رواية عشق الليث وغرام الفهد الفصل التاسع عشر 19 بقلم إسراء زغلول

رواية عشق الليث وغرام الفهد الجزء التاسع عشر

رواية عشق الليث وغرام الفهد البارت التاسع عشر

رواية عشق الليث وغرام الفهد الحلقة التاسعة عشر

وقفنا المره اللى فاتت ان حازم اقولهم ان المخدرات داخله مصر باسم فهد الدمنهورى
ليث اول لما سمع كده انصدم وبقى مش عارف يرد يقول اى وبيفكر وفى دماغه الف سوال وسوال ومش مصدق اللى سمعه هو عارف فهد كويس ومستحيل يعمل كده بس لما افتكر تصرفات فهد فى الفتره الاخيره طيب ازى يشتغل في المخدرات ازى ويدمر عقول الشاب بس اكيد فى حاجة غلط
فاق ليث من تفكيره على صوت اللواء عصام
اللواء عصام… اهدي يا ليث احنا مش متأكدين من الكلام ده احتمال يكونوا بيهدده بحاجه
عشق… اكيد الكلام ده غلط فهد عمره ما يعمل كده
حازم…. ليث احنا عارفين ان فى حاجة غلط فى الموضوع يمكن زى ما قال سياده اللواء عصام ان يمكن بيهدده بحاجه وبعدين دى اول شحنه تتدخل باسمه
ليث… اكيد فى حاجة غلط فى الموضوع انا واثق ان فهد عمره ما يعمل كده ولا حتى شكيت مجرد شك أن عمل كدة انا اللى هاسلموا بيدي
اللواء عصام…. وانا متأكد من كده يا ليث من غير ما تقول انت بتحقق العدله حتى لو كنت على رقبتك
ليث…. انا بقول كده علشان واثق ان مفيش حد من ولاد احمد الدمنهورى يعملوا كده واثق فى تربية ابويا
بعد الكلام ده ليث مقدرش يعقد فى المكتب اكثر من كده استأذن وخارج وعشق وحازم خرجوا وراه
ليث دخل المكتب هو متعصب جدا وبيفكر طب ازى فهد يعمل كده لا مستحيل انا واثق فى اكيد هو تحت التهديد طيب ليه ما جاش اللي
عشق دخلت هى وحازم
وبدأت تهدي فى ليث
عشق… اهدى يا حبيبي احنا كلنا متأكدين انا فى حاجة غلط فى الموضوع
حازم…. لازم تهدي يا ليث وتفكر مئه مره قبل ما تعمل اى حاجه
ليث بصوت عالي…. هو الكل بيقولى اهدى هو انا مجنون ولا اى
عشق…. مش قصدنا يا ليث
عشق بصت لحازم هو فهم انه عاوزه يخرج شويه علشان هى تعرف تهدي ليث هو خرج على طول علشان عارف ان عشق هى اللى بتقدر تسيطر على غضبه
عشق قربت من ليث ومسكت ايده وقعدوا على الكنبه بتاعت المكتب
عشق…. ليث
ليث… نعم
عشق… بصلي وانا بكلمك يا ليث
ليث. مش راضي يبص فى عنيها علشان عارف انها هتحس بيه.. ليه يا عشق
عشق…. بصلى يا حبيبي
ليث بص لعشق فهمت نظره الحيره والخوف اللى جوه
عشق… يا حبيبي كلنا عارفين ان فهد مستحيل يعمل كده بلاش نظره الحيره اللى فى عنيك دى روح واسأله
ليث… خايف يا عشق لكلامهم يطلع صح ساعتها مش عرف اعمل اى على رغم انى واثق فى بس برده خايف
عشق.. يبقى تروح وعرف هو فى اى بظبط
ليث…. عشق انا محتاج حضنك اوى
