مريم تحط ايدها علي خدها وتبصله بصدمه
شهيره _ ايوة كده ربيها
ياسر _ ماما من فضلك أمشى واقفلي الباب
شهيره _ حاضر ياحبيبي
سابتنا وهو رجع يمسكني بعنف ويضغط علي درعاتي
ياسر _ انا مستحملك علي عيبك، ومستحمل انك مستنيه واحد تاني وانتي على زمتي، بس توصل بيكي تشتمي امي انا اموتك مكانك كده
مريم بوجع _ بس انا قولتلك مشتمتهاش
ياسر _ مش مصدقك، انتي عليتي صوتك عليها قدامي
مريم ببكاء _ طيب انت عارف كانت بتقول عليه ايه هي وصحباتها
ياسر _ تقول اللي عاوزاه يحقلها، انتي مش بريئة اوي كده علشان تزعلي
مريم تذقه بعيد عنها بانفعال _ شوفت مني ايه علشان تقول كده، عملت ايه انا… ابن عمك وعمل فيه كده علشان يكيدك يعني انا اللي مفروض ازعل مش انتو
ياسر _ ابن عمي وغلطان وبنسبه ل كريم اللي مستنياه ده وضعه ايه
مريم _ حاجه متخصكمش، انت مش بتعتبرني مراتك علشان تدخل
ياسر بغضب _ بس انتي مكتوبه علي اسمي يعني لغيت ما العقد ده يتلغي متستنيش حد
مريم تمشي من قدامه وهو يشدها تاني
ياسر_ لما اكون بكلمك متمشيش وتسبيني
مريم بدموع _ عاوز تقول إيه تاني بعد اللي قولته
ياسر _ اقول اللي انا عايزة وانتي تسمعي وبس
مريم توقف قدامه وتسكت
ياسر بغضب _ بكلمك
مريم _ انت قولت اسمع وبس
ياسر _ طيب روحي
#ياسر
طول ما انا في الشغل وانا مخنوق منها علشان مستنيه كريم ده وهي لسه مراتي، بس مكنتش لاقي سبب اتخانق معاها بسببه.. ومش عاوز اتخانق معاها لسبب ده علشان متفكرش اني زعلي غيره عليها ، ولما روحت البيت لقيت امي والستات اللي معاها بيتكلمو ويشتمو عليها ولما شافوني قالولي انها شتمت امك، ومع اني عارفهم مش ساهلين بس ادوني سبب اتخانق معاها بيه، ولما زعقت في ماما جمعت كل غضبي منها في كف وادتهولها علي وشها. وبعد خناق دخلت الحمام، قعدت فيه ساعتين كاملين، ف قلقت يكون عملت حاجه في نفسها، ف خبطت عليها وردت
مريم _ ايوه
ياسر _ اطلعي عاوز ادخل الحمام
مريم _ ماشي
طلعت من الحمام وهي مظبطه المكياج ولابسه بيجامه وشعرها متسرح وكأن مفيش حاجه حصلت ولا كأني لسه ضاربها ،… وبعدين راحت علي السرير وانا دخلت الحمام وقفت شويه استوعب اللي بيحصل ومفهمتش ف طلعت تاني لقيتها حاطه الهاند فرى وبتميل دماغها وطربانه وبدندن روحت عند الدولاب وحاولت ابان عادي واتجاهل اللي بيحصل بس مقدرتش، ف روحت عندها شديت منها التليفون والهاند فري
مريم _ في ايه
ياسر _ لو تفتكري انا لسه ضاربك بالقلم من ساعتين
مريم _ سااااااعتين،… هات التليفون انا فكرت في مصيبة … هات خليني اكمل الاغنيه
رميتلها التليفون وهي رجعت تسمع تاني وتدندن وبعدين قامت ترقص ، وبعد شويه بدأت تدور وتضحك زي المجنونة، وبعدين اترمت علي السرير وكملت ضحك واتحولت من الضحك للعياط في ثانيه…. ف فهمت انها زعلانه ومكبوته،،… لما شوفتها كده صعبة عليه وحسيت بذنب من نحيتها.. وسألتها بتعيطي ليه تجاهلت كلامي وخبت وشها بالمخده وكملت عياط… قعدت جمبها وشيلت المخده وقومتها
ياسر _ ممكن تبطلي عياط…. مريم…. خلاص انا اسف
مريم تستمر في البكاء
ياسر _ بس بقا
بقت تعيط ومش ساكته خالص… واخر ما تعبت منها كنت هقوم ف وقفتني وحضنتني وكملت عياط،
ياسر يمشي ايده على شعرها _ وحيات ربنا انا اسف، حقك عليه..
