رواية عشق اولاد النمر الفصل الخامس 5 بقلم جنه ياسر
رواية عشق اولاد النمر الجزء الخامس
رواية عشق اولاد النمر البارت الخامس
رواية عشق اولاد النمر الحلقة الخامسة
♡♡♡♡♡♡
“في مستشفي النمر الخاصه نتجه الي غرفه كان اوس نائم علي السرير وكان ملامح وجهه لم تظهر من الضرب و الجروح التي في جسمه…
بدأ اوس يفتح عيونه رأي ان جميع عيلته متواجدين ورأي غرام والدته جالسه علي كرسي بجاوره وممسكة يده وواضعه يدها الاخر علي وجهه وكانت تبكي بشده..
اوس قال بصوت مبحوح وضعيف : ماااما
غرام ببكاء : ايوه ياروح قلب ماما انت كويس…
جاسر قرب من اوس هو الاخر بقلق و قال : انت كويس يا اوس حاسس بحاجه بتوجعك..
اوس بمزح : اكيد حاسس يا نمر انت مش شايف اني مترخشم في كل حته في جسمي..
اسد بغضب وقرب من اوس : قول يا اوس مين اللي عمل كدا فيك…. هو ازاي يتجرء يمد ايده علي ابن جاسر الحديدي انا مش هرحمه قولي مين بس…
عشق : هو ده وقته يا اسد المهم نطمن علي اوس الاول…
اسر بغل : لا وقته يا عشق اللي يتجرء يمد ايده علي اخونا يبقي حكم علي نفسه بالاعدام…
جاسر : اهدي انت وهو احنا اكيد هنعرف مين اللي عمل كدا.. نطمن دلوقتي علي اخوكم
باب الغرفه اتفتحت ودخلوه ادهم وإلياس وزوجاتهم واولادهم….
شغف توجهت الي السرير وقال ببكاء : الف سلامه عليك يا اوس انت كويس..
اوس : اه كويس الحمدلله…
إلياس : ينهار اسود هو انت خبطت في تريلا وله ايه يا اوس يا بني ايه اللي حصلك..
اوس بمزح : لا يا عمو خناقه بس مش عاوز اقولك اني ضربتهم كلهم ااه مسيبتيش وله واحد الا لما ضربته..
جاسر بسخريه : لا ما هو باين جدا انك انت اللي ضربتهم… هودي وشي من الناس فين بقي ابن النمر يتضرب بالمنظر ده…
اوس بمزح : اتكتروا عليا يا نمر في غيابك…. اعمل اي دول كانوا اكتر من 6 كانو كتير..
غرام فجاءه مسكته من اذنيه وقالت : ما احنا لو مكناش نعمل مشاكل مكنش حصل كدا اما ازاي لازم ميعديش يوم كدا من غير مصيبه اشمعني انت يا شبر ونص مش قادرين عليك…
اوس بوجع : يا ماما اوعي هو انا كنت ناقص… انا بردو شكيت في الحنيه اللي طلعت منك من شويه مش انا كنت من شويه روح قلبك…
ديلان توجهت الي غرام : خلاص يا غرام سيبيه ابقي عاقبيه بعدين المهم نطمن عليه الاول..
اوس : صح نسيت مغيث كان معايا هو فين حصله حاجه…
جاسر : لا محصلوش حاجه بس بردو متخرشم زيك في الاوضه اللي جمبك…
ادهم : هو انا يا واد يا اوس مش كنت مديلك قبل كدا صاعك كهربي عشان يعني تستخدمه في ايه خناقه ليه مطلعتهوش وضربتهم بي…
تاج : يلهوي يا ادهم انت اتجننت مدي لعيل صغير حاجه زي كدا ده غلط جدا ده ممكن يقتل حد بالغلط…
جاسر توجه الي ادهم : انت ازاي تديله حاجه زي كدا حسابك معايا بعدين…
ادهم : يعم للحمايه ده ياما استخدمته وانا قده اصلي انا يا واد اوس كنت زيك كدا ….ياااااه فكرتني بالذي مضي …
اوس : وكنت بتضرب زي كدا يا عمو .
ادهم : هههههه اه وكتير
يامان اخير نطق و قال : الف سلامه عليك يا اوس هو انت عارف اللي عمل فيك كدا…
اوس بغضب : اه اعرفه بس مش هقول هو مين مفيش حد هياخد حقي غيري….
يامان كان مركز مع عشق لم يبعد نظره عنها لدرجه انها توترت…
عشق بتوتر : ااااه انا هروح اشوف ماسه اقولها ان اوس فاق…
ثم خرجت عشق هربا من نظرات يامان اليها …كانت ذاهبه الي المكتب الخاص لاختها ماسه ..ويامان خرج خلفها ليواجها لحالهم …
يامان : استني يا عشق ..
