رواية عشق الفهد الفصل السادس عشر 16 بقلم مريم نصار
رواية عشق الفهد البارت السادس عشر
رواية عشق الفهد الجزء السادس عشر
رواية عشق الفهد الحلقة السادسة عشر
عوده للوقت الحالى .
آدم : كان بيسمع مراد بكل تركيز . وكان من جواه قلقان لما سمع عن أنصاف ودخولها كل يوم والتانى عند شابين ف الشقه ولوحدهم . لكن حمد ربنا إن أولاده متأثروش . ولا الشيطان سيطر عليهم . وف نفس الوقت كان مبسوط من علاقت مراد وفهد مع بعض . كأنهم آدم وطارق . وخاف ع مراد وفهد لما دخلو فيلا خليفه والحراسه وهما ممعهمش حتى سلاح . وخاف لا ينكشفو . لكن انبهر بتفكير مراد وثبات فهد . وانهم تجاوزو الاختبارات ونجحو فيها . وعجبته فكرة إن مراد راح المستشفى وأكرم كان مراقبهم . وكمان لما مراد فكر انه يهددهم عن طريق الياس وده واحد خطير ومهم جدا بالنسبه لخليفه . وابتسم لما القوه جت وقبضو ع الكل . وضحك ع مراد وهو بيوصف غيظه من أنصاف وضربها بالقلم . وقال ل آدم ده انا هروحلها السجن مخصوص وارنها علقه تمام علشان تتربى . وآدم سمع القصه كلها وبص ل مراد . واتنهد بحب وسعاده . وفخر . ومنتظر جورنال بكره بفارغ الصبر علشان يشوف اسماء ولاده بالبونط العريض وحقيقى حاجه تستاهل الفخر فعلا .
مراد : كان بيحكي ومتابع ريأكشنات آدم . وكان بيتسم . وشويه يخاف . وشويه يضحك . وف الاخر قال . والحمد لله ياحج المأموريه تمت بنجاح بفضل الله ثم دعواتك انت ومريوم .
آدم : اتنهد بسعاده . وقام وقف وحضن مراد بحب كبير . وفخر اكبر . حبيبى يامراد انا عارف انك قدها . وربنا يحميك ويحفظك يبنى يارب .
مراد : ف حضن آدم وغمض عينيه واستكان . لان ده حضن أب وصديق واخ كبير . آدم بالنسبه لمراد مش أب عادى . لأ ده امان عيلة العدوى . وقال . الحمدلله يابابا . انا قدها علشان انا ابنك وحته منك . وخرج من حضنه . ومراد طلع من جيبه علبه باللون الاسود . وقال اتفضل ياحج دى حاجه بسيطه
جدا . انا بصراحه كنت محتار اجيبلك ايه.انا عن نفسي اجيبلك الدنيا كلها واحطها بين ايديك . وفتحها ل آدم . وكانت عباره عن . سبحه . وقلم قيم ومكتوب عليه آدم . ودبوس بدله مكتوب عليه آدم . وميداليه ومكتوب عليها آدم . وكلهم باللون الاسود والفضى . وكانت هديه مميزه من مراد ل آدم.
آدم : ابتسم . وقلبه مبسوط جدا وسعيد . وعجبته الهديه جدا . واخدها وقاله الهديه جميله جدا . وكمان رجوعك لينا بالسلامه . دى بالدنيا وما فيها .
مراد : ابتسم . حبيبى ياحج . ربنا يخليك لينا يارب . المهم ياحج الواد عادل عامل ايه معاك . ماشي كويس ف الشغل . هو واد رجوله وابن حلال وجدع اوى .
آدم : هز راسه . امم عادل انسان محترم جدا . وبص لمراد .. وخطب بنت طلعت مدير الحسابات انت طبعا عارفه . وفرحهم بعد ٣ شهور ..
مراد : بدهشه . اله اله اله . انا جايبه يشتغل ولا يقلب رزقه . لاااا انا عايز افهم ايه الل لم الشامى ع المغربى .
آدم : ضحك ع ابنه .. واخد الهديه وحطها ع المكتب . اقعد هحكيلك كل حاجه . ده حصل حجات كتير جدا .
مراد : قعد بفضول . خير يابابا . وايه الل حصل .
آدم : حكى لمراد كل حاجه عن عادل وطلعت وراشوان . لكن محكاش ع حكاية شهد لان مراد وعادل أصدقاء . وحكاله كل حاجه لحد ما اتقبض عليهم مع الادله . وراشوان اعترف بكل حاجه هو وعلاء . وراشوان اتحبس واتسحب منه المحاماه . واتحكم عليه ب ٢٥ سنه . وعلاء اتحبس واتحكم عليه ب ١٥ سنه . يعنى مستقبلهم ضاع .
مراد : بدهشه . واستنتج أن راشوان يكون استخدم حد من عيلة طلعت علشان يشتغل معاه وينفذ كل كلامه .. ولكن انبهر من تفكير آدم . وبيتعلم من تخطيطه . واتغاظ من راشوان وعلاء . وفرح أن عادل خطب اخيرا . وكمان كان فخور ب آدم أنه قدم هديه ل عادل
. وبعد ما آدم خلص . كل ده حصل . ياريتنى كنت موجود . كنت علمت ع راشوان وخليته يندم . بس بصراحه ياحج الله اكبر عليك مشاء الله . والله ياريتك كنت مخابرات . كنت هتبقى حاجه عظمه جدا . ويسلاااام كنت هبقى تلميذك . اممم .
الباب خبط . آدم : ادخل .
رينو : فتحت الباب . وضحكت . ممكن ادخل . وعينيها ع مراد . وجريت عليه ابيه مرااااد .
آدم : ضحك ع رينو الل جريت واتشعلقت في رقبة مراد .
مراد : شاف رينو ووقف وضحك .وهي جريت عليه واتشعلقت ف رقبته .ومراد حضنها . حبيبتي نوتيلتى . ونوتيلت قلب مراد . ههههه ايه يارينو بتعيطى ليه هو كيف عندكو . ونزلها ومسحلها دموعها . وباسها من خدها . حبيبتي اهدى بقى يابت . يخربيت النكد .
رينو : بدموع . ابيه مراد انت وحشتنى اوى . انت كويس . فهد قالى انك الحمد لله كويس .
فهد : من وراها . يستى والله كويس .وانا هكدب ليييه . وبص ل آدم وابتسم وقرب منه وسلم وحضنو بعض . عمى آدم .
آدم : ابتسم . وقام .وحضنه بحب كبير . حبيب عمك حمدلله ع سلامتك يابطل .
فهد : الله يسلمك ياعمى . حضرتك عامل ايه !؟
آدم : بخير يافهد الحمدلله .
رينو : وقف ورا فهد وخبطت ع كتفه بشويش. ممكن تسبلى بابى شويه . اوعا كدا .
آدم : هههههههه . تعالى ياروحي . تعالى ف حضنى .
فهد : واقف بدهشه . ايه البت دى . ده انا لسه مكملتش يوم واحد .
آدم : واخد رينو كلها ف حضنه . وقال لفهد ولو قعدت معاها سنين . حضن ابوها هيفضل هو رقم واحد . وبصلها صح يانوتيلتى .
رينو : بطفوليه . هزت راسها صح يابابى . انت ع بعضك كدا رقم واحد ف حيات اى حد . وقالت بتحذير لكن البنات الل بره لأ اوكى يابابى . ولا تحب اجبلك نور .
نور : من وراهم . ولا ماجصرتى انا جيت ههههه . وبصت ل آدم بشرز. الل حاضن رينو وكشرت عينيها .. وقالت اصبر عليا بس . لما اسلم ع مراد .
آدم : بص ل رينو وهمس . اطلعى بقى من حضن ابوكي علشان اتقفشت . ويارب ترحمنى .
رينو : هههههههه . لسه بتخاف من نور يابابى .
آدم : بتمثيل الخوف . والله يابنتى ليا اسبابى وحكم القوى . هههههه.
