رواية عشق اللؤلؤ الفصل الخامس 5 بقلم آلاء عوض
رواية عشق اللؤلؤ الجزء الخامس
رواية عشق اللؤلؤ البارت الخامس
رواية عشق اللؤلؤ الحلقة الخامسة
كريم بغضب / انا تكسفني كده جيت اضايقها ضايقتني هيه انا كريم الدمنهوري اللي رجاله بشنبات بتخاف مني وحته بنت زي دي تعمل فيا كده وديني ما هسكتلها وهي دخلت في حرب معايا من الوقتي
بعد حوالي ساعتين
الاء كل ما تخلص الشغل وتيجي تستريح شويه كريم يديها ورق تاني عشان تخلصه
لحد ما هد حيلها
كريم كان قاعد مع أسر ونده ل الاء
كريم / اتفضلي صنفي الأوراق دي وترجميها عشان الاجتماع اللي جاي
الاء بخنقه / بس ده وقت البريك يا فندم
كريم بتريقه / بريك اي يا انسه ده تاني يوم ليكي والمفروض تسبتي نفسك مش تدوري على البريك
الاء / تمام يا فندم خلال ساعه هيكون الورق جاهز
كريم / خلال نص ساعه بس نص ساعه والاقي الورق قدامي
الاء بصت للورق الكتير
الاء / بس دول مش هيخلصو في نص ساعه
كريم ببرود / اتصرفي
الاء بضيق / حاضر يا فندم
طلعت الاء والغضب باين عليها وكل ده وأسر قاعد
أسر بصدمه / انت بتعمل كده ليه واصلا الشغل ده يخص يارا مش الاء
كريم / وانا عايز الاء هي اللي تعمله
اسر /وعلفكره الورق ده احنا مش مستعجلين عليه وهو فعلا كتير على نص ساعه انت اي اللي في دماغك يا كريم
كريم بضيق / هو تحقيق ولا اي يا أسر يلا ننزل نتغدي قبل ما وقت البريك يخلص
أسر بضيق/ انزل انت انا مش هنزل
طلع أسر على مكتب الاء
أسر بابتسامه / اساعدك شويه عشان نلحق ننزل نتغدي
الاء بخنقه / شكرا يا استاذ أسر اتفضل اتغدي انت وانا هخلص شغلي
أسر / اولا مفيش شكرا ولا استاذ اسمي أسر وبس ثانيا تعالى انا هظبطلك الورق وهصنفهولك وانت ترجمي وكده هتخلص بسرعه ونلحق ننزل اي رايك
الاء بابتسامه / ماشي حلو اوي كده عشان اصلا انا هموت من الجوع
أسر بضحك / والله وانا يلا نبدأ شغل
اسر والاء فضلو يشتغلو لمده نص ساعه
الاء/ بسسس الحمد لله كده كله جاهز على الاجتماع علطول
أسر / علفكره انتي شاطره جدا
الاء / شكرا يا اسر
اسر / يلا بقا عشان عصافير بطني بتهوهو 😂😂
الاء بضحك/ هي مش كانت بتصوصو
أسر /نحن نختلف عن الآخرين
نزل أسر والاء على الكافيه الخاص بالشركه وكانو داخلين وهما بيضحكو
وكريم شافهم واتفاجئ جدا
كريم بغضب / بردو نفذت اللي في دماغها ومخلصتش الورق
أسر والاء قعدو واكلو ومازال بيضحكو وبيهزرو وكل ده وكريم مركز معاهم لحد ما زهق وطلع مكتبه
كريم لنفسه / طب ماهي بتعرف تضحك اهي امال مصدرالي الوش الخشب ليه..وبعدين ما تتحرق انا مالي ومالها
قعد على مكتبه ونده ليارا عن طريق الجرس
كريم / يا يارا لما أسر والاء يطلعو عليهم يدخلولي
يارا بجديه / حاضر يا فندم
بعد حوالي ربع ساعه الاء وأسر دخلو ل كريم
كريم بزعيق/ صوت ضحكوكو كان واصل لآخر الشركه احنا في شركه محترمه يا اساتذه
أسر / في أي يا كريم مالك
كريم وجهه كلامه ل الاء
كريم / يا ترا بقا يا انسه الورق اللي طلبته منك خلص ولا مكنتش فاضيه
الاء بنظره تحدي / الورق خلص يا فندم وده كان وقت البريك يعني حضرتك متقدرش تمنعني
سكت كريم ومعرفش يرد لان كلامها صح
كريم بهدوء / طيب اتفضلي على مكتبك الوقتي
الاء / تمام يا فندم
وهي طالعه غمزت ل أسر وأسر مقدرش يمسك نفسه وضحك
كريم بزعيق/ في أي يا أسر ما تتعدل
أسر باستغراب / انت اللي في أي يا كريم جاي عليها كده ليه دي لسه تاني يوم شغل
كريم بغضب / انت هتدافع عنها ولا اي
اسر / ولا هدافع ولا حاجه انا هروح اكمل شغلي
بعد حوالي ساعتين
كانت الاء قاعده مع يارا
الاء / يلا انا هروح عايزه حاجه
يارا / شكرا يا لوءا
الاء بتسرع/ هروح اشوف الطور اللي جوا عايز حاجه ولا لاء
يارا بصدمه/ الطور
الاء/ انا قولت الطور
يارا/ اه قولتي الطور
الاء/ أمته ده انا مش فاكره
يارا بضحك/ انا شكلي من كتر الشغل بقا بتهيقلي ولا اي
الاء بغمزه/ ولا ممكن أحمد اللي عامل فيكي كدهو
يارا بصدمه/ يخربيتك ده انتي لسه جايه امبارح لحقتي تعرفي
الاء بضحك/ انا محدش يتوقعني 😂
يارا / يلا روحي شوفي مستر كريم
الاء دخلت ل كريم وأذن لها بالمشي
وكل واحد روح على بيته
نصيحه..
الحب زي ما هو جميل وهيعيشك احلى ايام حياتك
الحب بردو ممكن يعيشك اسوء ايام حياتك
الحب زي ما هيخليك اسعد انسان في الدنيا وطاير من الفرحه
بردو ممكن يحسسك انك اسوء انسان في الدنيا
الحب غداااار ويا سوء حظه اللي الحب يغدر بيه ♥️
يتبع…
لقراءة الفصل التالي : اضغط هنا
الرواية كاملة اضغط على : (رواية عشق اللؤلؤ)
