رواية عشق الفهد الفصل الثلاثون 30 بقلم مريم نصار

رواية عشق الفهد البارت الثلاثون

رواية عشق الفهد الجزء الثلاثون

رواية عشق الفهد الحلقة الثلاثون

فيلا العدوي .
آدم : قاعد ع السفره بيتغدى مع العيله . مريم جمب آدم .ومراد وفريحه وزين وريتال . ومحمد ونور .
آدم : مش كانو فهد ورينو جم يتغدو معانا .
مريم : انا اتصلت ع رينو من بدرى. وقالت فهد عازمها ع الغدا بره .
بعد الغدا . الكل متجمع ف الليفنج .
زين : ماتيجو ياشباب نقعد ف الجنينه ونشرب الشاى كلنا مع بعض.
نور : والله فكره جميله . ايه رايك ياحبيبى .
محمد : ومالو يقلبى . انا تحت امر نورى .
نور : ابتسمت ربنا يخليك ليا .
محمد : همس ف ودنها. انا عندي ليكى مفاجأه . بس هاقولهالك بعدين .
نور : بفضول . مفاجأة ايه ! قول بليزززز قوووول .
محمد : ههههه هقولك بعدين ف بيتنا علشان عايز اشوف رد فعلك اوكي ياروحي.
نور : كشرت عينيها . ربنا يصبرنى لحد ما نروح.
محمد : ههههه . يلا تعالى نطلع الجنينه.
زين : يلا بينا ياشباب .

مراد : قام وفريحه . وقال يلا ياحج انت ومريومه .
آدم : طيب اسبقونا انتو واحنا جايين وراكم .
والكل خرج وقعدو ف الجنينه ومنتظرين الشاى .
———————-بقلمى Mariem Nasar
آدم : جوه . ايه يامريم عامله ايه دلوقتى؟
مريم : الحمد لله ياحبيبى انا بخير .
آدم : يعنى حاسه انك احسن من الاول . ف تغيير ؟
مريم : ايوه طبعا . الحمدلله . وبعدين انت جمبى ومقصرتش ف حاجه ربنا مايحرمنيش منك ياحبيبى .
آدم : ولا منك ياروحي . مريم انا عايز اقولك ان لازم ولادنا يعرفو انك عملتى عمليه .
مريم : بصتله . لا يا آدم لا لو عيالك عرفو هيضايقكو وكمان هيزعلو . وانا مش عايزه انكد عليهم . العمليه اتعملت والحمدلله انا بخير .
آدم : حبيبتي افهمينى . ماينفعش عيالك ميعرفوش . لازم يكون عندهم علم . ولنفترض حصل حاجه فيما بعد وعرفو. ولادك ساعتها هيكون رد فعلهم ايه !؟ وبعدين هيقلقو من ايه ؟ خلاص الحمدلله الخطر عدى . وبما انك الحمدلله كويسه هما مش هيخافو بدرجة الخوف لو لسه انتى معملتيش العمليه .
مريم : بحيره . مش عارفه يا آدم .

آدم : سيبى كل حاجه ع الله ومتقليقش من حاجه .
مريم : بحيره . ونعم بالله . طيب . طيب بلاش تقولهم دلوقتي . علشان خاطري . انا ماصدقت الضحكه رجعت لينا من تانى .
آدم : ابتسم . حاضر يقلبى .. تحبى نقوم نروح للعيال دي . ولا نقعد انا وانتى لوحدنا ؟
مريم : اي مكان تحبه المهم اكون معاك .
آدم : ابتسم . خلاص خلينا هنا. وحاوطها من كتفها وضمها لقلبه . حبيبتي ربنا يخليكي ليا .
مريم : ابتسمت بحب .ويخليك لقلبى .
كلهم قاعدين في الجنينه .
زينب : طلعت الشاى ف الجنينه .اتفضلو الشاى
نور : تسلم ايدك يازوزو .
زينب : بألف هنا ع قلبك يادكتوره .واتحركت .
ريتال : قدمت الشاي للكل . وقعدت جمب زين . تعرفوا انا نفسي ف ايه ؟
كلهم . هممم . ايه ؟
ريتال : نفسي كلنا كدا . نسافر اسكندريه . زى زمان . ونجمع كل العيله . ونقعد ع البحر . هيبقى وقت يجنن بجد .
فريحه : والله فكره حلوه اوي . ايه رايك يامراد .
مراد : والله انا معنديش مانع . وخصوصاً . إن ذياد ومالك ويوسف والشباب . بحب قاعدتهم .
محمد : بلاش اسكندريه دلوقتي .. خليها قدام شويه !!
زين : انا من رأيك يادكتور . لأن ف مناقصه خلال الشهر ده . وشاغله كل تفكيري . وبص ل ريتال . لكن اوعدك ياحبيبتى . إن شاء الله ف اقرب وقت احققلك رغبتك .
ريتال : ابتسمت بحب . حبيبى ربنا يوفقك يارب.

وبعد ماشربو . الشاى .
مراد : بص في الساعه . اله الحاج آدم ومريم نسيونا ولا ايه ؟
زينب : جت عليهم . ست الدكتوره فريحه . آدم الصغير صحي .
فريحه : هزت راسها . انا جايه اشوفه . مريم والولاد فين ؟
زينب : كلهم بيلعبو ف اوضة اللعب .
مراد : ماتيجو ندخل بقى . الساعه 6 ونص وشكل كدا آدم ومريوم مش هيطلعو .
كلهم : قامو . ودخلو جوه . وقعدو معاهم .
———————-بقلمى Mariem Nasar
.وبعد شويه ..سمعو تيم .بيقول رينوو جت رينو جت . وجري عليها .
رينو : ههههه حبيبى تيمو قلبى انا . وباسته ومسكت ايدو وداخله معاه .
فهد : من بره قال . يا اهل الدار انا جاي . الل مغطى راسه يكشفها . ههههه .
الكل ضحك .. ونور لبست النقاب .
مراد : هالُم يا ابن أبى ربيعه فلتدخل الدار بسلام . ههههه .
الكل ضحك .
فهد : دخل والفرحه ع وشه . السلام عليكم جميعا .
كلهم وعليكم السلام .

رينو : بسعاده . بااابى وحشتنى اوى وسلمت عليه .
آدم : حبيبت ابوكي . وسلم عليها .
رينو : ضحكت بسعاده ماااامي . مااامى حبيبتى وحشتينى اوى اوى . وسلمت عليها .
مريم : ضحكت بسعاده لما شافت بنتها مبسوطه وسلمت عليها .نور عينى انتى كمان وحشانى ياقلبى .
ورينو سلمت ع نور والكل بسعاده كبيره .
فهد : سلم ع الكل . وقعد . وشاور ل رينو تقعد جمبو .
رينو : قعدت جنبه وتيم قعد جمبها .
تيم :رينو كنتى فين يارينو انا هنا من زمان .
رينو : ههههه حبيبى ياتيمو انا اسفه جدا . انا وفهد كنتا بنتغدى بره .
تيم : بص ل فهد بغيظ . والكل ضحك من نظرة تيم ل فهد .
فهد : بدهشه من نظرة تيم . وبص ل محمد . هو ايه الحوار . الواد ده بيبحبنى اوى كدا ليه؟
محمد : ههههههه يعنى انت واخد منه أمه التانيه عايزه يكرهك مثلا . ده تيم بيحبك اوى اوى هههههه . والكل ضحك .
فهد : ايه ياتيمو باشا . ده حبيبك حتى .
تيم : كشر عينيه . انا بحب رينو بس . انت بتمشي وتاخدها معاك بعيد . يقصد اسبوع العمره .
رينو : حضنت تيم حبيبى انا ياناس . تيم أنا عندى ليك مفاجاه جميله اوى . وبصت للكل .وابتسمت بسعاده وقالت . احنا بعد الغدا روحنا للدكتوره نسرين العياده .
مريم : ابتسمت . انا قولت كدا بردو . من الفرحه الل ع وشك .
نور : بلهفه . ها رينو . قولى بسرعه قالتلك ولد ولا بنت .
رينو : اتكسفت . وبصت لفهد الل مبسوط علشانها .
فريحه : اخلللللصى قولى .

