رواية عشق الفهد الفصل السادس 6 بقلم مريم نصار
رواية عشق الفهد البارت السادس
رواية عشق الفهد الجزء السادس
رواية عشق الفهد الحلقة السادسة
بسم الله نبدأ
فهد . وصل تحت العماره . ونزل وقلبه بيدق بسعاده . وفتح باب العربيه . وابتسم بحب ومد ايده ل رينو . ورينو حطت كف أيدها بتوتر ف. ايد فهد ونزلت وقفل الباب .
رينو : مغمضه عينيها بتوتر . وحطت أيدها على قلبها . لكن شهقت بصوت رقيق . لان فهد شالها من غير مقدمات . وداخل بيها العماره .
رينو : بتوتر . لو . لو سمحت نزلنى يافهد .
فهد : عنيكى حلوه اوي يارينو .
رينو : اتوترت اكتر . فهد ارجوك نزلنى .
فهد : طالع بيها . تعرفى أن صوتك وحشنى اوى .
رينو : فهمت . انها مهما تتكلم فهد مش هينزلها .
فهد : وصل الشقه .ونزلها قدام منه ومحاوطها من وسطها وقرب منها اوى وانفاسهم اختطلت ببعض وبيفتح الباب . وقلبه وقلبها فى تحدي كبير بدقات مين اكتر .والفهد يكسب . فتح الباب . وشالها . وحس أن رينو ارتجفت . ونزلها فى اوضة النوم .
رينو : واقفه فى وسط الاوضه وبتفرك في ايديها متوتره .
فهد : واقف قدامها وساكت ومبتسم . وبيحاول يستوعب أن حب الطفوله قدامه .
– ايوه يافهد رينو قدامك معشوقتك الصغيره اهي يافهد .
-انت وهي لوحدكو . وحلالك يافهد . لارين آدم خالد العدوي . بقت مرات فهد طارق عبد الرحمن السيوفى . معقول.؟. يعنى تعب السنين وبعد الصبر جبر اخيرا يافهد .
رينو : واقفه وبصه في الارض ولمحت رجل فهد اتحركت خطوه تجاها . وبلعت ريقها بتوتر .
فهد : قرب منها خطوه . ورفع دقنها بايده وهمس بعشق . مبروك يا رينو .
رينو : رفعت وشها وبصت فى عينيه . وصوتها راح .
فهد : اتنهد بحب . وقرب اكتر ومسك وشها بايديه وهي لابسه النقاب وباس جبينها برقه وقلبه بيدق . وفك النقاب . وشاله وحطه على السرير وبيلف تنح من جمالها وانها عامله ميكب كامل تحت النقاب . وقلبه دق اول ماشاف شفايفها بلون مميز . وحس بمشاعر عشق وأنه خلاص هيقرب منها . لكن شاف أن رينو مش جاهزه حاليا للخطوه دى . واتكلم بهيام . رينو حبيبتى انتى اجمل من اى جميله انتى ملاك يارينو . انتى نجمتى.
رينو : ….. ومبتردش
فهد : مسك ايدها وباسها حبيبتى . احنا اتفقنا انا وانتى انك متخافيش وتعيشى يومك بكل سعاده .
– رينو انا بحبك واستحاله اأذيكى . وحب يفك توترها . ولفها للمرايا . بصى كدا هتلاقى . قطعه نادرة الوجود .كنتى عايزانى مداريش الجمال ده . بصي ورفع وشها للمرايا .
رينو: رفعت وشها لكن شافت فهد وبس مركزتش على نفسها . شافت قد ايه فهد جميل ووسيم . وسيماته كلها رجوله واتنهدت بحب . وهي من جواها مشتاقه لفهد لكن هي متعرفش هي متوتره كدا ليه.؟
– فهد بيتكلم وهي سرحانه فى حركات شفايفه وتاهت فى لون عينيه وكمان واقف وراها بالبدله . وفاقت على صوت فهد وهو. بيقولها اضحكى .
فهد : حب يفك توترها اكتر . وماسك فونه . وقالها تعالى نتصور انا وانتى من غير النقاب وانتى بالتاج والطرحه . وهحتفظ بالصور دى على اللاب خاصتى .
رينو : ابتسمت واتصورت مع فهد اكتر من صوره . وتوترها قل. وخلصو .
فهد : شايف انها لسه متوتره . حبيتى تعالى افكلك الطرحه . وهسيبك تغيرى برحتك . وقعدها على كرسي التسريحه . وقالعها التاج والطرحه . وبيشيل الدبابيس من الحجاب ومتلخبط. وريأكشناته كفيله انها تضحك رينو . وابتسمت وكانت الغمازين الل سحرو قلب الفهد . وبيحارب جواه علشان عايزها بحب مش إجبار أو واجب . وخلص وشال الحجاب .
-رينو قامت ولفت لفهد وشعرها انسدل كله على ضهرها كاملا . وأثر قلب الفهد . وشافه فى المرايا . وبلع ريقه. وحاول على قد ما يقدر . رينو ادخلى غيرى واتوضى . وهنصلى ونقعد مع بعض شويه وبعدها تنامى اوكي .
رينو : توترها راح لما فهد قالها كدا . وهزت راسها حاضر.
فهد : ابتسم . وقرب منها وباسها من جبيبنها تانى وعيونه على شعرها . وخرج . وحط ايدو على قلبه الل بيدق بسرعه. وغمض عينيه وشاف شعرها وهو بينزل على ضهرها وغمازتها . وشفايفها . واتنهد . وراح يغير هدومه ويتوضى .
رينو : دخلت الحمام . تغير . وشهقت بصدمه . لما شافت الطقم . ينهارى عليكى يارينو . ومسكت القميص اييييه دااا . اييييه دااا . انا . انا ها..هلبس ده . هو فيه ايه اصلا يتلبس . يلهوى طيب وبعدين . انا لوخرجت كدا .وفتحت عينيها على الاخر . ينهار اسود فهد بره . ويمكن دخل الاوضه. وبلعت ريقها . طا..طيب اعمل ايه . ا.اانا هتوضي . وألبسه والبس الاسدال ده . ايوه . ولما يروح ينام البس بيجامه اهي اهون من الطقم . وبصت على الطقم تانى . ومش مصدقه انها هتلبسه . واتوضت ولبسته . وكان لونه احمر . وشهقت وافتكرت فهد لما قالها الاحمر يجنن عليكى . ومبتلبيسهوش وانتى خارجه تانى . وضغطت على شفايفها بحرج . واتوترت . ولبست الاسدال ولفت الطرحه وخرجت .
فهد : خبط عليها . وفتح ودخل . واستغرب رينو . وشها كان كتلة طمام وقلق عليها قرب منها . حبيبتي مالك وشك احمر اوى ليه كدا .
رينو : بتوتر . ها . لا لا خالص ولا احمر ولا حاجه . مفيش حاجه خالص انا كويسه .
فهد : هز راسه لانه شاف انها مكسوفه . طيب تعالى نصلى . وصلى بيها . وحط ايدو على راسها وقال الدعاء . وقام . وساعدها تقوم . وقالها تعالى . وقعدها على طرف السرير وهي لابسه الاسدال . وفهد نزل قدامها على ركبه . ومسك ايديها الاتنين وبيدلك فيهم . ايه يارينو كل التوتر ده . انا لو غريب عنك مكنتيش هتتوترى كدا . حبيبتي اهدى والله انا عمرى ما هفكر أنى أأذيكى انا فهد يارينو . فهد حبيبك . الل بيخاف عليكى من الهوا .
رينو : هديت تماما واطمنت . واتنفست بأريحيه . اسفه يافهد . انا بجد اسفه بس احساس غصب عني .
فهد : باس على ايديها حبيبتى ولا يهمك ياقلبى . المهم انا جعان . انتى مش جعانه .
رينو : هزت راسها بلاء مش جعانه .
فهد : قام . وشالها يبقى جعانه وجدا كمان . وابتسم لان رينو معترضتش وهو شايلها . واخدها وقعدها على تربيزة المطبخ . ثوانى ياحبيبتى . وراح جهز الاكل فى طبقين وصنيه وراح وقف قدامها . وبدء يا أكلها بايدو . وهي اتوترت فى الاول لكن هي كانت جعانه فعلا ونسيت التوتر . وبعدها اكلت فهد . وفهد بياأكلها كان فى اكل جمب شفايف رينو وده جنن الفهد . وهمس. رينو فى اكل جمب بوقك.
رينو : رفعت أيدها ومسحت . لكن لسه موجود .
فهد : رفع ايدو . ومسح بايدو الل لمست شفايف رينو الل جسمها اتشد . وقلبها دق . مع قلب الفهد .
فهد : انهار من معشوقته . وجاب منديل ومسح بوقها . وشالها وراح بيها على الاوضه . تحبى بقى نقعد فى البلكون . ولا الليفنج .
رينو : بتوتر . وافتكرت القميص الل هي لابساه . احم . اى مكان تحبه . بس ممكن ادخل الحمام الاول وهحصلك .
فهد : ممكن طبعا أنا هستناكي بره . وخرج غصب عنه . ومنهار ومش قادر ينسي شفايفها وهي بتاكل . واتنهد . وراح عند الليفنج . يدور على الفون هو كان معايا بس انا حطيته فين!؟.
رينو : بعد مافهد خرج . جريت على الحمام وقلعت الاسدال . وبعدها . بفخت . أووووف نسيت اطلع بيجامه من الدولاب قبل ما أدخل . وافتكرت ان . فهد بره الاوضه . وفتحت باب الحمام بشويش وبصت فى الاوضه . ومكنش موجود اتنفست بهدوء . وخرجت بالقميص وشعرها كله مفرود على ضهرها وخصله على خدها . ورايحه على الدولاب . فى نفس الوقت فهد فتح الباب ودخل يشوف الفون . رينو لفت . وفهد شافها وتنح . وكل واحد وقف مكانه .