مريم ببكاء _ والله مشتمتهاش
ياسر _ مصدقك بس اهدي انتي كبيره علي العياط
اعتدلت في قعدتها ولما بصتلها لقيت عيونها لونهم احمر ودموعها نازله منهم بغزاره
ياسر يسمح دموعها بلطف _ انا اسف اوعدك مش هتتكرر
مريم بدموع _ انا زعلت من كلامك مش من ضربك ليه
ياسر _ انا اسف مره تانيه.. ممكن تروقي شويه وتغسلي وشك عشان نخرج نسهر بره
مريم تمسح دموعها وتبتسم _ ماشي ((( زيرو كرامه يا مريم)))
#زين
روحت بيت الدكتور سليمان، علشان اطمن علي نسمه ف قالولي انها لسه في نفس الحاله ومطلعتش من اوضتها، ف طلبت اقابلها والدكتور وافق ودخلني اوضتها، ولما دخلت لقيتها قاعده مسهمه وبترسم بصباعها علي الملايه
سليمان _ نسمه… نسمه انتي سمعاني
نسمه _ هه
سليمان _ زين حابب يطمن عليكي
نسمه _ اه
زين _ عامله إيه دلوقتى
نسمه _ تمام
سليمان _ طيب قومي نقعد بره شويه
نسمه _ حابة اطلع اتمشا شويه
سليمان _ ياريت بدال مانتي قاعدة كده
نسمه _ متشكره
سليمان _ هضاقيك لو قولتلك تروح معاها
زين بإبتسامة _ لا طبعا
سليمان _ تمام اتمشو شويه في الكمباوند ومتتاخروش
ثم يهمس في اذنه _ خلي بالك منها عشان لما تهدا نتكلم في الخطوبه
زين بإبتسامة _ اوك
خدتها وطلعنا نتمشي شويه
زين _ ايه يا نسمه هتفضلي كده كتير
نسمه _ دراعك عامل اية دلوقتي
زين _ احسن
نسمه _ انت شوفته قبل كده
زين _ اه بشوفه وبحطله مرهم
نسمه _ قصدي اللي ضربك
زين _ اه سوري افتكرتك بتسألي علي دراعي….. اه شوفته مرتين بس انا حاسس انى شايفه قبل كده لكن مش فاكر فين
نسمه بتنهيده _ يوم ما اشتريت الخاتم والاسوره بتوعي، هو اللي كان بيبيعهم
زين _ ايوووه صح جداً، ايوة هو، بس ايه
نسمه _ اسراء كانت بتكلمني علي اني لازم اساعده ف ادتهمله يبعهم عشان يبتدي مشروع، طلعو متفقين وانا اللي فكراهم ميعرفوش بعض
زين _ اقولك حآجه
نسمه _ قول
زين _ هما الاتنين خسرو كتير لما خسروكي
نسمه _ محدش خسر غيري… انا محتاجه وقت كبيرة علشان ابطل استنا اتصال من إسراء . ومحتاجه سنين علشان اعرف اعمل كل حآجه لوحدي من غير نصايحها
زين _ انا جمبك لغيت ما تنسيها
نسمه بدموع _ عمر ما حد هيعوضني عنها، هي صحبتي الوحيدة ونصي التاني
زين _ انت واحد صحيح، كاملة لوحدك من غير نص تاني يكملك
نسمه _ الكلام سهل محدش هيحس احساسي، …… اسراء كانت اقرب حد ليه وفجأه اتبدلت كليآ، مبقاش فيها حآجه من إسراء اللى اعرفها… انا لدلوقتي مش مستوعبه حاسه ان دا كله حلم وهصحا منه
زين _ عندك حق مش سهل نتصدم في اقرب الناس لينا، بس هي كده الحياه.. مش هنوقفها علي حد
نسمه _ صح
زين _ طيب انا هقولك خبر يمكن يخفف عنك شويه
نسمه _ قول
زين _ عارفه العريس اللى جايبهولك باباكي
نسمه _ مالو
زين _ عارفه هو مين