عشق قربت منه اوى وخدته فى حضنها هو ضمها جامد اوى
ليث… برتاح فى حضنك اوى يا عشق
عشق…. مش يمكن علشان روحك خلاص بقيت جوه روحي علشان كده بتلاقي نفسك جوه حضنى
ليث… انا بعشق يا عشقي
عشق باسته من خده… وانا بعشقك يا ليثى وحط فى دماغك انى جانبك مهما حصل
###############################
اما عند فهد خرج راح الشركه وكان هيموت من الغيره وكل لما يفتكر غرام هى بتضحك وبتهز مع ابوه وعمر بيركبوا ميت عفريت وصل الشركه هو متعصب والكل الموظفين بيحاولوا مش يكلمه والكل خايف من منظره على رغم انه وسيم اوى وكل الموظفين بتحبه لكن هما عارفين لما بيكون متعصب مفيش حد بيتكلم معه
فهد قبل ما يدخل المكتب وقف
قال لسكرتيره…. اول ما غرام توصل خليها تجى وتجيب ورق المناقصة الجديده فاهمة
سكرتيرة بخوف منه… حاضر يا فندم
اما فهد دخل وفضل رايح جاي فى المكتب ويكلم نفسه
فهد…. ماشى يا غرام الكلب وحيات امى لوريكى يعنى لبسه ضيق وكمان بتضحكي وتهزرى انا هطلع عينك بس لما تجى
################################
اما عمر وغرام وصلوا الشركه.. غرام خايفه من فهد لانه بصلها اوى هو خارج من القصر
عمر… مالك يا بنتى من ساعته لما ركبنا العربية وانتى خايفه ومتوتره هو فى اى
غرام…. مفيش يا عمر
عمر… بت هو انا مش عارفك يا عنى فى اى بقول
غرام…. مفيش يا عمر دى هرمونات الحمل مش أكثير انا طلعه مكتبى سلام
غرام مشيت بسرعه من قدامه علشان مش يسالها على حاجة تانى
عمر…. يا بنت المجنونه سلام وبعد كده طلع على مكتبه
غرام طلعت المكتب وكنت متوتره وخايفة من رد فعل فهد هى عارفة انه بيغير بس مش اوى كده دخلت مكتبها وهى سرحانه مش حسيت بأمير اللى بيكلمه من اول لما دخلت
أمير…. غرام غرام انتى يا بنتى.
غرام فاق على صوته…. بتقول حاجة يا امير
أمير…. بقولك صباح الخير
غرام…. صباح النور
أمير لاحظ انها سرحانه اوى…. غرام مالك انتى تعبانه ولا حاجة
غرام….. لا مفيش حاجة انا بس بفكر
أمير….. اه صحيح مستر فهد كان عايزك تاخذي شويه حسابات وتروحي تراجعهم انتى و هو
غرام… لا طبعاً روح انت والنبى يا امير
أمير… لا يا اختي انا مالى دى السكرتيرة بتاعه كانت بتكلمنى وهى مش قادره تمسك نفسها
غرام بتكلم نفسها بس بصوت عالى سمعه أمير …. يا عيني عليكى يا غرام كنت صغيره وطيبه وبنت ناس
أمير…. اه والله كنتى طيبة انى خايفه ليه كده يا بنتى على فكرة ده جوزك
غرام…. ماهو علشان جوزي هينفخني
أمير…. هو انتى عملتى اى
غرام…. عملت مصيبه
أمير. …. ربنا معاكي انا لو لقيت أتأخرتى اوى هطلب البوليس وامرى الله بقى
غرام…. انتى بتخوفنى أكثير منا خايفه
عمر… بصى هقولك على حاجه لو لقيته متعصب اوى اعملى……..