فهد : مش مصدق انه رينو كدا .. وكمان لابسه طقم ولا فى الخيال .وفي قمة جمالها وأنوثتها . وانهار كليا . وقرب منها وهو مستسلم تماما .
رينو : واقفه مصدومه . واتوترت وبتشد فى القميص بتحاول تدارى اى حاجه . وشافت فهد جاى عليها وغمضت عينيها .
فهد : قربها منه وقلبه بيدق بانهيار. وحاوطها من وسطها . وبصوت مبحوح رينو .
رينو : بتنهج من التوتر . ومغمضه عينيها .
فهد : رفع ايدو وسرحان فى جمالها . ورجع خصله شارده ورا ودنها . وساب كف ايدو على خدها . رينو فتحي عينيكى انا فهد حبيبك .
رينو : قلبها بيدق . وفتحت عينيها . ورفعت عينيها فى عيون الفهد . وعيونهم اتعلقت ببعض . ونسيو كل العالم . كل واحد سرحان فى جمال عيون حبيبه .
رينو : لا إراديا . رفعت أيديها على صدر فهد .
وفهد : مغيب تماما وقرب منها وباس عيونها برقه وعشق وهمس وهو بيبوسها بحبك . ورينو مغمضه عينيها وبتتنفس بصوت مسموع . وفهد خلاص مبقاش قادر يبعد عن معشوقته اكتر من كده . وباس جبينها برعشه شفايف . ونزل على خدها . ورينو مغمضه وبتتخدر كليا . فهد . حاطط كف ايده على خدها وعيونه نزلت على شفايفها . ولاول مره هينزل على شفايف معشوقته وبارادة منها . وباسها .
رينو : جسمها اتشد وقلبها بيدق بسرعه كبيره . واختلطت انفاسهم مع بعض . وكل واحد دخل فى عالم عشقه . وفهد كان بيبوسها بكل عشق السنين الل فاتت ورينو تجاوبت معاه بنفس درجة العشق . وبعد فتره فهد حط راسه على جبينها . بحبك يارينو . بحبك اوى .
رينو : سانده على جبهته . وبتتفس بسرعه . لكن قلبها اشتاق للفهد ومش عايزاه يبعد عنها . انا بعشقك . بعشقك يافهد .
فهد : سمع اعترافها الصريح . وسمع فى نبرة صوتها انها مشتقاله . وقرب منها وباسها تانى بشوق اكبر من الاول . ورينو بادلته نفس الاشتياق والعشق .
فهد : شالها وراح بيها على عشهم الجديد لإثبات ملكيته . ملكيت عشق السنين . وعاملها بكل رقه وعشق . وخصوصا لما شاف اسم عشق الفهد مكتوب على كتفها . اتجنن من معشوقته الصغيره .
بعد فتره كبيره .
. (الحمدلله تمت نقل ملكية لارين العدوي ل لارين السيوفي)
فهد مرجع ضهره لورا . وواخد رينو كلها في حضنه . ومكلبش فيها . وهيتجنن من جمالها ورقتها . وشعرها الل على كتفه . واسمه المكتوب بطريقة جننته . وكل دقيقه يبوسها من خدها . وايدها وشعرها . لدرجة أن رينو ابتسمت من عشق الفهد ليها .
رينو : مخبيه وشها فى حضن فهد الل مكلبش فيها . واتنهدت بسعاده . واستغبت نفسها لان توترها كان على مفيش . لان فهد كان فهد العاشق . ودوبها معاه بحنيته وعشقه ليها. وكانت مبسوطه جدااا . وفاقت على صوت فهد .
فهد : بسعاده كبيره . الف الف الف مبروووك ياقلب فهد .
رينو : زادت من حضنه . الله يبارك فيك ياحبيبى.
فهد : قلبه دق لما قالت كدا . وابتسم وقال . لارين فهد السيووفى . وحضنها جامد . واتعدل بيها . وباسها من شفايفها بشغف . وبعد عنها . انا اسعد واحد فى الدنيا كلها . ومسك وشها بايديه . رينو انا مش مصدق . انتى خلاص يارينو ملك لفهد السيوفي قولا وفعلا .رينو انا مش بحلم صح .؟
رينو : خبت وشها فى حضنه . واتكلمت بسعاده ورقه . لا يافهد انت مش بتحلم . رينو معاك . وملكك . رينو العدوي . ملك فهد السيوفي وبس .
فهد : بيتأمل جمال شعرها وجابه كله على جمب وصوابعه بين خصلات شعرها . انتى جميله اوى يارينو جميله بكل تفاصيلك . انتى كنتى حلم بعيد اوى . انا برجع بتفكيرى ولحد دلوقتي مش مصدق . رينو انا بحبك اوى .
رينو : عينيها دمعت من عشق الفهد ليها . ورفعت وشها ليه . انا الل مش مصدقه يافهد . انا حاسه اني بحلم . فهد ارجوك اوعدنى اننا نعيش على طول مع بعض فى سعاده وحب . انا عايزاك مبسوط على طول . انا بحبك اوى يافه…… ومكملتش لان فهد قطع كلامها وباسها . وقرب منها تانى وشاف اسمه الل على كتفها وانهار. وقرب باشتياق اكبر . ورينو تاهت بين ايديه وزاد عشقها للفهد .
( ونقوووول الف مليون مبروك للفهد والجميله رينو )
وبعد فتره . رينو مش عايزه تخرج من حضن فهد لانها محرجه . وفهد حس بيها .
فهد : حبيبتي . تعبانه !؟
رينو : بصوت مهموس . عايزه انام يافهد .
فهد : معشوقتى ونجمتى . تأمر والفهد ينفذ . وقربها اكتر لحضنه . ورجع شعرها على المخده وابتسم من جماله . وحط راسها على صدره . نامى ياقلب فهد.
رينو : بصوت نعسان . وانت مش هتنام يافهد .
فهد : تؤ . انا هفضل اتأملك كدا لحد الصبح . نامى انتى . وبدء بمسد على شعرها الل بيعشقه . ورينو ابتسمت ونامت على طول فى حضن الفهد لاول مره .
فهد : عيونه عليها . وبيتأمل فيها وهي نايمه . وبياخد اسكرين لكل حركه ليها وهي فى حضنه ومن فرحته مش عارف ينام . ولا عايز يقوم من جمب حلمه . وفضل يتأمل ساعه . ورا الساعه . لحد ما النوم غلبه . ونام وهو فى قمة سعادتة . وانه انهردا فهد اتولد من جديد .
تاني يوم الصبح .
آدم : قاعد مع العيله كلها على الفطار . لكن عدم وجود رينو عامل فرق كبير . واتنهد بزعل لكن مش عايز يتكلم علشان مريم باين عليها انها زعلانه جدا .
. واتفقو انهم مش هيروحو عند فهد لانه شغله مالوش مواعيد وفهد هيطلع شهر عسل بعد اسبوع . وده كله متوقف على مدير الجهاز . لو عدى الاسبوع من غير مهمات يبقى فهد هيسافر شهر عسل .
. وآدم هيسافر انهردا بليل مع مريم اسكندريه يغيرو جو لمدة أسبوع كامل .
مراد . نزل صباح الخير للكل . صباح الخير ياحج . صباح الفل يامريوم .
كلهم صباح الخير .
وقعد . وشاف مريم مدايقه وفهم . مالك يامريوم مدايقه من ايه . اوعي يكون الحج مزعل اميرته ولا حاجه .
آدم : انا .. وانا اقدر ازعل الماستى .
مراد : اله . ايه ياحج انت حيرتنا معاك . اميرتك . ولا ملهمتك . ولا الماستك . وبص ل مريم انتى محيره الراجل معاكي ليه ها!؟.
مريم : ابتسمت . انا محيراه . ابدا محصلش ..
آدم : وانت مالك انت . اقولها اميرتى الماستى يخصك في ايه . ومتغاظ ليه . الل غيران مننا يعمل زينا ياروح امك . وبص ل مريم وابتسم سورى ياروحي . أصله جبله ..
مراد : الله يسامحك ياحج . طول عمرك فاهمنى غلط .
آدم : بغمزه . ياراجل عيب عليك مبروم على مبروم ياميمو . ولا ايه !؟
مراد : كشر عينيه . وبص ل مريم عجبك كدا . حد قالك تعرفيه انى بدايق من اسم ميمو ده اهو من ساعتها مفيش غير ميمو . وهمس في ودنها .. مش انا مرادك حبيبك!؟ . اعملى فيا جميل وعرفينى بتدلعيه تقوليله ايه . وساعتها هخلص الجديد والقديم .
مريم : ضحكت . بعينك . وبعدين مفيش دلع ولا حاجه . انت سمعتنى عمرى دلعته قدامكم .
مراد : لا حركه حلوه منك ياموزتى . الدلع فوق .ها !! فوووق . بس مسيرى اعرف . وهعرف
آدم : مش هنخلص من الهمس ولا ايه . افطرو بقى علشان الحق انزل على الشركه .
زين : بابا هاجي معاك انهردا !؟
آدم : لا يازين مفيش شغل كتير . زياد استلم الشحنه انهردا . والشغل هيبدء من بكره . وانت هتظبط كل حاجه انت وطارق وزياد بكره .. انا هاروح اراجع شويه ملفات مع طارق . وهرجع على طول . خليك انت وريتال مع مريم .
مريم : فهمت أن آدم مش عايزها تقعد لوحدها خصوصا فى غياب رينو . حبيبى لو في شغل متعطلوش علشانى . خد زين معاك لو في شغل .
آدم : ابتسم . انا اعطل الدنيا كلها علشانك ياقلب آدم لكن صدقينى مفيش شغل انهرد كتير . انا هخلص وارجع على طول ونجهز حاجتنا ونسافر .
مراد : غمز ل مريم ايوه بقى . هيعطل الدنيا علشانك ياقمر . وانا هاخد اجازه.