نسمه _ انت
زين _ ههههه يعني كنتى سمعانا
نسمه _ ايوه
زين _ طيب ايه
نسمه_ ايه
زين _ مش مبسوطه؟
نسمه _ مش عارفه افرح دلوقتي
زين _ انا فاهم… ولا يهمك
نسمه _ ممكن نرجع
زين _ ممكن
#مريم
روحنا نسهر برا بس في مكان تاني غير ال Nightclub وبردو في شرب ورقص بس هناك مفيش بنات بيتلمو من كل مكان عشان ياسر
مريم _ مروحناش ال Nightclub ليه المره دي
ياسر _ اقولك ومتفهمنيش غلط
مريم _ ايوه
ياسر _ مش حابب لمة البنات حوليه قدامك… مش خوف علي احساسك تؤ تؤ… متحلميش ها
مريم _ امال ايه السبب
ياسر _ علشاااان مبقاش مفتري لما احط دماغك في قعدة الحمام لما تلعبي بديلك مع كريم.. يعني نكون زي بعض ونحترم بعض الفتره دي
مريم _ بس كده البنات هيطيرو منك ومش هتعرف تجمعهم تاني
ياسر _ ههههه يطيرو هه قال يطيرو قال، يابنتي انا بمشي اتكعبل فيهم اساسآ
مريم _ ياسلام
ياسر _ زي ما بقولك كده
مريم _ اه لا ما انا باخد بالي ربنا يزيد ويبارك ويطرح فيهم البركة
ياسر يمط شفتيه بغرور مصتنع _ هه يارب
مريم _ مفكرتش تجوز ليه لما هما كتير كده
ياسر _ لو في واحده هتتقبل سهري كل يوم وشربي، وتحبني انا لشخصي… مش فلوسي واسمي، هفكر مفكرش ليه
مريم _ معقول مصادفتش واحده بتحبك بجد
ياسر _ صادفت واحده قبل كده، بس باين عليها متخلفه
مريم _ ازاي متخلفه
ياسر _ يعني مره كويسه ومره مجنونه ومره متخلفه ومره هاديه، فاهمه الجو ده
مريم _ لعلمك انت بتوصف نفسك.. بالليل كويس الصبح مجنون، بالضهر حنين في العصر قاسي وقلبك اسود وشراني
ياسر _ ليه ان شاءلله قسيت امتي
مريم تحسس علي خدها وتسكت
ياسر _ ههههههههههههههه ههههههههههههههه يخربيت سنينك انا نسيت اني لسه ضاربك قلم قلب وشك الجهه التانيه ههههه الله يقطعك
مريم تبتسم لضحكته _ شكرا
ياسر _ بصي انا بصراحه كنت بتلكك ليكي، انا عارف امي والستات اللي معاها بيكدبو، بس ساعدوني بجد
مريم بغيظ _ وبتعترف،… والله لا ماشي
ياسر _ اصلك انتي عيله بارده، رايحه تستني واحد وانتي اسمك مراتي، ينفع يعني
مريم ترفع السكين في وشه _ اهو انت بقا،… وربنا يا ياسر لا اوريك مريم الحقيقيه بتتصرف ازاي مع اللي يزعلها
ياسر بذهول مصتنع _ اوووه.. اوعا وشك يا واد يا جامد انت يا شرس ههههههههههههههه
مريم _ مبهزرش،… معاك تلات شهور سواد علي راسك ان شاءلله
ياسر _ ههههههههههههههه شوور، i like that اتفقنا نشوف مين اللي هيزهق التاني اكتر،….
مريم _ تمام جداً
ياسر يقوم ويرقص قدامها ويرقص حواجبه ويغني _ جاني في ملعبي جميل والنبي ههههههههههههههه
مريم _ اقعد بلاش فضايح
ياسر يشدها من ايدها _ فضايح ايه يا شرس،… هنا مكان الفضايح، قومي يلا هنتعفرت هنا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
