رواية عشق الفهد الفصل الثاني والعشرون 22 بقلم شيماء ناصر
رواية عشق الفهد الجزء الثاني والعشرون
رواية عشق الفهد البارت الثاني والعشرون
رواية عشق الفهد الحلقة الثانية والعشرون
22💜🧡
سيد بزعيق: اي الي بتقوليه علي بنتي ده؟
نورهان: والنبي ياحج انا قولت الي شوفته بعيني المهم صلح غلتطهم عشان سرتنا متبقاش علي كل لسان
ساره كانت واقف في الاوضه مصدومه من كلام مرات ابوها….
بابا اسمعني مفيش اي حاجه من الحاجات الي قالتها دي انا عمري ما اكسر ضهرك
سيد قعد علي الكنبه بيحاول يستوعب….
نورهان بتصنع قعدت جنبه: متعملش في نفسك كده ياحج احنا ملناش غيرك
ساره لسه بتمسك التلفون شده منها بسرعه
سيد: اي هتكلميه؟؟؟ هو انتي ملكيش كبير ولا اييي
ساره بخوف منه برجع لي وراء
سيد بصوت عالي: انطقي اسمه اي….. اخلصيييي
ساره بارتباك: هتعمل اي يابابا
سيد: هيكتب كتابه عليكي ويخدك معاه انتي ملكيش مكان في البيت ده مسجلاه اي علي الفون اخلصييي
ساره تقول اسم يوسف وسكتت: بابا افهمني انت مكبر الموضوع مينفعش تعمل فيا كده
سيد: ما انا دقه قديمه وانتوا الجيل المهبب الي كل حاجه عنده انفتاح وحريه……. قلب في الفون وشاف اخر مكالمه من رقم…..
=يوسف صح اجهزي عشان كتب كتابك انهارده وبعدها انتي لا بنتي ولا اعرفك …. وشد الباب قفله عليها
ساره بتخبط علي الباب: لا يابابا والنبي ما تعمل حاجه نهار اسود هو ذنبه اي يابابا خليني اشرحلك انت فاهم غلط…… منك لله يانورهان منك لله
فهد نزل من الفندق وهو ماسك ايد عشق
=انا اسف عشان صدقت الكلام الي اتقال عليكي
عشق ببرائه: يعني مبقتش تشك فيا لقيت دليل صح مش هتطلقني
فهد فتحلها باب العربيه وركبها وركب جنبها: اه شوفت الدليل بعيني لما قربت منك فوق
عشق بخجل بصت علي الشباك ومتكلمتش
فهد بابتسامة جانبيه: كنتي بطل
عشق بتفرك في اديها: انت قليل الادب علي فكره
فهد بغمزه ليها: عارف…… وساق العربيه علي المطار
في القصر 💜🧡🧡
مروان قاعد في الجنينه بيشرب قهوه…. بينما حور كانت بتجهز نفسها
حنان: يلا انتي وهي جهزو الغداء
منه باستفسار: جايبه اللبس ده مين؟
حنان: اشتريته
منه: شكله غالي
حنان: ميغلاش عليا يلا اخلصي وبطلي تبحلقي فيا…. وسبتهم وخرجت
جنة بهمس: شوفتي بعينك عشان تصدقي احنا لزم نعرف البيه بكل حاجه
منه: معاكي حق بس حنان مش سهله وانا خايفه منها
يوسف كان في مكتبه لما شاف مكالمه من ساره
=الو ياساره انتي كويسه
سيد: معاك الحج سيد ابوها
يوسف: اهلا ياحج
سيد: عاوزك تيجي بليل وطبعا عارف البيت مش محتاج اوصفهولك سلام…..
يوسف: الو الووو……
اي الي حصل؟ وعايزني لي
بعد ساعه كان فهد وعشق في الطريق للقصر
فهد مسك ايد عشق وهو بيسوق: المدرسه قربت
عشق بفرحه:انا مبسوطه عشان هروح طب هنروح امتا نجيب لبس للمدرسه
فهد بمكر:انا جبتلك اللبس
عشق بكسوف سحبت اديها من ايده: شكرا
دخل فهد القصر وهو ماسك ايد عشق مروان شافهم من بعيد
=ربنا يفرحكوا يابني واشوفك مبسوط علي طول
فهد: ازيك يابابا
مروان: مش انا قايلك يالا تقعد شهر تتبسط انت ومراتك
فهد: مكنش ينفع بعد ما عرفت ان حور تعبانه عشان كده جيت
مروان: حور تعبانه؟ دي زي ال…..