نور : راحت بلهفه كبيره حضنت مراد توأمها . وعيطت ف حضنه . حمدالله ع سلامتك ياحبيبي
مراد : حضنها بحب كبير . وباس جبينها وايدها .الله يسلمك ياروحي . خلاص بقى انا مش عارف ايه كمية الدموع الل عند الستات دى . مش عايز نكد اوكي . اضحكي يانور الحياه . ههههههههه
نور : ضحكت . ولفت ل آدم وبصتله بشرز .
آدم : هرش ف قفاه . وفتح ايديه .ومثل بدهشه .. ايييه داااا نور قلبى . مدللة باباها انتى هنااا من امتى .تعالى ف حضن ابوكي يقلبى .
نور : غصب عنها ضحكت من طريقة آدم والكل ضحك ع خوف آدم من نور . ونور دخلت ف حضن ابوها . حبيبى يابابى . مش سايبلى فرصه اخد حقي منك .
آدم : ضمها لقلبه . حبيبتي دا انا غلبان والله . البت رينو هي الل اترمت ف حضنى . وغمز ل رينو الل واقفه تضحك . وفهد عيونه عليها .
مراد : ههههههههه . هههههههه . مسيطر ياحج .
محمد : من وراهم طول عمره مسيطر ياض يامراد
مراد : ضحك اهلااا يادكتره . وحضنو بعض وبيضحكو . حمدالله على السلامه يا بطل .
مراد : الله يسلمك يسطى .
محمد : هتفضل طول عمرك عشوائي .
مراد : حبيبي تسلم والله .
محمد : ههههه .. وبص لفهد . وسلم عليه وحضنه حمدلله ع سلامتك يابطل .
فهد : حبيبي يادكتور الله يسلمك .
محمد : راح ل آدم وشاف نور ف حضنه . مش كفايه كدا ولا ايه . عايزين نسلم .
نور : ههههههه . اوكي هسيبو شويه لكن محدش يطمع ف بابى حبيبى اكتر من كده .
زين : دخل عليهم . ايه ياجماعه انتو هتقضوها ف المكتب . وبص ل آدم . بابا . مريم منتظراكو ف الليفنج .
آدم : هز راسه . وبص للكل . يلا بينا ياشباب علشان ما خدش انزار . وآدم خرج وقعد جمب اميرته بسعاده كبيره .. ومحمد اخد نور وقعدها جمبه .
وفهد شبك ايدو ف ايد معشوقته .وقعدو جمب بعض .
ومراد : سلم ع ريتال والتوأم . وتيمو وتمارا وقعد جمب فريحه وشايل مريم نونو ع رجله .
تيمو : راح ل رينو وفهد وبصلهم بغيره . وسع يافهد عايز اقعد جمب رينو ..
فهد : ابتسم بدهشه. اييه ده انت نطقت اسمها صح .
تيمو : ايوه وقوم من جمبها . قوووم .وسع بقى . انا عايز اقعد جمب رينو حبيبتى .
الكل طبعا مبتسم ومنتظرين نهاية الحوار.
فهد : اممم طيب تعالى اقعد جمب رينو من الناحيه التانيه .
تيم : هز راسه لااااء . انا عايز اقعد هنا . وشاف أيديهم الل متشبكه ف بعض . واي دي انت ماسك ايدها سيب ايد رينو حبيبتي سييييب .وسع يافهد . كلهم بيضحكو .
فهد : ياعم انت عايز منى ايه . بص تعالى اقعد ع رجلى .
تيمو : لأ مش عايز رجلك . مش بحبها.
رينو : هههههههه .
فهد : بص ل رينو الل بتضحك . وبص لتيمو . طيب بص انا هاقوم بس الأول قول لارين العدوي وانا هاقوم اوكي .
تيم : بص للكل . هو بيقول ايه ده !؟. وكلهم ضحكوا من قلبهم .
محمد : تيمو حبيبي . قول لارين العدوي وفهد هيقوم .
تيم : بص لفهد . ومتغاظ . وحاول يقول اول اسمها (لااا )وسكت . وحاول مره تانيه . لكن الاسم تقيل عليه شويه . واتلخبط . (لااا) . اووف (رين عدوى) . اوووف قوم يافهد . وبص ل رينو . رينو خليه يقوم . والكل بيضحك من قلبه ع غيرة تيم .
. واتفاءلو انه هيكون زى آدم وفهد ..
. مريم : قالت ل آدم ربنا يستر تيم نسخه منك .
آدم : غمزلها هو انا بتكاثر كدا هههههه.
رينو : بصت لفهد ثوانى ياحبيبى . وفكت أيدها . وشالت تيمو ع رجليها . تيمو حبيبي انا وبس . وهيقعد جمبى هنا . وقعدته ف الاتجاه التانى .
تيم : بغيظ وبص لفهد قوم يافهد من جمب رينو .
فهد : امممم . اوكي . انا هاقوم بس هروح اقعد جمب مريم الكبيره .
تيم : لاااء مريم لااء انت وحش يافهد . وقعد مكشر .
رينو : فضلت تبوس ف تيم كتير .
تيم : بديق . اووف كفايه يارينو تيمو وشه وجعه .
والكل بيضحك .
رينو : اوكي مش هبوسك كتير بس لما تصالح فهد . وتقوله اسف . وعيب لما تيمو الجميل يقول لعمو فهد الكبير وحش . لا كدا غلط . ورينو ومريم ونور ومحمد والكل زعلانين من تيمو .
تيم : بص للكل وشاف وشهم زعلان منه . وبص لفهد . وقاله تيمو اسف يافهد .
فهد : ضحك . وتيمو حبيب فهد . وهجبله كوره كبيره .
فهد : سقف بايده . وقام وباس فهد انت حلو يافهد . وجري واخد مريم نونو من أيدها وشدها من حجر مراد . وهيلعبو قصادهم . والكل بيضحك ع شكل مراد وأن تيمو شد مريم نونو من ع رجله . وكان متغاظ من تيم . لانه اتخض . وكمان اخد بنته من حضنه .
آدم : ههههههههه . وبص ل مراد الأيام دول ياميمو . ههههه
الكل : هههههههههههه .
وقعدو كلهم وقت جميل جدا . والكل بيضحك ويهزر . وف نفس الوقت كل حبيب بيهتم بحبيبه . وخصوصاً عشق الفهد . الل مش راضى يسيب كف ايدها وعرف الكل انه مسافر بكره الصبح هو ورينو ع المانيا . والكل فرح ليهم . ومريم طلبت من زينب تجهز العشا. وبعد كدا الكل اتعشا . وسهرو كلهم مع بعض . وقدمو الحلو . وف اخر السهره محمد استأذن علشان عندهم عمليات من بدرى . واخدو تيمو معاهم بمعجزه . ومكنش عايز يسيب رينو . ومشيو . وفهد قام . وقدم السلسله لمريم وعجبت الكل . ومريم شكرته كتير وبردو نبهت ع فهد أنه ميجبش حاجه تانى وكفايه عليها رجعوهم بالسلامه . لكن فهد قالها خلى العادات الل اتعودنا عليها متتقطعش وباس جبينها وايدها. وراح لفريحه وقدم ليها ساعه ف منتهى الرقه وقزازة برفان تحفه . وباس جبينها. وفريحه حضنته بحب كبير . وشكرته . وفهد استاذن علشان يجهزو كل حاجه للسفر بكره . ورينو سلمت ع الكل وفهد اخد رينو ومشيو .
مراد : قام واستأذن علشان يطلع ينام .
آدم : قال ل مراد . خد مراتك وعيالك وع شقتك . وانا هحجزلك بكره ف فندق ف اسكندريه . ولو عايز تسافر بره احجزلك .
مراد : ضحك . يسلااام . وهو انا بحبك من شويه . عليا النعمه انت عسل ياحج ربنا يباركلى ف عمرك . وبص لفريحه الل فرحت جدا . ها يافريحتى !! تحبى اسكندريه ولا نسافر .
فريحه : بتضحك بسعاده . اى حاجه مش هتفرق . المهم انك معايه .
مراد : ابتسم . وبص ل آدم خلاص ياحج خليها اسكندريه .
آدم : تمام هظبط كل حاجه وع تليفونات .
مراد : تسلم ياحج . وقال ل فريحه تعالى نظبط حاجتنا فوق وغمزلها ونطلع ع شقتنا .وهمس علشان تشوفى الهديه .