أمير قالها تعمل اى
أمير…. فاهمتني
غرام….. اه ربنا يستر
أمير بطريقه مضحكة….. إن شاء الله هتعدى خط بارليف وتنتصرى
غرام بضحك… اتريق اتريق يا أخويا على فكرة انا ممكن اخلي فهد يرفضك
أمير … ليه كده حرام عليكي انا لسه بجهز نفسي علشان ادخل دنيا
غرام…. انا بقى هخلي فهد يخرجك من الدنيا
أمير …. ربنا على الظالم و المفتري
غرام…. بتقول حاجة يا امير
أمير… بدعيلك ربنا يا نصرك
غرام…. ايوه كده
وبعد كده خرجت مبتسمة بسبب تصرفات أمير بتعترف لنفسها انه قدر يشيل شويه من الخوف والتوتر لي جوها رحت على مكتب فهد
السكرتير ديمه اول لما شافتها جريت عليها
ديمه…. اخيرا وصلتي مستر فهد مش طايق نفسه من ساعه لما جه الصبح
غرام…. ربنا يستر يا ديمه
ديمه…. طيب يلا ادخلي
غرام… هو انا ينفع اروح ولو سأل قوله ما جتش
كل ده وفهد قعد متابعه كل حاجة من الاب توب اللى متوصل بيه الكاميرات
ديمه… لا تروحي انت كده هتخلى يوم اسود علينا كلنا
غرام… لا انا هامشي
غرام لسه هتحرك من مكانها وتمشي لقيت باب المكتب اتفتح وخرج فهد
فهد خرج هو متعصب اوى
فهد بصوت عالي … ادخلى يا مدام غرام وانتى يا ديمه مش عايز اى أزعج ولا حتى تحولي لي تليفونات فاهمة
ديمه…. فاهمة يا مستر فهد
فهد…. يلا ادخلي قدامي
غرام… لا مش عايزة ادخل انا عايزة اروح
فهد بعصبيه…. غرام ادخلى
غرام بخوف…. حاضر حاضر
غرام دخلت وفهد دخل وراها وقفل الباب بالمفتاح
غرام سمعت الباب بيتفقل خافت أكثير
غرام بصوت واطي…. هو ناوي ا على ايه ربنا يسترها ماكنش يومك يا غرام
وبعد كده حاسه انه واقف وراها لفت بالراحه وبسط لقيت عينه حمراوي مليانه غضب هو بيبصلها اوى
غرام…. فهد انت بتبصلي كده ليه
فهد…. يعنى مش عارفة عملتى ايه
غرام…. انا انا هعمل اى يعني
فهد… والله انا بقى هفكرك عملتى اى
غرام…. فهد اهدي يا حبيبي
فهد هو بيقلع حزم البنطلون … اهدي ايه بس ده انا هطلع عينك وحياه امك لوريكى يا غرام على اللبس الضيق ده اولا ثانيا بتهزري مع ابويا قاعدتى جنب عمر وقعدت برده تهزري معه
غرام. رجعت شويه .. استني بس يا فهد قبل ما تعمل حاجه انا بهزر مع عمى عادي والله وبعدين عمر اخويا
فهد… لا يا روح امك مش اخوكى وبعد كده فضل يقرب منه لغايه لما بقى أقدامه
غرام خافت جدا لأنها عارفة ان فهد لما بتعصب مش بيشوف قدامه بدات تفكر في حاجه تلحق نفسها
غرام فكرت ا تمثل انها عينه عشان عارفه ان في حد بيحبها قوي
غرام عملت نفسها هيغمى عليه …. اه الحقنى يا فهد
فهد اول لما شافها كده قرب منها وقلق عليها جدا ونسى انه كان متعصب منها
فهد…. مالك يا حبيبتي
غرام… مش عارفة يا فهد مره واحده حسيت بدوخه ومش قادره اقف
فهد مسك ايده…. طيب تعالي يا قلبي اقعدى وانا هتصل على الدكتوره بسرعه
غرام… لا مش لازم اتعب ده عادي