عشق اول ما سمعت صوته واقفت والتفتت ورأته يتجه نحوها …
عشق بتوتر : يامان لو هتفتح الموضوع تاني احب اقولك ان مش هرجع في قراري و مش عاوزه اوجعك .. صدقني بجد عمري ما اعتبرتك غير زي اخويا انا مش شايفك غير كدا سامحني قراري مش هيتغير وحاول تعيش حياتك وتنساني صدقني بكره لما ربنا يرزقك ببنت الحلال هتعرف ساعتها انك انت مكنتيش بتحبني… بعد اذنك يا يامان …
يامان : تمام يا عشق انا هحاول انسي اللي حصل واوعدك الموضوع ميتفتحش تاني….
عشق ابتسمت له وقالت : اتمني اللي حصل ميأثرش علي علاقتنا احنا ولاد عم وخاله متنساش ده.. انا همشي بعد اذنك
ثم ذهبت هربا منه لان هي وجعته للمره الثانيه.. كانت همس واقفه بمسافه ما لكن قدرت تسمع حديثهم…وفرحت بشده من حديث اختها و قررت تذهب الي يامان وبالفعل ذهبت له..
همس بحب : ازيك يا يامان
يامان بحزن : الحمد الله
همس : هو صحيح انت اللي هتدرسلنا بدل دكتور عز…
“همس كانت عاوزه تفتح اي حديث معه..
يامان : اه يا همس ان شاءلله بس مؤقتا لحد ما يرجع الدكتور عز من اجازته..
همس بصوت واطي : يارب ما يرجع..
يامان سمعها وقال باستغراب : هو انتي بتقولي حاجه
همس رسمت ابتسامه علي وجهها وقالت : هااا لا وله حاجه…..اصل بصراحه انا مكنتيش بطيق الدكتور عز كان رخم اوي…هو علطول رافع مناخيره في السماء وكأن يعني مفيش حد زيه.. و له علي مشيته يساتر عليه… استني اقلده ليك..
” وبالفعل قامت همس بتقليد الدكتور في مشيته ويامان ضحك بشده علي حركات همس المضحكه…. وهمس سرحت في جمال ضحكته التي لاول مره تراه يضحك بهذا الطريقه. دائما مكشر ولم يضحك كانت سعيده قلبها بيرفرف وضحكت علي ضحكه….
يامان بضحك : ههههههه ضحكتيني يا همس وانا مش عاوز اضحك… بس انتي قلدتي صح هو فعلا بيعمل كدا… علي فكره انا كمان مش بحبه…
همس : بردو ده شكل الناس كلها مش بتحبه.. اصل واحد مغرور الناس اكيد مش بتحبه واصلا فاشل مش بيعرف يشرح…. ده انا كنت بغيب مخصوص لما بيبقي علينا..
ضحك يامان : خلاص بقي كفايه كلام علي الراجل… انا ان شاءلله هدرس الماده واتمني مكنش فاشل زيه واعرف ابسطها وتحبيها..
همس بحب : انا حبيت الماده خلاص وابتسمت له…
يامان : طيب يا همس انا همشي بقي وابقي اشوفك في الكليه اوعي تتأخري علي المحاضره سامعه!!
همس : انا اصلا هكون اول واحده في المحاضره..
يامان ابتسم لها وقال : طيب لما نشوف يلا انا همشي بقي باي
همس بابتسامة : باي
ذهب يامان الي خارج المشفي و كانت همس مبسوطه وفرحانه بالحديث معها..
همس بتنهد ثم قالت : يا تري يا يامان ممكن تحبني زي ما بحبك نفسي بقي تحس بيا..
ذهبت همس الي الداخل الغرفه التي بها اوس..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نذهب الي حور كانت ذهبت من منزلها لان زوج اختها كان طردها وجارتهم تعاطفت مع حور وقررت تأخذها تجلس معاها….. كانت حور جالسه في الشرفه التي تطل علي شارع عمومي وكانت شارده قطع حبل افكارها علي يد كانت بطبطب علي كتفاها بحنيه… وكانت امرأه تمسك بيدها صينيه بها شاي..
حور : ست ماجده معقول انتي اللي عملتي الشاي..
ماجده: وفيها ايه يا حبيبتي… مالك يا حور انتي كنتي بتعيطي عينك حمرا..
حور : هاا ابدا دي في حاجه دخلت في عيني ثم نظرت بالارض وكملت : انا اسفه يا ست ماجده علي الازعاج انا مكسوفه منك ومن علاء اللي سايب بيته بسببي بس انا ان شاءلله انهارده هنزل ادور علي حته ابات فيها..
ماجده : اخص عليكي ياحور هو احنا كنا اشتكينا ليكي علاء كدا كدا يبنتي بيبات في الشغل مكانش بيجي غير في ايام الاجازه… وبعدين ده بيتك ومطرحك والله ربنا وحده اللي يعلم انك انتي ويوسف مليته عليا البيت..