ريتال : قولى بقى .
رينو : حاضر حاضر .ومسكت ايد فهد .وغمضت عينيها . واخدت نفس عميق . اللهم بارك توأم ولد وبنت ..
الكل . ابتسم بفرحه ماشاء الله .
مريم : قلبها دق بفرحه اللهم بارك . مشاء الله . ربنا يتم حملك على خير يابنتى وتفرحي بذريتك انتى وفهد يارب .
آدم : ابتسم بحب . مبروك يارينو . مبروك يا فهد .
فهد : الله يبارك فيك يا عمي .
نور : مبررروك يارينو ياحبيبتى الف مبروك بجد انا مبسوطه اوى .
رينو : الله يبارك فيكي ياقلبى .
مراد : مبروك ياض يا فهد . وغمزله .
فهد : هز راسه بيأس وكشر عينيه ..الله يبارك فيك يمعلم .
زين : ابتسم مبروك يارينو مبروك يا فهد .
وريتال . وفريحه . والكل بارك وفرح للخبر ده .
تيم : قاعد وحاطط صوباعه ع دقنه . وبص ل رينو . بطنك فيها اتنين يارينو . اتنين ؟
رينو : ههههه . ايوه ياتيمو . ولد وبنت . اخواتك ياروحي.
تيم : بتفكير . ولد وبنت طيب اسم ايه . ؟

رينو : امم انا لسه مش عارفه . وبصت ل فهد حبيبى احنا متفقناش هنسمي ايه ؟
مراد : بخبث . ودي عايزه كلام . فهوده . هيسمى سفيان وجيسيكا . ههههههه .
فهد : صك ع اسنانه بغيظ مكبت . ومردش.
آدم : ضحك من قبله . علشان مراد قاله ع كل حاجه حصلت في المهمه . وضحك ع مراوغة مراد لفهد .
رينو : بعد فهم .هو سفيان معقول . لكن جيسيكا . ايه الاسم ده ؟
فهد : كح . سيبك من مراد . انتى عارفه انه ديما بيحب يهزر .
مراد : بخبث . وانا هاهزر ليه يانجم . وماله اسم سفيان . وكمان جيسيكا تحس ان اسم ليه شخصيه كدا .
فهد : ضغط ع ايده . وابتسم بغيظ ل مراد . احنا ف مصر يامورااااد .
مراد : اوبس ياخبر . سورى يافهد . هو اسم جيسيكا ده مينفعش غير ف (ايطا )قصدى غير بره مصر.
آدم : بيضحك من قلبه بصمت ع شكل فهد .
رينو : بعدم فهم . جيسيكا ؟ انا شايفه انه اسم مش مناسب خالص ولا ايه يافهد ؟
فهد : عينيه ع مراد بتحذير . وقال . معاكي حق . وبصلها وابتسم . إن شاء الله . الولد هسميه آركان .
كلهم . واو اسم جميل اوى .
رينو : اممم آركان اسم جميل جدا . طيب والبنوته . عايزه اسم رقيق ليها .
فهد : ابتسم مافيش آرق من اسمك ياحبيبتي. وانا هسميها . آرين . آرين فهد السيوفي .
———————-بقلمى Mariem Nasar
رعد : شاف عربيه فخمه جدا بتركن قدام الفيلا بعد وصول فهد ع طول. ونزلت منها بنت ولبسها لا تعليق عليه . لابسه شورت وتوب كات . وراحت عند رعد . وقالت هاي .
رعد : بصلها وتنح يخربيتك . انتى مين !!!؟
البنت : انا اسمي هيلينا ..

رعد : بص ع لبسها . واتاكد من طريقة كلامها عربى مكسر انها مش مصريه ..وهز راسه . افندم حضرتك عايزه مين ؟
هيلينا : بليز انا عايز أقابل سفيان
رعد : بعدم فهم . سفيان!!؟ سفيان مين؟ وبص
ع الحرس لقاهم عينيهم هتطلع عليها . وقالهم بغيظ . جرا ايه ياكابتن انت هو . كل واحد يبص قدامه ويركز ف شغله .. وانتى يا انسه ولا يامدام انتى مفيش حد هنا اسمه سفيان . العنوان غلط ..
هيلينا : شاورت لسواق العربيه بتاعتها ونزل .افندم .
هيلينا : انت متاكد أن ده اء الئنوان .
السواق : بص ف الورقه . ايوه يافندم . فيلا آدم العدوي .
هيلينا : اوكي روه انت ع شركة داد وانا اتصل ع داد انت تبجيلى .
السواق : هز راسه تحت امرك واتحرك وركب العربيه ومشي.
هيلينا : بصت ل رعد . اسمع انت . انا عايز أقابل سفيان مهم اوى .
رعد : يا انسه صدقينى مفيش حد موجود هنا بالاسم ده
هيلينا : انا عارف كدا . هو ليه اسم تانى بس صأب عليا اقوله . انا نسيته .
رعد : طيب اتفضلى حضرتك من هنا . ولما تفتكريه تبقى ترجعى . اتفضلى .
هيلينا : بتفكير . ثانيه واحد . وخرجت فونها من جيب الشورط . وفتحت الفون .

رعد : واقف يتأمل ف لون عينيها وعجبه جدا.وشعرها. ورفض الفكره . لأن جسمها كله ظاهر للخلق . وواقف مدايق .
هيلينا : فتحت الفون وجابت صوره وقربت من رعد . بص كدا انت الصوره دي ..
رعد : شم ريحة برفانها . الله يخربيتك . ورجع خطوه لورا . وبص ع الصوره . وبيشبه عليها . مين ده ؟ وشاف واحد مربي شعرو ودقنه .وقال جواه.ده شبه فهد باشا لما رجع من مهمه قبل كده ..
هيلينا : بص الصوره دي صورة سفيان ف ايطالى . وانا عندى برنامج شيلت دقن وشعر سفيان وبقي بالشكل ده . وجابت صوره تانيه
رعد : بدهشه . ده فعلا فهد باشا . بس هي بتقول سفيان ؟ انا اتخلبطت .
هيلينا : اسمع انت . ده اسمه سفيان . وداد قالى اسمه لكن اسمه ده صأب عليا اقوله . انا نسيته خالص .
رعد : فهد باشا السيوفى ؟
هيلينا : واو . يس ايوه . فخد . اسمه فخد سيوفي ..
رعد : فخد؟؟ . الحرس ضحكو ..ورعد بصلهم.
رعد : اسمه فهد فهد .
هيلينا : بتقلدو . فخد فخد . انا عارف .

رعد : فخد !! وماله فخد فخد .وعايزه تقابليه بالشكل ده . دى الحريم جوه اول ماتشوفك كدا ولا وانتى بتقولى فخد دي الدكتوره هتعمل منك فخده كندوز ..
هيلينا : بعدم فهم . انت بتقول ايه . انا موش فاخم حاجه . انت اسمك ايه ؟
رعد : اسمي رعد .
هيلينا : واو رأد . اسم جميل اوى .
رعد : نعم يختى رأد . اسمى رعد رعععد.
هيلينا : رأد . رأأأد . انا عايز أقابل سفيان.
رعد : بص عليها . طيب دى أدخلها ازاى . اووف . ولف شاف الحرس لسه عينهم عليها .
رعد : اتغاظ . وبصلها . وقلع الجاكيت . وحطه ع كتافها .وبصوت جهورى اتفضلى قدامى . وانتي معندكيش اي هدوم خالص . جايه بهدوم كيجيهات ليه؟ اتفضلى .
هيلينا : بدهشه لما لبسها الجاكيت . واو رأد انت جميل اوى . انت خمش .
رعد : ماشي جمبها . خمش؟ ايه خمش دى كمان .
هيلينا : خمش خمش يعنى . لبست جاكيت بتاعك . وانت غاضب من هيلينا .
رعد : اااه حمش . وبص ع رجليها . والله منا عارف إدارى فيكى ايه ولا ايه .. طيب اقفي استنى هنا بقى لما ادي خبر لفهد باشا .وسابها وداخل الفيلا ..
———————-بقلمى Mariem Nasar
زينب بتقدم العصير ل فهد ورينو .
رينو : ميرسي يا زوزو . وبتشرب .
فهد : اخد الكوبايه شكرا يا زينب.