فريحه : كانت مبتسمه لكن وشها بقى احمر واتكسفت واتحركت هي ومراد ع فوق يحهزو شنطة السفر .
مريم : قاعده وعينيها متعلقه ب آدم بحب كبير وهيام .
آدم : بيبص عليها. وشاف مريم بتبتسم وسرحانه فيه . وكلمها . ايه ياروحي الابتسامه القمر دى .
مريم : اتنهدت بسعاده . ومسكت ايديه . حبيبى ربنا يخليك لينا يارب . انا عارفه انك خليت مراد يسافر هو وفريحه ليه !! علشان فريحه متحسش بفرق . وان رينو مسافره وهي لأ .
آدم : باس أيدها وابتسم . حبيبتي فعلا انا عملت كدا لكن مش بالظبط . انا عارف أن فريحه بتحب مراد من أعماق قلبها . وعمرها ما هتغير ولا هتزعل .احنا مربناش بناتنا ع كدا !!
. هي مش هيفرق معاها المكان ولا الزمان المهم أن جوزها معاها . وانا عملت كدا . علشان ياخدو راحتهم ومراد راجع من مهمه وسفر وتعب . وراجع تعبان خليه يعيش حياته ويقضي وقت مع عيلته الصغيره ولوحدهم .وغمز وقالها انما ايه القمر ده انتى حلوه اوى انهاردة كدا ليه !؟.
مريم : اتكسفت لأن زين وريتال قاعدين . ووشها ضرب الوان ونزلت وشها ف الارض .
آدم : بيتكلم . ونسي تماما إن زين قاعد .
زين وريتال : بيتفرجو بهيام . وزين قال . احم احم . نحن هنا .
آدم : غمض عينيه بغيظ . وبص ل زين . نعم والبعيد جبله . مرزوع ليه .؟
زين : احم . ابدا ياحج . كنت عايز بس اقول لحضرتك . انا كمان عايز اسافر كام يوم كدا . اى مكان أن شاله بلطيم .
آدم : بشرز . اممم بلطيم بتصتاد ف الميا العكره انت . وابتسم لكن مش خساره فيك ياض يا زين .شوف انت عايز تسافر فين وانا معاك .
مراد : نازل من ع السلم وسمع الحوار .وقال خليه يسافر معايا ياحج . اهو يشيل العيال هو وريتال ههههههههه .
آدم : ضحك . وبص ل زين ها ! موافق تروح مرافق مع اخوك .
زين : ههههههه .ومالو ياحج . فكره حلوه . اهو ع الاقل ريتال وفريحه يهتمو بالولاد .
آدم : ماسك ايد مريم . وقام ومريم وقفت معاه . وقال .طيب تمام انا هجهز كل حاجه وهعرفكو . وتروحو وترجعو بالسلامه .
كلهم الله يسلمك يا حج . وآدم اخد مريم وقالها بهمس تعالى عايزك فوق ف حاجه مهمه . ومريم ضحكت بحب ع ادامها وتصرفاته .
مراد : اخد فريحه والولاد ومشيو ع شقتهم
ريتال طبعا مبسوطه جدا وحضنت زين ف الليفنج بعد ما الكل مشي . بحبك يازينى .
زين : انا الل بموت فيكي ياروتي .بقولك ايه
ريتال : بدلع . نعم يازينى .
زين : ماتيجي نطلع فوق ونشوف كدا لاتكونى ناسيه وسايبه البلكون مفتوح وكمان الستاير .
ريتال : بدلع اكبر . امم ايوه يازينو انا سايبه الستاير والبلكون . وقربت وباسته برقه .
زين : لأ كدا مش هينفع . العيال هتبرد . تعالى وشالها وطالع بيها ع السلم.
ريتال : اتكسفت. زينو ل بابا آدم يخرج ويشوفنا .
زين : وهو انا بعمل حاجه غلط ياروتى ودخل بيها الاوضه . ونزلها وقربها منه . وباسها بكل عشق واشتياق . بحبك اوى ياريتال .
ريتال : تاهت ف عشق الزين وانا بعشقك يازينو . وعاشو وقت رومانسي جميل .
واليوم ده كان مميز عند العيله كلها والكل نام ف حضن حبيبه مبسوط .
——————–بقلمى Mariem Nasar
بعد اسبوع .
طبعا مراد وفريحه . وزين وريتال سافرو اسكندريه تانى يوم الضهر . وعاشو اسبوع جميل جدا . مراد كان يسيب مريم وآدم مع زين . وياخد فريحه يفسحها ف اسكندريه كلها وياخدها ويروحو ع البحر وقت المطر . وعاشو العشق بكل حالاته .جنون . وحب ورومانسيه وهزار . وفريحه كانت حاسه انها طفله صغيره . وطايره من السعاده . وعشقها ل مراد عدى المدى . ومراد لما يكونو لوحدهم
.كان يشيلها وهما ع البحر ويلف بيها وفريحه بتفرد دراعتها ومراد شايلها . وتضحك من قلبها .
وزين : كان يسيب اريان وليليان مع مراد وفريحه . وعاشو وقت جميل جدا . وزين كان بيعزم ريتال ع العشا . ويتعشو ويتفسحو وريتال كانت طايره من الفرحه. وكان بيرجع هو وريتال ويطلعو غرفة الفندق سرقه من غير ما مراد يعرف ويقضي وقت جميل ورومانسي مع ريتال . وبعد كدا يلبس ويروح عند مراد وياخد اريان وليليان .
ومراد وزين اتفقو ان طول الاجازه هيعملو كدا .
.ان زين ياخد العيال ومراد يخرج . وتانى يوم زين يخرج ويسيب العيال مع مراد . وأوقات يخرجو كلهم مع بعض . ويتغدو بره . وريتال وفريحه كانو مبسوطين جدا .
زياد : عايش الاسبوع ده مع ماليكه ومهتم ب ياسين . ومبسوط جدا لان ياسين يشبه زياد بنسبه كبيره . لكن عيونه تشبه عيون ماليتكه وده . زاد من حسن ياسين .
وف يوم زياد ف الشغل . جاله اتصال من صاحبه ف المرور . وقاله انه عليه مخالفات . وزياد افتكر لما كسر الاشاره مرتين . وضحك وقال ل صاحبه بكره هكون ف المرور وادفع كل المخالفات الل عليا . وف نفس الوقت باب المكتب خبط ودخل طاهر صاحب زياد من الصغر . وزياد بفرحه قام من ع المكتب وراح ل طاهر وحضنو بعض فتره طويله . من غير كلام . وطاهر ابتسم وكان مبسوط من مستوى زياد الل اتحسن . وبعد سلام كتير بينهم . وزياد قاله انت رجعت من السعوديه امتى . انا سالت عليك وعرفت انك سافرت وخدت مراتك ومحمود ابنك ع السعوديه واشتغلت هناك مدرس .
طاهر : قاله ايوه انا بعد ما اشتغلت مدرس هنا واتجوزت وخلفت زى ما انت عارف جالتى سفريه وقبل السفر باسبوع . اتصلت عليك كتير وفونك مغلق. روحت للحاجه أم زياد وسالت عليك قالتلى سافر ومتعرفش انت مسافر فين . بصراحه انا زعلت منك . وقولت يام يازياد يصحبى مجتش ع بالك . لكن والدتك قالتلى انك سافرت تحت ضغط نفسي وكنت تعبان . وساعتها دعيتلك . وبعدها سافرت كل السنين دى . ورجعت من اسبوع . وقولت للحاجه أم طاهر زياد مسالش عليا . لقيتها بتدعيلك ليل ونهار . وكمل بخجل . انا متشكر يازياد ع الل انت عاملته مع ابويا وامى وانك مقصرتش معاهم لا ف مصاريف ولا علاج ولبس . مع ان الحال مستور والحمدلله .لكن انت راجل جدع يصحبى . وانا مش عارف ارد جميلك ازاى .
زياد : ابتسم . ترد جميلى ف انك تسمى ابنك الل جاى ع اسمى ههههه . كلام ايه ده ياطاهر . انت ناسي انت عملت معايه ايه . ولا وقفتك جمبى وجمب امى وناناه نهاد الله يرحمها . وبعدين انت مش صحبى .انت اخويا الكبير . ومفيش بينا الكلام ده ومتزعلنيش منك .