حور : وانا ربنا يعلم ان بعتبرك زي امي الله يرحمها بس ميصحش افضل اقعده هنا و اسيب علاء نايم في الشارع وعنده بيت انا انهارده هحاول القي شغل وبيت…
ماجده : طيب يا بنتي حاولي تتكلم مع اختك تكلم جوزها عديم الاحساس ده يمكن تقدر تقنعه انك ترجعي تقعدي معاهم تاني ..
حور : لا انا استحاله ارجع ليهم تاني… حسبي الله ونعم الوكيل في مش مسمحاه هو وحوريه اختي… ونبي قفلي علي السيره يا ست ماجده انا هقوم اشوف يوسف وانزل معلش هسيبه معاكي لحد ما اشوف شغل ومكان..
ماجده : ده في عنيا يا بنتي متقلقيش…
حور بابتسامه: تسلم عيونك يا حبيبتي انا هقوم اشوفه..
قامت وتوجهت الي غرفه كان ابنها يوسف نائم بها..
ماجده : مسكينه يا حبيبتي الدنيا جايه عليها يارب تخليك معاها دي بت غلبانه وملهاش حد اقف جمبها يارب وعوضها بكل خير يارب العالمين… احنا ملناش غيرك يارب.. ثم دخلت هي الاخري من الشرفه..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
“في قصر النمر كان اوس خرج من المشفي والجميع وصلوا القصر ماعدا ماسه كان عندها نبطشيه …
“”في الريسبشن”
اسد : طيب يا جماعه عاوزين مني حاجه انا همشي انا..
جاسر : رايح فين يا استاذ..
اسد : هروح مشوار كدا وابقي بعد كدا هروح الشركه..
جاسر بحزم : مش ملاحظ ان مشاويرك كترت الايام دي… وبقيت مأثر في شغلك..
اوس بمزح : ايوه يا نمر وانا ملاحظ بردو زيك ان مشاويره كترت..
جاسر : اخرس انت يا حيوان..
اوس : حاضر..
اسد : انا قولت لحضرتك انا هروح الشركه بس قبلها هروح مشوار صغير..
غرام : خلاص روح يا اسد….
اسد توجه لغرام وقبلها من جبينها تحت نظرات جاسر..
اسد : سلام يا غرامي..
جاسر بغيره : غور يا حيوان من هنا …
اسد ضحك وثم كان ذاهب بس سمع نداء جاسر له التفت له وقال : خير يا حجوج عاوز حاجه..
جاسر : اه تعالي عاوزك ثانيه..
اسد ذهب ووقف امامه وقال : نعم يا…..ااااااااه
قطع كلام اسد بلكمه قويه من جاسر علي وجهه اسد…
جاسر : كام مره اقولك ماتقربش علي امك..
اسد : اه وشي حرام عليك يا نمر هروح المشوار ازاي وانا كدا اووووف …
غرام بزعل توجهت الي اسد ووضعت يدها علي مكان اللكمه… وقالت : حرام عليك يا جاسر علمت.
اسد : اه يا ماما شوفتي جوزك المفتري عمل فيا اي..
جاسر مسكه من قفاه وقال : انت قولت ايه..
غرام بضحك : ميقصدش يا جاسر سيبه معلش..
اسد : اه والله زله لسان اخر مره..
جاسر زقه و قال : غور يلا وحسابك معايا بعدين..
اسد ذهب مسرعا وكان واضع يده علي مكان الضربه وكان بيبرطم بالكلام…
غرام : جاسر ياريت تخف ايدك علي العيال… لاحظ انهم كبروا مبقوش صغيرين..
جاسر وجه كلامه لي اسر : خد اخوك وطلعوه علي فوق ثم نظر للبنات وقال : وانتو كمان اطلعوا علي فوق ..
“وبالفعل الاولاد جميعم ذاهبوا الي الطابق العلوي..
جاسر قرب من غرام ووضع يده علي خصرها
وقال : كنتي بتقولي اي..
غرام بخجل : ابعد يا جاسر انت اتجننت افرض حد من عيالك نزل ويشفونا واحنا بالمنظر ده..
جاسر بغزل : ما يشفونا واحد ومراته عادي
غرام ضربته بخفه علي قلبه وقالت : بطل رخامه وبعدين انا عاوزاك تبطل غيره شويه يا حبيبي دول ولادي يعني من حقهم يقربوا مني عادي وبعدين اشمعني انت بتقرب من البنات عادي..
جاسر : مش قادر اشوف شحط فيهم يحضنك واسكت ثم غمز لها وقال: وبعدين ميبنش خالص انك امهم يعني شحط زي اسد يبان ان ابنك ازاي.. قوليلي انتي..
غرام بضحك : لا يبان يا حبيبي احنا كبرنا خلاص..
جاسر : يا خربيت كلمه كبرنا اتكلمي علي نفسك يا ماما انا لسه في عز شبابي..
غرام : عز شبابك بجد ده انت خلاص قربت علي الستين روح يا جاسر شوف انت رايح فين..
جاسر فجاءه قرب منها وحملها بين يده
وقال : تحبي اوريكي الراجل اللي داخل علي الستين ممكن يعمل ايه..