زينب : بالهنا والشفا . واتحركت .
فهد : والكل بيضحكو ع مراد بيحكو ع مواقف زمان ف الحربيه مع فهد .
رعد : . خبط ع الباب . آدم باشا .
مريم : لبست النقاب .
آدم : تعالى يارعد .
رعد : دخل : احم انا اسف ياباشا . وبص ل فهد . ولسه هيتكلم .
فهد : ف نفس اللحظه . رفع الكوبايه وبيشرب العصير .
هيلينا : ماستنتش ودخلت ورا رعد ع طول. وشافت فهد وابتسمت بسعاده . ودخلت جري قدام الكل .. هااااي سفيان …
فهد : لسه بيشرب . ولما سمع صوتها كح وبخ العصير من بوقه ع الأرض وبص بصدمه وعينيه مفتوحه ع الاخر . انتى !!!!
طبعا كلهم ف الوقت ده . الشباب تنحت بزهول . والبنات عينيها مفتوحه ع الاخر .
نور : شافت لبسها ورجليها واتكسفت وهي ومحمد بصو لبعض ومزهولين.
ريتال : فتحت بوقها . وحطت ايديها ع عيون زين علشان مايبصش عليها اكتر من كده .
فريحه : شهقت بصوت مسموع . وعينيها ع هيلينا من فوق لتحت بزهول وبوقها مفتوح.
آدم ومريم اتصدمو واتعدلو . مريم أحرجت من لبس هيلينا . وآدم مستغرب مين دي؟
أما . مراد عينيه مش عارف يقفلها من الدهشه . هو ميعرفش شكل هيلينا . لكن لما قالت سفيان توقع انها تكون هي . وبص ليها وبص ع فهد . الل وشه جاب الوان ..

أما : رينو عينيها مفتوحه ع الاخر . ولما فهد كح وشرق وقال انتى ؟ حست بنار طالعه من ودانها وشاطت اكتررر . لان هيلينا واقفه قصاد فهد وصكت ع أسنانها بغيظ . وشافت لبسها وبصت ع فهد . شافته متنح وعينيه رايحه يمين وشمال .
رعد : مالحقش يتكلم . وشاف شكل الكل مصدوم . وانسحب بهدوء . وقال البت حلوه اوي . بس شكلها هتولع الدنيا .
هيلينا : بنفس الابتسامه . بصت للكل وشاورت بايدها . هااي . انا هيلينا . صديقة سفيان .
مراد : حط ايدو ع وشه . اله . سلم ع الشهدا الل هناك . الله يرحمك يا فهد . وبص ع فهد الل متنح ..ومش قادر يقف ع رجله..لكن السؤال الل حير مراد هيلينا وصلت هنا ازاى؟
آدم : عرف مين هيلينا . وبص ع فهد . وشاف رينو الل قامت وقفت والشرار طالع من عينيها وقال (يانلحقه يامنلحقهوش!!)
مريم : قالت ع لبس البنت .استغفر الله العظيم اي ده . انا مش فاهمه حاجه .ومين سفيان ده .ومين البنت دي؟
. والكل بقى مش فاهم حاجه مين دي ؟ومين سفيان ؟
.مفيش غير آدم ومراد . والفهد .
فهد : بلع ريقه بصعوبه . وبص ع رينو الل واقفه وحاسس انها هتقتله. وبص ع هيلينا . وبعدها بص ل مراد وشاف نظرة شماته وهز راسه لأ. مش وقته !!
رينو : بغيظ . بصت لفهد . مين دي يافهد انت تعرفها !!؟
فهد : كح . وقال بتوتر .. ها لأ . اه . لأ بصي هوا ..
مراد : بخبث .ماتركز ياسيادة المقدم .
رينو : صكت ع أسنانها . ميييين دي يافهد .؟
فهد : بص ل مراد بغيظ . وبص ل رينو . احم . دي . هواا . ممكن تقعدى واناا ومكملش ..
.رينو : خلاص النار والغيره اتملكت منها . ونسيت وجود العيله .. انتى مين انتى ؟ وازاى تدخلى كدا ؟ ومين سفيان ده ؟
فهد : بلع ريقه بصعوبه . وحاول يقف ع رجله بس مقدرش .
هيلينا : بنفس الابتسامه . انا اسمي هيلينا .. هيلينا ال سلمانى. وانا جيت هنا مصر علشان أقابل سفيان . الى هو فخد سيوفي .

مراد : ضحك من قبله بصوت عالى . والكل انتبه . بت يافريحه اخوكي طلع اسمه فخد يابت هههههههه .
آدم : غصب عنه ضحك بصمت .
رينو : اتصدمت . نعم فهد !!!؟ وبصت ع فهد . وصكت ع أسنانها بغيظ مكبت . وانتى تعرفى فهد منين .!!!؟
فهد : غمض عينيه .وحط وشه بين ايديه وقال . كملت . راحت عليك . يافهد .
هيلينا : بتحكي بفخر . وقعدت جمب فهد . الل قام بسرعه كأنه اتكهرب . وبص ل رينو .والله العظيم معرفها !!! قصدى . ولسه هيتكلم .
رينو : بغضب . سابته واتحركت وحطت أيدها ع بطنها الل اتشدت من التوتر. وبصت لهيلينا . انا سألتك تعرفى فهد منين؟
هيلينا : انا اعرفه كويس اتقابلنا ف ايطالى . وانقذنى . سفيان انقذ هيلينا . سفيان صديقى المفضل ..
رينو : بتتنفس بغيظ .. وعينيها مفتوحه بصدمه وبصت ل فهد .والغيره هتقتلها.
فهد : بتوتر . احم . ري…رينو انا ..انا هشرحلك . هوا ..ف سؤ تفاهم . ف حاجه غلط..
رينو : حاجه غلط ؟ ومسكت بطنها وغمضت عينيها من التوتر .
فهد : قلق عليها . رينو . رينو أهدي .ومسك أيدها .والله انا ماعرفها . هي كانت ف ايطاليا وانا انقذتها فعلا . وكل واحد راح من طريق .
رينو : شدت أيدها بنرفزه. وعيونها لمعت بدموع . وجايالك من ايطاليا لمصر ؟. وكمان عارفه العنوان كويس !!!؟ هه لا واضح انك متعرفهاش !!!
فهد : بلع ريقه بتوتر . حبيبتي . والله انا معرف جت ازاى !! ولا اعرفها اصلا .

رينو : بصت ل هيلينا بغيره ولبسها المكشوف. وقالت بصوت غضبان وكله غيره . اطلعي برا حالا.
مراد : كان هايشمت ف فهد . لكن شاف أنه مش وقته علشان أخته الحامل . وكمان صورة فهد قدام العيله . وقام وراح عند رينو . ممكن تهدى بقى . وعيب مهما كانت دي ضيفه . اقعدى وانا هشرحلك كل حاجه !!
رينو : رفضت تقعد . تشرح ايه يا ابيه؟ . انت مش شايف شكلها . مش شايف لبسها . وجايه بكل بجاحه تسأل ع جوزي . وبصت لفهد وكملت بتريقه لأ وكمان جايه من ايطاليا علشان تشوف صديقها المفضل . وبصت لفهد بغيظ وغيره . وبتتنفس بصعوبه. وسابتهم وهتتحرك .
آدم : بصوت جهوري .. رييينو !!!
مريم : اتخضت . وخافت ع رينو ..والكل سكت ..
رينو : وقفت مكانها . وبدموع نعم يا بابى .
آدم : طيب مدام محترمتيش جوزك واخوكي الكبير .. ع الاقل احترمينى انا ولا ايه !؟
رينو : بصدمه كبيره . وصعبت عليها نفسها . ودموعها نزلت بصمت . رجعت وقعدت ع كرسي بعيد شويه . وباصه للأرض . وجواها حجات كتير جدا متلخبطه . غيره ع غل ع غيظ ع زعل من فهد . وزعلت إن آدم شايفها محترمتش حد .
.ونور قامت بسرعه وقعدت جمب اختها تهديها .
هيلينا : شافت آدم . وأعجبت بشخصيته .والكام شعره بيضه الل زادت من وسامته .. واو جينتل مان اوى ..
فهد : زعل علشان مراته . وانفعل . وبص ل هيلينا بغضب . وزعق انتى ايه الل جابك هنا؟
انا غلطان انى فكرت انقذتك . انتى ديما بتظهرى ف أوقات غلط . وكمان انتى السبب في أن مهمتنا اتكشفت .
مراد : شاف هيلينا اتكسفت وأحرجت وهتعيط شد فهد . بس بقى . ممكن تهدى شويه انت كمان متبقاش غبى واعقل ..
فهد : زعق غبى ازاى يامراد . دى جايه تخرب بيتى . وتقولى اعقل . بانهي منطق . وكمان بتقول انى صديقها . صديقها منين انا . البنت دى تنسى انى ساعدتها. ومتخلنيش اندم انى ساعدتها في يوم من الايام .وتطلع بره حالا.
هيلينا : عيونها اتملت بدموع . واتكسفت . وقامت . انا اسف كتير سفيان . انا مش عارف انا سبب مشاكل . انا ماشي من هينا وراجع ايطالى . وجت تتحرك .
فهد : من جواه يلا ف داهيه . لكن اتصدم ..