مريم : ضحكت.
آدم : بغيط . انا مشوفتش فى برودك يالا ..
مراد : ودي نعمه ياحج . دى نوادر لما بتحصل .
مريم : والله يامراد انت الل محلى البيت والدنيا كلها . وخصوصاً مناقرتك مع آدم بحبها اوى . ههههه.
آدم : عارفه انا كنت هزعقلك . بس لما شوفت ضحكتك يهون اى حاجه ياقلب آدم.
كلهم : هييييييح .
آدم : شوفتى هيموتو ويعملو زينا . مفكرين نفسهم في (جريمة عشق ) . انسي ياض انت وهو انا ومريم البدايه . مريم عشق ال آدم منك ليه فاهم .
مراد : ياما نفسي .. انت بتقول فيها . بس مبقدرش اقول كلمتين جد ورا بعض . ولو قولت اتحرق هههههههههههه.
زين : بصراحه يابابا . انا نفسي اكون نسخه مصغره من حضرتك انت ومريوم بجد بتمنى .
فريحه : بصراحه انا بقى نفسي مراد يعاملنى زي معاملت حضرتك كدا يابابا مع ماما مريم . لكن بردو عايزاه بخفة دمه وكل حاجه فيه ياااه يبقى مراد يجنن بجد
مراد : همس فى ودنها يابت . شكلك عايزه سكر تانى . وغمز نسيتى الرائد مراد يابت هههههههههههه.
فريحه : اتكسفت وافتكرت اسم مراد على كتفها والرسمه . وان مراد سهران معاها لحد الصبح . ووشها بقى احمر .
مراد : همس لا انا كدا اخدك ونطلع ونتأكد من الاسم بقى هههههههههههه .
فريحه : بحرج . بس بقى يامراد اله .
ريتال : بصراحه بقي . انا بحب . حب ماما مريم ل بابا آدم . حب عظيم . متفهمه لابعد الحدود . وعندها شدة اقناع ل بابا حتى وهو متعصب . انا نفسي ابقى زيك بجد ياماما .
مريم : حبيبتي . الحب والعشق درجات . وكمان ياريتال انتى بتحبى زين لابعد الحدود. ومعاملتك معاه واهتمامك بيه نابع من حب وقلب ريتال وبس .
وزين : بيحبك لدرجه لاتتخيليها . وبيعاملك انك بنته قبل مراته .
ومراد . كمان حبه عظيم جدا ل فريحه . مبيحبش يشوفها زعلانه . ديما بيحب يرسم الضحكه على وشها . انا من وجهة نظري أن حب مراد هو الحب الاعظم لفريحه . حبيبتي فريحه . حبى مراد زي ماهو . حبيه بعفويته وضحكته. وابتسمت ده كفايه الغمازه الل مجننه الكل دى.
فريحه : ابتسمت واتنهدت بحب. وهمست ل مراد . انا بحبك اكتر من اى حاجه يامراد . انت فى دمى يامرادى .
مراد : بغمزه . وانا بموت في امك يابنت المستخبى .
آدم : اتنهد بسعاده . واتمنى أن تدوم جمعة العيله الجميله دي ديما وتكون سعيده .. قام . وباس ايد مريم . حبيبتى انا هنزل على الشركه ومش هتأخر علشان السفر بليل . هتعوزى منى حاجه !؟
مريم : عايزاك انت. وعايزه سلامتك قبل كل حاجه ياحبيبى .
آدم : الله يسلمك ياروحي . واتحرك ومريم قامت توصله للباب واستودعته عند الله .
آدم : في العربيه . اتصل على محمد ورد . الو صباح الخير يا آدم ..
آدم : صباح الخير يا محمد . ايه صحيتك من النوم ..
محمد : لا ابدا . احنا صاحيين من بدرى وبنفطر كمان .
آدم : طيب تمام وتيمو عامل ايه دلوقتي .
محمد : الاستاذ تيمو معذبنا ومستنى مكالمة رينو .
آدم : هتكلمه انا متأكد . المهم يامحمد انا كنت عايزك تودي نور عند مريم انهردا لانها من امبارح مبطلتش تفكير فى رينو .
محمد : من غير متقول . والله لسه نور بتقولى عايزه اروح عند ماما علشان متحسش اننا بعدنا عنها مره واحده.
آدم : ربنا يكملها بعقلها . طيب تمام . هات اسلم عليها .
محمد : ثوانى . اهي معاك .
نور : بسعاده .صباح الخير يا بابى .
آدم : بحب . صباح الورد ياروح بابي . عامله ايه ياقلب ابوكي.
نور : انا الحمد لله تمام . حضرتك عامل ايه .؟
آدم : بحب أكبر . طول ما مدللة باباها بخير يبقى انا بخير .
نور : اتنهدت بحب . حبيبى يابابى ربنا يخليك لينا يارب . وميحرمناش منك ابدا . واتكلمو وقفلو . وآدم راح على الشركه .ودخل المكتب وكان لسه طارق وزياد موصلوش على الشركه .
وبعد فتره.
السكرتيره . دخلت عندو . وكانت محجبه ولبسها فضفاض . صباح الخير مستر آدم .
آدم : صباح الخير .
السكرتيره : مستر مالك الصاوي . وحرمه ساره الصاوي عايزين يقابلو حضرتك .
آدم : بعدم فهم . وهما محتاجين ياخدو إذن دخليهم فورا .
السكرتيره : تحت أمر حضرتك . وفتحت الباب
اتفضلو حضراتكم . مالك وساره دخلو .
مالك : صباح الخير يا خالو .
ساره : صباح الخير ياعمو .
آدم : صباح الخير . ايه يامالك انت من امتى بتستاذن علشان تدخل ل خالك . وكمان دى شركتك ولا ناسي .
مالك : ابدا والله يا خالو لكن ساره قالتلى لازم نستاذن الاول . انا جاي معاها ضيف مش اكتر هي جايالك مخصوص .
آدم : يسلام ساره تشرف فى اى وقت.
ساره : ربنا يخليك ياعمو . احم واتوترت.
آدم : تشربو ايه الاول .
ساره : لا ميرسي احنا هنمشي على طول . انا بس كنت عايزه استشير حضرتك فى حاجه كدا بخصوص المكافأه .
آدم : خير استشارة ايه . ويارب اقدر أفيدك .
ساره : إن شاء الله .هتفدنى . بص حضرتك مبدئياً كدا . زى ما حضرتك عارف . ان الحكم صدر على توفيق وشركاه بالاعدام واتنفذ . وكمان سوزى الله يسامحها بقى اتنفذ فيها حكم الاعدام ..
. وبعدها اتصلو عليا وقدمولى الشيك .. واحنا صرفنا شيك المكافأه من اسبوع . ودلوقتي انا محتاره ابدء ازاى . واعمل ايه انا مش عارفه .
آدم : بصي ياحبيبتي . مبدئيا كدا . اول حاجه هتعمليها ودي عن تجربه . ومريم الل شجعتنى عليها . تطلعى صدقه من الفلوس دي . وثواني صح افتكرت . وفتح فونه وبعت صوره ل ساره ومالك على الواتساب . انا بعتلكم صوره على الواتس. تبقو شوفوها .
مالك وساره فتحو وشافو صورة بطاقة . ساره مش فاهمه . وكمان مالك .
مالك : بعدم فهم . صورة بطاقة مين دي يخالو .
آدم : دي صورة بطاقة.الراجل الل ساعد ساره . ووقفلها فى الطريق المهجور . وربنا بعته ل ساره نجده ليها . وبسببه بعد ربنا . ساره موجوده معاك يامالك .
مالك : افتكر . ايوه. يخالو افتكرت بس حضرتك مصور بطاقته وبعتها انا مش فاهم حاجه .
آدم : هفهمك . دلوقتي يامالك الراجل ده ساعدك . وساعد مراتك ومن غير مصلحه عامه . ساعدها لان ضميره حي . ساعدها من باب الاخلاق والدين . ومن غير اى مقابل .
ودلوقتي مراتك رجعتلك . المفروض على الاقل تشكرو . تقدمله باب رزق مدام فى ايدك تعمل كدا . وكمان تحفيذ أن الل بيعمل خير هيلاقى ف المقابل ده خير. ساره قدمت الألماس واخدت مكافأة . طيب الراجل ده قدملك ساره . وشارولهم . مالك وساره . انا عايز منكو انكو تتعودو ديما انكو تساعدو على قد ما تقدرو . عايزكو تفكرو فى غيركو . تخيل لو كان الراجل ده وقف ل ساره والجارد لحقه . أقل حاجه والمتوقع انهم كانو هيقتلوه . الراجل ضحى بشغله لان كان ممكن ياخدو منه عربية الشغل . انت لازم تشكرو على الاقل .
مالك : بتأكيد . فعلا ياخالو . ازاى تاهت عن عقلى . اسف ياخالو الأحداث والظروف الل مرت تنسي الواحد اسمه انا اسف .
ساره : لا احنا لازم نروحلو بنفسنا يامالك ونشكرو ونقدملو اي حاجه هو يطلبها .
آدم : وهو عمرو ماهيطلب . النفس العفيفه مبطتلبش . انتى بس روحي وساعتها قلبك هيدلك تعملى ايه.
المهم بقى انتى عايزه استشارتى . وجاسر عمك وكمان حماكى ورجل اعمال قد الدنيا . انتى عايزاه يزعل منى !؟
ساره : ابدا والله مش قصدى . انا كنت حابه اشارك حضرتك فى اى مشروع .
آدم : كمان . لا لا انتى عايزه جاسر يقتلنى هههههه . بصي ياحبيبتي . انا ها قولك تعملى ايه بالظبط . ومدام عمك موجود هو اولا بالشراكه دى تمام .
ساره : الل تشوفه حضرتك صح انا ومالك هنعمله .
آدم : تمام . أسمعو بقى ——-
——————–بقلمى Mariem Nasar
الساعه ١٢ الضهر .