طاهر : ابتسم . حبيبى يا زيزو ربنا يباركلك .والف مبروك ع الشركه وكمان الف مليون مبروك يابو ياسين يتربى ف عزك ويكون ضهر وسند ليك إن شاء الله .
زياد : ابتسم بحب . اللهم امين يارب . اكيد عرفت من الحاجه ام طاهر .
طاهر : طبعا مش بقولك بتدعيلك ليل ونهار .
زياد : ربنا يستجيب إن شاء الله . المهم انا عرفت من الحاجه أن المدام حامل وع وشك . انت رجعت ازاى ولا ربنا كرمك ولا ايه !؟
طاهر : ههههه اه الحمد لله معايه دلوقتي محمود ف 6 ابتدائي وحنين شهر اهي من سن ياسين هههههه .
زياد : مشاء الله تبارك الرحمن . ربنا يخلي يارب . وقام وقف . يلا تعالى معايا .
طاهر : قام ع فين .
زياد : مش عايز تشوف ابن اخوك ولا ايه !؟ وبعدين انت ادبست وهتتغدى معايا النهردا .
طاهر : مابلاش خليها مره تانيه .
زياد : مش هقبل اى عذر . يلا بينا . هنتغدى . وهروح معاك علشان اشوف محمود وحنين .
طاهر : ابتسم . تمام يلا بينا . وزياد اخد طاهر واتصل ع ماليكه واداها خبر. وجهزت الغدا بكل حب وقالت لحسام وهدى . وماليكه لبست الاسدال . وزياد جه واتغدي مع طاهر وحسام وهدى وماليكه . والجو كان جميل . وطاهر شاف ياسين ووعده بهديه لان زياد اخدو فجاءه . وبعدها زياد راح مع طاهر . وشاف محمود وحنين وقعد شويه . وزياد قال لمحمود بكره هتكون عندك عجله . ومحمود فرح .
.وزياد قال لطاهر . طاهر انت كبرت . متسافرش تانى . ولو شغل المدرسه تعبك . مكتبك موجود عندى ف الشركه انا هستناك ترتب امورك وتجي تشرف شركتك .وطاهر شكر زياد . وزياد قالو بطل تشكرنى . احنا عشنا مع بعض وكنا بناكل ع عربية فول واحده . وانت لو مكانى دلوقتى كنت هتعمل كدا واكتر .
طبعا مريم عزيز . ف اواخر الشهر السادس . وحامل ف ولد . ويوسف قرر أنه هيسمي مصطفى . ع اسم جدو حبيبه . ومريم معترضتش لانها بتحب مصطفى عزيز جدا وبتحترمه لأنه كبير العيله . وشيرين فرحتها فرحتين . بإسم مصطفى . وقالت لو ربنا طول ف عمرى انا هربى مصطفى الصغير .
.ومصطفى عزيز كان مبسوط . وأشرف وهنا كانو مهتمين ب كريم . وكريم بيقول ل اشرف وهنا . بابا اشرف وماما هنا . ويوسف شايل مريم من ع الأرض شيل . وقالها سيبى الصيدليه الدكتوره لزميلتك الل شغاله فيها .لانك تعبانه . وبعد الولاده إن شاء الله لما تفوقى كدا تبقى ترجعى من تانى . ومريم وافقته رايئه . وكانت مبسوطه من اهتمام العيله بيها . وخصوصاً يوسف .
ساره ف الشهر الخامس . وشغاله ف الشركه مع جاسر . وبتجهز مع جاسر فرع جديد ليها .وهتعمل زى ما آدم شرحلها . وخلاص الفرع الجديد ع وشك انه يخلص وهتستلم شغلها الخاص قريب . وساره مبسوطه جدا . لأن مالك كل يوم يخرج من الشغل ويروحلها المكتب . ويقعد معاها ويقرب منها ويغازل فيها . وياخدها ويروحو ع البيت . وبعد الغدا ياخدها ع عشهم ويدخل جنتها ..
وملك طارت من الفرحه لما عرفت أن ساره حامل ف ولد . وجاسر كان مبسوط . اما مالك كان فرحان جدا . وخصوصاً لما ساره قالت لمالك أن بابا جاسر حلف اننا مش هنسمى جاسر . ف انا نفسي اسمى ابنك آسر . ايه رايك عجبك !؟ ومالك ابتسم . قرب منها وباسها من خدها . وقال آسر الصاوى . ابن ساره الصاوى . وقرب منها اكتر بحب . وهمس اي حاجه انتى تقوليها هتعجبنى وهوافق عليها . وباسها باشتياق . وساره تاهت ف حب مالك . وعاشوا بعد كدا الاسبوع ده ف سعاده.
محمد ونور : بيقضو وقتهم مع بعض ف المستشفى . والبيت . وبتاخد معاها تيم احيانا . لكن تمارا بتكون عند آدم . ونرمين حامل ف الشهر التانى ومبتصدق تشوف تيم علشان تتوحم عليه .
ومحمد مهتم بنورو . ونور مش شايفه حد غير محمد . وعايشين ف سعاده .
——————–بقلمى Mariem Nasar
اما بقى فهد ورينو . سافرو تانى يوم الصبح ع المانيا . والجو كان شتا . والمطر كان شديد . ودي احلا حاجه فهد حبها . علشان ميخرجش كتير ويفضل قاعد ف الفندق مع معشوقته الصغيره . وفهد حس انه ف شهر عسل جديد
.وعندو طقوس . ولازم رينو فطار وغدا وعشا تكون قاعده ف حضنه . وياأكلها بايدو . وبعد الاكل . يتغزل في جمالها كتير لحد ما ينهار من جواه . ويشوف ف عيون معشوقته دعوه صريحه منها . ويقرب منها بالبوسه المعهوده باشتياق كبير عن اليوم الل قبله . وبعدها بفتره كبيره . ياخدها ف كلها ف حضنه . ويفتح درج الكمود . ويطلع منه شوكليت . ويفتحها . وياأكلها ل رينو . ورينو كانت اسعد وحده ف العالم من عشق الفهد . الل قايم بدور الأب والاخ والصديق والزوج والحبيب . وشايفه إن فهد نسخه من آدم العدوى .
وبعدها بيومين بليل . رينو سمعت صوت المطر . وقامت وبصت من الشباك وقالت لفهد انها نفسها تنزل ف المطر . وفهد ابتسم وقالها البسي بسرعه . ورينو سقفت واتنططت زى الاطفال واتشعلقت ف رقبة فهد .
فهد : ههههه اممم هتلبسى ولا اخدك ف حضنى هااا .
رينو : خرجت من حضنه بسرعه وجريت من قدامه ولبست ف ثوانى . انا جاهزه .
فهد : شافها لابسه فستان اسود رقيق ونقاب باللون الاسود . وابتسم . وانا جاهز . يلا بينا . وسابو الفون ف الغرفه وخرجو . ورينو بتجري ف الشارع تحت المطر . وفهد سابها بحريتها لأن الوقت ليل والكل بيجرى ع بيته ومفيش حد . والمطر شديد . ورينو بتدوخ وتلف وفتحت أيديها تحت المطر وبتضحك . وفهد بيقرب منها وبيضحك . ع برائتها وجمالها بالنقاب . وشبهها بالفراشه النادره . وقرب منها اكتر ووقف قدامها . ورينو شافته بيقرب منها .ووقفت وبتضحك . فهد المطر حلو اوى اوى يافهد.
فهد : ابتسم بحب . المطر بقى حلو علشان نازل ع خدك يارينو .
رينو : ابتسمت بسعاده . وبصت ف عينيه انا بحب كلامك اوى يافهد .
فهد : مسك كف ايديها الاتنين . بايديه . رينو . انا بغير عليكى من المطر لما بينزل ع خدك . لكن انا مستعد اتقبل المطر مقابل اني اشوفك فراشه نادره كدا . انا بعشقك ياقلب فهد . عشقى ليكى تخطى كل حدود العشق .