آدم : استنى عندك .
هيلينا : وقفت . ولفت .
آدم : نده ع زينب .
زينب : سامعه الحوار كله . لكن من جوه . وجت تجري .. نعم يسى آدم بيه . وشهقت بصدمه لما شافت هيلينا بالشكل ده . ياحوستى الهى تتشكى.. ده شورط اريان اكبر من شورطك .يخيبك وليه .
آدم : زعق . خلصتى برطمه !!!؟ هاتى اى حاجه . للبنت دى تلبسها . بسرعه اتحركي .
زينب : خافت حا… حاضر . حاضر . وجريت طلعت ع السلم .
آدم : عينيه ع رينو . وزعلان علشانها . لكن لازم يحل الموقف . وبص ل هيلينا . البنت هتجبلك لبس تلبسيه وانتى قاعده معانا . لأن ماينفعش تقعدى معانا وانتى بالشكل ده ياريت تتفهمى عادتنا وتقاليدنا . تمام.
هيلينا : هزت راسها أوكي .
———————-بقلمى Mariem Nasar
مراد : اهدى بقى واقعد يافهد . عارف ياض كان نفسي احفل عليك . كانت هتبقى حفله جامده. بس حظك بقى أن آدم موجود . واختى حامل .
فهد : صاكك ع اسنانه بغيظ مكبت . ومردش .
زينب : نزلت بسرعه . اهو يسيى آدم بيه . انا جبت للخواجايه اسدال .
آدم : بصلها بتريقه . اتحركي يازينب وساعديها تستر نفسها . ولا انا الل هساعدها؟
زينب : كحت . حاضر حاضر . وراحت عند هيلينا . وبصت على رجلها وكتافها من فوق لتحت . يخيبك وليه . وايه لزمته الربع متر ده . وده جاكيت مين ده كمان . وشالت الجاكيت وشهقت . ولبستها الجاكيت تانى بسرعه . يخربيتك. تعالى ياخواجايه . تعالى الاوضه دي البسي فيها.
هيلينا : بعدم فهم. انتى بتقولى ايه انا مش فاهم .

زينب : ولا عمرك هتفهمى . تعالى معايا . ومسكتها من أيدها وخدتها الاوضه تلبسها الاسدال .
فهد : راح عند رينو . رينو اسمعينى .انا معرفش البنت دي ..
رينو : بدموع .لفت راسها الناحيه التانيه . ومتكلمتش علشان آدم . ورفضت تسمع فهد ..
زين : قاعد جمب محمد شكلها هتولع يادكتور ..
محمد : لا متخافش . بما ان آدم اتدخل يبقى هتهدا . بس هي شكلها ولعت مع فهد ورينو .
زين : بصراحه البت دى جايه وناويه ع الخراب . دى جايه من غير هدوم . الله يخربيتها . ضيعت العمره ..
محمد : ضحك بصمت . اسكت متضحكنيش علشان فهد شايط ..
ريتال : بتوتر .فريحه البنت دي حلوه اوي .وزين شكله مبسوط ..
فريحه : حلوه بس . دى تهبل . هي جايه تاخد مننا رجالتنا ولا ايه . البت دى شكلها عايزه تتدفن حيه . انا عايزه أكلها بسنانى .
مريم : خافت تتكلم . لأن آدم شكله جد جدااا
فهد : واقف مدايق وع اخرو.
مراد : ماتهدا ياعم الحاج بقى . احنا لازم نفهم جت هنا ازاى ؟ وايه حكاية البت دى؟
فهد : الحكايه واضحه . دى جايه تخرب بيتى .
زينب : خدى ياخواجايه .امسكي البسي ده ..
هيلينا : مسكت الاسدال بعدم فهم . ايه ده.؟
زينب : ده إسدال يختى . بيتسر الناس . هاتى انا هلبسهولك . انتى جايه ع البيت زى القضا المستعجل . عايزه ايه من سي مقدم الرائد فهد بيه ها ؟ الراجل يقلب امه مش لاحق يشم نفسه . من مهمه لمهمه . واضرب بالرصاص ودخل غيبوبه . وراح العمره .وراجع انهاردة مبسوط يقلب امه وهو والدكتوره ولسه هيشم نفسه ويتبسط داخله زي الخراب المستعجل. وليا سهونه جايه من بلاد بره تخربي البيوت العمرانه . البسي البسي .لبسك عفريت ب٨ رجول ..
هيلينا : مش فاهمه كلام زينب . بس لبست الاسدال كنوع من التجربه .

زينب : عوجت بوقها . ما انتى حلوه فى الاسدال اهو . لازم تعرضي لحمك للناس. بصي يختى ف المرايه !!
هيلينا : مش فاهمه . لكن بصت فى المرايه . وعجبها الاستايل .
زينب : تعالى الف ليكى الطرحه . وجت تلفها لكن هيلينا رفضت بتصميم .. وخرجت مع زينب لابسه الاسدال فقط .
الكل شافها . وكانت جميله ف الاسدال .
آدم : شاور ليها . اتفضلى اقعدى .
هيلينا : بصت ع فهد . وشافت كرهه وغيظ في عينيه ليها وزعلت . وقعدت .
آدم : اولا عايز اقولك متزعليش من فهد أو سفيان . لكن الاسلوب غلط من البدايه .
هيلينا : بزعل . انا اسف كتير .
مراد : بعد اذنك يا حج . وقعد قدام هيلينا . وفريحه شهقت وهتتشل من الغيره ..
مراد : اسمعي يا هيلينا . دلوقتي سفيان . انقذك ف ايطاليا . وانتى كنتى بتهربي من شباب كانو عايزين منك دليل مهم . وكانو هيقتلوكي . وسفيان انقذك منهم . وبعد كدا متقابلتوش تانى صح ؟
هيلينا : ايوه سفيان انقذ هيلينا . وانا اديته رقم الهاتف وانتظرت مكالمته لكن سفيان لم يتصل .
مراد : حلو اوى . وبعدها انتى ظهرتى واتسببتى ف كارثه لسفيان. الل انا عايز اعرفه منك . انتى عرفتى مكان سفيان هنا ازاى ؟ وجيتى مصر ليه ممكن تحكي وتقوليلنا ؟
هيلينا : هزت راسها . اوكي . انا هاقولك كول خاجه !!
فهد : مسح وشه بايديه . وقعد بزهق . وعينيه ع رينو الل عينيها ع هيلينا وبقت حمرا من الغل الغيره .
هيلينا : انا اقولك انا جيت هنا ازاى ——