فهد نايم ورينو كلها في حضنه . وشعر رينو مغطى وش وصدر الفهد ووشها .
رينو : بدأت تفوق . وحركت راسها في حضنه حركه بسيطه جدا .
فهد : حس بيها لأن نومه خفيف جدا . وفتح عينيه . وابتسم لان شعر رينو على وشه .
رينو . فاقت وفكرت نفسها لسه فى فيلا العدوي . لكن شافت نفسها فى حضن الفهد . وابتسمت بحب . وشالت أيدها من على صدره ورفعت شعرها من على وشها .
فهد : غمض عينيه بسرعه . وعمل نفسه نايم حابب يشوف رينو هتصحيه ولا هتعمل ايه .
رينو : شالت شعرها . وشافت شعرها على وش فهد . ابتسمت . واتعدلت بشويش علشان ميصحاش . وقربت وشها قرب وش فهد ورفعت أيدها وشالت شعرها من على وش حبيبها . واتأملت جماله وهو نايم . واتنهدت بحب . وسرحت فى شكله وحطت ايدها على خدو . ودقنه . وقلبها بيدق . ومن عشقها ليه . قربت على شفايفه وباسته برقه علشان ميصحاش . بحبك اوى اوى يافهد . انا بعشقك . وسمعت دقات قلب الفهد بتزيد . وحطت راسها على قلبه . بحب قلبك اوى . بموت فيك يافهد .
فهد : اول مارينو لمست خدو كان عايز يفتح ويدخلها بين ضلوعه . ولما باسته وقالتله بحبك قلبه دق جامد . ونفسه تصحيه .
رينو : اتعدلت . علشان تقوم تاخد شاور . شهقت . فااهد.
فهد : شافها بتقوم شدها من ايدو ووقعت على فهد وابتسم . وشهقت .
فهد : صباح الإدمان .
رينو : مكسوفه . وجت تقوم لكن فهد مكلبش فيها بخبرة ضابط . ص.. صباح الخير .
فهد : وحشتينى اوى .
رينو : بتوتر احم . طا…طيب ممكن اقوم ونتكلم .
فهد : لأ . انتى هتفضلى كدا .
رينو : وشها جاب الوان .
فهد : بعشق خدودك الل عامله زى الفراوله دى . ورفع راسه وباسها من بقها . وحشتينى.
رينو : اتخدرت نسبيا . فا..ههد .
فهد : بحب . قلب الفهد يارينو .
رينو. ؛ بتفكر تقوم ازاى .. ل ..لو سمحت عايزه اقوم علشان اخد شاور واصلى .
فهد : حاضر يقلب فهد . وفهد قام وشالها وهي فى حضنه . ورايح بيها على الحمام .
رينو : مستخبيه فى حضنه ومكسوفه . ولما شافته داخل بيها الحمام . فتحت عينيها على الاخر . ونزلها فى الحمام . احم ميرسي يا فهد . اتفضل انت وانا هاخد شاور واطلع علشان اجهز الفطار .
فهد : مردش عليها . ووقفها قدام الحوض . ورجع شعرها لضهرها . وجاب فرشه الاسنان والمعجون . وقالها . دى فرشة السنان بتاعتك . ودي بتاعى . وجهزها يلا افتحى بقك .
رينو : متوتره . لأ .. احم مش عايزه اتعبك .
فهد : انا بحب اتعب نفسي افتحي بوقك القمر ده . وغسلها أسنانها . ووشها . وشالها ونزلها فى البانيو . لكن رينو ارتجفت ورفضت أنه يحميها وحلفته بحياتها وفهد ابتسم من قلبه على خجلها الل بيعشقه . وباس جبينها وسابها وخرج . وراح يحضر الفطار وجهز ل رينو كوباية اللبن المعتاده لان دي وصية مريم لفهد انه مايهملهاش .
رينو ؛ اخدت شاور بسرعه لانها خايفه فهد يدخل عليها . ولبست الاسدال . وخرجت وصلت الضهر . ولبست بيجامه رقيقه جدا .
فهد : دخل عليها . وشافها واقفه قدام التسريحه . ولابسه بيجامه جميله . وبتنشف شعرها بالفوطه علشان بياخد وقت من طول شعرها . وحط الاكل على الترابيزه . وراح وقف وراها وهي ابتسمت . فهد حط ايديه على أكتافها . ممكن تسمحيلى .واخد الفوطه منها . وبدء ينشف شعرها ومبتسم ومركز فى شعرها . ورينو متابعاه فى المرايا وقلبها دق بحب لفهد واهتمامه وكمان شافت صنية الفطار واتنهدت بحب .
فهد : ها تمام كدا .
رينو : امم تمام .
فهد : جاب الفرشه . استنى انا هحاول اسرحلك عندى خلفيه شويه .
رينو : خلفيه . ليه كنت بتسرح لحد قبل كدا .
فهد : طبعا . البت فريحه اختى كنت ديما بتعلم فيها . جربت اسرح ليها كتير .
رينو : بس انا كدا هتعبك يافهد . شعري اصلا متعب اوى بفكر اقصه .
فهد : اتصدم بدهشه . تعملىى اييييه !؟ تقصيه . اوعي يارينو تفكرى في كدا .
رينو : ليه يافهد . انا هقصه كتغيير يعنى .
فهد : حضنها من الخلف . وباسها من رقبتها . حبيبتي . شعرك ده متجيش جمبه . حتى الأطراف لو سنتى واحد متجيش جمبه . رينو انتى تعرفى أن شعرك ده بيسحرنى يارينو علشان خاطر الفهد اوعى تفكري انك تقصيه .
رينو : اول ما فهد باسها . اتوترت . احم حاضر . هي كانت مجرد فكره وبس .
فهد : طيب . تعالى افطرى . وبعد الفطار انا هقعد معاكى واسرحلك شعرك اوكى .
رينو : لفت ليه . فهد انا عايزه اكلم بابى ومامى واخواتى .
فهد : عيونى . افطرى الاول . وكلميهم وانا بسرحلك شعرك تمام .
رينو : ابتسمت تمام .
فهد : قعدها على رجليه . وهي متوتره وشربها اللبن . وهي شربته من غير ما تتكلم لانها متوتره وهي على رجله . وأكلها وكل شويه يبوس ايديها . رينو حبيبتى . خلاص بقى كفايه توتر . انتى المفروض تكونى اتعودتى على فهد حبيبك ..
رينو : احم . هحاول . وياريت متدايقش منى وتستحملنى لحد متعود على الوضع الجديد .
فهد : انا ادايق منك. !!! انتى روحي يارينو . وأكلها بحب ومستمتع بطريقتها . وهي أكلته . وبعدها قالها .. تعالى يلا . اقعدى على السرير وكلمى العيله وانا هسرحلك اوكي .
رينو : بسعاده .لانها هتكلم عيلتها . اوكي . واتصلت على مريم . اول واحده وكلمتها ورينو دمعت وفهد نبه عليها مش عايز يشوف دموعها . وبيسرحلها . والاسبيكر مفتوح . واتكلمو مع مراد وزين ونور وفريحه وريتال . وكمان سعاد إلى زغرطت ل رينو وفهد فى الفون وزوزو كلمت رينو وزغرطت علشانها . واخيرا تيمو الل عيط . وعايز يشوفها ورينو عيطت علشانه . وفهد ادايق علشان دموعها وقالها اقفلى وهنكلمهم فيديو . ورينو دموعها اختفت وده فرح قلب الفهد . واتصلو فيديو . ورينو شافت العيله كلها . وتيمو الل كان مدايق من فهد وبيزعقلو . ويقولو فهد وحش اخد لينو . انت وحش يافهد ويضحكو . ورينو كلمت تيمو ووعدته انها هتشوفه قريب وهتجبله العربيه الل وعدته بيها . وكلمت الكل هي وفهد . وبعدها جت تتصل على آدم . فهد قالها اتصلى فيديو هيفرح اكتر . ورينو من فرحتها باست فهد من شفايفه بسرعه وشكرته . وفهد هرش في قفاه وابتسم . وهيتفنن في أنه يفرح رينو وتقرب منه بإرادتها . واتصلت على آدم فيديو . وفرح جدا . وفتح على طول . وضحكته على وشه وكلم رينو بسعاده كبيره . ورينو قالتله انها مبسوطه اوى . وفهد قرب وكلم آدم فيديو . وطارق دخل على آدم وكلمهم كمان ومكالمة الفيديو غيرت مود الكل للأفضل . وقفلت مع آدم . وحضنت فهد بعفويه وشكرته كتير . وباسته من خدو . وفهد قربها منه واحده واحده . وعرف طريق مراده . وباسها من شفايفها. وقرب من معشوقته وخدرها وتاهت معاه وكمان بدءت تاخد على فهد .
——————–بقلمى Mariem Nasar
عدى اسبوع كامل .. على فهد ورينو وهما فى الشقه مبيخرجوش منها .
.وعايشين في سعاده . وفهد يوميا يدلل معشوقته الصغيره . ويقرب منها بحب وحاسس أنه فى حلم .
رينو : واحده واحده اخدت على الفهد . وبدءت تلبس من بيجامه لطقم . واسمه المكتوب . ده خلا فهد يقرب منها اكتر . وكمان رينو عشقت الفهد اكتر . وحاسه انها ملكة قلب الفهد وبس . واكتفت بيه . وهو اكتفى بيها .
– آدم : سافر اسكندريه مع اميرته يغيرو جو . وآدم كل يوم يخرج هو ومريم وحاول يهدي نفسيتها شويه . وكانو بيتصلو على رينو والكل كل فتره . وكان اسبوع مميز بالنسبه ل مريم وآدم . وانهردا رجعو من السفر.
. ومراد اخد فريحه شقتهم . يقضو فيه الاسبوع كاملا بما ان آدم مسافر . ورجعو انهردا لما عرفو أن آدم راجع .
