رواية عشق بالخطأ (أحببت مجنونة 5) الفصل التاسع عشر 19 بقلم نجمة براقة
رواية عشق بالخطأ (أحببت مجنونة 5) الجزء التاسع عشر
رواية عشق بالخطأ (أحببت مجنونة 5) البارت التاسع عشر
رواية عشق بالخطأ (أحببت مجنونة 5) الحلقة التاسعة عشر
#مراد
وصلنا المستشفى وهناك ادولها عشرين غرزه او تلاتين، معرفتش اعد، وبعد وقت فاقت
مراد_ حمدالله على السلامه
رودينا بتعب _ سليم اتخطف
مراد _ عارف،
رودينا _ عرفت هو فين
مراد _ لا بس سيف هيجي يدور عليه، … طمنيني عليكي عامله ايه دلوقتي
رودينا بتعب _راسي بتوجعني وحاسه بألم الغرز
مراد _ سلامتك حبيبتي
رودينا بإبتسامة _ الله يسلمك، بس انت اول مره تقولي حبيبتي
مراد _ من النهاردة مش هنديكي غير بحبيبتي
رودينا بإبتسامة _ ماشي
مراد_ خوفت تمشي وتسبيني
رودينا بإبتسامة متعبه _ متخافش قاعده علي قلبك
مراد بإبتسامة _ طول العمر يارب
رودينا _ ربنا يخليك ليا
مراد يقبل يدها_ ويخليكي ليا
#مسك
مشي سيف وانا روحت القسم اشوف لقو الشنطة ولا، وقالولي ملقوهاش، ف رجعت تاني وكنت قاصده السفاره وانا في طريقي قابلت خالد جاي بعربيه و وقف لما شافني
خالد _ مسك
مسك _ نعم
خالد _ تعالي اركبي
مسك _ انا عايزة اتمشي.. شكرا
خالد ينزل من العربيه _ هو سيف سافر
مسك _ ايوه
خالد _ لسه زعلانين
مسك _ وانت بتدخل ليه
خالد _ عايزة اطمن عليكي
مسك _ متطمنش ولو شوفتني تاني متتكلمش معايا
بتمشي خطوتين وهو بيوقفها
خالد _ انتي بتعامليني كده ليه
مسك _ انا مش بعاملك انت اللي بتتكلم معايا
خالد _ بتكلم معاكي علشان تعزي عليه
مسك تبصله شويه _ ألا قولي يا خالد … انت تعرف ريماس
خالد _ ريماس مين
مسك _ ريمااااس
خالد _ نبرة صوتك فكرتني ب كلام سيف اللي قالو ليه من يومين
مسك _ قال ايه
خالد _ قالي اني بعت واحده اسمها ريماس توقعه، بس مين ريماس دي انا معرفش
مسك _ اتمنا
خالد _ لا اطمني انا مستحيل اعمل حاجه تضرك، انتى مهما كان، صديقتي وزميلتي، بس الظاهر ان ظهور سيف في حياتك نساكي
مسك _ سيف ملهوش علاقه،،، انا مينفعش يكون ليه اصدقاء بعد ما اتجوزت، دي الفكره، ومن فضلك متطرنيش ازعلك تاني
خالد _ ماشي يا مسك اوعدك مش هصبح عليكي حتي
مسك _ شكرا
مشيت وسبته وروحت السفاره علشان اشوف حل، وقالولي هناك كلام مش مفهوم والمختصر اني مش هقدر اسافر غير بعد شهر على الأقل ف رجعت للاوتيل ولما فتحت الأوضة لقيت خالد جوه
مسك _ انت دخلت هنا ازاي
خالد يوقف ويروح عندها ويقفل الباب بهدوء
مسك _ انت ايه اللي بتعمله ده، اطلع بره
خالد _ ناقصني ايه انا
مسك تحاول تفتح الباب وهو يقفله تاني
مسك بغضب _ انت باين عليك اتجننت
خالد _ تلات سنين في الجامعة بتحايل عليكي، واتغربت عشانك، ولما رجعت وخطبتك سبتيني عشان اخوكي،.. حتي بعد ما خانك، متمسكه بيه،.. ليييه يزيد ايه عني عشان تتمسكي بيه كده وانا لا… غني عني طيب… شباب عني،.. مظهره احسن مني… فهميييني
مسك تفزع _ اطلع برا يا خالد
خالد بانفعال _ الجو راق لي ومش هسيبك النهارده، انا استحملتك كتير واستحملت رزالة جوزك او اخوكي، معرفش بقا،
مسك تضربه بالقلم بغضب _ هتعمل ايه يعني، ها قولي هتعمل ايه
خالد يعض شفتية بغيظ _ هتكوني ليه انا.. وسيف ده تنسيه