فهد… لا لازم اتصل علشان اتطمن عليكي
غرام شدته هو قعد على حرف الكرسي
غرام… يا حبيبي انا كويسه وبعدين التعب دى عادي
فى اول الحمل
فهد…. متأكده يا غرام انك مش تعبانة
غرام… اه متأكده هى كنت دوخه بسيطه خلص بقيت كويسه الحمد لله
فهد… انتى بس قومى بسلامه وانا هاطلع لك عينه ابن الكلب ده علشان تعبك كده يا حبيبتي
غرام…. ربنا يخليك لي يا فهدى
فهد…. ويخليكى ليا يا غرامى وعشقي وحياتى كلها
وبعدين قرب منها وهى بصت فى عنيه هو عملها على مناخيرها بصباعه
فهد… بس بعد كده ما تبقيش تمثلي انك تعبانه علشان مكشوفه قوي يا حبيبتي
وبعد كده قام من على حرف الكرسي
غرام حاولت تستوعب الكلام….. ها انت عارفت ازى
فهد غمز ليها…. مش على فهد حبيبك تعمل الحركات دى علشان انا عرفك أكثير من نفسك
غرام قامت وقفت أقدامه
غرام…. انا اسفه يا فهد انى ضايقتك ولبست الهدوم انهاردة ضيقه شويه
فهد….دى ضيقه شويه
غرام… لا ضيقه اوى سورى متزعليش مني
فهد…. طيب والهزار مع ابويا وعمر
غرام… يا فهد ابوك بعتبره ابويا انا كمان هو اللى رباني انا وعشق بعد ابويا وامى الله يرحمهم يعنى لما بهزر معه كانى بهزر مع ابويا يعنى ماينفعش تغير منه وبعدين
ونزلت دمعه من عينه فهد حاس انها مشتاقه لابوها وامها قوي هو مكنش عارف ان كلامه يجرحه اوى
غرام…. واحشاني اوي يا فهد
فهد شدها لحضنه اوى
فهد… انا اللى اسف انى مكنتش واخد بالي انك ممكن تحسى بكده من كلامى انا اسف انا من غيرتى عليكي مش بعرف بقول اى خلاص بقى متزعليش علشان الود مش يطلع نكدي زى امه
غرام زنقته قوي….. طيب اوى كده بقى مش انا نكديه
فهد خد ورده من على المكتب وحاطه لغرام فى شعرها
وبعدين قرب منها
فهد… والله بهزر يا قلبي انتى نور عيني وحياتي كلها انى خليتى حياتى الوان زى لون الورده دى خليتها كلها سعاده وحب ان اسف يا غرام على كل حاجة حصلت منى قبل كده
وبعد كده قرب منه وبوسه على خدوها قريب من شفايفها وقالها بحبك
غرام بعد كده مش بقيت حاسه باى حاجة خلاص تايهه فى كلامه ومشاعره قلبها عارف انه بيقول الصدق علشان شايفه فى عينه
فهد….. طب يلا ارجعي شغلك قبل ما تهور وانا هموت واتهور كمان عايز اركز فى شغلى
غرام… حاضر هروح مكتبى
فهد…. استنى خدى جاكيت البدله البسيه فوق الهدوم علشان ما حدش يشوفك وانتى بالبس دى وياكى يا غرام تكلمي او تهزري مع احد المره دي بقى هنفخك بجد هتعملي تعبانه او بتموت مليش دعوه فاهمة
غرام… حاضر
غرام خدت الجاكيت بغيظ وقالت كلام مش مفهوم وبعد كده خرجت وهو بيضحك عليها وعلى برائتها وطفلتها وبعد كده رجع يكمل شغله
###############################
اما فى الاسفل
وصل ليث الشركه علشان يفهم اى الموضوع ويعرف الحقيقه من اخوه
ليث وقف أقدام الاسانسير الباب اتفتح ولقى عمر فى وشه