وزين قضي الاسبوع ده فى الفيلا وعايش في سعاده مع روتى وجهز اجمل غدا ل آدم ومريم بمناسبة رجوعهم بالسلامه .
فهد : قاعد فى الليفنج بليل . وواخد رينو على رجله وبيتكلمو ويهزرو مع بعض . وفون فهد رن وكان المتصل مدير الجهاز . وفهد شاف الرقم وغمض عينيه ومش عايز يسيب رينو ويبعد عنها . لكن رد . الو مساء الخير يافندم.
المدير : الو مساء الخير .اذيك يافهد .
رينو جت تقوم لكن فهد شدها لحضنه اكتر واتكلم . انا كويس يافندم .
المدير : طبعا انت منتظر اخر الاخبار . وان كان فى مهمه ليك ولا لا .!؟
فهد : من جواه بيدعى أنه ميكونش في مهمه . اول مره يزعل انه هيطلع مهمه . طبعا يافندم . وانا تحت امر سيادتك في اى وقت . هو فى مأمورية يافندم .؟
رينو : بزعل وحطت راسها على صدره ومش عايزه فهد يبعد عنها . وفهد ضمها اكتر وغمض عينيه ومستنى يسمع المدير .
المدير : ايوه يافهد فى مهمه . وكمان يومين .
فهد : اتنهد بزعل . وانا جاهز في اي وقت يافندم .
رينو : عيونها دمعت فى حضنه.
المدير : المهمه كمان يومين . فى سينا جمع بعض المعلومات . لكن احنا هنحتاج الرائد مراد . وانت سمحتلك باجازه . لان المهمه دى جدير بيها سيادة الرائد مراد .
فهد : سينا !؟ طيب وانا مينفعش اروح مع مراد .
المدير : متقلقش يافهد . دى عمليه بسيطه هيجمع كام معلومه من قبائل معروفه وهيرجع . ومراد انسب شخص للمهمه دى .
فهد : هز راسه . تمام يافندم انا متشكر جدا لسيادتك .
المدير : العفو على ايه انت ومراد زي اولادي . والف مبروك ياعريس واتمنى ليك حياه سعيده . وقفلو.
رينو : بزعل . هتروح مأموريه يافهد .
فهد : بص عينيها عيزانى اطلع مهمه ولا لأ .
رينو : انت بتسأل . يافهد . انا عايزاك تفضل جمبى على طول .
فهد : قرب منها وباسها . انا هطلع مهمه . لكن مش فى الشغل . هنسافر يارينو . اجمل شهر عسل في الدنيا .
رينو : بفرحه . بجد . بجد يا فهد . يعنى انت مش هتسافر في مهمه.
فهد : لا ياقلب فهد . المهمه مش مستاهله . ومراد هو الل هيروح لانه انسب حد ليها .
رينو : بزعل . ابيه مراد . طيب ودى خطر عليه .!؟
فهد : لا طبعا . دى مهمه هيجمع كام معلومه كدا على السريع وهيرجع متقلقيش . المهم عايزه تسافرى فين .،؟
رينو : بتفكير . امممم . المانيا ايه رايك .
فهد : قفل عين . وفتح عين . اممم لأ . انا عايز اخدك ونروح دبي . ايه رايك .
رينو : واو . بجد . اوكي طبعا موافقه وجدا كمان .
فهد : خلاص ياروحي . احنا هنسافر بعد بكره . وكمان علشان ضحكتك القمر دى . انا عاملك مفاجاه. بكره هاخدك ونروح عند آدم ومريم . وطارق ورنا . ايه رايك .
رينو : فرحت جدا وحضنته. فاااهد حبيبى حبيبى . ربنا مايحرمنيش منك أبدا ياقلب رينو انت .
. بجد مفاجاه جميله اوووى .
فهد : قام وشالها وهي فى حضنه . حبيبتي انا عيون الفهد تحت امرك . ودخل بيها الاوضه ونيمها على السرير . ويرجع خصلات شعرها ورا ودنها . وبص فى عيونها . انا بحبك اوى يارينو .
رينو. : غمضت عيونها واتنهدت . وانا بموت فيك ياقلب رينو . وقرب منها وباسها .وعاشو ليله رومانسيه جدا ..
وتانى يوم .
راحو عند آدم ومريم . الل فرحتهم اضاعفت . وفرحو جداا . وخصوصاً تيم الل فضل قاعد على حجر رينو وماسبهاش وكل ما فهد يقعد جمبها تيمو يزعقلو . علشان خايف لفهد . ياخد رينو ويمشو . وقضو اليوم كله معاهم . وبعد كدا راحو عند طارق ورنا الل قلبهم دق بفرحه وفهد داخل عليهم وفي ايدو مراته والضحكه على وشه ومبسوط . وكمان مبسوطين ان رينو موجوده معاهم وخصوصاً رودي . وقضو السهره معاهم . وروحو علشان يجهزو كل حاجه علشان يسافر دبي بكره الصبح . وجهزو كل حاجه . وسافرو على دبي يقضو اجمل شهر عسل . ورينو عايشه والسعاده كلها بين أيديها . وفهد عايش اجمل ايام حياته مع معشوقته الصغيره ..
بعد اسبوع كمان فى دبي .———–
بسم الله نبدأ
بعد اسبوع كمان فى دبي .
رينو خارجه مع فهد لانه عازمها على الغدا فى اشهر مطعم . وحجز ليها مكان مخصوص ليها علشان الكاميرات .ولكن مرفعتش النقاب . وقاعدين بيتغدو ويضحكو وفهد بياكلها وكانو مبسوطين جدا .
رينو : ااه كفايه يافهد مش قادره . انا شبعت جدا ..
فهد : انتى بتضحكى عليا . فين الاكل الل اكلتيه . طبقك زي ماهو . انا يدوبك أكلتك معلقتين . يلا كملى اكلك بلاش دلع .
رينو : والله بجد شبعانه . وبعدين نص الطبق بتقول عليه معلقتين . صدقني يا حبيبى شبعت جدا .
فهد : اوكي ياروحي . تحبى نقوم نرجع على الفندق .
رينو : ياريت انا هلكانه احنا خارجين من بدرى اوى .
فهد : ههههه فرفوره مش قادره تمشي .
رينو : كشرت عينيها لفهد . ماشيين اكتر من ساعتين . وتجرى ورايا . وانا أجرى وراك وتقولى فرفوره . انا انثي ياكبتن فهد باشا . انت مفكرنى مخابرات ولا ايه .
فهد : ههههه احلى انثى والله . وفكرتينى لما نرجع . هخدك ٣ مرات فى الأسبوع شقتى القديمه . فيها صالة جيم صغيره هدربك فيها على كل حاجه .
رينو : بدهشه : نعم . تدربنى انا . طيب ليه !؟
فهد : رينو . انا بطبيعة شغلى هغيب عنك كل فتره . ومسك ايدها وسعات بالشهور وانا مش هبقى مطمن عليكي وانا بعيد عنك . ايوه اكيد وانا مسافر هتكوني عند آدم . لكن قلبى هيفضل مشغول عليكى . ف انا هحاول ادربك على كل حاجه . وهنبدء بالجيم . وهعلمك تدافعي عن نفسك كويس جدا .
رينو : فهد ياحبيبى خوفك عليا ده طبيعى جدا . من بعد الحادثه الل حصلت . وخلاص المجرم اتعاقب وهنعيش في سلام ف ليه القلق والتوتر ده . وابتسمت وبعدين انا معايه جي بي اس فى الساعه والميداليه . وكمان معايه اهم من كل ده فهد حبيبي وروحي .
فهد : ابتسم . معلش خدينى على قد عقلى . وهدربك كويس وكويس جدا كمان . وعايز اقولك ان الجي بي اس مش بس فى الساعه والميداليه .
رينو : بزهول . نعمم . اومال انت زارعلى جي بي اس فين كمان . اوعى يكون في قفايا .
فهد : هههههههههههه . وغمز لما نروح هقولك .
رينو : اتوترت . احم طيب يلا علشان نمشى .
فهد : حاضر ياقلب الفهد . وكمان عايز اعرف كنتى عايزه تقوليلى ايه امبارح واجلتى الموضوع ليوم تانى . وقام وطلع المحفظه . وبيدفع الحساب . جت بنت اجنبيه وقفت قدام فهد وكلمته بلغتها .
= معذرة .
فهد : بصلها وبص ل رينو وبصلها . ماذا تريدين .
= انا اسفه للغايه . ولكن حدث معى امرا سئ جدا . لقد فقدت حقيبتى خاصتى في السياره وتحركت بسرعه ولم استطع اللحاق بها . وانا الان اريد العوده . ولا يوجد معى مال لاذهب من هنا . فهل يمكنك مساعدتى .
فهد : بالتأكيد . على الرحب و السعه . وطلع مبلغ واداه ليها بحسن نيه . ورينو كانت مبسوطه من فهد لكن اتصدمت وقامت وقفت مره واحده .
فهد : قدملها المبلغ . والاجنبيه ابتسمت وشكرت فهد جدا . وفهد هز راسه ليها . وباصص للمحفظه . البنت قربت من فهد وباسته من بوقه كنوع تعبير عن شكرها وامتتنانها ليه وقالتله انت وسيم للغايه .شكرا لك . والبوسه كانت جريئه ..
فهد : اتصدم لانه مكنتش متوقع رد الفعل ده منها . وبعد نفسه بسرعه عنها . وبص ل رينو الل عيونها مفتوحه على الآخر .
رينو : مصدومه ومستنيه فهد يزعقلها لكن باصص ل رينو . ورينو اتغاظت واخدت شنطتها وسابت فهد وخرجت من المطعم .
فهد : بص للبنت . وزعقلها . ودفع حساب الغدا وسابه على التربيزه وجرى يحصل رينو . وشافها وقفت تاكسي وهتركب .