مسك _ لا لحظه كده، قولي ان سيف مش بيكدب في اللي قالو عنك، قول
خالد _ بيكدب، سيف خانك مع ريماس وغيرها، ودي مش قصتنا،.. انتي.من النهارده مش هتكوني لحد تاني غيري ….. ثم يحملها ويرميها علي السرير
مسك تنهض مره اخرى _ لو قربتلي هقتلك
خالد _ روقي كده واهدي علشان متتأذيش
مسك تمسك فازه ازاز _ كنت عاوزة سبب اترحل عشانه وانت شكلك هتساعدني، ابعد بقا علشان لو قربت خطوه هخبطك بيها
خالد _ هه تترحلي،.. دي فيها سجن مش ترحيل… لو عاوزة تسافري انا هساعدك بس بعد ما اخد اللي عاوزة منك
مسك تنزل ايدها _ يعني هتقدر تخليني اسافر
خالد_ ايووه والنهارده
مسك _ وانا اصدقك ازاي
خالد يطلع الباسبور بتاعها من جيبه _ عشان ده
مسك بذهول _ انت اللي سرقته
خالد _ انا رجعتهولك من اللي سرقه
مسك _ طيب ادهوني
خالد _ تؤ لما اخد اللي انا عايزة الاول
مسك _ ماشي، موافقه
خالد بإبتسامة _ برافو عليكي،
مسك تقرب منه وهو يداعب خصلات شعرها وفجأه تخبطه في دماغه بالفازه ويغما عليه
مسك _ اه يا زباله، يا واطي اتفوه
خدت منه الباسبور ولميت شنطة هدومي بسرعه، وطلعت علي المطار
#نسمه
اسينات كلمتني من ورا الباب وقالتلي ان اسراء اتقتلت
اسينات _ نسمه عرفتي اللي حصل
نسمه _ ايه
اسينات _ اسراء اتقتلت
نسمه _ انتي بتقولي ايه يابت انتي
اسينات _ خدي كده وشوفي
دخلت التليفون من تحت عقب الباب، ولما مسكته شوفت فيديو علي الانترنت بيقول ان هي اتعرضت لمحاولة قتل وزين انقذها والشرطه متحفظة عليه لحين انتهاء التحقيق
وعرفت كمان انها في مستشفى بابا
نسمه بصدمه _ دا كدب، مستحيل… اسينات افتحي بسرعه
اسينات _ انا مقدرش بابا يزعقلي
نسمه _ افتحي بقولك،
اسينات _ مقدرش انتي عارفه بابا
سيبتها واتصلت على بابا وبعد شويه رد
سليمان _ ايه يا اسينات
نسمه _ انا نسمه ،،، عاوزة اشوف اسراء يا بابا خليهم يفتحولي
سليمان _ انتي مين اداكي التليفون ده
نسمه _ مش وقته الله يخليك خليهم يفتحولي انا لازم اشوفها
سليمان _ مفيش خروج من الاوضه
نسمه _ علشان خاطري خليني اشوفها مره واحده، افرض ماتت من غير ما اقابلها
سليمان _ وانتي هتعملي ايه بشوفتها، اقعدي ساكته
نسمه بترجي _ ارجوك يا بابا ارجوك، اخر طلب هطلبه منك،
سليمان بتنهيده _ طيب
نسمه _ هتخليهم يفتحولي
سليمان _ ايوه بس بشرط
نسمه _ ايه
سليمان _ في عريس متقدملك لازم توافقي عليه الأول
نسمه بسرعه _ موافقه
سليمان _ مش تعرفي هو مين الأول
نسمه _ مش مهم
سليمان _ طيب قوليلهم يفتحولك
نسمه _ متشكره اوي… اسينات افتحي بسرعه
اسينات _ بابا وافق؟
نسمه _ايوه، افتحي
اسينات فتحتلي وانا ادتلها التليفون وطلعت اجري، وطلبت تاكسي وروحت علي المستشفى ودخلت مكتب بابا عشان يقولي هي فين
نسمه _ هي فين يا بابا
سليمان_ في غرفة 102
نسمه _ متشكره عن اذنك هروحلها
سليمان_ استني انا جاي معاكي
روحنا عندها لقيتها نايمة ومش حاسه بحاجه خالص، قعدت جمبها ومسكت ايدها ودموعي نزلت لشوفتي حالتها بشكل ده
نسمه بدموع _ اسراء
سليمان _ مش هترد عليكي
نسمه بدموع _ هتكون كويسه؟
سليمان _ ايوه ان شاءلله، هي عدت مرحلة الخطر
نسمه توقف _ مين عمل فيها كده يا بابا
سليمان _ محدش عارف لسه، اهو البوليس بيحقق
