رواية عشق بالخطأ (أحببت مجنونة 5) الفصل الحادي عشر 11 بقلم نجمة براقة
رواية عشق بالخطأ (أحببت مجنونة 5) الجزء الحادي عشر
رواية عشق بالخطأ (أحببت مجنونة 5) البارت الحادي عشر
رواية عشق بالخطأ (أحببت مجنونة 5) الحلقة الحادية عشر
عدا يومين من وقت ما جيت تركيا، و قافله الإنترنت علشان محدش يتواصل معايا، والنهارده فتحت لقيت رسايل من ماما وبابا وزين، وسيف مبعتش كلمه واحده،… طبعا ماهو لقا البديل ومش فاضيلي.. وانا سيبته عنه ما سأل وكلمت زين
زين _ انتي فين
مسك_ في تركيا
زين _ بتعملي ايه في تركيا
مسك _ رايحه اصور مشاهد من المسلسل
زين _ You are bad قدرتي تسافري وتسيبي أسر لوحده
مسك_ متصله بيك علشان اطمن عليه
زين_ بيعيط كتير
مسك بحزن _ حبيبي، انا اسفه اوي مقدرتش اخده معايا
زين _ ليه
مسك _ كنت مستعجله
زين _ هو ايه اللي حصل بينكم انتي وسيف
مسك _ ومسألتهوش ليه
زين _ مبحبش اتدخل
مسك _ احسن .. المهم لما تروح هناك عاوزك تصورلي أسر، ومتقولش لحد اني كلمتك او تعرف طريقي
زين _ هي مشكله كبيره ولا ايه
مسك _ مش مهم
زين _ لو مشكلة تستاهل اني اتدخل قوليلي
مسك _ مفيش مشاكل،
زين _ اوك، انا هروح دلوقتي واصورهولك
مسك بإبتسامة _ شكراً حبيبي
قفلت معاه، وطلعت اتمشا شويه واول ما طلعت من الغرفه شوفت خالد قدامي
خالد باندهاش _ مش معقول … انتي هنا
مسك _ ازيك
خالد _ كويس وانتي
مسك _ بخير… بتعمل ايه هنا
خالد _ جاي عشان شغل وانتي
مسك _ وانا بردو
خالد _ انتي موجوده في الفندق هنا
مسك _ ايوه
خالد بإبتسامة _ صدفه غريبه، يعني بعد الوقت ده كله اقابلك تانى في نفس البلد وفي نفس الفندق وجارتي في الغرف كمان
مسك _ انت في اي غرفه
خالد _ اللي علي يمينك دي
مسك _ تمام،
خالد _ هنتقابل تاني اكيد
مسك _ ان شاءلله،… عن اذنك
مشيت وانا بفكر لو سيف عرف هيعمل ايه، دا مبيطقهوش، وممكن يقتله لو عرف انه كلمني او جاري في نفس الاوتيل، … مع انه خاني ومجروحه منه بس انا مقدرش اكمل في الاوتيل اللي هو فيه، وعشان كده قررت اني هروح احجز في اوتيل تاني وبعدين ارجع اجيب حاجتي
ولما خرجت من الاوتيل، وبعد مسافه وانا بتمشا،.. واحد عدا بموتسيكل وخطف شنطتي، بكل اللي فيها، تليفوني والباسبور، والفلوس
#زين
كنت خارج من البيت شوفت نسمه واقفه جمب بيتهم بلبس الرياضه وحبيت اجيبها بطريقة خبيثه، وقفت مكاني وبقيت اسعل بشده وحطيت ايدي علي بطني وقعدت شويه وهي شيفاني ف رجعت البيت تاني، وسبت الباب مفتوح واترميت علي الارض، وبعد شويه جت تجري ودخلت وقعدت جمبي، وبقت تهز فيه بقلق
نسمه _ زين…. زين رد عليه … زين حصلك ايه
زين يفتح عينه _ نسمه، انتي جيتي
نسمه ببكاء _ خوفتني.. حصلك ايه؟
زين يشاور على قلبه _ حاسس قلبي نبضه بطيء اوي شكلي هموت
نسمه تحط ايدها علي قلبه وتهزه بسرعه
زين _ هوووف كده خف
نسمه _ اكيد
زين _ لا مش عارفه، اسمعي كده… ويشدها ليها وينومها في حضنه