فهد : جري عليها وبيفتح الباب كانت رينو قفلته بأحكام . وفهد ركب قدام جمب السواق . ولف ل رينو وجه يتكلم رينو لفت وشها الناحيه التانيه وفهد مش عارف يتكلم من وجود السواق . ووصلو الفندق ورينو نزلت بسرعه . ودخلت الفندق . وطلبت مفتاح الغرفه . وطلعت بسرعه وقفلت الباب عليها .
فهد : حاسب السواق . ودخل بسرعه وراها ولسه هيحصلها كانت قفلت الباب . وخبط عليها . لارين افتحي . ومردتش عليه .
فهد : بديق . لارين قولت افتحي الباب علشان مكسرهوش .
رينو : مردتش عليه . وبتقلع النقاب ومتغاظه وكل ماتفتكر شكل فهد والبنت باسته بوسه جريئه ومن بوقه تولع نار . وكمان متغاظه أن فهد مزعقلهاش .
فهد : بيخبط . ومفيش فايده . وبص حواليه ومكنش فيه حد . وطلع حاجه من جيبه شبه الدبوس . وحاول يفتح الباب . وفتح معاه . ودخل وقفل الباب . وشاف رينو واقفه ومتعصبه . وشعرها مفرود ووشها يغنى عن السؤال . وراح وقف قدامها رينو ممكن تفهمينى ايه الل انتى عملتيه ده !؟.
رينو : بصتله بشرز وغيظ وعيونها مليانه دموع . ولفت ضهرها ليه ومردتش .
فهد : مسح وشه بايديه . ولف ليها . رينو مش معقول كدا . انا مش بكلم نفسي التصرف الل انتى عملتيه ده كله غلط .
رينو : بغيظ منه . وزقته من صدره . تصرفى انا الل غلط ها !؟ ولا تصرفك انت. انت شكلك كنت مبسوط وهي بتبوسك مش كدا .
فهد : شاف الغيره في عينيها . وقرب منها . لكن هي رجعت . وكل مايقرب هي ترجع لحد ماخبطت في الحيطه . وفهد قرب منها وكتفها من ايديها . اممم رينو الحلوه غيرانه .
رينو : بغضب . سيب ايدى يافهد . وانت شكلك كنت مبسوط فعلا . روحلها اجري .
فهد : قرب من وشها . حبيبتي . انتى كنتى موجوده . يعنى إلل حصل ده مكنش متوقع . وبعدين انا زعقتلها والله . وصدقينى انا كنت واقف ومش واخد بالى منها خالص . وحب يدايقها . وبعدين يعنى انتى مش مراتى مش المفروض كنتى زعقتلها .ولا انتى شايفه أن فهد مش يستاهل أممم .
رينو : بغيظ . وزعقت وهو مكتف ايديها . انا كنت هاقوم اجيبها من شعرها الل هي فرحانه بيه ده . وكنت هحط وشها فى الاكل . وصكت على أسنانها . وكنت عايزه اديلها علقه واجرجرها على الارض . لكن عملت احترام للنقاب الل انا لابساه . واستينك تتكلم لكن لا الموضوع واضح أنه عجبك اوى . بنت مش محترمه .. وزعقت فهد انا مش هسمح لأي واحده تقرب منك . انت ملكي انا وبس . فاهم يافهد انت ملك لارين العدوي وبس واى واحده تقرب منك انا مش هتراجع في انى اقتلها فاااه…… ومكملتش لأن فهد قطع كلامها بالبوسه المعهوده .
فهد : بيسمعها . ومبسوط من غيرتها عليه . وابتسم من غضبها وانها كانت هتضربها . لكن لما قالت إنه ملكها ملك لارين وبس . قلبه دق من تانى وقرب منها بشغف . وقطع كلامها . ورينو كانت مدايقه لكن قرب فهد حبيبها ومعشوقها ليها بالطريقه دي خمد كل النار الل جواها . وفهد كمل مسيرته معاها وشالها ورايح بيها على السرير . وقرب منها بمنتهي الاشتياق والعشق .
وبعد فتره كبيره . واخدها كلها في حضنه . وكان مبسوط جدا من غيرتها . وضربته على كتفه كتير ومتغاظه منه .
فهد : هههههه . حبيبتي والله كتفى وجعنى . ياروحي انا فهمتك انا ماليش ذنب يارينو . اومال يعنى لو مكانش الموضوع قدامك . وكشر عينيه وبصلها ولا انتى بقى مبتثقيش في فهد .
رينو : بدهشه . انت بتقول ايه !؟ لا طبعا أنا بثق فيك واكتر من نفسي كمان . لكن البت دى قليلة الادب ومش محترمه وكمان لابسه من غير هدوم. وانت محاولتش تزعقلها .
فهد : والله زعقتلها صدقينى . هي بس كانت صدمه ليا . حبيبتي هي طلبت مساعده . وكمان فى وجودك ولأن ده واجب عليا أن لو حد محتاج مساعده وانا في ايدى اساعده هساعده . انا ادتلها الفلوس . وبطلع حساب الغدا . لانى مكنتش متوقع منها ده . انا فكرت انها هتقول شكرا وبس لكن انا اتصدمت من تصرفها ده وزقتها بسرعه . وبصيت عليكى من الدهشه ولقيتك مصدومه . ولسه هكلمك لقيتك مشيتى . وانا زعقت للبنت ودفعت الحساب . وحصلتك . لكن يارينو بجد انا مدايق منك . علشان تصرفك ده كله غلط فى غلط . اولا احنا مش فى مصر . ثانيا انك تسيبى جوزك وتمشى لا وكمان توقفى تاكسي وتركبى لوحدك وافتح الباب وانتى تقفليه بالطريقه دى . غلط يارينو . وانا علشان متزعليش منى عديت الموضوع عادي جدا . رينو كان ممكن متكلمنيش ونروح مع بعض وساعتها كنتى اتصرفي برحتك .
رينو : بصتله . يعنى بعد العمله السوده دي غلطانه . يعنى أنى اشوف واحده بتبوسك يافهد عادي واتحكم في تصرفاتى . وربعت ايديها . ومين ده بقى الل بيتكلم . فهد السيوفي . الل لما بيعرف بس واحد عاكس بيضرب ويكسر ايدو . طيب مبتتحكمش فى تصرفاتك ليه يافهد.
فهد : انا راجل يارينو وبغير عليكي. .
رينو : الغيره مفيهاش راجل وست . الغيره غيره . نفس الاحساس . وكملت بزعل. لكن انت شوفت تصرفى غلط لاني ست . لكن الراجل ليه يتصرف برحته . وبصتله بغيظ . عارف انا بعد كدا بقى لو واحده قربت منك يافهد ودينى لاجييها من شعرها . وعيزاك بقى تقولى تصرف ولا مش تصرف . انا قولتهالك ذي ما انا ملكك وبس انت ملكي انا وبس . والل هتقرب من ملكيتى اقسم بالله ما هرحمها ماشى يافهد .
فهد : قلبه بيرقص . يلهوي شرسه . انا بقول كفايه تدريب دفاع عن النفس لحد كدا . انا مش عايز امشى وراكي الم الجثث . ههههه
رينو : بصتله بشرز . بتضحك يافهد .
فهد : باسها من خدها . طبعا اضحك وافرح كمان . معشوقتى الصغيره بتغير عليا . مفرحش ليه .
رينو : حطت راسها على صدره . انا بحبك اوى يافهد . بحبك اوى .
فهد : ضمها بحب . وانا بعشقك ياقلب فهد .
رينو : بصتله صح قولى فين بقى الجي بي اس التالت انا محتاره ومش عارفه افكر .
فهد : اتعدل . واخد ضهر رينو على صدره . ومسك السلسله . وقالها هنا .
رينو : شافته ماسك السلسله وبيشاور على الفص الل موجود تحت اسم لاري . وبصتله بحب واتنهدت بسعاده على عشق فهد ليها. ورفعت وشها وباسته برقه . بحبك يافهد..
فهد : اتنهد بسعاده . رينو صدقينى انتى شغلىى الشاغل . انا معنديش حاجه اهم منك . وصدقينى هعلمك كل حاجه . وساعتها ممكن اطمن شويه . وافتكر . قوليلى بقى امبارح قولتليى كنت عيزاك فى موضوع مهم . لكن انتى قولتى خليها بكره . اهو جه بكره قولى سامعك .
رينو : اتوترت . واتعدلت . احم . بصراحه ياحبيبي . انا كنت عايزه اخد رأيك في حاجه مهمه . لانها مشتركه مابينا .
فهد : سامعك يانجمتى قولى . وبيلاعب خصلات شعرها .
رينو : فهد اوعدنى انك متفهمنيش غلط . هي فكره . انت لو وافقت عليها يبقى كويس . موافقتش خلاص . لكن المهم مش عايزاك تفهمنى غلط .
فهد : حبيبتي . انا عمرى ما هفهمك غلط . وبعدين ده حوار ونقاش واكيد هنوصل لحل. ورجع ضهره لورا . وشد ضهرها على صدره وبيلاعب خصلات شعرها . قولى ياحبيبتى سامعك .
رينو : غمضت عينيها بتوتر . وبلعت ريقها . احم . انا كنت عايزه آجل الخلفه . شويه . وقبل ماتزعل هفهمك وجهة نظري . انا محتاجه بس أجلها سنه او سنه ونص . يعنى انا رايحه رابعه طب ولسه سنتين كمان وامتياز . وانت بتسافر مأموريات . وجمب تعليمى . حاسه انى مش جاهزه لكل ده . ف انا بقول إن شاله سنه واحده بس . ارجوك متزعلش . ولو الموضوع ده هيجيب زعل خلاص أنا مش عايزه آجل سنه .
فهد : ابتسم . حبيبتي وانا مش زعلان . انا اصلا كنت بفكر في كدا .
رينو : بصتله . بجد . بجد يافهد .