بسم الله نبدأ
هيلينا : انا اقولك انا جيت هنا ازاى . وانا ف ايطالى . بعد سفيان انقذنى . مشيت بسرعه علشان صديقتى مايا . وانا حكيت ليها كول خاجه وسفيان انقذنى وحكيت ل داد وكان مبسوط وقال انتى لو كنتى جبتى رقم الهاتف كنت شكرته بنفسي وجبتله شوغل فى مصر فى أحد شركاته . وبعد فتره كيبيره . انا كونت اتمشى انا ومايا قرب الفندق الل سفيان انقذنى عندو . ورأيت سفيان . وكان دقنه كيبير شويه وشعرو لكن موش اوى . قولت مايا سفيان . سفيان الشاب المصري إلى انقذنى هناك . تعالى نروه نسلم عليه واطلب منه يقابل داد ويساعده فى مصر . وعبرنا الطريق . لكن كان سفيان ركب دراجه ناريه . ومشي . وانا زعلت كيتير . وبعد فتره كيبيره . كنت ف اليخت بتاعي اقيم عليه خفل زفاف . وكنت أقيم بالتصوير . والقدر جعلنى اري سفيان من خلال كاميرا التصوير رأيته وانا اصور . وتركت الكام وبصيت على اليخت كان جمب اليخت بتاعي . ودققت النظر وعرفت انه سفيان . وقولت له سفيان سفيان انا هيلينا . وكنت أريده لاعرفه على داد . وبعدها سمعت طلقات الرصاص تأتى من هذا اليخت . وانا أمرت الجارد انهم يساعدو سفيان . وقتلو بعض من الاشرار . وبعدها ذهبت . وارسلت الجارد خاصتى لمراقبة سفيان ع اليخت . ولكن أحدهم قال لي أن سفيان أصيب بطلق ناري . والجارد لم يستطع التقرب لانهم يقتلون كل ما يقترب من اليخت . وحملو سفيان إلى طائره خاصه . ورحلو .. وانا بكيت كثيرا لانى شعرت بالذنب . وحكيت ل داد كول دا . وداد اول مره يزعق وقال هيلينا انتى اذيتى سفيان لانه كدا شكله كان في مهمه واضح أن سفيان خد مهم اوى ف مصر . وانا بكيت كتير وقولت ل داد أنه يعرف مكان سفيان علشان اطمن عليه واعتذر منه كيتير . وداد وافق وقال إنه يعرف اصدقاء وناس مهمين جدا ف مصر . وأتيت بصورة سفيان من الكام . وشيلت دقنه وبعض من شعر الرأس ع الانترنت. وارسلت ل داد صور مختلفه لسفيان . وداد بحث كيتير ع سفيان . وعرف من اسبوع وكلمنى وقالى أنه سفيان حد فعلا مهم ف مصر . وعرف عنوان منزله. ونزلت مصر من اسبوع وسواق داد خدنى ع عنوان سفيان ع مدار ثلاث ايام لكن سفيان مش موجود في المنزل. وداد حاول يعرف اى عنوان تانى . وجاب انهردا اتنين عنوان قريب سفيان . وبعت معي السواق . وجيت على هنا اول عنوان . وكنت سعيده اوى انى اعتذر لسفيان علشان انا تسببت في إصابته واطلقوا عليه بسببى لكنى لم اعرف ابدا أنه فى مهمه سريه . ولو كنت اعلم لكنت أكثر حرصا من ذلك . انا جيت ل اعتذر .
طبعا هيلينا بتتكلم بزعل . وصوتها كان حزين ع محرج .
———————-بقلمى Mariem Nasar
رينو : بتسمعها وجوااها متغاظ جدا . وانها مهتمه انها توصل لفهد وتسافر بلاد . وكمان اتصدمت من أنها السبب في الل حصل لفهد . وكانت عايزه تقوم تجيبها من شعرها ..
فهد : عينيه ع رينو . ومفرقش معاه كلام هيلينا. ولا عايز منها اعتذار . كل الل عايزو ان رينو تهدا . ويرجعو مبسوطين زى الاول .
مراد : سمعها . وهز راسه . والتمس ليها العذر .
آدم : سمعها . وشاف أن الموضوع كله اخد اكبر من حجمه . وانه سوء تفاهم واتوضح بشرح هيلينا .
وبص ع بنته وبردو التمس ليها العذر الغيره غريزه عند كل ست وخصوصاً لو بتعشق جوزها . لكن ف سؤال عند آدم . مين والد هيلينا وأنه قدر يوصل لفهد !؟
وكل العيله موجوده وسمعت . الشباب التمسه العذر لهيلينا . ونور وفريحه وريتال عايزين يولعو فيها . وخصوصاً فريحه الل الغيره ولعت فيها .وعايزه مراد يقوم من قدامها .
مريم : عينيها ع رينو وعذراها . وعذرا فهد . وزعلانه عليهم علشان مبيلحقوش يفرحو .
مراد : هز راسه . امم يعنى انتى جايه علشان تعتذرى لفهد . قصدى سفيان .
هيلينا : ايوه . لكن سفيان غاضب من هيلينا.
رينو : صكت ع أسنانها . الصبر يارب .
مراد : ابتسم بخبث . وغمز لفهد .وبعتله اشاره اولعها . ولا استنى شويه ؟
فهد : صك ع اسنانه بغيظ . وبعت اشاره لمراد . انه مش وقته وانجز خليها تمشي من هنا .
آدم : تمام . احنا كدا عرفنا كل حاجه منك . لكن ممكن أعرف اسم والدك ؟
هيلينا : داد اسمه . رؤوف زيدان ال سلمانى .
آدم : بدهشه .. معقول . انتى بنت رجل الأعمال المعروف .رؤوف السلمانى .
هيلينا : حست باتفائل . يِس هو داد رجل اعمال فى مصر وايطالى ودول كيتير . انت اعرفه ؟
آدم : ومين ميعرفوش . ده راجل معروف جدا .وسمعته كويسه . وآدم جواه استغرب ازاى ابوها مصري ومسلم . وسايب بنته تخرج باللبس ده ؟ لكن مهتمش وحب ينهى النقاش. طيب يا انسه . دلوقتي سوء التفاهم اتوضح . وعايز اقولك ان فهد مش زعلان وحصل خير .
هيلينا : قامت ومش عارفه تمشي ف الاسدال وكانت هتقع . وراحت وقفت قدام فهد .
رينو : برقت عينيها . وصكت ع أسنانها بغيظ . البت دى مش هتجيبها لبر انا هربيها .وجت تقوم .
نور : مسكتها . اهدي يارينو علشان بابى مايقلبش ع الكل .
رينو : قبضت على ايديها . ومستنيه رد فعل فهد .
فهد : شافها وقفت قدامه . وشاف رد فعل رينو . وغمض عينيه . ليلتك سودا يافهد الله يخربيتك ياشيخه ..
مراد : كاتم الضحكه . وقال جواه . يااااه ياما نفسي احط التاتش بتاعى . يسلااام ياض يا فهد لو هيلينا تشكرك ع الطريقه الايطاليه . عليا النعمه . مش بعيد نلم اعضائك وأعضاء البت دى من كل حته .
هيلينا : سفيان . انا اعتذر انا موش اعرف انك كنت فى مهمه سريه . وانا تسببت في إطلاق الرصاص عليك انا بيجد اعتذر .
فهد : اتنهد بنفاذ صبر ..وهز راسه . مفيش حاجه والموضوع خلص خلاص . وياريت لو تتفضلى .
هيلينا : برقه . يعنى انت موش زعلان من هيلينا سفيان انا حقا اعتذر وبتقرب تبوسه من خدو .
فهد : اتحرك بسرعه وفتح عينيه بصدمه.
رينو : شهقت . وطلعت نار . لاا لا البت دى عايزه تتربى . اوعي يانور . وقامت .
فهد : شاف رينو جايه بهجوم وبلع ريقه الله يرحمنى و يرحمها .
مراد : ايوه بقى . وريها الست المصريه . ههههه .
رينو : وقفت بين فهد وهيلينا .وزعقت بغيره . انتى ياست انتى؟ .. انتى كنتى هتعملى ايه ؟ .ما خلاص قالك مافيش حاجه . وقالك اتفضلى من هنا .
هيلينا : بعدم فهم ..انا شايفه .انتي زعلانه من هيلينا علشان سفيان .اااه .انتى مامت سفيان مش كدا . هاى مام .MoM
الكل : اتشاهد ع هيلينا .
رينو : اتصدمت .شهقت بصوت عالى . مامته !؟ انا مامته؟ . لا ياحبيبتي انا ابقى مراتووو وتعالى بقى . ومسكتها من شعرها . انا أمه!؟ انا هعرفك انا مين . انتى مش عايزه تجبيها لبر . وجايه من غير هدوم .وعايزه تبوسى جوزى ليلتك سودا.