غرام بخجل : جاسر عيب نزلني انت بقيت مجنون الفتره دي ..
جاسر بغمزه : مجنون بيكي يا غرام النمر 😍
غرام : جاسر نزلني بقي عيب افرض حد من العيال وله الخدامين شفوني كدا ..
قطع كلامها دخول اسر عليهم..
وقال بشهقه: يلههوي ماما و بابا مع بعض كدا يا غرام بتخونيني ..
جاسر نزل غرام وقال بخضه : ايه يا ابن الكلب اللي نزلك وبعدين في حد يدخل كدا..
اسر : احب اعرفك يا ولدي العزير انك بتشتم نفسك وهو انا دخلت فين احنا في الريسبشن ثم غمز له
وقال : ولعه معاك يانمر 😉
جاسر : عارف انا هعمل فيك ايه دلوقتي هنفخك انت نسيت نفسك وله اي… ثم ركض اتجاه واسر ركض..
اسر بخوف : مقصدش الله يخربيت لساني الحقيني يا غرام النمر هياكولني..
غرام اتجهت الي جاسر ومسكته وقالت : خلاص يا جاسر هو ميقصدش ..
جاسر بغضب : اوعي يا غرام ده انا هموته شكله نسي انا بكون مين..
اسر بخوف : امسكي كويس يا غرام..
غرام : مش قادره اكتر من كدا اطلع علي بره بسرعه..
اسر ركض الي خارج وقال : هدي اعصابك يا نمر اعتبرني عيل وغلط…
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
خرج اسر وتوجه الي الحديقه رأي ديما جالسه علي الارجوحه… ظبط ملابسه وشعره وتوجه لها وجلس بجاورها …
اسر : مساء العسل..
“ديما كانت واضعه الايربودز في اذنها وشعرت بأحد يجلس بجاورها ورأته أسر..
ديما : مساء النور..
اسر : ايه اخبارك يا بنت عمي..
ديما بخجل : الحمدلله..
اسر : ممكن اسألك سؤال..
ديما : اتفضل
اسر بغزل : هو انتي ليه حلوه علطول …
ديما شعرت بالخجل نظرت في الارض ورجعت خصله من شعرها الي خلف اذنها ثم قال : احم بعد اذنك يا اسر انا هطلع اشوف عشق..
وبالفعل قامت لتذهب… اسر فجاءه واقف امامها
وقال : رايحه فين انا ماصدقت نقعد مع بعض لوحدنا… انا مكنتش اعرف انك بتتكسفي كدا ..
ديما : لو سمحت يا اسر ابعد…
اسر : يلهوي علي اسر اللي طالعه من بوقك زي سكر ممكن تقوليها تاني..
ديما : يا اسر بطل بقي هو انت في ايه مالك انهارده..
اسر : مفيش شايف حتت بسكوته واقفه قدامي عاوزه اكون عامل ازاي..
ديما بغضب : انت اول مره تتكلم معايا كدا هو انت شارب حاجه..
اسر بصدمه : ايه ده. الصوت ده طلع مين ده انا قولت انك بسكوته. شكلي اتخميت فيكي…
ديما : جيب من الاخر يا اسر عاوز ايه ما هو الدخله دي ورها حاجه…
اسر ببرائه : ابدا جاي اقعد مع بنت عمي عادي… لو هضايقك خلاص امشي عادي.. وكمل بتمثيل
وقال : انا عارفه مفيش حد بيحبني… كله بيكرهني معرفش ليه…انا همشي خلاص ومش هضايقك تاني يا بنت عمي
ديما بتأثر قالت : استني بس يا اسر انا مش قصدي انك تمشي وانا مش مضايقه خالص من وجودك …
اسر : مين قالك اني كنت همشي تعالي يا بنت عمي نتمشي مع بعض في الجنينه القصر اللي ملهاش نهايه دي..
ثم شدها من يدها وبدأوا يذهبوا مع بعض في حديقه القصر..
اسر : عارفيني بقي علي نفسك انا اه اعرفك من بدري ومتابع صفحتك علي الانستجرام بس معرفكيش اوي بردو..
ديما بابتسامه : عاوز تعرف ايه يا استاذ اسر..
اسر : يعني سنك.. خريجه ايه.. او بتدرسي ايه مرتبطه وله لا كدا يعني..
ديما : انا يا سيدي عندي 21 سنه بدرس في فاشون ديزاين لان بعشق المجال ده اوي وبحب التصوير بردو… ومش مرتبطه علي فكره ….
اسر : معقول قمر زيك مرتبطش قبل كدا خالص..
ديما : لا في كتير حاول معايا بس انا بصدهم وفي بيتقدموا كمان وكتير جدا بس بردو برفض..
اسر : وليه بترفضي؟
ديما : لان كانو كلهم مش مناسبين انا لما اجي ارتبط مش هرتبط بي اي حد وخلاص…
اسر : ماشي يا تنكة هانم..
ديما : طيب وانت ارتبطت قبل كدا..