عمر اتفاجئ من وجود ليث فى الشركه لانه مش بيروح الشركه غير مرات قليله جدا وكانوا فهد وعمر بيتحيلو ليث انه يجي الشركه لكن هو كان بيرفض
عمر…. لا لا هو انا نايم ولا صاحي
ليث… لا يا روح امك صاحي
عمر…. انتى تعبان ولا فى مصيبه وعلشان كده انت هنا
ليث…. ليه ان شاء الله كنت قريب من هنا قولت اعدي اشوفكم وعاوز فهد في موضوع
عمر… إنا قولت كده بردو اكيد فى مصيبه
ليث…. طب يلا شوف انت رايح فين خليني اطلع اشوف فهد
عمر… لا طبعاً رجلي على رجلك لغايه ما هوصلك مكتب فيها عده خدمات يا معلم
ليث… مش عايز خدمات من وشك غور يا عمرو روح شوف هتعمل ايه
عمر…. والله ابدا هتطلع معك يا عنى هتطلع
ليث…. طيب يلا يا اعملي الاسود
عمر…. بذمتك يا شيخ فى عمل اسود وحلو زى كده
ليث بصحك… لا ما شفتش
ليث وعمر وصلوا الدور اللي في فهد
ليث…. يلا بقى مش عاوز اشوف وشك عشان عاوز فهد في موضوع مهم
عمر…. على فكرة انا هاقعد ومش هتكلم
ليث… لا وبعدين انا مش عايزك تعرف هنقول ايه
عمر بطريقه كوميديا.. ماشى كده ده تخدني لحمه وترميني عضم
ليث…. يلا يالا من هنا بدل ما نفخك
عمر هو بيرفع ايده….. حاضر حاضر انا فى مكتبى لو عايز حاجه
ليث… ماشى يلا غور بقى
ليث جاى يدخل المكتب لقي ديما السكرتيرة
ليث…. فهد جوه
ديمه… اه يا ليث باشا اتفضل
ليث…. انتى تعرفنى
ديمه… طبعا يا فندم شوفت حضرتك هنا قبل كده هنا
ليث.. ماشى يا
ديمه… اسمى ديمه يا فندم
ليث… ماشى يا ديمه ولو سمحتي مش عايز اى حد يزعجنا وياريت ما تحاوليش لفهد اى مكالمه لغايه ما اخرج
ديمه…. حاضر يا فندم
ليث خبط على. الباب وبعد كده دخل
فهد… ادخل
ليث دخل وقعد قدامه فهد مش واخد باله مين اللى دخل لانه كان مركز فى الورق اللى قدامه علشان كده فهد بيحبها ديمه
فهد…. ديمه قالى عايزة اى بسرعه علشان مش فاضي
ليث…. طيب مش فاضي تعقد معايا انا كمان
فهد رفع راسه من الورق شاف ليث قدامه
فهد…. ليث اى المفاجأة الحلو دى
وقام من على الكوسى وحض ليث بس ليث مش اعمل اى رد فعل ولا حتى حضنه
فهد حاسه بعيد عنه
فهد.. ليث هو فى حاجة
ليث… اه قعد كده عايز احكيلك على موقف حصل معايا
فهد…. حاضر.
ليث… تعرف انهاردة كان عندي اجتماع كنا بتناقش فى قضيه كده فى وسط الكلام عرفنا ان فى شحنت مخدرات داخل البلد تعرف اسم صاحب الشاحنه دي
فهد …. اكيد معرفش
ليث…. لا اكيد تعرفه اسمه فهد أحمد الدمنهورى
فهد سكت مش اتكلم
ليث…. مش بقولك تعرفه
فهد….انت عايز ايه دلوقتي يا ليث
ليث…. عايزك تقولي الحقيقة وتفهمنى قولى انك مكنتش تعرف ان شحنه الادويه اللى جايه فيها مخدرات.. المخدرات اللى هتدخل البلد وضايع مستقبل الشباب مش بس كده لا دى هتهد بيوت اتكلم
فهد…. لا كنت عارف وكمان صفقه دى لازم تتم
ليث اتصدم من كلام فهد
###############################