نسمه _ طيب ليه اسراء تتقتل، دي مفيش الطف منها، ازاي قدر يعمل فيها كده
سليمان يحط ايده على كتفها _ تعالى معايا
نسمه _ خليني جمبها لغيت ما تفوق
سليمان _ مينفعش … تعالي عاوز اتكلم معاكي في حاجه
نسمه _ حاضر
خدني معاه وقعد علي مكتبه وشكله عاوز يقول حاجه ومتردد
نسمه _ في ايه يا بابا
سليمان _ شوفي يابنتي،، اول حاجه انا عاوز اقولك، ان لازم الانسان يتعرض للمشاكل والغدر احيانا من الناس اللي بيثق فيهم علشان يقوا ويعرف الكويس من الوحش
كنت بسمعه وكلامه فكرني ب زين
نسمه _ صحيح، بس انا خلاص مش هكرر غلطي تاني ، اوعدك
سليمان _ مش علي كده
نسمه _ امال ايه
سليمان _ اللي حصل ان مش زين اللي كان بيبتزك، ولا هو اللي نشر الفيديوهات
نسمه _ انت بتقول ايه يا بابا، ما كان قدامك فيديوهاتي عنده واتنشرو علي قناته وغير الحساب اللي كلمني منه اللي كان عنده
سليمان _ فاهم، بس حد ورطه في الحوار ده… لكن مش زين
نسمه باهتمام _ امال مين
سليمان _ اسراء
نسمه بصدمه _ اسراء مين
سليمان _ اسراء صحبتك
نسمه _ لا اكيد … انت فاهم غلط اسراء لا يمكن تعمل كده
سليمان _ عملتها وخدت هي وشريكها تلاته مليون من زين تمن الفيديوهات
نسمه بدموع _ لا يا بابا اكيد في حاجه غلط … اسراء دي صحبتي الوحيدة وبتحبني، مستحيل تعمل كدة
سليمان _ كله بالادله والصوت والصوره، هي قدرت تخدعك بس مقدرتش تخدع التكنولوجيا،.. كاميرات زين صورتها، والبوليس قدر يوصل لمحادثتها مع قاهر القلوب من حسابها
نسمه _ اديك قولت كلمته يعني مش هي
سليمان _ هي وليها شريك، واكيد هو اللي حاول يتخلص منها بعد ما سحبت فلوسها من البنك بعد ساعات
نسمه ببكاء _ انا رايحالها افهم منها
سليمان _ مش هترد عليكي اقعدي
نسمه _ لازم ترد
سبته بيكلمني وروحتلها تاني وقفت جمبها وبقيت اشد ف ايدها
نسمه _ اسراااء قومي…. قومي يا اسراء، لازم تقولي ان الكلام دا محصلش … لازم يفهمو انك مش ممكن تغدري بيه… مش احنا صحاب مش انتي البسيت بتاعتي، قومي خليهم يعرفو الحقيقة
سليمان يمسكها _ تعالي، معايا
نسمه ببكاء _ لازم تصحا وتكلمني، انا مش هصدق قبل ما اسمع منها
سليمان _ لما تفوق ابقي ارجعيلها تاني
نسمه تسيب سليمان وتمسكها من اكتفها وتهزها _ لا لازم تصحا دلوقتى، اسرااا قومي يلا، … اسراء
سليمان _ يابنتي كده غلط، تعالي معايا
نسمه ببكاء _ يابابا لازم ترد عليه
سليمان _ هترد بس مش دلوقتي،
نسمه ببكاء _ والله ما قصرت معاها في حآجه، اي حآجه كانت بتعوزها كنت بدهالها، حتي هدومي واكسسوراتي، وفلوسي… ليه عملت معايا كده، ماهي لازم تصحا وتفهمني
سليمان _ في ناس كده الطمع ماليهم، مهما تديلهم هيطمعو بردو. ولو ادتيلهم عينيكي هيقولو عاوزين الحاجب
نسمه بدموع _ مش مصدقه
سليمان _ صدقي، وتعالي، عشان الصوت غلط عليها
نسمه تبصلها _ كان نفسي اشوفها هتبرر اللي عملته ازاي
سليمان _ هتصحا وهتقابليها تانى
#زين
بعد ليله في مكتب الظابط طلعونا بعد ما عرفو ان البصمات اللي علي السكينة مش متطابقة، معانا وبعد ما لقو في سجل المكالمات.. مكالمة مع واحد قبل ما محاولة قتلها بوقت قليل، وطلب منها تروحلو المكان ده، ف بالتالي التهم بعدت عننا، ومش باقي غير ان اسراء تقول ان هي اللي نشرت الفيديوهات..