اسر بغمزه : بتسألي ليه لتكوني عاوزه ترتبطتي بيا..
ديما بخضه : ايه ده لا طبعا ..
اسر : هو انتي تطولي ترتبطي بيا ده انا فتي احلام كل البنات..
ديما : يا سلام فتي احلام كل البنات ليه يعني مش شايفه انك الحلو الواو عشان تكون كل البنات يغرموا بيك..
اسر بغرور : يا ماما انا كلي حلو قال مش حلو الواو ده البت سوسو بتتجنن اول ما بتشوفني…
ديما بغيره : مين سوسو دي ان شاءلله..
اسر بخبث : حبيبتي حاجه كدا مزه بمعني الكلمه..
ديما بغيظ وتجز علي اسنانها : والله ماشي انا داخله يا اسر لان الجو بدأ ينخنق…
اسر وقف امامها وقرب منها بشده ونظر لعيونها..
وقال بلؤم : رايحه فين حاسك غيرانه لتكوني غيرانه عليا…
ديما زقته وقالت بغيظ : اغير ليه مين انت اصلا عشان اغير عليك شكلك واخد مقلب في نفسك ومش بتبص في المرايات خالص اوووف انا ماشيه… قال غيرانه قال…
ثم ذهبت وهي غاضبة بشده هل فعلا غيرانه علي اسر…
اسر باعجاب : يخربيت كدا البت دي خطر عليا قمر بنت اللذينه وله عيونها ياختتتاي..
ديما كانت ذهبت ثم قالت بغيظ مع نفسها : عااااا واحد بتاع بنات ماشي يا اسر الكلب اما وريتك مكنش انا ديما…
ثم ذهبت الي غرفه عشق وفتحت الباب بقوه..
عشق بخضه : اي يابت في حد يدخل كدا مالك..
ديما : اخوكي ده رخم وبارد ومعندوش ريحه الدم..
عشق : اخويا مين..
ديما : هيكون مين بتاع البنات فاكر نفسه ايه هو مش حلو اصلا..
عشق بخبث : اااه قصدك اسر… مين ده يا بنتي اللي مش حلو انتي بتكدبي علي نفسك.. ده كفايه عيونه اللي بتسحر اي حد… ده مز انتي عارفه يابت ده لو مكنش اخويا كنت اتجوزته ههههه..
ديما : انتي قاصده تغيظيني…
عشق بضحك : ههههه مالك يا بنتي ايه اللي حصل لكل العصبية دي..
ديما : مفيش مفيش انا غلطانه اني جيت ليكي..
عشق : يا بنتي اهدي هو في ايه بجد اول مره اشوفك كدا ثم قربت منها ووضعت يدها علي كتفها..
وقالت : ايوه فهمت لتكوني بتحبي يا بت ومخبية عليا.. قوليلي انا زي اختك سرك في بير..
عشق قالت تلك الجمله وثم ركضت مسرعا..
ديما بعصبيه : مش هسيبك ما هو مش انتي واخوكي عليا..
عشق : اهدي يا منار انا قولت ايه لكل ده..
ديما قدرت تمسكها ثم عضتها بغيظ وعشق كانت تتألم.. وفجاءه دخل عليهم جاسر وديما لاحظت وجوده ثم عنقت عشق بشده ..
ديما بتمثيل : يا حبيبتي يا عشق كنتي هتقعي مش تخلي بالك…
عشق : اااه كنت مش واخده بالي… خير يا بابا في حاجه..
جاسر باستغراب : كنت سامع صويت في قلقت
عشق وديما نظره لبعض وديما برقت لها
عشق قالت : هههه ده ده كان صورصار كبير شوفته عشان كدا خوفت وصوت ..
جاسر بقرف : صورصار.. يعني بتصوتي عشان صورصار… يارب تصبرني
كان جاسر خارج الي الغرفه بس تذكر شئ ثم رجع لهم مره اخري..
جاسر : ابقي كلمي نديم يا ديما لان اتصل عليكي ومردتيش قلق عليكي..
ديما : حاضر يا انكل هكلمه..
جاسر خرج وتوجه الي غرفه اوس ليطمئن عليه..
ديما بغيظ : تعاليلي بقي والله منا مش هسيبك انهارده… بقي صورصار كبير..
عشق وهي تركض وتقول : ماتهدي بقي هدتيني حرام عليكي..
ديما تركض نحوها و مازالوا كثير يركضوا خلف بعض وديما مُصره تمسكها…
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند حور كانت ذاهبه وشارده تماما ولم تأخذ بالها من الطريق سألت كثير عن شغل ولم يوفقوا عليها..
حور بتعب وشعرت بدوران نظرت امامها رأت سياره تأتي نحوها حور استسلمت للموت وغمضت عيونها وفجاءه في احد يمسكها بقوه ويبعدها عن السياره..