رينو : بتغمض عينيها وتفتح من حبات المطر الا نازله . وقالت عارف يافهد . انا نفسي ف ايه !؟
فهد : بحب . نفسك ف ايه يا عشق الفهد.؟
رينو : نفسي احضنك ف المطر ده اوى . وكمان تشيلنى وتلف بيا . وانا ابص للسما واغمض عينيه والمطر ينزل علينا . لكن مينفعش علشان انا منتقبه .
فهد : مردش عليها . وبص حواليه . وملقاش حد . ومن غير مقدمات . شالها . وقال . لاري ماينفعش تتمنى وفهد ميحققش . ولف بيها . ورينو فرحت جدا . وبتضحك وفهد بيلف بيها وفتحت ايديها ورفعت راسها للسما . ومن فرط السعاده قالت بصوت عالى بحباااااك يافاااااهد . انا بحباااااك . بعشقااااااك . هههههه ونزلها . واخدها ف حضنه تحت المطر . انا الل بحبك وبعشقك وبدوب فيكى . وعاشو الاسبوع ده كله ف سعاده وعشق وغرام .
——————–بقلمى Mariem Nasar
ف الوقت الحالي .
الساعه ١ صباحا . وكانت الدنيا بتمطر ——-
بسم الله نبدأ
ف الوقت الحالي .
الساعه ١ صباحا . وكانت الدنيا بتمطر
فارس نايم ف امان الله . وواخد رودي ف حضنه .
رودي بتتحرك كتير وحست بمغص . وقامت بشويش علشان فارس ميصحاش . ودخلت الحمام . لكن المغص بيزيد . تؤ اوووف ايه المغص ده اااه . وخرجت من الحمام ومش قادره تمشي . وبتتالم بصوت بسيط . وحطت ايديها ع بطنها جرا ايه يابت يا چود . متنامى بقى انا عايزه انام . نامي يعسل ربنا يهديكى . ااااه بتخبطينى نامى يابنت الجز—؟ . ومش عارفه تقعد وفضلت تتحمل الألم علشان فارس ميصحاش . وقالت اكيد شوية مغص زي كل يوم وهيروحو لحالهم . وفضلت تتمشي ف الاوضه بشويش . وتكتم المغص جواها . وفضلت ع كدا ساعه ونص . والساعه دلوقتي ٢ ونص . وحست ان المغص راح . وابتسمت بتعب . حبيبت رودي انتى ياچود . نامي ياحبيبتي انا هموت وانام . وراحت عند السرير . ويدوبك قعدت ع طرف السرير . يااااااالههههووووى . اااااااااه .
فارس : رجليه قامت قبل راسه . واتخض خضت عمرو كله .وقعد بسرعه وقال بسم الله . بسم الله . وبيلف حواليه . مين .مين .وشاف رودي واقفه وبتتالم . رودي . رودي . واتحرك بسرعه وجرى عليها حبيبتي مالك .
رودي : ااااااه لأ لأ لأ . احنا متفقناش ع كدا . انا عايزه اناااااااااام اااااه .
فارس : حبيبتي مالك بتصرخي ليه . ومتفقناش ع ايه . انا مش فاهم حاجه .
رودي : بتاخد نفسها بسرعه . اووووف يااااه . ف ام الليله دي مش هنام يعنى ولا ايييييه . ااااااااه الحقنى يافااااارس . يالههههههوى .
رنا : خبطت ع الباب بسرعه لانها وطارق صحيو ع صوت صريخها .
فارس ؛ متوتر . وراح يفتح الباب . لكن كانت رودي لابسه طقم . وقال ثوانى ياماما . ولبس رودي الاسدال .
رودي : بتعب انت بتعمل ايييييه . دخل امك خليها تشوفلى حل . الله يخربيت الجوااااااز اااااااااه . يابنت الجز—–!.
رنا : دخلت بسرعه . ايه يارودي ياحبيبتى . وشافت رودي بدءت تعرق وبتنهج . وقالت انتى بتولدى يارودى .
فارس : بتوتر . ايييه بتولد . وراح بسرعه عند رودي حبيبتى متقلقيش انا .. انا هاقوم البس ف ثوانى . واختفى من قدامها وهيلبس بسرعه وكان خايف .
رودي : بصوت عاااالى . انت لسسسسسه هتلبس . استحماااا بالمره . ااااااه . الحقينى يارنا . والله كدا ماينفع . دى بهدله اااااه احنا متفقناش ع كدا . وبصت ع بطنها وقالت لچود . انا كنت بأاكلك واشربك واحشرك اكل علشان تخرجي باحترام . واكون كاسره عينك ومتوجعنيش اعااااااه . البنت دى مش بنتى . دي بتضرب . اعاااااه .
رنا : كانت متوتره وعيونها مدمعه. لكن لما سمعت رودي والكلام الل قالته مع ريأكشانتها كانت عايزه تضحك .احم اهدى يارودي . انا هلبس واجيلك جري .
رودي : بصتلها ااااااه روحي البسي . وخدى راحتك . ااااااه ياااااارب .
طارق : دخل جري . رودي مالك يابنتى .
رودي : بدموع . بنت ابنك مش متربيه ياطارق . البت بتضرب اعااااااااا هو انا كنت باكل علشانها ليه . لما ف الاخر هتضرب . اااااااه .
طارق : متوتر . رنا هي بتولد .
رنا : ايوه ياحبيبى . وبصت ل رودي . اهدى ياحبيبتى . ده أمر طبيعي . البنت عايزه تخرج للنور . وإن شاء الله ف المستشفى ربنا هيسرلك الحال . وخرجت تلبس بسرعه .
فارس : جه بسرعه ومرعوب وخايف عليها . وراح جنبها وماسك ايدها بلهفه وخوف . حبيبتي تعالى هشيلك وننزل . قومي . قومي معايه ياحبيبتى .
طارق : بتوتر . انا هاروح البس بسرعه . وانزل اشغل العربيه ..
رودي : بدموع ااااااااه عايزه بابا يفارس .
فارس : شاف دموعها . حبيبتي عمى دلوقتي نايم . هنتصرف بعدين . تعالى بس وجاب بالطو حريمي شتوى . البسي يارودي علشان الجو بيمطر وساقعه . ولبسها .وشالها ونزل وراح بيها ع العربيه .
رودي : اممممم يالههوى . مش ده الل اتفقنا علييييييه .
طارق : فتح لفارس باب العربيه . اركب انت يفارس وخد رودي ع المستشفى . وانا هجيب ورنا وهحصلك . وسوق ع مهلك علشان المطر والدنيا ليل . بت يارودي متخافيش كل حاجه هتبقى تمام .
رودي : هزت راسها . تمااام . تماااااااام . ااااااه ياااااارب . وانا الل كنت عامله فيها شجيع السيما . اااااااه .
فارس : ساق العربيه وماشي بسرعه لكن بحكمه علشان الجو . وماسك ايد رودي بخوف . حبيبتي وحيات فارس اهدى . رودي انا مش قادر اتحمل وجعك ده .
رودي : اااااه بطل تمثيييل خد ياخويا الوجع . وسوق وانت ساااكت . اااااه . البت دى مش بنتى . لأ لأ لأ لأ .
فارس : بصلها بدهشه . ايييه !!!؟ مش بنتك !؟؟ . طيب ياحبيبتى انتى اهدى . ااااااه . ضوافرك يارودي ااااه . يابت براحه اااه .
رودي : غرزت ضوافرها بكل قوتها ف ايد فارس . اسكوووووت . وسوق ياخويا بسرعه ما انت مش حاسس بحاجه . تعمل عملتك السودا واحنا نشيل الطين . وعيطت اعااااااا انت لو بتحبنى كنت حملت انت اعااااا .
فارس : تنح . وغمض عينيه وبيفتح وبيحاول يستوعب الل سمعه احمل انا . ااااه ضوافرك يارودي .
واتكلم بخوف حقيقى . حبيبتي انا خلاص قربت ع المستشفى . ٥ دقايق بالضبط . ووصلوا المستشفى . وشالها وداخل بيها . ونيمها على السرير . وشاف وشها احمر وغطاها وايديها كانت ساقعه . مسك ايديها وبيدلك فيها علشان تدفى .