نسمه تضربه وتقوم _ انت بتستعبط صح
زين يقوم _ وانتي قلقتي عليه ودا المهم
نسمه بغيظ _ على فكره دي مش خفة دم دي قلت ادب
زين _ مانتي اللي مجتيش من يومين كان لازم اجيبك بطريقتي
نسمه _ طريقتك وحشه اوي
زين بإبتسامة _ المهم انها جابت نتيجه
نسمه _ انا ماشيه، انت انسان مستفز
زين يمسك ايدها _ I’m sorry
نسمه _ طيب سيب ايدي
زين يقرب منها _ فكرتي في موضوع الشغل
نسمه _ ايوة ومش موافقه
زين _ نسمه انا محتاجك معايا وافقي ارجوكي
نسمه _ علي فكره انت مزودها اوي
زين _ مش مزودها خالص، انا عاوزك معايا بجد
نسمه _عاوزني اشتغل معاك؟
زين _ عاوزك في حياتي عمومآ
نسمه _ ازاي
زين _ تتجوزيني
نسمه _ ايه
زين _ زي ما سمعتي
نسمه _ اه.. بس انا مرتبطه وانت عارف
زين _ فركشي، انتي بيتهيالك انك بتحبيه
نسمه _ لا انا بحبه واتحديت بابا عشانه، ومش عايزة غيره
زين _ غلطانه وموهومه، انتي مبتحبيش حسام، مفيش واحده بتحب واحد تسهر عشان واحد غيره،
نسمه _ قولتلك مسهرتش
زين _ سهرتي يا نسمه،… اقولك حاجه كمان، انتي بتحبيني من قبل ما تشوفيني، وانا كمان .. Please سيبك منه وخليكي معايا
نسمه _ زين انا بحبك عشان انت مطربي المفضل بس مبحبكش الحب التاني
زين _ محتاجه وقت قد ايه علشان تفهمي شعورك كويس
نسمه _ يعني ايه
زين _ انا همشي من هنا لغيت ما اوحشك وتفهمي عايزة إيه
نسمه _ لا لا انت فاهم الدنيا غلط. مستحيل هحب بالسرعه دي… وانت اه هتوحشني بس عشان انت صديقي مش قصة حب وعواطف،
زين _ يمكن الموضوع جه بسرعه بس انا متأكد ان حصل بينا مشاعر حب
نسمه _ من نحيتي مفيش اي مشاعر تانيه غير الصداقه،
زين _ اوكي وانا مش هيأس غير لما نكون مع بعض، وتشتغلي معايا، وتنسي حسام، ويكون كل احساسك ليه انا لوحدي
نسمه _ انت دماغك ناشفه،، انا ماشيه
مشيت وانا روحت بيت سيف ولقيته قاعد مع سليم وأسر
زين _ هو الولد ده هيعيش معاكم ولا إيه
سيف _ انا اتبنيته
زين _ ومسك تعرف
سيف _ هي فين مسك
زين _ لسه متكلمتوش
سيف _ لأ
زين _ مستني ايه علشان تكلمها
سيف _ مش مستني حاجه
زين _ ايه اللي حصل لكل ده
سيف _ سوء تفاهم عادي
زين _ سوء تفاهم ازاي ما تقول قلقتوني
سيف قالي اللي حصل، ف كان لازم اتصل ب مسك وانا معاه علشان يتكلمو، بس كانت قافله الإنترنت ومعرفتش اوصلها من اي حساب ومش معايا رقمها
سيف _ متتعبش نفسك بابا و رودينا بيبعتولها ومبتردش علي حد
زين _ هي كلمتني من شويه تطمن عليكم
سيف _ كلمتك؟ …. وهي فين دلوقتي
زين _ هي قالتلي مقولش بس انا لازم اقول… هي في تركيا
سيف _ راحت تركيا ومتقولش… لا دا براحتها خالص
زين_ هي معذوره وانت لازم تفهم ان مش سهل عليها تصدق
سيف _ مديها عذرها في كل حاجه بس أسر ذنبه إيه تسيبه
زين _، متزعلش نفسك انا هكلمها وافهمها كل حاجه
سيف _ مش هتفهم ولا هتصدق اي كلمة تقولها