اسد بغضب : انتي مجنونه ازاي واقفه كدا قدام العربيه
حور لم تسمع اي شي فقدت الوعي تماما وقعت في حضن اسد … واسد امسكها بحرص ثم حملها بين يديه وتوجه الي سيارته وكان صديقه رعد في السياره..
رعد نزل وقال باستغراب : ايه ده مين دي يا اسد..
اسد : مش وقته افتحلي الباب..
رعد بالفعل فتح الباب الامامي واسد وضع حور علي الكرسي وربط لها حزام الامان.
اسد : رعد اجل مشاورنا انهارده وشوف حاجة تركبها..
رعد : هي مين دي ماتفهمني..
اسد قال : بعدين ثم ذهب مسرعا وركب السياره و بدأ يتوجه الي مستشفي قريبه من المنطقه التي فيهم..
اسد وهو ينظر لها وقال : يا تري ايه حكايتك
وبعد دقائق وصل الي المشفي ونزل وتوجه الي باب السياره وحمل حور وتوجه الي المشفي من الداخل..
وبعد دقائق كان اسد ينتظر في الخارج الطبيب ليطمئنه وبالفعل الطبيب خرج وتوجه له..
اسد : هااا يا دكتور طمني مالها..
الطبيب : اهدي يابني متقلقش ده اغماء عادي هي تقريبا بقالها فتره مش بتاكل فعشان كدا سبب ليها اغماء احنا علقناه ليها محاليل وشويه وهتفوق وهتبقي كويسه..
ثم ذهب الطبيب واسد دخل لها الغرفه وكان في كرسي قربه من السرير التي كانت نائمه عليه وبدأ ينظر لها ويدقق في ملامحها الجميله.. ثم لاحظ انها بدأت تفوق.
حور : اممم انا فين.
اسد : انتي في المستشفي..
حور نظرت له باستغراب : انت. احم هو انا ازاي جيت هنا..
اسد : انا جبتك اكيد حضرتك كنتي هتموتي وانا انقذتك علي اخر لاحظه وبعد كده اغمي عليكي…
حور بخجل : شكرا بجد
اسد بحزم : هو انتي ليه مجتيش الشركه مش كنت قايلك تيجي..
حور : حصلتلي ظروف معرفتيش اجي.. هو بجد ممكن تشغيلني..
اسد : ايوه قولتلك هشغلك بس انتي معرفش مجتيش ليه..
حور : هو ممكن لو سمحت استخدم تليفونك دقيقه..
اسد : اكيد ثم خرج هاتفه من جيبه ثم توجه لها..
حور اخذت الهاتف وكتبت رقم جارتها ماجده ورنت عليها وبعد ثواني فتح الخط..
حور : الوووو ايوا يا ست ماجده..
ماجده : ايوه يا بنتي فينك يا حور ابنك مموت نفسه من العياط مش راضي يسكت وخايف جدا..
حور : طيب انا في مستشفي ثم نظرت لاسد
وقالت له : هو اسم المستشفى اي..
اسد : مستشفى ____
بلغت حور لماجده اسم المستشفي.. وقالت لها تأتي يوسف لها.. ثم قفلت السكه..
حور : اتفضل التليفون… احم حضرتك انت ممكن تمشي حد هيجي ليا بشكرك علي تعبك معايا..
اسد : انا مش همشي الا لما اطمن عليكي.. انا نازل اشتري ليكي اكل عشان تاكلي..
ثم قام وذهب ليشتري طعام لها..
وبعد حوالي ربع ساعه كانت ماجده وصلت المستشفي وتوجهت الي الغرفه التي بها حور.. يوسف اول ما رأي امه ركض لها وحضنه وكان بيبكي بشده..
ماجده : ايه اللي حصل يا بنتي مالك..
حور خدت ابنها في حضنها وقال : متقلقيش انا كويسه انا اغمي عليا بس وفي واحد انقذني..
ماجده : يعني انتي كويسه انا تخضيت عليكي..
حور : تسلمي يا ست ماجده انا تعبتك معا اوي واتقلت عليكي..
ماجده : اخص عليكي يا بنتي اوعي تقولي كدا تعبتيني في ايه بس
قطع كلامهم دخول اسد وقال : مساء الخير..
ماجده : مساء النور ثم همست لحور وقالت : مين الجدع ده يا بنتي..
حور : ما هو ده اللي انقذني وجبني هنا..
اسد : انا جبتلك اكل ياريت تاكلي لان الدكتور قال انك بقالك فتره مكلتيش..
حور : شكرا بس انا مش قادره..
ماجده : لا مش قادره اي اسمعي يا حور الكلام انتي فعلا كنتي اهملتي في اكلك..
اسد : ياريت بلاش عند و كلي..
ماجده : هات يا بني انا هأكلها..
وبالفعل اخذت منه الاكل وبدأت تأكل حور..
اسد توجه الي يوسف الذي كان في حضن حور..
اسد مد له يده : ازيك عامل ايه..
حور : سلم يا يوسف علي عمو..
يوسف مد يده لاسد وقال اسد : اسمك حلو يا يوسف..