الكل : مصدوم .
آدم : تنح وفتح بوقه . ومش مصدق . دي بنتى ؟ دي النوتيلا ؟
مريم : فتحت عينيها على الاخر . وقامت ومسكت ايد آدم . آدم انا خايفه بنتك هتقتل البنت .
مراد : ههههههههه . اديلها ع بوقها مش احنا الل نتباس ولا مؤخذا هههههه.
فهد : اتصدم . ومسك رينو بشويش من الخلف عشان بطنها والحمل . رينو . رينو اهدى تعالى بس .
هيلينا : بتصرخ . اااه انتى مجنونه . انتى مجنونه . تبا لكي ..
رينو : شهقت . وبتشتمينى كمان . طيب وشدت شعرها ونزلت بيها ع الأرض .ورينو نزلت ع ركبها ..والغيره نستها حملها . والشر والشيطان زود صحتها .
فهد : شالها من عليها . كفايه بقى البنت هتموت .
نور وفريحه وريتال . فاتحين بوقهم من الزهول ومن جواهم فرحانين اوى .
محمد : متنح وبيحاول يستوعب الل شافه ..
زين : بيفتح ويغمض . دي رينو اخر العنقود ؟ اه دي رينو الل علمت ع وليد الله يرحمك ياهيلينا .
زينب : واقفه بعيد . والفرحة نطت من عينيها . ايوه يا دكتوره جيبيها من شعرها الفرحانه بيه ده . والله نفسي اكمل عليها .
فهد : بديق حقيقي .خلاااص يا لارين وشدها .
رينو : بغيظ . سبنى . سبنى عليها . انا أمه . انا مراته فاهمه . انا مراته واطلللللعى بره .
هيلينا : بتحاول تقوم . ومتغاظه . وقامت . وبتتالم من شعرها . وجت تشتم رينو وعايزه تقولها انتى همجيه . لكن خافت منها .
مريم : بلعت ريقها بتوتر وخافت من رينو . واتحركت عند هيلينا. احم . تعالى . تعالى اقعدى استريحي . وخافت من رد فعل رينو .معلش ياحبيبتى . وندهت ع زينب . هاتى كوباية ميا بسرعه . واعملى عصير ليمون .
هيلينا : قعدت . وبترتب شعرها . وبصت ل مريم . انا مش اعرف انها ميراتو .
مريم : بصت ل رينو احم حصل خير . معلش هي بس عصبيه شويه ..
رينو : بتفرك وعايزه تروح تكمل عليها . لكن فهد ماسكها .
آدم : اتنهد بزعل . وعارف غيرة الستات ..
زينب : جابت العصير بغيظ وقالت بشماته.بهمس قولتلك البسك الطرحه وانتى مرضتيش يلا تستاهلى . اتفضلى العصير ياخواجايه .
مريم : اخدت العصير . اتفضلى اشربى العصير ده علشان تهدى .
رينو : اتغاظت اكتر . وغيرانه جداا .
فهد : من جواه احاسيس متلخبطه . وقال خلاص يارينو . حاولى تهدي علشان متتعبيش .
رينو : فكت ايد فهد . وبصتله بغيظ . وسابت الكل وطلعت ع فوق ..
فهد : غمض عينيه ومسح وشه بايديه ونفخ بديق حقيقي .
مريم : نور . اطلعي لأختك وحاولى تهديها شويه .
نور : هزت راسها حاضر يامامي . وطلعت .
مريم : قعدت قدام هيلينا . وابتسمت . حبيبتي انا مش عايزاكي تزعلى منها . لكن انتى تصرفتى تصرف مش كويس ومينفعش تعمليه !!
هيلينا : بعدم فهم . ازاى مش فاهم .
مريم : بنفس الابتسامه . انا هفهمك . دى بنتى . وف نفس الوقت مرات فهد . او سفيان زي ما بتقولى . هي مراته . وانتى كنتى عايزه وكملت بحرج . كنتى عايزه يعنى تعتذرى منه بطريقه ماتنفعش وشاورت انها كانت عايزه تبوسه يعنى . وهيلينا فهمت .
هيلينا : اهاا هي ادايق عشان كدا ؟.
مريم : هز راسها ايوه وده ماينفعش . لا ف الدين . ولا ف مصر عموما . اشربى ياحبيبتى العصير وبتمنى متزعليش منها .
هيلينا : بتشرب العصير .
وبعد شويه ..
آدم : حب ينهى الموضوع . انسه هيلينا . اعتقد كدا كل حاجه وضحت . سواق عربيتك واقف بره كل ده ؟
هيلينا : هزت راسها بلاء . انا قولتله روه انت .وانا هتصل ع داد يبعته تانى .
آدم : علشان يخلص وتمشي . لا مالوش لازمه . عنوان شركة والدك معروف . انا هبعت معاكى حد يوصلك لحد باب الشركه .
هيلينا : وقفت اوكي . انت جينتل مان اوى . سو هارت .
مريم : غمضت عينيها . استغفر الله العظيم يارب . شكل كدا الدور عليا وابقى مكان رينو .
مريم : شرفتينا ونورتينا ياحبيبتى . وبصت ل آدم . بغيره . انده ع رعد يوصلها مش معقول كدا .
آدم : قلبه بيرقص . ها . اه . ماشي . ونده ع رعد .
رعد : جه أوامرك ياباشا .
آدم : معلش هتعبك . تاخد الانسه . وتوصلها لشركة رؤوف السلمانى .
رعد : شافها بالاسدال . وقلبه دق . لكن انبته لشعرها الل مش مترتب.
آدم : ايه يارعد . اقول تانى؟
رعد : ها .تحت امرك يا باشا . اتفضلى يا انسه.
هيلينا : اوكي ثانيه واحد . وجت تقلع الاسدال . فريحه جريت عليها . انتى هتعملى ايه .
هيلينا : انا هقلع ده بتاعكو انتو انا موش بلبس كيدا .
فريحه : صكت ع أسنانها . لا ياحبيبتي ده هديه مننا ليكي . خليكى لابساه لحد ماتطلعي من هنا . وبعدها اقلعيه برحتك . ويلا بقى انتى عملتى الل عليكى وزياده .
مراد : همس ف ودن فريحه .بخبث . ماتسبيها ع راحتها يافريحتى .
فريحه : بصتله وكشرت عينيها . مووراااد . انا مش بضرب وبس لأ دا ادفنها حيه .
مراد : احبك ياشرس .
هيلينا : اوكي . وجت تمشي ومدت أيدها ل آدم تسلم عليه .
مريم : بسرعه سلمت عليها . شرفتينا .
هيلينا : استغربت . وجت تسلم ع زين .
زين : بص ع ريتال . واتخض .
ريتال : هجمت مره واحده بغيظ . وسلمت عليها . ماخلاص بقى . انتى عايزه الكل يضربك .
هيلينا : اوكي . اوكي . وبصت لفهد .
فهد : بتحذير خليكى عندك مبسلمس ع حد .
رعد : انقذ الموقف . اتفضلى يا انسه علشان أنا عندى شغل اتفضلى ..
هيلينا : بصت للكل . اوكي انا مبسوط كتير اوى انك كويس بخير سفيان بااااااااي .
الكل . اتنهد باريحيه اول ما خرجت ..
———————-بقلمى Mariem Nasar
رينو : اول ما طلعت اوضتها قلعت النقاب والحجاب . ورايحه جايه . وبتتنفس بغيظ . ومتنرفزه ع الآخر .
نور : خلاص يارينو بقى . اهدي الموضوع كان سوء تفاهم مش اكتر ..
رينو : حاطه أيدها ع بطنها ..وقالت بغيظ . بت قليلة ادب . جايه من ايطاليا مخصوص علشان تقوله اسفه . اااه . عايزه اكلها بسنانى . عايزه اولع فيها . وبصت ل نور . شوفتى لبسها . ها ؟ شوفتى بتقول ايه ؟ لا وكمان عاااايزه تبوس جوزى . ااااه انا عايزه اقتلها ااااه ينارى .
نور : حبيبتي . انا حاسه بيكى والله . لكن فهد ذنبه ايه ف كل الل حصل ده .. تعالى . تعالى اقعدى كدا .
رينو : بدموع . لا مش قادره اقعد .بطنى وجعتنى . وعيطت .
نور : رينو . انتى بتعيطى ليه دلوقتي؟
رينو : بعياط هيسيترى . مش عارفه . انا مخنوقه اوي ومتغاظه .
نور : حضنتها . بس ياحبيبتى . انا عارفه وحاسه بيكى . ودي هرمونات الحمل . حاولى بس تهدى نفسك كدا .
رينو : شوفتى فهد كان عامل ازاى لما شافها