زين _ طيب ما تكلمها انت وتقولها اللى حصل، يمكن لو عرفت ان البنت كانت مريضه وابنها مخطوف تصدق
سيف _ مش قادر بعد ما سافرت وسابتنا
زين _ خلاص متزعلش انا هروحلها واجيبها معايا
سيف _ تروح فين
زين _ تركيا
سيف _ لا طبعا مينفعش
زين _ انا محتاج اسافر يومين ودي فرصتي
سيف _ ليه محتاج تسافر
زين _ تغير جو
سيف _ اوك براحتك، بس متجبلهاش سيرتي، انا خلاص مش فارقه معايا
زين _ اه ما انا عارف
سيف _ بتكلم جد هي خلاص مش فارقه معايا
زين _ مصدقك يابني
سيف _ بقولك ايه.. امشي يلا
#سيف
مشي زين وانا قعدت جمب سليم و أسر، …
أسر بيمد ايده بالمكعبات ل سليم وهو بياخدها منه ويحطها جمبه وهو ساكت
سيف _ مش بتلعب ليه …. سليم
سليم_ ايه
سيف_ عاوز شيكولاته
سليم_ لأ
سيف _ طيب تيجي نلعب كارتيه
سليم _ ماما مجاتش ليه
سيف _ نايمة
سليم _ ماما ماتت
سيف _ لا نايمه، انت عاوز منها حاجه اجبهالك
سليم بدموع _ ماما زعلتك، عشان كده مش هتوديني ليها
سيف _ مين قالك
سليم _ انت قولت لعمو اللى كان هنا
سيف _ ماما معملتش حاجه،
سليم _ الحرامي قالي اسلم عليها وعليك
سيف _ قالك تسلم عليه انا
سليم_ وضربني علي وشي
سيف باهتمام _ اسمه ايه الحرامي ده
سليم _ اسمه حرامي
سيف _ لا حبيبي افتكر اسمه، اي حاجه عنه عشان نضربه
سليم _ ميرال، شدتلي شعري
سيف _ مين ميرال
سليم _ بنت الحرامي
سيف _ طيب انت تعرف اسمه
سليم _ اسمه حرامي
سيف _ طيب بيته فين
سليم _ في الجنينة
سيف _ جنينة ايه
سليم _ جمب حمام السباحه
سيف _ المفروض اني اعرفه كده
دا مين الحرامي ده كمان وبيسلم عليه ليه، وايه علاقته بيه انا وريماس، وليه خطف سليم.. مبقتش فاهم حاجه وشكلي مش هفهم أبداً
#نسمه
فضلت واقفه في البلكونة مستنياه يرجع بعد ما قالي انه هيبعد وكنت قلقانه لا يعملها بجد وميرجعش،… لكن بعد وقت رجع وشافني ف طلع في البلكونة بتاعته وبعتلي رساله… روحت جبت التليفون ورجعت تاني للبلكونة
زين_ فكرتي
نسمه _ لأ
زين يرفع الباسبور _ مش قدامك غير الوقت اللي هجهز فيه شنطتي عشان تردي عليه
نسمه _ هتروح فين
زين _ مسافر
نسمه _ وهترجع امتي
زين _ لما تكلميني وتقوليلي ارجع
نسمه _ انا بحب حسام ازاي يعني هسيبه وارتبط بيك وانا مبقاليش أسبوعين اعرفك
زين _ انا اللي مبقاليش أسبوعين اعرفك، وحبيتك انتي بقا تعرفيني من زمان المفروض تكوني بتعشقيني عشق
نسمه _ انت عايش بعقلية الامريكين كل حاجه بسرعه ومفيش ممنوعات… احنا هنا في مصر
زين _ يعني مفيش فايده
نسمه _ لأ
زين _ اوكي، اشوف وشك بخير
نسمه _ زين عشان خاطري بلاش لعب عيال، ازاي يعني هتمشي
زين_ اعتبريها فرصه علشان تعرفي انتي عاوزة مين
نسمه _ عاوزاكم انتو الاتنين
زين _ الست مبتجوزش غير واحد.. اختاري واحد فينا
نسمه _ انت صديقي وانا مش عايزة اخسرك، عشان خاطري متمشيش
زين _ هرجع لما تكلميني
نسمه _ يعني كده
زين _ ايوة
نسمه _ طيب انا هختار حسام
زين _ اوك