يوسف بخوف : سكرا (شكرا)
اسد هاتفه رن فجاءه برقم جاسر..
اسد مع حاله : يلهوي نسيتك يا بابا زمانه راح الشركه وملاقنيش..
اسد نظر لحور وقال : طيب انا خارج ارد علي المكالمه ياريت ارجع القيكي خلصتي الاكل كله..
ثم خرج اسد ليرد علي والده وكان واقف امام الغرفه..
ماجده : هو مين ده يا بنتي الله واكبر عليه قمر انتي تعرفي..
حور بخجل : اه احم ماهو ده اللي انقذني من الراجل اللي كنت شغاله عنده اللي حكتلك عنه قبل كدا …
ماجده : ااه طيب يا بنتي انا عندي اقتراح ليكي اي رايك تدخلي الجدع ده في مشكلتك مشاء الله طول بعرض يعني ممكن يقف لجوز اختك عديم الاحساس ويرجعك تاني بيتك..
حور : لا طبعا انا استحاله اقوله حاجه زي كدا
ماجده : ليه يابنتي صدقيني ده الوحيد اللي هيقدر يقف لجوز اختك..
حور : هو ميعرفنيش غير مره وكان مشكله بردو و حلها وعاوزني تاني مره اقبله اكلفه بمشكله تانيه يحلها ليا لا انا مش هعمل كدا اكيد هيفكر اني استغلاليه وباين عليه ان من عيله كبيره… لا يا ست ماجده انا مش هقول حاجه.. انتي متشغليش بالك بيا انا عارفه اني اتقلت عليكي وانا هتصرف انهارده واشوف حته ابات فيها مش ذنبك اني قرفتك بمشاكلي بجد شكرا اوي علي وقفتك معايا..
ماجده : يا بنتي قولتلك انا زي والدتك الله يرحمها.. انا مش قصدي خايفه عليكي وبصراحه بيني بينك يعني بدأءت اسمع حكاوي ستات الحاره بيتكلموا عليكي يعني انك سايبه بيتك وجايه عايشه عندي وهما طبعا ميعرفوش بحاجه في انا والله مش عاوز حد يتكلم عليكي كلمه..
حور تنهدت بحزن : منه لله انا نفسي اعرف كان فين عقل اختي لما كتبت لي الشقه… لا وعادي تسبني كدا مرميه في الشارع وله سألت عليا وله حته وقفت للكلب جوزها وتقولي اختي متمشيش مش هقول غير حسبي الله ونعم الوكيل فيهم ومش هسامحهم
ماجده : يا بنتي متظلميش اختك انا متأكده ان هي عملت كدا غصب عنها
اسد كان واقف يستمع الحديث الذي يدور بينهم وغضب كثير ثم دخل عليهم..
اسد نظر لحور وقال : ايه اللي انا سمعته ده انتي فعلا مطروده من بيتك..
حور نظرت بالارض ولم ترد عليه
ماجده : اه يا بني جوز اختها الله ينتقم منه طردها هي وابنها وهما دلوقتي مش لاقين مكان يقعدو في هما اه قاعدين عندي بس يا بني انا عندي ابن وعازب فا يعني لو ممكن تساعدها هيبقي كتر خيرك ..
حور قاطعتها : بس يا ست ماجد الاستاذ اسد مش ذنبه ان نشغله بمشاكلي انا بشكرك جدا وممكن تمشي اكيد حضرتك وراك شغل ومتعطل..
اسد بتسرع وينظر لحور ثم قال : انا مش همشي انتي هتيجي معايا..
ماجده : هو انت يا بني عندك مكان تقعد فيه
اسد : اه شقتي…
حور بغضب : نعم عاوزني اجي معاك شقتك…
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند حمزه كان ذاهب الي مشفي النمر الخاصه ذهب ليراي ماسه سأل الريسبش علي ماسه وقالوا له انها في مكتبها.. وصل الي مكتبها وفتح الباب ورأها كانت واقفه علي كرسي وبتحاول تأخذ زي ملف من استاند وكانت هتقع.. حمزه بسرعه البرق توجه لها بخوف وحملها بين يديه… ماسه كانت غمضت عيونها بخوف ثم فتحت ونظرت الي حمزه… وسرح حمزه في عيونها الجميله الرماديه التي ورثها من ابيه جاسر… خجلت ماسه بشده..
ماسه بخجل : نزلني لو سمحت
حمزه نزلها ووقف بغرور ووضع يده في جيبه
ماسه بتوتر : شكرا
حمزه : عربيتك وصلت مش كدا..
ماسه : اه بتسأل ليه… اصلا انت ايه اللي جابك هنا..
حمزه : جاي اكشف مش انتي بردو دكتوره وله انا غلطان..
ماسه : لا دكتوره بس مش باين انك فيك حاجه يعني..
حمزه : انا اللي حاسس وله انتي..
ماسه بجديه : اتفضل اقول حاسس بي اي..
حمزه قرب منها وكان هو يقرب وهي بتبعد..