رودي : ااااااه انت بتعمل ايييييه . ماتشوفلى دكتور اى حد يطلع البت دى انا عايزه انااااام . اااااه . ياااارب . انا كان مالى ومال الجوااااااز . اعااااا .
فارس : قام . حاضر حاضر . وخرج يشوف دكتوره . وقالتله شويه وهحصلك . وراح ل رودي وكانت رنا وطارق وصلو ودخلو .
رودي : ااااااه يابابا . والله مش قادره . انا عايزه بنج ادوووووولى بنننننج . ولدوووووني قيصاااااااارررريييي . وصوتها جايب لآخر المستشفى
طارق : قرب عليها . حبيبتي اهدى يابنتى . فارس قال ان الدكتوره شويه وجايه . ورنا بتعيط . وطارق اخدها وطلع بره . ومحبوش يتصلو ع حد من العيله لان الفجر قرب يأذن .
محمد : نبطشيه ..خبط ودخل . صباح الخير ياجماعه . ايه يارودي . وقرب منها .
رودي : بدموع . ابوس ايدك يادكتور محمد . ولدوووني انا عايزه انااام . البت بتضرب بافترا . عايزه بنننج ولدونى قيصررررى .ااااه .
فارس : عيونه دمعت . وراح وقف جمب منها . ومسك ايدها . حبيبتي انا سالت ع دكتورة بنج . وقالو هنشوف مين نبطشيه وهنبعتها .
محمد : قاس الضغط وكان عالى . رودي انتى اتعشيتى ايه !؟
رودي : بتتالم . ااااه . وده هيفيد بااايييه .
محمد : اتعشيتى ايه يارودي ياحبيبتى قولى ياماما .
فارس : بص ل محمد . اكلت بيتزا و٢كريب و٢شاورما . وبرتقال وتفاح وعصير مانجه .و.. اااااااه . اييييدى انتى بتعضي ااااه .
رودي : مش قادره تتحمل الوجع. وفارس عمال يعد ف الاكل . وعضته من ايدو اااااااه . وردى قالت انا الل جبته لنفسسسي اااااااه .
فارس : اااااه . ااااه . ايدى يارودي اييييدى .
محمد : كاتم الضحكه ومش قادر . لكن ركب الكانيولا وحطلها حقنه تنزل الضغط .
الدكتوره : جت تشوف رودي . وقالتلها قدامك ساعه وتولدى بالسلامه .
رودي : انا عايزه بنج ادوووووولى بنننننج .
الدكتوره : حاضر . هبعت لدكتور محمود . دكتور التخدير . ثوانى وهيكون عندك .
فارس : ماسك ايدو الل ازرقت . وبص للدكتوره . دكتور !؟ ومحمود كمان !؟ ليه مفيش دكتورة تخدير دكتوره ست !؟
الدكتوره : للأسف يافندم . دكتورة التخدير . ضغطها وطي فجاءه واغمي عليها . ولسه شويه لما تفوق .
فارس : بديق . خلاص لما تفوق تبقى تيجى تديلها الحقنه . مفيش دكتور راجل هيدخل هنا .
الدكتوره : تمام وراحت تتابع رودي .
رودي : ااااااه . وداااه وقته يفااااارس حرام عليك . انا بموووووت .
فارس : قرب منها . وباس ايديها .حبيبتى اهدى غصب عني صدقينى . مفيش راجل غريب هيدخل يكشف عليكى أو يديلك البنج .
رودي : اناااااا بكرهااااااك حبكت الغيره دلوقتي . ياااادى السواد الل انتى فيه يارررووووودي . اااااه خليك غيراااان . غير عليا برحتك . وانا اطرشق من جنابى . ااااااه افرح بالغيره يافااااارس .يااالههههههووووووي.
وبدءت خلاص تنهج بسرعه . وعرقت . وفارس خاف عليها ورفع راسها بسرعه وضمها . ومدايق لوجعها . ومسح دموعها ووشها .
رودي : بتنهج .. فارس .
فارس : ايوه يارودي . ايوه ياحبيبتي .
رودي : هات ايدك ابوسها .
فارس : بعدم فهم . هااا!؟
رودي : اااااااه قووووولت هااااات ايدك ابوسهااااا . اااااه ياااارب . ومسكت ايد فارس وعضته .
فارس : ااااااااااااه . اااااااه يابنت العضاضه اااااه . وشد ايدو من بوقها . ااااه وبينفخ ف ايدو .
الدكتوره : خلاص قربنا اهو يامدام رودي .
رودي : غمضت عينيها جامد . ودموعها نازله بغزاره . وكتمت الصرخه جواها . ووشها بقى احمر اوى .
فارس : شافها كدا . وقلبه بيدق بخوف . وقرب منها وضمها بحب . وباس جبينها . حبيبتى الدكتوره بتقول خلاص اهو . احضنينى يارودي . انا جمبك ياحبيبتي ومعاكى.
رودي : عيطت . وكلبشت ف فارس بكل قوتها وصرخت صرخه عاليه جدا . وچود خرجت للنور . ورودي اول ماسمعت صوت بنتها غمضت عينيها . ورجعت راسها لورا .
فارس : قلق عليها . ورجع راسها ع السرير . رودي . حبيبتي انتى كويسه . رودي .
الدكتوره : جت عليهم وشافت رودي . وقالت متقلقش حضرتك هي تعبانه من المجهود بس ثوانى وهتتحسن .
رودي : فتحت عينيها . وبصت وشافت فارس جمبها . فا…فارس
فارس : ابتسم . حبيبتي حمدلله ع سلامتك ياقلب فارس .
الممرضه جت . اتفضل بنوته زى القمر مشاء الله .
فارس : قلبه بيدق بسعاده . وشال چود بين ايديه . بسم الله ماشاء الله . وضمها لقلبه وعيونه لمعت بدموع بصي يارودي . چود بنتك وقربها منها .
رودي : افتكرت مامتها . وعيونها لمعت بدموع . وقلبها دق واحساسيس مختلفه . عيونها ع چود وسرحانه ف مامتها وانها كانت نفسها تبقى موجوده جمبها ف الوقت ده . او حتى اخواتها . ودموعها نازله بكسره . ومشالتش چود .
فارس : شاف رودي سرحانه ومخنوقه . واخد چود . وطلعها ل طارق ورنا الل جريو عليه بلهفه وخوف . وطارق شال چود بين ايديه بسم الله. رودي عامله ايه يافارس .
فارس : الحمد لله يابابا .
رنا : بتضحك بدموع . وطلعت بطانية اطفال . بسم الله ماشاء الله . امسك يطارق غطيها كويس علشان الساقعه . يختى اللهم بارك قموره اوى . وبصت لفارس رودي دلوقتي كويسه ياحبيبى . وهتخرج امتى انا عايزه اطمن عليها .
فارس : ١٠ دقايق وهتخرج ياست الكل .
طارق : باس جبين چود . أنت أذنت لچودي .
فارس : ابتسم لأ . دى مهمتك انت بقى ياحج بعد اذنكو هشوف رودي . واتحرك بسرعه بقلق ودخل وراح قعد ع طرف السرير وخد رودي كلها ف حضنه . ورودي ماصدقت وعيطت كان نفسي ماما تكون موجوده معايا يفارس . كان نفسي تشيل بنتى اول واحده . هي وعدتنى انها هتكون موجوده وهتشيل حفيدها اول واحده بس سابتنى . واخواتى محدش منهم جمبى . انا ماليش حد يافارس ماليش حد .