دخل جوه وانا مقدرتش مروحش عنده ولما وصلت فتحلي ودخل يكمل تجهيز الشنطه
نسمه _ ايه اللي بتعمله ده
زين يحط الهدوم في الشنطه _ رد فعل علي اللي بتعمليه
نسمه _ ايوة بس انت كده بتبزني، يعني لاما اسيب حسام عشانك لاما تمشي
زين يوقف قدامها _ اعتبريها زي ما تعتبريها، وعلي فكره حتي لو مكلمتنيش وقولتي انك عاوزاني انا مش هبطل احاول
نسمه _ هتقبل تتجوز واحده بتحب واحد تاني
زين _ دا لو كانت بتحبه بجد
نسمه _ انت هتفهمني اكتر من نفسي يعنى
زين _ ايوة
نسمه _ اقولك حاجه… براحتك، واقولك حاجه كمان… انا مستغنيه عن صداقتك… واقولك حاجه اتقل… انت مبقتش المطرب المفضل عندي، يلا سافر ومترجعش…
زين _ مسافر
نسمه تمسك هدومه وترمي فيهم بنرفزه_ سااافر… تريح البلد منك
زين يمسك ايدها ويحضنها _ اوك هسافر… بس انا بحبك
نسمه ببكاء _ لو كنت بتحبني زي ما بتقول مش هتعمل كده
زين يمشي ايده علي شعرها بحب_ انا بديكي فرصه تعرفي انتي عايزة ايه، وهتشكريني بعدين
نسمه _ طيب لو كلمتك وقولتلك اني بعتبرك صديق وبس هترجع ولا هتكمل هناك
زين _ لو صدقتك هرجع وبردو مش هسيبك لحسام
نسمه تذقه بعيد عنها _ امشى ومتجيش تانى
زين _ ملايين بيتمنو اكلمهم بس وانتي بتتبتري علي النعمه
نسمه _ اشمعنا انا
زين _ حابه تسمعيها تاني شكلك
نسمه _ ايوه
زين _ لما تكلميني هقولك
نسمه _ اوك… هكلمك علي كل حال
زين _ هستنا
نسمه بتردد _ هتوحشني طيب
زين بإبتسامة _ انا عارف، وهتتعبي كتير في بعدي، وهتيجي كل يوم في الجنينة تبصي علي البيت من بره، وهتقعدي في البلكونة تستنيني وتعيطي
نسمه _ مغروووور
#مريم
طلعت من الاوضه علي صوت بنت بتضحك تحت. ولما وصلت شوفت بنت بتجري ورا ياسر وهو بيجري قدامها وناقصلهم بس شوية قلوب ترفرف حوليهم
شهيره _ بس يا ولاد انتو مبتكبروش أبداً
ياسر بضحك _ هي اللي بتجري ورايا علشان اتجوزها
روان _ شوفتي يا طنط ابنك،.. مش انتي وعدتي ماما انك هتجوزهوني
شهيره _ وانا عند وعدي بس اقعدو دوختوني
ياسر _ انا اتجوز المعفنه دي
روان _ هضربك، اهو انت اللي معفن
ياسر بضحك _ تعالي طيب متزعليش انتي قمر وروحي .. وبيحضنها
روان _ لا زحلانه
ياسر _ متزعليش ياروحي هصالحك زي زمان، تعالي ورايا
بياخدها نحية السلم وبيلاقي مريم في وشه
ياسر باندهاش مصتنع _ انتي هنا من امتي
مريم بقرف _ من وقت ما بدأت تجري من السكر
روان _ مين دي يا ياسور
ياسر _ دي ضيفه ياقلبي،.. عدينا ممكن
مريم بغيظ _ ما تعدو وانا ماسكاك
ياسر بإبتسامة _ يلا يا رورو
طلع فوق وهو حاطط ايده علي كتفها وبعد شويه رجع يبصلي ويبتسملي ببرود ويرقص حواحبه
#ياسر
انا و روان صحاب وعرفين عن بعض كل حاجه، ف حبيت اجيبها استفز بيها مريم شويه
وبعدين خدتها ودخلت اوضتي
روان _ البنت حلوه بجد. بس شوفت بصتلنا ازاي. كان هاين عليها تجبني من شعري ههههه
ياسر _ عاوزين نحرق دمها براااحه وعلى نار هاديه
روان _ ههههه اوكي يا يسور