قطعت كلامه حور وهي نازله علي السلم
=حمدالله على السلامة ياحبيبي
فهد راحلها: الله يسلمك ياقلبي
حور راحت في حضنه: تعبانه قوي ومش عارفه مالي
فهد: مروحتيش لدكتور لي؟
حور بغيظ وتصنع الزعل: اروح ازاي لوحدي وانت مكنتش موجود ولا فاضي ليا
عشق: الف سلامه عليكي
حور مردش عليها واكتفت بانها بتبصلها بحقد وبس
مروان: اكيد جاين علي لحم بطنكوا اقعدوا نتغدا يلا
كلهم قعدوا علي السفره عشق كانت غيرانه من اهتمام فهد الزياده لي حور وبياكلها
مروان بهمس: الصغنن زعلان لي؟
عشق بصت لي فهد وحور ورجعت بصت لي مروان: مش زعلانه ياعمو
مروان: لا زعلانه انا عارف ان الواد ده مزعلك
عشق: لا مش مزعلني
حور: عطشانه ياحبيبي
فهد بص لي عشق: هاتي المايه الي عندك دي
عشق مدت اديها بالمايه لي حور
حور رمتها وحطت اديها علي بوقها وقامت بسرعه
فهد بخضه: حووررر
مروان: هي راحت بسرعه لي كده
عشق: شكلها هترجع
فهد قام وراح وراها واتصل بالدكتوره لما شاف حور فعلا بترجع
=اهدي ياحبيبي
حور حطت اديها علي بطنها بتعب: مش قادره تعبانه……
يوسف بليل راح علي بيت ساره
استغرب لما شاف في انوار متعلقه علي العماره وفي اغاني شغاله
نورهان: قومي اغسلي وشك وبلاها دموع التمسيح دي والبسي فستان عشان عريسك جاي دلوقتي
ساره راحت وقفت قدامها: انتي طنتك اي متسحيل تكوني بني ادمه الراجل مغلطش في حاجه معايا عشان يصلحها وانا مغلطش في حاجه كل ده علشان وصلني علي البيت……. قولي بق انك بتعملي كده علشان تخلصي مني
نورهان وقفت قدام المرايا بتعدل مكياجها…..
هو انا لسه هقول انا عملت خلاص ودي اخر ليله ليكي انا عاوزه البيت يفضالي واخد راحتي
ساره: ابويا لو عرف بعماليك دي هيطلقك
نورهان: حوش حوش ومين الي هيعرفه انتي….. انتي يالي نزله من عربيه راجل غريل قدام الجيران الاحسن تحطي لسانك جوه بوقك وبعدين المفروض تشكرين
ساره بسخريه: اشكرك علي اي؟
نورهان: هتتجوزي وتتستتي بسببي
ساره: وانا مطلبتش منك حاجه
يوسف دخل البيت وشاف الناس والاغاني
=مبروك ياعريس……. يانورهان العريس جه
يوسف: عريس مين؟
نورهان: اروح انا بق وانتي الحقيني ومتطلعيش بمنظرك كده وانا قولت اهو عشان ابوكي ميعملش حاجه تزعلك ياعروسه
سيد: منور ياعريس
يوسف كل ده وهو مش فاهم حاجه بتحصل: في اي ياجماعه عريس مين الي كل شويه حد يشوفني يقولي ياعريس
سيد خده وراحو بعيد شويه عن الزحمه واكمل بنبرة غضب
=هتصلح غلطتك وتتجوز بنتي
يوسف بصدمه: نعم؟ غلطت اي الي هصلحها وجواز مين الي حضرتك بتتكلم عليه انا مش فاهم حاجه
سيد: اها ما انا عارف انك هتقول كده انت مش ماشي من هنا غير وانت كاتب الكتاب والبت في ايدك
يوسف: تمام وانا بق عايز اكلم ساره هي فين
سيد خده وقعده بره وبعت حد ينده لي ساره….خرجت ساره من اوضتها وسط الاغاني والزغريط من الجيران وقرايبها
=مبروك ياحبيبتي ربنا يتمملك علي خير
يوسف قام وقف وشدها من دراعها وراحو البلكونه…..
يوسف بحده وهو باصص ليها وهي لبسه فستان الفرح وحاطه الميكب
=ده الموضوع جد بق ممكن افهم في اي وجواز مين الي ابوكي بيتكلم عليه
ساره بصت لي يوسف بترجي واسف: اسفه علي الموقف الي حضرتك اتحطيت فيه ابويا شاكك فيا وفي تربيته وانا في نظره مش كويسه علشان الناس شفوني نازله من عربيتك وسمع*ته في الارض بسببي ومرات ابويا قالت اني انا وانت بنحب بعض قالت كلام محصلش لي ابويا عشان كده هو جابك…. واكملت بعياط… انت مش مجبور علي حاجه انا اسفه علي الي حصل كله سوء تفاهم وانا هحاول احله انت امشي من هنا
يوسف مسح علي وشه وبص لي سيد وشافه قاعد مع المازون وهو حاطت ايده علي راسه…. يوسف مسك ايد ساره خرجو من البلكونه وراح قعد جنب سيد
يوسف وهو باصص لي المازون: اتفضل ياشخنا دي بطاقتي
ساره حركت راسها بالرفض: لا يابابا كل ده غلط وسوء تفاهم والله افهمني
يوسف بص لي سيد ومد ايده في ايد سيد: وانا موافق اتجوز بنتك
نورهان بزغريط: اللولوللولولييي مبروك
في القصر💜🧡
الدكتوره خرجت من جناح فهد وعلي وشها ابتسامه
فهد: هي كويسه اي سبب الترجيع ده
=مبروك لحضرتك المدام حامل …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الفهد)