ماسه بتوتر : انت بتقرب كدا ليه..
ماسه بارتباك وهي ترجع للخلف وقعت علي الكرسي وحمزه قرب منها وقرب الكرسي…
حمزه بغضب : ماسه جاسر الحديدي… الي جاي كله دمار عليكي انتي وابوكي… هدمرك هخلي حياتك جحيم وهخلي ابوكي يتحسر عليكي هموته بالبطئ زي ما أمي ماتت….
“ماسه كانت واقفه وبتشاور بيدها امام وجهه حمزه الذي كان شارد..
ماسه : انت روحت فين… قولي حاسس بي اي
حمزه فاق من شروده وقال : اكشفي وشوفي انتي… نتي متأكده انك دكتوره شكلك مش محصله ممرضه..
ماسه بغيظ : بص انا مش طايقك من ساعت الحادثه بلاش تستفزني لان انا بحاول اكون لطيفه معاك… اخلص انا ورايا شغل ومش فاضيه للعب العيال ده..
حمزه قرب بغضب وامسك ذراعها بقوه
وقال : لما تتكلمي مع حمزه القيصري توطي صوتك.. وثانيا بلاش اوريكي لعب العيال علي اصول انتي مش قدي..
ماسه بمهاره فكت ذراعه وبعدت عنه..
قالت : انت ازاي تمسك دراعي كدا انت اللي مش قدي في بلاش تقف قصادي انت متعرفش انا بكون مين وبنت مين..
حمزه ضغط علي يده بقوه وغل وجز علي اسنانه..
حمزه قال : لا عارف كويس بتكوني مين وبنت مين..
قال جملته وذهب كان ملامحه تغيرت عيونه تحولت من بني لي احمر وعروقه كانت بارزه…
عند ماسه كانت تذهب ايابا وذاهبا..
ماسه : هو يعرفني منين ؟ انا مفتكرش ان قولت حته اسمي لي.. اووووف بجد هتجنن هو عرفني منين.. انا هقوم اروح… بلا قرف عكر مزاجي…
ثم خرجت من الغرفه وتوجهت الي خارج المشفي وتوجهت الي السياره..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
“نذهب الي الاوتيل فاخم ونذهب الي سويت الخاص لي جواد القاسمي لقبه اللورد الكل يترعب منه يرعب الكبير قبل الصغير والرجال قبل النساء بيكون زير نساء معتقد ان جميع النساء للمتعه فقط .. كان نائم علي بطنه وعاري الصدر وشعر بانزعاج كان الباب بيخبط فتح عينه بانزعاج وكان مصدع من كثرة الكحول الذي شربه من ليله الامس قام ونظر بجواره وجد فتاه نائمه قام ببرود واتجه الي باب الغرفه وفتح وكان مازال عاري الصدر وعضلات بطنه بارزه…
اللورد ببرود… خير
خليل بخوف….. صباح الخير يا باشا… ااااه رفاعي باشا تحت قدام الاوتيل في سيارته عاوز حضرتك ضروري
اللورد لم يرد عليه وقفل الباب في وجهه ودخل و مسك ازازه الكحول وضع في كاس وشرب وشعل سيجار ويضعها داخل فمه ونفث دخان في الهواء ثم مسك كاس وتوجه الي السرير لينظر للفتاه وفجاءه صب كاس الذي فيه الكحول علي وجهها
الفتاه فتحت عيونها بخوف وقامت بفزع…
اللورد بنظرات مرعبه : هو انا مش قولت ليكي ان قبل مافتح عيني تكوني مش موجوده في المكان
الفتاه برعب : اااانااا والله راحت عليا نومه ااااانا
اللورد بغضب : غوري من وشي وعندك الفلوس هناك هدخل اخد شاور و اخرج ملمحش وشك في حتة… سامعه!!!!
قال هذا الكلام ودخل الحمام ليأخذ شاور والفتاه اخذت المال وذهبت بخوف شديد بلعت ريقها انها نجت من عديم الرحمه….
وبعد ساعه كان اللورد نزل و خرج من الاوتيل وتوجه الي احد السيارات التي كانت موجوده خلف بعض و ركب
اللورد نظر الي ذالك الرجل التي كان ينتظره وقال ببرود… خير يا عمي العزيز
رفاعي الزاهد…. رجل غامض يكون عم اللورد يحبه كثيرا لانه ينفذ كل شئ له وهو اللي كبره وهو الذي داخله مجال المافيا….
رفاعي قال : الملك عاوزك في عمليه قتل….
اللورد نظر له بغموض ورفع حاجبه : نعم
رفاعي : بس يا اللورد انت الوحيد اللي هتقدر تنفذ العمليه دي مسك ملف كان بجانبه ووجهه اللورد…
اللورد اخذه وفتحه لاقه صوره فتاه جميله جدا
رفاعي قال : عشق جاسر الحديدي انا والملك عاوزينك تجيب لينا خبرها انهارده قبل بكره….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشق اولاد النمر)