نور : رينو فهد مظلوم . والبنت حكت كل حاجه . وانتى شوفتى رد فعل فهد لما بابى كلمك . شوفتى زعقلها ازاى وطردها ؟
رينو : بشهقات . بابى زعلان مني كمان . ودلوقتي انا ضربتها . وف وجود بابى ومامي والكل . واكيد زعلان مني. وعيطت اكتر انا مخنوقه اوي يانور ..
الباب خبط .
نور : لبست النقاب . وفتحت وكان فهد .
فهد : بعد ما هيلينا مشيت . طلع ل رينو ع طول.
نور : ادخل يافهد . وقالت طيب يارينو حاولى تهدي كدا . المفروض اكون ف البيت دلوقتي . وباستها . هتصل عليكى لما اروح اوكي فوقى كدا .
رينو : هزت راسها ومرضتش .
نور : همست لفهد . حاول تعزرها انا لو مكانها كنت قتلتها من غير تردد . وغير كدا رينو حامل وهو الل قالب مزاجها كدا اوكي .
فهد : اتنهد وهز راسه ماشي .
نور : نزلت .
فهد : قفل الباب بالمفتاح . وقرب منها .
رينو : واقفه وبتعيط بشهقات بسيطه . وعيونها حمرا . ووشها احمر من العياط .واتحركت بعيد عن فهد .
فهد : شاف شكلها . وزعل علشانها وقرب منها تانى . رينو ممكن نتكلم .
رينو : مردتش عليه وحطا أيدها ع بطنها وبيتعيط ..وزعلانه .
فهد : شافها بالشكل ده . ومن غير مقدمات . شالها مره واحده ودخل بيها الحمام .
رينو : شهقت . لكن معلقتش وفضلت ساكته .
فهد : نزلها قدام الحوض . وغسل ليها وشها وجاب الفوطه ونشف وشها . وشالها وخرج ونزلها قدام التسريحه . ووقف وراها . وحضنها من الخلف .
رينو : واقفه . وجواها مدايقه من البنت دي .
فهد : رفع وشها للمرايه . بصي كدا .
رينو : رفعت عينيها . وشافت وشها . وفهد .
فهد : شوفتى انتى شبه الملايكه ازاى ؟ بقى بزمتك ف ملاك كدا . يأكل البنى ادمين . انتى رنيتى البت العلقه التمام . وهمس في ودنها بس تعرفي . انا فرحان اوى انك ضربتيها . انتى نيمتى البت ع الأرض ونزلتى فوق منها وطلعتى شعرها ف ايديكى مفتريه قمر.
رينو : غصب عنها ابتسمت . ورسمت الجديه تانى .
فهد : لفها ليه . وبيرتب شعرها . رينو انا معرفش البنت دى . وهي شرحت كل حاجه. وانتى سمعتيها قالت ايه .. انا ميهمنيش اى حد ف الدنيا غيرك انتى وبس . وصدقينى انا ولا يفرق معايا مليون زيها . انتى حبيبتى وبس . عارفه ؟
رينو : ….ساكته .
فهد : مسكها من أيدها تعالى اقعدى . وقعدت وفهد نزل قدامها على ركبه . . وباس بطنها .
وحط ايدو ع بطنها . ورفع وشه ليها . رينو اتكلمى قولى الل جواكي . انتى واثقه ف الفهد ؟ ولا انتى ممكن تتخيلى ان فهد يبص لواحده غيرك ؟ أو يفكر حتى ؟
رينو : هديت شويه . لا يا فهد انا واثقه فيك جدا . وقالت بدموع . البنت دي قليلة الأدب اوى لبسها جرئ جدا. وداخله تسال ع جوزي . وتقول انه صديقها المفضل . وكمان قطعت مسافات علشان تعتذر . ومش بس كده دى عايزه تبوسك !!! اى عقل ف الموقف ده هيفكر ف الثقه ؟ وعيطت بشهقات انا مخنوقه اوي يا فهد .
فهد : قام وقعد جمبها واخدها في حضنه . حبيبتى علشان خاطرى بطلى عياط . وخلاص الموضوع خلص وهي مشيت من هنا . ومش هترجع تانى . اعتبرى كل ده من الماضي . ورفع وشها ومسح دموعها . وابتسم . يعنى انا ف امان منك دلوقتي . مش هتولعي فيا . ولا هتعلمي عليا .ولا هتقتلى فهد حبيبك ؟
رينو : اترمت ف حضنه . وغمضت عينيها .
فهد : ابتسم . وضمها لقلبه .ومسد ع شعرها .
رينو : فهد ..
فهد : قلب الفهد .
رينو : بابى زعلان مني ..
فهد : بصراحه ليه حق . لكن آدم عقله كبير . انتى بس انزلى واعتذرى منه وهو هيضعف قصاد مصاصة الدماء . نوتيلا البيت هههههههه.
رينو : خبطته ع كتفه . انا مصاصة دماء.
فهد : بيمثل انها وجعته . اااه ايدك تقيله . ايوه مصاصة دماء . دى مريم خافت منك ههههههههه .
رينو : ابتسمت . انا عايزه اعتذر من بابى ..
فهد : طيب البسي الحجاب والنقاب . واعتذرى من آدم . وغمزلها علشان اخدك ع عشنا . ف كلام كتير عندي عايز اقوله .
رينو : اتكسفت ووشها بقى احمر . وسكتت.
فهد : قرب منها وباسها ..بحبك يا مجنونه.
رعد : بيوصل هيلينا . وشاف شعرها مش مترتب . ووشها احمر . والفضول هيقتله عايز يعرف ايه الل حصل معاها .
هيلينا : كسرت الصمت . قولى رأد . ليه الست المصريه تتدايق لما بنت تانى تبوس جوزها ..
رعد : فرمل العربيه . وركن ع جمب وبصلها انتى قولتى ايه؟ وبرق عينيه انتى عملتيها !!!؟
هيلينا : هزت كتفها نو . لأ سفيان رفض انى ابوسه . وميراته همجيه .
رعد : من جواه ادايق . ولكن هو مدايق ليه . وقالها ايه الل عمل فيكي كدا؟
هيلينا : بزعل . ميراته هجمت عليا وشدت شعري كيتير .
رعد : ممكن تحكيلى الل حصل بالظبط لو مش يدايقك يعنى ؟
هيلينا : نو انا موش ادايق . وحكتله كل الل حصل بالتفصيل .
رعد : بيسمع ومدهوش . وبعد ماخلصت . ف اللاوعي كلمها بصوت جهوري . انتى جايه من ايطاليا مخصوص علشان تقابلى فهد وتقوليله اسفه . لأ وكمان جايه باللبس ده . وزعق فين اللبس الل انتى لابساه . لابسالى حتة شورط وتوب مالهمش اى لازمه. وداخله بيت فيه شباب من غير ابوكي مايكون موجود معاكى. وابوكي فين من كل ده . بيجمع ف الفلوس وسايبك كده ؟ ولا الانكت من كدا عايزه تبوسي الراجل وقدام مراته . والله الواحد بقى بيشوف العجب ف الايام دي . عارفه ؟ انتى عايزه واحد يربيكي . عايزه واحد يكسرلك ضلع علشان تتلمي ويعلمك الأدب. وايه ده ؟ ايه شعرك ده؟ وجسمك الل كل الناس شايفاه ؟ مبسوطه بنفسك ؟ ماله الاسدال عليكى . لأ وعايزه تقلعيه قدام الناس عادى كدا !! ابوكي لما علمك تتكلمى عربي معلمكيش أن ف عيب وصح عيب وحرام . اسمعي يابت انتى . انا لا يفرق معايا انتى بنت وزير ولا بنت غفير . انا هوصلك عند ابوكي . ومشوفش وشك تهوبى عند فيلا العدوي تانى فاهمه !!!
هيلينا : بتسمع رعد . ومدهوشه بفرحه . واو رأأأد انت خمشش اووووى . انا خبيتك اوى رأد.
رعد : صك ع اسنانه خمشش؟ . دا انتى بارده . وشغل العربيه . وساق بسرعه .
نور : لما نزلت اتكلمت معاهم وقالتلهم يجماعه اعذرو رينو . كل ده من الضغط النفسى الل مرت بيه قبل كده . وكمان هرمونات الحمل بتعمل اكتر من كدا ! وبصت ل آدم . رينو اكتر حاجه مزعلاها . ان بابى زعلان منها . ارجوك يا بابى متزعلش من رينو . ودي اول مره حضرتك تكلم حد فينا كدا . انا عارفه انها اتصرفت غلط . لكن ارجوك متزعلش منها .
آدم : هز راسه. متقلقيش انا هتصرف ..
محمد : قام . طيب ياجماعه . يدوبك نروح . وسلم ع الكل . واخد نور وتيم وتمارا ومشيو.
رينو : نزلت بعد ما فهد خلاها تهدى شويه. وفهد نزل معاها .