رجعت البيت خدت دوش وغيرت هدومي وطلعت عشان اطمن علي عمي مراد والأولاد، وبعد ما طلعت من الجنينة شوفت نسمه داخله الكومباوند، نزلت من العربيه وروحتلها، وكان شكلها حزين ومسهمه
زين _ نسمه
نسمه تتجاهله وتمشي خطوات
زين _ نسمه، انا معملتش حاجه اقسملك
نسمه توقف والدموع في عينيها _ عرفت
زين بإبتسامة _ بجد، يعنى باباكي قالك
نسمه بدموع _ قالي
زين _ طيب مالك انتي مش مبسوطه
نسمه تستدير بكامل جسدها ليه _ صدمتي فيك كانت واحد من ميه من صدمتي في صحبتي، مش قادره افرح للأسف
زين يحاول يمسك ايدها وهى تبعدها _ مبقاش ينفع، انا هتجوز
زين _ تجوزي مين
نسمه بدموع _ واحد اتقدملي وانا وافقت، عن اذنك
زين _ لا استنى… عريس مين اللي وافقت عليه، طيب وانا، مش قولتي انك بتحبيني
نسمه بخيبه _ قولت، وقولت علي حسام، و حبيت اسراء اكتر من نفسي… انا مبعرفش اختار الناس يا زين، هسيب الموضوع ده ل بابا هو اللي يختارلي
زين _ انا طلبت ايدك، ازاي تجوزي واحد تانى
نسمه _ سيبني في حالي، وركز في حياتك .
زين_ اركز في حياتي؟
نسمه _ ايوة ومتحاولش تتكلم معايا تاني
قالت كده وسابتني، وانا وقفت استوعب تصرف دكتور سليمان، ازاي يوافق وبعدين يجبلها عريس تانى، يعني كان بيلعب بيه
طلعت من الكمباوند علي المستشفى علي طول، واول ما وصلت وسألت عليه، قالولي في العمليات، كنت همشي بس جه علي بالي اشوف اسراء وصلت لفين، وأول ماوصلت، لقيت الولد نفسه اللي خد مني الفلوس، بيكتم نفسها بالمخده، ندهت بعلو صوتي على الدكاتره وحاولت امسكه لكن ضربني بمطوه في دراعي وطلع يجري،، وبعد دقيقه الممرضات جم عندي وبدأو يسعفوني
#حسام
لما عرفت انها عايشه ومستنين تفوق علشان يستجوبوها، روحت هناك وحاولت اموتها، لكن زين دخل عندي وكان هيمسكني، بس انا ضربته وهربت من المستشفى كلها،
بعد وقت في بيت مراد
#سيف
لما وصلت مصر، كلمتهم وعرفت انهم خرجو من المستشفى، ف روحتلهم البيت، وقابلت كردي وسرور هناك، ومن غضبي منهم ضربتهم
سيف بغضب _ انا جايبكم ليه لما يحصل كده وانتو موجودين
سرور _ كنا نايمين والله يا باشا
سيف بغضب _جاين تنامو هنا انتو.. اطلعو بره حسابي معاكم بعدين
مراد _ خلاص يابني حصل خير
سيف _ سليم اتخطف و رودينا دماغها اتفتحت وحصل خير، دول حلال فيهم الموت
كردي _ حقك علينا يا باشا غصب عننا
سيف _ طيب روحو عند البوابة لما اروقلكم… يلااا بتبصو على ايه
كردي _ حاضر يا باشا
مشيو وانا قعدت جمب رودينا
سيف _ سلامتك يا رودينا
رودينا بتعب _ الله يسلمك ياحبيبي… مسك ماجتش معاك ليه
سيف _ مقدرتش تيجي دلوقتي
مراد _ المهم هتعمل ايه في خطف سليم، هترجعو ازاي
سيف _ مش عارف لسه
مراد_ طيب ما تبلغ
سيف _ ابلغ اقولهم ايه، سليم مش ابني
مراد _ يعني هتسيبو للي خطفوه
سيف _ لا طبعا، مش هسيبه وهرجعو، بس محتاج افكر
رودينا_ انا شوفت الراجل اللي خطفه واقدر اتعرف عليه
سيف _ انا عارف هو مين، ومين وراه
مراد _ هو مين