ياسر بقرف _ عاوزين نحرق دمها هي مش انا، انا بكره دلعك ده
روان _ مانت زفت مش لقيالك دلع عدل
ياسر _ قوليلي يا بيبي
روان _ ههههه وه يا كبييير
مريم تدخل عليهم فجأه_ ممكن تطلعو بره عشان عايزة اغير
ياسر _ مش تخبطي قبل ما تدخلي
مريم بنرفزه _ اوضتي وادخل بالطريقة اللي انا عايزاها
روان _ اوووه يا بيبي مالها دي
مريم بقرف _ مالها دششي،.. دي اوضتي ياحلوه اتفضلو عايزة اغير
ياسر _ اوكي يلا يا رورو خلينا نقعد في الاوضه التانيه عشان هقولك سر ف بو… اقصد في ودنك
روان _ ههههه يا شقي
مريم بغيظ _ ما تطلعو محدش ناقصكم في ليلتكم السوده دي
ياسر يمسك ايد روان ويمشي ويوقف جمب مريم يرقص في حواجبه شويه ويسيبها
مش عارف ليه حبيت اضايقها شويه بعد ما اتغزلت فيه هي وسكرانه
#مريم
انسان حقير مش كفاية انه بوظلي حياتي وكمان جايبلي صحبته هنا ومعملش اي حساب لكرامتي قدامها، بس ماشي هو اللى بدأ، انا هعرفه قلت التقدير تكون ازاي….
دخلت استحميت، وطلعت عنده لقيتة قاعد تحت مع الحلوه وحاطط ايده علي كتفها وبيتهامسو
مريم تمد ايدها _ هات الفيزا
ياسر _ ليه
مريم _ هشتري حاجات ولا تطلقني واشتري لوحدي
ياسر _ ودا اسمه كلام، اتفضلي وانا هروح معاكي انا والبيبي
روان _ بجد يا روحي
ياسر يمسك شفايفها _ بجد يا قلبي
روان بضحك _ ههههه عيب كده بتكسف
مريم تمط شفتيها بقرف _ بتتكسفي
ياسر _ ايوه بتتكسف من خيالها وخصوصآ لما ببوسها
مريم ترزع رجلها علي رجله _ هات الفيزا
ياسر بألم _ يابنت ال… طيب مش هتاخديها غير لما تعتذري
فريد يدخل و روان تقوم في ثانيه و ياسر يوقف جمب مريم باحترام
فريد _ مالكم
مريم _ ابنك والحلوه
ياسر بمقاطعه _ مريم عايزة تخرج وانا بقولها مش دلوقتي
فريد _ ومش دلوقتي ليه
مريم _ عشان قاعد مع….
ياسر بمقاطعه _ قاعد مع الانسه روان صديقة العيله مش كده يا مريم
مريم تهمسله_ انا بقول افضحكم انت وبيبك
ياسر بهمس _ لو اتكلمتي هتكون ليلتك طين
مريم بهمس _ المقابل؟
ياسر _ الفيزا كلها تحت امرك
مريم _ اااا صح ياعمي هو كان قاعد مع الاخت روان … هو هنا علي الكنبه دي، وهي هناك علي الكرسي اللى جمب المطبخ ومطلعوش لوحدهم الاوضه أبداً ولا قالها سر في بوقها
ياسر بهمس _ زودتيها
مريم بهمس _ دا انت ايامك اللى جايه سواد
فريد _ مش مرتاحلكم
ياسر _ اصلها بتقولي بحبك بس بصوت واطي احترام لحضرتك
فريد _ كويس ربنا يسعدكم
مريم _ شكرا ياعمي،،، يلا يااا.. يا بيبي مش بيبي بردو
ياسر _ ايوه.. قدامي .. اذنك يا بابا
طلعنا وسبنا الحلوه في البيت وبقيت طول الطريق بزله وهو بينفذ كلامي من غير نقاش
ياسر بزهق _ عايزة تغوري فين
مريم _ اسمها حضرتك عايزة تروحي فين
ياسر _ لاااا يا حبيبتي مش انا،، ده انا واخدك علي قد عقلك انما انا اتاويكي ومحدش يلاقيلك جسه يدفنها
مريم ببرود _ هدوء ممكن… وشغل اغنيه حكيم،، كلام بكلام هنتكلم