فهد : نيمها على دراعه . وبصلها . اه والله بجد . انا كنت عايز اكلمك فى الموضوع ده وخوفت تزعلى منى. لكن انا مفكرتش فى تعليم أو سفر تؤ . انا فكرت أنى اعيش معاكي سنين عشق وانتى فى حضنى واشبع منك مع أن ده عمرو ما هيحصل أنى اشبع منك ابدا .
رينو : ابتسمت بدهشه . فهد يعنى انت مش زعلان منى . انا فكرت انك هتقول انى مش عايزه اخلف منك . مع انى والله نفسي اخلف منك عيال كتير اوى اوى اوى .
فهد : بصلها بهيام . وانا كمان نفسي اخلف منك كتير اوى . بس مش دلوقتي . خليها بعد سنه او اتنين . ايه رايك .. ولو عايزه نكشف هنا الاول نطمن قبل مانسبق الأحداث ونشوف موضوع الخلفه ده !؟
رينو : لا خليها لما نرجع مصر . مش يمكن ربنا رزقنى وحصل حمل . هنشوف الاول ونكشف ولو محصلش . بعدها استخدم اى وسيله . لكن بالله عليك يافهد اوعى تكون زعلان ارجوك ..
فهد : دفن وشه فى رقبتها وشعرها . حبيبتي صدقينى انا عايز اعيش معاكي اطول فتره ممكنه انى اشبع منك . وبعدين انتى لسه صغيره . وسنه مش هتعمل فرق كبير . وفى بنات فى طب بتتجوز بعد ماتخلص طب وتشتغل كمان يعنى لسه بدرى . خلينى اشبع منك .
رينو : حضتنه بحب . حبيبى انا . هعشقك ايه اكتر من كدا بموووت فيك يافهودي .
فهد : اتعدل . وضحك . فهودي . لالا خلينى فهد احسن وبس . عارفه !؟ انتى لما بتقولى فهد برقه كدا من شفايفك دي . متعرفيش بتعملي فيا ايه . قوليلى فهد . فهد وبس يالاري .
رينو : بقمصه . اممم طيب انا محتاره معاك . لاري . ورينو . ولارين . فهمنى بقى .
فهد : حاضر . لارين دى بقولهالك وانا مدايق وعلى أخرى تمام . ولاري دي بقولهالك وقت الدلع وبس . أما بقى لما عايز اقولك بحبك وبعشقك هي رينو وبس . لانى بعشق رينو نجمتى .
رينو اتنهدت . بسعاده . عارف انا كل ما فكر اننا هنرجع مصر كمان اسبوع . ازعل اوى .
فهد : وعد من فهد السيوفي . ان كل لما تبقى فى فرصه مناسبه . هاخد رينو قلبى ونسافر في اي بلد تشاور عليها . وحضنو بعض بحب كبير .
——————–بقلمى Mariem Nasar
بعد اسبوعين .
في مصر . فيلا العدوي الساعه ٤ العصر .
زين وكل العيله قاعده ومراد نازل من على السلم لانه رجع من المأموريه من يومين.
فون زين رن . ايه ده بابا بيتصل ورد الو يابابا .
آدم : بصوت غضبان . ززييين فى ثوانى تكون عندي فى الشركه فااااهم . ثوانى وتكون قدامى وقفل المكالمه في وش زين.
زين قام بسرعه . ومريم وريتال شافت وشه الل اتغير
مريم : في ايه يازين . وصوت آدم كان عالى ليه وهو بيكلمك فى الفون .
مراد نزل وسامع الحوار. .
زين : اتحرك ومتوتر وقلقان . واتكلم وهو ماشى مش عارف ياماما اظاهر فى مشكله في الشغل انا رايحله.
ريتال : قامت ندهت عليه مش هتغير هدومك يازين !؟
زين : لاا مش مهم بابا كان عصبى جدا وركب العربيه واتحرك بسرعه .
مراد : في ايه ياريتال . قالك ايه !؟
ريتال : قالى مش هيغير هدومه لان بابا آدم كان صوته عصبى جدا . ومشى
مريم : استرها يارب . انا خايفه اتصل عليه . ده كان صوته عالى اوى وهو بيزعق ل زين . يارب سلم سلم يارب استودعتك يا آدم عند الله . استرها يارب .
مراد : بقلق . اتحرك . انا رايح الشركه انا مش هفضل قاعد هنا واخمن ابويا فيه ايه . !؟ وخرج وركب العربيه ومشي
مريم : استرها يااارب . يارب احفظ لى زوجي واولادي يارب . وكانت قلقانه وخافت تتصل على آدم .
فريحه : نازله من على السلم وغضبانه . ونازله تقول حسبنا الله ونعم الوكيل . حسبنا الله ونعم الوكيل . ونازله مدايقه . وقعدت جمب مريم وريتال .
مريم : بعدم فهم . اله مالك انتى كمان يافريحه . بتحسبنى على مين كدا .!؟
فريحه : بغيظ . بحسبن على اعداء الاسلام ياماما الدنيا مقلوبه .
مريم وريتال بصو لبعض . واتكلمو ليه ايه الل حصل .
فريحه : رئيس فرنسا صدر اوامر منه لحكومته بنشر صوره مسيئة للرسول صل الله عليه وسلم . علي مبني ضخم جداا في فرنسا .. وطبعا الحكومه موافقه . والصور دي مش كويسه خالص ياماما ..
مريم : شهقت . وزعلت ودموعها نزلت . حسبنا الله ونعم الوكيل . ليه كدا . ليه كل شويه يعملو كدا . ياحبيبي يارسول الله . وعيطت . انا لله وانا اليه راجعون ..
ريتال : بغيظ . حسبى الله ونعم الوكيل فيهم . دي عالم معندهاش اخلاق . استغفر الله العظيم يارب . لاحول ولاقوة إلا بالله .
فريحه : بدموع . ومش بس كدا . نشرت جريده فرنسية صور كاريكاتيريه مسيئه للرسول . وأغلب المسلمين في فرنسا محتجين . ومصر والدول العربيه مش ساكته . وفعلو هاشتاج بمقاطعة فرنسا . وكمان المسحيين على السيوشيال ميديا غضبانين علشان الل حصل . ومنزلين هشتاج #إلا_رسول_الله . وعيطت . هي وريتال .
مريم : بكسره وزعل وعياط قالت .
{ إِنَّ الَّذِينَ يُؤْذُونَ اللَّهَ وَرَسُولَهُۥ لَعَنَهُمُ اللَّهُ فِى الدُّنْيَا وَالْءَاخِرَةِ وَأَعَدَّ لَهُمْ عَذَابًا مُّهِينًا }
(طبت حياً وميتاً يا رسول الله)
آدم : بغضب . زين . تنزل انت وزياد دلوقتى على الارشيف . وتجمعلى كوووول الملفات الل تخص شغلنا فى فرنسا . مش عايزكو تنسو ورقه واحده فاهمين .
رشوان المحامي : لحظه واحده بس يا آدم باشا . حضرتك هتصفى كل شغلك فى فرنسا . ودي هتبقى خساره كبيره .
آدم : بغضب . انا مايلزمنيش شغل فرنسا . ولا شركات فرنسا . ولا اسم فرنسا اصلا . دول مايستهلوش يتذكر اسمهم بس . وبعدين . انت عايزنى بعد ما اشوف تصرفاتهم . وأنهم يسيئو لسيدنا محمد ويرسمو ويوصفوه بالطريقه المسيئه دى . اكمل معاهم . !؟ اشتغل معاهم !؟ الل حصل ده مهزله وانا لو في ايدى هرد عليهم . لكن الل هقدر اعمله هعمله . شغلى كله الشركات والمعارض وكل شراكه بينى وبين فرنسا هتتصفى ومن دلوقتي . . وفي دول الخليج كلها تتمنى انى اشتغل معاها . فى شباب ماليين البلد ودول صناع المستقبل . مش متوقفه على بلد زى دى . وهما الل هيخسرو مش انا . لو كل واحد هيعمل زى ما انا هعمل هتبقى ضربة اقتصاديه ليهم فى الارض .
وشاور ل رشوان اتفضل هاتلى عقود شروط الجزااء حالا . وانا عارف ومركز اوى إن شروط الجزاء الل علينا عدت المهله المطلوبه ووقت ما احب أصفى هصفى . اتفضل وحالا؛
رشوان : آدم باشا . كل الناس زعلانه طبعا . لكن حضرتك فكر شويه انت كدا هتتعرض لخساير ماهوله .
آدم : بغضب .وقف مره واحده وخبط على تربيزة الإجتماعات وبعلو صوته . وانت هتحاسبنى يارشوان !؟ هتحاسينى فى مالى اعمل ايه . ولا معملش ايه . !؟
رشوان المحامي : العفو يا آدم باشا انا بوضح لحضرتك . عن كمية الخساير الل حضرتك هتخسرها من ورا التصرف ده . انا عارف ان الشروط الجزائيه كلها مدتها خلصت . لكن بردو هتخسر . ف انا با ارجوك ماتخدش قرار وحضرتك متنرفز . حضرتك هتخسر بالظبط نص املاكك .
آدم : بنفس الغضب . انا هعتبر نفسي ماسمعتش حاجه . ونص أملاكى الل انا مش هخسرها انا هعتبرها أملاكى كلها وكمل بلغة تهديد .وتسمع الل بقولك عليه. فاهم يارشوان.
رشوان : فاهم يا آدم باشا. .
آدم : العقود فى ثانيه تكون قدامى حالا اتفضل .
رشوان : حاضر يا باشا واتحرك وخرج . وشتم على آدم . ايه الراجل المجنون ده .فى حد عاقل يعمل كدا يصفى شغله كله فى فرنسا. اهو ده التخلف بعينه . يلا وانا مالى يكش يخسر كل حاجه . ولا يولع هو وعيلته عاملى فيها مثال للنضال مش هيرفعولك العلم ياخويا . جاتكم الهم . ونزل على مكتبه .