فارس : ضمها بحب وحنان .وزعلان علشانها . وبيمسد ع شعرها. حبيبتي ربنا يرحمها . وربنا ليه حكمه ف كل حاجه بتحصل . وبعدين اخواتك مسافرين واستقرو هناك ومتجوزين . وبيكلموكي كل فتره . انا عارف أنه صعب عليكى . لكن انتى عمرك ماكنتى لوحدك . باباكى موجود جمبك ويوميا بيتصل عليكي . وطلعها من حضنه ومسح دموعها ومسك وشها بايديه . وابتسم . الفارس راح فين ها؟
مش انا فارس حبيبك عمرى اتاخرت عليكى .عمرى خلفت وعدى معاكى . رودي اوعي تكونى مفكره انى مش حاسس بيكي . هزارك المستمر وضحكك مع الكل . انا عارف انك بتدارى وجع جواكي . حبيبتي انسي كل الظروف وانسي كل حاجه تزعلك من جواكي . وبعدين رنا بتعتبرك زى فريحه بالظبط . واتعودت ع وجودك وهزراك معاها . طيب تعرفي انها هتتجنن وتطمن عليكى . وكمان بتعيط علشانك . ولا طارق حبيب قلبك يختى قلقان ومتوتر . واخد منى چود . وقال عليها چودي . زى ما انتى كنتى عايزه . وكمان ياروحي لو كان وقت ولادتك بالنهار كنتى لقيتى العيله كلها موجوده جمبك . وهيزعلو لانى نبهت ع خالو محمد انه ميعرفش حد لأنهم نايمين دلوقتي . وباباكى بقى ربنا يستر لما يعرف هيزعل منى اوى لكن الجو شتا والدنيا بتمطر . وچود السيوفى جت وجابت معاها الخير . وابتسم رودي انتى مفتاح السعاده لفارس ولعيلة السيوفى . وضمها لحضنه .
رودي : بتسمع فارس . وبتعيط بشهقات بسيطه . وهديت من كلام فارس الل ريح قلبها
ودخلت ف حضنه ورفعت أيديها وحضنته بكل حب . وغمضت عينيها وفضلت ف حضن فارس شويه .
فارس : طلعها من حضنه وقرب منها وباسها برقه وحب . بحبك يارودي المجنونه ..
رودي : بحبك اوى يافارس . ومسكت ايديه .
فارس : اااه حاسبى يارودي .
رودي : بصت ع ايديه وشهقت يالهوى . مين الكلب الل عضك كدا .
فارس : ههههه . قصدك كلبوبه . ههههه والله انتى رهيبه ونسيتنى الوجع . ههههه . انتى الل اكلتى ايدي كدا .
رودي : ضغطت على شفايفها بحرج . احم ما..ا..انا . ا.نا اكيد يعنى مكنتش اقصد . ما انت عارف بقى برج الغباء .
فارس : حبيبتي ولا يهمك . انا هطلع كل ده عليكى بس بعدين . والممرضه جت . ورودي خرجت ف الاوضه . وطارق ورنا اهتمو بيها وكمان اهتمو ب چود . ومحمد بارك ل فارس ورودي . وسابهم يرتاحو .وردي شالت چود وجواها إحساس مختلف . وشعور مختلف . وشافت فرحة فارس وانه كل شويه عايز يشيل چود . وقال ل رودي انه هياخد اجازه كام يوم علشان يقعد معاها . وفارس شاف هدوء رودي لاول مره وبنتها بين ايديها واتفائل خير أن رودي هتعقل اخيرا . لكن بردو هو بيعشق جنونها
وتاني يوم الكل عرف . والكل راح ع المستشفى . وردي فرحت جدااا . لأن آدم ومريم . ومحمد ونور وكمان فرحت اكتر لأن مصطفى عزيز وشيرين جم علشانها . ويوسف ومريم عزيز . وأشرف وهنا . وجاسر وملك وزياد وماليكه . ومالك وساره . وحسام وهدى . والكل كان بيعاتب طارق ورنا أنهم متصلوش عليهم علشان يكونو موجودين معاهم .وطارق شرحلهم الموقف . وكمان الجو كان بيمطر وساقعه جدا . ورودي كانت فعلا مبسوطه .وباباها شال چود بين ايديه . وقال أنا ليا احفاد بره مصر . لكن دى اول حفيده اشيلها بين ايديه . وباس جبينها . وقدملها ظرف هديه . ورودي لما فتحته اتصدمت لانه كان وصل بمبلغ كبير جدا باسم رودي ف البنك . وشكرت باباها كتير . وطارق اتفق انه يعمل عقيقه الاسبوع الل جاى . لكن فارس . قال ل طارق . تسمحلى يابابا . انا هأجل العقيقه لما فهد يرجع بعد إذن الجميع طبعا . والكل ابتسم بحب . ووافقو رائيه .. وفهد عرف واتصل فيديو ع فارس واعتذرله كتير لانه كان نفسه يبقى جمب توأمه ف الموقف ده. وكلمو كل العيله فيديو . ورينو كلمت رودي وشافت چود ورينو فرحت جدا . وبتفكر انها بداية سنه خامسه تبطل الوسيله . وتجيب لفهد حته شبه.
ومراد وفريحه وزين وريتال اتصلوا وباركو لفارس ورودي . وفريحه كانت فرحانه جدا لاخوها وتوأمها .. واليوم كان جميل جدا . ورودي خرجت من المستشفى . وجواها شعور انها بقت أم . والغريزه الل جواها هتجبرها انها تعقل وتوزن الأمور . لكن هتفضل مجنونه مع الفارس وچود الل تشبه رودي وفارس وكمان بشرتها بلون خمرى مميز وزاد من حسنها .
——————–بقلمى Mariem Nasar
بعد اسبوع كمان .
معتز : قاعد ف النادي . وحاسس بخنقه وبقى كتوم ومبهزرش زي الاول ولارين وحشاه جدا . وجه ابن خالته من وراه وهما صحاب جدااااا.
وليد : ايه ياشبح . وقعد اخبارك ايه ؟
معتز : هز راسه بيأس . الحمد لله . انت عامل ايه ياوليد باشا !؟
وليد : طلع سيجار . وبيبص ع البنات . تمام اوى . انما بقى انت عايزنى ف ايه . خالتك مصحيانى بدرى وبتقولى معتز مستنيك ف النادي عايزك ضروري . خير نويت تفرحنا بقى . وتتقدم للدكتوره حبيبت القلب الل مطيره النوم من عينيك ولا ايه . ههههه ..
معتز : اتنهد بوجع . ومعلقش .بدرى !؟ الساعه 5 وتقول بدرى . المهم ما علينا .انا طلبتك علشان خالتى كلمتنى وبشرتنى انك اترفد من شغلك . علشان المسخره بتاعتك وشربك وسهراتك. وخالتى انهارت من العياط . وانت ولا ع بالك لأ وراجعلها الصبح وسكران كالعاده. واتحايلت عليان علشان اكلمك وتفوق وترجع عن الل انت فيه ده.
وليد : بينفخ الدخان لفوق . ايوه اترفدت . وراجع الصبح وسكران . وبصله وهو ده جديد ع خالتك انى ارجع البيت الصبح . المهم سيبك من كل ده . تعالى معايا هاخدك ع مكان يفردلك وشك المكرمش ده . هههههه
معتز : بدهشه . من برود وليد .. انت مش هتفوق بقى لنفسك . وانا عايز اعرف . ازاى واحد ف سنك ده وظابط مخابرات من سنين ومترقاش لرتبة مقدم حتى !؟ لا وكمان يترفد . اترفدت وانت 35 سنه ودمرت مستقبلك . تقدر تقولى هتقول ايه لاهل خطيبتك . وهتقول ايه لخطيبتك حب عمرك ها !؟. وكمان هتعمل ايه ف مستقبلك الل اتدمر ده !؟
وليد : بقولك ايه يامعتز . فكك مني ع الصبح . انا كدا . وطول عمرى كدا . وكنت ماشي ف شغلى تمام بس جم عيلين سيس مالهمش لازمه وكلو الجو عند مدير الجهاز واترقو برتبة رائد . وانا اترفد بسببهم .
معتز :متعلقش فشلك ع حد تانى ياوليد . انا وانت متربيبن مع بعض مع فرق السن . لكن عارفين كل حاجه عن بعض . لكن انت بقيت تخبى عليا حجات كتير . وخصوصاً العلاقات الجديده بتاعتك . وانا مفهمش كتير ف شغل المخابرات . لكن بتهائيلى مفيش وسايط أو حاجه اسمها واكل الجو عند مدير الجهاز . ده شغل . وشغل مهم بيحقق آمن وسلامة البلد . انت مترفدش بسبب حد . انت اترفد من اسلوبك مع اصحابك ف الشغل . وكمان علاقاتك الزفت الل ماشي فيها .تقدر تقولى ازاى بتحب خطيبتك وتبص لغيرها . هاا!؟ ومن كام سنه اتصاحبت ع ظابط وقولتلى أن ف ظباط فجروه بره مصر . وبعد كدا اكتشفنا انه خاين من الجرايد والتلفزيون مع الادله . ولانه كان صاحبك . انت اخدت انذار وتبعد عن عيلته .