سيف _ خالد
مراد_ خالد مين
سيف _ خالد عمران اللي كان خاطب مسك
مراد _ خاالد.. ودا يخطفه ليه
سيف _ هقولك
في المساء في شقة ياسر
#مريم
روحت النهارده الشقة علشان اسأل على الجار اللي مركب الكاميرات قدام بيته، ولما روحت وسألت الست اللي كلمتني قبل كده، قالتلي انه رجع بس بيروح الشغل وبيجي متأخر، ف رجعت تاني الشقة، واستنيت ياسر علشان اقوله يستنا معايا الراجل ده شوية كمان،
ياسر يجي ويدخل الاوضه _ ايه، فين الفرش الأحمر يا عروسه، ومش لابسه القميص ليه
مريم _ هتستنا معايا لغيت الساعة 12
ياسر _ ليه ان شاءلله
مريم _ في واحد مركب كاميرات هنا في العماره، ولما يجي هنسأله
ياسر _ اوكي، باقي ساعتين مش هنخسر حآجه، بس احتياطي، افرشي الفرش على السرير علشان متاخديش وقت
مريم _ لا
ياسر _ براحتك افرشه انا
فرش الفرش، ودخل استحما وطلع بشرط بس ونام علي السرير وحط ايديه تحت دماغه
ياسر _ هانت اهي
مريم _ انا هستنا في الصاله
ياسر _ براحتك، بس الساعة 12 بدقيقة تكوني هنا
مريم _ ماشي
طلعت في الصاله وكل شويه افتح الباب اشوف جه ولا لا، واروح اخبط وبردو ملقهوش، والوقت بيمر بسرعه، ومع الساعة 12 بدقيقة لقيت ياسر جاي وبينده عليه
ياسر _ ادخلي واقفلي الباب
مريم _ ممكن تستنا ربع ساعة كمان، اكيد هيجي
ياسر _ الساعة جت 12 وقتك انتها، يلا ادخلي واقفلي الباب
مريم _ ربع ساعة بس
ياسر يطلع ويشدها من ايدها ويقفل الباب
مريم بدموع _ ارجوك
ياسر يقترب منها ويقبلها في كتفها _ مش قولتي انك بتحبيني، خايفه ليه
مريم تبعد عنه _ انا عاوزاك تعرف الحقيقه الاول، ارجوك اصبر ربع ساعة
ياسر يقترب منها مره اخرى _ ولا دقيقة،
مريم بدموع _ ياسر ارجوك اديني فرصه تانيه، انا مش حابه ان ده يكون عقاب
ياسر يجذبها إليه _ مين قال ان العقاب يكون كده،،، اي بنت تتمنا تكون مكانك دلوقتى، وانا مش هسيبك تمشي بعد اللي عملتيه من غير ما اخد اللي انا عايزة
مريم تنظر له والدموع في عينيها _ انا مش رافضه، بس لازم تعرف اللي حصل، يمكن انت بنفسك ترفض لو عرفت
ياسر _ متحاوليش، انا مش هغير رأيي
مريم _ عشان خاطري بلاش
ياسر _ خاطر مين… من عقلك شايفة ان ليكي خاطر عندي… حبيبتي فوقي انتي اخرك معايا الليلة دي وهتاخدي 200 جنيه وتمشي
مريم بدموع _ هتندم طول عمرك لو مصدقتنيش
ياسر _ لا متشليش هم، يلا بقا
#ياسر
خدتها جوه الاوضه، وبدات انزع عنها ملابسها وهي كل اللي بتعمله انها تبكي، ولما قربتلها دورت وشها النحيه التانيه، وشكلها رافض تمامآ، وانا متعودتش اني اعمل حاجه مع واحده مش حاملاني كده،.. طبعا هي تختلف عن غيرها، بس مستحملتش اكمل ف سبتها وقومت، وهي غطت نفسها بالملايه وبقت تبكي
ياسر وهو يرتدي ملابسه _ تقدري تباتي هنا الليله، والصبح تمشي، و ورقتك هتكون عندك
مريم ببكاء _ ياسر افهمني الله يخليك.. انا بحبك بس مش عايزة الموضوع يجي كانتقام