رينو : نازله مكسوفه ورفعت النقاب لأن محمد مش موجود . لكن عينيها لسه حمرا . ووشها احمر ومتغير من الزعل وبصت ل فهد ومكسوفه وزعلانه.
فهد : مسك ايدها . وطمنها وقربها من آدم .
آدم : قاعد .ومتجاهل رينو خالص وبيتكلم مع مريم ومراد ..
رينو : بدموع . باابي .
مريم : بصت ل آدم بزعل وهزت راسها علشان خاطرى متزعلش من رينو .
آدم : اتنهد . وسكت ..
رينو : دموعها نزلت . وقعدت جمبه . بابي انا اسفه .
آدم : قلبه بدء يحن . وغمض عينيه واتنهد. رينو . تصرفك من البدايه كله غلط فى غلط
جوزك كلمك وقالك أنه ميعرفهاش . واخوكي الكبير قالك اقعدى وانا هشرحلك كل حاجه . لكن انتى محترمتيش كلمتهم . وبعدها ضربتى البنت . انا مش مصدق ان الل كانت بتضرب دى رينو بنتى الرقيقه الل انا مربيها احسن تربيه . وتسيبى الكل وتطلعي . حقيقي صدمتينى فيكى .
مريم : اتنهدت بزعل لأن آدم كان شديد في كلامه . وزعلت ع بنتها لكن سكتت.
رينو : عيطت . بابى ارجوك انا مقصدش كل ده .غصب عني عملت كل ده . انا اسفه . انا. انا . وشهقات بصوت عالى . ارجوك يا بابى حضرتك عمرك مازعلت مني.
فهد : مدايق جدا من عياطها بالشكل ده .
مراد : قام وقعد جمبها . وضمها لقلبه . بس يارينو انتى تعبانه .
رينو : بعياط ارجوك يا ابيه قول ل بابى انى مقصدش .
مريم : بصت ل آدم بلوم وعتاب . وسكتت.
آدم : اتعدل . واخدها من حضن مراد وضمها بحنان . بس ياحبيبتى خلاص .
رينو : كلبشت ف آدم . بابى انا اسفه والله مش قصدى انى اكسر كلمة حد . وخصوصاً حضرتك . بابي ارجوك .
آدم : مسد ع حجابها . خلاص ياحبيبت ابوكي . انا عارف ان رينو بنتى متعملش حاجه زي دي ابدا بقصد منها . وباس جبينها . ومسح دموعها . وحب يفكها . انما ايه يا رينو ده ؟ جبتى البت تحت رجلك .
رينو : مسكت ايد آدم وباست عليها . ارجوك يا بابى اوعى تزعل منى تانى . انت ومامي وفهد واخواتى . زعلكم بيقتلنى . ارجوك .
آدم : خلاص ياروحي . اهدي مفيش حاجه . وأوعي تزعلى فهد . فهد ده راجل من ضهر راجل . عمرو ما يفكر انه يعمل حاجه تغضب ربنا . وبص ل فهد لو زعلتك قولى .. لكن ياويلك لو انت الل زعلت نوتيلت البيت .
فهد : ابتسم بحب . رينو ف عينيه ياعمى .
مريم : بسعاده . يازينب . هاتى عصير ل رينو وفهد . بدال الل وقع منه ع الأرض.من الخضه .
كلهم ضحكو ..
فهد : قعد جمب مراد . لا بس انت خلفت ظنى فيك .انا قولت دي فرصه جت لغريمى ع طبق من دهب .
مراد : وحياتك مجبر يسطى . انا لو مش آدم وحمل رينو . كنت لبستك ف الحيط .
فهد : طول عمرك واطي .
مراد : همس بخبث . انا واطي . تحب اوريلك الوطيان على أصوله واحكيلها عن جيسيكا !!؟
فهد : كشر عينيه . منك لله يامراد .
مراد : هههههههه . حبيبى يافهوده .
———————-بقلمى Mariem Nasar
بعد شويه . ف شقة محمد عزيز .
محمد : خارج من الحمام . ها ياحبيبتى اطمنتى ع رينو ؟
نور : قدام المرايا . ايوه ياحبيبى . اتصلت عليها . وقالت إن كل حاجه تمام . وهما دلوقتي لسه واصلين البيت .
محمد : قرب منها ولفها ليه . اممم طيب الحمد لله . كنتى قلقانه ع مفيش .
نور : رفعت ايديها وحاوطت رقبته . اممم الحمد لله . اممم حبيبى مش هتقولى بقى؟
محمد : اقولك ايه؟
نور : بطفوليه . انت قولتلى أن ف مفاجأه . ولما نروح . قول بليزززز بقى .
محمد : حاوطها من وسطها .وباسها برقه هو تيم وتمارا نامو ؟
نور : ابتسمت . اممم نامو .
محمد : شالها . ونور شهقت بصوت مهموس . ونزلها ع السرير . وحشتينى .
نور : بحب وانت كمان وحشتنى اوى . مش هتقولى بقى ع المفاجاه ..؟
محمد : بيقرب منها وبيتكلم . هنسافر انا وانتى . اسكندريه 10 تيام . انا اخدت اجازه علشان اقضيهم مع نورى بنتى وحبيبتي وروحي .
نور : قلبها بيدق من قرب محمد منها . وفهمت سبب انه قال ف الجنينه بلاش اسكندريه دلوقتي .. واتكسفت . وكمان فرحت جدا . احم بجد ياحماده .
محمد : بدء يخدرها . بجد ياقلب حماده ..
…..
رينو : نايمه ع السرير . وعندها صداع شديد من العياط واليوم كان مرهق جدا ..
فهد : دخل عليها . وشايل صنيه فيها كوباية اللبن . وقعد جنبها . اتفضلى ياقلب فهد . شوب اللبن ده تشربيه . واخدك ف حضنى وننام .
رينو : لا يا فهد مش قادره . انا عايزه مسكن . راسي مصدعه اوى .
فهد : طيب اشربى دي . وانا هعملك مساج خفيف ف راسك . وهتنامي بهدوء .
رينو : هزت راسها لأ مش عايزه.
فهد : حط الصنيه ع الكمود . انتى مبتسمعيش الكلام . وعدلها . وقعد خلفها . ورجع راسها ع صدره . وبدء يدلك جبينها بحنان .
ورينو : استكانت وغمضت عينيها ..
فهد : باس شعرها . بحبك اوى يارينو .
رينو : اتنهدت . وانا بموت فيك يافهد .
فهد : مسك شوب اللبن . طيب بما انك بتموتى فيا اشربي من ايدى .
رينو : هزت راسها . وشربت من ايد فهد . ومسح بوقها بالمنديل .
فهد : هتاكلى الشوكليت بتاعتك دلوقتي .
رينو : لا لا يافهد ارجوك . مش قادره . لو اكلت حاجه هرجع . حبيبى بجد انا تعبانه اوى وعايزه انام ..
فهد : اتعدل . وطفا الاضاءه . واخدها كلها في حضنه . ومسد ع شعرها لحد ما نامت .. وفكر أنه لازم يخلي رينو مبسوطه . ويعيشو مع بعض بسعاده . وابتسم وباس جبينها . ونام .
..وبعد اسبوع سعاده وهنا ع فهد ورينو..
فهد : ورينو ف المطبخ .
رينو . قاعده ع تربيزة المطبخ . وبتشرح لفهد . طريقة الكيك . وهلكانه ضحك ع شكل فهد . وهو متلخبط .
فهد : لابس تيشرت اسود . واتبهدل دقيق . ومحتار .
رينو : هههههههه تعالى يافهد نزلنى . انا هساعدك .
فهد : شالها ونزلها ..انتى بس لو تبطلى تضحكى . انا هعمل كل حاجه مظبوط . ضحكتك ملخبطانى .
رينو : هههههههه . حجة كل مره . تعالى ورايا .
فهد : اسنتى استنى . قلبى بيدق بسرعه . شوفى كدا .واخد راس رينو ع قلبه .
رينو : فين يافهد دقات قلبك منتظمه .
فهد : خلاص كدا تمام .
رينو : اتعدلت . ومش فاهمه .
فهد : هههههههه . ههههه وجاب المرايا . بصي كدا ..
رينو : بصت وشهقت . لأن تيشرت فهد عليه دقيق . ووش رينو وشعرها . جه عليه دقيق .
وكشرت عينيها . وبصتله بشرز . ومسكت شوية دقيق ورشت ع فهد . انت تعمل فيا كده .
فهد : تفادي الدقيق . وجري من قدامها . ورينو بتجري وراه . بشويش . انا هوريك يافهد . انا مش هرحمك ..
فهد : هههههههه هههههههه . مش قادر ههههه
رينو : والله ماشي . انت لازم تتعاقب .
الباب خبط .
فهد : فتح الباب واتصدم . هيلينا !!!!؟ ——