ياسر يداري ضحكته ويشغل الاغنيه
مريم _ مين بقا الحلوه
ياسر _ ميخصكش
مريم_ صعبان عليه حياتك كلها نجاسه ومبتعرفش غير البنات الشمال
ياسر _ عشان كده عرفتك
مريم بغيظ _ انا شمال
ياسر يردد مع الاغنيه وميردش عليها
مريم تضرب كتفه _ رد عليه
ياسر _ قولتلك ايدك لو لمستني مش هحرم نفسي من حاجه
مريم بانفعال _ رد عليه… انت بجد معتبرني من البنات الشمال بتوعك
ياسر _ واحده جت عندي وحصل بينا حاجه، ف اه انا بعتبرك كده ،.. واسكتي عشان اركز في السواقة
مريم تشد الدريكسون ويتخبطو في الرصيف
ياسر بغضب _ ايه اللي انتي عملتيه ده كنا هنتقلب بسببك
مريم _ انت بوظتلي حياتي وخسرتني اهلي وجاي تقولي اني شمال.. ازاي قدرت تنطقها
ياسر _ بقولك ايه انا متحملك بالعافية حلي عن دماغي
مريم بغيظ _ انا مش عارفه ازاي جه عليه يوم وبصيت لواحد زيك
ياسر _ بصيتيلي ازاي مش فاهم
مريم تفتح الباب وتطلع _ بقولك ايه ورقتي توصلني ومش عايزة اشوف وشك تانى
ياسر _ ارجعي
مريم تمشي وتسيبه وهو يروح وراها ويمسكها من دراعها
ياسر _ بقولك ارجعي.. هتفضحينا في الشارع
مريم _ انت لو مبعدتش عني هصوت والم عليك الناس
ياسر يشدها من ايدها _ صوتي
مريم بصراخ _ الحقوووني
بعد دقيقه لقيت كام واحد جاين
شاب _ انت عاوز منها ايه
ياسر _ خليك في حالك
وفجاه كلهم يمسكوه يضربوه
مريم تبعدهم عنه _ سيبوه هيموت في ايديكم
واحد منهم يبعدها عنه _ متخافيش هنربيه
مريم تشد نفسها منه _ وسع بقا سيبني
الشاب _ امال بتصرخي لية لما مش عاوزاه يتضرب
مريم ترزع رجلها علي رجله وتدخل وسطهم وتمسك في ياسر
مريم _ بس بقا، دا اخويا
ياسر بتاعب _ جو.. جوز.. جوزها
الشاب التاني _ جوزك ولا اخوكي
مريم ببكاء _ للاسف جوزي .. قوم فضحتنا
ياسر بتعب _ مش هعدهالك،
ويريح رأسه على دراعها ويغمض
مريم ببكاء _ ياسر انت موت
ياسر _ لسه
مريم _ طيب قوم خلينا نروح
كلهم مشيو وسابونا بعد ما ضايقتهم وهو كان تعبان من الضرب
وانا بقيت استنجد بأي حد يشيله معايا نوديه عند العربيه، ولقيت واحد ساعدني ودخلناه جوه العربيه وانا دخلت معاه
مريم ببكاء _ انت لسه عايش
ياسر بتعب _ لا
مريم _ امال بترد ازاي
ياسر _ ببوقي
مريم _ مكنتش فكراهم هيعملو فيك كده
ياسر بتعب _ بقالي 32 سنه عايش متبهدلتش كده.. منك لله
مريم _ وانا بقالي 28 سنه عايشه عزيزة النفس متزلتش غير لما شوفتك ربنا ياخدك.
ياسر _ متستعجليش هياخدني حالا ومش مسامحك
مريم _ خلاص متتكلمش عشان متتعبش
ياسر _ قال يعني خايفه عليه، دا انتي شيطانه، بس استني اخف
مريم _ مش خايفه عليك انا خايفه يتهموني بقتلك
ياسر يقرب ايده من وشها برقه وفجأه يرزعها بالقلم _ حربايه، اطلعي مش عارف اتنفس
مريم بألم _ كسر ايدك ورجعلك
ياسر _ اطلعي بره هموت بسببك
مريم تضربه في كتفه وتطلع
ياسر بتعب _ طيب يا ام جميل، بس اروقلك هشرحك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