ياسر _ كان ممكن تقربيلي بطريقة تانيه غير اللي انتي عملتيه ده، حتي لو بتحبيني بجد، انا مستحيل احب واحده زيك
مريم ببكاء _ انا معملتش حآجه
تجاهلت كلامها ونزلت وسبتها، وانا طالع من الشقة شوفت الساكن اللي بتقول عليه داخل شقته، وقفت للحظات وكنت بفكر اسألو، بس تراجعت ومشيت لاني واثق انها كدابه،.. وروحت علي ال Nightclub وهناك قابلت شاهر
ياسر _ كاس يابني
شاهر _ ايه يا عريس، جاي ليه دلوقتي
ياسر _ ولا عريس ولا زفت، كل حاجه انتهت
شاهر _ ازاي
ياسر _ يعني سبتها، وبكره هروح اطلقها عند المأذون
شاهر _ برافو ده الصح، بس يارب عمي يسيبها تمشي وميمنعهاش
ياسر _ مش هيشوفها عشان يمنعها او لأ
شاهر _ ازاي
ياسر _ هتبات في الشقه وتمشي الصبح من هناك
شاهر _ اه، كويس بردو… طيب انت عاوز حاجه دلوقتي
ياسر _ رايح فين
شاهر _ سهرت كتير ولازم اروح عشان ورايا شغل بكره
ياسر _ ما تخليك معايا شويه
شاهر _ سامحني حبيبي، انا فصلت، مش شايف قدامي
ياسر _ طيب ياغالي، روح وخلي بالك من السكه
شاهر _ حاضر،
مشي، وانا بقيت اشرب ومليش نفس ارقص مع البنات، وشكل مريم وكلامها مكنش مفارقني، لو مش عارفها كدابه كنت عطفت علي حالها، بس هي مش سهله أبداً وبتعرف تمثل
#مريم
بعد ما مشي ياسر، قومت لبست هدومي وطلعت ف شوفت نور الشقة اللي قدامنا والع،. جريت عليها بسرعه وخبطت وصاحب البيت فتحلي،
مريم _ حضرتك الاستاذ على
على _ ايوة انا خير
قولتله على اللى حصل وهو تفهم الأمر، ودخلني عنده وشغلي تسجيلات الكاميرات وبقينا ندور على حاجه ملقناش، ف قولتله تاريخ الحادثه ف جاب اليوم ده، وسرع التسجيل، وبعد شويه شوفت شاهر، داخل الشقة وشايلني، وبعد وقت بيطلع جري ويروح فوق وبيجي بعده ياسر يدخل الشقة وبعد وقت شاهر بينزل تانى ويمشي،… حسيت اني خلاص لقيت دليل برائتي قدام ياسر وبرائتة هو كمان، واني هكشف شاهر خلاص.. ف طلبت التليفون من الراجل، وبقيت اتصل على ياسر ولما رد وعرفني انا قفل عليه وبعدين قفل تليفونه خالص، ف طلبت من الراجل، ينقلي الحته دي من التسجيلات علشان ابعتها رساله ل ياسر، وبالفعل الراجل كتر خيره عمل كده وبعتها ل ياسر على الواتساب، و وصلته ومكنش ناقص غير انه يستلمها،.. ف كتبتله رساله وقولتله فيها.. انه لو هيقبلني بعد ما عرف الحقيقه، هيلاقيني مستنياه زي ما كان هو عاوز بظبط، وبعد ما وصلته حذفت الرساله من عند الراجل وشكرته ورجعت الشقه
استحميت ولبست القميص اللي قالي عليه وظبطت الفرش، ورشيت معطر وروحت عند التسريحة ظبطت نفسي وسرحت شعري، وبعدين شغلت موسيقى علي السماعه، وبعد دقيقة سمعت صوت الباب اتفتح،.. حسيت قلبي طاير من الفرحة، ومفكرتش هو ناوي على ايه، او انه قدر يتقبل الامر بسهوله، او ازاي كانت صدمته في شاهر، مفكرتش غير اني رجعت احبه زي الاول، ولأول مره هقابل جوزي مش واحد مغصوبه عليه… طلعت من الاوضه وانا فرحانه بس فرحتي راحت لما شوفت الي داخل عليه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