وليد : اتنرفز . سامي مش خاين فاهم . سامي كان هيترقى ويبقى رائد وسافر مع نفس العيال دى . ولما حطو قنبله ف اوضته وقتلوه لفقوله تهمة الخيانه . علشان يطلعو منها . ومن 5 شهور كنت هطلع مهمه ف سينا لكن شافو أن الل اصغر مني ده مناسب اكتر منى . العيال دى مش سهله . وايه يعنى بشرب وبسكر كل واحد حر ف حياته . وبقولك ايه يامعتز قفل بقى ع الكلام ده . انا سبت الشغل خلاص . وقام بزهق . من مكانه . انا رايح لصحابى هتيجى معايه ولا امشي انا .
معتز : هز راسه بتعب . لا اتفضل انت .
——————–بقلمى Mariem Nasar
مراد رجع من اسكندريه . من يومين . واتصل ع فهد .
فهد : قاعد ع الكنبه جمب التراس تحت ضوء النجوم . ورينو قاعده ف حضنو وبيهزرو مع بعض . وفون فهد رن . وبص ل رينو اخوكي مراد . ثوانى يقلبى . وجت تقوم شدها لحضنه . شش خليكى هنا . ورد
فهد : الو ياصقر ههههه .
مراد : الوو ايوه ياواد ياحوت ههههه .
فهد : عامل ايه يامراد .
مراد : الحمدلله يسطى . ايه يبنى انت مصدقت هربت بره مصر ولا ايه . مش ناوى ترجع بقى !؟
فهد : كلها اسبوع إن شاء الله . وراجعين علشان دراسة رينو .
مراد : تمام . وترجعو بالسلامه .
فهد : الله يسلمك ياصقر . قولى مفيش جديد .
مراد : عيب عليك ده انا بتاع الجديد كله هههههههه . انا لسه راجع من الجهاز . وقولت ادخل ياض ياصقر سلم ع المدير . وقالى إن الرائد وليد الشامي . عارفه ؟
فهد : بتريقه . إلا عارفه .دي مصر كلها عارفاه . ربنا يهديه . ماله بقى عمل ايه تانى !؟
مراد : بزعل اترفد من وسلم السلاح من يومين .
فهد : بدهشه . وبردو زعل . ايييه !؟ اترفد الواد ده قضى ع مستقبله . ادي اخرتها .بس ده الل كان متوقع ع فكره . كان بيستغل مركزه . ده غير الحجات الل انا وانت عارفينها عليه . وسترنا عليه اكتر من مره . وقولنا يمكن هيتعدل . لكن قولى هو عمل ايه المرادى !؟
مراد : وليد راح للمدير . وكان شارب ومتنيل .واتكلم مع المدير وبيقولو أنه منحاز لمراد وفهد . وان الادراه رقت فهد وهو لسه رائد وزعق . وكمان مدايق أن الملازم نادر المنياوى . هيطلع مهمه خفيفه كدا . وحصل شد كتير ووليد انت عارف لسانه مترين بقى وخبط ف الكلام وبقت مشكله. واترفد .
فهد : بدهشه . هو الواد ده مجنون . طيب مايعمل زينا . مايسافر ويركز ف شغله . والملازم نادر المنياوى اثبت نفسه ف وقت قصير .وكمان وليد مبيعرفش ينقي صحابه رايح يصاحبلى سامي الظابط الخاين إياه الل كان معانا من سنتين .
انت فاكر وليد لما طلع مأمورية . المخدرات وو…وسكت علشان رينو ماينفعش تسمع الكلام ده احم ماعلينا ربنا يهديه ويفوق ويتعلم.
مراد : هههههههه. يبقى رينو جمبك . واه ياعم فاكر . لما شاف بنت رجل الأعمال الل بيتاجر في المخدرات ودخلت دماغه . ههههههه وقبل ما يقبض عليه اخد البنت الفندق والمهمه باظت ههههه . يارب ياخويا يهديه . المهم . هات البت رينو اكلمها علشان عندي ليها خبر حلو. وكلم رينو واطمن عليها . وقالها أن آدم جابلها نتيجة الترم الاول وناجحه . ورينو فرحت جدا وحضنت فهد وهي بتتكلم . ومراد نزل بالفون وبيضحك عليها . ومريم وآدم والعيله كلمو رينو وفهد . وباركو ل رينو . وآدم قال ل رينو أن مرااد هو الل صمم انه يقولك انك نجحتى . وآدم ومريم واتمنولهم السعاده . وقفلو .
رينو : قاعده ف حضن فهد وفرحانه اوى . وبصت وقالت . فهد حبيبى .
فهد : بسعاده لفرحتها . نعم ياقلب حبيبك .
رينو : انا مش مصدقه حجم السعاده الل انا فيها . هههههه حضنته بجد انا مبسوطه اووووى . وكمان فرحت للبت رودي . الحمدلله
فهد : بيلاعب ف خصلات شعرها . وابتسم . رينو انا واثق من نجاحك ياقلبى . وانا مبسوط جدا انى شايفك مبسوطه . وكمان يحبيتبي ليكى هديه جميله عندى اول مانوصل مصر .
رينو. : بلهفه . قول مفاجأة ايه . قووول بليز .بليز ومتقولش بعدين . علشان خاطري يافهودى ..
فهد : امممم فهودي . طيب هقولك بس بشرط اوكي .
رينو : امممم اوكي موافقه قول بقى .
فهد : طبعا من جواه المفاجآه انه هيوصلها يوميا الجامعه . وبعد الجامعه يخرجو مع لكن . قالها الشرط يقلب الفهد انك تغنيلى ودلوقتي حالا.
رينو. : بدهشه . هااا .
فهد : قرب منها وباسها باشتياق . وبعدها حط راسه على جبينها . صوتك وحشنى اوي بارينو غني للفهد .
رينو : وشها بقى احمر . وغمضت عينيها . واخدت نفس عميق . احم .
فهد : شبك كف ايدها ف ايدو . وبص ف عينيها . ورينو فتحت عينيها واتعلقت عيونهم ببعض ورينو قلبها دق بالعشق . وبدءت تغنى . تحت ضوء النجوم والقمر .وتاهت ف عشق الفهد وقالت …
الليل و سماه ونجومه وقمره .
قمره وسهره — وانت وانا — يحبيبي انا يحياتي انا — كلنا كلنا في الحب سوا — والهوا !!. اه منه الهوا — الهوا – اه منه الهوا –اه منه الهوا -ااه منه الهوا !!
سهران الهوا — يسقينا الهنا –ويقول بالهنا.
يحبيبي !؟؟ يالا نعيش ف عيون الليل — يالا نعيش ف عيون الليل — ونقول !!!للشمس تعالي تعالي بعد سنه — مش قبل سنه تعالي تعالي بعد سنه — مش قبل سنه .
ف ليلة حب حلوه . بألف ليله وليله —
الف ليله وليله — الف ليله وليله بكل العمر .
هوا العمر أي غير ليله زي الليله زي الليله اللييلهه زي الللييللهه
ازاي !؟ ازاي !؟ ازاي !؟ اوصفلك يحبيبي ازاي !؟
قبل ماحبگ كنت ازاي يحبيبي !؟
ازاي !؟ ازاي !؟ ازاي !؟ اوصفلك يحبيبي ازاي !؟
قبل ماحبگ كنت ازاي يحبيبي !؟
كنت ولا امبارح فكراه …ولا عندي بكره استناه.
ولا حتي يومي عيشاه ياحبيبي .
كنت ولا امبارح فكراه ولا عندي بكره استناه ولا حتي يومي عيشاه ياحبيبي
خدتني ف الحب بغمضه عين — ورتني حلاوة الايام فين – حلاوه الايام فين
خدتني ف الحب بغمضه عين ورتني حلاوه الايام فين حلاوة الايام فيين —-
ونقووول بعد مرور سنه ——-
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الفهد)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