مراد : دخل غرفة الاجتماعات . بقلق . وشاف آدم قاعد وحاطط ايديه على جبينه . وجمبه طارق ومالك والكل متنرفز . وقلق اكتر .وحب يفهم . وراح جمب ابوه . بابا حضرتك كويس .
آدم : مسح وشه بايديه . وساكت . وطارق حكااله كل حاجه عن الصور المسيئه . وعن رئيس فرنسا . ومراد ادايق جدا . وطارق حكاله عن ال آدم ناوي يعمله . وان زياد وزين نزلو يجيبو كل الملفات من الارشيف وطالعين مع كام موظف. مراد شاف ابوه متدايق . ومراد قاله احنا معاك في اى حاجه انت هتعملها .
آدم : غمض عينيه واتنهد . زين وزياد دخلو مع الموظفين . مع كل واحد اللاب توب خاصته وكام ملف . وآدم أمر أن مفيش حد يمشى من الشركه وان في اجتماع طارئ . وراجعو على كل الملفات . واتفقو على كل حاجه .
آدم : بص ل زياد. وقاله. زياد . انت مش مجبر تعمل ذي ما انا بعمل انا وطارق . انت لو عايز تسيب شركتك هناك زي ما هي .
زياد : كلام ايه دا يا آدم لا طبعا . انا هصفي كل حاجه تخصنى هناك . وهبدء هنا . وكمان فى بلاد كتير جدا . هنبدء معاها . الل اتسب ده يا آدم رسول الله . الل بسببه احنا مسلمين وموحدين بالله .
مالك : دخل عليهم بسرعه واتكلم بلهفه . عرفتو الل حصل. .
كلهم : ايه الل حصل. .
مالك : انا حكيت ل بابا كل الل خالو آدم هيعملو . وقال وانا كمان هعمل زيه . ونزل على الشركه فى اجتماع طارئ وهيصفى كل شركاته فى فرنسا . ومش بس كدا . جوز عمتي هنا أشرف عزيز . عرف من بابا ونزل هو كمان علشان يصفى . والدكتور محمد عزيز كلمنى لان عمو اشرف قاله يروحله حالا على شركة عزيز . وكان بيسأل عليك ياخالو لانه اتصل عليك وفونك مغلق . وقالى ايه حكاية أن ابوك بيصفى واخويا اشرف بيصفى .حكتله الل حصل وادايق جدا . وقال انا رايح ل اشرف حالا علشان نصفى كل حاجه .
كلهم اتنهدو براحه . وطارق قال . والله لو كل واحد عمل مقاطعه شهر واحد بس . ويصفى كدا حتى لو بالتهديد . هيفكرو الف مره قبل ما يسيؤو للأديان . وخصوصاً الاسلام .
راشوان دخل . وقدم العقود . وزين أخدها منه . واستأذن علشان يخرج . وقال ل آدم .
.آدم باشا انا هستأذن انا علشان اااااااه .ووقع في الأرض من شدة الضرب والبوكسات الل ورا بعض.
كلهم بصو ل مراد بذهول . وانه هجم على المحامى بوكسات بين عينيه ومناخيرو نزفت ووقع على الارض .
آدم : بغضب مراد انت اتجننت .
مراد : مردش على آدم وراح مسك راشوان من ياقته وقومه من على الارض . وقاله . يعنى وانت خارج من الاوضه دي كنت بتشتم على ابويا . وزعق انا سامع كل كلمه تحب اسمعك تانى قدامهم انت قولت ايه ..اسمع ياروح امك
. ايه الراجل المجنون ده وكنت تقصد بيها آدم العدوى
.فى حد عاقل يعمل كدا يصفى شغله كله فى فرنسا. بردو تقصد آدم العدوي
اهو ده التخلف بعينه . يلا وانا مالى يكش يخسر كل حاجه . ولا يولع هو وعيلته عاملى فيها مثال للنضال مش هيرفعولك العلم ياخويا . جاتكم الهم . وكل ده تقصد بيه آدم العدوي ابويا انا .
وقرب من وشه . لأ مش هيرفعو ل آدم العدوى العلم . لكن هيرفع راسه يوم القيامه . لما الرسول يسأل المسلمين عملتو ايه علشانى لما اتسبيت . يرد ويقوله أنا حاولت وعملت لكن معملتش كل حاجه لكن حاولت .
آدم العدوي غار على دينه وغار على الرسول وشاور على وشه الل هو رسولك انت كمان .
وانك تدعي عليه يولع هو وعيلته فا ده فى قانونى مرفوض. ومراد اداله بوكس كمان . وشده من ياقته . انت تطلع من هنا على بيتكو تلبس طرحه وتقعد جمب اختك فى البيت . ومشوفش وشك في الشركه دي تانى . ولو لمحتك بس اقسم بالله لاهعملك عاهه . وزقه وقعه .
راشوان : راح ل آدم . بينزف وتعبان . ومش قادر يفتح عينيه اوى .. اانا اسف يا آدم باشا . والله اخر مره زلة لسان .
آدم : مسكه من ياقته واتكلم . بغضب . بتدعي على عيلتى وانت شغال معايا ١٢ سنه ياراشوان . وقرب منه بفحيح افعى . سمعت كلام مراد بيه قالك ايه . تنفذ كلامه بالحرف الواحد . وصدقنى ابنى لما بيوعد بيوفي ياراشوان . وزعق فاااااهم .
راشوان : اترعب من هيبتهم . وجرى على بره وكان ندمان . لانه مهما يدور على شغل مش هيلاقى مرتبات زي مرتبات ال العدوي . وخرج وقلبه مليان غل وحقد .
مراد : احم . انا اسف يابابا . انى اخدت قرار برفد الكلب ده . بس غصب عني . انا سامعه وانا بكلم فهد فى التليفون ومعرفش بيشتم على مين . ومين الل عايز يصفى شركاته . وبعدها فهمت . ف انا اسف .
آدم : بصله . بتتأسف على ايه . انت خدت القرار الصح . ودي شركتك . والل تشوفه صح اعمله . وبص ل زين وزياد . تمام كدا يازياد . انا عايزك انت وزين . تسافرو بكره على فرنسا . هتقابلو المحامي الل هناك . وهتصفو كل حاجه . تخصنى وتخص طارق وملك . وهتاخدو الصور العقود الاصليه . ومعاها نسخ منها. وكمان تسيبو نسخ منها هنا فى الأرشيف محدش عارف الظروف . وتبيعو كل سهم . وكل سنتى يخصنا فاهمين . وكله بالعقود . تمام .
زياد وزين تمام . الله المستعان ..
آدم : طارق اتصل على بيتر علشان يجيب مازن المحامي التانى . واد جدع وشغال معاه من زمان .
طارق : ماشى وطلع الفون وبيتصل . وسمعو صوت رنه موبايل بيتر وهو داخل عليهم . وطارق فصل .
بيتر : باين عليه الزعل لأن خسارة آدم هتكون كبيره . لانه عرف كل حاجه . من جاسر . مساء الخير ياجماعه . وقعد جمب آدم .
كلهم : مساء الخير .
بيتر : متزعلوش ياجماعه على الل حصل . ربنا هبجيب حقكو إن شاء الله .
طارق : انت عرفت .
بيتر : طبعا عرفت . انجي وكارولين قالولى . وزعلانين جدا . وكارولين . نزلت هاشتاج بمقاطعة فرنسا . وكمان هاشتاج #إلا رسول الله . وكمل بزعل . انا مش عارف هيستفادو ايه . لازم يعملو بلبله وخلاص . وبص ل آدم متزعلش يا آدم احنا معاك وخصوصاً أن الشعب المصري الوحيد الل المسيحي والمسلم فيه ايد واحده . وإن شاء الله المقاطعه هتجيب نتيجه . انا سمعت أن حصل فى فرنسا دلوقتي . حريق ضخم جدا فى ميناء لوهاڤر شمال فرنسا . انتظر ياصديقي العقوبه الالهيه .
بعد فتره
آدم رجع البيت . مع زين ومراد . وكل العيله كانت منتظراهم . وكمان نور. وفهد ورينو .
والكل كان زعلان . والحزن كان ميسطر على كل المسلمين .
لكن مريم طمنت آدم وقالتله
عندما قالوا عن النبي صل الله عليه وسلم . يا مذمم بدلا من محمد غضب الصحابه .
. فقال لهم رسول الله لما الغضب هم يسبون مذممآ وانا محمدآ . . وقالتله أن الصوره دي مش صورة أشرف الخلق .نبى الله محمد . هم بيتستهزؤوا بالصور من انتاج خيالهم والصور لا تمثل النبي ابدا . وربنا كفيل بيهم قال عز وجل فسيكفيكهم الله ….الرد الرباني قادم بإذن الله .
تانى يوم زياد وزين سافرو . ورجال الأعمال الل هناك لما عرفو من زين أنهم جايين مخصوص علشان يصفو !! اتصدمو لأن دى خساره كبيره جدا جدا ليهم وضربه قاضيه . وحاولو يتواصلو مع آدم لكن آدم رافض التواصل معاهم نهائياً . وتمت تصفية الحسابات والشركات والمعارض وحسب الإجراءات تمت التصفيه بعد اسبوعين .
وآدم حس براحه نفسيه كبيره . وكانو مبسوطين لأنهم شايفين أن فرنسا خسارتها بتزيد .
اضاءت بِكَ الدُّنيا فَعِشتَ مُمجداً ،و غِبتَ عن الدُّنيا و مازِلتَ سَيِّداً
عليك سَلامُ الله في كلًَ خفقة فقد ماتَت الأسماءُ إلاً مُحمدا .
.
عدي اسبوع كمان .
فريحه نازله على السلم بتعب وفى انتظار وصول ولى العهد . ووقفت مره واحده على السلم . وصرخت . مررااااااد .. ——-
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الفهد)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
